\v 10 \v 11 Ni sa mate o koya, sa mate va dua nai valavala ca, ia ni sa bula, sa bula vua na Kalou. Mo dou vaka voki lia kinia ni dou sa vadinadinataki iko dou mo dou sa mate sara ki nai valavala ca ka bula vua na Kalou ena vukui Jisu Karisito.
\v 10 Ni sa mate o koya, sa mate va dua ena vuku ni valavala ca, ia ni sa bula, sa bula vua na Kalou. \v 11 Mo dou vaka voki lia kinia ni dou sa vakasami kemunu mo dou sa mate sara ki nai valavala ca ka bula vua na Kalou ena vukui Jisu Karisito.
\v 12 O koya me qai kua ni gumatua nai valavala ca ena yagomunusa mate rawa, mo dou muria na kena gagadre ca. \v 13 Kua voki lia ni soli na vi tikimunu ki nai valavala ca me caka kinia na ka ca: dou soli kemunu lia vua na Kalou, me vaka dou sa bula mai na mate, kei na vitikimunu vua na Kalou me caka kinia na ka e dodonu. \v 14 Ni na yali vitaliataki kemunu nai valavala ca: ni dou sa yali lewai ena vunau, ena loloma lia.
\v 15 Ia ka vaevei? me da sai valavala tiko li, ni da sa yali lewai ena vunau, ka e na loloma lia? E yali sara. \v 16 Dou yali tiko beka ni kila, o koya yadua dou sa soli kemunu vua mo dou nona tamata mo dou talairawarawa vua, dou sa nona tamata lia dou sa talairawarawa kinia; se ki na caka cala mo dou mate kinia,se ki na caka dodonu mo dou vadonui kinia?
\v 17 Ia me ia na vavinavinaka vua na Kalou, ni dou sa muria, mai na vu ni yalomunu, koi kemunu ka bobula kinai valavala ca, nai varau ni vavuvuli dou sa vavulici kinia. \v 18 `Ia ni dou sa qai sereki mai nai valavala ca, dou sa qai qaravia nai valavala dodonu.
\v 19 Au sa vosa lia vatamata, ni sa malumalumu na yagomunu: ia me vaka dou a solia eliu na vitikimunu me qaravia na ka dukadukali, kei nai valavala ca me levu kinia na ca; mo dou qai solia vaka kinia na vitikimunu me ra qaravia na ka dodonu me caka kinia na ka savasava. \v 20 Ni dou a bobula tiko kinai valavala ca, dou a yawa tu ki nai valavala dodonu. \v 21 Ia ka cava na vuana dou sa rawatia, e na gauna ko ya, mai na vi ka dou sa qai madua kinia? ni sa kenai otioti ni vi koya na mate.
\v 22 Ia dou sa qai sereki mai nai valavala ca, ka yacovia me tamata ni Kalou, dou sa qai rawatia na vuana enai valavala savasava, kei nai otioti na bula tawamudu. \v 23 Ni sa kenai sau ni valavala ca na mate: ia sai solisoli wale lia ni Kalou na bula tawamudu, e na vukui Jisu Karisito na noda Turaga.
\c 7 \v 1 Dou sa yali beka ni kila, kemunu na viwekani, (ni'u sa vosa vi ira lia era sa kila na vunau,) ni sa vaucia na tamata na vunau e na visiga ni nona bula?
\v 2 Ia na yalewa sa vawati, sa vauci koya na vunau vua na watina, ni sa bula tiko o koya; ia kevaka sa mate na watina; sa qai sereki kinia na yalewa mai na vunau ni viwatini. \v 3 O koya na vayacani kinia na vunau ni dautagane, kevaka sa lai vawati ki na dua na tagane tani, ni se bula tiko na watina: ia kevaka sa mate na watina, sa qai sereki lia mai na vunau ko ya; ka na yali kinia ni dautagane, kevaka ena lai vawati ki na dua na tagane tani.
\v 4 Dou sa vakakinia, na viwekani ni dou sa sereki mai na vunau e na vukui ni yago i Karisito; me dua tani mo dou viwatini kaya, io ko koya sa vaturi cake voki mai na mate me da vua kinia vua na Kalou. \v 5 Ni da sa tiko vayago lia, sa dau tubu vakaukauwa e na veitikida na gagadre ca, sa tubu mai na vunau, me vuataki kiniana mate.
\v 7 A cava me da qai kaya? Sa ca li na vunau? E yali sara. Au a yali dina ni kila se cava nai valavala ca, kau yali kila nai vunau: ni'u sa yali kila se cava na daukocokoco, kevaka sa yali kaya nai vunau, Kakua ni kocokoco. \v 8 Ia na ca, ni sa kaukauwa ena vuku ni vunau, sa vatuburia e lomaqu na gagadre ca kece lia. Ni sa mate ca ni sa yali na vunau.
\v 9 Ia ka'u a bula lia e liu ni sa yali na vunau; ia ni sa qai mai na vosa ni vunau, sa bula voki na ca , ka'u sa qai mate kinia. \v 10 Ia na vosa ni vunau, o koya ka yaco rawa kinia na bula, ka'u sa kunea sa yaco kinia na mate.
\v 11 Ni sa kaukauwa na ca, e na vuku ni vosa vunau, a sa temaki au kinia, ka vamatei au. \v 12 Ia sa savasava na vunau, sa savasava voki lia nai varo, sa dodonu voki lia ka vinaka.
\v 13 Sa qai yaco beka na ka vinaka me ka me'u mate kinia? E yali sara. A ca lia, me rairai kinia ni sa ca, sa tauria na ka vinaka me kitakia vi au kinia me'u mate; me rairai kinia na ca me ca dina sara e na vuku ni vosa ni vunau. \v 14 Ni da sa kila sa ka vayalo na vunau: ia koi au, au sa vakayago wale lia, ka'u sa volitaki ki na ca.
\v 15 A ka ka'u sa caka tiko, au sa yali vinakatia, ia na ka ka'u sa vinakatia, au sa yali kitakia; ia na ka au sa catia, au sa caka tiko. \v 16 Ia kevaka ka'u sa caka na ka au sa yali ni vinakatia, au sa kaya kinia ni sa vinaka nai vunau.
\v 17 A sa yali ni o au dina sa caka,na ca lia sa tiko vi au. \v 18 Ni'u sa kila ni sa yali sara ni tiko vi au e na noqu tovo vayago e dua na ka vinaka; ni sa tiko lia vi au na vinakatia na ka vinaka; ia na kaukauwa me'u kitakia kina, ka'u sa yali ni kunea.
\v 19 Ia na ka vinaka au sa vinakatia, au sa yali caka; ia na ca au sa yali vi vinakatia, au sa caka lia. \v 20 Ia kevaka au sa caka na ka au sa yali vinakatia, sa qai yali dina ni koi au dina sa caka, na ca lia sa tiko vi au. \v 21 Ia au sa kunea kinia e dua na vunau, sa tiko kinia vi au na ca ni'u sa via caka na vinaka.
\v 22 Ni'u sa vinakatia na vunau ni Kalou e na lomaqu dina: \v 23 ia ka'u sa kunea e dua tani na vunau e na vitikiqu, a rau sa vivala kei na vunau sa tu e na lomaqu, a sa vabobulataki au ki na vunau ni ca, o koya sa tiko e na vitikiqu.
\v 24 A tamata valoloma koi au! o cei ena sereki au mai na yago ni mate koya? \v 25 Au sa vavinavinaka vua na Kalou e na vuku ni noda Turaga ko Jisu Karisito. Ia sa qai vakoya, au sa qaravia na vunau ni Kalou e na lomaqu dina, ia na vunau ni valavala ca e na noqui tovo vayago.
\c 8 \v 1 O koya oqo era sa yali kinia ni lewai me cudruvi ko ira era sa tu vata kei Karisito Jisu, era sa yali ni muria lia na Yalo Tabu. \v 2 Ni sa sereki au mai na vunau ni bula vi Karisito Jisu.
\v 3 Ia ni sa yali rawarawa vi nai vunau, sa malumalumu ena vuku ni tovo vayago, sa qai lewa na Kalou me mate na ca e na yago, ni sa tala na luvena ena i tovo ni yago sa tu kinia na ca, ka mei soro ni valavala ca: \v 4 me caka rawa kinia nai valavala dodonu ni vunau, ni da sa yali ni muria tiko nai tovo vayago eda sa muria lia na yalo: \v 5 ni ra sa gadrevia na vika vayago ko ira era sai tovo vayago; ia na vika vayalo ko ira era sai tovo vayalo.
\v 6 Ni sa vuni mate na gadrevi nai tovo vayago; ia sa vu ni bula kei na vacegu na gadrevia na tovo vayalo. \v 7 Ni sa vimecaki kei na Kalou nai tovo vayago: ni sa yali ni varogocia na vunau ni Kalou, ia sa dredre sara me vakinia. \v 8 Ia ko ira sai tovo vayago, era sa yali ni caka rawa na ka e vinaka vua na Kalou.
\v 9 Ia sa yali ni vayago na nomunu i tovo, sa vaylo lia, kevaka sa dini ni tiko e na lomamunu na Yalo n Kalou. Ia kevaka sa dua na tamata sa yali ni tiko e lomana na Yalo i Karisito, sa yali ni nona o koya. \v 10 Ia kevaka sa tiko e na lomamunu na Karisito, sa dina lia sa mate na yago e na vuku ni valavala ca; ia na yalo sa bula e na vuku ni vivadonui.
\v 11 Ia kevaka sa tiko vadua e lomamunu na Yalo i koya sa vaturi cake voki mai na mate, o koya sa vaturi Karisito voki mai na mate, ena vabuoa voki na yagomunu sa mate rawa, e na Yalona sa tiko vadua e na lomamunu.
\v 12 O koya, kemunu na viwekani, eda sa yali kinia ni vauci ki nai tovo vayago, me da muria nai tovo vayago: \v 13 ni dou na mate kevaka dou sa muria nai tovo vayago; ia kevaka sa vivuke kei kemnuu na Yalo Tabu me vaoti nai valavala vayago, dou na bula kinia.
\v 14 Ia ko ira lia sa tuberi ira na Yalo n Kalou sa luve ni Kalou. \v 15 Ni dou sa yali rawatia voki na Yalo ni Kaloumo dou rere; ia dou sa rawatia na Yalo Tabu dou sa vabautia kinia me gone, o koya eda sa kaci kinia, Apa, Tamada.
\v 16 A Yalo koya sa tukunia mai vi na yaloda, ni da sa luve ni Kalou: \v 17 ia kevaka eda sa gone, eda na qai taukei; eda na taukenia na vika ni Kalou, eda sai taukei vata kei Karisito; kevaka eda sa vosotia vata kaya na ca, eda na vaklougatataki vata kaya voki lia.
\v 18 Ni'u sa vaka sa yali ni yaga me rau vatautauvatani na ka ca sa vosoti e na bula koya kei na kalougata ena vakarairaitaki kivei keda e muri. \v 19 Ni sa gadrevia valevu o vuravura ka wawa tiko lia me ra varairaitaki ko ira na luve ni Kalou.
\v 20 Ni sa vamalumalumutaki o vuravura me ca, a sa yali ni vinakatia, e na vuku i koya lia sa vamalumalumutakia, vanuinui tiko, \v 21 ni na sereki voki lia ko vuravura mai na kena vabobulataki ki na rusa, ka me lalaga tu ka vaiukuukutaki vata ki ira na luveni Kalou. \v 22 Ni da sa kila, sa vutugu vata ko vuravura taucoko, ka sa yaluma e na rarawa, ka yacovia na siga koya.
\v 23 A sa yali ni koya wale lia, oi ita voki lia, eda sa rawatia nai sevu ni Yalo Tabu, e da sa vutugu tiko e lomada ni sa warakia me da vabautia me gone, ni sa vabulai na yagoda. \v 24 Ni da sa bula e na nuinui: ia nai nuinui sa bale ki na ka sa qai raici sa yali ni nuinui dina: ni sa nuitakia vacava na tamata na ka sa qai raicia? \v 25 Ia kevaka eda sa nuitakia na ka eda sa yali ni raivia, eda sa vosotia lia me warakia tiko.
\v 26 Ia na Yalo Tabu voki lia sa vukea na noda malumalumu: ni da sa yali ni kila na ka e kilikili kei ita me da kerea: a sa masulaki keda na Yalo Tabu e na vutugu e yali ni cavuti rawa. \v 27 Ia ko koya sa dau dikevia na yaloda sa kila na loma ni Yalo Tabu, ni sa masulaki ira na tamata lotu me vakan a loma ni Kalou.
\v 28 Ni da sa kila sa vivuke na ka kece lia me ra vinaka kinia era sa lomani na Kalou ko ira sa kacivi me vaka na ka sa nakiti oti. \v 29 Ia ko ira kece sa kilai ira e liu ko koya, sa lesi ira eliu era sa kacivi me vaka na ka sa nakiti oti. ia ko ira sa lesi ira eliu ko koya, sa qai kacivi ira: \v 30 ia ko ira sa kacivi ira ko koya, sa vadonui ira: ia ko ira sa vadonui ira ko koya, sa vaiukuukutaki ira.
\v 31 A cava me da qai kaya ena vi ka koya? Kevaka sa totaki ita na Kalou, o cei me noda meca? \v 32 Ena vaevei ko koya sa yali ni bureitakia na Luvena dina, ia sa soli koya yani me ita i sosomi kece lia, ena dredre vacava vua me solia wale lia vi ita na ka kece lia vata kaya?
\v 33 O cei me beitaki ira sa digitaki ira na Kalou? Na Kalou sa vadonuya. \v 34 O cei ena lewa me ra cudruvi ? O Karisito Jisu lia sa mate, io, sa bula cake voki , a sa tiko voki lia e na liga i matau ni Kalou, ka sa masulaki ita.
\v 35 O cei me na tawasei ita mai na loloma i Karisito? a ka rarawa li, se na yaluma, se na dausiga, se na luvawale, se na dauvivarerei, se nai selewau? \v 36 Me vaka na ka sa volai,
E na vukumunu keitou sa vamatei kinia e na siga taucoko ka bogi:
\v 37 E yali, e na ka kece lia koya eda sa gumatua kinia, e na vuku i koya sa lomani ita. \v 38 Ni'u sa kila vaidina, ni na yali ni rawatia na mate, se na bula, se ko ira na agilose, se ko ira na liu, se ko ira sa kaukauwa, se na vika sa yaco e daidai, se na vika ena yaco emuri, \v 39 se na ka cecere, se na ka titobu, se dua tani na ka, me tawasei ita mai na loloma ni Kalou, sa yaco e na vuku i Karisito Jisu na noda Turaga.
\c 9 \v 1 Au sa vosa dina e na mata i Karisito, au sa yali ni vosa lasu, sa vadinadina voki lia vi au na noqu lewa-e-loma e na Yalo Tabu, \v 2 ni'u sa rawarawa valevu, a sa yaluma tiko lia na lomaqu.
\v 3 Ni ka'u sa daugadrevia me'u tawase tani vi Karisito, e na vukudra na wekaqu, o ira era sa wekaqu dina vayago: \v 4 era sa luvei Isireli; sa nodra voki lia na vakabau me ra gone, kei nai ukuuku, kei na viyalayalati, kei na soli vunau, kei nai valavala ni soro vua na Kalou, kei na vosa ni yalayala: \v 5 sa nodra ko ira na qase, a sa tubu mai vi ira na Karisito me vaka na yagona, o koya sa lewa na ka kece lia, na Kalou sa varokorokotaki ka tawa mudu. Emeni.
\v 6 Ia sa yali ni vaka sa yaco na vosa ni Kalou. Ni ra sa yali ni Isireli dina ko ira kece sa mai vei ira na Isireli: \v 7 era yali voki lia ni luvena ko ira kece lia na kawa i Eparaama: ia Na kawa i Aisake lia ena vatokai me nomu kawa.
\v 8 Sa kenai balebale koya, O ira na luvena vayago, era sa yali ni luve ni Kalou; ia na luve ni yalayala lia era sa vabau me kawa. \v 9 Ni sa va koya na vosa ni yalayala, E na gauna va koya ka'u na qai mai, ka na sucu vei Sera e dua na gonetagane.
\v 10 A sa yali ni ko wale lia; ia ko Repeka voki lia sa kunekune mai vua e dua, a tamada ko Aisake; \v 11 ni rau sa bera ni sucu, se rau caka na ka vinaka se na ka ca, me tu dei kinia na ka sa lesia eliu ka digitakia na KAlou, sa yali lia e na vuku ni cakacaka, e na vukuna lia sa kacivia, \v 12 sa tukuni vua na yalewa ko ya, O koya sa qase vi rau e na qaravi koya sa gone. \v 13 Sa vakakiinia na ka sa volai, Au sa vinakati Jekope, ia ka'u sa cati Iso.
\v 14 A cava me da qai kaya? Sa tu beka vua na Kalou nai valavala tawadodonu? E yali sara. \v 15 Ni sa kaya vei Mosese ko koya, Au na lomani koya ka'u sa lomana, ia ka'u na yalovinaka vua ka'u sa yalovinaka kinia. \v 16 Sa qai yali ni yaco e na vukuna sa gadrevia, se na vukuna sa cici, ia e na vukuna lia na Kalou sa yalovinaka mai.
\v 17 Ni sa kaya vi Fero nai Vola Tabu, E na vuku ni ka koya ka'u sa vaturi iko cake kinia, me'u vatakila vi iko na noqu kaukauwa, me tukuni voki lia na yacaqu ki vuravura taucoko. \v 18 O koya gona sa yalovinaka kina ko koya vua sa yalona kinia, a sa vadomoqataki koya sa yalona kinia.
\v 19 O na qai kaya vi au, E na vuku ni cava sa ia tiko kinia na veibeitaki ko koya? ia ko cei sa vorata na nona lewa? \v 20 Kakua ni va koya, o iko na tamata; o cei o iko mo vileti vata ki na Kalou? Ena kaya beka na ka sa caka vi koya sa caka, O sa cakavi au vaka koya e na vuku ni cava? \v 21 E yali beka ni vitaliatakia na tete ko koya sa dautuli kuro, me caka kinia e na dua bau lia na buli tete, e dua na bilo me talei, ka dua voki me yali ni talei.
\v 22 Ia ka vakaevei ke sa vinakatia na Kalou, me varaitakia na nona cudru, me vatakila voki lia na nona kaukauwa, a sa vosotia vadede sara kinia na vi bilo ena cudruvi sa varau tu me rusa: \v 23 me vatakila voki lia na kena levu ni nona vinaka ki na vibilo sa lomani, o koya sa varautakia e liu ko koya ki nai ukuuku, \v 24 io vi ita lia, sa kacivi ita ko koya, sa yali wale lia mai vei ira na JIu, maivei ira voki lia sa matanitu tani:
\v 25 me vaka voki lia na ka sa kaya o koya enai vola i Osea, \p Au na vakatokai ira sa yali ni noqu tamata eliu, me ra noqu tamata; \p Ko koya voki lia ka yali ni lomani eliu, me qai lomani: \v 26 Ena yaco voki lia ena vanua sa kainaki kina eliu vi ira, sa yali ni noqu tamata koi kemunu; era na qai vatokai kinia me ra luve ni Kalou bula.
\v 27 Sa kacivaki ira na Isireli ko Aisea voki lia, kevaka sa tautauvata na kedrai wiliwili na Isireli kei na nuku ni waitui, ia ena bula lia na kena vo: \v 28 ni na vayacoria na nona vosa ko Jiova e vuravura, ka na vaotia ka valekalekatakia. \v 29 Me vaka voki lia na ka sa kaya eliu o Aisea, kevaka ka yali ni dua na kawa sa valiavia vi keda o Jiova ni lewe vuqa, eda sa vataki Sotoma, eda sa tautauvata voki lia kei Komora.
\v 30 A cava meda qai kaya? O ira na vimatanitu tani, ko ira era sa yali ni muria na vivadonui, era sa yaco me ra vadonui, ni ra sa vadonui e na vabauta. \v 31 Ia ko ira lia na Isireli, o ira era sa muria na vunau me ra vadonui kinia, era sa yali ni yaco ki na vunau ko ya.
\v 32 E na vuku ni cava? ni ra sa yali ni muria e na vabauta, e na cakacaka lia ni vunau: ni ra sa tarabe e na vatu e vauveivatarabetaki; \v 33 me vaka na ka sa volai, raica au sa tauca mai Saioni na vatu e dauveivatarabetaki kei na vatu ni vivalomacataki: Ia ko koya yadua sa vabautia na yali ni vamaduataki.