Mon Jan 08 2024 23:12:08 GMT+1300 (Fiji Summer Time)

03/01.txt

@@ -0,0 +1 @@
+\c 3 \v 1 “Mo vola vaka ko ya vua na agilosi ni soqosoqo lotu mai Sariti: \p “Ko ya na i tukutuku mai vei koya ka sa tu vua na Yalo ni Kalou e vitu kei na kalokalo e vitu. Au sa kila na nomu cakacaka; au sa kila na kemu i rogorogo ni o sa bula tiko, ia o sa mate lia. \v 2 Mo yadra mai, ka vakaukauwatakia na ka e se vo tiko vei iko ni bera ni mate vakadua sara. Au sa kunea ni sa yali ni dua na nomu cakacaka e vakacavari vakavinaka sara ena mata ni noqu Kalou.

03/03.txt

@@ -0,0 +1 @@
+\v 3 Mo qai nanumia na veika o sa vakatavulici kinia kei na veika o sa rogocia; mo tauria matua ka vuki tani mai na nomu i valavala ca. Ia kevaka o na yali ni yadra mai, au na lako vei iko me vaka na daubutako, ka o na yali sara ni kila na gauna ka'u na lako yani kinia. \v 4 Ia sa lewe vica lia na tamata vei kemuni mai Sariti o ni sa yali ni vakadukadukalitakia na nomuni i sulu. O ni na lako vata lia kei au, ka vakaisulu vulavula, baletia ni sa veiganiti kaya na nomuni bula.

03/05.txt

@@ -0,0 +1 @@
+\v 5 O ira vakayadua sa rawatia na qaqa era na vakaisulu vulavula vakakinia vaka ko ya, ka'u na yali ni bokocia laivi na yacadra mai na i vola ni bula. Au na vakatusa na yacadra ena mata i Tamaqu kei na matadra na nona agilosi ni ra sa noqu. \p \v 6 “O koya sa vakadaligana, ia me rogocia sara na ka sa kaya na Yalo Tabu vei ira na veisoqosoqo lotu!

03/07.txt

@@ -0,0 +1 @@
+\v 7 “Mo vola vaka ko ya vua na agilosi ni soqosoqo lotu mai Filadelafia: \p “Ko ya na i tukutuku mai vei koya sa yalosavasava ka dina. Sa tauria tu e ligana o koya na ki nei Tevita, ka ni gauna sa dolavia kinia o koya e dua na katuba, ena yali sara ni dua me na sogotia rawa; ia ena gauna sa sogotia kinia, ena yali sara ni dua me na dolavia rawa voki. \v 8 Au sa kila na veika o sa vakayacora tiko. Raicia, au sa dolavia e dua na katuba e matamu ka na yali ni rawa ni dua me na sogotia. Au sa kila ni sa vo vakalailai lia na nomu kaukauwa, ia o sa maroroya tiko lia na noqu vosa ka yali ni cakitakia na yacaqu.

03/09.txt

@@ -0,0 +1 @@
+\v 9 Rogocia! Me baletia ira na i vavakoso i Setani, o ira era sa tukunia voli ni ra Jiu ia era sa lasu lia, au na vakayacoria me ra qai mai ka cuva e yavamu. Era na qai kila kinia ni'u sa daulomani iko. \v 10 Me vaka ni o sa maroroya na noqu vosa mo bula qaqa kinia ena vosotia, au na maroroi iko vakakinia ena gauna ni rarawa sa voleka ni yaco mai ko ya ki vuravura taucoko, me vakatovolei na tamata kece lia e vuravura. \v 11 Sa voleka sara na noqu lesu yani. Tauria matua na ka sa tu vei iko, me kakua kinia ni dua e kovea na nomu i cocovi ni qaqa.

03/12.txt

@@ -0,0 +1 @@
+\v 12 Ia au na vakayacori ira sa rawatia na qaqa me ra duru ni vale tabu ni noqu Kalou, ka ra na yali vakadua voki ni qai tani mai kinia. Au na vola vei ira na yaca ni noqu Kalou kei na yaca ni koro ni noqu Kalou, o Jerusalemi vou, o koya me na qai sobu mai lomalagi mai vua na noqu Kalou. Io, ka'u na vola voki lia vei ira na yacaqu vou. \p \v 13 “O koya sa vakadaligana, ia me rogocia sara na ka sa tukunia na Yalo Tabu vei ira na veisoqosoqo lotu!

03/14.txt

@@ -0,0 +1 @@
+\v 14 “Mo vola vaka ko ya vua na agilosi ni soqosoqo lotu mai Leotisea: \p “Ko ya na i tukutuku mai vua na Emeni, o koya sa dau tukunia na ka dodonu ka dina, na i vakatekivu ni veika kece lia sa bulia na Kalou. \v 15 Au sa kila na veika o sa vakayacora; ka'u sa kila ni o sa yali ni batabata se katakata. Au sa diva lia kinia mo a dua lia vei rau, mo batabata lia se mo katakata. \v 16 Ia me vaka lia ni o sa bula veilaroi vaka ko ya, ni o sa yali ni batabata se katakata, au na luaraki iko tani kinia mai na gusuqu!

03/17.txt

@@ -0,0 +1 @@
+\v 17 Ni o sa tukunia tiko, ‘Au sa vutuniyau ka'u sa rawati au vakavinaka; sa tu taucoko vei au na ka.’ Ia o sa yali lia ni kila na levu ni nomu vakaloloma kei na veilecayaki! O sa dravudravua lia, ka mataboko, ka luvawale! \v 18 Au sa vakasalataki iko kinia vaka ko ya mo mai volia vei au na koula sa vakatovolei ena buka, mo vutuniyau kinia. Volia voki lia na i sulu vulavula mo vakaisulu kinia, me ubia na nomu luvawale sa rui vakamadua. Volia voki lia na i sui ni mata, me sui kinia na matamu, mo rai rawa kinia.

03/19.txt

@@ -0,0 +1 @@
+\v 19 Au sa vunaucia ka vakanakuitataki ira ka'u sa lomania. Mo gumatua sara kinia ka vuki tani mai na nomu i valavala ca. \v 20 Rogocia! Au sa tu ena mata ni katuba ka tukituki; kevaka sa rogocia na domoqu e dua na tamata, ka dolavia na katuba, au na curu yani ki loma ka kana vata kei koya, ena kana vata voki lia kei au o koya.

03/21.txt

@@ -0,0 +1 @@
+\v 21 Vei ira sa rawatia na qaqa, au na vakadonuya me ra dabe e yasaqu ena noqu i tikotiko vakaturaga, me vaka lia na noqu sa dabe tiko ko ya e yasa i Tamaqu ena nona i tikotiko vakaturaga ena vuku ni qaqa ka'u sa rawatia oti. \p \v 22 “O koya sa vakadaligana, ia me rogocia sara na veika sa tukunia na Yalo Tabu vei ira na veisoqosoqo lotu!”

04/01.txt

@@ -0,0 +1 @@
+\c 4 \v 1 Ni oti ko ya, a sa qai dua voki na noqu raivotu ka'u a raicia kinia e dua na katuba ni sa tadola tu mai lomalagi. Sa qai voqa voki mai na domo vata lia o ya sa vaka na domo ni davui ka'u a rogocia eliu, ni sa tukunia, “Mo qai cake mai ki ke, ka me'u vakatakila vei iko na veika ena yaco ena gauna mai muri.” \v 2 A vakasauri lia ni sa vakauti au na Yalo Tabu. Au sa raicia sara na i tikotiko vakaturaga mai lomalagi ka sa dabe toka kinia e dua. \v 3 Na mata i koya sa dabe toka kinia e sa vaka na i rairai ni vatu jasipa kei na kaneliani, ka sa vakavolivolitia na i tikotiko vakaturaga e dua na drodrolagi sa vaka na emeralita na kena i rairai.

04/04.txt

@@ -0,0 +1 @@
+\v 4 Era sa tuva wavokitia tu na i tikotiko vakaturaga e ruasagavulukava voki na i tikotiko vakaturaga, ka ra dabe toka kinia e lewe ruasagavulukava na qase era sa vakaisulu vulavula ka tokaria na i sala koula e uludra. \v 5 A sa basikia mai na i tikotiko vakaturaga na tibi ni liva, na rorogo domo i levu, kei na vadugu ni kurukuru. A sa caudre tu ena mata ni tikotiko vakaturaga e vitu na cina, ka sa dusia ko ya na Yalo ni Kalou e vitu.

04/06.txt

@@ -0,0 +1,2 @@
+\v 6 A sa tu voki lia ena mata ni tikotiko vakaturaga e dua na ka sa vaka na wasa iloilo, sa makare sara me vaka na karisitala.
+E ratou sa tiko wavolitia na i tikotiko vakaturaga sa toka e lomadonu o iratou na veika bula e va, ka sa sinai tu na yaloka ni mata ena yagodratou mai liu ka vakakinia mai dakudratou.

04/07.txt

@@ -0,0 +1 @@
+\v 7 A sa vaka na laione na i matai ni ka bula; a kena i karua sa vaka na bulumakau tagane; na mata i koya na i katolu ni ka bula sa vaka na tamata; kei na kena i kava sa vaka na ikeli vakatabana. \v 8 O iratou na veika bula e va ko ya, e ono taucoko na dui tabadratou yadudua, ka robotia tu na yagodratou kece sara na yaloka ni mata, ena ruku ni tabadratou voki lia. Ia eratou sa yali lia ni cegu ena veisiga kei na veibogi ena nodratou seretakia voli, \p “E dodonu, ka tabu, ka yalosavasava \p Na Turaga na Kalou Kaukauwa, \p A sa bula eliu, sa bula tiko edaidai, ena bula tiko lia ka yali mudu.”

04/09.txt

@@ -0,0 +1 @@
+\v 9 \v 10 \v 11 O iratou na veika bula sa ia lia na sere ni vakacaucau kei na vakarokoroko kei na vakavinavinaka kivei koya sa tiko ena i tikotiko vakaturaga, o koya sa bula tiko lia ka yali mudu. Ni ratou sa vakayacoria ko ya, era sa bale sobu kece lia ena vakarokoroko ena mata i koya sa tiko ena i tikotiko vakaturaga na qase kece sara e ruasagavulukava. Era sa dainia sobu na nodra i sala ena mata ni tikotiko vakaturaga ka tukunia, \p \v 11 “Sa kilikili lia kei kemuni na neimami Turaga ka neimami Kalou, \p Me nomuni na lagilagi, na vakarokoroko, kei na kaukauwa. \p Ni o ni sa bulia na veika kece lia, \p Ka sa yavutaki lia mai na nomuni lewa na kena vakataudeitaki na veika buli.”

05/01.txt

@@ -0,0 +1 @@
+\c 5 \v 1 Au a qai raicia ena ligana i matau i koya sa dabe tiko ena i tikotiko vakaturaga e dua na i vola vivigi sa volai tu e loma, e dakuna voki lia, ka sa dregati ena drega e vitu. \v 2 Au a raicia voki lia e dua na agilosi kaukauwa sa kacivakia tiko ena domolevu, “O cei sa ganiti koya me cecega na drega ka tevukia na i vola vivigi?”

05/03.txt

@@ -0,0 +1 @@
+\v 3 Ia sa yali lia ni kune e dua mai lomalagi, se ena vuravura, se ena ruku i vuravura me tevukia rawa na i vola vivigi ka rai ki loma. \v 4 Au a tagi vakalevu ni sa yali ni kune e dua e ganitia me tevukia na i vola vivigi se me rai ki loma. \v 5 Sa qai tukunia vei au e dua vei ira na qase, “Kakua ni tagi! Raicia! O koya na Laione ni yavusa i Juta, na kawa vakaturaga i Tevita, sa rawatia o koya na qaqa, ni sa rawa vua me cecega na drega e vitu ka tevukia na i vola vivigi.”

05/06.txt

@@ -0,0 +1 @@
+\v 6 Au a qai raicia e dua na Lami sa duri tu ena lomadonu ni tikotiko vakaturaga, ka sa wavoliti koya na veika bula e va kei ira na qase. Na i rairai ni Lami sa vaka e dua sa vakamatei. E vitu na kena i leu ka vitu na matana, ka ko ya lia na yalo ni Kalou e vitu sa talai ki vuravura taucoko. \v 7 Sa qai qai na Lami ka la'ki tauria na i vola vivigi mai na liga i matau i koya sa dabe tiko ena i tikotiko vakaturaga.

05/08.txt

@@ -0,0 +1 @@
+\v 8 Ni sa yadia yani o koya na i vola vivigi, era sa bale sobu ena vakarokoroko ena mata ni Lami na veika bula e va kei ira na qase e ruasagavulukava. O ira yadua era sa dui tauria tiko e dua na api kei na bilo koula eso sa sinai ena ka boi vinaka, o ya na nodra masu na tamata ni Kalou.

05/09.txt

@@ -0,0 +1 @@
+\v 9 Era sa lagatia e dua na sere vou vaka ko ya: \p “Sa ganiti kemuni mo ni tauria na i vola vivigi \p Ka cecega na kena drega. \p Ni kemuni a vakamatei, ka ni o ni sa volia na tamata ena nomuni dra me ra nona na Kalou \p Mai vei ira kece lia na veiyavusa, na duivosavosa, na veimataqali tamata, kei na veimatanitu. \p \v 10 O ni sa vakayacori ira me ra lewe ni matanitu vakabete sa qaravia na noda Kalou, \p Ka ra na veiliutaki e vuravura.”

05/11.txt

@@ -0,0 +1 @@
+\v 11 Au a qai raicia ka rogocia na domodra na agilosi ka kedra i wiliwili sa udolu vakaudolu ka milioni vakamilioni! Era sa vakavolivolitia na i tikotiko vakaturaga, na veika bula e va, kei ira na qase, \v 12 Ka ra laga tiko ena domolevu, \p “Sa ganitia lia na Lami ka sa vakamatei \p Me nona na qaqa, na i yau, na yalomatua, na kaukauwa \p Na rokovi, na lagilagi, kei na vakacaucau!”

05/13.txt

@@ -0,0 +1 @@
+\v 13 Au a qai rogoci ira na veika bula kece lia mai lomalagi, e dela ni vuravura, ena ruku i vuravura, kei na loma ni wasawasa — a veika kece lia sa cegu rawa — ni ra sa seretakia voli, \p “Me soli lia vua sa tiko ena i tikotiko vakaturaga kei koya na Lami \p Na vakamolimoli kei na vakarokoroko, na kaukauwa kei na lagilagi, \p Ka yali ni mudu!” \p \v 14 E ratou sa qai tukunia na veika bula e va, “Emeni!” Era sa qai bale sobu na qase ena vakarokoroko.

06/01.txt

@@ -0,0 +1 @@
+\c 6 \v 1 Au a qai raicia ni sa cecega na Lami na i matai ni drega e vitu, ka'u sa rogocia mai vua na i matai ni ka bula ni sa tukunia cake mai vaka ko ya ena domo sa vaka na kurukuru, “Qai mai!” \v 2 Ia ka'u sa raicia ni sa tu e mataqu e dua na ose vulavula. A sa tauria tu e dua na dakaititi o koya sa vodokia tiko, ka sa soli vua e dua na i sala vakaturaga. A sa qai voli me vaka na sotia qaqa sa guta lia na qaqa.

06/03.txt

@@ -0,0 +1 @@
+\v 3 A sa qai cecega na Lami na i karua ni drega, au sa rogocia na i karua ni ka bula ni sa tukunia vaka ko ya, “Qai mai!” \v 4 A sa qai qai voki mai e dua voki na ose, e roka damudamu. A sa soli vei koya e vodoka tiko me yadia tani mai vuravura na sautu, me ra veivakamatei kinia vakai ira na tamata. A sa soli vua na i seleiwau levu.

06/05.txt

@@ -0,0 +1 @@
+\v 5 A sa qai cecega na i katolu ni drega na Lami, ka'u sa rogocia na i katolu ni ka bula ni tukunia vaka ko ya, “Qai mai!” Au sa qai raicia e dua na ose loaloa ka sa tauria tiko e ligana o koya sa vodoka tiko e dua na i vakarau ni bibi. \v 6 Au a rogocia e dua na domo ena kedratou maliwa na veika bula e va, ni sa tukunia, “Me i sau ni dua na siga e dua na lita na witi, ka tolu na lita na barile me i sau ni dua na siga. Ia me kua lia ni vakacacani na veiloga ni olive kei na vaini!”

06/07.txt

@@ -0,0 +1 @@
+\v 7 A sa qai cecega na Lami na i kava ni drega, ka'u sa rogocia ni sa tukunia vaka ko ya na i kava ni ka bula, “Qai mai!” \v 8 Au sa qai raicia e dua na ose drokadroka siyawa. Na yaca i koya sa vodokia tiko o Mate, ka sa muri koya tiko o Etesi. Sa soli vei rau me rau lewa na dua na i kava kei vuravura, me rau ia na veivakamatei ena i valu, ena viakana, ena mate ca, kei na manumanu kila kei vuravura.

06/09.txt

@@ -0,0 +1 @@
+\v 9 A sa qai cecega na Lami na i kalima ni drega. Au sa raicia ena ruku ni cabocabonisoro na yalodra sa vakamatei ena vuku ni nodra kacivakia na vosa ni Kalou kei na nodra yalodina ena nodra vakadinadinataki koya. \v 10 Era sa kaci ena domolevu, “Oi ikonu na Turaga kaukauwa, sa yalosavasava ka dina! A cava soti na kena dede mo ni qai ia kina na veilewai vei ira na tamata sa tiko e vuravura ka totogitaki ira ena vuku ni nodra a vakamatei kimamu?” \v 11 A sa soli vei ira yadudua na i sulu vulavula, ka sa tukunia vei ira me ra wawa voki mada vakalailai, me yacovia ni sa taucoko sara na kedra i wiliwili na nodra i tokani kei ira na wekadra sa vakamatei, me vakataki ira.

06/12.txt

@@ -0,0 +1 @@
+\v 12 Au sa qai raicia ni sa cecega na Lami na i kaono ni drega. A sa yaco e dua na uneune kaukauwa sara, ka sa yaco me butobuto loaloa sara me vaka na i sulu loaloa na matanisiga, ka sa damudamu sara na vula me vaka na dra. \v 13 Era sa qai qeqera ki vuravura na kalokalo ni lomalagi me vaka na vuanilolo vou sa qeqera sobu mai na vuna ni sa kureitakia mai na cagi kaukauwa. \v 14 A sa takali na lomalagi me vaka ni sa vivigi lesu na i vola vivigi sa dolavi tu, ka ra tosoi tani na veiulunivanua kei na yanuyanu kece lia mai na vanua era sa koto kinia.

06/15.txt

@@ -0,0 +1 @@
+\v 15 Era sa qai vunitaki ira ena veiqara vatu kei na veiuluvatu ena veiulunivanua o ira na tui kei vuravura, o ira na turaga lelevu kei ira na veiliutaki vakaivalu, o ira na vutuniyau kei ira sa kaukauwa, ka vakakinia o ira na bobula kei ira sa sereki. \v 16 Era sa kacivakia yani ki na veiulunivanua kei na veiuluvatu, “Ni lutuki kimamu mai ka vunitaki kimamu mai na mata i koya sa dabe tiko ena i tikotiko vakaturaga kei na cudru ni Lami! \v 17 Ni sa qai yaco mai ko ya na siga dina ni nona cudru, ia o cei ena yatedei me tudei rawa kinia?”

07/01.txt

@@ -0,0 +1 @@
+\c 7 \v 1 Ni sa oti na veika ko ya, au sa qai raicia e va na agilosi ni ratou tucake tu ena tutu i vuravura e va, ka ratou vesukia tu na matanicagi e va me kakua kinia ni liwa na cagi ena dela ni vuravura, se ena wasawasa, se liwava e dua na vunikau. \v 2 Au sa raicia sara e dua voki na agilosi ni sa qai cake mai na tokalau, ka sa tauria tu na vatu ni drega nei koya na Kalou bula. Sa qai kaci yani vakadomoilevu o koya vei iratou na agilosi e va, o iratou sa lesi mai vua na Kalou me ratou ia na cakacaka ni vakacaca ena vuravura kei na wasawasa. \v 3 A sa tukunia na agilosi, “Dou kakua mada ni vakacacania na vuravura, se na wasawasa, se na veivunikau, me yacovia mada na gauna kitou sa vakatakilakilatakia oti kinia ena drega na yadredra na dauveiqaravi ni noda Kalou.”

07/04.txt

@@ -0,0 +1 @@
+\v 4 Sa qai tukunia vei au ni kedra i wiliwili sa dregati era sa lewe 144,000 mai na nodra veiyavusa kece sara lia na Isireli. \p \v 5 Mai na yavusa i Juta sa dregati, era sa lewe 12,000, \p mai na yavusa i Rupeni era sa lewe 12,000, \p mai na yavusa i Kata era sa lewe 12,000. \p \v 6 Mai na yavusa i Aseri sa dregati, era sa lewe 12,000, \p mai na yavusa i Nafitalai era sa lewe 12,000, \p mai na yavusa i Manasa era sa lewe 12,000.

07/07.txt

@@ -0,0 +1 @@
+\v 7 Mai na yavusa i Simione sa dregati, era sa lewe 12,000, \p mai na yavusa i Livai era sa lewe 12,000, \p mai na yavusa i Isikari era sa lewe 12,000. \p \v 8 Mai na yavusa i Sevuloni sa dregati, era sa lewe 12,000, \p mai na yavusa i Iosefo era sa lewe 12,000, \p mai na yavusa i Penijamini era sa lewe 12,000.

07/09.txt

@@ -0,0 +1 @@
+\v 9 Ia ni sa oti ko ya, au sa qai rai yani ka raicia e dua na i binibini tamata levu, sa yali ni wilikia rawa e dua na tamata na kedrai wiliwili! Era sa lako mai ko ya mai na veimataqali tamata kece sara lia, na veiyavusa, na veimatanitu, na veimataqali vosa kece sara, ka ra sa tucake tu ena mata ni tikotiko vakaturaga kei na mata ni Lami, era sa vakaisulu ena i sulu vulavula, ka ra tauria toka e ligadra na taba ni niusawa. \v 10 Era sa kacivakia mai ena domolevu, “Na veivakabulai sa vu lia mai vua na noda Kalou, o koya sa dabe tiko ena i tikotiko vakaturaga, kei koya na Lami!”

07/11.txt

@@ -0,0 +1 @@
+\v 11 Era sa tu wavokitia na i tikotiko vakaturaga o ira kece na agilosi, kei ira na qase, kei iratou na veika bula e va, ka ra sa bale sobu ka cuva vakatoboicu ena mata ni tikotiko vakaturaga, ka vakarokorokotakia na Kalou, \v 12 ka ra tukunia, “Emeni! Sa nona lia na noda Kalou ka yali ni mudu na vakamolimoli, kei na lagilagi, kei na vuku, kei na vakavinavinaka, kei na vakarokoroko, kei na kaukauwa, kei na qaqa! Emeni!”

07/13.txt

@@ -0,0 +1 @@
+\v 13 Sa qai tarogi au vaka ko ya e dua na qase, “O cei beka o ira ko ya sa vakaisulu vulavula, ka ra sa lako beka mai vei?” \p \v 14 Au sa qai tukunia vua, “Au sa yali saka ni kila. O ni sa kila lia oi kimunu.” \p Sa qai tukunia vei au, “Sa i ira ko ya era sa bula mai na veivakararawataki levu. Era sa savatia na nodra i sulu ka vakavulavulatakia ena dra ni Lami.

07/15.txt

@@ -0,0 +1 @@
+\v 15 Ko ya gona na vuna era sa tu kinia ena mata ni tikotiko vakaturaga ni Kalou ka qaravi koya ena siga kei na bogi ena loma ni nona vale tabu. Ia o koya sa tiko ena i tikotiko vakaturaga sa taqomaki ira ni sa tiko vata lia kei ira. \v 16 Era na yali ni viakana se viagunu voki; ka yali voki lia ni na kati ira na katakata ni siga se dua tani voki na mataqali katakata, \v 17 baletia ni sa nodra i vakatawa na Lami ka sa tiko ena loma ni tikotiko vakaturaga, ka na liutaki ira o koya ki na i vurevure ni wai ni bula; ia na Kalou ena qusia laivi na wainimata mai na matadra kece sara lia.”

08/01.txt

@@ -0,0 +1 @@
+\c 8 \v 1 Ni sa cecega na Lami na i kavitu ni drega, a sa vakanomodi o lomalagi me rautia e veimama na aua. \v 2 Au sa qai raici iratou na agilosi e vitu sa dau tucake tu ena mata ni Kalou, ka sa soli vei iratou e vitu na davui.

08/03.txt

@@ -0,0 +1 @@
+\v 3 Sa qai qai mai e dua voki na agilosi sa taura tu na i vakawaqa ni ka boi vinaka sa buli ena koula, ka la'ki tucake tu ena mata ni cabocabonisoro. A sa soli vua e levu sara na ka boi vinaka me caboria vata kei na nodra masu na tamata yalosavasava ena dela ni cabocabonisoro koula ena mata ni tikotiko vakaturaga. \v 4 A sa tubu cake na kubou ni veika boi vinaka kei na nodra masu na tamata ni Kalou mai na ligana na agilosi sa tu ena mata ni Kalou. \v 5 Sa qai yadia na agilosi na i vakawaqa ni ka boi vinaka, ka vakasinaitia ena qilaiso waqa mai na i cabocabonisoro, ka viritakia ki vuravura. A sa voqa cake mai na vavadugudugu kei na lutu ni kurukuru, a sa tatatibitibi na liva, ka yaco na uneune.

08/06.txt

@@ -0,0 +1 @@
+\v 6 E ratou sa qai vakarau na agilosi e vitu me ratou uvucia na davui e vitu sa tiko vei ratou. \p \v 7 A sa uvucia na i matai ni agilosi na nona davui, ka sa lutu sobu mai ki na vuravura na uca cevata kei na bukawaqa sa waki vata tu na dra. A sa vakamai e dua na i katolu ni vuravura, kei na dua na i katolu ni wiliwili ni vunikau, kei na veico drokadroka.

08/08.txt

@@ -0,0 +1 @@
+\v 8 Sa qai uvucia na i karua ni agilosi na nona davui, ka sa kolotaki ki wasawasa e dua na ka sa vaka e dua na ulunivanua levu sa caudre tu ena bukawaqa. A sa vuki me dra e dua na i katolu ni wasawasa, \v 9 a sa mate e dua na i katolu ni veika bula e wasawasa, ka sa vakacacani e dua na i katolu ni wiliwili ni waqa kece sara.

08/10.txt

@@ -0,0 +1 @@
+\v 10 Sa qai uvucia na i katolu ni agilosi na nona davui, ka sa lutu mai lomalagi e dua na kalokalo levu sa caudre tu me vaka na cina, ka sa lutu ki na dua na i katolu ni wiliwili ni veiuciwai kei na veimataniwai. \v 11 Na yaca ni kalokalo o ya o “Duvagaga”. A sa gaga kinia na i katolu ni wasewase ni wai, ka ra sa mate e lewe vuqa na tamata sa somiya , baletia ni sa gaga vakalevu na kena i somisomi.

08/12.txt

@@ -0,0 +1 @@
+\v 12 Sa qai uvucia na i kava ni agilosi na nona davui. A sa ravuti vakaukauwa e dua na i katolu ni matanisiga, kei na dua na i katolu ni vula, kei na dua na i katolu ni veikalokalo, ka sa yali kinia e dua na i katolu ni kedra rarama; a sa vakabutobutotakia kinia e dua na i katolu ni siga kei na dua na i katolu ni bogi.

08/13.txt

@@ -0,0 +1 @@
+\v 13 Ia ka'u a raicia, ka rogocia e dua na ikeli sa kaci tiko vakadomoilevu vaka ko ya ni sa vuka voli ena maliwa lala, “A ka rarawa! A ka rarawa! A ka rarawa vakadomobula ena yacovi ira sa tiko e vuravura ena gauna ena voqa cake mai kinia na domo ni davui eratou vakarau uvucia tiko ko ya na vo ni agilosi e tolu!”

09/01.txt

@@ -0,0 +1 @@
+\c 9 \v 1 Sa qai uvucia na i kalima ni agilosi na nona davui. Au a qai raicia e dua na kalokalo sa lutu mai lomalagi ki vuravura, ka sa soli vua na ki ni katuba ni qara e yali na botona. \v 2 A sa dolavia na kalokalo o ya na qara, ka sa qai cake mai kinia na kubou sa vaka na kubou ni dua na lovo levu; a sa vakabutobutotakia na matanisiga kei na maliwa lala ena kubou mai na qara.

09/03.txt

@@ -0,0 +1 @@
+\v 3 Era sa qai basika mai na loma ni kubou o ira na vodre ka qai sobu yani ki vuravura, ka sa soli vei ira na kaukauwa me vaka lia na kena sa soli vei ira na batibasaga. \v 4 A sa vakaroti vei ira me ra kakua ni vakacacania na co, se na veivunikau, se na veimataqali kau lalai voki eso; ia me ra vakacacani ira lia na tamata sa yali vei ira na vakatakilakila ni drega ni Kalou ena dui yadredra.

09/05.txt

@@ -0,0 +1 @@
+\v 5 A yali ni soli vei ira na vodre na kaukauwa me ra veivakamatei, ia me ra veivakararawataki lia me vula lima. Na mosimosi ni nodra vakararawataki sa vaka lia na rarawa mosimosi sa sotavia e dua mai na i kati ni batibasaga. \v 6 Ia ena loma ni lima na vula o ya, era na vakasaqarai mate ka ra na yali ni kunea; era na gadrevia me ra mate, ia ena dro tani mai vei ira o mate.

09/07.txt

@@ -0,0 +1 @@
+\v 7 Na kedra i rairai na vodre sa vakataki ira na ose sa vakarau tu ki na i valu; e uludra sa toka kinia na ka sa vaka na i sala koula, ka sa vaka na mata ni tamata na matadra. \v 8 Na drauniuludra sa vaka na drauniuludra na yalewa, ka sa vaka na bati ni laione na batidra. \v 9 Na i ubi ni lomaseredra sa vaka na i sasabai kaukamea ni sereda, ka sa vakacevaruru tu na rorogo ni tabadra me vaka na rorogo ni qiqinivalu eso sa dreta na ose ni ra sa cici ki na i valu.

09/10.txt

@@ -0,0 +1 @@
+\v 10 Sa tiko voki lia na buidra kei na batidra gaga me vaka na batibasaga, ni sa tiko lia ena buidra na kaukauwa me ra ia kinia na veivakararawataki me vula lima. \v 11 Sa dua tiko na nodra tui ka sa liutaki ira, o koya na agilosi ni qara e yali na botona. Na yacana vakaiperiu o Apatoni; ia na yacana vakirisi o Apolioni (a kena i balebale “Na Dauveivakarusai”). \p \v 12 Sa takali yani na i matai ni ka rarawa, ka raicia sa vo voki e rua.

09/13.txt

@@ -0,0 +1 @@
+\v 13 Sa qai uvucia na i kaono ni agilosi na nona davui. Au sa rogocia sara e dua na domo mai na muana vava ni cabocabonisoro koula sa tu ena mata ni Kalou. \v 14 A sa tukunia na domo o ya vua na i kaono ni agilosi, “Sereki iratou na agilosi e va e ratou sa vesu tu ena uciwai levu na Uferetisi!” \v 15 A ratou sa qai sereki na agilosi e va; o iratou ka sa vakarautakia tu mai me yacovia na gauna gona, ena kena siga, ena kena vula, kei na kena yabaki sa lokuci me ratou vakamatea kinia e dua na i katolu ni wiliwili ni tamata taucoko.

09/16.txt

@@ -0,0 +1 @@
+\v 16 A sa tukuni vei au na kedra i wiliwili na lewe ni mataivalu vodo ose: era sa lewe 200 na milioni taucoko. \v 17 Ia sa vaka ko ya na noqu raici ira na ose ena noqu raivotu: o ira sa vodokia era sa daramakia na i sasabai ni lomaseredra sa roka damudamu me vaka na bukawaqa, kei na roka karakarawa me vaka na safaia, kei na roka dromodromo me vaka na sulifure. Na uludra na ose sa vaka na ulu ni laione, ka sa lako mai gusudra na bukawaqa, na kubou, kei na sulifure.

09/18.txt

@@ -0,0 +1 @@
+\v 18 Era sa vakamatei e dua na i katolu ni wiliwili ni tamata mai na ka ni veivakararawataki tolutolu ko ya: na bukawaqa, na kubou, kei na sulifure. \v 19 Ni sa tiko lia na nodra kaukauwa na ose ena gusudra kei na buidra. Sa vaka na gata vakauluna na buidra, ka ra sa vakayagatakia ko ya me ra veivakamavoataki kinia.

09/20.txt

@@ -0,0 +1 @@
+\v 20 Na vo ni kawa tamata, o ira ka yalio ni vakamatei mai na ka ni veivakararawataki ko ya, era sa yali ni vuki tani mai na veika era sa rawatia mai na cakacaka ni ligadra. Era sa yali voki lia ni dainia na qaravi tevoro, se na qaravi kalou matakau eso sa buli ena koula, ena siliva, ena parasa, ena vatu, kei na kau, a veika lia sa yali ni rai rawa, se rogo, se qai. \v 21 Era sa yali voki lia ni veivutunitakia na nodra daulaba, se na nodra cakacaka vakadraunikau, se na nodra dauyalewa kei na dautagane, se na nodra daubutako.

10/01.txt

@@ -0,0 +1 @@
+\c 10 \v 1 Au a qai raicia e dua voki na agilosi kaukauwa sa qai sobu tiko mai lomalagi. A sa solegi koya tu na o, ka sa cawiri e uluna e dua na drodrolagi; sa vaka na matanisiga na matana ka sa vaka na duru bukawaqa na yavana. \v 2 A sa tauria tu e ligana e dua na i vola vivigi lailai, ka sa tevuki tu. A sa dainia tu na yavana i matau ki wasawasa kei na yavana i mawi ena vanua mamaca,

10/03.txt

@@ -0,0 +1 @@
+\v 3 ka sa kaci ena domolevu me vaka na domo ni laione. Ni sa kaci oti, e ratou sa qai saumia mai vakadomoilevu na kurukuru e vitu. \v 4 Ena gauna lia eratou sa vosa kinia na kurukuru e vitu, au sa vakarau tu me'u volavola. Ia ka'u a qai rogocia e dua na domo mai lomalagi ni tukunia mai vei au, “Maroroya me ka vuni na veika eratou sa tukunia na kurukuru e vitu; mo kakua sara ni vola!”

10/05.txt

@@ -0,0 +1 @@
+\v 5 Sa qai dodokia cake ki lomalagi na ligana i matau o koya na agilosi ka'u raicia ni tucake tu ena wasawasa kei na vanua mamaca, \v 6 ka sa vosa bubului ena yaca ni Kalou, o koya sa bula tiko lia ka yali ni mudu, ka sa bulia na lomalagi kei na veika sa tu kinia, na vuravura kei na veika sa tu kinia, vata kei na wasawasa kei na veika sa tu kinia. A sa tukunia na agilosi, “Sa na yali voki na wawa! \v 7 Ia ena gauna sa uvucia kinia na nona davui na i kavitu ni agilosi, ena vakacavara vinaka kinia na Kalou na nona i tuvatuva vuni, me vaka sa vakadewatakia oti vei ira na nona dauveiqaravi, o ira na parofita.”

10/08.txt

@@ -0,0 +1 @@
+\v 8 Sa qai vosa voki le vei au na domo ka'u a rogocia mai lomalagi, ni sa tukunia, “Mo qai ka tauria na i vola vivigi sa tevuki tu ena ligana na agilosi sa tucake tu ena wasawasa kei na vanua mamaca.” \p \v 9 Au sa qai qai yani vua na agilosi ka tukunia vua me solia vei au na i vola vivigi lailai. Sa qai tukunia vei au o koya, “Tauria ka kania; ena la'ki vuki me gaga e ketemu, ia sa kamikamica sara me vaka na oni e gusumu.”

10/10.txt

@@ -0,0 +1 @@
+\v 10 Au sa qai tauria na i vola vivigi lailai mai na liga i koya na agilosi, ka'u a kania; a sa kamikamica sara me vaka na oni e gusuqu, ia sa qai vuki me gaga e ketequ ni'u sa kania oti. \v 11 Sa qai tukunia mai vei au, “Sa dodonu vaka ko ya mo kacivakia voki na i tukutuku ni Kalou me baletia na veimatanitu, kei na veimatatamata, kei na veimataqali vosa, kei na tui eso.”

11/01.txt

@@ -0,0 +1 @@
+\c 11 \v 1 A sa qai soli vei au e dua na kau rabalailai balavu ka sa vaka na i rairai ni gasau ni vakarau, ka sa tukuni vei au, “Mo qai ka vakarautakia mai na valenisoro ni Kalou kei na i cabocabonisoro, ka wilikia mai na levu ni tamata era sa sokalou tiko kinia. \v 2 2Ia mo kakua ga ni vakarautakia na lomanibai ena taudaku ni vale, baletia ni sa soli oti na tikinia o ya vei ira sa yali ni kila na Kalou, o ira era na buturakia sobu na Koro Tabu me vula vasagavulukarua.

11/03.txt

@@ -0,0 +1 @@
+\v 3 Au na vakatala yani e rua na noqu i vakadinadina sa vakaisulu ena sulu taga, ka me rau kacivakia na i tukutuku ni Kalou ena loma ni 1,260 na siga o ya.” \p \v 4 Oi rau na noqu i vakadinadina ko ya sai rau na vuniolive e rua kei na i tutu-ni-cina e rua ka sa tu ena mata ni Turaga kei vuravura. \v 5 Ni kevaka e dua sa vinakatia me vakacacani rau, ena lako mai gusudrau na bukawaqa ka vakarusai ira na nodrau meca; ena vakamatei vaka ko ya o koya sa via vakacacani rau.

11/06.txt

@@ -0,0 +1 @@
+\v 6 Sa tu vei rau na kaukauwa me rau sogotia na lomalagi me kakua kinia ni tau na uca ena gauna e rau sa kacivakia voli kinia na i tukutuku ni Kalou. Sa tu voki lia vei rau na kaukauwa vei ira na veimataniwai, me rau vukicia na wai me dra; sa tu voki lia vei rau na kaukauwa me rau samutia na vuravura ena ka ni veivakararawataki kece sara lia, ka me vaka lia na ka erau sa vinakatia. \p \v 7 Ia ni rau sa vakaotia na nodrau i tukutuku, ena qai valuti rau o koya na manumanu rerevaki sa cabe cake mai na loma ni qara sa yali na botona. Ena vakadrukai rau o koya, ka vakamatei rau,

11/08.txt

@@ -0,0 +1 @@
+\v 8 ka na dai wale tu lia na yagodrau ena saqata ni koro levu, ena vanua sa lauvako kinia na nodrau Turaga ki na kauveilatai. A sa vakatokai vakaibalebale se vakaiyaloyalo na koro o ya me o Sotoma, se o Ijipita. \v 9 Era na la'ki vakaraicia tu na yagodrau me tolu veimama na siga o ira na tamata mai na veimatanitu kece sara lia, kei na veiyavusa, kei na veimataqali vosa duidui eso, kei na veimatatamata ka ra na yali ni vakatara me la'ki bulutia na yagodrau ena i bulubulu.

11/10.txt

@@ -0,0 +1 @@
+\v 10 Era na rekitakia na nodrau mate na lewe rua ko ya o ira na kai vuravura. Era na solevu ka veisoli ka-ni-loloma, baletia ni rau a yadia mai ki vuravura na veivakararawataki levu oi rau na parofita ko ya. \v 11 Ia ni sa oti e tolu veimama na siga, sa qai ceguvi rau na Kalou ena i cegu ni bula, ka rau sa tucake mai; ka ra sa rere kece sara lia na tamata sa raici rau. \v 12 A rau sa qai rogocia na parofita e dua na domolevu mai lomalagi ni sa tukunia vei rau, “Drau qai cake mai ki ke!” Ni ra sa sarasara tu na nodrau meca, erau sa qai qai cake ki lomalagi ena o.

11/13.txt

@@ -0,0 +1 @@
+\v 13 E na gauna vata lia ko ya, a sa yaco e dua na uneune levu; a sa vakarusai e dua na i katini ni koro levu, ka ra mate e lewe 7,000 na tamata. Sa tuburi ira na vo ni tamata na rere levu ka ra sa vakacaucautakia lia na kaukauwa i koya na Kalou ni lomalagi. \v 14 14Sa qai takali yani na i karua ni ka rarawa, ia sa voleka sara mai na kena i katolu!

11/15.txt

@@ -0,0 +1 @@
+\v 15 A sa qai uvucia na i kavitu ni agilosi na nona davui, ka sa rogo levu mai lomalagi na veidomo eso, era sa tukunia, “Na kaukauwa ni lewa me baleti vuravura sa qai yaco ko ya me nona na noda Turaga kei na nona Karisito, ka na veiliutaki tiko lia o koya ka yali ni mudu!”

11/16.txt

@@ -0,0 +1 @@
+\v 16 Era sa qai bale sobu vakatoboicu ena vakarokoroko o ira na qase e lewe ruasagavulukava sa daudabe tiko ena nodra i tikotiko vakaturaga ena mata ni Kalou, ka ia na sokalou ki vua na Kalou, \v 17 ka tukunia: \p “Ikonu na Turaga na Kalou Kaukauwa, \p O ni sa bula edaidai, o ni a bula eliu, o ni na bula tiko lia! \p Kimamu sa vakavinavinakataki konu \p Ena nomuni sa taurivakia na nomuni kaukauwa levu \p Ka ia na vakataulewa!

11/18.txt

@@ -0,0 +1,7 @@
+\v 18 Era sa cudru vakalevu na tamata sa yali ni kila na Kalou,
+Baletia ni sa yaco mai ko ya na gauna ni nomuni cudru,
+Na gauna me ra sa veilewaitaki kinia na mate.
+Sa kena gauna ko ya me ra saumi kinia na nomuni dauveiqaravi, na parofita,
+Kei ira na yalosavasava kece sara lia, o ira kece sara sa rokovia na yacamuni,
+Se ra tamata wale se ra cecere.
+Sa kena gauna ko ya me ra vakarusai kinia o ira sa vakarusai vuravura tiko!”

11/19.txt

@@ -0,0 +1 @@
+\v 19 A sa dolavia na vale ni Kalou mai lomalagi, ka sa laurai ni tiko e loma na Kato ni Veiyalayalati. A sa taravia mai na tibi ni liva, na vavadugudugu kei na lutu ni kurukuru, na uneune, kei na tau bi ni uca cevata.

manifest.json

@@ -33,7 +33,8 @@
 	],
 	"parent_draft": {},
 	"translators": [
-		"Mikaele"
+		"Mikaele",
+		"MIKA"
 	],
 	"finished_chunks": []
 }