Sun Feb 25 2024 11:52:52 GMT-0400 (Atlantic Standard Time)

30/01.txt

@@ -0,0 +1 @@
+\c 30 \v 1 Inaitjaotsa apana altar imjaita carroatsa lrinaco incienso. Inaitjaotsani jaico acacia shó. \v 2 Inaitjaotsani coatro dalri yécoa. Yamaita pacaapi jliwalripaca, yamaita pacaapi tsakja lrimacaiteca njite coatro pacaapi lriyenonca. Njite njaji lritsowa apetsaotsa irroa lrinaco

30/03.txt

@@ -0,0 +1 @@
+\v 3 Iñjetaotsa owirro matsiadalri shó pjiomi lridaki, njite lriipana, lritsowa tsacka. Njite inaitjaotsa lridanao owirro shó. \v 4 Inaitjaotsa lrinomapi yapjite yamemape yamapoco jlinacojlico owirro shó ipapi carrona. Njaji jlinacolrico, sheta carrona jaico iwakje carro idee cadanacon.

30/05.txt

@@ -0,0 +1 @@
+\v 5 Inaitjaotsa njaji iwakje carrona jaico acacia shó njite iñjetaotsa nanaco owirro shó. \v 6 Icadaotsa lriemawa jliaji altar imjaitacarrona incienso lricodapi jliaji patowana yacoti kjaidaperri yarroda, lridanam jliaji yamacati idanatacadana. Lripanaita icao jliaji idanataita jliaji patowana yacoti kjaidaperri yarroda, naarrocawa maaficalri írrana nacó, Noketacalriotsa iinai ninio.

30/07.txt

@@ -0,0 +1 @@
+\v 7 Aarón irsotsaotsa imjaitaca incienso pomeniperri piyompinaco icoam. Lrimjaitaotsana lrimatsieta cádanaco lámpara. \v 8 Aarón iyata cádanaco lámpara dainomajle, icatsa lrimjaitaca tsenakja incienso lrinaco jliaji altar. Caidalritsa irsotsa imjaitacana nopjeyajle, Njoa IMINALRI. Caidalritsaotsa nanaitjaca njaji walricomanai pinakjoiteperri, njaji inaiki aimadan. \v 9 Corriotsa imjaita carroca padatairri incienso lrinaco jliaji imjaita carrona incienso, corrin tsakja coadalrica ofrenda, corrin tsakja ofrenda comaana naco. Márrotsa lrinaco coadalrica irraoda lrinaco icadanda ofrenda shó.

30/10.txt

@@ -0,0 +1 @@
+\v 10 Aarón irsotsa iinoca maaficalri namatsicana ikjaote njaji inaiki lrinaco jliaji altar inciensona papiátsa pawalria icoami. Lrinaitjaotsa cayó nasho njaji írranati nanakjoite njaji maaficalri nacadaji ofrenda shó namatsicanaa ikjaote. Caidalritsaotsa nanaitjaca njaji sacerdotenai iapiyawalre walricomanai pinakjoiteperri, njaji inaiki aimadan. Jliaji ofrenda inaijalri, irsotsa inaitjaca Norsowalreo catsa, Njoa IMINALRI.''

30/11.txt

@@ -0,0 +1 @@
+\v 11 Dio icaite Moise irso: \v 12 ''Piniwetaca icoam namaimaca njaji iraelitanai, narsotsa nacaoñacacawa nanacowaca nacoamitsa njaji inaiki Dio irso. Wadee maatsidalri jiwacawa nanaco naniweta cayaminana. \v 13 Pjiomi njaji naniwetaji narsotsa nacaoñaca cinco gramo palraata, nawinda matsia jimiñaca cayoji njamiñata capisho Dio iipana lrico, pamoyoa die gramo irso. Jliaji cinco gramo, icatsa ofrenda Noyadaoca, Njoa IMINALRI. \v 14 Iniwetaotsa njaji irsocapena ventewalria napekirrica nacó ipeyajle, njite pjiomi njaji narsotsa naaca Norso, njaji ofrenda nocaiterri inaco.

30/15.txt

@@ -0,0 +1 @@
+\v 15 Njaji inaiki ná cádanaco Norso jliaji ofrenda nacoadao, njaji cananíperri naawatsa cinco gramo palraata, njite njaji kjenaperritsa tsopjatsa naaca. \v 16 Jipaotsa njaji palraata nanda njaji iraelitanai nacoada nacowaacatsa, njite icaotsa idejí cádanaco jliaji panti iwacaaca carroda lrico. Icatsa pada Wa-Minalri iwada carrodao coanpiaca nacaoñacacawa njaji lrinaikite aimadan.''

30/17.txt

@@ -0,0 +1 @@
+\v 17 Wa-Minalri iaco Moise irso: \v 18 "Pirsotsa pinaitjaca apana ooni yarrodao broncepe shó njite lriema carronao bronce shó tsakja, icada carrodao ooni icotsoaca carrodao. Picadaotsa lriemao iwacaaca carroda lrico ioyawaaca lriapiya jliaji altar, njite pikjantaotsan ooni shó.

30/19.txt

@@ -0,0 +1 @@
+\v 19 Aarón njite njaji lrienipe narsotsa nacotsoca nacaapi njite njaipa tsakja lri-ricoda. \v 20 Shewa cádanacoa iwacaaca carroda lrico o itsoomita cádanaco jliaji altar idejí-carro Norso imjaitá-carro ofrenda, irsotsa icotsocacawa ooni shó wadee mayamica shá. \v 21 Narsotsa nacotsoca njaipa njite nacaapi wadee mayamicana. Pada yaacoti kjaidadalrica Aarón irso caidalriwenatsa njite narso njaji jliapodamperri lrinakjoite-perri.''

30/22.txt

@@ -0,0 +1 @@
+\v 22 Wa-Minalri iaco Moise irso: \v 23 ''Piomaotsa njaji pomeniperri: cinco mil quiniento gramo icoa mirra yána, do mil seteciento cincoenta gramo icoa jaico idope pomeniperri njite potiyadalri, do mil seteciento cincoenta gramo icoa tidoapa potiyaperri njite matsiaperri iitan, \v 24 cinco mil quiniento gramo icoa casiape, nawinda matsia jimiñaca cayoji njamiñata capisho Dio iipana lrico, njite wadeepe coatro litro aceite njetanda jaico oliva ioya. \v 25 Pikewitaotsa njaji piniwalri cayoji lrinaitja capisho jliaji inaitjacada pomeniajai, pinaitjá carroatsa panja aceite matsiadalri pjienitanda Norso.''

30/26.txt

@@ -0,0 +1 @@
+\v 26 Piarroatsa lrisho jliaji aceite jliaji panti iwacaacalri niinio, cayo tsakja jliaji patowana yacoti kjaidaperri iarrona, \v 27 mesa tsakja, pjiomi njaji idejishopa, jliaji lámpara aimadalri jitaco njite pjiomi njaji lrinacoperri, jlia tsakja jliaji altar imjaita carrona incienso, \v 28 jlia tsakja jliaji altar namjaita carrona ofrenda njite pjiomi lrinacoperri, jlia tsakja jliaji ooni yarroda njite jliaji lriema carrona.

30/29.txt

@@ -0,0 +1 @@
+\v 29 Cayoatsa shenetacana matsia carroatsa Norsowaona. Coca cadaotsa inótana matsiadalri tsakjaotsan nainaini. \v 30 Piarroatsa aarón nacó njite nanacó tsakja njaji lrienipe, njite pjienitacana teecojle nadejícarro norso sacerdotenai shó norsoná. \v 31 Icaiteotsa narso njaji iraelitanai cayoji: Jliaji aceite-ca jliaji njoenitandaca wa-Minalri irso, caidalri catsaotsa nanaitjaca njaji walricomanai njaji pinakjoite-perri aimadan

30/32.txt

@@ -0,0 +1 @@
+\v 32 Maijeta tsaotsa lrisho inaiki idaki nacó, corrin tsakjaotsa itaita inaitjaca padao lricayosho nasho minitsa njaji nanaitsashopa jliaji aceite, ima Dio shenitandacana lrirsowaona, njite iwaopia Dio shenitandaca lrirsowao. \v 33 Cocacadaotsa inaitja pomeniajai lricayoshodalri jliaji, o coca cadaa inñjeta pada idada nacó, irsotsa shenitaca jliaji inaiki ioyawani teecojle ikitsiñape ioya.''

30/34.txt

@@ -0,0 +1 @@
+\v 34 Dio icaite Moise irso: ''Pjitaotsa pomeniperri nanakjoite njaji jaoco, estacte, jaico catsotani pomenidalri iitan njite gálbano tsakja, pacoacaotsa namaimaca njaji pomeniperri, potiyaperri tsakja njite pikewitaotsana incienso jliwacadalri shó. \v 35 Pinaitjaotsani incienso shó, piomaotsa pada yajicada inaitjaca pomeniajaipe lrinaitjá carroni, lrimatsietanda yokirra shó, njite picadaotsani teecojletsan. \v 36 Pitodaotsa matsiana. Njite picadaotsani lripeyajle jliaji patowana yaacoti kjaidaperri iarrona ipeyajle, jliaji icadanda lri-ricoda jliaji panti iwacaacacawa lricó, Nocapaaca cawaotsa piapiya niinio. Picadaotsa matsiadalrica jliaji pjienitanda Norsowao.

30/37.txt

@@ -0,0 +1 @@
+\v 37 Jliaotsa jliaji incienso inaitjalri, corriotsa inaitjá carroca jlipepe iyadawa nashotsa njaji inaitjashopa jliaji, ima njoenitandaca Norsowaona. \v 38 Coca cadaotsa inaitja jlipepe lrirsowao lripomenitaca shopawa, irsotsa shenitaca imaimaca ioya.''

30/title.txt

@@ -0,0 +1 @@
+Capítulo 30 (Altar namjaita carrona incienso)

31/01.txt

@@ -0,0 +1 @@
+\c 31 \v 1 Caaco jliaji IMINALRITI Moise irso: \v 2 ''Nowanaca Bezalel, Uri irrí, Ir irrí, Judá poco inakjoité-dalri.

31/03.txt

@@ -0,0 +1 @@
+\v 3 Noaca Bezalel irso Nocaolrini Nakjoite, cajikjé carroni, kjeyashopa lriajica lrirsó-carro yajikjeti lridí-carro pjiomitsa carrapina idejicalre, \v 4 lridejícarro nacapacanaa nacó njaji najicalre, lridejí-carro tsaja owirrodape shó, palraatape shó njite bronce shó. \v 5 Lriyoá-carro njite lriroetá-carro jiioada, lrinaitjá-carró nacapacanao jaoco sho, njite lridejí-carro pjiomi coca catsa.

31/06.txt

@@ -0,0 +1 @@
+\v 6 Njite Noniwana tsakja Aholiab, Ahisamac irri, Dan poco inakjoite-dalri. Nocadaa iyecati narso nacaolre pjiomi njaji cayekjaperri nataitá carroatsa nadejica pjiomi jliaji Nonaalri nanaitjaca. \v 7 Nanaitjaotsa jliaji panti nawacaaca carrodawa, patowa yácoto kjaidaperri yarroda, nainocawa inaco maaficalri namatsicana ikjaote patowa icaodalri, njite pjiomi njaji lriitada jliaji nawacaaca carrodawa: \v 8 mesa njite njaji nadejishopa lrinacó, lampara jirricona njite njaji lrinacoperri, \v 9 jliaji altar incienso icaonada, altar namjaitacawa ofrenda njite pjiomi njaji lricaonaperri, ooi yaarona njite lriofacawa nacó tsakja.

31/10.txt

@@ -0,0 +1 @@
+\v 10 Njaa tsakja njaji tsaya neñaji matsia: tsaya njenitaji sacerdote Aarón irso njite lrienipe iyape, Njoenitaji Norso nadejí-carro sacerdote shó. \v 11 Jlia tsakja jliaji aceite nañjeta shopa nanacó njite jliaji incienso joiwí-dalri iitan Dio ipana lrico icaonada. Njaji cayecaperri nanaitjaotsa pjiomi njaji nocaiterri Nanaijacaotsa cayotsaji Nocaite capishó.

31/12.txt

@@ -0,0 +1,2 @@
+\v 12 Caaco JLIAJI IMINALRITI Moise irsó: \v 13 ''Picaiteotsa njaji iraelitanai narso catsa Nawafetacawa Sabado lrico ima yácoti kjaidadalrican, ima icacatsa pada iwadashopacani panaya nakjoite njite njaji walricomanai, yají carroatsa IMINALRICA jliaji shenitalri shá Lrirsowawa. \v 14 Niini irsotsa shepaca iwafetacawa Sabado lricó. Irsotsa yajica shenitandaca irsowawani, yaacawa matsiadalri Dio irso. Coca cada imacoadataca icamitsa lrirsotsa mayamicani. Pjiomi njaji corri-perri iwafetawa jliadaa nacó njite icaamitsa nadedica corrinatsa Duo iyapecana. \v 15 Sei jalredaoca watsa idejica, mitsa siete jalredaoca nacó icaamitsa iwafetacawa, padaa jalredaoca, jalredaoca shenitanda Dio irso, yaacarro lrirso matsiadalri. Coca cada ideji jliadaa icamitsa
+mayamicani.

31/16.txt

@@ -0,0 +1 @@
+\v 16 Niniotsa njaji iraelitanai, narsotsaotsa Nawefetacawa Sabado lrico. Yácoti kjaidadalrica narso narsocawa nanaitjacani caidalriwetsa, njaji panayaperri njite njaji walricomanai. \v 17 JLiaji nawafetacawa Sabado lricó, pada najishopa njaji iraelitanai Dio inaitja piaca njaji eenolricojle-perri njite jalredaoca lricoperri sei jalredoca nacó, njite siete jalredaoca nacó lriwayaketa lridejicalre niini lriwafetacawa.''

31/18.txt

@@ -0,0 +1 @@
+\v 18 Yaami cayanina caacoca Dio Moise irso Jiipana Sinai nacójle, Dio yaa Moise irso yamaita jipadaita lridanaji inaco lricapjiwida sho catsa njaji yácoti kjaidaperri, lrinaitjashopa naapiya yácoti.

31/title.txt

@@ -0,0 +1 @@
+Capítulo 31 (Dio ipakjanta Bezalel lriajikje shó)

manifest.json

@@ -395,6 +395,30 @@
 		"29-40",
 		"29-41",
 		"29-43",
-		"29-45"
+		"29-45",
+		"30-title",
+		"30-01",
+		"30-03",
+		"30-05",
+		"30-07",
+		"30-10",
+		"30-11",
+		"30-15",
+		"30-17",
+		"30-19",
+		"30-22",
+		"30-26",
+		"30-29",
+		"30-32",
+		"30-34",
+		"30-37",
+		"31-title",
+		"31-01",
+		"31-03",
+		"31-06",
+		"31-10",
+		"31-12",
+		"31-16",
+		"31-18"
 	]
 }