\v 7 Dou vakasalataki ira ena veika vinaka kece lia, me kakua ni beitaki kodou kinia. \v 8 Ia kevaka eso vei ikodou sa yali ni vukei ira na wekana, vakabibi vei ira na tiko voli lia ena nodra dui vale, sai koya ko ya sa yali vakabauta. Ko koya sa ca vakalevu vei ira na tamata yali ni vakabauta.
\v 9 Me kakua ni digitaki e dua na yada sa yali ni onosagavulu na nona yabaki, ka sa vakawati vakadua lia, \v 10 me rogo e na vuku ni valavala vinaka; kevaka sa qaravi ira na gone, kevaka sa dauvakacegui ira na vulagi, kevaka sa vuya na yavadra era sa lotu, kevaka sa vukei ira era sa vakararawataki, kevaka sa gumatua ni daucaka na cakacaka vinaka kece lia.
\v 11 Ia ko ira lia na yada era tamata bula mo vakasuka: ni ra na garogaro ga, ka yali ni nanumi Karisito, ka ra na via vakawati voki: \v 12 a ra sa cudruvi, ni ra sa dainia na ka era sa vakabautia eliu. \v 13 A ra sa yaco voki lia me ra vucesa, ka sa veilakoyaki ki na veivale; a ra sa yali ni vucesa wale lia, era sa dautalanoa wale voki lia, ka vakavuca, a ra sa dau tukunia na ka e yali ni kilikili.
\v 14 \v 15 \v 16 O koya oqo kau sa vinakata kina me ra vakawati ko ira na yada era tamata bula, me ra vakasucu gone, me ra lewa na vale, ka me ra kakua ni kitaka e dua na ka me vosa vakacaca kina na meca. 15Ni sa lesu tani eso me ra muri Setani. 16Kevaka sa dua na yalewa sa vakabauta a sa tiko vua na nona yada eso, me vukei ira ko koya, ka me kakua ni vakabibitaki nai soqosoqo lewe ni lotu: me vukei ira rawa kina era sa yada dina ga.
\v 17 O ira na qase era sa lewa vinaka me ra dokai vakalevu, ia ka vakalevu sara ko ira sa dauvunautakia na vosa kei nai vakavuvuli; \v 18 Ni sa tukunia nai Vola Tabu, Mo kakua ni vaucia na gusu ni pulumokau, ni sa butuserekia na sila. Ka, Sa dodonu me soli vua na tamata daucakacaka na kenai voli.
\v 19 Mo kakua ni vakabautia e dua sa beitakia na qase, kevaka e yali ni lewe rua se lewe tolu era sa vakadinadina. \v 20 O ira sai valavala ca, vunaucia e na matadra na tamata kece lia, me rere kinia ko ira na tani.
\v 21 Au sa vakarotia e na mata ni Kalou kei na mata ni Turaga ko Jisu Karisito, kei na matadra na agilose digitaki, mo muria na veika ko ya ka kakua ni vinakatia e dua ka catia e dua, mo kakua ni caka e dua na ka e na veidigidigi wale lia. \v 22 Kakua ni tabakia vakasauri e dua e na ligamu; mo kakua ni kauwai e na nodra i valavala ca na tamata tani: maroroi iko mo savasava tiko.
\v 23 Kakua ni gunu wai dranu tiko lia, ia mo somia vakalailai na waini e na vuku ni ketemu, kei na malumalumu sa dautauvi iko. \p \v 24 Na nodra i valavala ca na tamata eso sa votu lia eliu, a ra sa qai eliu me cudruvi; ia na nodra ca na tamata eso sa muri mai. \v 25 Sa vaka voki lia kinia nai valavala vinaka sa votu lia eliu; ia ko ira e yali sa yali \p ni tabonaki rawa.
\c 6 \v 1 Ko ira kece lia na tamata era sa tiko bobula, me ra kilai ira na nodra turaga me ra vakarokorokotaki ira vakalevu, me kakua ni vosavakacacataki kinia na yaca ni Kalou kei na lotu. \v 2 Ia ko ira sa qaravia na turaga era sa vakabautia, me ra kakua ni beci ira, ni ra sa veiwekani; ia me ra qaravi ira vakalevu cake, ni ra sa vakabautia ka ra lomani ko ira sa nodra na ka yaga. A veika ko ya mo vakatavulicia ka vakarotia.
\v 3 Kevaka e dua sa vakavuvuli vakatani, ka sega ni vinakata na vosa vinaka, io na nona vosa na noda Turaga ko Jisu Karisito, kei nai vakavuvuli sa vakalotu; \v 4 sa viavia levu ko koya, ka sa sega na ka e kila, a sa dauvinakata na veileti kei na veibataka na vosa walega, sa tubu kina na vuvu, na veivala, na vosavakacaca, na daunanuma ca, \v 5 a nodra veileti tawayaga na tamata lomaca, sa takali kina nai vakavuvuli dina, era sa vakasama ni sa ka ni yau na lotu: mo lako tani vei ira sa vakaoqo.
\v 6 Ia sai yau levu na lotu kei na lomavinaka. \v 7 Ni sa yali na ka eda sa yadia mai ki vuravura, a sa dina sara ni sa yali na ka eda na yadia tani rawa. \v 8 Ia kevaka sa tu vei keda na kakana kei nai sulu, me da lomavinaka kina.
\v 9 Ia ko ira era sa gadreva me ra vutuniyau, era sa bale ki na dauvere kei nai cori, kei na gagadre ca e vuqa, ka lialia, ka dauveivakacacani, ko ya sa luluvuraki ira na tamata e na mate kei na rusa. \v 10 Ni sa vu ni ka ca kece lia na daulomana nai lavo: era sa daukocova eso, a ra sa vakacalai kina e na vakabauta, a ra sa cokai ira sara vakai ira e na yaluma vakalevu.
\v 11 Ia ko iko, na tamata ni Kalou, mo dro tani mai na veika ko ya; mo muria na yalododonu, na lotu, na vakabautia, na loloma, na vosotia, na yalomalua. \v 12 Mo ia lia nai valu vinaka ni vakabauta, tauria na bula yali mudu, o koya ko sa kacivi kinia, ko sa vakatusa voki lia kinia na vakatusa vinaka e na matadra na dauvakadinadina era sa lewe levu.
\v 13 Au sa vakarotia vei iko e na mata ni Kalou, o koya sa vu ni bula kece lia, kei Karisito Jisu, o koya ka vakatusa na vakatusa vinaka e na mata i Ponitio Pailato; mo tauria matua nai vakaro, \v 14 mo kakua ni tauvi-duka, mo yali cala, ka malua mada me rairai mai na noda Turaga ko Jisu Karisito:
\v 15 o koya ena vakatakila e na nona gauna na Turaga levu duaduaga ka daumaka, na nodra Tui na tui, kei na nodra Turaga na turaga; \v 16 o koya sa tu vei koya dua loa lia na bula yali mudu, sa tiko e na rarama sa yali ni torovia rawa: sa yali na tamata sa raicia, se raicia rawa: me nona lia na vakarokoroko kei na kaukauwa e yali ni mudu. Emeni.
\v 17 Vakarotia vei ira era sa vutuniyau e na gauna ko ya, me ra kakua ni dokadokai ira se vakararavi e nai yau sa yali ni tu dei, vua ga na Kalou bula, o koya sa solia vakalevu vei keda na ka kece lia eda marau kinia; \v 18 me ra caka vinaka, me ra vutu ni cakacaka e yaga, me ra lomasoli, me ra via veivuke; \v 19 me ra binia tu me nodra na yavu ena yaga e na gauna e muri mai, me ra tauria kinia na bula sai koya na bula dina.
\v 20 I Timoci, tauria matua na ka sa soli vei iko, ka qai tani mai na dautalanoa ca ka yali ni yaga, kei nai vakavuvuli tani sa vakatokai vakailasu me vuku: \v 21 ni ra sa tukunia eso era sa vakadinatia, a ra sa cala e na vakabautia. Me nomu na loloma. Emeni.