Fri Feb 16 2024 08:01:22 GMT+1200 (Fiji Standard Time)

01/01.txt

@@ -0,0 +1 @@
+\v 1 Koi au ko Paula, nai apositolo i Jisu Karisito e na lewa ni Kalou, kei Timoci na wekaqu, kivei ira nai soqosoqo lewe ni lotu ni Kalou mai Korinica, kei ira kece lia era sa lotu mai Akaia taucoko: \v 2 Me nomudou na loloma kei na vacegu mai vua na Kalou ko Tamada, kei na Turaga ko Jisu Karisito.

01/03.txt

@@ -0,0 +1 @@
+\v 3 Me va vinavinakataki na Kalou, o koya na Tama ni noda Turaga ko Jisu Karisito, a Tama ni loloma, kei na Kalou ni veivacegui kece lia, \v 4 o koya sa vacegui itatou e na neitou rarawa kecelia, me itatou vacegui ira rawa era sa rarawa e na dua na ka, e na veivacegui itatou sa vacegui kinia mai vua na Kalou.

01/05.txt

@@ -0,0 +1 @@
+\v 5 Ia me vaka sa yaco valevu sara vei itatou na rarawa e na vuku i Karisito, sa vacegui itatou valevu sara vakinia na Karisito. \v 6 Ia kevaka itatou sa vararawataki, sa ka mo dou vacegui kinia ka vabulai, ka sa yaco koya ni dou sa vosotia voki lia na veika rarawa itatou sa vararawataki kinia; se itatou vacegui, sa ka mo dou vacegui kinia ka vabulai. \v 7 Ia sa tu dei na neitou nuitaki ikodou, ni itatou sa kila, dou sa votai e na veivararawataki, dou na votai voki lia e na veivacegui.

01/08.txt

@@ -0,0 +1 @@
+\v 8 Ni itatou sa yali ni vinakatia, na veiwekani, mo dou lecavia na neitou rarawa sa yaco vei itatou mai Esia, ni itatou sa vitaki valevu sara, sa dredre kinia na vosotia, ka itatou sa yali ni dinatia ni itatou na bula: \v 9 ia itatou sa vaka ni itatou sa lewai me itatou mate, me itatou kakua ni vararavi kinia vei itatou, vua lia na Kalou o koya sa vatu ira cake voki na mate: \v 10 o koya ka vabulai itatou mai na mate levu ko ya, ka na vabula tiko lia: o koya voki lia itatou sa vararavi kinia ni na vabula tikolia;

01/11.txt

@@ -0,0 +1 @@
+\v 11 ni  dou veivuke voki lia e na masulaki itatou,  me lewe vuqa kinia era vavinavinaka e na vuku i itatou, e na vuku ni ka sa soli vei itatou e na vukudra na lewe vuqa.

01/12.txt

@@ -0,0 +1 @@
+\v 12 Ia koya na ka itatou sa reki kinia, nai tukutuku ni neitou lewa e loma, ni sa ia na neitou i valavala e vuravura koya e na loma e dua loa lia, kei na loma dina  vua na Kalou, ka valevu sara vei ikodou, sa yali e na vuku vavuravura, e na loma lia ni Kalou. \v 13 Ni sa yali na ka tani itatou sa vola vei ikodou, oqori lia dou sa wilikia se kila; ia kau sa vadinatia dou na kila ka yacovia nai vataotioti, \v 14 me vaka na nomudou kilai itatou lia e na ka eso; ni itatou sa nomudou mo dou reki kinia, me vaka dou sa neitou ka ni reki vokilia, e na siga ni Turaga ko Jisu.

01/15.txt

@@ -0,0 +1 @@
+\v 15 Ia ka'u a vadinatia koya ka'u a  nanumia me'u qai eliu vei kodou, me yaco kinia varua vei ikodou nai solisoli loloma; \v 16 ka me'u qai daini ikodou ka qai ki Masitonia ka lesu voki mai Masitonia vei ikodou, mo dou yadi au ena noqu qai vaka ki Jutia.

01/17.txt

@@ -0,0 +1 @@
+\v 17 Ia ni ka'u a nanumia me va koya, au sa qai lomalomarua kinia, se yali? se na ka ka'u sa nakitia, au sa nakitia vavuravura beka, me tu kinia vei au na io io, kei na yali yali? \v 18 Ia me vaka na nona dina na Kalou, sa vakinia sa yali ni io ka yali ni yali na neitou vosa vei ikodou.

01/19.txt

@@ -0,0 +1 @@
+\v 19 Ni sa yali ni io ka yali ni yali na neitou vosa vei ikodou.  Ni sa yali ni io ka yali ni yali na neitou vunautakia vei ikodou na Luve ni Kalou, ko Jisu Karisito, oi itatou kei Silivenuse kei Timoci, a sa caka lia ko koya me io: \v 20 ni sa io na vosa ni yalayala kecelia ni Kalou e na vukuna, era sa vaemeni voki lia e na vukuna, me va caucautaki na Kalou e na vuku i itatou.

01/21.txt

@@ -0,0 +1 @@
+\v 21 Ia sai koya na Kalou sa va taudeitaki itatou kei ikodou me da tu vata kei Karisito,  a sa lumuti ita; \v 22 o koya voki lia sa dregati ita, a sa solia ki na lomada na Yalo Tabu me kenai sevu.

01/23.txt

@@ -0,0 +1 @@
+\v 23 Ia ka'u sa kacivia na Kalou me lewa na yaloqu kevaka ka'u yali ni dina, ni sa noqu lomani ikodou lia kau sa vaberaberatakia kinia na noqu qai ki Korinica. \v 24 Sa yali ni itatou sa veitaliatakia na nomudou vabautia, keitou sa veivuke lia e na nomudou reki ni dou sa tu dei lia e na vabautia.

02/01.txt

@@ -0,0 +1 @@
+\v 1 Ia ka'u sa lewa va koya e na lomaqu, me'u kakua ni qai voki vei ikodou e na veivararawataki. \v 2 Io, kevaka ka'u sa vararawatakia na lomamudou, o cei sa vamarautaki u, o koya duadualia ka'u sa vararawatakia?

02/03.txt

@@ -0,0 +1 @@
+\v 3 Ia ka'u a vola vakinia vei ikodou, de vararawataki na lomaqu, ni'u qai yani, e na vukudra sa dodonu me'u reki kinia; ka'u sa vararavi lia vei kodou kece lia ni sa nomudou kece lia na noqu reki. \v 4 Ni sa rarawa valevu  ka yaluma na lomaqu ni'u a vola vei ikodou, a sa vawai valevu na mataqu; sa yali ni dou rarawa kinia, ia mo dou kila lia ni sa levu sara na noqu loloma vei ikodou.

02/05.txt

@@ -0,0 +1 @@
+\v 5 Ia kevaka e dua sa ia na veivararawataki, sa yali ni vararawataki au lia ko koya, ia (me'u kakua ni bitakia valevu) koi ikodou kece vokilia. \v 6 Sa rauti koya sa vakinia na kenai sau koya, sa yaco vua mai vei ira na lewe vuqa: \v 7 ka sa kilikili cake kinia mo dou kua soti ni cudruvia, ka mo dou vaceguya, de luvuci koya sa vakoya na nona rarawa levu sara.

02/08.txt

@@ -0,0 +1 @@
+\v 8 O koya koya ka'u sa masuti ikodou kinia, mo dou vadinadinatakia na nomudou loloma vei koya. \v 9 Ni sa ka vokilia koya ka'u sa yali ni cudruvia e dua e na ka kece lia, se yali.

02/10.txt

@@ -0,0 +1 @@
+\v 10 Ia kevaka dou sa yali ni cudruvia e dua  e na dua na ka, au sa vaka vokilia kinia koi au; ia kevaka ka;u sa yali ni cudruvakia e dua na ka, sai ikodou lia ka'u sa yali ni cudruvakia e du na ka, sai ikodou lia ka;u sa yali ni cudru vakia kinia e na mata i Karisito; \v 11 me kakua ni rawai ita ko Setani: ni sa yali ni lecavia na nona daulawaki.

02/12.txt

@@ -0,0 +1 @@
+\v 12 Ia ni'u a qai ki Tiroa e na vuku ni tukutuku-vinaka kei Karisito, a sa dola vei au na darava na Turaga, \v 13 sa yali ni cegu na yaloqu, ni'u sa yali ni raici Taito na wekaqu; au sa qai tatau vei ira, ka qai tani ki Masitonia.

02/14.txt

@@ -0,0 +1 @@
+\v 14 Me ia na vavinavinaka vua na Kalou, o koya sa tuberi itatou tiko lia e na reki e na yaca i Karisito, ka sa vatakilatakia vata kei itatou e na yasana kecelia ni sa boi vinaka na kilai koya. \v 15 Ni sai Karisito keitou sa boi vinaka kinia e na mata ni Kalou, vei ira era sa vabulai tiko, vei ira vokilia era sa varusai tiko:

02/16.txt

@@ -0,0 +1 @@
+\v 16 vei ira koya sa boiboi vivamatei me ra mate kinia; vei ira oqori sa boiboi veivabulai me ra bula kinia.  Ia ko cei sa rawa na veika koya? \v 17 Ni itatou sa yali ni dauvatanitakia na vosa ni Kalou, me vataki ira na lewe vuqa; ia itatou sa vataki ira era sa dina sara, me vaka sa mai vua na Kalou, e na mata ni Kalou, keitou sa vosa e na yaca i Karisito.

03/01.txt

@@ -0,0 +1 @@
+\v 1 Keitou sa vatekivu voki beka me tukuni keitou? se sa yaga beka vei keitou me keitou tukuni vei ikodou enai vola eso, me vataki ira eso, se me keitou tukuni vakakinia mai vei ikodou? \v 2 Oi kodou lia na neitou i vola sa volai e na loma i keitou, era sa kila ka wilikia ko ira na tamata kece lia; \v 3 sa varaitakia lia ni dou sai vola i Karisito keitou sa caka, sa yali ni volai e na wai ni volavola, sa volai lia ena Yalo ni Kalou bula; sa yali lia e na dela ni vatu, ia e na dela ni yalomudou sa malumu.

03/04.txt

@@ -0,0 +1 @@
+\v 4 Ia sa va koya na neitou vararavi vua na Kalou  na vuku i Karisito; \v 5 ni keitou sa yali ni rawatia vakai itatou me vasamatakia ni rawa vakai itatou e dua na ka; ia sa vu mai vua na Kalou lia sa neitou kaukauwa; \v 6 o koya sa varautaki itatou me itatou sai talatala ni viyalayalati vou: a sa yali ni va sa volai, a ka vayalo lia; ni sa ia na vivamatei na ka sa volai, ka sa ia na vivabulai na ka vayalo.

03/07.txt

@@ -0,0 +1 @@
+\v 7 Ia kevaka sa yaco vata kei na serau na cakacaka sa ia kinia na vivamatei, sa volai ka ceuti e na vatu, a ra sa yali ni varaicia rawa kinia na mata i Mosese ko ira na luve i Isireli e na vuku ni serau ni matana, ia sa qai qai tani koya: \v 8 e na yali beka ni uasivi cake kinia na serau ni cakacaka vayalo?

03/09.txt

@@ -0,0 +1 @@
+\v 9 Io, kevaka sa dua na serau ni cakacaka ni cudruvi, ena uasivi cake valevu na serau ni cakacaka ni viivadonui. \v 10 Ia na ka ka serau, sa qai yali so na kena serau ni sa vatauvatanitakia kei na serau sa uasivi \v 11 cake.  Io, kevaka ka serau na ka sa dai tiko yani, ena dina valevu cake ni sa serau tiko na ka sa tu vadua.

03/12.txt

@@ -0,0 +1 @@
+\v 12 Ia ni sa tu vei itatou nai nuinui vagona, keitou sa qai vosa vamacala sara: \v 13 ia itatou sa yali ni vataki Mosese ni sa ubia na matana e na tutuvi, me ra kakua ni varaicia matua ko ira na luve i Isreli ki nai otioti ni ka sa dai tiko yani:

03/14.txt

@@ -0,0 +1 @@
+\v 14 ia ka sa valomaqatakia na lomadra: ni sa tu lia na tutuvi gona ka yacovia na siga koya ni sa wili na viyalayalati makawa, sa yali lia ni yadi tani; ni sai Karisito sa yadi tani kinia na tutuvi koya. \v 15 Ia ka sa yacovia na siga koya, ni sa wili ko Mosese, sa tu lia e na lomadra na pulou. \v 16 Ia ni sa saumaki koya vua na Turaga, e na qai yali tani na tutuvi.

03/17.txt

@@ -0,0 +1 @@
+\v 17 Ia na Turaga sai koya lia na Yalo Tabu; ia sa sereki ko koya, sa tu vua na Yalo ni Turaga. \v 18 Ia koi keda kece lia, ni sa yali ni tabonaki tiko na matada, era sa raicia na serau ni Turaga me vaka e nai iloilo, ka sa vamataliatakia me da vataki koya, ni sa tubu cake tiko na serau me uasivi, me vaka na Turaga o koya na Yalo Tabu.

04/01.txt

@@ -0,0 +1 @@
+\v 1 O koya ni sa soli vei keitou na cakacaka koya, ka me vaka sa yaco vei keitou na loloma, keitou sa yali ni datuvu kinia, \v 2 ka keitou sa dainia na veika vuni e vivamaduataki, a sa yali ni daulawaki na neitou i valavala, se keitou vatanitakia na vosa ni Kalou; ia ni keitou sa tukunia na ka dina, keitou sa vadonui keitou kinia ki na lomadra na tamata kece lia, e na mata ni Kalou.

04/03.txt

@@ -0,0 +1 @@
+\v 3 Ia kevaka sa vuni na neitou i tukutuku-vinaka, sa vuni tu kivei ira lia era sa rusa: \v 4 vei ira sa vamatabokotakia na lomadra na kalou ni vuravura koya, era sa yali ni vabautia, me kakua kinia ni cilavi ira na rarama ni tukutuku-vinaka ni serau i Karisito, o koya lia na yaloyalo ni Kalou.

04/05.txt

@@ -0,0 +1 @@
+\v 5 Ni keitou sa yali ni vunautaki keitou, ko Jisu Karisito lia na Turaga; kei keitou na nomudou tamata e na vuku i Jisu. \v 6 Ni sai koya na Kalou, o koya sa kaya e liu me cila mai na butobuto na rarama, sa cila mai ki na loma i keitou, me cila yani kinia nai serau ni Kalou, o koya sa vatakilai rawa e na mata i Jisu Karisito.

04/07.txt

@@ -0,0 +1 @@
+\v 7 Ia sa waqa qele sa tu kinia vei keitou nai yau koya, me sa taka mai vua na Kalou na kaukauwa mana levu, ka me yali maivei keitou. \v 8 Sa buku na druadrua, ia keitou sa yali ni drigiti; \v 9 keitou sa vacacani, ia keitou sa yali ni dai laivi; keitou sa vabalei sobu, ia keitou sa yali i varusai; \v 10 keitou sa colata e na yago i keitou e na veisiga kecelia na mate i Jisu, me varaitaki voki lia kinia na bula i Jisu e na yago i keitou.

04/11.txt

@@ -0,0 +1 @@
+\v 11 Ni keitou sa soli tiko e na veisiga, koi keitou sa bula voli, me keitou mate e na vuku i Jisu, me varaitaki voki lia kinia na bula i Jisu, e na yago i keitou sa mate rawa. \v 12 A sa vakinia, sa daucakacaka vikeitou na mate, ia na bula lia vei kodou.

04/13.txt

@@ -0,0 +1 @@
+\v 13 Ia ni sa tiko vikeitou na yalo vabautia gona, me vaka na ka sa vola, Au sa vabautia, okoya kau sa vosa kinia; keitou sa vabautia vokilia, o koya keitou sa vosa kinia; \v 14 ni da sa kila, o koya ka vatura cake voki na Turaga ko Jisu ena vaturi keitou cake vata vokilia kei Jisu, ka varaitaki ita kei kodou. \v 15 Ni sa yaco e na vukumudou na ka kecelia me varokorokotakia valevu cake na Kalou e na loloma sa levu sara, ni sa vavinavinakatakia ko ira na lewe vuya.

04/16.txt

@@ -0,0 +1 @@
+\v 16 E na vuku ni ka koya keitou sa yali ni datuvu kinia; ia kevaka sa rusa mai na yagoda esau, sa vavoui na tamata e loma e na visiga kecelia. \v 17 Ia na noda rarawa mamada, sa dede valailai sara lia, sa vayacoria vei ita na serau levu sa uasivi cake valevu sara, ka tawa mudu, \v 18 ni da sa yali ni vananumia tiko na veika sa rairai mai, na veika lia sa yali ni rairai mai; ni sa dede valailai lia na veika sa rairai mai; ia sa yali ni mudu na veika sa yali ni rairai mai.

05/01.txt

@@ -0,0 +1 @@
+\v 1 Ni keitou sa kila, kevaka sa rusa na neitou vale vavuravura o koya sa vacevaceva, sa dua na neitou mai vua na Kalou, a vale sa yali ni caka e na liga, sa yali ni rusa rawa, mai lomalagi. \v 2 Io keitou sa vutugu e na yago koya, ni keitou sa gadrevia sara tiko vaisulutakia e na nitou vale mai lomalagi: \v 3 ke sa vaka ni kitou sa vaisulu, keitou sa yali ni laurai me keitou televua.

05/04.txt

@@ -0,0 +1 @@
+\v 4 Ni keitou sa vutugu, oi keitou sa tiko e na vale vacevaceva, ni kitou sa bitaki: ni keitou sa yali ni via luvatia koya, me keitou vaisulu mai, me tilomia na ka sa mate rawa na bula. \v 5 Ia sai koya na Kalou sa varautaki kitou ki na ka koya, o koya sa solia voki lia vei kitou na Yalo Tabu me kenai sevu.

05/06.txt

@@ -0,0 +1 @@
+\v 6 O koya  koya kitou sa doudou tiko lia kinia, ni keitou sa kila, ni kitou sa tiko e na yago, kitou sa tawase kei na Turaga: \v 7 (Keitou sa qai voli e na vabautia, ka yali lia e na raicia:) \v 8 keitou sa doudou tiko, ka keitou sa vinakatia cake me keitou tawase kei na yago, ka tiko vata kei na Turaga.

05/09.txt

@@ -0,0 +1 @@
+\v 9 O koya koya keitou sa dauvatovolea kinia se keitou tiko vata, se tawase tani, me keitou vinaka lia vua. \v 10 Ni da na rairai koi keda kece lia e na mata ni tikotiko ni veilewai nei Karisito; me da rawatia yadua nai sau ni veika sa caka e na yagona, me vaka na veika sa caka ko koya, se vinaka se ca.

05/11.txt

@@ -0,0 +1 @@
+\v 11 Ia ni keitou sa kila na veivarerei ni Turaga, keitou sa vamasuti ira na tamata; ia keitou sa varaitaki vua na Kalou; au sa dinatia voki lia ni keitou sa varaitaki e na nomudou lewa-eloma. \v 12 Ia keitou sa yali ni tukuni keitou voki vei kodou, ia keitou sa solia lia vei kodou na ka mo dou rekitaki keitou kinia, me so kinia na ka mo dou kaya vei ira sa dokai ira e na ka vaka rairai loa lia ka sa yali e na ka ni yalo.

05/13.txt

@@ -0,0 +1 @@
+\v 13 Ia kevaka keitou sa sesewa, sa ka lia vua na Kalou; kevaka keitou sa yalomatua, sa ka lia e na vukumudou. \v 14 Ni sa rawai keitou sara na loloma i Karisito: ni keitou sa lewa vaka koya, kevaka sa mate e dua e na vuku ni tamata kece lia, era sa mate kece lia; \v 15 ka sa mate ko koya e na vuku ni tamata kece lia, me ra kakua ni bula tiko me yaga vei ira lia, ko ira era sa bula, me ra yaga lia vua sa mate e na vukudra ka tu cake voki.

05/16.txt

@@ -0,0 +1 @@
+\v 16 O koya koya keitou sa qai yali voki ni doka e dua na tamata e na vuku ni ka vayago; e dina lia keitou sa dokai Karisito e na vuku ni ka vayago, ia keitou sa qai yali voki ni dokai koya kinia. \v 17 Ia kevaka sa tu vata kei Karisito e dua na tamata, sa qai buli vou: sa qai tani na veika makawa; raicia, sa yaco me vou na ka kecelia.

05/18.txt

@@ -0,0 +1 @@
+\v 18 A sa vu mai vua na Kalou na ka kece lia, o koya sa vaveivinakatitaki ita kei koya e na vuku i Karisito, a sa solia vei keitou me keitou vunautakia na veivinakati; \v 19 me vaka koya, sa ia na Kalou, me vaveivinakatitakia na vuravura vei koya lia e na vuku i Karisito, ka sa yali ni wilikia vei ira na nodra i valavala ca; ka sa solia vei keitou nai tukutuku ni veivinakati.

05/20.txt

@@ -0,0 +1 @@
+\v 20 Keitou sa yaco kinia mei talatalai Karisito, me vaka sa vamasuti kodou  na Kalou e na gusu i keitou: keitou nai sosomi kei Karisito, keitou sa vamamasu, mo dou veivinakati kei na Kalou. \v 21 O koya sa yali vua na cala sa qisia ko koya mei soro lia ni nodai valavala ca; me vayacori kinia vei ita na veivadonui ni Kalou e na vukuna.

06/01.txt

@@ -0,0 +1 @@
+\v 1 Ia koi keitou ni keitou sa cakacaka vata kaya, keitou sa cikevi kodou mo dou kakua ni vatawayagatakia na loloma ni Kalou. \v 2 (Ni sa tukunia ko koya, "Au a rogoci iko e na gauna ni vinakati, Ia e na gauna ni bula kau a vukei iko: raicia, ko ya na gauna ni vinakati; raicia, na siga ni bula edaidai koya.") \v 3 Keitou sa yali ni vatarabetakia e dua e na dua na ka, me kakua ni beitaki kinia na cakacaka vaitalatala:

06/04.txt

@@ -0,0 +1 @@
+\v 4 ia e na ka kece lia keitou sa vadinadinatakia ni keitou sai talatala ni Kalou, e na dauvosotia sara, e na ka rarawa, e na veivasaurarataki, e na yaluma, \v 5 e na vakanakuitataki, e na dai ki na vei vale ni veivesu, e na ue, e na daucakacaka, e na dauyadra, e na daulolo; \v 6 e nai valavala savasava, e na vuku , ena vosotia vadede, e na yaloloma, ena Yalo Tabu, e na loloma sa yali ni veivakaisini, \v 7 e nai vavuvuli dina, e na kaukauwa ni Kalou, e nai yaragi ni valavala dodonu e na liga i matau kei nai mawi,

06/08.txt

@@ -0,0 +1 @@
+\v 8 ni keitou sa varokorokotakia tiko se keitou yali ni dokai, ni keitou sa rogo vinaka tiko se rogo vakaca: ni keitou sa vaka na dauveivacalai, ia keitou sa dina lia: \v 9 sa vaka keitou sa yali ni kila, ia ka sa kilai vinaka; sa vakataki ira sa mate, ia ka raicia, \v 10 keitou sa bula tiko; keitou sa vataki ira sa cudruvi, ia ka yali ni vamatei; keitou sa vaka keitou sa daurarawa, ia keitou sa reki tiko lia; sa vaka keitou sa dravudravua, ia keitou sa vavutuniyautaki ira na lewe vuqa; sa vaka ni sa yali vei keitou e dua na ka, ia ka sa tu vei keitou na ka kecelia.

06/11.txt

@@ -0,0 +1 @@
+\v 11 Oi kodou na kai Korinica, sa dalaga na gusu i keitou vei kodou, sa valevutakia na yalo i keitou. \v 12 Dou sa yali ni leqa e na vuku i keitou, dou sa leqa lia e na lomamudou. \v 13 Ia me vaisautaki na ka koya, (Au sa qai vosa me vaka vei ira na luvequ.) dou yalolevu voki lia koi kodou.

06/14.txt

@@ -0,0 +1 @@
+\v 14 Dou kakua ni veitokani vata vatani kei ira era sa yali ni vabautia: sa veitokani vaevei na yalododonu kei na tawa-yalododonu? se rau sa veiwekani vaevei na rarama kei na butobuto? \v 15 se rau sa veivinakati vaevei na Karisito kei Piliali? se rau sa vaitavi vata vaevei ko koya sa vabautia kei koya sa yali ni vabautia? \v 16 se rau na to vata vaevei na vale ni Kalou kei na veimatakau? ni da sa vale ni Kalou bula; me vaka sa tukunia na Kalou, "Au na tiko e na lomadra, ka wai voli kinia; ia kau na nodra Kalou ka ra na noqu tamata."

06/17.txt

@@ -0,0 +1 @@
+\v 17 O koya koya Mo dou qai qai tani maivei ira, ia dou tawasei tu", sa tukunia na Turaga, "Ka dou kakua ni tara na ka sa yali ni savasava; Au na qai vabauti kodou. \v 18 Ia kau na yaco me Tamamudou, Ka dou na yaco me luvequ tagane kei na luvequ yalewa," sa tukunia na Turaga Kaukauwa sara.

07/01.txt

@@ -0,0 +1 @@
+\v 1 O koya koya kodou sa daulomani, ni sa qai tu vei ita na vosa ni yalayala koya, me da vasavasavataki ita mai na dukadukali kecelia  ni yago kei na yalo, me da ia sara na ka sa vasava e na rerevakia na Kalou.

07/02.txt

@@ -0,0 +1 @@
+\v 2 Mo dou dolavia na yalomudou vei keitou; keitou sa yali ni vacala e dua, keitou sa yali ni vacacania e dua keitou sa yali ni kovea na nonai yau e dua. \v 3 Sa yali ni vosa ni vibetaki na noqu vosa koya: niu sa tukunia oti e liu, dou sa tiko e na yalo i keitou me da bula vata ka mate vata. \v 4 Sa levu na noqu doudou niu sa vosa vei kodou, au sa rekitaki kodou valevu; au sa sinai sara e na vacegu, au sa marau valevu sara e na neitou rarawa kecelia.

07/05.txt

@@ -0,0 +1 @@
+\v 5 Ia ni keitou sa yaco ki Masitonia, sa yali ni cegu na yago i keitou, ia keitou sa vararawataki lia e na ka kecelia; esau sa ia na veivala, e loma sa tiko na rerevakia. \v 6 Ia na Kalou, o koya sa vacegui ira era sa vabalei sobu, sa vacegui keitou ni sa qai mai ko Taito; \v 7 a sa yali loa lia e na nona qai mai, e na veivacegui kinia ko koya e na vukumudou, ni sa tukunia vei keitou na nomudou gagadre, na nomudou tagi, na nomudou loloma katakata vei au; ka'u sa reki valevu cake kinia.

07/08.txt

@@ -0,0 +1 @@
+\v 8 E dina lia ka'u a vararawataki kodou e nai vola, ia kau sa yali ni veivutuni kinia, ia kau a veivutuni lia eliu; niu sa qai raicia sa vararawataki kodou nai vola ko ya, ia ka sa dede valailai lia. \v 9 Au sa qai reki, ka yali lia ni dou a vararawataki, ni dou sa rarawa lia ki na veivutuni: ni dou sa vararawataki me vaka na loma ni Kalou, me kakua ni yali vei kodou e dua na ka e na vuku i keitou. \v 10 Ia na rarawa sa vaka na loma ni Kalou sa vayacoria na veivutuni ki na bula o koya sa yali ni veivutunitakia voki: ia na rarawa vavuravura sa vayacoria na mate.

07/11.txt

@@ -0,0 +1 @@
+\v 11 Ia ka raicia, na ka lia koya, io, na nomudou vararawataki vaka na loma ni Kalou, ni sa vatuburi vei kodou na gugumatua! io, na vasavasavataki kodou, io, na cudrucudru, io, ka rerevakia, io, na gagadre valevu, io, na lomakatakata, io, na via saumia na ca!  E na ka kecelia dou sa vadinadinatakia ni dou sa yali ni cala e na ka ko ya. \v 12 O koya koya, niu sa volavola vei kodou, au sa yali ni volavola e na vkuna sa caka na ka ca koya, se na vukua loa lia sa vacacani, me varaitaki lia vei kodou na neitou daunanumi kodou e na mata ni Kalou.

07/13.txt

@@ -0,0 +1 @@
+\v 13 O koya koya keitou sa vacegui kinia; ia e na neitou veivacegui voki lia keitou sa reki valevu cake e na vuku ni reki i Taito, ni sa vacegui na yalona e na vukumudou kecelia. \v 14 Ia kevaka ka'u a vacaucautaki kodou vua e na ka eso, au sa qai yali ni madua kinia; ia me vaka sa dina na ka kecelia keitou a tukunia vei kodou, sa lairai vaka vokilia kinia me dina na neitou veivacaucautaki e na mata i Taito.

07/15.txt

@@ -0,0 +1 @@
+\v 15 Ia sa ka levu sara na nona loloma vei kodou, ni sa nanumia ko koya na nomudou talairawarawa kece lia, ni dou sa vacegui koya e na rere kei na sautaninini. \v 16 Au sa reki niu sa qai vararavi vei kodou e na ka kecelia.

08/01.txt

@@ -0,0 +1 @@
+\v 1 Ia keitou sa vatakilatakia vei kodou, na viwekani, na loloma ni Kalou sa soli vei ira na visoqosoqo lewe ni lotu mai Masitonia, \v 2 ni ra sa vatovolei tiko e na ka rarawa sara sa levu sara na nodra reki, ka sa ka tani na nodra dravudravua, ia sa uasivi cake valevu kinia na nodra lomasoli.

08/03.txt

@@ -0,0 +1 @@
+\v 3 Niu sa vadinadinatakia ni ra solia, me vaka na ka era rawatia, io sa uasivi cake e na ka era rawatia, ka ni sa yalodra kinia; \v 4 a ra sa vamamasu ka cikevi keitou valevu me keitou yadia n ka-ni-loloma, ka veitokani kei ira e na cakacaka loloma vei ira era sa lotu. \v 5 Ka sa yali ni vaka na neitou vasama, ia era sa soli ira mad vua na Turaga,  vei keitou voki lia me vaka na loma ni Kalou;

08/06.txt

@@ -0,0 +1 @@
+\v 6 ia keitou sa masuti Taito kinia, me vaka sa tekivutakia  ko koya, me tinia vaka vokilia kinia vei kodou na cakacaka vokilia koya. \v 7 Ia me vaka sa levu sara vei kodou na ka kece lia, na vabautia, kei na vosa, kei na vuku, kei na gugumatua kecelia, kei na nomudou loloma vei keitou, me levu sara vei kodou na cakacaka loloma voki lia koya.

08/08.txt

@@ -0,0 +1 @@
+\v 8 Au sa yali ni cavutia nai vakaro, au vosa lia e na vukudra eso era sa gumatua cake, meu vatovolea voki lia na kena dina ni nomudou loloma. \v 9 Ni dou sa kila na loloma ni noda Turaga ko Jisu Karisito, ni sa vutuniyau ko koya, ia sa yaco me dravudravua e na vukumudou, mo dou vutuniyau mai e na vuku ni nona dravudravua.

08/10.txt

@@ -0,0 +1 @@
+\v 10 Ia kau sa vatavuvuli lia e na ka koya: ni sa kilikili vei kodou na ka koya, dou a tekivutakia e liu, ia dou a yali ni caka loa lia, dou a gumatua cake voki lia kina ka sa oti yani e dua na yabaki. \v 11 Ia koya, mo dou qai vayacoria sara; me vaka dou a gumatua e na via caka, me qai tini vakinia me vaka na ka sa rawa. \v 12 Kevaka sa tu na via caka, ena vinakati me vaka na ka sa tu vua e dua, ka yali ni vaka na ka sa yali ni tu vua.

08/13.txt

@@ -0,0 +1 @@
+\v 13 E yali me ra vacegui ko ira na tamata tani, ka vabibitaki koi kodou: \v 14 me vatautauvatatakia lia, me rautia na nodra dravudravua na nomudou i yau levu e na gauna koya, me na rautia na nomudou dravudravua voki lia na nodra i yau levu:  me rawa kinia na vatautauvatataki: \v 15 me vaka na ka sa volai, "O koya sakumunia valevu sa yali na ka e vo vua; kei koya sa kumunia valailai sa yali na ka e yali vua.

08/16.txt

@@ -0,0 +1 @@
+\v 16 Ia me ia na vavinavinaka vua na Kalou, o koya s vatuburia e na loma i Taito na daunanumi kodou vaka koya. \v 17 E dina lia sa vabautia na neitou vamamasu; ia ni sa gumatua sara vakai koya lia, sa qai kinia vei kodou.

08/18.txt

@@ -0,0 +1 @@
+\v 18 Ia keitou sa tala vata kaya na wekada, ko koya sa rogo vinaka vei ira kece lia na visoqosoqo lewe ni lotu e na vuku ni tukutuku-vinaka, \v 19 ia ka sa yali ni koya loa lia koya, sa digitaki koya voki lia ko ira na visoqosoqo lewe ni lotu me qai vata kei keitou ni keitou sa ia na cakacaka loloma koya, me varokorokotaki kinia na Turaga, ka me rairai kinia na noda gumatua voki lia;

08/20.txt

@@ -0,0 +1 @@
+\v 20 ia keitou sa via tarovia koya, me kakua e dua me beitaki keitou e na vuku ni yau levu koya keitou sa oga kinia: \v 21 ni keitou sa nanumia na ka e dodonu, e yali loa lia e na mata ni Turaga, e na matadra voki lia na tamata.

08/22.txt

@@ -0,0 +1 @@
+\v 22 Keitou sa tala na wekada voki lia kei rau, o koya keitou sa raicia wasoma ni sa gumatua e na ka e vuqa, ia ka sa qai gumatua valevu cake, ni sa vadinati kodou valevu. \v 23 Ke tarogi ko Taito, sa noqu i tokani ko koya, a sa vukei au e na cakacaka e na vukumudou: ko irau voki lia na wekada, erau sai talatala ni visoqosoqo lewe ni lotu, oi rau sa varokorokotaki kinia na Karisito. \v 24 O koya koya mo dou qai vatakila vei iratou, e na matadra voki lia na visoqosoqo lewe ni lotu, nai vadinadina ni nomudou loloma, kei na neitou vacaucautaki kodou.

09/01.txt

@@ -0,0 +1 @@
+\v 1 E na vuku ni cakacaka loloma vei ira era sa lotu, sa yali ni yaga meu volavola kinia vei kodou: \v 2 niu sa kila na nomudou gumatua, kau a vacaucautaki kodou kinia vei ira na kai Masitonia, io, ni sa varau oti tu ko Akaia ka yabaki dua; a sa vakatakatataki ira na lewe vuqa na nomudou lomakatakata.

09/03.txt

@@ -0,0 +1 @@
+\v 3 Ia kau sa talai iratou yani na viwekani, de vawaletaki na neitou vacaucautaki kodou e na vuku ni ka koya: io, me vaka lia na ka kau a kaya, mo dou sa varau tu: \v 4 de qai vata kei au eso vei ira na kai Masitonia, ka raici kodou ni dou sa yali ni varau, ia keitou (me kakua ni cavuti kodou,) keitou na madua e na vuku ni vivacaucautaki doudou koya. \v 5 O koya koya kau sa vaka ni sa doudou meu masuti iratou na viwekani, me ratou liu yani vei kodou, me ratou varautakia mada e liu na nomudou i loloma sa vosataki eliu, me varau tu mada ko ya, me vaka sa ka ni loloma, ka me kakua ni vaka na ka ni domo-ni-koco.

09/06.txt

@@ -0,0 +1 @@
+\v 6 Ia koya, O koya sa kaburakia valailai, ena tamusukia vokilia valailai; ia ko koya sa kaburakia valevu, ena tamusukia voki lia valevu. \v 7 Me ra dui solia me vaka na ka sa vinakatia ko koya yadua e na yalona; me kakua e na voraki, se ni sa vasaurarataki: ia ko koya sa solia e na marau sa vinakatia na Kalou.

09/08.txt

@@ -0,0 +1 @@
+\v 8 A sa rawarawa vua na Kalou me valevutakia vi kodou na ka-ni-loloma kece lia: me tu vi kodou e na visiga nai yau kece lia e yaga e na ka kece lia, ka mo dou uasivi cake kinia e na cakacaka vinaka kece lia: \v 9 me vaka na ka sa volai, "Sa dui daidai ko koya; sa dau soli ka vi ira na dravudravua: Sa tu dei ka yali ni mudu na nonai valavala dodonu."

09/10.txt

@@ -0,0 +1 @@
+\v 10 Ia ko koya sa dausolia na sila vua na dauvikaburaki kei na madrai me kakana, ena solia mada na sila vei ko dou me levu, ka valevutakia na vua ni nomudou i valavala dodonu; \v 11 mo dou vavutuniyautaki e na ka kece lia, mo dou ia kinia nai loloma kecelia, sa vayacori kinia vei keitou na vavinavinaka vua na Kalou.

09/12.txt

@@ -0,0 +1 @@
+\v 12 Ni sa ia na cakacaka koya sa yali ni varauti loa lia na nodra dravudravua era sa lotu, ia sa tubu cake valevu voki lia kinia na vavinavinaka valevu vua na Kalou; \v 13 ni dou sa vatovolei e na cakacaka koya, era sa varokorokotakia na Kalou ni dou sa tukunia kinia na nomudou talairawarawa ki nai tukutuku-vinaka kei Karisito, e na vuku voki lia ni cakacaka loloma levu koya kivei ira, vei ira voki lia na tamata kece lia; \v 14 ia ko ira voki lia era sa masulaki kodou, ka daulomani kodou e na vuku ni loloma levu ni Kalou sa tu vei kodou. \v 15 Me ia na vavinavinaka vua na Kalou e na vuku ni nonai solisoli sa yali ni tukuni rawa.

10/01.txt

@@ -0,0 +1 @@
+\v 1 Ia koi au ko Paula, kau sa masuti ikodou e na yalomalumalumu kei na yalomalua i Karisito, oi au sa malumalumu niu sa tiko vei ikodou, ia kau sa doudou vei ikodou niu sa tiko tani; \v 2 io, kau sa vamasuti ikodou meu kakua ni doudou niu sa tiko vata e na kaukauwa, kau sa nanumia meu doudou kinia vei ikodou eso, o ira sa vasami keitou ni keitou sai valavala me vaka na ka vayago.

10/03.txt

@@ -0,0 +1 @@
+\v 3 Sa dina lia sa vayago na neitou bula, ia keitou sa yali ni vala me vaka na ka vayago: \v 4 (ni sa yali ni ka vayago na neitou i yaragi, ia sa kaukauwa lia e na vuku ni Kalou me talaraki kinia na bai ni valu kaukauwa:)

10/05.txt

@@ -0,0 +1 @@
+\v 5 sa talarakia sobu kinia na veinanuyaki, kei na ka cecere kecelia sa valevulevui me voratia na vuku ni Kalou, ka sa vamalumalumutakia na nanuma kece lia me talairawarawa vei Karisito; \v 6 ia keitou sa varau tu me saumi kece lia na talaidredre, ni na vayacori dina na nomudou talairawarawa.

10/07.txt

@@ -0,0 +1 @@
+\v 7 Dou sa lewa beka me vaka na ka sa rairai? Kevaka e dua sa vadinatia ni sa nei Karisito ko koya, me nanumia vokilia koya ko koya me vaka sa nei Karisito ko koya, keitou sa nei Karisito vaka voki lia kinia. \v 8 Ia kevaka kau sa dokai au vakalevu cake e na vuku ni lewa (sa solia mai vei keitou na Turaga, mo dou vatataki cake kinia, ia ka yali lia mo dou varusai kinia,) au na yali ni vamaduataki.

10/09.txt

@@ -0,0 +1 @@
+\v 9 Meu kakua ni vaka ni kau sa via varerei ikodou e na noqu i vola; \v 10 ni ra sa kaya, Sa bibi ka kaukauwa na nonai vola; ia sa malumalumu lia ni sa tiko ovei keda, ka sa ka wale na nona vosa;

10/11.txt

@@ -0,0 +1 @@
+\v 11 me qai nanumia na ka koya, ko koya sa vakinia, ni rau na tautauvata lia, na neitou vosa e nai vola ni keitou sa tiko tani, kei na neitou i valavala ni da sa tiko vata lia. \v 12 Ni keitou sa yali ni doudou me wiliki keitou vata kei ira eso, se vatautauvatataki keitou kei ira era sa dautukuni ira vakai ira; ia ko ira ni ra sa varauti ira vakai ira, ka vatautauvatataki ira vakai ira, era sa yali ni vuku.

10/13.txt

@@ -0,0 +1 @@
+\v 13 Ia koi keitou, keitou sa yali ni valevulevui keitou e na veika sa uasivitia nai varau, me vaka lia nai varau ni yalayala sa vota vei keitou na Kalou, ai varau me keitou yaco dina vei ikodou. \v 14 Ni keitou sa yali ni uasivitia na neitou i yalayala, me vaka keitou sa yali ni yacovi ikodou: ni keitou sa yacovi ikodou voki lia e nai tukutuku-vinaka kei Karisito:

10/15.txt

@@ -0,0 +1 @@
+\v 15 keitou sa yali ni dokai keitou e na veika sa uasivitia nai varau, e na vuku ni nodra cakacaka na tamata tani; ia keitou sa nuinui lia, ni sa valevutaki tiko na nomudou vabautia, keitou na valevulevui kinia vei ikodou me vaka na neitou i yalayala me keitou uasivi, \v 16 me keitou vunautakia nai tukutuku-vinaka e na yasana sa uasiviti ikodou, me keitou kakua ni valevulevui keitou e na vuku ni yalayala ni tamata tani, e na veika sa varau tu vei keitou.

10/17.txt

@@ -0,0 +1 @@
+\v 17 Ia ko koya sa vosa doudou, me vosa doudou e na vuku ni Turaga. \v 18 Ni sa yali ni vabau ko koya sa tukuni koya, sa vabau lia ko koya sa tukunia na Turaga.

11/01.txt

@@ -0,0 +1 @@
+\v 1 Au sa vaka mo dou vosoti au mada lia niu lialia valailai; io, dou vosoti au mada lia. \v 2 Niu sa lomani ikodou sara me vaka na loloma ni Kalou: niu a musuki ikodou vua e dua me watimudou, meu varaitaki ikodou vei Karisito e dua na goneyalewa savasava.

11/03.txt

@@ -0,0 +1 @@
+\v 3 Ia kau sa rere, de dua na ka ena vacalai kinia na lomamudou mai na kena dina kei na kena savasava vei Karisito, me vaka ka vacalai Ivi eliu na gata e na nonai lawaki ca. \v 4 Ia sa dodonu lia mo dou vosoti koya sa qai qai mai, kevaka sa vunautakia e dua tani na Jisu, o koya keitou sa yali ni vunautakia eliu, se sa yaco vei ikodou e dua tani na Yalo, o koya sa yali ni yaco vei ikodou eliu, se dua tani nai tukutuku-vinaka, dou a yali ni vabautia eliu.

11/05.txt

@@ -0,0 +1 @@
+\v 5 Niu sa vasama niu sa yali sara ni uasivi sobu vei iratou nai apositolo eratou sa uasivi cake. \v 6 Ia kevaka kau sa yali ni matai ni vosa, sa tu lia vei au na vuku; ia keitou a varaitaki sara vei ikodou e na ka kece lia.

11/07.txt

@@ -0,0 +1 @@
+\v 7 Au sa qai cala beka niu sa vamalumalumutaki au mo dou valevutaki kinia, niu sa vunautakia vei ikodou nai tukutuku-vinaka ni Kalou ka yali ni voli kinia? \v 8 Au a vadravudravutaki ira nai soqosoqo lewe ni lotu tani eso, niu sa voli vei ira, meu ia kinia na cakacaka vei ikodou. \v 9 Ia niu a tiko vadravudravua vei ikodou, au a yali ni vaogai koya e dua: ni ra sa soli ka me rauti au e na noqu dravudravua ko ira na veiwekani era a qai mai Masitonia: ia e na ka kece lia au a varaici au meu kakua ni vaogai ikodou, kau na vakatiko lia kinia.

11/10.txt

@@ -0,0 +1 @@
+\v 10 Me vaka kau sa dina e na mata i Karisito, e na yali sara ni tarovi na noqu vosa doudou e na ka koya e n yasayasa vaka-Akaia. \v 11 E na vuku ni cava? niu sa yali li ni lomani ikodou? Sa kila na Kalou.

11/12.txt

@@ -0,0 +1 @@
+\v 12 Ia na ka kau a caka, au na caka tiko lia, meu mudukia tani kinia na vuna maivei ira era gadrevia na vuna: me ra laurai lia me ra vataki keitou e na ka era sa alevulevui ira kinia. \v 13 Ni ra sai apositolo vailasu ko ira sa va koya, era sa tamata daucakacaka vaveivakaisini, era sa vamataliataki ira me rai apositolo kei Karisito.

11/14.txt

@@ -0,0 +1 @@
+\v 14 Ia ka sa yali ni ka e veivakurabuitaki koya; ni sa vamataliataki koya ko Setani me agilose ni rarama. \v 15 O koya koya sa yali kinia ni ka levu me vamataliataki voki lia ko ira na nonai talatala me ra vataki ira nai talatala ni valavala dodonu: ia na kedrai tinitini ena vaka na nodra cakacaka.

11/16.txt

@@ -0,0 +1 @@
+\v 16 Au sa tukunia voki, Me kakua na tamata me nanumia kau sa lialia; ia kevaka sa nanumia vakinia e dua, mo dou vosotia lia na noqu lialia, meu valevulevui au voki lia valailai. \v 17 A ka kau sa kaya, au sa yali ni kaya me vaka na ka ni Turaga, me vaka lia na ka lialia, niu sa valevulevui au e na vosa doudou koya. \v 18 Ni ra sa lewe vuqa era valevulevui ira vayago lia, koi au voki lia kau na valevulevui au.

11/19.txt

@@ -0,0 +1 @@
+\v 19 Ni dou sa reki mo dou vosoti ira era sa lialia, ni dou sa vuku. \v 20 Ni dou sa vosotia lia, kevaka sa vabobulataki ikodou e dua, kevaka sa vadravudravuataki ikodou e dua, kevaka sa lawakitaki ikodou e dua, kevaka e dua sa valevulevui koya, kevaka sa sabicia na matamudou e dua. \v 21 Au sa vosa, me vaka kau sa beci, me vaka keitou a malumalumu.  Ia kevaka e dua sa doudou e na dua na ka, (au sa vosa valialia,)  au sa dooudou vaka voki lia kinia.

11/22.txt

@@ -0,0 +1 @@
+\v 22 O ira beka era sa Iperiu? au sa vakakinia.  Era sa luve i Isireli? au sa vakinia.  Era sa kawa i Eparaama? au sa vakinia. \v 23 Era sai talatala i Karisito? (au sa vosa me vaka na lialia,) au sa uasivi cake; au a daucakacaka valevu cake, au a yaviti valevu sara, au a tiko vavuqa cake, au a yaviti valevu sara, au a tiko vavuqa cake e na vale ni veivesu, au a voleka ni mate vavuqa.

11/24.txt

@@ -0,0 +1 @@
+\v 24 Sa yaviti au valima ko ira na Jiu a sa tau na kuita vayatolusagavulu ka ciwa. \v 25 Au a warolaki vatolu, au a vaviriki vadua e na vatu, e na noqu visokoyaki au a mate vatolu, au a tiko e na wai titobu ka bogi dua ka siga dua; \v 26 au a viqaiyaki voli vavuqa, au a ca e na viuciwai, au a ca mai vei ira na daubutako, au a ca mai vei ira na kai noqu, au a ca mai vei ira ira na veiwekani vailasu;

11/27.txt

@@ -0,0 +1 @@
+\v 27 au a dauoca ka daurarawa, au a dauyadra vavuqa, au a dauviakana ka dauviasomi, au a daulolo vavuqa, au a liliwa ka televua. \v 28 Ia ka sa yali ni wili na veika sa vo oqori voki lia sa bitaki au e na veisiga, na daunanumi ira kece lia na visoqosoqo lewe ni lotu. \v 29 O cei beka sa malumalumu kau sa yali ni malumalumu? ko cei sa vacalai, kau sa yali ni lomakatakata kinia?

11/30.txt

@@ -0,0 +1 @@
+\v 30 Kevaka e dodonu meu valevulevui au, au na valevulevui au e na vuku ni noqu malumalumu. \v 31 A Kalou na Tama ni noda Turaga ko Jisu, o koya sa varokorokotaki ka tawa mudu, sa kila niu sa yali ni vosa lasu.

11/32.txt

@@ -0,0 +1 @@
+\v 32 Mai Tamasiko, na Kovana nei Arita na tui sa vatawa  na koro ko Tamasiko, ni sa via tauri au; \v 33 ia kau sa tukuci sobu e loma ni dua na sova, mai na katuba e colo e taudaku ni bai, ka bula kina mai na ligana.

12/01.txt

@@ -0,0 +1 @@
+\v 1 E dina lia meu valevulevui au ia sa yali beka ni yaga; ia kua na cavutia na viraivotu kei na vivakarairai ni Turaga. \v 2 Au sa kila e dua na tamata o koya sa tu vata kei Karisito, ni sa yadi cake mada ko koya koya ki nai katolu ni lomalagi, a sa qai oti na yabaki e tinikava (se vayago beka, se yali, au sa yali ni kila; sa yali beka ni vayago, au sa yali ni kila; sa kila na Kalou;)

12/03.txt

@@ -0,0 +1 @@
+\v 3 io, au sa kila na tamata sa vakoya, (se vayago lia, se yali ni vayago, au sa yali ni kila; sa kila na Kalou;) \v 4 ni sa yadi cake ki Parataisi, a sa rogocia na vosa sa yali ni tukuni rawa, sa yali ni tara me tukunia na tamata. \v 5 Au na valevulevui au e na vukuna sa vakakoya; ia e na vukuqu lia, kau na yali ni valevulevui au; e na vuku lia ni noqu malumalumu.

12/06.txt

@@ -0,0 +1 @@
+\v 6 Ia kevaka kau sa vinakatia meu dokai au, au na yali ni lialia kinia; niu na kaya lia na ka e dina: ia kau sa kua so lia, de dua sa vasami au niu sa uasivi cake e na ka sa raicia vei au, se rogocia vei au. \v 7 Ia deu valevulevui sara ni sa levu sara na veivakarairai, sa dua na voto ni kau sa valauti kinia na lewequ, e dua nai talaki i Setani me vararawataki au, deu valevulevui sara.

12/08.txt

@@ -0,0 +1 @@
+\v 8 E na vuku ni ka koya, kau a masu vatolu vua na Turaga, me yadi tani vei au. \v 9 A sa tukunia vei au ko koya, Sa rauti iko na noqu loloma: ni sa valevui na noqu kaukauwa, ni sa malumalumu e dua.  O koya koya sa yaloqu sara kinia meu rekitakia na noqu malumalumu, me tiko kinia vei au na kaukauwa i Karisito. \v 10 O koya koya kau sa vinakatia kinia na malumalumu, na vasewasewani, na vadravudravuataki, na vivacacani, na vivararawataki, e na vuku i Karisito: ia niu sa malumalumu, au sa qai kaukauwa.

12/11.txt

@@ -0,0 +1 @@
+\v 11 Au sa yaco meu lialia; oi ikodou lia sa vavuna; ni ka dodonu mo dou vosavavinakataki au; niu sa yali ni uasivi sobu vei ira nai apositolo era sa uasivi cake; ia sa dina lia niu sa ka wale. \v 12 E dina sa vayacori e na ikodou maliwa na vivatakilakila ni apositolo e na dauvosotia kece lia, e na veika-mana, kei na veika e vivakurabuitaki, kei na cakacaka mana. \v 13 A cava beka dou sa uasivi sobu kinia vi ira na visoqosoqo lewe ni lotu tani, e na vuku lia ni ka koya, niu sa yali ni vaogai ikodou? ia mo dou kakua ni cudruvi au e na vuku ni ka ca koya.

12/14.txt

@@ -0,0 +1 @@
+\v 14 Raicia, au sa varau meu qai vatolu yani vei ikodou; ia kau na yali ni vaogai ikodou: ni kau sa yali ni vasaqara na nomudou ka, koi ikodou lia: ni sa yali ni kilikili kei ir na gone me ra binia nai yau me nodra na qase, ko ira lia na qase, me nodra na gone. \v 15 Ia sa yaloqu sara meu soli au kei na ka sa tu vei au e na vuku ni yalomudou; io kevaka sa ka levu na noqu loloma vei ikodou kau na lomani kinia valailai beka?