Thu Feb 15 2024 09:28:22 GMT-0500 (Colombia Standard Time)

04/24.txt

@@ -0,0 +1 @@
+\v 24 Njite naacayao toa inipolrico, Dio ioketaacawa Moise iapiya deepi ricó, njite wadeepe lriinocani. \v 25 Njite Séfora jipa pada jiipada nakematanda malriye sho, njite royoá roenipeda íya lri-atsiaca nacoda, njite rocadaani Moise jiipa naco. Njite roaco: ''Ajádalrica noinirrica pjia lrikjaote jliaji írranati.'' \v 26 Niini Dio imáca Moise. Njite roaco: ''Írranati ínirrica pjia circuncisión ikjaote.''

04/27.txt

@@ -0,0 +1 @@
+\v 27 Wa-Minalri iaco Aarón irso: ''Warsa piawa jalrapocolri lricojle, nirseotsa picapa Moise.'' Aarón iá lriderse njite lricapani piyompinaco toa Dio iawacadate nacojle, njite lritsootsoni. \v 28 Moise iaco Aarón irso pjiomi njaji iacoti Dio inalri lricaiteca lrirso, njite pjiomi njaji manaitja canaperri Lrinaalri lrinaitjaca.

04/29.txt

@@ -0,0 +1 @@
+\v 29 Ikena Moise njite Aarón iawa njite nawaketa pjiomi njaji caconaperri pekipenai iraelitanai. \v 30 Aarón icaite narso pjiomi njaji yaacoti WaMinalri inaalri Moise icaiteca. Lricadaa tsakja nacapa Dio jiida nacapá-carro njaji inaiki. \v 31 Njite njaji inaiki njeepani. Njite njemi cádanaco Dio icapaca narso njaji iraelitanai, coanca njerrapitaca, ikena nayamheta njewidaa nácarro Lrirso matsiadalri.

05/01.txt

@@ -0,0 +1 @@
+\c 5 \v 1 Njite njapodamina pjiomi njaji jiyapalrio, Moise njite Aarón iawa Faraón iderse, njite naaco lrirso: ''Cayo lricaiteca jliaji Waminalri, na-Diote njaji Iraelnai: Picadaa naawa njaji nonaikite aimadan, ná-carro nacatimataacawa Noapiya nirse, jalrapocolri ricó.'' \v 2 Faraón iaco narso: ''¿Kjaiterrio jliaji IMINALRITI? ¿Coajintja njoepaca jliaji Lricaiterri norso nocadá-carro naawa njaji iraelitanai? Cotsa noajindaca jliaji IMINALRI; njite njoa, corriotsa nocadá-carro naawa.''

05/03.txt

@@ -0,0 +1 @@
+\v 3 Njite naaco lrirso: ''NaDiote njaji hebreonai inon waikjaolre. Picadaa waawa madalridaa jecoapi jalrapocolri lricojle wainó-carro maaficalri waMinalri irso, wadee lriinoca fáa maatsidalri shó o matseeta shó.'' \v 4 Mitsa jliaji Egipto italricanaa iaco lrirso: ''Pjia Moise njite Aarón, ¿Coada ioma ideeca njaji inaiki nadejicalre ioya? Warsa idiawa idejicalre nacojle.'' \v 5 Lriaco pja narso: ''Aima hebreonai panaya fepaite ricó, njite shá ima kjapantsa yaami nadejica.''

05/06.txt

@@ -0,0 +1 @@
+\v 6 Jliadatsa jecoapi, Faraón inaa njaji iwapacape njaji idejicaperri lrirso njite narso njaji icapacape coajica nadejica, lriaco narso: \v 7 ''Panaya jliaji, corrinatsa yaa carroca narso malritsi napatsica shopa jipaipe. Icaotsa naacarro naoma narsowao njawacatsa nanaitjashopa. \v 8 Njite narsotsa nanaitjaca jliaminitsa namaimaca nanaitja capisho manatsa, wadee tsó pjaaca nanaitjaca lrioya, ima inoperricana, niini naoma nocadaaca naawa naacarro naino maaficalri na-Diote irso. \v 9 Icadaotsa nadejicalreo aima pja lrioya jliaji narsolrina wadentja nawaopiajica pada nacojle, njite wadee njemica coanca nacashataca njaji.''

05/10.txt

@@ -0,0 +1,2 @@
+\v 10 Ikena naacawa njaji naapiyawalre njaji
+idejicaperri njite njaji icapacape coajica nadejica nacaié-carro narso njaji inaiki aimadan idejicaperri, naaco narso: ''Cayoji Faraón icaiteca: ''Corrinatsa waacarroca irso malritsi ipatsica shopa jipaidape. \v 11 11Jiwaca tsaotsa irsotsa yaaca ioma irsowaona, njite irsotsa inaitjaca pacoacatsa namaimaca cayotsa inaitja capisho manatsa.''

05/12.txt

@@ -0,0 +1 @@
+\v 12 Niini pjiomi njaji inaiki aimadan napocotacawa pjiomi Egipto lrico naomá-carro narsowao malritsi. \v 13 Njite njaji iwapacape nadejica, naaco narso: ''Iwayaketa idejica, cayotsa wacaojli pia irso malritsi idejicarro.'' \v 14 Njaji iwapacape nadejica, Faraón irsoperri, nañá mana njaji iraelitanai iwapacape nadejica, njajtsa njaji nacadaji nawapá-carro njaji idejicaperri. Njajim iwapacape nadejica naaco narso njaji narsoperri: ''¿Coada corrinatsa inaitjaca jliaminitsa namaimaca njaji jipaidape inaitja capisho pia mana, daicayena njite opica?''

05/15.txt

@@ -0,0 +1 @@
+\v 15 Niini njaji iraelitanai iwapacape njaji idejicaperri naawa Faraón iderse natatjá-carro coadaca njerrapitetana, naaco lrirso: ''¿Coada picadaa njerrapita calretsa njaji pirsoperri cayoji picadaa capisho nadejica?'' \v 16 Corrinatsa naaca malritsi pirsoperri irso, njite nanaa fá wanaitjá-carro pja torropepe. Njite fá pirsoperri, iwapacape njaji idejicaperri nañáca fa, mitsa njatsa irso maatsicalri njaji pinaikite.'' \v 17 Mitsa Faraón iaco narso: ''¡Ínoperrinca shá! ¡Ínoperrinca shá! Ima iaco cayoji: Picadaa wáwa, wá-carro waino maaficalri wa-Minalri Irso. \v 18 Warsena yáa idenji. Corrinatsa nadee carroca malritsi irso inaitjashopao torropepe, njite irsotsa inaitjaca jliaminitsa namaimaca inaitja capisho mana.''

05/19.txt

@@ -0,0 +1 @@
+\v 19 Njite njaji iraelitanai iwapacape icapa njaji idejicaperri, maatsi najiacacawa njemi cádanaco narsocatsa nanaitjaca jliaminitsa torropepe imaimaca jalredaoca icoam. \v 20 Njite naoketaacacawa Moise njite Aarón iapiya, neemacawa talricanaati dapana pemajle nadia cádanaco namotoa Faraón ioya. \v 21 Naaco Moise irso njite Aarón irso tsakja: ''Wa-Minalri icadaacaotsa jirrapitaca, ima oopica icadaa maatsica Faraón icapaca warso njite njaji lrirsoperri. Oopi icadaa matseta lricapi ricó lriinó-carro fáa.''

05/22.txt

@@ -0,0 +1 @@
+\v 22 Njite Moise yá itatja Dio iinai, lriaco: ''No-Minalri, ¿Coada pima njerrapitaca njaji pinaikite aimadan? ¿Coada pimeenaca njoa ajerreji? \v 23 Nono cayami caaco njoa Faraón irso piipitana nacó, icaamitsa jlirrapitetaca njaji pinaikite, njite corritoa pjitaca njaji pinaikite ajaiteji.''

05/title.txt

@@ -0,0 +1 @@
+Capítulo 5 (Moise njite Aarón, Faraón ipeyajle)

06/01.txt

@@ -0,0 +1 @@
+\c 6 \v 1 Njite wa-Minalri iaco Moise irso: ''Panayaotsa picapa coajicaotsa Nonaitjaca Faraón irso, picapaotsa jliaji Nocaiterri, niniotsa lricadaa iacarroa lricapa kjetena Njoida. Njoida ikjaote Lricadaotsa imotó-carro jlipaite ioya.''

06/02.txt

@@ -0,0 +1 @@
+\v 2 Dios icaite Moise irso cayoji: ''Icatsa IMINALRICA Njoa. \v 3 Nocadaa Abraham, Isaac njite Jacob tsakja nacapá-carro njoa Dio kjaidádalri shó; Mitsa corrin pia najíica Njoá Noipitana nacó, IMINALRITI, corrin najíca jliaji Noipitana. \v 4 Nonaitja pia tsakja pada yaacoti naapiya, nocaitecawa Noca narso Canaán jípaite, jliaji jiipai naofalri irricoda corri-cadanatsa nayadacani, najicawa lrico pia macádatsa. \v 5 Njite, Njominina tsakja coajica njeemataca njaji iraelitanai, Egipto lricoperri jirrapiteta capoana-na, niini nowaadaca coajica jliaji yaacoti Norsolri pia naapiya.

06/06.txt

@@ -0,0 +1,2 @@
+\v 6 Niini picaiteotsa narso njaji iraelitanai, cayoji: ''Icatsa Iminalrica njoa. Njotacaotsa sháa lrioya
+jliaji egipcionai icada-cawa jirrapitaca, Njotaotsa shá nacaapi ioya. Nocadaotsa njerrapitaca Njoida shó, icatsaotsa cayó noyomjetaca shá. \v 7 Niniotsa Nonaikite aimadanca sha njite iDiote caotsa Njoa. Icatsa iMinalri Dioca Njoa, njite yanjiotsa Njoaca jliaji jitalri shá nacaapi ioshete njaji egipcionai.

06/08.txt

@@ -0,0 +1 @@
+\v 8 Nodecaotsa shá lri-ricoda jliaji jiipai nocaiterri yaacaoti ajádalri shó Abraham irso, Isaac irso njite Jacob irso tsakja. IMINALRICA Njoa, niini iyadacaotsa jliaji jiipai.'' \v 9 Njite Moise icaite tjá njaji yaacoti narso njaji iraelitanai, mitsa corrin naoma njemica lrirso ima kerroacana naikjaote njaji idenjikjeti nananitjalri.

06/10.txt

@@ -0,0 +1 @@
+\v 10 Dio icaite Moise irso: \v 11 ''Warsa piawa Faraón iderse, Egipto italricanaa lricadá-carro naawa njaji iraelitanai jlipaite ioya.'' \v 12 Njite Moise iaco Dio irso: ''¿Coajintja Faraón jimica norso, njácatja njaji iraelitanai corrica naoma njemica norso, njite corrin tsakja notaita caacoca njoa matsia?'' \v 13 Wa-Minalri inaa Moise njite Aarón tsakja naa-carro caacona naapiya njaji iraelitanai njite Faraón iinai tsakja, jliaji Egipto italricanaa, jlitá-carro njaji iraelitanai Egipto jipaite ioya.

06/14.txt

@@ -0,0 +1 @@
+\v 14 Icatsa neepitanaca njaji njanirrinaipe jiwidaapo: njaji Rubén yénipe, Irael irrí pjerriti: Hanóc, Falú, Hezrón njite Carmi. Icapiatsa njaji Robén iipaneta inakjoité-perrica. \v 15 Njaji Simeón yénipe: Jemuel, Jamín, Ohad, Jaquín, Zohar, njite Saúl, roenipe rsoaji Canaán darro. Icapiatsa njaji Simeón iipaneta inakjoité-perrica.

06/16.txt

@@ -0,0 +1 @@
+\v 16 Nanineta tsakja anjí njaji Leví yénipenaipe. Leví yofá pia ciento trenta siete walria jalredaoca lrico. icapiatsa lrienipenaica njaji: Gersón, Coat njite Merari. \v 17 Njaji Gersón yénipe: Libni njite Simei. \v 18 Coat iofawa ciento trenta tré walria jalredaoca lrico. Icapiatsa lrienipeca njaji: Amram, Izhar, Hebrón njite Uziel. \v 19 Njaji Merari yénipe: Mahli njite Musi. Icatsa njaapococa njaji Leví inakjoité-perri naapaneta yaapiya.

06/20.txt

@@ -0,0 +1 @@
+\v 20 Amram jita inoa jlinirri iwedoa tsa, njite rorsoca yamada roenipe rorso, Moise njite aarón. Amram iofawa ciento trenta siete walria jalredaoca lrico, njite mayamini. \v 21 Njaji Izhar yénipe: Coré, Nefeg njite Zicri. \v 22 Njaji Uziel yénipe: Misael, Elzafán njite Sitri.

06/23.txt

@@ -0,0 +1 @@
+\v 23 Aarón jita inoa Eliseba, aminadab iito, Nasón iwedoa. Njite icatsa njaji roenipeca lrirso: Nadab, Abiú, Eleazar njite Itamar. \v 24 Njaji Coré yánipe: Asir, Elcana njite Abiasaf. Icatsa njaji Core iipaneta pococa. \v 25 Njite Eleazar, Aarón irrí, jita inoa Futiel iito. Njite Finees-ca roenipeca lrirso. Icatsa levitanai jinirrinaipe iipaneta jiwidapoca njaji, naapiya njaji nanakjoitéperrim.

06/26.txt

@@ -0,0 +1 @@
+\v 26 Njaa minítsa njaji Aarón njite Moise tsakja njaji wacapalrina inacó, Dio icaitejí irso: ''Yaa jita njaji iraelitanai Egipto jipaite rikjoite papocope njaapodawaaca. \v 27 Aarón njite Moise tsakja caacona Faraón irso, jliaji Egipto italricanaa, lricadaacarro nadee njaji iraelitanai Egipto jipaite ioya.

06/28.txt

@@ -0,0 +1 @@
+\v 28 Caaco caojli pia wa-Minalri Moise irso Egipto jipaite ricó, \v 29 Lriaco pia lrirso cayoji: ''Icatsa IMINALRICA Njoa. Picaiteotsa lrirso jliaji Faraón, Egipto italricanaa, pjiomi njaji Nocaiterri pirso.'' \v 30 Mitsa Moise iaco Dio irso: ''Cotsa matsiaca caacoca njoa, ¿Coajintja Faraón jimica norso?

06/title.txt

@@ -0,0 +1 @@
+Capítulo 6 (Dio ipieta caacoca Moise irso)

07/01.txt

@@ -0,0 +1 @@
+\c 7 \v 1 Wa-Minalri iaco moise irso: ''Nocadaca dio capisho pjia Faraón irso. Njite pipjerri Aarón, Nocadacani inoparrotacaita sho. \v 2 Picaiteotsa pjiomi njaji nonaalri Picaiteca. Njite pipjerri Faraón, lricaiteotsa Faraón irso lricadá-carro naawa jlipaite ioya njuaji Iraelnai.

07/03.txt

@@ -0,0 +1 @@
+\v 3 Mitsa Notarrata caotsa Faraón icaolre ricó niní Nocada caotsa nacapa aima manaitja canaaperri nonaitjanda Njoida shó Egipto jipaite ricó. \v 4 Corriotsa Faraón jimí-carroca irso, niniotsa nocadaa nacapaca njoida njaji Egipto lricope, njerrapita caotsa lrikjaote. Cayoatsa njotáca papocope njapodawaca njaji nonaikite aimadan kjaidá-perri, njaji Irael inakjoite-perri, naacarro Egipto lrikjoite. \v 5 Njaji Egipto lricoperri nanjí watsa Dio-ca Njoa nacapa capoa Njoida njite njoida shó njotaca njaji iraelitanai naoya.''

07/06.txt

@@ -0,0 +1,2 @@
+\v 6 Moise njite Aarón nanaitja cayó; cayoji Dio inaa capisho nanaitjaca. \v 7 Moise irso pia ochenta
+walria lri-pekirrica naco njite Aarón irso pia ochenta tre walria lri-pekirrica naco naa caojli pia caacona Faraón irso.

07/08.txt

@@ -0,0 +1 @@
+\v 8 WaMinalri iaco Moise njite Aarón: \v 9 ''Faraón inaa cadaa shá inaitjá-carro manaitja canaadalri, picaiteotsa Aarón irso: ''Pjipa pipeeco pjipajico lripadamá-carro apiwa Faraón icapá-carro.'' \v 10 Ikena Moise njite Aarón naawa Faraón iderse, njite nanaitja cayoji Dio inaa capisho nanaitjaca. Aarón ipeeco jlipajico Faraón icapá-carro njite njaji lrirsoperri, njite jliaji Aarón jipajico ipadamawa apiwa.

07/11.txt

@@ -0,0 +1 @@
+\v 11 Njite Faraón inaa nawanaca lrikjaolrewa njaji atsianai lrirsoperri canjikje-perri njite njaji malrirrinai. Njite nanaitja tsakja namalrirrica sho cayotsa Arón inaitja capisho. \v 12 Nacoamitsa njaji atsianai napeeco njepajico, njite napadamawa apiwa. Mitsa jliaji Aarón jipajico injaca nayarrona njaji malrirrinai. \v 13 Mitsa tarraca Faraón lricaolre naoya, corrin jlimica narso, cayotsa wa-Minalri icaite capisho narso.

07/14.txt

@@ -0,0 +1 @@
+\v 14 Wa-Minalri iaco Moise njite Aarón irso: ''Tarraca Faraón icaolre ricó, niini corrin lricadaa naawa njaji inaiki aimadan. \v 15 Pia watsa tjewa piyompinaco Faraón iderse lria cadanacoatsawa oni canjerse. Piema watsa onicanje ricó picapaaca carroatsa lriapiya, pjipaotsa picaapi ricó jliaji pjiecote ipadamalri apiwa.

07/16.txt

@@ -0,0 +1 @@
+\v 16 Picaiteotsa lrirso: jliaji NOMINALRI, na-Diote njaji hebreonai, lrimeenaca njoa piderse nocaité-carro pirso jliaji yacoti: ''Picadaa naawa njaji nonaikite, ná-carro naa matsadalri Norso jalrapocolri ricojle. Mitsa corrin pioma pjiepaca jliaji yaacoti.'' \v 17 Njite cayo Lricaiteca jliaji wa-Minalri: ''Lrikjaote jliaji picapalriotsa piajíwatsa Dio-ca Njoa. Noñá watsa Ooni Nilo nacó lrisho jliaji jaicoapo norsolri nocaapi ricó, njite lripadamacaotsa írranatiwa jliaji ooni. \v 18 Mayamiotsa njaji copje ooni ricope niini éco caotsa jliaji ooni namá. Corriotsa nataitá carroca nairra jliaji ooni lrinakjoite njaji egipcionai.''

07/19.txt

@@ -0,0 +1 @@
+\v 19 Njite Dio icaite Moise irso: ''Picaite Aarón irso cayoji: Pjipa jliaji pjipajico njite pipiajleta picaapi lrisho Egipto ionite cawa nacojle, ooni macapeki nacó, onipaokja nacó, nadanatacawa naco ooni, pjiomi nacadaacawa lrico ooni, napadama carroatsa írranatiwa. Pinaitjaotsa cayó niini carraotsa írranati pjiomi Egipto jipaite ricó, írranati tsakjaotsa nairra carroapa lrico nanaitjanda jaico shó njite nanaitjanda jiipada shó tsakja.

07/20.txt

@@ -0,0 +1 @@
+\v 20 Moise njite Aarón nanaitja cayoji Dio inaa capisho nanaitjaca. Aarón jirreta lrijaicoapote njite lriñáca ooni naco, Faraón icapa cadanatsa njite njaji lrirsoperri. Niini lripadamacawa írranatiwa jliaji ooni. \v 21 Mayami pjiomi njaji copje ooni ricope, ikena eecoca jliaji ooni. Corrin kjerre nairra ooni njaji egipcionai njite írranati minitsa pjiomi Egipto jipaite ricó. \v 22 Mitsa njaji malrirrinai Egipto lricope nanaitja tsakja cayó namalrirrica shó, niini tarraca Faraón lricaolre naoya, corrin jlimica Moise njite Aarón irso, cayotsa wa-Minalri icaite capisho narso coaji caotsani.

07/23.txt

@@ -0,0 +1 @@
+\v 23 Njite Faraón idiawa lriipana lricojle. Corrin coadaca lrirso jliaji lricapalri. \v 24 Njaji egipcionai njecaca oniapji tsoomi ooni macapeki ioya nataitá-carro nairraca ooni, ima corrica nataita nairraca ooni lrioya jliaji macapeki. \v 25 Siete jalredaoca jiyapawa waMinalri imatsiketa cayami naoya jliaji ooni.

07/title.txt

@@ -0,0 +1 @@
+Capítulo 7 (Aarón ipjeco ipadamawa ápiwa)

08/title.txt

@@ -0,0 +1 @@
+Capítulo 8 (Dio jirrapiteeta njaji egipcionai)

manifest.json

@@ -75,6 +75,42 @@
 		"04-10",
 		"04-14",
 		"04-18",
-		"04-21"
+		"04-21",
+		"04-24",
+		"04-27",
+		"04-29",
+		"05-title",
+		"05-01",
+		"05-03",
+		"05-06",
+		"05-10",
+		"05-12",
+		"05-15",
+		"05-19",
+		"05-22",
+		"06-title",
+		"06-01",
+		"06-02",
+		"06-06",
+		"06-08",
+		"06-10",
+		"06-14",
+		"06-16",
+		"06-20",
+		"06-23",
+		"06-26",
+		"06-28",
+		"07-title",
+		"07-01",
+		"07-03",
+		"07-06",
+		"07-08",
+		"07-11",
+		"07-14",
+		"07-16",
+		"07-19",
+		"07-20",
+		"07-23",
+		"08-title"
 	]
 }