\v 29 Sa qai vakarautakia e dua na magiti levu o Livai ena nona vale me balei Jisu. Ka ra sa lewe levu na dau kumuni vakacavacava e ra sa tiko kei na so voki na tamata me ra dabe ena teveli me ra kana. \v 30 Ia era sa qai vosa kudrukudru o ira na Farisi kei na vunivola vei iratou na tisaipeli, ka tukunia, "A cava eratou sa kana ka gunu vata kinia kei ira na dau kumuni vakacavacava kei ira na tamata i valavala ca." \v 31 Sa qai saumia o Jisu, "O ira na tamata bula vinaka sa yali ni yaga vei ira na vuniwai; vei ira lia na tauvimate. \v 32 Au sa yali ni qai mai meu kacivi ira na i valavala dodonu, ia ko ira ga nai valavala ca mera veivutuni."
\v 33 Era sa tukunia vua, " O ira na tisaipeli nei Joni era sa dau lolo ka masu, kei ira na nodra tisaipeli na Farisi era caka vakakinia. Ia, o iratou na nomu tisaipeli era sa kana ka somi." \v 34 Sa tukunia o Jisu, "E rawa beka me ra lolo na weka ni tagane vou ena gauna e tiko kinia vata kei ira na tagane vou? \v 35 Ia ena yaco mai na siga ena yadi tani kinia na vei ira na tagane vou, gona sara lia na gauna ira na qai lolo kinia."
\v 36 Ia sa qai tukunia voki lia vei ira e dua na vosa vakatautauvata, E yali ni dua na tamata me cula vata na jiki ni sulu vou ki na tiki ni suliu madra baletia ena qai dresuka na tiki ni sulu vou, na tiki ni sulu madra.
\v 37 Ena yali voki lia na tamata me talotakia na waini vou kina tavaya kulini manumanu madra, de na qai vakacabotetakia na tavaya na waini vou ka ka tasova yani, ni sa ca voki lia na tavaya. \v 38 Ia e vinaka lia me talotaki na waini vou ki na tavaya vou, baletia me maroroi vinaka kinia. \v 39 Sa yali ni dua na tamata me somiya oti na waini makawa me qai vinakatia na waini vou. A sa tukunia o koya, sa vinaka na waini makawa."
\c 13 \v 1 E ra a tiko eso na tamata ena gauna gona ka ra tukunia vei Jisu na ka e baleti ira na kai Kalili ka vakamatea ko Pailato ena gauna era vakacaboisoro tiko kinia vua na Kalou. \v 2 Sa qai saumia ka tukunia vei ira ko Jisu, "O ni nanuma beka ni ra sai valavala ca vakalevu ko ira sa mate o ya mai vei ira na kai Kalili? \v 3 E yali sara lia!, Au sa tukunia koya vei konui kevaka i ni sa yali ni veivutuni mai na nomuni valavala ca, ko ni na rusa kece lia me vakataki ira.
\v 4 Sa evei ko iratou na lewe tinikawalu ka mate ni a lutuki ira na doka ni vale cecere mai Sailoama, ko ni sa nanumia ni ra sai valavala ca vakalevu mai vei ira na tamata mai Jerusalemi? \v 5 Sa tukunia ko Jisu, e yali sara lia, ia kevaka ko ni sa veivutuni, o nii na mate voki lia kinia.
\v 6 Sa qai tukunia ko Jisu na vosa vakatautauvata koya, "E dua na tamata sa teya e dua na vunilolo ena loma ni nona loganivaini, ni sa qai mai me mai vakasaqara na vuana, sa yali ni raicia e dua, \v 7 'Sa qai tukunia vua nai vakatawa ni vaini, raicia sa tolu na yabaki na noqu dau qai mai meu mai vaqara na vua ni vunilolo ka yali niu se bau raicia kinia e dua na vuana. Musukia laivi, na cava e maoi vakamaumautakia kinia na qele.?'
\v 8 A saumia na dauteitei ka tukunia, "Dainia saka me dua voki na yabaki, meu na qai cukirakia vakavolivolita ka dainia kinia nai vakabulabula ni qele. \v 9 Kevaka e vua ena yabaki vou ka vinaka, ia kevaka e yali ni vua, musukia ki ra.
\v 10 A vakavuvuli tiko ko Jisu ena dua na valenilotu ena siga ni vakacecegu. \v 11 Ka raicia e dua na goneyalewa ka curumia tu na nona bula na yalo velavela me tinikawalu na yabaki, sa vakaiairoro ka yali ni duri cake rawa.
\v 12 Ni sa raicia ko Jisu, sa kacivia ka tukunia vua, "Yalewa ko sa sereki mai na nomu tauvimate." \v 13 Sa qai tauria na ligana ko Jisu, ka vakasauri na nona tu vakadododnu ka vakarokorokotakia na Kalou. \v 14 A sa cudru na i liuliu ni valenilotu ni sa ia ko Jisu na veivakabulai ena siga ni vakacecegu. A saumia ka tukuina vei ira na tamata, "E ono na siga mo cakacaka kinia. Qai mai mo vakabulai, ia, me kakua lia ena siga ni vakacecegu."
\v 15 A sa saumia vei koya na Turaga ka tukunia, "Dou tamata dauveivakaisini, dou sa yali li ni dui serekia na nona pulumakau kei asa mai na vanua e vesu tu kinia ka yadia me laki somi ena siga ni Vakacecegu? \v 16 Io vei na goneyalewa koya, na luvei Eparama, ka vesukia tu o setani me tinikawalu na yabaki, raicia, sa yali beka ni dodonu sereki mai nai vesu koya e na siga ni Vakacecegu?
\v 18 Sa qai tukunia o Jisu, "Na cava nai rairai na Matanitu ni Kalou kei na cava e rawa ni vakatautauavatataki kinia? \v 19 Sa tautauvata kei na dua na sore ni mosita, sa tautria e dua na tamata ka teya ena nona i teitei, sa tubu ka yacovia me dua na vunikau levu kara caka sova kinia na manumnau vuka ena veitabana"
\v 20 A sa tukunia voki ko Jisu, meu vakatautauvatatakia kei na cava na matanitu ni Kalou? \v 21 Sa tautauvata kei na vakatubu sa tauria e dua na yalewa me veiwakitakia kei na tolu nai vakarau madrai droka, ka yacovia ni sa tubu vinaka."
\v 22 Sa veiqaiyaki voli ko Jisu ena veikoro lelevu kei na veikoro lalai ka vakatavuvuli tiko, ka qai tiko ki Jerusalemi. \v 23 Sa qai tukunia vei koya e dua, Ikonu na Turaga, era lewe lailai era na bula?, \v 24 "Dou gumatua sara mo dou curumia na matamata ni koro qiq,o niu sa tukunia vei kodou, era lewe vuqa era vakatovolea me ra curumia, ia era na yali ni rawatia.
\v 25 Na gauna sa tucake kinia nai taukei ni vale me sogotia na darava, ia dou sa tu tu e tautuba ka tukituki ki na darava, ka tukunia, 'Turaga, Turaga, nu vakacurumi kimamu.' "Sa qai saumia mai ka tukunia, 'au sa yali kilai kodou se dou sa qai mai vei.' \v 26 Ia dou na qai tukunia, kimamu a dau kana ka somi vata ena matamuni ka dau vakatavuvuli voli ena nimamu vei tolo ni sala.' \v 27 Ia ena qai saumia, ka tukunia vei kodou, Au sa yali ni kila na vanua kodou qai mai kinia. Qai tani mai vei au, oi konu na tamata i valavala ca!'
\v 28 Ia ena yaco na veitagicaki ka vakasequruquru bati ena gauna konu raici Eparama, Aisake, Jekope kei ira kece lia na profita ena matanitu ni Kalou, ia konu sa dai tani kinia i tuba. \v 29 Era na qai mai ko ira mai Natokalau, Ra, Vualiku kei na Ceva, ka ra vakadaberi ena dua na teveli ena matanitu ni Kalou. Ka \v 30 Ka mo nu kila, eso era sa tu e muri era na liu, ka so era tu e liu era na muri."
\v 31 Ena siga koya sa qai mai eso na Farisi, ka tukunia vua, "Mo qai ka dainia na vanua koya baletia ni sa via vakamatei ko Eroti." \v 32 Sa tukunia ko Jisu, " Qai laki tukunia vua na fokisi koya, "Raicia, Au na vakatalai ira tani na tevoro ka caka na veivakabulai ena siga koya kei na savulaci kau na qai vakaotia na noqu cakacaka ena i ka tolu ni siga. \v 33 Ena vuku ni veika koya, e yaga vei au meu tomana na siga koya, savulaci kei na siga veitaravi, ni sa yali ni dodonu me mate e dua na parofita ena taudaku kei Jerusalemi.
\v 34 Isa Jerusalemi, Isa Jerusalemi! o iko a vakamatei ira na parofita ka virilakia na vatu vei ira na i talatala ka talai yani vei iko. E levu na siga au na via vakasoqoni ira kinia na luvemu me vaka sa soqonia na luvena na toa yalewa e ruku ni tabana, ia dou sa yali ni vinakatia. \v 35 Raicia, sa lala tu na nomudou vale. Au sa tukunia vei kodou, dou na sega raici au me yacovia na gauna dou sa tukunia kinia, 'Sa kalougata ko koya sa qai mai ena yaca ni Turaga."
\c 19 \v 1 A sa curu voki lia ki Jeriko ko Jisu ka sa qai sara yani. \v 2 Raicia, e dua na tamata na yacana o Sakiusa. E nodai liuliu na dau kumuni vakacavacava ka sa vutuniyau voki lia.
\v 3 Sa tovolea me raicia se o cei o Jisu, ia sa yali ni raicia rawa ni sa lewel levu na tamata baletia ni sa lekaleka voki lia. \v 4 Ia sa cici sara ki liu vei ira na lewe levu ka kabatia cake e dua na vuni lolo me raici Jisu, baletia o Jisu sa vakarau lako sivita na sala koya.
\v 5 Ena gauna sa yacovia kinia o Jisu na vanua koya, sa rai cake ka tukunia vua, "Sakiusa, qai sobu mai vakatotolo, au na tiko i na nomu vale ena siga koya." \v 6 Ia sa qai sobu mai vakatotolo ka kidavaki koya ena marau. \v 7 Na gauna e raicia kina na lewe levu, era sa vosa kudrukudru, ka tukunia, "Sa qai ko koya ka sikova e dua na tamata i valavala ca."
\v 8 Sa qai tucake o Sakiusa ka tukunuia vua na Turaga, Raicia, Ikonu na Turaga, au na wasea veimama na noqu yau vei ira na dravudravua, ia kevaka au sa lawakitakia e dua na tamata ena dua na ka, au na vakaisosomitakia vakava." \v 9 Sa qai tukunia o Jisu vua, :Sa yaco na bula ki na vale koya ena siga koya baletia ni sa luvei Eparama o koya koya. \v 10 Ni sa qai na Luveni tamata me vakasaqara ka vakabula na tamata sa yali."
\v 11 Ena gauna era rogocia kinia na veika koya, sa tomona na nona vosa ka tukunia e dua na vosa vakatautauvata, baletia ni sa voleka ki Jerusalemi, ka ra nanumia ni sa voleka basika vakasuari na matanitu ni Kalou. \v 12 Ko ya na vuna sa tukunia voki lia, e dua na tamata sa qai ki na dua na vanua yawa me la'ki buli me me tui, ka me qai lesu voki mai.
\v 13 Sa qai kacivi iratou na nona tamata ka soli vei iratou e ya tini na paodi, ka tukunia vei ira, "Dou caka volivoli tiko ka yacovia na noqu qai voki mai.' \v 14 "Ia era sa cati koya ka ra tala e dua na mata me muri koya, ka tukunia vua, " Kitou sa yali ni vinakatia me lewai kitou tiko ko koya koya.' \v 15 Ia ni sa lesu voki mai ko koya, sa vakaroti ira na nona tamata cakacaka ka solia vei ira na paodi me ra qai mai vua, ka me tarogia vei ira e vica na tubu era sa rawatia mai ena nodra veivoli.
\v 16 Sa qai qai mai ko koya sa liu, ka tukunia, Ikonu na Turaga, sa tini voki na paodi au sa rawatia mai.' \v 17 "Sa qai tukunia vua ko koya, Vinaka vakalevu na cakacaka, ka tamata dau cakacaka; ia ko sa dina ena ka e lailai sara, mo lewa na koro e tini.'
\v 18 "Sa qai mai na kena i karua, ka tukunia, "Ikonu na Turaga, sa lima voki lia na paodi au sa rawatia mai. \v 19 "Sa tukunia vua na Turaga, 'Mo lewa voki e lima na koro.'
\v 20 "Sa qai voki mai e dua, ka tukunia, "Ikonu na Turaga, raicia na nomunu paodi koya au sa maroroya, niu sa maroroya ena dua nai tavoi: \v 21 ni'u sa rerevaki ikonu baletia ikonu sa tamata dredre: konu sa tauria cake na ko sa sega ni dainia sobu, ka tamusukia na ka ko ni sa kaburakia.'
\v 22 "Sa tukunia na Turaga vua, 'Au na lewai iko ena nomu vosa ko sa vosataka. Ko sa kila niu sa tamata dredre, baletia au na tauria na ka e yali noqu ka tamusukia na ka au sa yali ni kaburakia. \v 23 Ia na cava ko sa yali ni dainia kinia na noqu i lavo kina baqe, me'u mai tauria voki kei na kena tubu na gauna au lesu mai kinia.?'
\v 24 Sa tukunia na Turaga vei ira na lewe levu. 'Yadia tani mai vua nai paodi, ka solia vua na tamata sa rawatia e tini na paodi.' \v 25 A ra vosa kudruikudru na lewe levu, 'Ikonu na Turaga, sa levu na nona i lavo!'
\v 26 "Au sa tukunia vei kodou, o koya yadua sa tu vua na ka, ena soli vakalevu vua, ia ko koya sa yali ni tu vua e dua na ka, ena yadi tani mai vua. \v 27 Ia ko ira na noqu meca, era yali ni vinakatia meu lewai ira, yadi ira mai ka vakamatei ira e mataqu."
\v 29 Ena gauna era sa voleka kinia ki na koro ko Pecifaki kei Pecani, ka voleka voki lia ki na ulunivanua ni veiolive, sa tala e rua na nona tisaipeli, \v 30 ka tukunia, "Drau qai ki na koro ka tarava. ia ni drau curu kinia, drau raicia e dua na luve ni asa sa vesu ka sa sega tu ni vodoki. Serekia ka yadia mai vei au. \v 31 Ia kevaka e dua sa tarogi iko, 'A cava drau sa serekia kinia luve ni asa?' drau tukunia vaka ko ya, Ni sa yaga vua na Turaga.
\v 32 Ia rau sa qai na tisaipeli e rua ki na koro ka raicia na asa, me vaka sa tukunia vei rau ko Jisu. \v 33 Ena gauna rau sa tekivu serekia kinia na asa, sa tarogi rau nai kenai taukei, "Na cava drau sa serekia kinia na na nitou asa?" \v 34 A rau saumia, " Sa yaga vua na Turaga." \v 35 Ia rau sa yadia sara mai na asa vei Jisu, ka tevukia na nodrau i sulu ena dla ni asa, ka vakavodoki Jisu kinia. \v 36 Ia ni sa qai tu ko koya, era sa tevukia na nodrai sulu ena sala levu.
\v 37 Ia ni sa qai volekatia na ulunivanua ni veiolive, sa vakatekivu na tisaipeli kece lia era lewe levu me ra reki, ka vakarokorokotakia na Kalou e na domo i levu ena vuku ni cakacaka mana era sa raicia oti ni sa caka o Jisu. \v 38 ka tukunia, "Sa kalougata o koya na Tui sa qai mai ena yaca ni Turaga! ka tu mai lomalagi na veivinakati, kei na vakarokoroko e na veiyasana ecake sara!"
\v 39 E so vei ira na Farisi vei ira na lewe levu era sa tukunia vua, "Vakavuvuli, vunauci ira na nomu tisaipeli me ra kakua ni tukunia tiko na veika ko ya." \v 40 Ia sa qai saumia ka tukunia ko Jisu, " Kevaka era sa galu na tamata koya, era na vosa na veivatu ko ya."
\v 41 Ia ni sa toro voleka yani ki na koro ko Jerusalemi ko Jisu, \v 42 sa raicia na koro ka tagicaki ira na tamata. Sa qai tukunia, "Kevaka konu sa kila e na siga ko ya, vei iko lia.
\v 43 Ni na yaco mai na siga, ena viribaiti iko voki lia kinia ko ira na nomu meca, ka buku na druadrua, ka kaba na koro mai na veiyasana kece lia. \v 44 Era na basukia na bai ni koro ka vakacacana na kece lia, ka na vakamatei iko, kei ira na luvemu. Era na yali ni vo vei iko na veivatu veitaqataqai; Sa yaco na ka koya baletia ni dou sa yali kila rawa na gauna e qai mai kinia na Kalou me vakabulai iko.
\v 45 Sa qai curumia na valenisoro ko Jisu ka vakatekivu me vakatalai ira na veivoli tu kinia, \v 46 sa tukunia vei ira, "Ni sa volai, 'Na noqu vale na vale ni masu,' ia ko ni sa vukicia me nodra qara na daubutako."
\v 47 Sa qai vakatavuvuli ena veisiga ko Jisu ena valenisoro. Era sa vakasaqara eso na sala ko ira na bete levu, ko ira voki lia na vunivola kei ira eso na nodra i liuliu na kai Jiutia me ra vakamatei kinia. \v 48 Ia era sa yali ni raicia rawa e dua na kena sala baletia era vakarorogo matua vei koya o ira na tamata.