nse-x-ngoni_neh_text_reg/10/34.txt

\v 34 Bansembe, a Levi, na banthu becita maere ya copeleka ca nkhuni. Maere yenzosankha kuti ni banja lotyani lati lilete nkhuni mu ng'anda ya Mulungu pa nthawi yoikika caka ciliconse, kuti zishokewe pa guwa la Yehova MUlungu wasu, monga cilembewela mu malamulo. \v 35 Telonjeza kuleta mu ng'anda ya Yehova vipaso voyamba kukula kufuma mu nthaka yasu, ndipo caka ciliconse vipaso voyamba kufuma ku cimuti ciliconse. \v 36 Bana oyamba kufuma ku bana basu banalume, na ku ng'ombe zasu- kulingana na mwicelembewela mu malamulo- na cibeto coyamba na zufuma ku mbelele tikalete ku ng'anda ya Mulungu wasu, ku bansembe botumikila ku ng'anda ya Mulungu wasu.