lmv-x-levuka_1pe_text_reg/05/01.txt

\c 5 \v 1 Au sa vamamasu vakoya vei ira na qase ni lotu ena ikonu maliwa me vaka e dua sa qase ni lotu voki lia ka sa vadinadinatakia oti na sotavi ni veivararawataki i Karisito, ka'u na vakaivotavota voki lia ena veika lagilagi sa varau vatakilai: \v 2 Mo ni vakania na qele ni sipi ni Kalou era sa tiko ena ikonu maliwa; me kakua ni ka ni veivasaurarataki, ia me caka lia ena yalo makutu me vaka sa vinakatia vei ikonu na Kalou; me kakua ni ka ni vaqaqara i sau lia, ia ena yalo lia e taleitakia me veiqaravi. \v 3 Ni kakua ni valavala vaboso vei ira o ni sa qaravia, ia mo ni dau i varaitaki vinaka lia vei ira na qele ni sipi. \v 4 Ia ni sa rairai mai o koya na i Vakatawa Liu, o ni na rawatia kinia na i sala lagilagi sa yali ni takali rawa na kena i serau.