Fri Feb 02 2024 12:44:55 GMT+1200 (Fiji Standard Time)

03/01.txt

@@ -0,0 +1 @@
+\c 3 \v 1 Ia kevaka dou sa vaturi vata ki Karisito, varaicia na vika sa mai cake, sa dabe tiko ena liga matau ni Kalou. \v 2 Dou vananumia na vika mai cake, kakua lia na vika e vuravura. \v 3 Ni dou sa mate ka sa vuni vata ki Karisito ena Kalou na nomunu bula. \v 4 Ni na rairai mai na Karisito na noda vuni bula, ka na dou qai rairai vata enai ukuuku.

03/05.txt

@@ -0,0 +1 @@
+\v 5 Okoya mo dou qai vamatea na vitikimunu vavuravura, na dauyalewa, na vukivuki yali savasava, na garogaro ca, na dodomo ca, vata ki na kocokoco, kei na dauqaravia na Kalou lasu: \v 6 na vika koya sa yaco kinia na cudru ni Kalou, vi ira sa dau talaidredre: \v 7 ia koi kemunu voki lia, dou a ia e liu nai valavala vakakina, ni dou a bula lako vakakina. \v 8 Ia koya, mo dou luvatia na ka kece lia koya, a daucudru, na daulasa, na lomaca, na vosa ca, na vosa dukadukali mai na gusumunu.

03/09.txt

@@ -0,0 +1 @@
+\v 9 Kakua ni dauvilasuyaki, ni dou sa luvatia tu na tamata makawa kei na nonai valavala; \v 10 ka dou sa vasulumia oqori sa vou, o koya sa vavoui tiko ena vuku me vaka na yaloyalona ka buli koya: \v 11 sa yali kinia ni nanumia ni kai Jutia se kai tani, se cili se yali cili, na tawa vuku, na kai lekutu, na bobula, nai taukei: ia sa uasivi ena ka kece lia na Karisito.

03/12.txt

@@ -0,0 +1 @@
+\v 12 O koya mo dou qai vaisulu me vaka ni dou na nona digitaki na Kalou, oi kemunu sa yalosavasava ka daulomani, e na yalo dauloloma, e na yalovinaka, e na yalomalumalumu, e na yalomalua, e na dauvosotia vadede: \v 13 dou vivosoti vai kemunu, ka kakua ni vicudruvi, kevaka e dua na ka sa rarawa kinia e dua: me vaka sa yali ni cudruvi kemunu na KArisito, mo dou vaka voki lia kinia. \v 14 Ia me liu ena ka kece lia ke na loloma, ni sai vau vinaka sara.

03/15.txt

@@ -0,0 +1 @@
+\v 15 Ia me lewa sara e na lomamunu na vacegu i Karisito, ni dou sa kacivi ki na ka koya, ni dou sa yago e dua bau lia: ia mo dou ia tiko na vavinavinaka. \v 16 Me tiko valevu e lomamunu na vosa  i Karisito e na vuku kece lia; dou veivatavulici ka vivunauci vakai kemunu ena same kei na sere kri na meke vayalo, dou sere tiko vua na Kalou ni sa tiko ena yalomunu na loloma. \v 17 Ia ka ka kece lia dou sa caka, se dou vosa se dou cakacaka, me caka kece lia ena yaca ni Turaga ko Jisu, ko koya dou ia tiko kinia na vavinavinaka vua na Kalou na Tamada.

03/18.txt

@@ -0,0 +1 @@
+\v 18 Oi kemunu na yalewa vawati, monu talairawarawa vi ira na watimunu, me vaka ni sa dodonu vua na Turaga. \v 19 Oi kemunu na tagane vawati, monu lomani ira na watimunu, ka kakua ni yaloca  vi ira. \v 20 Oi kemunu na gone, monu talairawarawa vi ira na nomunu qase ena ka kece lia:  ni sa vinaka sara koya vua na Turaga. \v 21 Oi kemunu qase, monu kakua ni vacudrui  ira na luvemunu, de ra datuvu kinia.

03/22.txt

@@ -0,0 +1 @@
+\v 22 Oi kemunu na tamata, monu talairawarawa vi ira na nomunu turaga vayago ena ka kece lia; kakua ni ia wale lia e na matanavotu, me  vikati kemunu kinia ko ira na tamata; dou ia lia e na loma dina, ni dou sa rerevaka na Kalou: \v 23 ia na ka kece lia dou sa caka, kitakia mai na vu ni yalomunu me vaka vu na Turaga, me kakua vaka vi ira wale lia na tamata; \v 24 ni dou kila ni dou na rawatia mai vua na Turaga nai votavota me kenai i sau: dou sa qaravia na Turaga ko Karisito. \v 25 Ia ko koya sa caka ca ena rawatia na kenai sau ni ca sa caka; ka sa yali ni vinakatia vailoa e dua na tamata.

03/title.txt

@@ -0,0 +1 @@
+Wase 3

04/01.txt

@@ -0,0 +1 @@
+\c 4 \v 1 Oi kemunu na Turaga, dou solia vi ira na tamata na ka e dodonu ka tautauvata; ni dou sa kila sa dua voki lia na nomunu Turaga mai lomalagi.

04/02.txt

@@ -0,0 +1 @@
+\v 2 Mo dou dau masu tiko lia, ka cikevia tiko ka vavinavinaka; \v 3 ka masulaki keitou voki lia, me dolavia vi kitou na Kalou na katuba ni vosa, me kitou tukunia na vika sa vuni kei Karisito, o koya ka'u sa vesu tu kinia: \v 4 me'u varaitakia koya, me vaka sa dodonu kei au me'u tukunia.

04/05.txt

@@ -0,0 +1 @@
+\v 5 Dou ia tiko nai valavala vuku vi ira e taudaku, ka volia me nomunu na gauna. \v 6 Me ia tiko lia na nomunu vosa ena yalovinaka, ka vatuituinataki ena masima, mo dou kila kinia se cava sa dodonu mo dou kaya voki lia vi ira na tamata yadua.

04/07.txt

@@ -0,0 +1 @@
+\v 7 E na tukunia vi kemunu na ka e kece lia e baleti au o Tikiko, a wekaqu ka'u sa lomania, kei nai talatala yalodina, kei na noqui tokani e na Turaga: \v 8 ia ka'u sa talai koya vi kemunu ena vuku ni ka koya, mo dou kila na nitou tiko, ka me vaceguya na yalomunu ko koya; \v 9 oi rau kei Onesimo, na wekaqu sa yalodina ka'u sa lomani, o koya sa dua vi kemunu. Erau na vatakila vi kemunu na ka kece lia sa caka eke.

04/10.txt

@@ -0,0 +1 @@
+\v 10 Sa loloma yani vi kemunu ko Arisitako kirau sa vesuki vata tiko, kei Marika na luve ni gane i Panapasa, (o koya dou sa varotia oti kinia: kevaka sa qai vi kemunu, dou vacegui koya;) \v 11 kei Jisu, a yacana voki lia ko Jusito, eratou sa cili. O iratou lia ke eratou sa daucakacaka vata ki au ena ka ni matanitu ni Kalou, a ratou sa dauvacegui au.

04/12.txt

@@ -0,0 +1 @@
+\v 12 Sa loloma yani vi kemunu ko Epafira, sa dua vi kemunu, ai talatala i Karisito Jisu, sa dau gumatua tiko lia ni dau masulaki kemunu, mo dou tudei ka vinaka sara ka vasinaiti tu ena kece sa loma ni Kalou. \v 13 Ni'u sa vadinadina vua, ni sa lomakatakata sara ena vukumunu voki lia mai Leotisea, kei na vukudra mai Aiarapoli. \v 14 Sa loloma yani vei kemunu ko Luke, na vu-ni-wai lomani, kei Timasa.

04/15.txt

@@ -0,0 +1 @@
+\v 15 Au sa loloma yani vi ira na viwekani mai Leoptisea, vei Nimifa voki lia, vi ira voki lia nai soqosoqo lewe ni lotu mai nona vale. \v 16 Ia ni sa wili oti nai vola koya vi kemunu, dou lewa me wili voki lia vi ira nai soqosoqo lewe ni lotu mai Leotisea; mo dou wilikia voki lia nai vola vi ira ki Leotisea. \v 17 Kaya voki lia vi Akipo, Mo varaica na cakacaka ko sa rawatia mai vua na Turaga, mo vayacoria sara.

04/18.txt

@@ -0,0 +1 @@
+\v 18 Au sa loloma yani ka vola e na ligaqu dina, koi au ko Paula. Dou nanumi au ni'u sa svesu tiko. Me nomunu na loloma. Emeni

04/title.txt

@@ -0,0 +1 @@
+Wase 4

manifest.json

@@ -33,7 +33,8 @@
 	],
 	"parent_draft": {},
 	"translators": [
-		"Nunia Adisovaki"
+		"Nunia Adisovaki",
+		"Niumata"
 	],
 	"finished_chunks": []
 }