Compare commits
29 Commits
5c86c600cc
...
a9a389f61f
Author | SHA1 | Date |
---|---|---|
Norbeldine | a9a389f61f | |
Norbeldine | 886abbfcd2 | |
Norbeldine | 45b39c4cc6 | |
Norbeldine | 10cf6be9da | |
Norbeldine | a0388e000d | |
Norbeldine | 5778d09107 | |
Norbeldine | ec1e687041 | |
Norbeldine | a923080619 | |
Norbeldine | 8bf4951861 | |
Norbeldine | 1217da44f3 | |
Norbeldine | 7ca5ae7cad | |
Norbeldine | fb20831b5b | |
Norbeldine | 731beac4ba | |
Norbeldine | f7f6391637 | |
Norbeldine | c68f267827 | |
Norbeldine | ea035f5cb4 | |
Norbeldine | 183a8dcc7b | |
Norbeldine | 68cc5ace35 | |
Norbeldine | a7324c5e62 | |
Norbeldine | 49bcd94a87 | |
Norbeldine | 4c1f69f9be | |
Norbeldine | 723f742e8f | |
Norbeldine | 72f3ab558c | |
Norbeldine | 1a443bb28f | |
Norbeldine | e6c2d9d111 | |
Norbeldine | 77138185ab | |
Norbeldine | 9db4d9cf79 | |
Norbeldine | 4759d7fee1 | |
Norbeldine | 65dd1a1ba4 |
|
@ -0,0 +1 @@
|
||||||
|
\v 7 Corrin pitaita maatsica picapaca pada edomita irso, ima pikitsinda-cani, manatsicatsa picapaca egipocionai irsio, ima piofa piacawa inocaperri sho jlipaite ricó. \v 8 Nanakjoite njaji iofacapena ipecolrico, madalricoma nakjoite njaji njaji dakenai nataitena njewaca iinai Dio inaikitécarrona tsakja.
|
|
@ -0,0 +1 @@
|
||||||
|
\v 9 Njite ia cádanacoa pafe ricojle inoacá-carro icoema ikjoete, irsotsa iwapacacawa pjiomi matsidalri ioya. \v 10 Niini cada ape ipecolrico maatsídalritoa kjewi capoani deepi ricó, icamitsaotsa lrirsotsa lrimotocatoa naofacawa lrikjoite toa njaji tsolrodaonai, njite corri toatsa lritaitá carroca lridia catoa naikjaolre . \v 11 Dainomajlena, ikena lripitaca matsia lrioyawa, njite lritaitena jliewa tsenakjawa naofacawa lricojle.
|
|
@ -0,0 +1 @@
|
||||||
|
\v 12 Irso tsakjaotsa irsoca pada nácarroda lricojle cayo cádanacotoana, naa cádanaco naofacawa ioya toa; \v 13 njite pirsotsa pirsoca pjicashopa jiipai, ima pirsotsa pjicaca jiipai pipeecó-carro pimatsicanda pjicanda lrico njitepoitaita cayami, pidia tsenakja piitani. \v 14 Ima jliaji pi-Minalri Dio lriemajicawa iofacawa ipecolrico Lricadacarro irso jidawa shamacarro njite Lricadacarro irso icapi rico icoema. Niní corriotsa pacapá carroca pada matsidalri iofacawa lrico, lrirsotsa matsiaca pjiomi wadentja Lricapaca pada matsidalri ipecolrico njitenantja jlienaca ioya.
|
|
@ -0,0 +1 @@
|
||||||
|
\v 15 Corrin pitaita pidietaca pada irsolri ipitocadawa lrisodalri ioya. \v 16 Icadena lriofacawa inai iyacalre ricó. Mjerrapitetatsani idejikjeti kjaidaperri sho.
|
|
@ -0,0 +1 @@
|
||||||
|
\v 17 Corriotsa pacapá carroca pada atsia o apama inarro cawilreperrimi naikjaote njaji dionai miperritsa Irael lrico. \v 18 Corrin itaita ideeca Dio iipana lricojle nacaoña shopa natatjanda Diio iinai nawilre icoada njaji inaitjepe, o nacoadawa njaji atsianai tsino icayoshoperri, ima matsiperricfa Dio icapaca narso njaji cayoperri.
|
|
@ -0,0 +1 @@
|
||||||
|
\v 19 Matatjatsa picoadao pja pikitsinda Irael iinai lrinakjoite jliaji jlitalri piinai palrata, iñjaodati cadaa, o coca nacocatsa lriomacawa pacaoña pjaaca lrinacojle. \v 20 Narso dekja itaita inaitjaca cayo njaji apanatsa inaiki ioya; corrin dekja lrirso jliaji pikinda Irael tsa, Lritaitá carroatsa lrinaitjaca matsia pirso Jliaji pi-Minalri Dio nasho njaji lricadalri picaapi ricó, lri-ricoda jliaji jiipai iofalriotsa niini.
|
|
@ -0,0 +1,2 @@
|
||||||
|
\v 21 Picaite cadaotsa pi-Minalri Dio irso pada pinaitjaoda Lrirso, pirsotsa pinaitjacani kjeya, ima
|
||||||
|
Jliaji pi-Minalri Dio lritatjacaotsa pinaini, ima pecadoca pirsoni corri cadaa pinaitja cayoji picaite capisho. \v 22 Mitsa corri cadatsa coca picaite pinaitjá-carro, corriotsa pacapá carroca matsidalri iofacawa lrico. \v 23 Pirsotsa piwapaca matsia njaji yacoti picaiterri pinoma sho, pirsotsa pinaitjacani; pjiomi njaji picaiterri pinaitjaca pi-Minalri Dio naco, njaji picaiterri pinaitsaca picaolre rikjoite pinoma sho pinaitja caotsa.
|
|
@ -0,0 +1,2 @@
|
||||||
|
\v 24 Pia cádanacoatsa pikitsinda ikinikerre lricojle,
|
||||||
|
pitaita piñjaca njaji lripania inaca lri-ricoperri cosho catsa pioma, mitsa mjetatsa nanakjoite pitsetó lrico pidecarro pipana lricojle. \v 25 Pimoto cádanaco pikitsinda icanapji ricojle pitaita piñjaca cadalriapa catsa pioma, mitsa matsopatsa pidecarro nanakjoite piipana lricojle.
|
|
@ -0,0 +1 @@
|
||||||
|
\c 24 \v 1 Ape atsia jita cadaa lrinowa apama inarro njite lricasa roapiya, mitsa matsitsa lridia lricapa rorso niini capoa jliaji mátsidalritsa lricapanda lronaco, niini lrirsotsa lridanaca papje paperra lricaitecawa lrimacacano, njite lriá rorsoni, njitedalri lrimenaca roácarro lrioya lripana lrikjoite. \v 2 Niini roa cádanacoena lrioya lriipana lrikjoite rotaita rofacawa ape atsia iapiya.
|
|
@ -0,0 +1 @@
|
||||||
|
\v 3 Mitsa matsi cada lricapa tsenakja rorso jliaji roinirri walridalri, njite lrirsotsa lridanaca papje paperra lricaitecawa lrimacacano, njite lriá rorsoni, njitedalri lrimenaca roácarro lrioya lripana lrikjoite, o mayami cadatsa jliaji roinirri yamada shopa, \v 4 jliaji roinirri roinitanda, jliaji imenacalri roawa lriipana ioya inita, corrinatsa lritaita lripieta catsenakja jlitacano lrinoano tsenakja, matsicayamino lrirso; ima pada matsidalritsa DIo irso jliaji cayodalri. Macadatsa caikjaolrenaca jliaji jiipai lrisho jliaji imatsicanati, jliaji jiipai pi-Minalri Dio icadalri irso iyadawa.
|
|
@ -0,0 +1 @@
|
||||||
|
\v 5 Corriotsa lria carroca oowi ricojle lrikitsiñape iinai jliaji walridalritoa cainoca, corrin tsakja lridenjí-carro idenjikjeti jamiñadalri tsakja; lrofá toatsa lriipana lrico pada oonia lrikitsindatá-carro rsoaji lriino walridarro.
|
|
@ -0,0 +1 @@
|
||||||
|
\v 6 Corrin ape atsia itaita jipaca pada jiipada nawitita shopa caana jliaji macadalri, lrinaani icoada capiaho, ima jlita kenakja lrioya pada canacaidalri lrirso.
|
|
@ -0,0 +1 @@
|
||||||
|
\v 7 Naoketa cadaa ape atsia njepanda matsicalri ricó pada ípana lrico inakjoitetsa sha Iraelnai, njite jlirrapitenani narsodalri sho njite lriwenda pada irsoenakja, jliaji inaitjalri cayo cañaitedalricani, niini jliaji atsia lrirsotsa mayamicani; njite irsotsa jitaca ioya jliaji matsidalri ioya.
|
|
@ -0,0 +1 @@
|
||||||
|
\v 8 Irsocadaotsa jliaji ipoati mátsidalri malritalrem idada naco, inaitjaotsa cayoji nacaite capisho irso njaji sacerdotenai njite njaji Levitanai tsakja, inaitjaotsa cayoji Nonaa capisho nanaitjaca. \v 9 Iwadaotsa coaji piaca Jliaji pi-Minalri Dio inaitjaca Miriam irso kjeya catoa imotocawa Egipto lrikjoite.
|
|
@ -0,0 +1 @@
|
||||||
|
\v 10 Pia cada toa picodapidalri irso piyarro nakjoite, mátsawa lripana lricojle pjitácarro lrioya cocaca lrirsolri lricaoñaca jinaana pirso. \v 11 Mjewatsa lripana lrico, jliaji jitacada toa piinai piyarr, jlia tsaotsa ia jita pirso lricaoñaca jinana lriácarro pirsoni panti pemajletsa.
|
|
@ -0,0 +1 @@
|
||||||
|
\v 12 Kjenadalri cadatsa jliaji atsia, njite lria cada pirso lritsayanalre lricaoñaca jinana pjia, corrin pitaita pjietaca pinacoa jliaji lritsayanalre japedalri ioya deepi ricó. \v 13 Mitsa, deepica ipjieya pirsotsa pidietaca lritsayanalre lrirso, lritaitá carroatsa lrimaaca lri-ricoda, njite matsia watsa lricaiteca pinaco; madalrica jliaji pinaitjalri pi-Minalri Dio ipjeya.
|
|
@ -0,0 +1 @@
|
||||||
|
\v 14 Corrin pitaita pjirrapite calretsa pada kjenadalritsa pinaida idejica pirso, pikitsinda iraelita cada o tekjoitedalri cada ino iofacada piyacalre ricó; \v 15 Pirsotsa picaoñaca lridejicalre icoada jliadatsa jalredaocaca, kjenadalrican niini lriwapacaotsa piinai jliaji lridejicalre icoada. Pinaitjaotsa cayo wadee lricaiteca piaconao Dio irso lriyacayao, wadenakja matsidalrica pirso jliaji pinaitjalri.
|
|
@ -0,0 +1,2 @@
|
||||||
|
\v 16 Corrin itaita inoca njaji njanirrinainenipe
|
||||||
|
imatsicana ikjaote, corrin tsakja itaita inoca neenipe njanirri imatsicana ikjaote. Ima coca cadaa inaitja imatsicanawa, jliatsa irsotsa mayamican.
|
|
@ -0,0 +1 @@
|
||||||
|
\v 17 Maomatsa picoadawa matsicalri ricó maoñjerri iinai o pada tekjoitedalri iinai, corrin tsakja pitaita pjitaca rotsayanalre roya rsoaji madoiyoami rocaoñaca jinaana pjia. \v 18 Icamitsa, pirsotsa piwadaca coaji piaca narsodalri piaca pjia Egipto jipaite ricó, njite pi-Minalri Dio jita pjia njite. Cayoshopa nocananta sha nanaco inaitjá-carro cayoji nacaite capisho njaji yácoti.
|
|
@ -0,0 +1 @@
|
||||||
|
\v 19 Piniwa cádanacoatsa pipania ínaca pikinikerre ricó, njite pimaca cadaa pana corri-perri piwada piniwaca, corrinatsa pitaita pidiaca tsenakja piomana, picadenana narso njaji tekjoiteperri, maoñjerrinai irso, madoiyoanaipe, matsia carroatsa pi-Minalri Dio inaitjaca pirso pjiomi pidejicalre. \v 20 Piñocotá cádanaco njaji pi-olivoni inaca pjitácarro nainaca, corrin pitaita pitsipaca njaji corri-perri jiwawa, picadenana nayadawa njaji tekjoiteperri, maoñjerrinai irso, madoiyoanaipe irso tsakja.
|
|
@ -0,0 +1 @@
|
||||||
|
\v 21 Piniwa cádanaco picamjerron inaca pikinikerre lricope, mapieta piniwaca gtsenakja, pimakena nayadawa njaji tekjoiteperri, maoñjerrinai irso, madoiyoanaipe irso tsakja. \v 22 Icamitsa, pirsotsa piwadaca coaji piaca narsodalri piaca pjia Egipto jipaite ricó, njite pi-Minalri Dio jita pjia njite. Cayoshopa nocananta sha nanaco inaitjá-carro cayoji nacaite capisho njaji yácoti.
|
|
@ -0,0 +1 @@
|
||||||
|
\c 25 \v 1 Maatsi cada narsowaaca njaji yamadade atsianai njite nadeyacawa caconacawa lricojle, njite jliaji icaitecaita naacona lricaite nanaco coajica namatsicanaa nacó, njaji matsiaperritsa nacadaa nadiawa matsiatsawa njite njerrapiteta njaji matsidalri. \v 2 Njite naoma cadaa nañaca jliaji atsia matsidalri lrimatsicana ikjaote, njite jliaji caconadalri lricadaa lriorsoawa jiipai nacojle, njite náa lrirso nacaitecawa nataita catsa nainocani, icamitsa nainocani lricapa cawatsa, coshoca lrimatsicana imacadalrica.
|
|
@ -0,0 +1 @@
|
||||||
|
\v 3 Jliaji caconaite lritaita lricadaca nañacani cuarenta piape, mitsa corrin lritaita jliyapeta pjaca; niini njeyapeta cadaa pja nañá cawani, niini peda njaji pikitsiñape Iraelnai napaimanietacani nacapawerrico pjiomi njaji inaiki.
|
|
@ -0,0 +1 @@
|
||||||
|
\v 4 Corrin pitaita picadaca buey inoma idana lricaboita cádanaco jliaji icocada ipania iinaca.
|
|
@ -0,0 +1 @@
|
||||||
|
\v 5 Naofa cadawa pafetsa njaji yamadade lrikitsin yapiya, mitsa mayami pada nanakjoite, rsoaji madoiyoami corrim rotaita rofaca ape inai lrioya jliaji roinirrim ikitsin. Mitsa roinirri ikitsin, jlia dekja itaita imaaca roinai njite jlitacano lrinowano, njite roinirricani. \v 6 Icatsa cayoji narsotsa nanaitjaca matsia carrotsa jliaji roenipe pjerriti lriipitana nacó jliaji lrikitsin mayamirri naoya, wadee lriipita iñacawa Irael lrico.
|
|
@ -0,0 +1 @@
|
||||||
|
\v 7 Mitsa jliaji atsia, corri cadaa lrioma jlitaca lrinowa rsoaji lrikitsinim inomi, icamitsa rotaita roacawa rsoaji inarro napananoma lricojle njaji caconaperri njá-carro icaite ronaco coajica, njite cayoatsa rocaiteca: ''Jliaji noinirrim ikitsini, corrin lrioma lriaca pada lrienipe lrikitsinim coirri ipitana naco Irael lricó; corri lrioma lrinaitjaca jliaji lirsolrintja lrinaitjaca jliacawa noinirri lrikitsin shapodam.'' \v 8 Ikena njaji caconaperri narsotsa nawanacani cacócarrona lriapiya. Mitsa lricaite cada mintsa corrica lrioma jlitacano lrinowano.
|
|
@ -0,0 +1 @@
|
||||||
|
\v 9 Niini peda rsoaji lrikitsin inomi rorsotsa rotsomitacani capatsa njaji caconaperri, njite rsota njaji lri-tsapatoni jliipa ioya, njite rsowita lriecoa nacó. Njite rorsotsa rsoepacani cayoji: ''Icatsa cayoca panaitjaca jliaji atsia corridalri ioma jirretaca lrikitsinim iipanam.'' \v 10 Njaji Iraelnai corriotsa neñetá carroca lriipaneta, ''Lriipana jliaji rsotalri ioya itsapanoni jlipa ioya.''
|
|
@ -0,0 +1 @@
|
||||||
|
\v 11 Nainoaca cadawa nakjoetewaca njaji atsianai, njite lriino jliaji pada yá jita roinirri lrioya jliaji inolrini, njite ropiajleta cadaa rocaapi njite rsopa lridada naco lripecolricope rocaapi sho, \v 12 ninipedaotsa pirsotsa piyoaca rocaapi; macapatsano kjena lricono.
|
|
@ -0,0 +1 @@
|
||||||
|
\v 13 Corrin pitaita pirsoca yanada piwishopa njemiñaca pi borrotson lrico, pada tsodalri njite pada macadalri. \v 14 Corrin pitaita pirsoca piipana lrico aima piwishopa njawalripaca, pada tsodalri njite pada macadalri.
|
|
@ -0,0 +1 @@
|
||||||
|
\v 15 Pirsotsa pirsoca pada matsiadalri pjamitaca isho; pada pawi shopa matsiadalri pirsotsa pirsoca, icatsaotsa cayoji waia watsa piofacawa jalredaoca lrico pi-Minalri Dio icadalri pirso. \v 16 Ima pjiomi njaji inaitjacape cayo, pjiomi njaji matsicalri, pana inaiki pi-Minalri Dio icatjanda lrinoma lrikjoitena.
|
|
@ -0,0 +1 @@
|
||||||
|
\v 17 Piwada coaji piaca Amalec inaitjaca pirso inipolrico imoto caojli pia Egipto lrikjoite, \v 18 Mjaida cádanaco njite maapji c+adanaco njaji inocaperri shapodjete, namoto nakjoete kjeyanatsa. Corrin nafioca Dio iiwana njaji amalecitanai. \v 19 Coancaojli kenaotsa dio icadaotsa imadadacacá naoya njaji icoema lri-ricoda jliaji jiipai Lricadalri irso iyada carroni, pirsotsaotsa piwayaketaca pjiomi njaji amalecitanai wadee nawada catoana, Mamaodacatsa lrioya jliaji nonalri inaitjaca narso.
|
|
@ -0,0 +1 @@
|
||||||
|
Capítulo 25 - Jipadatsa
|
|
@ -0,0 +1 @@
|
||||||
|
\c 26 \v 1 Shewa cádanacoenaotsa lri-ricoda jliaji jiipai pi-Minalri Dio icadalri pirso, iyada cadanacoetsan njite iofa lriricoda, \v 2 irsoatsa jitaca ipania inanaca initanda iniwaca yapanandena lri-ricoda jiipai pi-Minalri Dio icadalri pirso. Shetaotsa tseto lricona njite ideotsa lri-ricoda jliaji panti pi-Minalri Dio iniwananda lrirsowawa.
|
|
@ -0,0 +1 @@
|
||||||
|
\v 3 Irsoatsa iacawa lrikjaolre jliaji sacerdote idejirri jliadaa, njite icaiteotsa cayoji: ''Noajina panaya jliaji Iminalri Dio ima nonoca lrinacojle jliaji jiipai i-Minalri Dio icaiterri yácoti ajádalri sho narso njaji iferrinaipemi Lriaca narsoni.'' \v 4 Jliaji sacerdote jipaotsa lricaapi ioya jliaji tseeto njite lricadaani altar nacó i-Mionalri Dio ipeyajle.
|
|
@ -0,0 +1 @@
|
||||||
|
\v 5 Icaytwotsa i-Minalri Dio ipeyajle cayoji: ''Jlaiji noferrimi pada arameotairri yajicada tsawa akjerrecatsaji. Lriawa Egipto lricojle njite lriofa piatoa niniwa, njite corri piaca toa aimadancana. Njite icapitsa nirse lria lrimaimatacawa, inaiki kjaidaperri njite napocotacawa aimawa.
|
|
@ -0,0 +1 @@
|
||||||
|
\v 6 Njerrapiteta matsina njaji Egipcionai njite nañaca fa. Nacada wadejica nadejicalrepe njaji njerrapitetaji idenjikjeti sho. \v 7 Femataca kjaida wa-Minalri ikjaolre, na-Diote njaji waferrinaipemi, njite Jlimica warso njite lricapa coaji ferrapitaca, coajica wadejica njite coaji matsiketaca fa.
|
|
@ -0,0 +1 @@
|
||||||
|
\v 8 Jliaji wa-Minalri jita fa Egipto lrikjoite Jlida kjaidadalri sho, cafainaperri pacapaca irso, manaitjacanaperri sho njaji corri-perritsa pacapacaji mana; \v 9 niini Lrideeca fa ajerreji njite Lricadaaca warso jliaji jiipai, pada jiipai matsia cawa pataoñaca pirraiti njite matsiacawa tsakja paapanaca.
|
|
@ -0,0 +1 @@
|
||||||
|
\v 10 Niini panaya, nodekena pirso no-Minalri njaji nopania inaca noinitaji noniwaca lri-ricoda jlipai picadalri norso, Pjia no-Minalri. Picadaotsana pi-Minalri Dio ipeyajle piacarro lrirso matsiadalri; \v 11 irsiotsa icatimatacawa nanaco pjiomi njaji matsiaperri pi-Minalri Dio inaitjalri pikjaote, piipaneta ikjaote, pjia njite jliaji levita, njite pjiomi njaji tekjoiteperri iofacape piyacalre ricó.
|
|
@ -0,0 +1 @@
|
||||||
|
\v 12 Njite itaita cayamiotsa iaca njaji diezo pipania nakjoitepe madalriwalria naco, diezmo walria naco, icadaotsana narso njaji levitanai, tekjoiteperri irso, maoñjerri irso, madoiyoanaipe irso, nataitá carroatsa naiñjaca iinai kepinape iyacalre ricó. \v 13 Cayoatsa icaiteca i-Minalri Dio ipeyajle: ''Nodeeca nopana lrikjoite njaji no-Minalri Dio iyapetsa, njite nocadaaca narso njaji levitanai, tekjoiteperri irso, maoñjerri irso, madoiyoanaipe irso, cayotsaji piaco inaa capiosho wanaithjaca, njaji Picadaji warso. Corrin nomacoadataca pada nanakjoite njaji yácoti Pinaa shopa fa, corrin tsakja nomaodacaca piaco ioya.
|
|
@ -0,0 +1 @@
|
||||||
|
\v 14 Corrin noiñja nanakjoite inonacalri ricó, corrin tsakja noiñjaca nanakjoite maatsi cádanaco njoa nomatsicana ima, corrin tsakja noaca nanakjoite mayamperrimi ipitana nacó. Njoepaca no-Minalri Dio iaco; nonaitjaca pjiomi njaji Pinalri nonaitjaca. \v 15 Picapa waikjaolre Piofacawa Matsiadalri lrikjoite, eenolrikjoite piacarro matsiadalri narso njaji pinaikite aimadan Iraelnai, njite lriso jliaji jiipai picadalri warso, cayotsaji picaite capisho yácoti ajádalri sho piacaotsa narso njaji fanirrinaipemi, jliaji jiipai matsiacawa lrico pataoñaca pirraiti njite matsiacawa paapanaca paniati.''
|
|
@ -0,0 +1 @@
|
||||||
|
\v 16 Panaya, Jliaji pi-Minalri Dio lrina shepaca lriaco nite njaji lrinacoapanaperri; niniotsa sha corriotsa imaodaca carroca naoya njite inaitjaotsa cayoji nacaite capisho icaolre rikjoite njite icafica sho tsakja. \v 17 Opina ianjí panaya lrinaco Jliaji Iminalriti icacatsa i-Diotecan, inaitjacaotsa cayoji lrioma capisho inaitjaca, njite ikjaidatacaotsa njaji Lrinacoapanaperri, njite njaji Lriaco Lricaiteji, njite inaitjacaotsana Lriaco icaite capisho.
|
|
@ -0,0 +1 @@
|
||||||
|
\v 18 Njite Jliaji IMINALRiTI lricaite lrinaikite aimadanca sha, Lriyarrope catsa, cayotsa Lricaite capisho pia irso, njite irsocatsa inaitjaca njaji yácoti lrinashopa sha. \v 19 Jliatsa Jliaji IMINALRITI lricaite lricadaca shacarro italricanata nanaco nanaco njaji apana inaiki Lrinaitjaji, nácarro matsiadalri Dio irso nacapa capoa naicao sha, matsiadalri iacona njite nanaitjaoda irso matsia. Inaiki shenitaacacapewa i-Minalri Dio irso, cayoji Lricaite capisho irso.
|
|
@ -0,0 +1 @@
|
||||||
|
Capítulo 26 - Pana y'acoti kjaidaperri
|
|
@ -0,0 +1 @@
|
||||||
|
\c 27 \v 1 Moise njite njaji caconaperri Irael lricoperri naaco narso njaji inaiki aimadan cayoji: ''Mamaodacatsa naoya njaji yácoti inacaperri nocadalri irso panaya. \v 2 Jliadaotsa jecoapi iyoetacaotsa jliaji ooni Jordán iácarro lrinacojle jliaji jiipai iMinalri Dio icadalri irso, icadaotsa padapena jipada macadalripe ipatsicanda cemento sho. \v 3 Idanaotsa nanaco njaji yácoti kjaidaperri; iacarroatsa lrinacojle jliaji jiipai Lricadalri irso Jliaji Iminalriti Dio, jliaji jiipai matsiacawa pataoñaca pirraiti njite matsiacawa paapanaca, cayotsaji Lricaite capisho Jliaji Iminalriti, na-Diote njaji iferrinaipemi oopi.
|
|
@ -0,0 +1 @@
|
||||||
|
\v 4 Iyoeta cádanacaotsa jliaji ooni Jordán, icadaotsa njaji jiipada nonalri sha panaya inaco, Jiipana Ebal lrico, irroetaotsana ceneto shona. \v 5 Icatsa niini inaitjaotsa apana altar jiipada sho iminalri Dio irso; mitsa corriotsa iñacarroca cocasho cantja njaji jiipada.
|
|
@ -0,0 +1,2 @@
|
||||||
|
\v 6 Inaitjaotsa jliaji altar i-Minalri Dio irso jiipada sho corridalritsa namatsietajicantja coca shoca;
|
||||||
|
imjaitaotsa lrinaco ofrenda i-Minalri Dio irso, \v 7 njite ino tsakjaotsa maficalri ofrendawa ikitsindajicawa yajiacacawa njite iñjacaotsa niini; icatimataca caotsawa i-Minalri Dio ipeyajle. \v 8 Idanaotsa nanaco njaji jiipada njaji yácoti kjaidaperri catjinaa matsia.''
|
|
@ -0,0 +1 @@
|
||||||
|
\v 9 Caaco Moise, sacerdotenai njite njaji levitanai narso njaji Iraelnai cayoji: ''Macotsa sha Iraelnai jimícarro: Icatsa panaya i-Minalri Dio icadaca lrinaikite-carro sha. \v 10 Cayoshopa irsotsa shepaca i-Minalri Dio Iaco, njaji yácoti lrina shopa sha njite pjiomi njaji lrinacoapanaperri nocadalri irso panaya.''
|
|
@ -0,0 +1 @@
|
||||||
|
\v 11 Jliadatsa jalredaoca Moise inaa njaji inaiki, lriaco narso: \v 12 ''Njapoco njaji Simeón, Leví, Judá, Isacar, José njite Benjamín, nemacaotsa Jiipana Gerizim nacó nacaité-carro yácoti matsiaperri nanaco njaji inaiki aimadan nayoeta cayamiotsa jliaji ooni Jordán.
|
|
@ -0,0 +1 @@
|
||||||
|
\v 13 Njite icatsaotsa njaji papoco yemalriotsa Jiipana Ebal naco nacaitecarro yácoti matsiperri njite : Rubén, Gad, Aser, Zabulón, Dan njite Neftalí". \v 14 Njite njaji Levitanai njepaotsana kjaida-sho narso pjiomi njaji atsianai Iraelnai:
|
|
@ -0,0 +1 @@
|
||||||
|
\v 15 Matsidalrica jliaji atsia inaitjacada o lripatsicanda pada jinapjiami, ima Dio idofiandaca jliaji cayodalri lrinaitjanda jliaji cayekaite njite jliaji inaitjacada lriemacarrodawa dawacalritsa.'' Njite njaji inaiki aimada njepaotsa cayonaji: ''Cayoatsarra.''
|
|
@ -0,0 +1 @@
|
||||||
|
\v 16 ''Matsidalrica jliaji atsia inaitjacada maatsi jlinirri, jlidoa irso.'' Njite njaji inaiki aimada njepaotsa cayonaji: ''Cayoatsarra.'' \v 17 ''Matsidalrica jliaji atsia jitacada jlipaite jliaji lricodapidalri.'' Njite njaji inaiki aimada njepaotsa cayonaji: ''Cayoatsarra.''
|
|
@ -0,0 +1 @@
|
||||||
|
\v 18 ''Matsidalrica jliaji atsia icadacada manalreca lriapowa ioya jliaji matjidalrim.'' Njite njaji inaiki aimada njepaotsa cayonaji: ''Cayoatsarra.'' \v 19 ''Matsidalrica jliaji atsia jitacada lrimatsiaca jliaji tekjoitedalri ioya, maoñjerri ioya, madoiyoami ioya jidati sho,.'' Njite njaji inaiki aimada njepaotsa cayonaji: ''Cayoatsarra.''
|
|
@ -0,0 +1 @@
|
||||||
|
\v 20 ''Matsidalrica jliaji atsia jitacada jlrinirri iino lrioya, ima jlinirrica jliaji ianjí ronaco.'' Njite njaji inaiki aimada njepaotsa cayonaji: ''Cayoatsarra.'' \v 21 ''Matsidalrica jliaji atsia idakitacada coajidalricatsa maficalri iapiya.'' Njite njaji inaiki aimada njepaotsa cayonaji: ''Cayoatsarra.''
|
|
@ -0,0 +1,2 @@
|
||||||
|
\v 22 ''Matsidalrica jliaji atsia idakitacada lriwedoa o
|
||||||
|
lripjerro iapiya, jlinirri iito; o jlidoa yénipe.'' Njite njaji inaiki aimada njepaotsa cayonaji: ''Cayoatsarra.'' \v 23 ''Matsidalrica jliaji atsia idakitacada lriñjerro iapiya.'' Njite njaji inaiki aimada njepaotsa cayonaji: ''Cayoatsarra.''
|
|
@ -0,0 +1 @@
|
||||||
|
\v 24 ''Matsidalrica jliaji atsia inocada lricodapidalri dawacalri ricotsa.'' Njite njaji inaiki aimada njepaotsa cayonaji: ''Cayoatsarra.'' \v 25 ''Matsidalrica jliaji jipacada dawai pada ikjoete lrinócarro pada mamatsicanadalritsa.'' Njite njaji inaiki aimada njepaotsa cayonaji: ''Cayoatsarra.''
|
|
@ -0,0 +1 @@
|
||||||
|
\v 26 ''Matsidalrica jliaji atsia corridalri icaite jliepacaotsa njaji yácoti kjaidaperri.'' Njite njaji inaiki aimada njepaotsa cayonaji: ''Cayoatsarra.''
|
|
@ -0,0 +1 @@
|
||||||
|
Capítulo 27 - Njaji yácoti Moise icaiteji Iraelnai irso Jiipana Ebal icodapi
|
|
@ -0,0 +1 @@
|
||||||
|
\c 28 \v 1 Pjimi cadaa matsia picaowa coaji pi-Minalri Dio icaiterri pinaitjaoda njaji lrinashopa pjia Nocadalri pirso panaya, Jliaji pi-Minalri Dio Lricadaotsa pjiacarro yanjí nanaco pjiomi njaji aoana inaiki jalredaoca lricoperri. \v 2 Nanoatsa pikjaolre pjiomi njaji matsiaperri njite cayoatsa pjia nacaite capisho, mitsa pjiepa cadaa matsia cayoji pjimi capisho pi-Minalri Icaite capisho pirso.
|
|
@ -0,0 +1 @@
|
||||||
|
\v 3 Matsiaperrica sha iofacadawa yacaalre ricó, njite matsiaperri tsakjaotsa sha iofacadaotsa awacada lrico. \v 4 Matsiaperrica njaji pikinikerre ipaniana iinaca, njite matsiaperrica njaji paniati pjipaite lricoperri, matsiaperrica njaji pípirra, pivacan njite njaji piovejani.
|
|
@ -0,0 +1 @@
|
||||||
|
\v 5 Matsaiperrica njaji piñjaope piapanaji njite njaji piñjalri. \v 6 Matsaiperrica sha shewa cádanaco, njite idiá cádanaco imotoa.
|
|
@ -0,0 +1,2 @@
|
||||||
|
\v 7 Jliatsa Jliaji IMINALRITI lricadaotsa shamaca
|
||||||
|
njaji icoema njenico cádanacoatsa ikjoete, njenicoatsa ikjoete papeco lrico inipo, mitsa nadiawatsa napitoa sietekja inipo lrico. \v 8 Jliaji Iminalriti lricaiteotsa matsiaperri irso nanácarro ikjaolre, ipaniapji ricó njite nanaco pjiomi njaji idenjikjeti pidenjirriotsa; Lricadaotsa matsiaca sha lri-ricoda jliaji jiipai Lricadalri irso.
|
|
@ -0,0 +1 @@
|
||||||
|
\v 9 Jliaji IMINALRITI Lricadaotsa sha pacoa yacalre jlienitanda Lrirsowawatsa,catotsaji Lricaite capisho irso yácoti ajádalri sho, imatsieta cadaa matsia inacoa njaji yácoti Lrina shopa sha Jliaji i-Minalri Dio, njite inaitja cadaa cayoji Lrioma capisho. \v 10 Pjiomiotsa njaji inaiki jalredaoca lricoperri nacapaotsa Dio iniwananipeca sha lriipitana nacó, njite nafio watsa nacapaca pjia.
|
|
@ -0,0 +1 @@
|
||||||
|
\v 11 Jliaji IMINALRITI Lricadaotsa matsia kenipeca sha, cayo tsakjaotsa njaji ivacan, matrsia watsa cainacaca njaji ipania, lriricoda jliaj jiipai Dio icaiterri pia yácoti ajádalri sho narso njaji iferrinaipemi. \v 12 Jliaji IMINALRITI lrimjeco caotsa njaji ooni yárroda eeno lrikjoite-perri íyacarroatsa jipaite naco jlina lrico matsia, njite matsia carroatsa poirso pjiomi pidenjicalre, njite ikitsindata caotsa njaji apacoape yacaalre, mitsa sha corriotsa jitá carroca nainai irsowawa njaji canacaiperri irso
|
|
@ -0,0 +1 @@
|
||||||
|
\v 13 Jliaji IMINALRITI Lricadaotsa sha-carro njewidapo, corriotsa lricada carroca napirsetaca sha; naicaoperrica sha, corriotsa napjité carroca sha, mitsa shepa cadaotsa njaji Dio ina shopa sha nanaco njaji yácoti Lricadalri inaitjácarro, njaji nocadalri irso panaya, inaitjá carroatsa cayoji nacaite capisho, \v 14 njite corri cada jiyapa pada nanakjoite njaji yacoti Nocadalri irso panaya, corri cadaa shena naoya iyekema nacojle o inarroema nacojle, njite corri cadaa iawa njapodan njaji apana dionai miperritsa.
|
|
@ -0,0 +1 @@
|
||||||
|
\v 15 Mitsa corri cadaotsa jimi Lrirso Jlaiji i-Minalri Dio inaitjá-carro pjiomi njaji Lrinalri inaitjaca, njite pjiomi njaji lrinacoapananperri nocadalri irso panaya, niniotsa nano caotsa ikjaolre pjiomi njaji matsirrica njaji, njite cayoatsa sha nocaite capisho irso.
|
|
@ -0,0 +1 @@
|
||||||
|
\v 16 Matsidalri caotsa pjia yacaalre ricó, njite matsidalri tsakja pjia awacada lrico. \v 17 Matsidalrica jliaji pipania njite matsidalrica jliaji iñjaodati piñjalrina.
|
|
@ -0,0 +1 @@
|
||||||
|
\v 18 Matsiperri caotsa njaji pienipe, pipaniapji inaca, pi-vacan yenipe njite pi-ovejan yenipe tsakja. \v 19 Matsidalrica pjia pjiewa cádanacoa njite matsidalri tsakjaotsa pjia pidiá cádanacoatsa pimotoa.
|
|
@ -0,0 +1 @@
|
||||||
|
\v 20 Jliaji IMINALRITI Lrimenacaotsa ikjaolre matsiperri, majica watsa sha, njite jirrapitakjeti pjiomi nanaco njaji idejirri, a kjerrecaotsa nawayaketaca sha, njite kjeyaotsa iwayacacawa nama njaji matsiperri inaitjalri, njaji imalri imacaca Njoa. \v 21 Jliaji IMINALRITI corriotsa Lricada carroca yami pioya njaji matsirri a kjerre caotsa lriwayaketaca sha yacayawa inipolrico lrikjaolre jliaji jiipai ialri iofa nirse.
|
|
@ -0,0 +1 @@
|
||||||
|
\v 22 Jliaji IMINALRITI lrinoatsa sha iyaoniti cacaiperri sho, jamoatsa idada, camalrenaotsa irso, camoi sho njite jamolri pekirridalri sho, caolri kjaidadalri sho, njite kerripa sho tsakja a kjerrecaotsa mayami sha padenirri.
|
|
@ -0,0 +1 @@
|
||||||
|
\v 23 Corriotsa iyá carroca eenolrikjoite, njite corriotsa matsia carroca paapanaca pjipaite ricó. \v 24 Icamitsaotsa Jliaji IMINALRITI Lrimenacaotsa pjipaite nacojle caida metapedalri eeno lrikjoite, a kjerreca iwayacaacawa.
|
|
@ -0,0 +1 @@
|
||||||
|
\v 25 Jliaji IMINALRITI Lricadaotsa jiponda iwayaketaca sha; iocaotsa naikjaolre papeco lricotsa inipo, mitsa idia watsa ipito naoya siete peco lrico inipo. Njite nadecaotsa sha macadatsa jalredaoca lricojle njepaite ricojle nja apacoa yacaalre. \v 26 Wayolri iñjacaotsa idadami, njite njaji maaficalri kerroa-perri jalredaoca lricoperri; njite corriotsa cocá carroca ifieta ioyana.
|
|
@ -0,0 +1 @@
|
||||||
|
\v 27 Jliaji IMINALRITI lrinoatsa sha icolrinti sho lrinoshopa njaji Egipto lricope pia njite cayaoni caotsa nawawa lrico, wepjalro sho, catitin caotsa idada naco, njaji ipoati corripetsa itaita imatsietaacawa ioya. \v 28 Jliaji IMINALRITI lrinoatsa sha ipicakjeti sho, itjiti sho, njite corriotsa yanjí carroca matsia jalredaoca ima iwaopiakje iñacaotsa ioya. \v 29 Jipaaca caotsa iacawa jalrewerrico cayoji matjidalrim ia capisho cadaoca werrico, njite corriotsa iacarroca ipjeyajlewa inipo lrico; Caidalri tsaotsa njerrapitetaca sha njite nañaito tsakjaotsa inaani njite corriotsa cocá carroca imanaco sha naoya.
|
|
@ -0,0 +1 @@
|
||||||
|
\v 30 Piweñi caotsa pinowa apama ínarro, mitsa apenakjaotsa jipaacaotsa roapiya matsicalri ricó. Pinaitjaotsa pípanawa, mitsa corriotsa piofa carroca lri-ricoda; pinaitjaotsa pikinikerre, mitsa corriotsa piñjá carroca lripaniana. \v 31 Nainoatsa pivacan picapatsa, mitsa corriotsa piñjá carroca lriipe; nadeotsa pi-borroni pioyatsa matsicalri ricó, mitsa corriotsa nadietá carroca pirsoni. Naawatsa njaji pi ovejani pjipondape irso, njite corriotsa coca ikitsindata pjia.
|
|
@ -0,0 +1 @@
|
||||||
|
\v 32 Nawatsa njaji yenipe atsianai njite inaitjepe tsakja apana inaiki irso; yajiotsa iomana mitsa corriotsa ioketá carrocana, maapji tsaotsa yanjica iomana. Njite corrinatsa kjaidá carroca sha.
|
|
@ -0,0 +1 @@
|
||||||
|
\v 33 Njite njaji ipania, pjioi njaji idenjicalre nja watsa iñja pioya njaji apanatsa inaiki tekjoite-perri corripetsa pianji coanperricana; Caidalri tsaotsa njerrapiteteca sha njite corriotsa nacada carroca jinicowa, \v 34 niiniotsa napiketa caotsa sha naikjaote njaji jiyapalriwa. \v 35 Jliaji IMINALRITI lrinoatsa sha icaiyati sho lricada capoa watsa cayaonica sha iorsidapa nacó, icotsipa naco njite corriotsa itaitá carroca itepena, cayaoni caotsa pjia pjipa lrikjoite atee ípolrico nacojle.
|
|
@ -0,0 +1 @@
|
||||||
|
\v 36 Jliaji IMINALRITI Lride watsa pjia lrikjaolre jliajim talricanaati lricadalriotsa ideeca pjia, pada yacaalre lricojle corricawa jletsa pianjí, corri pjiaca corrin tsakja njaji iferrinaipemi; nirseotsa pia matsiadalri narso njaji dionai nanaitjaji jaico sho njite jiipada sho tsakja. \v 37 Matsikjai caotsa pjia narso, nacaite pejinda caotsa pjia nacaitepe-caa lrico njaji inaiki Dio imenacalriotsa pjia nirse.
|
|
@ -0,0 +1 @@
|
||||||
|
\v 38 Aimaotsa piapanaca, mitsa tsotsaotsa piniwaca nanakjoite, ima tacapa iñjacaotsana. \v 39 Pinaitjaotsa pikinikerre njite piapana caotsana, mitsa corriotsa pirra carroatsa nanakjoite, corrin tsakjaotsa piniwa carroca nainaca pirsowao, ima acorro iñjacalotsana.
|
|
@ -0,0 +1 @@
|
||||||
|
\v 40 Pirsoatsa piyarrope njaji jaico olivo pjipaite ricó, mitsa corriotsa piñjetá carroca pinacoa naana sho, ima njaji pi-olivote nacada caotsa nainaca jiwacawa. \v 41 Pirsoatsa pienipe, piitonaipe, mitsa corriotsa naofá carroca piinai ima nadecaotsana presona pada jiipai nacojle.
|
|
@ -0,0 +1 @@
|
||||||
|
\v 44 Njaji pi pania njite nainaca tsakja pjipaite ricope, tacapa iñja caotsana. \v 43 Njaji apanatsa inaiki ioya, nja watsa italricanata kjaida inaco; njite pjia, corriotsa cocá carroca pjia narso. \v 42 Jlia watsa ia pirso tia lrinaani nakjoite, mitsa pjia corriotsa cocá carroca pia lrirso; jlia watsa pjiwidapo njite pjia watsa lrirsodalri.
|
|
@ -0,0 +1 @@
|
||||||
|
\v 45 Pjiomi njaji matsiperri nano caotsa pijnacojle, corriotsa yamí carroca pioya njite cayoatsa pjiyapacawa a kjerrecaotsa piwayacaacawa. Cayoatsa pjia ima corri capoa pjimi pia lriaco Jliaji pi-Minalri Dio, corri capoa pinaitja cayoji nacaite capisho njaji yácoti Lrinashopa sha njite njaji lrinacoapanaperri Lrinalri inaitjaca. \v 46 Caidalritsaotsa inaco njaji matsiperri yanjí-carro nanaco njaji Lricadalri icapa pjiomi njaji shapodamperrimi.
|
|
@ -0,0 +1 @@
|
||||||
|
\v 47 Ima corrica pia matsiadalri pi-Minalri Dio irso picaolre matsiadalri, catimadalri iapiya matsia cádanaco pia pjia, \v 48 niini narso-perri caoltsa pjia narso njaji picoema Dio imenacalri iawa pikjoete; lricadotsa mawitacaica sha, metaotsa icaolre, matsayaniwatsa sha njite kjena caotsa sha. Lricadaotsa Jlirrapitaca aima a kjerreca iwayacaotsawa.
|
|
@ -0,0 +1 @@
|
||||||
|
\v 49 Jliaji IMINALRITI Lrideotsa tekjoite pacoa yacaalre yemacapewa ikjoete, nanoatsa jalredaoca iwayacacawa nakjoite watsa nano kjeya cayoji perri ipineta capisho lriwini, paana inaiki corripetsa yanjí jimica iaco. \v 50 Paana inaiki kerroa-perri corri-perri kjena nacapaca pekipenai irso, corrin tsakja kjena nacapaca narso njaji yempetipe toa. \v 51 Naiñjacaotsa njaji ivacan njite ipania tsakja a kjerreca iwayacacawa. Corriotsa namaca carroca irso inaitjashopa irrawa, njite jitashopa tsakja aceite, corrin tsakjaotsa namacá carroca ípirra a kjerrecaotsa iwayacacawa.
|
|
@ -0,0 +1 @@
|
||||||
|
\v 52 Nadanata caotsa iyacalre ipananoma pjiomi, njite napeeco caotsa iyacalre iwai yenomperri jiwawa pjiomi jipaite lrico-perri, njaji idana corripetsa iwada cocacá itaita ipecocana. Cayoatsa nadanataca iyacalre pjiomi iyacalre rico jipaote ricope i-Minalri Dio icadalri irso. \v 53 Njite piñja caotsa njatsa njaji pienipe atsianai njite njaji inaitjepe, njaji pi-Minalri Dio icadaji pirso, ima icoema inaitja caotsa idanawa niniotsa jirrapitaca matsina.
|
|
@ -0,0 +1 @@
|
||||||
|
\v 54 Njite jliaji atsia merroadalritsa ipecolrico, kerroa nakjaotsa lridiacawa, matsiotsa lricapaca lrino irso, shoaji lriomanda pia, matsi tsakjaotsa lricapa lrikitsin irso njite lrienipe piketemdalri irso tsakja. \v 55 Corriotsa lia carroca lrienipe ipepem ima jliwaca caotsa iñjaotsana, ima corri ketsa coca lriñja ima icoema inaitja caotsa idanawa niniotsa jirrapitaca matsina pjiomi iyacalre ricó.
|
|
@ -0,0 +1 @@
|
||||||
|
\v 56 Rsoaji inarro matsiadarro, catimadarro, rsoaji corri-darrotsa ipjoa jiipai rsopi sho catsa, kerroa tsakjaotsano, matsiotsa rocapa roinirri romanda irso, njite njaji roenipe atsianai njite inaitjepe, \v 57 njite njaji roenipe kirraitalri toa jicoperri rooya, njite njaji rocodaitalrina. Roñjacaotsana rsowacatsa dawacalri rico ima corriketsa coca roiñja ima icoema inaitja caotsa idanawa niniotsa jirrapitaca matsina pjiomi nayacalre ricó.
|
|
@ -0,0 +1 @@
|
||||||
|
\v 58 Corri cadaa imatsieta inacoa njai yacoti kjaidaperri nadanaji lri-ricoda paperraca jliaji, inaitja-carro matsia Lrirso Jliaji IMINALRITI Dio Matsiadalri njite Cafainadalri Ipitana, \v 59 niniotsa Dio icadaotsa cafainaca irso njaji matsirrio Lrimenacalri irso, njite nanaco njaji shapodamperrimi; matsiperri iwayaketa caperri pjiomi, njite ipoati caiwiperri, wia-perri jiyapacawa ioya.
|
|
@ -0,0 +1 @@
|
||||||
|
\v 60 Lrimenaca tsenakjaotsa ikjaolre pjiomi njaji ipoati Lrimenacaji Egipto lrico pia, njaji ifio pialri iwana, njepaotsa sha njaji ipoati. \v 61 Pjite pja tsakja, pjiomi njaji matsirri corri petoa nadana lri-ricoda jliaji paperra yácoti kjaidaperri irrolri niini, icatsa njaji Lrimenacalriotsa irso Jliaji IMINALRITI, a kjerrecaotsa iwayacacawa pjiomiwa. \v 62 Yamadani tsaotsa sha, aimadan caymi pia sha cayoji nacayosho njaji jirsida eeno yecoa nacope, ima corrica jimi coajica i-Minalri Dio icaiteca irso.
|
|
@ -0,0 +1 @@
|
||||||
|
\v 63 Cayoji catima capisho pia Lricapaca irso liaji IMINALRITI Lricada caojli pia inaco matsiaperri aima sho, cayo tsakjaotsa catima caotsa inaco Lricada cádanacoatsa jirrapitaca njite iwayaca cádanacoa. Lriwayaketa caotsa sha lrioya jliaji jiipai iofalri niiniwa. \v 64 Jliaji IMINALRITI lricadaotsa ipocotacawa pjiomi jalredaoca imacaiteca lrico; nirsenaotsa ia matsiadalri narso njaji dionai corri petsa yanjí, njite corri pia tsakja nanjina njaji iferrinaipemi, dionai nanaitjaji jaico sho njite jiipada sho tsakja.
|
|
@ -0,0 +1 @@
|
||||||
|
\v 65 Corriotsa iwafetá carroca nainai, iema catsaotsa caidalritsa; Dio icadaotsa ifio-carro, corriotsa coca iwapa matsiadalri, njite inona caotsa sha, njite iyacaotsa caidalritsa. \v 66 Corriotsa yanjí carroca coajica; caidalri tsaotsa ifiocawa njite corriotsa yanjí carroca coajica iofacawa.
|
|
@ -0,0 +1 @@
|
||||||
|
\v 67 Njite piyompinaco jle icaiteotsa cayoji: ''¡waomenantja depikena waicawa! '' njite deepi ricoenakja icaite: ''¡waomenantja jalrekena waicaowa!'' ima ifiocawa icaolre ricó njite naikjaote njaji icapalriotsa. \v 68 Jliaji IMINALRITI lride tsenakjaotsa sha Egipto lricojle, lri-ricokja tsenakja inipo Nocaite pialri inaco irso: ''Corrina tsaotsa idia carroca icapa Egipto tsenakja.'' Icatsaotsa nirse ivendiacawa icoema irso, sha atsianai njite inaitjepe narsoperri-carro sha, mitsa corriotsa cocá carroca iwenta sha narsowawa.
|
|
@ -0,0 +1 @@
|
||||||
|
Capítulo 28 - Matsiacaotsa njaji shepacape njaji yácoti Dio inaji panaitjaca
|
|
@ -0,0 +1 @@
|
||||||
|
Capítulo 29 - Nawalridalritaca iacoti Moab lrico
|
|
@ -358,6 +358,98 @@
|
||||||
"23-01",
|
"23-01",
|
||||||
"23-03",
|
"23-03",
|
||||||
"23-05",
|
"23-05",
|
||||||
"24-title"
|
"23-07",
|
||||||
|
"23-09",
|
||||||
|
"23-12",
|
||||||
|
"23-15",
|
||||||
|
"23-17",
|
||||||
|
"23-19",
|
||||||
|
"23-21",
|
||||||
|
"23-24",
|
||||||
|
"24-title",
|
||||||
|
"24-01",
|
||||||
|
"24-03",
|
||||||
|
"24-05",
|
||||||
|
"24-06",
|
||||||
|
"24-07",
|
||||||
|
"24-08",
|
||||||
|
"24-10",
|
||||||
|
"24-12",
|
||||||
|
"24-14",
|
||||||
|
"24-16",
|
||||||
|
"24-17",
|
||||||
|
"24-19",
|
||||||
|
"24-21",
|
||||||
|
"25-title",
|
||||||
|
"25-01",
|
||||||
|
"25-03",
|
||||||
|
"25-04",
|
||||||
|
"25-05",
|
||||||
|
"25-07",
|
||||||
|
"25-09",
|
||||||
|
"25-11",
|
||||||
|
"25-13",
|
||||||
|
"25-15",
|
||||||
|
"25-17",
|
||||||
|
"26-title",
|
||||||
|
"26-01",
|
||||||
|
"26-03",
|
||||||
|
"26-05",
|
||||||
|
"26-06",
|
||||||
|
"26-08",
|
||||||
|
"26-10",
|
||||||
|
"26-12",
|
||||||
|
"26-14",
|
||||||
|
"26-16",
|
||||||
|
"26-18",
|
||||||
|
"27-title",
|
||||||
|
"27-01",
|
||||||
|
"27-04",
|
||||||
|
"27-06",
|
||||||
|
"27-09",
|
||||||
|
"27-11",
|
||||||
|
"27-13",
|
||||||
|
"27-15",
|
||||||
|
"27-16",
|
||||||
|
"27-18",
|
||||||
|
"27-20",
|
||||||
|
"27-22",
|
||||||
|
"27-24",
|
||||||
|
"27-26",
|
||||||
|
"28-title",
|
||||||
|
"28-01",
|
||||||
|
"28-03",
|
||||||
|
"28-05",
|
||||||
|
"28-07",
|
||||||
|
"28-09",
|
||||||
|
"28-11",
|
||||||
|
"28-13",
|
||||||
|
"28-15",
|
||||||
|
"28-16",
|
||||||
|
"28-18",
|
||||||
|
"28-20",
|
||||||
|
"28-22",
|
||||||
|
"28-23",
|
||||||
|
"28-25",
|
||||||
|
"28-27",
|
||||||
|
"28-30",
|
||||||
|
"28-32",
|
||||||
|
"28-33",
|
||||||
|
"28-36",
|
||||||
|
"28-38",
|
||||||
|
"28-40",
|
||||||
|
"28-42",
|
||||||
|
"28-45",
|
||||||
|
"28-47",
|
||||||
|
"28-49",
|
||||||
|
"28-52",
|
||||||
|
"28-54",
|
||||||
|
"28-56",
|
||||||
|
"28-58",
|
||||||
|
"28-60",
|
||||||
|
"28-63",
|
||||||
|
"28-65",
|
||||||
|
"28-67",
|
||||||
|
"29-title"
|
||||||
]
|
]
|
||||||
}
|
}
|
Loading…
Reference in New Issue