Mon Jun 20 2022 19:28:13 GMT+0200 (South Africa Standard Time)

01/05.txt

@@ -0,0 +1 @@
+\v 5 Ulo abatumine babwelel kuli Ahaziya alilabile kuli bo , " Nindo mwabwelelamo? " \v 6 Balilabile kuli ye , " Umuntu akisa kutukumanya ewakitweba achi, 'Bweleni ku mfumu lyakimituma, kabili ne kulabila kuli ye ati, "Ba Yawe balabila fino: 'Ekwebati tamulipo Lesa mu Ishileli pakwebati mutume abantu mukwipusha Baala - Zebubi, lesa wabena Ekoloni? Kanshi tawabuke ukufuma pamupundo apo waniinsa, kanshi, ulefwa ikine. "''

01/07.txt

@@ -0,0 +1 @@
+\v 7 Ahaziya alilabile kubatuminwe bakwe, " Insa musango wa muntu, uyu akisa kumikumanyeni kabili ne kulabila aya mashiwi kuli mwebo? " \v 8 Balimwasukile ati, " Akifwala ikyakufwala ikipasngilwe ne masako kabili ali ne mushipi wa kiseba mumusana wakwe. " Penka imfumu yalyasukile ati , " Uyo ni Elaija uwaku Tishibi. "

01/09.txt

@@ -0,0 +1 @@
+\v 9 Penka imfumu yalitumine umukulu wa bashilikale pamo ne bashilikale amakumi asanu kuli Elaija. Umukulu wa bashilikale alile kuli Elaija uko aikele peulu yalupili. Umukulu wa bashilikale alilabile kuli ye ati, "Webo, we muntu waba Lesa, imfumu yalabilati , ' Ikila. "' \v 10 Elaija alyasukile kabili ne kulabila ku mukuu waba shilikale ati, " Kani ndi muntu waba Lesa, lekeni umulilo apone panshi ukufuma mwiulu ne kumimina webo naba balalume bobe amakumi asanu. " Penka umulilo walishile panshi ukufuma mwiulu kabili wali baminine ye ne bantu bakwe amakumi asanu.

01/11.txt

@@ -0,0 +1 @@
+\v 11 Kabili imfumu Ahaziya alitumine kuli Elaija umbi umukulu wa bashilikale ne balalume amakumi asanu. Uno umukulu wabashilikale naeena kaalabila kuli Elaija ati, " Webo, we muntu waba Lesa, imfumu yalabila ati, 'Ikila panshi bwangu.'" \v 12 Elaija alyasukile ne kulabila kuli bo ati, " Kani ndi muntu waba Lesa, lekeni umulilo ekile panshi ukufuma mwiulu kabili amimine webo ne bantu bobe abalalume amakumi asanu. " Nalibili umulilo waba Lesa walishile panshi ukufuma mwiulu ne kumumina ye pamo ne balalume bakwe amakumi asanu.

01/13.txt

@@ -0,0 +1 @@
+\v 13 Kabili nalimbi imfumu yalitumine ibumba lyabutatu ilya bankondo abali ama kumi asanu. Uno umukulu wabashili alinishile peilu, aliponene kumakufi akwe pantanshi yakwa Elaija, kabili neku mupapachila ne kulabila kuli ye ati, "Webo, we muntu waba Lesa, na mipusha, lekeni ubumi bwangi ne bumu bwabano basha benu amakumi asanu bube bulemene pa menso enu. \v 14 Kyakine, umulilo alishile panshi ukufuma mwiulu ne kubamina abakulu abatanshi babili ne bantu babo, pano kwena lekeni ubumi bwangi bube bulemene pamenso enu. "

01/15.txt

@@ -0,0 +1 @@
+\v 15 Malaika waba Yawe alilabile kuli Elaija ati, " Ikila panshi naye. Wi mutina uno muntu. " Penka Elaija alimine kabili ne kukukunkuluka panshi naye ne kuya ku mfumu. \v 16 Panuma Elaija alilabile kuli Ahaziya, " Ifi efyalabila ba Yawe ati , 'Mwalukutuma abatuminwe mukwipusha kuli Baali - Zebubi, lesa wabena Ekoloni. Ekwebati pantu tamuli Lesa mu Ishileli uko mwengepusha pa mashiwi ? Kanshi pano, tawa ikile ukufuma pamupundo obe apo waninsa; ulefwa ikine. "'

01/17.txt

@@ -0,0 +1 @@
+\v 17 Penka imfumu Ahaziya yalifwile uku lingane ne shiwi lyaba Yawe ilyo Elaija alabile. Yolamu alitendekele ukutangilila. Mukifulo kyakwe, mu mwaka wa bubili Yeholamu umwana wakwa Yehoshafati imfumu yabena Yuda, pantu Ahaziya takwete umwana umwalalume. \v 18 Pafintu fimbi ifya pali Ahaziya, kanshi tafilembelwe mwi buku lya fintu ifya kichikilwe muma fumu abena Ishileli?

01/title.txt

@@ -0,0 +1 @@
+Kyapita

02/01.txt

@@ -0,0 +1 @@
+\c 2 \v 1 Kanshi kyalifikile, ulo ba Yawe balukufwaya ukumutwala Elaija ne kashululu mwiulu, apo Elaja ashele na Elisha ku Giligali. \v 2 Elaija alilabile kuli Elisha ati, "Ikala pano, nakupapachilapo, pantu ba Yawe bantuma nemo ku Beteli. " Elisha alyasukile ati , "Mwenka umwikalile ba Yawe no bumi kabili nefyo mwikele no bumi, nshamileke mwebo." Penka balikunkulukile bonse ku Beteli .

02/03.txt

@@ -0,0 +1 @@
+\v 3 Abana abalalume ababakushimika abaliku Beteli balishile kuli Elisha kabili ne kumwebati, " Mwaisa ati ba Yawe bale mufumya kaapa yenu kuli mwebo lelo? " Elisha alyasukile ati, "Ee, nakiishiba, pano mwelukukilabilapo. " \v 4 Elaija alimwebele ati, "Elisha, pembelela pano, napapata, pakuti ba Yawe bantuma nemo ku Jeliko. " Penka Elisha alyasukile ati, " Mwenka umwikalile ba Yawe ne bumi, nshamileke mwebo. " Kanshi baile kuJeliko.

02/05.txt

@@ -0,0 +1 @@
+\v 5 Kabili abana abalalume baba kushimika abaali ku Jeliko balishile kuli Elisha ne kulabila kuli ye ati , "Mwaishi bati ba Yawe balemufumya kaapa yenu kuli mwebo lelo? " Elisha alyasukile ati, "Ee, naishiba, pano mwelukukilabilapo. " \v 6 Penka Elaija alilabile kuli ye ati, " Ikala pano, napapata, pakuti ba Yawe bantuma ku Jodani. "Elisha alyasukile ati, "Mwenka umwikalile ba Yawe no bumi, kabili na mwebo no bumi, nshamileke mwebo. " Kanshi bonse babili balitwalilile pano.

02/07.txt

@@ -0,0 +1 @@
+\v 7 Pantanshi, abana abalalume amakumi asanu abakushimika balimakene ulubali lumbi na bo apataliko apo bano babili baimakene ku Jodani.  \v 8 Elaija alitolele ikyakufwala, ne kukipombakanya kabili ne kukipuma pameshi . Inika yalyabanishiwe kubili pakwebati bonse babili balyendele pamushili uumune.

02/09.txt

@@ -0,0 +1 @@
+\v 9 Kyalifikile, panuma yakwabuka bushilya epo Elaija amwebele Elisha ati, " Ngipushe ikyo njingile ukukukichila apo tabangamfumya kuli webo. " Elisha alyasukile ati, " Napapata lekeni ifiputulwa fibili ifya ku mupashi wenu fise pali nemo. " \v 10 Elaija alyasukile ati, "Wandomba ikintu ikikosele sana. Nangu kubefyo, kani umone nemo ulu bakulu kumfumya kuli webo, kino kilekukichikilwa, pano nga yowo, takyakukichikilwe. "

02/11.txt

@@ -0,0 +1 @@
+\v 11 Ulo batwalilile ukuya ne kulabila, moneni ingolofwana ya mulilo na bakafwalo bamulilo bali bwenekele, isho sha abenye abangtu babili umo kumu kwabo, kabili Elaija alile mwiulu na kashululu.  \v 12 Elisha alikimwene ne kulila, " Taata wangi, taata wangi amangofwana amu Ishileli kabili ne benda pa bafwalo. " Kabili taamumwenepo Elaija libili kabili alibulile ifyakufwala fyakwe umwine ne kufitabaulamo fibili fibili.

02/13.txt

@@ -0,0 +1 @@
+\v 13 Alitotele ikyakufwala kyakwa Elaijaikyo kyaponene kuli ena, kabili ne kubwelelamo mukwimakana kubwipi naku Jodani. \v 14 Alipumine pamenshi ne kyakufwala kya kwa Elaija ikyaponene ne kulabila ati , " Ba Yawe balipi, ba Lesa wakwa Elaija? " Ulo apumine pamenshi, amenshi alyabanishiwe pabili kabili alyabukile bushilya.

02/15.txt

@@ -0,0 +1 @@
+\v 15 Ulo abana abalalume babakushimika abafumine mu Jeliko bamumwene bushilya ukufuma kuli bo, balilabile ati, " umupashi wakwa Elaija aletushishapali Elisha! " Penka balishile mukumukumanya, ne kufukama bonse pamushili kuli Elisha. \v 16 Balilabile kuli ye ati, "Moneni pano mukachi kabasha benu muli abalalume amakumi asanu abakosele. Balekeni ba ye, twalomba, kabili ne kufwaya kapa yenu, apo limbi umupashi waba Yawe amutwala mwiulu ne kumuposa pampili nangu ni mu malungu. "Elisha alyasukile ati," Yowo, mwebatuma. "

02/17.txt

@@ -0,0 +1 @@
+\v 17 Pano ulo bamupachikishe Elisha ukufika nelo aumfwine insoni, ali bebele ati, " Batumeni. " Penka balitimine abalalume amakumi asanu, kabili balimufwaile panshiku shitatu, pano tabamu mwenepo. \v 18 Balibwelele kuli Elisha, ulo aikele ku Jeliko, kabili alilabile kuli bo ati, " Bushe nshalabile kuli mwebo ati, "Mwe yako? "

02/19.txt

@@ -0,0 +1 @@
+\v 19 Abalalume bamu mushi balilabile kuli Elisha ati , " Monemi, twamipapachileni, umusango wa uno mushi uwamishe, ne fyo kaapa yangi enga mona, pano amenshi abipile ne mushili tafumyapo ifisepo ifingi. " \v 20 Elisha alyasukile ati, " Ndeteleni insani yabukumo kabili mubikemo umukele munsani, " Penka baliletele kuli ye.

02/21.txt

@@ -0,0 +1 @@
+\v 21 Elisha alifumine ne kuya ku nsulo ya kanika ka munshi ne kuposa umukele mu menshi; penka alilabile ati, "Ba Yawe balilabile fi, ' Naabuka ano amenshi. Kufuma kuli ino mpindi, tamwakabepo imfwa nangu ukubulakupanga ifisepo mu kyalo. "' \v 22 Kanshi amenshi alibukilwe kufika na lelo, kwishiwi ilyo Elisha alabile.

02/23.txt

@@ -0,0 +1 @@
+\v 23 Penka Elisha alitunyukile ukufuma kulya ukuya ku Beteli. Ulo alukuya ukutuntuka mu musebo, abanike abalalume balifumine mu mushi ne kumuweleleka; balilabile kuli ye ati , "Kabiye, we ulinepala! Kabiye, we uline pala ! " \v 24 Elisha alikebele kunuma yakwe ne ku bamona bo; alichile pali ba Yawe mu kubafinga. Penka bambeyala babili abanakashi balifumine mumpanga kabili ne kubasomesha abana balalume amakumi ane nababili. \v 25 Penka Elisha alifumineko ne kuya ku lipili lwa Kameli, kabili pakufumako alibwelele ku Samaliya.

02/title.txt

@@ -0,0 +1 @@
+Kyapita

03/01.txt

@@ -0,0 +1 @@
+\c 3 \v 1 Pano mu myaka Ikumi ne myaka shine na shitatu iya bufumu bwakwe Jehoshafwati imfumu yamu Yuda, Yolamu umwana wakwa Ahabi ilitendekele ukulama pabena Ishileli mu Smaliya; alikele mubufumu imyaka ikumi na shibili. \v 2 Alukukita ifibipile pamenso aba Yawe, ukukila ifyalu kukita ba wishi naba inakwe; pakuti alifumishe ipanda ilye bwe ilya kwa Baali ilyo ba wishi bapangile. \v 3 Nangaba nifyo alikwachishe kububi bwa Yelobomu umwana wakwa Nebati, uwalengele aba Isheleli ukubifya; ta abalukile ukufuma kuli bo.

03/04.txt

@@ -0,0 +1 @@
+\v 4 Pano Mesha imfumu yabena Moabi alukusunga imikoko. Ali wakupaana ku mfumu yaba Ishileli imikoko iyana 100,000 kabili ne masako aa mikoko ilume 100,000. \v 5 Pano panuka yakufwa Ahabi, imfumu yabena Moabi aliyalukile imfumu yaba Ishileli. \v 6 Kanshi imfumu Yolamu yalifumine mu Samaliya pali yenka ilya mpindi mukubaleta pamo bonse aba Ishileli pakuti pankondo.

03/07.txt

@@ -0,0 +1 @@
+\v 7 Alitumine ishiwi kuli Johoshafwati imfumu yamu Yuda, ne kulabila ati , "Imfumu ya Moabi yangalukilamo nemo. Kani wingaya nanemo ku Moabi kunkondo? " Yehoshafwati alyasukile ati, " Ndeya. Njifye kwachi niwebo, abantu bangi kwachi bantu bobem impunda shangi, kwachi ni mpunda shobe. " \v 8 Kabili alilabile ati, " Mba ninsa nshila twenga balukukilamo ? " Yehoshafwati alyasukile ati," Munshila ya mumpanga yamu Edomi. "

03/09.txt

@@ -0,0 +1 @@
+\v 9 Kanshi imfumu yaba Ishileli yalile ne mfumu yamu Yuda kabili ne mfumu ya mu Edomi. Balyendaukile mukushinguluka panshiku shi sanu na shibili, kabili penka tapalipo amenshi abashilikale nangu aafina ma ifyo baile nafyo. \v 10 Kanshi imfumu yaba Ishileli yalilabile ati, " Mba ni kindo iki ? Bushe ba Yawe balichile imfumu shitatu ukushi paana mu maboko abena Moabi? "

03/11.txt

@@ -0,0 +1 @@
+\v 11 Pano Yehoshafwati alilabile ati, "Bushe muno tamulipo uwakushimika waba Yawe, uyo twingipusha ba Yawe muli ye? "Umo pabasha ba mfumu yamu Ishileli ayasukile ati ne kulabilati, " Elisha umwana wakwa Shafati ali pano, uwaichile amenshi ku maboko akwa Elaija. " \v 12 Yehoshafwati alilabile ati, "Ikyebo kyaba Yawe kili naena. "Kanshi imfumu yaba Ishaleli, Yehoshafwati, kabili ne mfumu yamu Edomi bali kunkulukile munshi ukuya kuli ye.

03/13.txt

@@ -0,0 +1 @@
+\v 13 Elisha alilabile ku mfumu yaba Ishileli ati, "Mbanindo iyo nengakita kuli mwebo? Kabiyeni kuli ba kubakushimika baba wishinweni nabainenu. " Kanshi imfumu yaba Ishileli yalilabile kuli ye ati , "Yowo, pantu ba Yawe baita shino mfumu shitatu pamo mukuba paana mu maboko abena Moabi. "  \v 14 Elisha alyasukile ati, " Mwenka mwikalile ba Yawe a bamabumba, abo nemo naimakanako, kani nsha kindikilepo ikinso kya kwa Yehoshafwati imfumu yaba Yuda, nshaumfwepo kuli mwebo, nangu kukeba kuli mwebo.

03/15.txt

@@ -0,0 +1 @@
+\v 15 Pano luno ndeteleni uwakwimba . " Penka ulokyapichile ulo uwakwimba aimbile, ukuboko kwaba Yawe kwalishile pali Elisha. \v 16 Alilabile ati , "Ba Yawe balabila fi , ' Panga ino nika iyumine ukuba ne fishiba. " \v 17 Pakuti ba Yawe balabile fi, ' Tamwakamone kabesha, nangu kumona imfula, pano ino niika ikesula na menshi, kabili mukalukunwa, mwebo ne filelwa fyenu kabili ne nama shenu shinso. '

03/18.txt

@@ -0,0 +1 @@
+\v 18 Kino kintu ikipubile kumenso aba Yawe kabili akamipeleni ukukimfya pabena Moabi. \v 19 Mukalukuka umushi onse uukosele kabili mushi onse uuweme, ukuputula ikichi ikiweme panshi, ukwimika amasulo amenshi onse, kabili ne konaula umushili uuweme ne mabwe. "

03/20.txt

@@ -0,0 +1 @@
+\v 20 Kanshi ulukeelo pampindi yakupeela umulambu, kwalu kwisa amenshi ukufuma ku Edomi; ikyalo kyaliswile na menshi.

03/21.txt

@@ -0,0 +1 @@
+\v 21 Pano ulo abena Moabi bonse baumfwine ati imafumu aisa mukubalwisha, bali konkene pamo bonse, bonse abalingile ukufwala ifyankondo, kabili balimakene ku mupaka. \v 22 Balibukile kumakyamakya kabili ne kasuba kulikumine pa menshi. Ulo abena Moabi bamwene amenshi kulubali lumbi nabo,alibwekele ukukashika kwachi mulopa. \v 23 Kabalabila ati, " Uno mulopa ! Amafumu limbi aonaulwa, kabili balipaya abene na bene ! Kanshi pano, Moabi, tuleya tukatolele ifipe fyabo.

03/24.txt

@@ -0,0 +1 @@
+\v 24 Ulo baishile ku nkambi yaba Ishileli aba Ishileli balimine kabili ne kulukuka abena Moabi, abo bababutukile pantanshi yabo. Abashilikale baba Ishileli bali babutwishe abena Moabi ukubabusha ikyalo ukubepaya. \v 25 Balyonawile imishi, kabili pa mushili onse uuweme umuntu onse aleposa ibwe ukufika nefyo paiswile. Balimikile insulo shonse sha menshi kabili ne kutemawila panshi ifichi fyonse ifiweme. Kanafye kili Haleseti ewashelepo ne mabwe akwe munkende. Pano abashilikale nefilwilo baliushingulukile ne kumulukuka.

03/26.txt

@@ -0,0 +1 @@
+\v 26 Ulo imfumu Mesha amwene ati balusa inkondo, abapinchile abalalume ba kulwisha 700 mukupulankanya ku mfumu yamu Edomi, Pano balifililwe. \v 27 Kabili alipinchile umwana wakwe umukulu, uwalingile ukuba mubufumu panuma yakwe, kabili ne kumupaana ngo mulambu wa kokya pakibumba. Kanshi kwali ubukali ubukulu ubwa kufichilwa aba Ishileli, kabili aba shilikale baba Ishileli baliishile imfumu Mesha  kabili ne kubwelela ku kyalo kyabo.

03/title.txt

@@ -0,0 +1 @@
+Kyapita 3

04/01.txt

@@ -0,0 +1 @@
+\c 4 \v 1 Pano umukashi wa baana baba kasema umo alishile kaalukulila kuli Elisha, ne kulabilati, "Umusha wenu umulume wangi afwa, kabili mulishibile umusha wenu alukuchina ba Yawe. Pano uwankongole aisa mukupinta abana bangi babili ukuba basha bakwe. " \v 2 Penka Elisha alilabile kuli ye ati, "Nikindo ikyo ninga kukichila webo? Mbule ifyo ulinafyo munanda? " Alilabile ati, " Umusha wenu takwetepo ifintu munanda, kanafye umwipika wa mafuta. "

04/03.txt

@@ -0,0 +1 @@
+\v 3 Penka Elisha alilabile ati, " Fuma posonde uye ukakongole amakapu aakulu kuli abo wikala nabo apepi, amakapu umwakubula ifintu. Ukongole aengi sana. \v 4 Penka ulilingile ukwingila mukachi kabili ne kushinka kumulyango kunuma yobe ne baana bobe abalalume, kabili ne kwitulwila amafuta mumakaapo onse; ubike kumbali amakaapu aaisula. "

04/05.txt

@@ -0,0 +1 @@
+\v 5 Kabili alimushile Elisha ne kushinka kumulyango kunuma yakwe na kubana bakwe abalalume. Baliletele amakapu aakulu kuli ye, kabili ali eswile ne mafuta. \v 6 Ulo umwakubika mwaiswile, alilabile ku baana bakwe abalalume ati, "Ndeteleni kaapu umbi . " Pano alilabile ku ye ati, " Tamulipo amakaapu ambi . " Penka ama futa alilekele ukusuuma.

04/07.txt

@@ -0,0 +1 @@
+\v 7 Kabili alishile ne kumweba umuntu waba Lesa ati. Alilabile ati, " Kabiye, ushichishe amafuta; upane kubankongole, kabili wikale ne bana bobe mukutusha. "

04/08.txt

@@ -0,0 +1 @@
+\v 8 Akasuba kamo Elisha alile ku Shunemi uko inefwe umubile alukwikala; Alimwebele ukulya ifyalya nakwe. Kanshi pakuti epo Elisha alukupichila, ulu kwimakana palya ne kulya. \v 9 Umwanakashi alyebele umulume wakwe ati, "Moneni, pano naanuka ati uno muntu ushilile waba Lesa uupita lyonse pano.

04/10.txt

@@ -0,0 +1 @@
+\v 10 Lekeni tumusompele akananda pamutenge akakwa Elisha, kabili tubikeni umupunda, apakwikala ne lampi. Penka kani aisa kuli fwebo, kaalukwikalamo." \v 11 Kanshi ulo akasuba kafikile apo Elisha aimakene palya, alikeeele munanda ne kutusha mulya.

04/12.txt

@@ -0,0 +1 @@
+\v 12 Elisha alimwebele Gehaz umusha wakwe ati, " Mwite uyu umwina DShunami. " Ulo amwichile, alimakene pantanshi yakwe. \v 13 Elisha alimwebele ati, " Mwebe ati, ' Wapita muli luno lukatasho lonse mukutulama fwebo. Nikindo kyenga kukichila webo? Bushe tukulabilileko ku mfumu nangu ku mukulu wabashilikale?"" Alyasukile ati, " Ndekala mukachi ka bantu bangi. "

04/14.txt

@@ -0,0 +1 @@
+\v 14 Penka Elisha alilabile ati, " Nifindo ifyo twinga mukachila, kanshi ? Gehazi alya sukile ati, " Ikiine, takwetepo umwana umwalalume, kabili ne mulume wakwe wakota. " \v 15 Penka Elisha alyasukile ati , " Mwiteni. " Ulo bamwichile, alimakene mu mulyango. \v 16 Elisha alilabile ati, " Pali ino nshita ya mwaka mu mpindi ya mwaka, ukaba no mwana umwalalume. "Alilabile ati, "Yowo., kapa wangi kabili we muntu waba Lesa, mwibepa ku musha wenu. "

04/17.txt

@@ -0,0 +1 @@
+\v 17 Pano inesu alimichile ne kufyaala umwana umwalalume panshinta imo mumwaka wakonkelepo, fyenka alabile kuli ye. \v 18 Ulo umwana akulile, alifuminepo akasuba ba kamo ukuya kuli ba wishi, abo bali ne bakufumya akalyo. \v 19 Alilabile kuli bawishi ati, "Umutwi wangi, umutwi wangi. "Bawishi balilabile ku musha wabo ati , "Mupinteni kubainakwe." \v 20 Ulo umusha amwimishe peulu nekumuleta kuli bainakwe, umwana alikele kumakufi abainakwe ukufika akasuba pamitwi kabili alifwile.

04/21.txt

@@ -0,0 +1 @@
+\v 21 Penka inesu alibukile kabili ne kumulalika umwana pamupunda wa munytu waba Lesa, ne kushinkako umlyango, kabili ne kufumamo. \v 22 Alichile umulume wakwe, ne kulabilati, " Napapata umo uwamubasha benu ne mbongolo imo pakweba nengendesha ku muntu waba Lesa kabili ne kubwela bwangu. "

04/23.txt

@@ -0,0 +1 @@
+\v 23 Umulume wakwe alilabile ati, "Nindo wafwaila ukuya kuli ena leelo? Talipo mwenshi wabukumo nangu lisabata. "Umwanakashi alyasukile ati, "Kile bafye bwino. " \v 24 Kabili alinishile pambongolo kabili ne kumweba umusha wakwe ati, "Ensha bwangu; welukwensha panini kuli nemo kana nakubula ukukitefyo. "

04/25.txt

@@ -0,0 +1 @@
+\v 25 Penka alile kabili ne kwisa kumuntu wa ba Lesa kulupili lwa Kameli. Kanshi ulo umuntu waba Lesa amumwene apatali, alilabile kuli Gehazi umusha wakwe ati, "Mona, umwanakashi umwina Shunami uyo uleisa. \v 26 Kanshi butuka umukumanye ne kumweba aati, " Bushe fyonse filibwino kuli webo  nakumulume obe na mwana obe? Alyasukile ati, " Fili bwino. "

04/27.txt

@@ -0,0 +1 @@
+\v 27 Ulo aishile ku muntu waba Lesa kulupili, ali mukwachile kumolu akwe. Gehazialishile kubwipi mukumufumyako pano umuntu waba Lesa alilabile ati, " Muleke umwine bushimwa bwakwe, pakuti ena afulanána, kabili ba Yawe bafisa ulukatasho kuli nemo, kabili tapalipo ikyo ba ngeba. "

04/28.txt

@@ -0,0 +1 @@
+\v 28 Kabili umwanakashi alilabile ati, " Bushe nalimilombelepo umwana, mwe kaapa wangi? Bushe nshalabile ati 'Mwe mbepaika'? " \v 29 Penka Elisha alimwebele Gehazi ati, "Ufwale ifya palwendo kabili upinte ne mukombo wangi mukuboko kobe. Uye kunanda yakwe. Kani wakumanya umuntu, tekumuposha, kabili kani ena ukuposha, webo tekumwasuka. Ubike umukombo wangi pakilungi kya mwana.

04/30.txt

@@ -0,0 +1 @@
+\v 30 Pano inakwe wa mwana alilabile ati, "Mwenka umwikalile ba Yawe ne bumi, kabili na mwebo, nshamishe mwebo. " Kanshi Elisha alimine ne kumukonkela inefwe. \v 31 Gehazi alyendeshe pantanshi yabo ne kubika umukombo pa kilungi kya mwana, pano umwana taalabilepo nangu kumfwa. Kanshi kabili Gehazi alibwelele libili mukukumanya Elisha ne kumwebati, "Umwana taabukile yowo. "

04/32.txt

@@ -0,0 +1 @@
+\v 32 Ulo Elisha afikile kunanda, umwana alifwile kabili akilifye pamupunda. \v 33 Penka Elisha alingile munanda ne kushinkako ikibi pa mwana kabili ne mwine ne kulomba kuli ba Yawe. \v 34 Alininshile peulu ne kulalila pa mwana ; alibikile akanwa kakwe pakanwa kakwe, amenso akwe pa menso akwe, amaboko akwe pamaboko akwe. Alilita anikile umwine ukufuma pa mwana, kabili umubili wamwana walitampile ukukaba.

04/35.txt

@@ -0,0 +1 @@
+\v 35 Penka Elisha alimine ne kwendauka mu nanda kabili nalibili aninsa peulu ne kuli tanika pa mwana. Umwana alichamwine imisunsa isanu naibili kabili alishinkwile pa menso! \v 36 Kanshi Elisha alichile Gehazi ne kulabilati, "Mwite umwina Shunami! " Kanshi alimwichile, kabili ulo aishile munanda, Elisha alilabile , " Mutole umwana obe. " \v 37 Penka alikunikile ikilungi kyakwe panshi kumolu akwe kabili ne kufukama panshi, kabili ne kutyola umwana wakwe ne kuya posonde.

04/38.txt

@@ -0,0 +1 @@
+\v 38 Kabili Elisha alishile libili ku Giligali. Kwali ikipowe kyansala mukyalo, kabili ne baana abalalume babakasesema balikele pantanshi yakwe. Alilabile kumusha wakwe ati, "Bika umwipika uukulu pamulilo ne kuteka supu wabaana balalume baba kasesema. \v 39 Umo uwamuli bo alifuminepo ne kuya mu bulimi mukuleta ubukisa. Alisangile amufaina wamumpanga mukwisusa amwakupinchila mwakwe. Balifitawile kabili nekufibika muli supu, pano tabaishibile umutundu fya belelemo.

04/40.txt

@@ -0,0 +1 @@
+\v 40 Penka baliwichile supu wabantu ati balye. Penka ulo balukulya, balilile ne kulabilati, " We muntu waba Lesa, muli mfwa mu mwipika ! " Kanshi tabalilepo libili. \v 41 Pano Elisha alilabile ati, "Leteni ubunga bwa fulawa. "Alibuposele mu mwipika ne kulabilati, "Fichilenimo fya bantu, pakwebati benga lya. "Penka tamwalipo nangu kimo ikyakusomeshanána mu mwipika.

04/42.txt

@@ -0,0 +1 @@
+\v 42 Umuntu alishile ukufuma Baali Shalisha ukwisa ku muntu waba Lesa ne kuleta imikate amukumi abili mwi saka lyakwe iyo afumishe mubusomboshi bwabukumo, kabili ne kalyo kanenda kamunatwi akanseke. Alilabile ati, "Paneni fimo kuli abantu pakwebati balye." \v 43 Umusha wakwe alilabile ati, "Nindo, ne ngabikila fino kubantu umwanda umo ? " Pano Elisha alilabile ati ," Fipane fino ku bantu, pakwebati balye, pantu ba Yawe balabilati, "Bakufilya kabili bateshapo na fimbi. " \v 44 Kanshi umusha wakwe alifibikile ku menso abo; balilile, kaboili ne kushapo fimo, fyenka ishiwi lya Yawe lyabebele.

04/title.txt

@@ -0,0 +1 @@
+Kyapita 4

05/01.txt

@@ -0,0 +1 @@
+\c 5 \v 1 Pano Naamani, umukulu wabashilikale ba mfumu yamu Alami, wali mukulu kabili uwakindeme ku menso akwa kaapa yakwe, pantu muli ye ba Yawe balipeena ukukimfya kuli Alami. Kabili ali muntu uukosele sana, uushipikishe, pano ali ne mbumba. \v 2 Bena Alami balifumine ne kulukuka mu ma bumba kabili balipinchile umwanakashi umwanike uwamu kyalo kyaba Ishileli. Ali kubombela bmuka Naamani.

05/03.txt

@@ -0,0 +1 @@
+\v 3 Umwana mwanakashi alilabile kuli kaapa lyakwe umwanakashi ati, "Nalanguluka ati bakaapa kani bali ne wa kushimika uuli mu Samaliya! penka engababuka ba kaapa yangi ku mbumba yabo. " \v 4 Kanshi Naamano alingile mukachi ne kuibula imfumu ifyo umwana umwanakashi uwa mu ba Ishileli amwebele.

05/05.txt

@@ -0,0 +1 @@
+\v 5 Kanshi imfumu yamu Alami yali labile ati, " Pano kabiye, kabilindetuma inkalata ku mfumu ya ba Ishileli. "Naamani alimine kabili alipinchile amatalanta 10, ama shekili a golide 6000, kabili nefyakufwala ifyaku kingya 10.  \v 6 Kabili alipinchile ne nkalata yaku mfumu yaba Ishileli nekulabila ati, " Kani ino nkalata yafika kuli mwebo, mukamona ati nemo natuma Naamani umusha wangi kuli mwebo, pakweba mwenga mubuka kubulwele bwakwe ubwa mbumba. "

05/07.txt

@@ -0,0 +1 @@
+\v 7 Ulo imfumu yaba Ishilelei yatangile inkalata, yalitabawile ifyakufwala fyaiko ne kulabilati, " Bushe nine Lesa, uwipaya kabili ne kusangula, pakwebati uno muntu alefwaisha nemo mubuke umuntu ku mbumba shakwe? Kyamoneka ati alefwaya ukutendeka ukupachika nanemo. "

05/08.txt

@@ -0,0 +1 @@
+\v 8 Pano ulo Elisha umuntu waba Lesa aumfwine ati imfumu yaba Ishileli ya tabaula ifyaku fwala fyayo, alitumine ishiwi ku mfumu ne kulabila ati, "Nindo mwatabawila ifyakufwala fyenu? Lekeni ese pano kuli nemo, kabili a kwishiba ati muli uwakushimika mu Ishileli. " \v 9 Penka Naamani alishile ne mpunda shakwe kabili ne kabili alimakene kumulyango wananda yakwe Elisha. \v 10 Elisha alitumine umuluwe kuli ye, ne kulabila ati, "Kabiyeukulitumpe we mwine mu Yodani imisunnsa 7 , kabiline mubili obe ukabweshiwa bwino; uka tubishiwa. "

05/11.txt

@@ -0,0 +1 @@
+\v 11 Pano Naamani alifichilwe kabili alifuminepo ne kulabilati, "Moneni, nalukjlanguluka ati ikine alefuma posonde kuli nemo, nekwimakana kabili ne kwita pe shina lyaba Yawe Lesa wakwe, kabili ne kupepesha ukuboko kwakwe mwiulu munkende kabili ne kubuka imbumba shangi. \v 12 Kanshi abana na palapata, tali manika amu Damasikasi, aweme ukukila amenshi onse aamu Ishileli? Kanshi techi nsambe muli oo ne kuba uutubile ? " Penka alyalulukile ne kufumako me bukali.

05/13.txt

@@ -0,0 +1 @@
+\v 13 Penka umusha wakwa Naamani alishile apepi ne kulabila ku ye ati, "Ba taata wangi, kaniuwakushimika amikambisheni mwebo  ukukita ifintu ifishupile, bushe techi mukikite? Bushe nilinga kanshi, kani alabila kuli mwebo ati, 'Litimpeni mwebene kabili ne kutubishiwa ' ?  " \v 14 Penka alikunkulukile munshi ne kulitumpa umwine imisunsa 7 mu Yodano, ukunakila imishilo ya muntu waba Lesa. Umubili wakwe walibwelele bwino libili kwati mubili wa mwaana umunini, kabili alibukiwe.

05/15.txt

@@ -0,0 +1 @@
+\v 15 Naamani alibwelele ku muntu wa ba Lesa, ye pamo na bonse ali nabo, kabili ne kwisa ne kwimakana kuli ye. Alilabile ati, " Moneni, pano naishibati tamuli Lesa mu kyalo kyose kanafye mu Ishileli. Kanshi pano, pokeni ikya bupe kumusha wenu. " \v 16 Pano Elisha alyasukile ati, " Mwenka umwikalile ba Yawe ne bumi, uyo na makanako, nshapokelele ikili kyonse. " Naamani alimukakachishe Elisha ukupoka ikya bupe, pano alikaninine.

05/17.txt

@@ -0,0 +1 @@
+\v 17 Pano Naamani alilabile ati, " Kani yowo kanshi nalomba kuli mwebo ati, amusha wenu engapelwa inéndo shibili ishe loba lya myule, pakuti ukufuma luno, umusha wenu taakapanepo umulambu wakokya nangu kupaana kuli Lesa kani kuli ba Yawe. \v 18 Muli iki kintu kimo ba Yawe benga kita inkumbu umusha wabo, ekwebati, kani imfumu yaingila munanda yamu Limoni mukulambila, kabili ne kweyamina kukuboko kabili nemo nekufukuma mu nanda yamu Limoni, ba Yawe benga nkita inkumbu muli kino kintu. " \v 19 Elisha alilabile kuli ye ati, "Kabiye mu mutende. "Penka Naamani alimine ne kuya.

05/20.txt

@@ -0,0 +1 @@
+\v 20 Alyendelefye intamfu iipi, ulo Gehazi umusha wa muntu waba Lesa alabile umwine ati, " Moneni, ba kaapa bamuleka no bumi uno muntu Naamani umwina Alami pakubula ukupoka kumaboko akwe ifyabupe aletele. Mwenka umwi kalile ba Yawe ne bumi, nemo ndemupupila ne kupoka ikintu kuli ena. " \v 21 Penka Gehazi alimukonkele panuma yakwa Naamani. Ulo Naamani amwene  umuntu aleisa ulubilo panuma yakwe alitolokele panshi ukufuma pa ngolofwana mukumukumanya ne kulabilati, " Bushe fyonse fili bwino? " \v 22 Gehazi alilabile ati , " Fyonse fili  bwino. Ba kaapa bantuma, ne kulabilati, 'Monemi, pano balya baisa kuli nemo ukufuma ku kyalo kya mpili ikya ku Efulemu abalumendo babili aba baana baba kushimika . Kanshi bapeleni italanta lya siliva kabili ne fya kufwala fibili ifya kukingya.

05/23.txt

@@ -0,0 +1 @@
+\v 23 Naamani alyasukile ati, "Naumfwa bwino sana pakupela webo amatalanta abili. "Naamani alimukakachishe Gehazi ne ku akaka amatalanta abili aa siliva mu fyoola fibili, ne fyakufwala fibili ifya kukingya, kabili ne kufitwika pa basha bakwe babili abapinchile ifyoola fya siliva pamenso akwa Gehazi. \v 24 Ulo Gehazi ku lupili, alipokeleifyola fya Siliva mumaboko abo ne kufifisa munanda; ali batumine abalalume ukutali, kabili balile. \v 25 Ulo Gehazi aingile mukachi ne kwimakana na kuli kaapa yakwe, Elisha alilabile ku ena ati, " Mba mikwepi uko wafumina Gehazi? " Alyasukile ati , "Umusha wenu tapali uko akiya. "

05/26.txt

@@ -0,0 +1 @@
+\v 26 Elisha alilabile kuli Gehazi ati, "Kanshi umupashi wangi ta akiba na webo ulo umuntu akyalulula ingolofwana yakwe mukuku kumanya webo? Bushe ino ninshita yakusumina ukupoka indalama nangu fyakufwala, amabala ama olifi ne amifaina, imikoko ne nómbe, kabili abasha abalalume ne basha abannakashi? \v 27 Kanshi imbumba shakwa Naamani shakuba pali webo nebamu kifyashi kyobe umuyayaya. " Kanshi Gehazi alile posonde ukufuma kumenso akwe, uwa mbumba ishitubile kochi ni sino.

05/title.txt

@@ -0,0 +1 @@
+Kyapita 5

06/01.txt

@@ -0,0 +1 @@
+\c 6 \v 1 Abaana baba kushimika balilabile kuli Elisha ati , "Inkeende apo twikala na mwebo yatukeepela fwebo fwense. \v 2 Kanshi mwane tuye ku Yodani, kabili umuntu onse akateme ikichi kulya, kabili twendeni tusompe inkende apo tulingile ukwikala. "Elisha alyasukile ati, "Mwenga twalilila. " \v 3 Umo muli bo alilabile ati , "Kanshi yeni ne basha benu. " Elisha alyasukile ati, "Ndeeya. "

06/04.txt

@@ -0,0 +1 @@
+\v 4 Penka alile nabo, kabili ulo bafikile ku Yodani, balitendekele ukuputaula ifichi panshi. \v 5 Pano ulo umo alukutema, akapasa kali kaliponene mu menshi; alililile umuteto ne kulabila ati, " Oo yowo, kaapa yangi twali kaashimine! "

06/06.txt

@@ -0,0 +1 @@
+\v 6 Kanshi umuntu waba Lesa alilabile ati, "Ni pepi apo kakiponena? " Umuntu alimulangile Elisha pankeende. Penka ali putwileka kichi, ne kukaposa mu menshi, kabili alilengele ikyela ukutumpauka. \v 7 Elisha alilabile ati, "Katoleni. "Kanshi umuntu alitanikile ukuboko kwakwe ne kukatoola.

06/08.txt

@@ -0,0 +1 @@
+\v 8 Pano imfumu yamu Alami yalukulwisha inkondo ne basha bakwe, ne kulabilati, "Inkambi yangi ikaba munkende iya kuchi na kuchi. " \v 9 Kanshi umuntu waba Lesa alitimune ku mfumu yaba Ishileli, ne kulabila, " Mukengele tekupita kuli ilya nkeende, pakuti abena Alami balekunkulukila kulya. "

06/10.txt

@@ -0,0 +1 @@
+\v 10 Imfumu yaba Ishileli yalitumine ishiwi kunkeende iyo umuntu waba Lesa alabilepo kabili ne kumukengeshako. Ukukila pali limo nangu libili, ulo imfumu yaile kulya, yali iilepekenya. \v 11 Imfumu yamu Alami yalikatashiwe na fino fintu, kabili yalichile abasha bayo nekubebati,"Kanshi techi mumbule nani muli fwebo uuli kumfumu yaba Ishileli? "

06/12.txt

@@ -0,0 +1 @@
+\v 12 Kanshi umo mu basha bakwe alilabile ati, " Yowo, kaapa yangi, mwe mfumu, kuli Elisha uwakushimika uwamu Ishileli alabuula imfumu yamu Ishileli ifyebo ifyo mulabila munanda yenu umo mulaala. " \v 13 Imfumu yalyasukile ati, "Kabiyeni mukamo ne uko  Elisha ali pakwebati ntume abantu bamukwate. " Kyali mubulilwe ati, "Moneni, ali mu Dotani. "

06/14.txt

@@ -0,0 +1 @@
+\v 14 Kanshi imfumu yalitumine ku Dotani bakafwalo, ingolofwana , kabili ne bumba ilikulu ilya bashilikali. Balishele ubushiku ne ku ushinguluka umushi. \v 15 Ulo umusha wa muntu waba Lesa abukile kumakya ne kufumina posonde, alimwene, ibumba lyabashilikale alikulu naba kafwalo, kabili ne ngolofwana bashinguluka umushi. Umusha wakwe alilabile kuli ena ati, " Oo, kaapa yangi! Tulekita shani?" \v 16 Elisha alyasukile ati , " Wi umfwa umwenso, pakuti abo abali na fwebo balikilile abo abali muli bo. "

06/17.txt

@@ -0,0 +1 @@
+\v 17 Elisha alilombele ne kulabilati, " Ba Yawe, nalomba ati mushinkule amenso akwe ati engamona. " Penka ba Yawe alishinkwile amenso amusha, kabili alimwene. Moneni, ulupili lwaliswile nabakafwalo ne ngolofwana sha mulilo kafimushingulukile Elisha! \v 18 Ulo abena Alami bakunkulukile kuli ena Elisha alilombele kuli ba Yawe ne kulabila ati, "Bapofoleni bano bantu amenso, namilomba mwebo. "Kanshi ba Yawe bali bapofwele amenso, fyenka ifyo Elisha alombele. \v 19 Penka Elisha alibebele abena Alami ati, " Ino tyali enshila, nangu ati emushi. Nkonkeleni, kabili ndemitwala kumuntu  uyo mulefwaya. "Penka alibatabgilile ku Samaliya.

06/20.txt

@@ -0,0 +1 @@
+\v 20 Penka ulo bafikile mu Samaliya, Elisha alilabile ati, " Ba Yawe, shinkuleni amenso abano bantu pakwebati bamone. " Ba Yawe balishinkwile amenso abo ne kumona balimwene, kabili moneni, baali pakachi ka mushi uwa Samaliya. \v 21 Imfumu yaba Ishileli yalilabile kuli Elisha ati, ulo abamwene, " Ba taata wangi, bushe mbepaye? Bushe mbepaye? "

06/22.txt

@@ -0,0 +1 @@
+\v 22 Elisha alyasikule ati , "Taulingile ukubepaya. Bushe kuchi waipaya abo abatwelwe kabakakilwe ne mupanga obe kabili ne buta bwa muketo? Bikeni umukate ne menshi pamenso abo, pakwebati benga lya ne kunwa, kabili ne kuya kuli kaapa yabo. " \v 23 Kanshi imfumu yalipekenye ifyakulya ifingi ifyabo, kabili ulobalile ne kunwa, ali batumine nekuya, kabili balibwelele kuli kaapa yabo. Alya mabumba abashilikale abena Alami tababwelele pa mpindi iitali mu kyalo kya ba Ishileli.

06/24.txt

@@ -0,0 +1 @@
+\v 24 Kuntanshi panuma yauno Beni Hadadi imfumu yamu Alami. Yalibakonkenye bonse abashilikali baiko kabili ne kubalukuka abena Samaliya ne kubashinkila mukachi. \v 25 Kanshi mwali ikipowe kyansala ikikulu mu Samaliya. Moneni, bali mu shinkile mukachi ukufika pampindi umutwi wa mbongolo washitishiwe ama siliva 80 kabili ne kiputulwa kya bne kya kakopo ka fichololo fya nkulimba pama siliva asanu. \v 26 Ulo imfumu yaba Ishileli yalukupita kulubali lwa kibumba, inefwe alilile kuli ena, ne kulabilati, " Nkwasheni mwe kaapa yangi, mwe mfumu. "

06/27.txt

@@ -0,0 +1 @@
+\v 27 Alilabile ati, " Kani ba Yawe tabamikwa shisheni mwebo, nganemo kuchi na mikwasha shani? Kani kulipo ikifuma apakukuswila nangu ikyaku fininamo umusunga? " \v 28 Imfumu yalitwalilile, "Nikindo kyakushupa? " Alyasukile ati, " Uyu mwnakashi alilabile kuli nemo ati, ' Paana umwana obe umwalalume pakwebati twenga mulya leelo, kabili tukalya umwana wangi mailo. " \v 29 Kanshi twalimutekele umwana wangi umwalalume kabili twalimulile, kabili nalimwebele ena akasuba kakonkelepo ati, " Paana umwana obe umwalalume pakwebati twenga mulya, pano ena umufisa umwana wakwe. "

06/30.txt

@@ -0,0 +1 @@
+\v 30 Kanshi imfumu ulo yaumfwine aya mashiwi akwa inefwe, yalitabawile ifyakufwala fyaiko ( pano yalukupita kulubali lwa kibumba) , kabili abantu balikebeleshe ne kumona ati yali ne kyakufwala kyamalilo mukachi, kaifwele kumubili. \v 31 Kabili yalilabile ati, "Ba Lesa bakitefi kuli nemo, kabili ne kukishamo, kani umutwi wa kwa Elisha umwana kwa Shafati engekala kuli ye leelo. "

06/32.txt

@@ -0,0 +1 @@
+\v 32 Pano Elisha alikeele munanda yakwe, ne bakulu balikele nakwe. Imfumu yalitume umuntu ukufuma pantanshi yakwe, pano ulo umuluwe aishile kuli Elisha, alilabile ku bakulu ati, " Moneni, ifyo uno mwaana uwa kwipayanana atuma mukufumyako umutwi wangi? Moneni, ulo abaluwe baisa, kamushinka ku mulyango, ne kukwachishako ku mulyango ukuchina ukumingilila kuli ena. Nge mituutu ya moolu akwa kaapa yakwe taili kunuma yakwe? " \v 33 Ulo atwalilile ukulabila nabo, moneni, umuluwe alikunkulukile kuli ena. Imfumu ya labilati , " Moneni luno lukatasho lwafuma kuli ba Yawe. Nindo ningalu kupembelela ba Yawe? "

06/title.txt

@@ -0,0 +1 @@
+Kyapita 6

15/01.txt

@@ -0,0 +1 @@
+\c 15 \v 1 Mu mwaka uwabu 27uwa kwa Yelobomi imfumu yaba Ishileli, Azaliya umwana wakwa Amaziya imfumu yaba Yuda alitendekele ukuba mubufumu. \v 2 Azaliya ali ne myaka iyakufyalwa 16 ulo atendekele ukuba mubufumu, kabili alikele mu bufumu imyaka 52 mu Yelusalemi. Ishina lyakwa inakwe ali ni Yekoliya, kabili alifumine mu Yelusalemi. \v 3 Alukukita ifiweeme pamenso aba Yawe, fyenka ifyo wishi Amaziya alukukita.

15/04.txt

@@ -0,0 +1 @@
+\v 4 Nangu nifyo, ififulo fya nkeende ya peulu ta afifumishemo. Abantu balitwalile uku kulambula ne kokya ifinunkile bwino pa nkeende isha peulu. \v 5 Ba Yawe baliiletele ubulwelle imfumu pakwebati abo ne mbumba ufika pa kasuba ka kufwa kwakwe kabili alukwikala munanda yabusimwa iipatwilwe . Yotami, umwana wa mfumu, ali no bukulu bwapananda kabili alitangilile ikyalo.

15/06.txt

@@ -0,0 +1 @@
+\v 6 Kochi ni pafintu ifya pali Azaliya, fyonse ifyo akchile, bushe tafilembelwe mwi buku ilya fintu ifyakichilwe mu mafumu aba Yuda? \v 7 Kanshi Azaliya alileele ne bashakulu bakwe; balimushikile pamo ne bashakulu bakwe mu mushi wakwa David.  Yolami, umwana wakwe, alibele ni mfumu mukifulo kyakwe.

15/08.txt

@@ -0,0 +1 @@
+\v 8 Mu mwaka wabu 38 uwa kwa Azaliya imfumu yaba Yuda, Zekaliya umwana wakwa Yelobomi alibele ni mfumu pa bena Ishileli mu Samaliya pa myenshi 6. \v 9 Alukukita ifibipile ku menso aba Yawe, fyenka ifyalukukita ba wishi. Ta afumine ku bubi bwa kwa Yelobomi umwana wakwa Nebati, uwalengele aba Ishileli ukubifya.

15/10.txt

@@ -0,0 +1 @@
+\v 10 Shalumi umwana wakwa Yabeshi alimunfwanánine ukumwalukilamo Zekaliya, ukumulukuka ena mu Ibulimu, kabili alimwipeye ena. Penka alibele ni mfumu mukifulo kyakwe. \v 11 Kochi nipa fintu fimbi ifyapali Zekaliya, fililembelwe mwibuku ilya fintu ifyakichile mu mafumu aba Ishileli. \v 12 Lino lyali lishiwi lyaba Yawe ilyo balabile kuli Yehu, ukulabila ati, "Abana bobe bakekala pe tebe lya bufumu bwa ba Ishileli ukufika ku nkulo iya bu 4. " Ifyo efyo kyakichikilwe.

15/13.txt

@@ -0,0 +1 @@
+\v 13 Shalumi umwana wakwa Yabeshi alite ndekele ukuba mubufumu mu mwaka uwabu 39 uakwa Azaliya imfumu ya ba Yuda kabili alikele mubufumu umwenshi fye umo mu Samaliya. \v 14 Menahemi umwana wakwa Gadi alituntukile ukufuma ku Tiliza ukuya ku Samaliya. Kulya alimulukukile Shalumi umwana wakwa Yabeshi, mu Samaliya. Alimwipeye ne kuba ni mfumu mukifulo kyakwe.

15/15.txt

@@ -0,0 +1 @@
+\v 15 Kochi nipa fintu fimbi ifyapali Shalumi kabili ne fya kumfwanánanina  lino ifyo akichile, fililembelwe mwi buku ilya fintu ifyakichile mu mafumu aba Ishileli. \v 16 Penka menahemi alilukile Tifusa na bonse abali kulya, ne mipaka aya shingulukile Tiliza, pakuti tabamushinkwililepo imishi kuli ena. Kanshi ali mulukukile, kabili ali batabawile abanakashi bonse abaline mapafu muli ulya mushi.

15/17.txt

@@ -0,0 +1 @@
+\v 17 Mumwka wabu 39 uwakwa Azaliya imfumu yaba Yuda, Menahemi umwana wakwa Gadi alitendekeleukuba mubufumu bwa pa ba Ishileli; alikele mubufumu imyaka 10 mu Samaliya. \v 18 Alukukita ifibipile kumenso aba Yawe. Mu bumi bwakwe bonse, ta afumine ku bubi bwakwa Yelobomi umwana wakwa Nebati, uyo waleengele aba Ishileli uku bifya.

15/19.txt

@@ -0,0 +1 @@
+\v 19 Penka Puli imfumu ya Asilya yalishile mu kulwisha ikyalo, kabili Menahemi alipele Puli amatalanta a siliva 1000, pakwebati ubwafwilisho bwakwa Puli bwengaba nakwe mukunshi mukupaana nakwe mukukosesha ubufumu bwa ba Ishileli mukuboko kwakwe. \v 20 Menahemi alibasonkeshe shino ndalama ukufuma muba Ishileli pakubepusha umo umo mu banonshi mukupaana ku mfumu ya Asilya. Kanshi imfumu yamu Asilya yalyalulukile kabili tayaikelemo mukyalo.

15/21.txt

@@ -0,0 +1 @@
+\v 21 Kochi nipa fintu fimbi ifya pali Menahemi, na fyonse ifyo akichile, bushe ta filembelwe mwi buku ilya fintu ifyakichilwe mu mafumu amu Ishileli? \v 22 Kanshi Menahemi alileele ne bashakulu bakwe, kabili Pekahiya umwana na wakwe alubele ni mfumu mu kifulo kyakwe.

15/23.txt

@@ -0,0 +1 @@
+\v 23 Mumwaka uwabu 50 mwakwa Azaliya imfumu yaba Yuda, Pekahiya umwana wakwa Menahemi alitendekele ukuba mubufumu paba Ishileli mu Samaliya; alikele pabufumu imyaka ibili. \v 24 Alukukita ifibipile pa menso aba Yawe. Taashile panuma ububi bwakwa Yelobomi umwana wakwa Nebati, ubo ubwalengele aba Ishileli ukubifya.

15/25.txt

@@ -0,0 +1 @@
+\v 25 Pekahiya ali ne mukulu wankito uwe shina lyakwa peka umwana wakwa Lemaliya, uyo uwamu mfwananine ukumwalukilamo. Pamo nabalalume 50 abo alinabo aba ku Gileadi, Peka alipeeye Pekahiya, munanda iikosele iyabufumu iya mu kipango. Peka alipeeye Pakahiya kabili alibeele ni mfumu mu kifulo kyakwe. \v 26 Kochi nipa fintu fimbi ifya pali Pekahiya, fyonse ifyo akichile, fililembelwe mwibuku lya fintu ifya kichikilwe mu mafumu amu Ishileli.

15/27.txt

@@ -0,0 +1 @@
+\v 27 Mu mwaka uwabu 52 uwakwa Azaliya imfumu yaba Yuda, Peka umwana wakwa Lemaliya alitendekele ukuba mu bufumu bwa paba Ishileli mu Samaliya; alikele pabufumu imyaka 20. \v 28 Alukukita ifibipile pamenso aba Yawe. Ta afumineko kububi bwakwa Yelobomi umwana wakwa Nebati, uyo waleengele aba Sishileli ukubifya.

15/29.txt

@@ -0,0 +1 @@
+\v 29 Mu nshiku shakwe Peka imfumu yaba Ishileli, Tigilati-Paileza imfumu yamu Asilya yalishile ne kupokolola Iyoni Abeli Beti maaka, Yanowa, Kedeshi, Hazoli, Gileadi, Galileya, kabili ne kyalo kyonse ikya nafutali. Alibapinchilemo abanytu ukubatwala mu Asilya. \v 30 Kanshi Hoshiya umwana wakwa Ela ali mumfwanánine ukumwalukilamo Peka umwana wakwa Lemaliya. Alimulukukile ne kumwipaya. Penka alibeele ni mfumu mukifulo kyakwe, mu mwaka uwabu 20 uwakwa Yotamu umwana wakwa uziya. \v 31 Kochi nipa fintu fimbi  ifya pali Peka, fyonse ifyo akichile, fililembelwe mwibuku ilya fintu ifyakichikilwe mu mafumu a ba Ishileli.

15/32.txt

@@ -0,0 +1 @@
+\v 32 Mu mwaka uwa bubili uwa Peka umwana wakwa Lemaliya, imfumu yaba Ishileli, Yotamu umwana wakwa Azaliya, imfumu yaba Yuda alitendekele ukuba mubufumu. \v 33 Ali ne myaka iya kufyaalwa 25 ulo atendekele ukuba nimfumu; allikele mubufumu imyaka 16 mu Yelusalemi. Ishina lyakwa inakwe ali nyi Yelusha; ali mwana wakwa Zadoki.

15/34.txt

@@ -0,0 +1 @@
+\v 34 Yotamu alukukita ifiweeme pamenso aba Yawe. Alukukonka ifyakumwenako fyonse ifya kwa wishi Azaliya ifyo alukukita. \v 35 Nangu nifyo, inkeende apatuntukile ta ashifumishemo. Abantu balitwalilile ukulambula ne kokya ifununkile bwino pa nkeende apasuntukile. Yotamu ali sompele umulyango wapeeulu uwa nanda yaba Yawe. \v 36 Kochi ni pa fintu fimbi ifyapali Yotamu na fyonse ifyo akichile, bushe  mwi buku ilya pa fintu ifyakichilwe mu mafumu amu Yuda?

15/37.txt

@@ -0,0 +1 @@
+\v 37 Muli sho nshiku ba Yawe balitendekele ukutuma kuba Yuda Lezini imfumu ya mu Alami, na Peka umwana wakwa Lemaliya. \v 38 Yotamu alileele ne bashakulu bakwe kabili balimushikile mu mushi wakwa Davidi, umushakulu wakwe. Penka Ahazi, umwana wakwe, alibele ni mfumu mu kifulo kyakwe.