\v 17 A sa talaki mai Milito ki Efeso me qaivi ira na nodra qa nai soqosoqo lewe ni lotu. \v 18 Ia ni ra sa yaco vua, sa tukunia vei ira ko koya: "Dou sa kila na noqui valavala ena veisiga vokilia ka'u tko kinia kei kodou, sa vakatekivu enai mata ni siga ka'u a  qai mai kinia ki Esia; \v 19 niu a qaravia na Turaga ena yalo e malumalumu sara, ka levu na wai ni mataqu, kei na dauvere sa yaco vei au ni ra sa buki qau vere ko ira na Jiu: \v 20 ni ka'u a yali ni rerevakia me'u kua kinia ni kau vakavulici kodou, ni dou sa soqoni vata, ena veivale vokilia, \v 21 ni'u a vakarotakia tiko vei ira na Jiu, vei ira vokilia na veimatanitu tani, na veivutuni vua na Kalou, kei na vakabautia na noda Turaga ko Jisu Karisito.