\v 2 Sa dua na turaganivalu sa tauvimate e dua na nona tamata cakacaka ka dau lomania, ia ka sa voleka sara ni mate. \v 3 Na gauna e rogocia kinia nai tukutuku ki Jisu na turaganivalu, sa tala sara o koya e dua na qase ni Jutia, me vamasuti koya me mai vabula lia na nona tamata. \v 4 Na gauna lia ira yaco vi Jisu, ira sa vamasuti koya valevu, a tukunia sara ni yaga o koya, mo ni caka kinia na ka koya. \v 5 Ni sa lomania na nona matanitu, a sa tara o koya na nimamu valenilotu.
\v 6 Sa mani qai vata ki ira o Jisu. Ia ni voleka i vale o koya, sa tala eso na wekana na turaganivalu, mera tukunia vua, Ikonu na Turaga, ni kakua ni vaceguocataki ikonu, niu sa yali yaga mo ni curu ki na noqu vale. \v 7 Au sa yali voli lia ni nanumia au, niu yaga meu qai vi kemuniu: Ia mo ni tukunia lia na vosa ena bula kinia na noqu tamata. \v 8 Niu sa turaga lailai oi au, au sa lewa na sotia au sa kaya vua, Mo qai yani, a sa qa yani; vi koya e dua tani, Mo qai mai, a sa qai mai, a ivei o koya na noqu tamata, mo caka ke a sa caka
\v 9 Ia ni sa rogocia na ka kece lia o Jisu, sa kurabuitaki koya; sa vuki vi ira na lewe levu sa muri koya. A kaya, Au sa tukunia vi ikodou, Au sa yali raicia vi ira na Isireli e dua na vabautia va ke. \v 10 Ia ni sa lesu voki i vale, o ira sa talai, ira sa raicia na tamata a tauvimate ni qai bula vinaka
\v 11 Ena yakavi, sa qai o koya ina dua na koro na yacana o Neini, a ra sa levu na nona tisaipeli ira sa qai vata ki ira voki lia na lewe levu. \v 12 Ia ni sa toro voleka kina matamata ni koro, raicia sa dua na sa colati i nai bili, a luvei tinana e dua bau lia, a sa yada o koya, a ra sa lewe vuqa sa na lewe ni koro era qai vata kaya. \v 13 Ia ni raici koya na turaga, sa lomania, a tukunia vua, Kakua ni tagi. \v 14 A sa qai o koya ka tara na vatavata, a ra sa tu vadua o ira na cola, A sa kaya o koya, O iko na cauravou, au sa tukunia vi iko, Tucake. \v 15 A sa duri cake na mate ka vatekivu me vosa. A sa solia o koya vi tinana
\v 16 A ra sa rere o ira kece lia a ra varokorokotakia na Kalou, a tukunia, Sa qai tubu cake vi ita e dua na parofita levu; a sa qai mai na Kalou kivei ira na nona tamata. \v 17 Ia na kena i rogorogo sa kuruseti Jutia kece lia kei na yasana kece lia sa vavolita.
\v 18 A sa vatakila vi Joni na ka kece lia ke o ira nanona tisaipeli. \v 19 A sa kacivi rau na lewe rua na nona tisapeli, o Joni, ka talai rau vei Jisu me tukunia, Oi kemuniu beka o koya e qai mai, se da warakia e duatani voki? \v 20 Ia ni rau sa yaco vua, e rau sa tukunia, sa talai kirau mai vikemuniu o Joni na dau veipapitaisotaki me kaya, Oi kemuniu beka o koya a qai mai se da warakia e duatani?
\v 21 Ia ena tiki ni siga koya era sa lewe vuqa sa vabulai o koya mai na mate kei na rarawa, ka mai vei ira na yalo ca; a ra sa lewe vuqa ira sa mataboko sa lewa o koya me ra rai rawa. \v 22 Sa qai vosa o Jisu ka tukunia vi rau, Drau qai, ka tukunia vi Jonina vika drau sa raicia ka rogocia, ni ra sa rai na mataboko, na vukavuka, sa roro na didivara, sa vaturi cake voki na matre, sa vunautaki nai tukutuku vinaka vi ira na dravudravu. \v 23 A sa kalougata o koya ena yali ni tacaqe ena vukuqu.
\v 24 Ia ni rau sa qai voki ko irau ka tala o Joni, sa kaya o koya vi ra na lelevu ena vuku i Joni. A cava dou a qaivia ki veikau mo dou raicia? na gasau lia sa yavala ena cagi. \v 25 ia ka cava mo dou a qaivia mo dou raicia na tamata sa vaisulu vaiukuuku, ka dau kana vinaka era sa tiko ena veivale vaturaga. \v 26 Ia ka cava mo dou a qaivia mo dou raicia? a parofita? io au sa kaya vei kemudou, e dua sa uasivia na parofita.
\v 27 Sa i koya ka volai vake: Raicia, au sa tala yani na noqui talatala me liutaki iko. E na caramakia ko koya na nomu sala e matamu. \v 28 Niu sa kaya vi kodou, vi ira sa sucu mai na yalewa sa yali na parofita sa uasivi cake vei Joni na dauniveipapitaiso: ia o koya sa lailai sara ena matanitu ni Kalou sa uasivi vi koya.
\v 29 Ia ko ira kece lia na tamata ena rogocia, kei ira na daukumunia na i vacavacava, era sa vadinadina vua na Kalou, ka ni ra sa papitaisotaki ena papitaiso nei Joni. \v 30 Ia o ira na Farisi kei ira voki lia na vu-ni-vunau, era sa catia na ka sa nakitia na Kalou ena vukudra, a ra sa yali ni papitaisotaki vua.
\v 31 A sa kaya na Turaga, A cava meu vatautauvatataki ira kinia na tamta ena i taba tamata ke? se ra tautauvata beka kei na cava? \v 32 Era sa tautauvata ki na ira na gone ira sa tiko ena rara ni veivoli, ka veikaciyakia, ka kaya, dou a yali ni meke: kitou a tagi vi kodou, ka dou a yali ni tagi yaso.
\v 33 SA qai mai ko Joni na dauniveipapitaiso, ka yali ni daukana madrai, dausomi waini, ia dou sa kaya. Sa tiko vua e dua na tevoro. \v 34 Sa qai mai na luve ni tamata, a sa kana ka somi, ia dou sa kaya, Raicia, a tamata dau kana ka dau somi waini, a nodra itau era kumunia nai vacavacava kei na tamta i valavala ca. \v 35 Ia sa vadonuya na vuku ko ira kece lia na luvena.
\v 36 A sa kerei koya e dua na Farisi me kana vata kaya. A sa curu kina vale ni Farisi o koya ka tiko sobu me kana. \v 37 Ka raicia sa dua na yalewa ena koro, o koya sa yalewa i valavala ca, ni sa kila sa tiko o koya ena vale ni Farisi me kana, sa yadi tani mai e dua na tavaya alapasita sa tawa ena i lumu. \v 38 a sa tu mai dakuna i yavana, a tagi, a sa quaraki ena drauniuluna, a sa regucia nayavana ka lumutia ena i lumu.
\v 39 Ia ni sa raicia na Farisi a sureti koya, sa nanumia lia i lomana, a vaka, Kevaka sa parofita o koya ke, sa kila na yalewa ke sa tarai koya, kei na nona i valavala voki lia ni sa; yalewa i valavala ca. \v 40 A sa vosa o Jisu ka tukunia vua, I Saimoni, sa dua na ka au sa via tarogia vi iko. A sa tukunia o koya, vavuvuli, mo kaya lia mai.
\v 41 Sa dua na turaga, sa lewe rua na tamata erau sa dinau vua, e dua, sa lima na drau na pene na nona dinau, e dua voki sa limasagavulu. \v 42 Ia ni sa yali na nodratou ka me rau saumia kinia, sa serekia loa lia vei rau ruarua. Mo tukunia mada mai se ko cei vei rau ena lomani koya vakalevu. \v 43 Sa vosa ko Saimoni ka kaya, Au sa vakasama, ko koya sa levu cake na ka sa sereki vua. A sa kaya vua ko koya, O sa lewa vakadododnu
\v 44 A sa vuki vaka vua na yalewa ko koya, ka kaya vei Saimoni. Ko sa raicia na yalewa ke, ne? Au sa curu kina nomu vale ka yali na wai ko solia me vui kinia na yavaqu: ia sa vuya na yavaqu ko koya ena wai ni matana, a sa quarakia ena drau ni uluna. \v 45 O sa yali ni reguci au; ia o koya ke sa yali ni cegu ni regucia na yavaqu niu tiko e ke.
\v 46 Ko sa yali ni lumutia na uluqu ena waiwai; ia ko koya ke sa lumutia na yavaqu ena i lumu. \v 47 O koya ke kau sa tukunia kinia vi iko, A nona i valavala ca sa levu sa boko, a sa loloma valevukinia ko koya, ia o koya sa lailai lia na nona ka sa bokoci sa loloma vakalailai
\v 48 Sa qai kaya vua na yalewa o koya, Sa bokoci na nomu i valavala \v 49 ca. Ia o ira era sa tiko vata kaya me kana era sa kaya vakai ira, O cei ke sa bokocia voki lia nai valavala ca. \v 50 A sa kaya ko koya vua na yalewa, Sa vakabulai iklo na nomu vakabauta, mo qai ena vakacegu.
See in Reader
Mikaele
aseri