Compare commits
28 Commits
713c2c8257
...
96cab555db
Author | SHA1 | Date |
---|---|---|
Norbeldine | 96cab555db | |
Norbeldine | ccf94e24f5 | |
Norbeldine | bb2bd78890 | |
Norbeldine | 475bbfd5f8 | |
Norbeldine | dff0441427 | |
Norbeldine | c4ec325582 | |
Norbeldine | e77bdffbf2 | |
Norbeldine | 316b5f44f9 | |
Norbeldine | 58461f7a74 | |
Norbeldine | 95decb53f5 | |
Norbeldine | 8f1b15b7a1 | |
Norbeldine | 18551bc128 | |
Norbeldine | 4ed10164f6 | |
Norbeldine | fe28fc84cf | |
Norbeldine | d072c2692f | |
Norbeldine | d5aa243afc | |
Norbeldine | 2b76f94784 | |
Norbeldine | f58c4a3f64 | |
Norbeldine | 1ae38d02b8 | |
Norbeldine | 90a8f5248b | |
Norbeldine | 0f2a85694e | |
Norbeldine | 5f6911a1c5 | |
Norbeldine | a01ccfec0a | |
Norbeldine | ddc114c613 | |
Norbeldine | 726c53c1a5 | |
Norbeldine | 661ba635d4 | |
Norbeldine | 22c59c7932 | |
Norbeldine | af0038d0ea |
|
@ -0,0 +1 @@
|
|||
\c 10 \v 1 Njite wa-Minalri iaco Moise irso: ''Pia pjenawa faraón iderse, njoatsa icadaa tarrá-carro lricaolre njite nacaolre njaji lrirsoperri. Nonaitja cayó Nocañjatá-carro nacapa njoida. \v 2 Nonaitja tsakja cayó icaité-carro narso njaji pienipe njite pidakenai irso tsakja njaji nonaitjalri, coajica njorrapiteteca njaji Egipto lricope, coajica nonaitjaca aima nacapaca macapacanaperri njoida inakjoiteperri. Nají-carro njoaca Njoaca jliaji IMINALRITI.''
|
|
@ -0,0 +1 @@
|
|||
\v 3 Niini Moise iawa Aarón iapiya Faraón iderse, naaco lrirso: ''Jliaji wa-Minalri, na DIote njaji hebreonai, icaite cayoji: ''¿Coancaojli pjenaotsa piaji kjaidadalrica pioya Njoa? Picadena naawa njaji nonaikite naacarro naa Norso matsiadalri.'' \v 4 Mitsa corricadaa picadaa naawa njaji Nonaikite, pjimi piicao matsia, tjewenaotsa nocadaa tacapa pjipaite ricó pjiomi.
|
|
@ -0,0 +1 @@
|
|||
\v 5 Naitacaotsa pjiomi jiipai yeecoa nacó namaimaca shó. Naiñjacaotsa pjiomi njaji ipania iyao tarradalripe jiwalri pia imacaji. Naiñja tsakjaotsa pjiomi njaji jaico awacada lricope. \v 6 Napakjanta caotsa piipana lrico, pirsoperri iipana lrico njite naapana lrico pjiomi njaji Egipto lricoperri, corri piatsa piferrinaipemi, iferrinaipemi cayoji picapa capishoatsa, corri piatsa nacapa caidalriji nacapa cayami jliaji jalredaoca atee panashete.'' Icaamitsa Moise njite Aarón iawa Faraón ioya.
|
|
@ -0,0 +1 @@
|
|||
\v 7 Njaji Faraón irsoperri iaco lrirso lriso: ''¿Coancaojli pjenaotsa yaami lrimaca wacapaca jliaji atsia? Poicadena naawa njaji oiraelitanai naa carroena naa matsiadalri na-Minalri Dio irso. ¿Capja corrica piají coajiketsa maatsica jliaji fepaite Egipto lricod?'' \v 8 Njite lrinaa nawaaca lrikjaolrewa Moise njite Aarón, njite lriaco narso: ''Warsena iawa yaacarro matsiadalri iMinalri Dio irso. Mitsa, kjaitenai watsa njaji yaalriwa?''
|
|
@ -0,0 +1 @@
|
|||
\v 9 Moise iaco lrirso: ''Pjiomiotsa waacawa, wadeotsa pjiomi njaji yempetiapapetoa, pekipenai, weenipe, waitonaipe. Wadeotsa waapira pjiomi, ima wacatima taacacaotsawa wa-Minalri iinai.'' \v 10 Faraón iaco lrirso: ''Iinai catsaotsa jliaji iMinalri akjerrecawajle cadaa yawaji, coacaojli kenaotsa nocadaa yaawa naapiya njaji yénipe tsoperritoa. Noajintsa yomaca inaitjaca norso maatsi. \v 11 ¡Corrin! icaamitsaotsa yaalrica piinai njaji atsianaitsa, yaacarro yaa matsiadalri iMInalri irso, icamitsaotsa njaji yaalrica piinai.'' Njite lrinaa namotoitaca Moise njite Aarón lrioshete.
|
|
@ -0,0 +1 @@
|
|||
\v 12 Njite wa-Minalri iaco Moise irso: ''Pipiajleta picaapi Egipto jipaite ikjaolre nanó carroatsa nja tacaapa jlipaitena nacojle, naiñjá-carro pjiomi njaji lripaniana imotocape lrinaco, naiñjá-carro pjiomi njaji iyao macadalripene imacaji.'' \v 13 Ikena Moise ipiajletaca jlipajico Egipto jipaitena ikjaolre, njite waMinalri imeenaca caolri jérri imotolri njiteo lrinacojle jliaji jiipai Egipto lricoda jliadaa jalredaoca njite lridepitena tsakja. Njite piyompinacojlena, njewenawa njaji tacaapa lridempena jliaji caolri inocada Jeerri imotolri njiteo.
|
|
@ -0,0 +1 @@
|
|||
\v 14 Njaji taacapa njewacawa pjiomi Egipto jipaite nacó niini namatsicaca pjiomi jliaji jiipai. Corri piatsa pacapa pia aima tacaapa jiwacawa jiipai nacjle cayó, njite corrin tsakjaotsa pacapá carrocaotsa njapodam. \v 15 Cadaocatsa pacapa naorsoacawa jiipai nacó namaimaca ikjaote. Naiñja pjiomi njaji jaico, jaico iinaca iyao macadalripe imacaji. Corrin pacapa jaico Egipto lrico corriperrintja naiñjaca njaji tacaapa. Naiñjaca pjiomi njaji jaicopje.
|
|
@ -0,0 +1 @@
|
|||
\v 16 Niini kjeyacalrim Faraón iwanaca Moise njite Aarón, lriaco narso: ''Nonaitjaca maatsia iMinalri Dio ikjoete njite ikjoete tsakja. \v 17 Panaya, icada jliyapaca ioya jliaji nonaitjalri irso maatsi njite itatja Dio iinai Lricadá-carro jlienitá-carro nooya jliaji mayamicalri.'' \v 18 Icaamitsa Moisé iacawa Faraón ioya njite lritatja Dio iinai.
|
|
@ -0,0 +1 @@
|
|||
\v 19 Wa-Minalri icadaa caolri jeerri imoto kema nakjoite lripjiá-carro njite lriwakeetaca pjiomi njaji tacaapa lripeecó carrona Manoá Irraiyajá lricó; corrin lrimacaca pada tacaapa Egipto jipaite nacó. \v 20 Mitsa wa-Minalri icadaa tárraca Faraón icaolre ricó, corrin lricadaa naacawa njaji Iraelnai.
|
|
@ -0,0 +1 @@
|
|||
\v 21 Njite Dio iaco Moise irso: ''Pjirreta picaapi eeno ikjaolre cadaocá carroatsa pjiomi Egipto jipaite nacó, cadaoca matsinadariotsa, nataitanda nanotaca nacaapi shón.'' \v 22 Moise jirreta lricaapi eeno ikjaolre, ikena cadaocadalri matsinadalri jiwacawa Egipto nacó pjiomi. Madalridaa jalredaoca cadaocaca naicao. \v 23 Corrin coajica nacapaca; corrin pada imotocawa naapana ioya madalridaa jalredaoca nacó. Mitsa, nanaco njaji Iraelnai, corrin cadaocaca naicao naofacawa lrico.
|
|
@ -0,0 +1 @@
|
|||
\v 24 Faraón iwana Moise njite lriaco lrirso: ''Warsena iawa iá-carro matsiadalri wa-Minalri irso. pjiomi iipaneta nataita naaca piinai, mitsa njaji iipirra corrin itaita ideecana.'' \v 25 Mitsa Moise iaco lrirso: ''Piotsotsa picadaaca wadeeca waapirra ima warsotsa wainoca maaficalri wamjaitaoda wa-Minalri Dio irso. \v 26 Warsotsa wadeeca wavaca, corrin coca wataita wamacaca nanakjoite, warsotsa wadeecana waacarro matsiadalri wa-Minalri Dio irso nashó. Corrin wají coajicaotsa waaca matsiadalri wa-Minalri Dio irso ikjerreca waocaca walri nirse.''
|
|
@ -0,0 +1 @@
|
|||
\v 27 Mitsa wa-Minalri icadaa tárraca Faraón icaolre ricó, corrin lricadaa naacawa njaji Iraelnai. \v 28 Njite Faraón iaco Moise irso: ''¡Warsa pjiena nooya! Nooma piajica pada nacó, corrinatsa nooma pipietaca picapaca njoa, ima coancaojli cadaotsa pipoieta picapaca noecoa, mayamiotsa pjia.'' \v 29 Njite Moise shepani, lriaco: ''Ajádalri jliaji picaiterri. Corrinatsa nocapá carroca piecoa nopieta.''
|
|
@ -0,0 +1 @@
|
|||
Capítulo 10 (Njerrapitaca mini catoa njaji egipcionai)
|
|
@ -0,0 +1 @@
|
|||
\c 11 \v 1 Njite wa-Minalri iaco Moise irso: ''Nini toatsa padetsa maatsidalri nocadalriotsa Faraón nacó njite pjiomi Egipto lrico. Jliapodam dekja Faraón icadaotsa iawa ajaiteji. Jlia tsaotsa imeenaca iawa jaiteji. \v 2 Picaite narso njaji pinaikite aimadan, naacarroatsa nataja nacodapiperri iinai pjiomi patjepi palraatape njite owirroipe tsakja.'' \v 3 Wa-Minalri icadaa njaji egipcionai matsiá-carro nacapaca narso njaji iraelitanai. Njite njaji caconaperri Faraón irsoperri nacapa caconaiteca Moise napeyajle, cayo minitsa nacaiteca lrinaco pjiomi njaji Egipto lricoperri.
|
|
@ -0,0 +1 @@
|
|||
\v 4 Moise iaco wa-MInalri irso: ''Cayo Lricaiteca jliaji wa-Minalri: Njoyapacaotsa pamoyoa deepi Egipto lrico. \v 5 Njite mayami caotsa Egipto lricó pjiomi njaji pjerritinaipe, Fraón yénipe nakjoite, jliaji talricanaatiope, atee roenipe rsoaji kjenadarro narsodarro idaitacada nainjao njite navacan yeenipe initacanaa imotocawa tsakja.
|
|
@ -0,0 +1,2 @@
|
|||
\v 6 Aimaotsa pjemica naiyaca pjiomi Egipto jipaite naco, corri piatsa coan caojli piatoa pacapa
|
||||
caidalri oopi, njite corrin tsakjaotsa pacapá carroatsa caidalri tsenakja. \v 7 Njite naikjaolre njaji Iraelnai corriotsa apana tsiino icoitaca nakjoete, corrin nakjoeteca njaji atsianai o maaficalrica. Niniotsa nacapa corrica pacoaca-cá Dio icapaca narso njaji egipcionai nacayosho njaji Iraelnai. \v 8 Faraón njite njaji lrirsoperri nanoatsa natoda naorsipada norso. Nacaiteotsa cayoji: ''Warsena iawa, pjia njite njaji pinaikite aimadan pjiomi naacarro pjiapodam. Jliapodamina noawatsa nlrioya.'' Kerroa lridiaca lrimotowa Faraón ioya.
|
|
@ -0,0 +1 @@
|
|||
\v 9 Wa-Minalri iaco Moise irso: ''Corriotsa Faraón jimí carroca pirso. Nooma capoa nacapaca Njoida njaji Egipto lricoperri pjiomi.'' \v 10 Moise njite Aarón nanaitja aima manaitja-canaaperri Faraón icapa. Mitsa wa-Minalri icadaa taarraca Faraón icaolre ricó, corrin lricadaa naawa jlipaite ioya njaji iraelitanai.
|
|
@ -0,0 +1 @@
|
|||
Capítulo 11 (Mayamicaotsa pjiomi pjerritinaipe Egipto lricope)
|
|
@ -0,0 +1 @@
|
|||
\c 12 \v 1 Caaco wa-Minalri Molise irso njite Aarón irso tsakja Egipto jipaite ricó, Lriaco: \v 2 ''Icatsa keerri-ca jliaji pawalria initacarropica irso.
|
|
@ -0,0 +1 @@
|
|||
\v 3 Icaite narso njaji Iraelnai iwacaaca capewa cayoji: ''Die jalredaoca naco lrinacopi-ca jliaji narsotsa njepaca apana oveja inarrona o apana cabra atsiana pamoyoanina narsowao nacoana njaji naapaneta. \v 4 Mitsa, tsoo cadatsa njaji padapaneta naiñjá-carro apana cordero, jliaji atsia lrirsotsa lriaca lricodapidalri irso jlipá-carro tsakja lriñjao lripe nakjoite jliaji cordero o cabra yénipena aima pjá. Lrirsotsa jlipaca aima pjatsa lricoá-carro naiñjaca pjiomi.
|
|
@ -0,0 +1 @@
|
|||
\v 5 Njaji cordero o cabra yénipena jipalriotsa narsotsa matsiaperri catsana, apana atsiana pawalria dalri ipekirrica. Jipa apana cordero o apana cabraatsiana. \v 6 Inoatsana catorce jalredaoca nacó lrinacopi-ca jliaji. Njite pjiomi njaji Iraelnai iwacaacacapewa nataita nainoca njaji maaficalri patsimpi nacojle. \v 7 Njite nérrana shó iñjeta caotsa pjiomi pantinomakja nacó lrinaco jliaji panti iñjalriotsa irricoda neepe njaji maaficalri inojí. \v 8 Jliadaotsa deepi imitsirriotsa neepe tiyé ricón iñjá-carroatsana. Iñjacaotsana peetje mewite sho njite malritsi jiipiti-perri sho tsakja.
|
|
@ -0,0 +1 @@
|
|||
\v 9 Corriotsa itaita iñjaca iñaatsana oiyananda cantja. Imitsirriotsana tiyé ricó pjiomi njewida fie, njaipa fie njite neshapi fie tsakja. \v 10 Corriotsa imacá-carro lriitepem lrinakjoite tjewaijle icaona. Niini cadatoa lriitepem irsotsa imjaitacana tjewajle piyompinacó. \v 11 Cayoatsa iñjacana: ipápi taimi inacoa icorreyani, shetaotsa itsapatoni, jipaotsa imawapeti icaapi ricó. Irso tsaotsa iñjacana kjeya. Ima iñjaca njaji maaficalri wa-Minalri nacope.
|
|
@ -0,0 +1 @@
|
|||
\v 12 Cayo lricaiteca jliaji wa-Minalri: Noá watsa pjiomi Egipto jipaite ricó deepi ricó noinó-carro pjiomi pjerritinaipe nanakjoite njaji atsianai njite njaji maaficalri tsakja Egipto jipaite ricoperri. Nocadaotsa njerrapita pjiomi njaji dionai Egipto lricoperri. Njoaca jliaji IMINALRITI. \v 13 Njaji írranati ipananoma nacope icatsa Noajishopaca inaco, Nocapa cádanacoatsa njoyapa catsaotsa ioya. Corriotsa coca maatsirri imatsiketalriotsa shá noino cadanacoatsa njaji Egipto lricope. \v 14 Caidalriwetsa iwadacaotsa jliadaadalri, cayo tsakjaotsa njaji shapodamperri. Icatiima-taaca caotsa lrikjaote wa-Minalri irso. Caidalri tsaotsa iwaadacani wadeotsa imaodacaca lrioya, coshoca njaji walricoma shapodamperri.
|
|
@ -0,0 +1 @@
|
|||
\v 15 Iñjaotsa peetje mewitetja jliada jeecoapi. Lrinita cadaawa jitaotsa iipa lrikjoite pjiomi njaji molroi iipana ioya, ima coca cadaotsa iñja molroi jliada nacó jitacaotsa ioyaona shá Iraelnai. \v 16 Lriinita cadaawa njite siete jalredaoca nacó, shenita caotsa Norsowao iwacaacawa niini. Corriotsa idejí carroca jliada, icaamitsaotsa iyanaca inñjá carro pjiomi. Icamitsaotsa inaitjalrica jliadaa jecoapi.
|
|
@ -0,0 +1 @@
|
|||
\v 17 Irsotsa iwaadaca injacarroa peetje mewidalri ima jliadaaca jalredaoca nomotoitaca njaji inaiki aimadan pikitsiñape papocope naoyawaaca, njaji kjaidaperri Egipto ioya. Caidalritsaotsa nanaitjaca njaji walricomanai. Yacaoti kjaidadalrica irso jiaji yácoti caidalriwetsa. \v 18 Irsotsa injaca peetje mewidalritsa patsimpi naco catorce jalredaoca nacó lrinacopi jliaji keerri pawalria inita carropi nacó atee venti ono jalredaoca nacojle lrinacopi nacots.
|
|
@ -0,0 +1 @@
|
|||
\v 19 Corriotsa irso carroca molroipe iipana lrico siete jalredaoca. Coca cadaotsa iñja peetje mojloi fieda jitaotsani ioya, sha Iraelnai, pacoaca tsakjaotsa jliaji inocadatsa ikjaolre o jicodalri jipaite ricó. \v 20 Corri watsa itaitaca iñjaca irsocada mojloi. Akjerre cawajle cada iofawaji, irsotsa iñjaca peetje mamojli-nadalritsa
|
|
@ -0,0 +1 @@
|
|||
\v 21 Njite Moise iwaketa njaji pekipenai caconaperri Iraelitanai, lriaco narso: ''Warsa yaa iniwana oveja o cabra yénipe cadaa lricoadalri iñjaca iipaneta yaapiya njite iinoatsa jliaji cordero Pascoa icaonada. \v 22 Njite jipaotsa papoco isopo iki, jipaotsa yapjoetani írranati ricó lriarroapji ricoda. Iñjetaotsa jliaji írranati pantinomakja nacó lriparrema nacope njite lriicaodalri. Corriotsa itaitá carroca imotocawa iipana ioya akjerreca jaalre matsia tjewaijlena.
|
|
@ -0,0 +1 @@
|
|||
\v 23 Ima wa-Minalri jiyapacaotsa lriinó-carro njaji egipcionai. Niini Lricapa cádanacoatsa njaji írranati pantinoma njite pantinomakja nacó, Jliyapaotsa ipananoma nacó mitsa corriotsa Lricadaa carroca jiaji imatsiketa cada inaitjaca maatsi iinoca shá iipana lrico.
|
|
@ -0,0 +1,2 @@
|
|||
\v 24 Iwaadacaotsa jliaji jiyapalriio caidalritsa, Njite njaji walricomanai narsotsaotsa nawaadacani caidalriwetsa ima yácoti kjaidadalrica narsoni. \v 25 Niini njewa cáda nacoetaotsawa lri-ricoda jliaji jiipai wa-Minalri icaiterri Lriaca narso, irsotsa
|
||||
iwadacani iacawa Lriso matsiadalri.
|
|
@ -0,0 +1 @@
|
|||
\v 26 Yénipe itatjá cádanacoatsa shá coadaca inaitja jliaji yaacawa matsiadalri Diio irso, \v 27 nini icaiteotsa njemio: ''Painoca jliaji maaficalri wa-Maninalri i-Pascuan lrico, ima wa-Minalri jiyapa pia-catsawa naapana ioya njaji iraelitanai lriino caojli njaji egipcionai. Cayotsa Lrimanacotaca njaji Iraelnai.'' Icaamitsa natodaca naorsipada naacarro matsiadalri Dio irso. \v 28 Njaji Iraelnai naawa njite nanaitja cayoji Dio inaa capishó nanaitjaca ima cayo lrinaaca Moise njite Aarón icaitecana nanaitjá-carro.
|
|
@ -0,0 +1 @@
|
|||
\v 29 Pamoyoa deepe wa-Minalri jiyapawa pjiomi Egipto jipaite ricó njite Lriino pjiomi neenipe pjerritinaipe, Faraón yénipe pjerriti nakjoite, jliaji yofacada lriinai lritalricanaatacawa nacó, atee neenipe pjerritinaipe njaji presó-perri njite navacan yénipe pjerriti tsakja. \v 30 Faraón, njaji lrirsoperri, njite pjiomi njaji Egipto lricope nacafiawa deepi ricó. Jliadaa dépi naiya caiwi ricotsa njaji Egipto lricope, ima corri piatsa pacapa padapana panti corricawatsa mayami neenipe
|
|
@ -0,0 +1 @@
|
|||
\v 31 Fraraón iwana Moise njite Aarón tsakja jliada dépi, lriaco narso: ''Warsa jinicoa pjiomi yácarroa noyacalre ioya, shá njite pjiomi njaji iraelitanai yaacarro yáa matsiadalri Dio irso, cayoji icaite capisho inaitja caotsa. \v 32 Ideotsa ivacan, iovejani, yaacarro inaitja cayoji icaite capisho inaitjaca, itatjá tsakjaotsa nonacó.'' \v 33 Njaji egipcionai nakjeyapitana naacarro naoya, ima naaco: ''Corri cadaotsa naawa mayami caotsa pjiomi fá.''
|
|
@ -0,0 +1 @@
|
|||
\v 34 Njite njaji iraelitanai njepa nadaitampe mamojloi-naperritsa. Njite njaji natsipalraapipe, natsayan shotsa napapina nawaakjé-carro nadee. \v 35 Njaji Iraelnai aimadan nanaitja cayoji Moise inaa caposho nanaitjaca. Natatjá nainai njaji egipcionai patjepi, shentadati palraatape njite owirrope tskja; natatja tsakja nainai natsayaniwa. \v 36 Dio tsa icadaa caponca njaji egipcionai nainai njaji Iraelnai. Niini njaji Egipto lricope naa narso njaji Iraelnai pjiomi cocacatsa natatjalri nainai. Cayotsan Iraelnai idee pjiomi nanaani njaji egicionai.
|
|
@ -0,0 +1 @@
|
|||
\v 37 Iraelitanai iawa Ramsé nakjoite Sucot nacojle. Seiciento mil atsianai pia namaimaca, maniwetacam njaji inaitjpe njite njaji yempetipe. \v 38 Naatsakja nainai njaji corripetsa Iraelnaica, nadee tsakja navacan njite naovejani, aima naapirra. Namerrita naijao petje mewiperritsa njaji nadeji Egipto lrikjoite toa. \v 39 Nakjeyapita capoa namotoitacana Egipto ioya nini corrin coajica nanaitjaca naijao nadeope. \v 40 Iraelitanai iofa piawa Egipto lrico coatrociento trenta walria oonia.
|
|
@ -0,0 +1 @@
|
|||
\v 41 Cotrociento trenta walria iwayaca cádanacoa, namoto Egipto lrikjoite papocopeo njaji kjaidaperri Dio inaikite. \v 42 Jia deepica corrin coca imáa, Nawapá-carro Dio jitacana Egipto lrikjoite. Icatsa deepica jliaji nawaadalriotsa njaji Iraelnai caidalriwenatsa naapiya njaji walricomanai.
|
|
@ -0,0 +1 @@
|
|||
\v 43 Wa-Minalri iaco Moise njite Arón irso: ''Cayoatsa inaitjaca jliaji Pascua: corriotsa nataitaca naiñjaca Pascua njaji corripetsa Iraelca. \v 44 Mitsa pjiomi njaji Iraelnai irsoperri, nawentaji palraata shó, nataitaotsa naiñjacani nayoá cayami natsiaca íyam.
|
|
@ -0,0 +1 @@
|
|||
\v 45 Njaji corripetsa Iraelca, njite njaji narsoperri corrin nataita naiñjaca pada injaodati Pascua inacoapana dalri nacó. \v 46 Irsotsa iñjacani panti ricó, corrin pemajleca panti ioya. Corrin itaita itsokjoaca naapi njaji maaficalri.
|
|
@ -0,0 +1 @@
|
|||
\v 47 Pjiomi njaji Iraelnai narsotsa nacatimataacawa nawaadacarroa lrico. \v 48 Njaji corripetsa Iraelnaica, njite naoma naiñjaca iinai Pascua wa-Minalri nacoda, pjiomi njaji atsianai lrikitsiñape nakjoite narsotsa nayoaca natsiaca iya, niini dekjena nataita naiñjaca nainai Pascua. Cayoatsana nacayosho njaji jicoperri Iraelnai jipaite ricó. Njaji corri perritsa iyoá natsiaca íya, corrin nataita naiñjaca Pascua iñjaodape nacó.
|
|
@ -0,0 +1 @@
|
|||
\v 49 Pacoaca tsakja jliaji yácati kjaidadalri narsowalre njaji jicoperri njepaite ricó njite narso njaji inocapetsa iderse.'' \v 50 Njaji Iraelnai nanaitja cayoji Dio inaa capishó nanaitjaca ima cayo lrinaaca Moise njite Aarón icaitecana nanaitjá-carro. \v 51 Jliadatsa jalredaoca wa-Minalri jita njaji iraelitanai Egipto lrikjoite papocope njaji Lrinaikite kjaidaperri.
|
|
@ -0,0 +1 @@
|
|||
Capítulo 12 (Nainoca maaficalri Dio irso)
|
|
@ -0,0 +1 @@
|
|||
\c 13 \v 1 Caaco Dio Moise irso, Lriaco lrirso: \v 2 Pjienitaotsa Norso pjiomi njaji pjerritinaipe Irael lricope, atsianai njite maaficalri tsakja, ima noyapecana.''
|
|
@ -0,0 +1 @@
|
|||
\v 3 Moise iaco narso njaji inaiki aimadan: ''Iwadaotsa jliada jalredaocaca jliaji, wa-Minalri jita ccdáa shá Egipto ioya, narsoperri cawa pia shá narsó. Kjaidadalri capoa jliaji Dio niini jlitaca shá njite. Corriotsa iñjá carroca petje kewidalri. \v 4 Imotoatsa Egipto lrikjoite jliadaa jalredaocaca jliaji, kérri Abib nacó. \v 5 Wa-minalri ideekenaotsa shá cananeonai jipaite lricojle, hititanai, amorreonai, heveonai njite jeboseoanai jipaite nacojle, jliaji jiipai wa-Minalri icaiterri yácoti ajadalri shó narso njaji iferrinaipe lriacaotsa irso, jliaji jiipai matsia cawa patawiñaca vaaca njite matsiacawa paapanaca, niniotsa irsotsa inaitjaca jliaji iacawa matsiadalri lrinacopi keérrica jliaji.
|
|
@ -0,0 +1 @@
|
|||
\v 6 Siete jalredaoca watsa iñjaca petje mewidalritsa; siete jalredaoca nacó icatimataacawa wa-Minalri iipitana nacó. \v 7 Irsotsa iñjaca petje mewidalritsa siete jalredaoca; corriotsa cocá carroca irsoatsa petj kewidalri inakjoite. Corriotsa irsó carroca mojloi iipana lrico, corrin tsakja jipaite jinaa iocacawa lrico.
|
|
@ -0,0 +1 @@
|
|||
\v 8 Jliada jalredaoca picaiteotsa pienipe irso: ''Wa-Minalri inaitjalri noikjaote nomoto caojli pia Egipto lrikjoite. \v 9 Cayoji pinaapapi capisho o cayoji pada catjinaadalri piekjoete nacodalri, cayoatsa jliaji yácoti kjaidadalri pirsolriotsa picaitepeca inaco wa-Minalri icadanda pirso, ima Jlída shó Jlita pjia Egipto lrikjoite. \v 10 Niini oonia icoam pirsotsa piwaadacani jlinaana lricó, pirsotsa pinaitjacani ima yácoti kjaidadalricani pirsoni.
|
|
@ -0,0 +1 @@
|
|||
\v 11 Wa-Minalri idee cadanacoenaotsa pjia Canaán jipaite ricojle, cayoji Lricaite capisho piferrinaipe irso, njite Lriá cadanacoenaotsa pirso jliaji jiipai, \v 12 pirsoatsa piaca wa-Minalri irso pjiomi njaji pjerritinaipe, coshocaotsa nanakjoite njaji maaficalri. Pjiomi njaji atsianape initacape imotocawa wa-Minalri iyapecana. \v 13 Jliaji borro yénipe initacana imotocawa pirsotsa piaca apana cordero lricoadawa yomjé-carroni. Mitsa corri cadaa piyomjetani, icaamitsa pjitaca pokjomi lrinorsiapji nacó mayamí-caroni. Nacoamitsa njaji pienipe yénipe pjerritinaipe narsotsa náca nacoadawa.
|
|
@ -0,0 +1 @@
|
|||
\v 14 Pienipe itatja cádanacoatsa pjia coanshopaca jliaji, picaiteotsa cayoji: ''wa-Minalri jiida kjaidadalri shó Jlita njoá Egipto lrikjoite, narsoperri cawa pia njoa narsó. \v 15 Kjerroa pia Faraón njite corri pia lricadaa wamoto njiteo. Wa-Minalri iino poia pjiomi nénipe pjerritinaipe Egipto jipaite ricope; pjerriti naipe inaiki iyape njite njaji maaficalri. Caishopa noino Dio irso pjiomi maaficalri yénipe atsianape pjerritinaipe, njite norsotsa noaca nacoadawa nanaco njaji noenipe yénipe pjerritinaipe.'' \v 16 Cayoji pinaapapi capisho o cayoji pada catjinaadalri piekjoete nacodalri, ima wa-Minalri jída kjaidadalri shó Jlita faa Egipto lrikjoite.
|
|
@ -0,0 +1 @@
|
|||
\v 17 Faraón icadaa caojli piena naawa njaji Iraelnai aimadan, corrin Dio icadaa naawa inipolrico njepaite ricodalri njaji filisteonai tsoomcawa pjatja. Ima Dio icaite: ''Wadee nadiacawa Egipto lricojle njaji nonaikite aimadan oowicalri ikjaote.'' \v 18 Niini Lricadaca naawa inipolrico iyofiacadawa jliaji Manoá Írraidalri jalrapocolri ricó. Namotoa Egipto lrikjoite njaji iraelitanai aimadan papcope, nadee nanacoa nainoaca shopawa.
|
|
@ -0,0 +1 @@
|
|||
\v 19 Moise idee nainaiwa Jose yapipemi, ima Jose icadaa nacaiteca yácoti ajádalri shó njaji iraelinai pia, lricaite cádanaco cayoji: ''Noajintsa Dio jitacaotsa shá ajaiteji, niini cayo cadanacoenaotsa ideotsa noapipemi inaiwa.'' \v 20 Itraelitanai iawa Sucot lrikjoite njite naa nemá Etam inomapiana lricojle jalra pocolri ricó. \v 21 Wa-Minalri iá napjeya iyadaoca lricó Lricañjatá-carro narso inipo. Njite tiyé jalripádalri cani narso deepi ricó lricaná carro narso naapowa. Icatsa Lrinaitjaca narso nataitá-carro naacawa jaalrewe-ricó njite deepi ricó tsakja. \v 22 Corrin wa-Minalri shenitaca naoya jliaji iyadaoca jalrewerrico njite corrin tsakja jliaji tiyé jalripá-dalri deepi ricó.
|
|
@ -0,0 +1 @@
|
|||
Capítulo 13 (Njenitaca njaji pjerritinaipe Dio irso)
|
|
@ -0,0 +1 @@
|
|||
Capítulo 14 (Manoá Írraidalri)
|
|
@ -138,6 +138,56 @@
|
|||
"09-27",
|
||||
"09-29",
|
||||
"09-31",
|
||||
"09-34"
|
||||
"09-34",
|
||||
"10-title",
|
||||
"10-01",
|
||||
"10-03",
|
||||
"10-05",
|
||||
"10-07",
|
||||
"10-09",
|
||||
"10-12",
|
||||
"10-14",
|
||||
"10-16",
|
||||
"10-19",
|
||||
"10-21",
|
||||
"10-24",
|
||||
"10-27",
|
||||
"11-title",
|
||||
"11-01",
|
||||
"11-04",
|
||||
"11-06",
|
||||
"11-09",
|
||||
"12-title",
|
||||
"12-01",
|
||||
"12-03",
|
||||
"12-05",
|
||||
"12-09",
|
||||
"12-12",
|
||||
"12-15",
|
||||
"12-17",
|
||||
"12-19",
|
||||
"12-21",
|
||||
"12-23",
|
||||
"12-24",
|
||||
"12-26",
|
||||
"12-29",
|
||||
"12-31",
|
||||
"12-34",
|
||||
"12-37",
|
||||
"12-41",
|
||||
"12-43",
|
||||
"12-45",
|
||||
"12-47",
|
||||
"12-49",
|
||||
"13-title",
|
||||
"13-01",
|
||||
"13-03",
|
||||
"13-06",
|
||||
"13-08",
|
||||
"13-11",
|
||||
"13-14",
|
||||
"13-17",
|
||||
"13-19",
|
||||
"14-title"
|
||||
]
|
||||
}
|
Loading…
Reference in New Issue