Mon Jan 08 2024 23:32:23 GMT+1300 (Fiji Summer Time)

12/01.txt

@@ -0,0 +1 @@
+\c 12 \v 1 A sa qai rairai mai lomalagi e dua na ka levu ka sa rui dredre sara ni vakamacalatakia. Gona e dua na yalewa, a sa vakaisulu tu ena matanisiga ka sa tiko ena ruku ni yavana na vula, ka sa daramakia e uluna na i sala kalokalo e tinikarua. \v 2 Ia ni sa bukete tiko ka sa voleka sara ni vakasucu, a sa tagi lia vakadomoilevu ena vuku ni mosi kei na rarawa ni sa taratara me vakasucu.

12/03.txt

@@ -0,0 +1 @@
+\v 3 A sa rairai voki mai lomalagi e dua voki na ka sa dredre sara ni vakamacalatakia. Gona e dua na drakoni damudamu vakaitamera, e vitu na uluna ka tini na kena i leu, ka tokara toka ena uluna yadua na i sala vakaturaga e vitu. \v 4 A sa vakayagatakia na buina me yaratakia kinia mai lomalagi e dua na i katolu ni kalokalo ka kolotaki ira sobu ki vuravura. A sa duri tu vakadua na drakoni ena mata i koya na yalewa, me rawa kinia vua me kania sara na luvena ni sa qai sucu mai.

12/05.txt

@@ -0,0 +1 @@
+\v 5 A sa qai vakasucumia na yalewa e dua na gonetagane, o koya me na liutakia na veimatanitu kece sara lia ena i titoko kaukamea. Ia sa tauri tani vakaukauwa lia mai vei tinana na gone ko ya ka sa kau vua na Kalou, ki na nona i tikotiko vakaturaga. \v 6 Sa qai dro na yalewa ki na vanua dravuisiga, ki na tikinia sa vakarautakia tu na Kalou me baleti koya, ka me na maroroi kinia me 1,260 na siga.

12/07.txt

@@ -0,0 +1 @@
+\v 7 A sa kacabote na i valu mai lomalagi. Sa ia na i valu o Maikeli kei ira na nona agilosi me ra valutia na drakoni, o koya sa vala lesu kei ira na nona agilosi; \v 8 ia sa qai vakadrukai na drakoni, ka sa yali ni vakatarai vua kei ira na nona agilosi me ra tiko voki mai lomalagi. \v 9 A sa biu tani mai na drakoni vakaitamera — o koya na gata makawa, sa vakatokai na Tevoro, se o Setani, o koya sa dauvakaisina na vuravura taucoko. A sa viritakia sobu mai ki vuravura kei ira taucoko sara na nona agilosi.

12/10.txt

@@ -0,0 +1 @@
+\v 10 Au a qai rogocia e dua na domolevu mai lomalagi, sa tukunia, “Sa qai yaco mai ko ya na veivakabulai ni Kalou! Sa qai vakatakila ko ya na Kalou na nona kaukauwa ni sa Tui o koya! Sa qai vakaraitakia ko ya na nona Mesaia na kaukauwa sa tu vua! Ni sa qai viritaki tani mai lomalagi ko ya o koya sa daubeitaki ira na wekada vakayalo ena veisiga kei na veibogi ena mata ni Kalou.

12/11.txt

@@ -0,0 +1 @@
+\v 11 O ira na wekada era sa vakadrukai koya ka ra sa rawatia na qaqa ena vuku ni dra ni Lami kei na dina era sa kacivakia; ka ni ra sa loma rawarawa me ra solia na nodra bula, ka bole mate. \v 12 Mo reki kinia, o iko lomalagi, kei kemuni kece sara sa vakaitikotiko kinia! Ia ena kalouca lia o vuravura kei na wasawasa! Ni sa qai sobu yani vei kemudrau na Tevoro, ka sa sinai sara ena cudru katakata, baletia ni sa kila o koya ni sa lekaleka sara na nona gauna.”

12/13.txt

@@ -0,0 +1 @@
+\v 13 Ia ni sa kila na drakoni ni sa viritakia sobu ki vuravura, a sa tekivu vakacemuria na yalewa ka a vakasucumia na gonetagane. \v 14 A sa qai soli vua na yalewa e rua na tabana vakaikeli lelevu me rawa kinia ni vuka sara ki na nona i tikotiko ena vanua dravuisiga, ki na vanua me la'ki maroroi kinia me rautia e tolu veimama na yabaki, ka me kakua ni ravuti koya kina na drakoni.

12/15.txt

@@ -0,0 +1 @@
+\v 15 A sa qai luarakia na wai mai na gusuna na drakoni me dave muria na yalewa, me vakacirimi koya ena waluvu. \v 16 Ia sa qai veivuke o vuravura vei koya na yalewa, ni sa dalaga ka tiloma na wai sa luarakia mai na drakoni. \v 17 A sa cudruvia vakaukauwa na yalewa na drakoni, ka sa la'ki veivala kei ira na kena vo ni nona kawa na yalewa, o ira kece sa muria tiko na veivakaro ni Kalou ka yalodina tiko lia ki na veika dina sa vakatakila o Jisu. \v 18 A sa duri tu na drakoni ena vanua veinukunuku ni matasawa.