auto save

01/01.txt

@@ -0,0 +1 @@
+\v 1 La buku la vigilemulila te Isus kraist, E latu le Devit, E latu le Abraham.\v 2 E Abraham e tamale Aisak, E Aisak e tamale Jakob,E Jakob e tamale Juda me tabarabarala.\v 3 E Juda e tamale Peres me Sera te Tamar,E Peres e tamale Hezron,E Hezron  e tamale Ram.

01/04.txt

@@ -0,0 +1 @@
+\v 4 E Ram e tamale Amminadab,E Amminadab e tamale Nashson.\v5 E Nahson e tamale Salmon.\v 5 E Salmon e tamale Boas te Rahab, Boas e tamale Obed te Ruth, E Obed e tamale Jessi.\v 6  E Jessi eia tamale king Davit, E Divit e tamale Solomon te rutu le Uriah.

01/07.txt

@@ -0,0 +1 @@
+\v 7 E solomon eia e talae Rehoboam,E Rehoboam e tamale Abijah E Abijah e tamale Asa.\v 8  E Asa a e tamale Jehoshapat,E Jehoshaphat e tamale Joram, E joram eia e tutubule Uzziah.

01/09.txt

@@ -0,0 +1 @@
+\v 9 E Uzziah eia e tamale Jotam, E Jotam e tamala e Ahaz,E Ahaz e tamale Hezekiah.\v 10  Hezekiaheia e tamale Manaseh,E Manaseh e tamale Amon, E Amon e tamale Josiah.\v 11  E Josiah eia e tutubu le Jechoniah me tabarabarala te la imala tulugaluga soio e Babilon.

01/12.txt

@@ -0,0 +1 @@
+\v 12 Mulimuli te la tulugaluga soio e Babilon,e Jekonia eia e tamale Seltiel,e Seltiel eia e tubule Zerubabel.\v 13  E Zerubabel eia e tamale Abiud,E Abiud e tamale Eliakim, E Eliakim e tamale Azo.\v 14  E Aso eia e tamale Zadok,E Zadok e tamale Akim,me e Akim e tamale Eliud.

01/15.txt

@@ -0,0 +1 @@
+\v 15 E Eliud eia e tamale Eliazar, E Eliazer e tamale Matthan, E Matthan e tmale Jakob.\v 16  E Jakob eia e tamale Joseph e haruale Mary, ale pigo e Isus,ale toila e kraist.\v 17  Egite la hili le Abraham kara olagu te Devit la hili gite savulu sa geteva, soko te Devit golagu te la tulugaluga soio e Babilon la hili gite savulu sa geteva, loio tela tulugaluga sio e babilon golagu te kraest la hili gete savulusa geteva.

01/18.txt

@@ -0,0 +1 @@
+\v 18 Oilo te la vitilimulila alele agio sibitala tela piligo le Isus kraist, E tilala, e meri, eia la utu robo te Joseph, Egira souka pou vikapopo, Egite goio hiloa mae a savulatuti te la golu la kalulu maroka.\v 19  Ala moli e Joseph a la tahalo ale matata sele, me eia kama masaga ge igo mahela eia tela mata gite la valua, Eia gabutala viage tou kokovu moli eia.

01/20.txt

@@ -0,0 +1 @@
+\v 20 A goio gabutala mulmuli la papaga alele,Goio la angelo te uru goio sibitala tavu eia oio tela matalovi la, A vei mago,"Joseph latu le devuit ,umala tataga puli eia igole rutumu, La vuhula ale a savulatuele eia savulatu tela golu la kalulu maroka,\v 21  Eiage taposa isa giliki, Eme ge tola leia e Isus, Eiage utululu egite la valua me hatavile loio tela vulovulo gite ale kama kokora."

01/22.txt

@@ -0,0 +1 @@
+\v 22 La papaga tomi alele sibita ge vipuru muli la rova la Uru veia gite la propet, ge veipalaea,\v 23  "Hiloa la sobe ge savulatu ge pigo isa e giliki, Egitege toi la isala e Immanuel- ge vuloa mae,"E Deo vikapopo me tatou,"

01/24.txt

@@ -0,0 +1 @@
+\v 24 E Joseph hagolo loio tela mavutala tetala me eia igoa mae la Angelo tela Uru veiala ge igoa mae vola.\v 25  Alamoli a kama rovi eia karamae eia taposa me a hatamale. Goio a tola la isala e Isus.

01/title.txt

@@ -0,0 +1 @@
+MATHEW LA GALELA 1

02/01.txt

@@ -0,0 +1 @@
+\v 1 Mulmuli te ale e Isus e tilala pigoa oilo e Betlehem te Juda oilo tela imala te King Herod, la valua mari loio te la mata la haro guvi oilo e Jerusalem egite vei mago, \v 2  E guliki ale e tilala pigoa me eia e king tegite Juda eiala oiove? Amite hilo la matabula oiola hilitila matala haro me amite gomai tige lotu tavu eia."\v 3  La imala e king Herod loloa maele,La tiala kama kora sele,Egite tomi ale oio e Jerusalem tai vikapopo me eia.

02/04.txt

@@ -0,0 +1 @@
+\v 4 E Herod abi vikapopo tomi egite la mulugaluga tegite prist me skraeb me la valalua,Eia tahi egiteu," E Kraist ale ge pigoa oiove?"\v 5 Egite goio veiala, "Oilo e Betlehem te Juda, Ale la rova egite la propet agotola tia pala.\v 6 Alamoli emei, Betlehem, Oilo la magasa le Juda, kama la tapasila kabili tegite la mulugaluga tegite juda,Eme ge viguvi isa la tahalo ale auru sele eiage baumuli egite la valalua taku e Israel."'

02/07.txt

@@ -0,0 +1 @@
+\v 7 Goio e Herod tola kovu moli egite la valua la mari goio tahi egite erese la imala sele la matabu sibitala.\v 8 Eia baha egite soio e Betlehem, veia gite mago, Amuto goio mata tahoa la pepeso bisio. Mae amuto ge poga eia, Abi rivu la merera somai taku me eau tai goioge lotu tavu eia."

02/09.txt

@@ -0,0 +1 @@
+\v 9 Egite goio lolo kaluvu e king, egite goio tuga tio, goio la matabu ale egite hiloa oio la porosile la matala haro mamuga egiteu kara agoio magiri oata la ba ale pepeso bisi ovolao.\v 10 La imala egite hilo la matabu ,egite sagege me la mogela uru sele.

02/11.txt

@@ -0,0 +1 @@
+\v 11 Egite goilo la luma goio hiloa la pepeso bisio me tilala e Mery.Egite goio boru otalo lotu tavu eia. egite goio kopea la vuliti tegite viabi soio tetala la gol,Frankinsen,mela Mirrh.\v 12 E Deo mera vagaria gite  oio tela matalovila mae egite umala ge beurivua soio te Herod, Tio egite beua soio tela mautu tegite tela gauru ale isapolo.

02/13.txt

@@ -0,0 +1 @@
+\v 13 La imala egite tugati,La Angelo tela Uru sibitala te Joseph oilo tela mata lovila a veiala mago ,"hiliti oata,puli e giliki bisiele me tilala,Amuto hele soio e Egipt. Pou oiole karamae eau ge veiamu, E Herod ge pamuli eia bisiele ge igobara eia.\v 14 Te la logo alele e Joseph hagolo  puli e giliki bisiele me tilala egite tugab soio e Egypt.\v 15 Eia pou oio karamae e Herod peho. Ale purumuli la rova la Uru veitia tegite e propet, Loiolo te Egypt eau tolati e latugu."

02/16.txt

@@ -0,0 +1 @@
+\v 16 Goio e Herod, a hiloa mae egite la valua la mari tutugolo tia, eia igo tilo gerutio. A gio baha la merera oilo tela ba la mautu e betlehem mae egite giliki ale hatamalmale tomi ale lotalo te la leavala ilua ge bili egite.Ale tela imala sele ale eia lolo egite la valua la mari vigalia.

02/17.txt

@@ -0,0 +1 @@
+\v 17 Me a purumuli sele la merera ale propet Jeremiah veipalaea \v 18 La golu isasa eau loloa oilo e Rama, La tilali mela malatilali, E Rachel  taitali le latatula, a kama masaga isa ge siobu eia, La vuhula egite oukati."

02/19.txt

@@ -0,0 +1 @@
+\v 19 La imala e Herod peho, Mata soio la Angelo te Uru sibitala tavu  e Joseph tela matalovila oilo e Egipt Avei mago,\v 20 Eme hiti abi egira taume latu amuto goio la mautu la magasa e Israel, Egite ale veila bilile gilikiele pehoti."\v 21E Joseph hiliti puli e giliki me tilala, me egite goilo la mautue Israel.

02/22.txt

@@ -0,0 +1 @@
+\v 22 Alamoli la imala a lolo via e  Arkelaus oio pou la pulou la uru oio e Juda eia abila mulile tamala e Herod, eia tagati via kati ge beua soio.Mulmuli te ale e Deo mera tageala Eia heletaro la gale la mautu e Galili.\v 23  Atuga goio mou oio la mautu uru la isala e Naseret. Ale puru muli la merera egite la propet veipalatia, viage tola leia e Nazarin.

02/title.txt

@@ -0,0 +1 @@
+LA GALELA  2

03/01.txt

@@ -0,0 +1 @@
+\v 1 Oilo tela imala alele e John tela vuluhi gomai valolo oilo la kuepa le Juda a vei mago,\v 2 Emege vulo, La Kiingdom tela ilo lalage omai hagavitie,\v 3Ale la tahalo ale e propet Aisaiah vevei eiao, A vei mago," La golu isa tatola oilo la la kuepa, 'amuto igo raragi la gauru te Uru,Igo matata la gaurula

03/04.txt

@@ -0,0 +1 @@
+\v 4 La kairobo te Jon a igolula la Ivu la kamel me la kisi pou tetala  eia la kulkuli la basi a kisi pou leia.La ilali tetal e komare me la magu\v 5 Goio e Jerusalem, egite Juda, me egite la gale mautula tomi ale polo galili la lalu e Jordan egite tomi gogala tetala.\v 6 E Jon vuhi egite oilo la lalu e Jordan me egite veipala la iriru tegiteu.

03/07.txt

@@ -0,0 +1 @@
+\v 7 Ala moli la imala a hilo usu tegite praseo me sadusi gomai tetala viage eiage vuhi egite, A goio veia gite mago, "Amuto e latatu la pase ale kama kokora ,Amuto viage hele la hatemasi la te la Uru ale ge gomai?\v 8 Amuto ge vulo pala la vulovulo muto tio amuto ge viguvi la vavua muto ale tartigi.\v 9 La gabutala muto umala ge maraparapa veia e tubu mutou e Abraham,Eau vei selea mutou E Deo koramuli ge vigia soio tela uatati ge sibitala mae e tutubu le Abraham.

03/10.txt

@@ -0,0 +1 @@
+\v 10 La tahalo uru tau lahati la pemu otalo la vuhu la obobu tomi, La obobu tomi ale viguvi la vavua gite ale kama tartigi ge tolo taroa  ge pigia sotalo la havi.\v 11 Eau vuhi le amuto la lalu viage vimavulaha taro le amuto la iruru tamuto. Alamoli ale mulmuli taku la vagari la muga taku, Eau kama koramuli ge tuga hagavi soio tela balila, Eiage abia muto la kalulu maroka mela havi la.\v 12 La uru raragi ge hilovi la vulovulo gite la valua tomi, egiteu ale tartigi age puli egite soio la balila, alamoli egite ale kama kokora a ge pigi egite sotalo la havi ale karere la kaluvula ge ouka."

03/13.txt

@@ -0,0 +1 @@
+\v 13 Goio e Isus guvi loio e Galili goio la lalu e Jordan via e Jon ge vuhi eia.\v 14  Alamoli e Jon veiage merataroa. a vei mago, " A kora muli emege vuhi eau, Eau kama kora muli ge vuhi emei,Alamoli eme gomai taku veiage vuhi omai taku,?\v 15 E Isus goio koli la merera te jon mago," korati,emege igoa mae ale eau veitiamu, Etala ge vipuru la masagala tela Uru ale eia veia eauge mulmuli la vulovulo tomi ale matata koramuli la igolu taku." E Jon loloa maele a goio tilimuli la masagala te Isus a gio vuhi eia.

03/16.txt

@@ -0,0 +1 @@
+\v 16 E Jon goio vuhi e Isus kaluvu, Goio e Isus hiliti tuga soata, A goio taga soata , a hilo la mori kope, eia hilo la kalulu tahalo Uru a mae la malu la Uku a gotalo tetala,\v 17 Goio la golu la tahalo Uru tola loata la mori mago,"Ale e latugu la riau, Eau sagege pepeho leia."

03/title.txt

@@ -0,0 +1 @@
+LA GALELA  3

04/01.txt

@@ -0,0 +1 @@
+\v 1 \v1Goio la kalulu maroka abi e Isus soio la ba la kuepa viage e Satan ge tovoilai eia.\v 2  Tio e Isus peremu la logo savuluva ,a kama ali,  eia kama liu,me eia vitolo sele.\v 3 Goio e Satan sibitala tavua me eia veiala mago,"Mae eme e latu le Deo sesele, Eme ge veia gite la uatati aleie ge vulo mae la bret."\v 4 Alamoli e Isus goio koliala mago, La buktabu veia la tahalo kamage mahuli moli la ilali la vovo,la valuage mahulila la merera tomi ale gali loilo la hare le Deo."'

04/05.txt

@@ -0,0 +1 @@
+\v 5 Goio e Satan pulia soio e Jerusalem egira goio goata la varu la luma la lotu oata sele me egira magiri ovolao,\v 6Tio e Satan goio veiala mago, Mae eme e latu le Deo sele, tartigi eme ge raga sotalo, La vuhula la buktabu a vei mae, La tahalo Uru ge baha taro egite la Angelo tetala ge sakoli sae moli me tela lima giteu, la vahamu kamage putua tela uati."'

04/07.txt

@@ -0,0 +1 @@
+\v 7 Goio e Isus kolilou la vikarara tetala mago, la buktabu vei mae, Eme umala ge tovo lalai la Uru tame e Deo."'\v 8 Tio e Satan goio puli loua egira goata la gove isa la varula oata sele agoio turiala la mautula me la marasala tetala.\v 9 Agoio veiala mago, La papaga tomi aleie eau ge abiamu, mae eme ge tototulu otalo ge lotu tavu eau."

04/10.txt

@@ -0,0 +1 @@
+\v 10 Alamoli e Isus veiala mago,"Satan emege hele taro eau, La vuhula la buktabu a vei mae,Amutoge lotu tavu moli la Uru eia e Deo,Amutoge togo moli eia sekela."\v 11Tio E Satan goio hiliti taro e Isus, Mata soio egite la angelo gomai vitahoala.

04/12.txt

@@ -0,0 +1 @@
+\v 12 Tio la imala e Isus lolo tia via egite sautola ti e Jon, Eia goio teterivu soio e Galili.\v 13 Eia goio heletaro e Naseret tuga goio mou oilo e kapernaum,Ale oio la parava le galili oilo te la ba te Zebulun me Naptali,

04/14.txt

@@ -0,0 +1 @@
+\v 14 La papaga ale sibitala ge purumuli la merera ale e propet Aisaiah veitia,\v 15La magasa le Zebulun me la magasa le Naptali, ale lagu solau la mago,te la gale le Jordan loio,me Galili tegite Gentael! \v 16La valua me hatavila ale pou oilo la maligoma hilo ti la matagaga ale uru sele, me egite tai ale pou la gale la miau la pileho, oata tegite la matagaga porosileti."

04/17.txt

@@ -0,0 +1 @@
+\v 17 Tela imala alele e Isus soko la valola me a vei mago, "Eme ge Vulo, La mautu la sagela te Deo omai hagavuiti,"

04/18.txt

@@ -0,0 +1 @@
+\v 18 Eia goio tatuga la parava le Galili, A goio hilo e taume tari ilua, E saimon ale tolale Pita, me tabarala e Andrew, Egira oio pipigi la vuo solau la mago, Egira la tahalo la vilitila.\v 19  E Isus goio veia gira mago, "Amula gomai tilimuli eau, Me eau ge vimari le amula la ilapu la tahalo."\v 20  Oio moli vola egira piligi taro la vuo tegira me egira tilimuli e Isus.

04/21.txt

@@ -0,0 +1 @@
+\v 21 E Isus tuga lou soio agoio hilo lou e taume tari ilua,E Jeims e latule Zebedi, me e tabarala e Jon. Egira oilo la vaga vikapopo me tamagira e Zebedi ubibi la vuo. A goio tola egira,\v 22 Oio moli vola egira sivo taro la vaga vikapopo me tama gira egira tilimuli e Isus.

04/23.txt

@@ -0,0 +1 @@
+\v 23 E Isus polo galili tomi oilo e Galili,vimarimari e gite la valua oilo la luma la lotu tegite, Eia valolo la merera tela mautu tetala, Eia vimahuli egite la ilalea tomi oilo tela valua me hatavile,\v 24  La irere la goio tali tela mautula tomi oio e Siria, me egite la valua vahari tomiala egite la ilalea me la iligiligi tomi, me egite ale la kalulu kamakora oilo tegite, egite ale gulugulu, E Isus vimahuli tomi egite\v 25   La galela valua me hatavile ususele tilimuli eia loio e galili, egite Dikapolis, e Jerusalem,me Juda, meale loio e Jordan

04/title.txt

@@ -0,0 +1 @@
+LA GALELA 4

05/01.txt

@@ -0,0 +1 @@
+\v 1 La imala e Isus hilo la valua me hatavile, A tie soata la olu gio pou otalo, tio egite la Disaipel tetala gomai tetala,\v 2   Eia goio kope la harela goio vimari egite a vei mago,\v 3La vaibalavala a tela tahalo ale savelea oilo la tela kalulu,La mautu la sagegela a tetala.\v 4La vibalavala a tegite ale ilo buruko La Uru ge siobu egite

05/05.txt

@@ -0,0 +1 @@
+\v 5 La vibalavala ge tegite ale vagotalo egite,Egite ge taola tomi la mautula.\v 6La vibalava la ge tegite ale vitolo ouka masaga tavu la vulovulo ale matata la Uru ge vivolu sele egite.\v 7La vibalavala ge tegite ale volu mela gilogo,egitege sautola la gilogo.\v 8La vibalavala a tegite ale la tia gite maroka me egitege hilo e Deo.

05/09.txt

@@ -0,0 +1 @@
+\v 9 La vibalavala ge tegite ale viguvi la tia madila, ge toile gite e latatule Deo.\v 10La vibalavala ge tegite ale egite igobara egite tela vulovulo ale matata,La mautu la sagela te Deo a tegite.

05/11.txt

@@ -0,0 +1 @@
+\v 11 La vibalavala ge tame ale la valua mera bareamu magiri robome veiamu la merera ale kama kora vasigolo me la vigagiala la vuhula taku moli.\v 12  Eme ge sagege mela mogela, La mapamu ale uru sele oio raragi oio tela mautu la saggegela.Egite propet ale mahuli araura egite la valua igobara tai egite maele.

05/13.txt

@@ -0,0 +1 @@
+\v 13 Eme la soli la mautu la magasa, Alamoli mae la soli alele la malamala ge kaluvu,Emege igo loua mave age malama lou? A katima koramuli isa la paga lou ge abi molia ge pigia soga la valalua ge tatoa oata vola.\v 14  Eme la matagaga tela mautula magasa, La mautu ale tabuli sae oata la gove akama kora muli ge tabuli kovu lou.

05/15.txt

@@ -0,0 +1 @@
+\v 15 Mae tai la valalua ge vitagu la lam tegiteu egite kamage tau robo loua via la luma ge maligoma lou, egite ge  uratili saea oata la agala ge matagaga tomi oilo la ilo la luma.\v 16 A tartigi pepeho via amuto ge pou mae la matagaga taku soio tegite la valua me hatavile me egitege hilo la vulovulo muto ale tartigi me egite ge vaisale e tamagatou ale oilo la ilo lalage.

05/17.txt

@@ -0,0 +1 @@
+\v 17 Amuto umala gabutala via eau gomai ge igo bara la viturila tegite e propet.Eau kama gomai ge igo bara egite, ouka eau gomai ge vipuru egiteu.\v 18  Eau vei selea mutou mae la mori mela magasa ge kokovu, Alamoli la kilekesi isa kamage kokovu loio la viturila, Karamae la papaga tomi ge puru.

05/19.txt

@@ -0,0 +1 @@
+\v 19 Mae la tahalo isa polo la merera me eia vimari le gite la valua via egite tai ge poloa me eiage la tahalo bulahu moli oio tela la pulou la mautu la sageela.\v 20 Alamoli eau veia selea mutou maimoli la vulovulo mutou ale maroka kamage polo la vulovulo gite paraseo me skraeb ale maroka, Amuto kama karamuliage goilo la pulou la mautu la sagegela

05/21.txt

@@ -0,0 +1 @@
+\v 21"Eme lolo ti la merera la viturila ale vei tia gite araura la imala te tutubu gatou, 'Umala bilibili,' 'Ere tahalo bili eia ge magiri la tela ilapumatatala.'\v 22   Alamoli eau veia mutou mae egite tomi ale vaigo tolo vikapopo me tabara giteu ge magiri tela ilapu matatala,' mae ere isa veiale tabarala mae, eme la tahalo bulahu moli! emege magiri la matagite la gamala  mautu,'eme ere veia le isasa mae eme la maura!' emege gotalo la havi le hel.

05/23.txt

@@ -0,0 +1 @@
+\v 23 Mae eme ere masagage gutu la viabila taume oata la Alta emege gabuta rivu muga soukage eme tahoka isa la iruru soio te tabaramu,\v 24 Piligi muga la viabila taume oio tela bali la Alta, beua soio,mamuga emege  vimatata eme soio te tabaramu, mulmuli goio gutu la viabila taume.

05/25.txt

@@ -0,0 +1 @@
+\v 25 Igo hari tau matata eme soio te la gima taume la imala amula souka goiola vilapu matatala, souka ge la gima taume ge taume soio te la lima la tahalo la ilapu matatala, me eia souka ge abime soio te opisa me eiage taume soilo la luma la loka.\v 26 La seselela eau veamu, eme kama koramuli ge gali sogala karamae emege koli rivu tomi la wati  ale eme makodoa.

05/27.txt

@@ -0,0 +1 @@
+\v 27Eme loloti la viturila veitia, amala ovo taro la tahalo me la tavile ale taulai.'\v 28Alamoli eau ge veiamu latahalo tomi ale matavu la tavile me eia hateka  tavua ale eia ovo tia oilo la hatela.

05/29.txt

@@ -0,0 +1 @@
+\v 29 Mae la matamu e gata igo boru me,suba taroa pigia soio, A tartigi via la bautu la vomu isamoli ge kokovu kamage la vovomu tomi ge gotalo la havi bibila.\v 30Mae la limamu e gata igo borume, valitaroa pigia soio a tartigi la bautu la vomu isamoli ge kokovu kamage la vomu tomi ge gotalo la havi bibila

05/31.txt

@@ -0,0 +1 @@
+\v 31La merera la buktabu veitia, Ere tahalo tou e rutula,Eia ge abiala la galau tela vipou ba la.'\v 32Alamoli eau ge veiamu egite tomi ale tou e rutu gite, tela vulovulo la iriru ale igo eia la tavile la iruru sele, la tahalo ale ge puli loua mulmuli teale e haruala toua ale eia tai ruruti.

05/33.txt

@@ -0,0 +1 @@
+\v 33 Oio lou vola, eme lolo ti la merera la viturila tela imala ale te tutubu gatou,'umala magirigri la selela tela vasi gologolola,magiri la selela  oilo tela Uru.'\v 34  Alamoli eau ge viamu,umala magiri tela selela, kamage tela mautu la sagegela ,ouka la pulou la uru te Deo.\v 35  ouka la mautula magasa,ouka la muli la magirigirila, ouka e Jerusalem, ouka la mautu te king ale uru.

05/36.txt

@@ -0,0 +1 @@
+\v 36Umala magiri la selela tela gamamu, Eme kama kora muli ge igo la ivumu ge kakea ouka parakurukuru.\v 37Alamoli la merera taume ge ale sesele,me asele, 'mae ouka me a ouka,'La paga isa ge loata vola me alele a loio tela tahalo kama kokora.

05/38.txt

@@ -0,0 +1 @@
+\v 38 Eme loloti la merera ale la viturila veitia, 'La mata a tela mata la togo a tela togo.'\v 39 Alamoli eau ge veiamu umala bahataro la tahalo la gima taume, maege a ge sabala la galemu e gata, vulo tai louala ale isalouo.

05/40.txt

@@ -0,0 +1 @@
+\v 40 Mae isa ge tilimuli me soio la mata la ilapu matatala a goio abitaro leme la kairobo taume, akora tio age abiala.\v 41  Mae isage viamu ge tuga la ba ale malau isasa, tuga tomi leia ilua.\v 42  Viabi soio tegite ale kakame, me umala poke taro egite ale tatahi la kiloli loio taume.

05/43.txt

@@ -0,0 +1 @@
+\v 43 Eme loloti la viturila veitia, 'Emege masaga e tabarabaramu gima la gima taume.,'\v 44 Alamoli eau ge veiamu, masaga la gima taume kaka tegite ale magiri robome,\v 45La vuhula eme ge sibitala sele mae e latu le Deo ale oilo la mautu la saggegela. La matagagala ge paga mae la haro oata tegite ale kamakora me ale tartigi, me eia baha la hura soio tegite ale matata me egite ale kama matata.

05/46.txt

@@ -0,0 +1 @@
+\v 46Mae emege masaga moli egite ale masaga eme, la mapamu ge larova? Mave egite la tahalo la ilabi la takesi kama igo taia maele?\v 47Mae eme ge kakatavu moli e tabarabaramu, me eme ge igo egite ale isahari mave? Mave egite e Gentael kama igo ntaia maio?\v 48Ala emege magiri matata sele, mae moli e tamamuto ale oata la mautu la sagela eia matata sele.

05/title.txt

@@ -0,0 +1 @@
+LA GALELA  5

06/01.txt

@@ -0,0 +1 @@
+\v 1 "Baumuli tigi eme soukage emege kali sasae me via eme matata sele tela mata gite la valua me hatavile, Igo tigi   eme kamage abi la mapamu ale oio te tamagato ale oata la mautu la sagegela.\v 2Mae eme viabi soio tegite ale pou la savelela, umala pusu la vaivai mae egite hipokrit igoa oilo la luma la lotu me la gauru, Viage la valua ge vei taho egiteu.Eau veiamu la selela ,Egite abiti la mapa giteu.

06/03.txt

@@ -0,0 +1 @@
+\v 3 Alamoli la imala eme pusu la vaivai,La limamu e meru umala ge rovi rovi la rova la limamu e gata igigoa \v 4La vuhula eme ge viabi kovu moli. Tio e tamamu ale oata la muautu la sagela ge hiloa eiage koli rivuamu.

06/05.txt

@@ -0,0 +1 @@
+\v 5La imala eme ge igo la kilaka, Umala igo mae egite e hipokrit, Egite masaga ge magiri oilo la luma la lotu mela polo lilila gauru ge igo la kilaka viage la valua ge hilo egite.Eau veiamu la selela egite abiti la mapa giteu.\v 6Alamoli emei, la imala eme ge igola kilaka,goilo la kapi utu.kapi la mata kaka soio te tamamu, ale pou kovu, Tio  e tamamu ge hilo mei ale pou kovu age abiamu la rova eme kakea ovola.\v 7La ima eme ge igo la kilaka, Umala vipolo galili la kilaka taume mae egite Gentael igoa, egite gabuta via la valua ge lolo la bautu la kilaka tegite ale usu peho

06/08.txt

@@ -0,0 +1 @@
+\v 8 Ala, umala igigo mae egiteu, La vuhula e tamamu rovi la papaga tomi ale eme masagea mulmuli eme kaka eia ovola.\v 9Ala emege kaka mae, Tamamite ale oata la mautu la sagegela,Amite ge togo la isamu ale maroka.\v 10La mautu taume ge gomai, mela masagala taume ge sibitala omai la mautula magasa visauru mae ale oata la mautu la sagela taume.

06/11.txt

@@ -0,0 +1 @@
+\v 11Abia mite la bret te la logo isasa.\v 12Lube la iriru la makodo tamite, Amite tai ge lube  la tahalo ale makodo omai tamite.\v 13Umala tau amite soilo la tovolaila,Emege utu lulu amite loio tela gima tamiteu.'

06/14.txt

@@ -0,0 +1 @@
+\v 14Mae emege lube la iriru tegite la valua me hatavila,E tamamu ale oilo la mautu la sagegela taige lube la iruru taume.\v 15Mae eme kamage lube la iriru tegite, E tamamu tai kamage lube la iriru taume.

06/16.txt

@@ -0,0 +1 @@
+\v 16 La imala eme ge peremu, uala lagu taitali mae egiteu e hipokrit igoa,Egite ge lagu bara ge sibitala la mata gite la valua via egite ge hilo egite ale peremu.Eau veiamu la selela, Egite abiti la mapa giteu.\v 17Alamoli emei, La imala emege peremu, Abiri la gamamu la veli litu la lagumu\v 18La vuhu egite la valua kamage hiloa mae eme peremu, Alamoli e tamamu ale oio pou kovu, me tamamu ale hilo mei ale pou kovu ge abiamu la papaga ale eme masagea.

06/19.txt

@@ -0,0 +1 @@
+\v 19Umala taukokovu la vuliti taume otalo la mautu la magasa,E komare ge alia ouka age ropo, ouka egite la tahalo la pakalila ge sae utu ge pakalia.\v 20A tartigi eme ge taukovu la vuliti taume oilo la mautu la sagela, La ba ale akamage ropo la tahalo la pakalila kamage pakalia.\v 21La ba ale mave la vuliti taume ge oio vola, me la hatemu tai ge oio volao.

06/22.txt

@@ -0,0 +1 @@
+\v 22La mata gato eia la lamu tela vovo gatou,Ala mae, la matamu ge tartigi, la vovomu tomi ge volu mela matagaga.\v 23Mae la matamu ge kamakora, Me la vovomu tomi ge oilo la maligoma. Ala, mae la matagaga ale oilo taume ge maligoma, ale la maligoma ale ge uru sele.\v 24La tahalo isa kama koramuli ge mou lotalo la mulugaluga ilua, Age tou isa me eiage masaga isasa,me eia taige roromuli  moli isa isage ouka. Eme kama kora muli ge roromuli e Deo mela wati

06/25.txt

@@ -0,0 +1 @@
+\v 25Ala eau ge veiamu,Umala emege ilo buruko tela mahulila taume, Tela rova emege alia me la rova emege liua,Ouka tela vovomu, te la rova emege kairobole mei.La mahuli gatou eia muga la ilali,me la vovogatou muga la kairobo?\v 26Hilo la malumalu la mori, egite kama galugalu la ilali me egite kama vahari ololu la ilali, E tamamu ale oata la mautu la sagegela valvali egite. Mave eme kama loata tavua giteu?

06/27.txt

@@ -0,0 +1 @@
+\v 27 Ere tamuto dodo mulmuli la malaula mahulila tetala?\v 28 Ilava la gabutalamu ge vagari moli tela kairobo tela vovo? Gabutala mulia la viroviro ale kusi oio la mahuma,Egite kusi mave. Egite kama igogolu,Egite kama ubibi la kai robo tegiteu,\v 29Soloio eau ge veiamu, La marasala te solomon akama kairobo mae isa tegite aleie

06/30.txt

@@ -0,0 +1 @@
+\v 30Mae e Deo vikairobo egiteu la gala masisi oilo la mahuma,Ale mahuli igoe galgeli ge pigia soio la havi, Eia ge vikairobo lou me mave, La tautaulailo taume bisi sele?\v 31Ala umala gabutala papahi me la tilahi, Eauge ali larova?' ouka eau ge liu la rova?' ouka la kairobo ale mave eauge kaia?'

06/32.txt

@@ -0,0 +1 @@
+\v 32 Egite Gentael moli pamuli egite la papaga aleie, me e tamamu ale oilo la ilo lalage rovia mae eme masaga la papaga alele.\v 33Pamuli pala la mautu la sagegela mela vulovulola ale matata, me la papaga tomi ale ge abiamu.\v 34Ala umala gabutala papahi teale galgeli,Ale galgeli ge gabutala lou eia. La logologo tomi isasa tahoka ale kama kora tetala lou.

06/title.txt

@@ -0,0 +1 @@
+LA GALELA  6

07/01.txt

@@ -0,0 +1 @@
+\v 1Ala umala tau matatea, soukage egite ge tau matata mei.\v 2Teale moli eme tau matatea ,Eme taige tau matatamei,Me la urula ale eme abiasoio, me ale moliele ge abia soio taume.

07/03.txt

@@ -0,0 +1 @@
+\v 3 La vuhula ilava eme matatavu la paga ale tabuli robo la mata le tabaramu,Ala moli eme lou kama koramuli ge hilo la bautu la obu ale tabuli robo la matamu?\v 4Eme kama kora muli ge veiale tabaramu mae, Eauge abitaro  la bautu la obu ale tabuli robo la matamu,' alamoli taume tai la bautu la obu oio tabuli roboa?\v 5Amuto hipokrit! Amutoge abitaro mamuga la bautu la obu ale oio la mata mutou,La vuhula la matamu ge matagaga, Tio amuto ge abitaro la bautu la obu ale oio la matale tabaramutou.

07/06.txt

@@ -0,0 +1 @@
+\v 6 Eme  umala ababia la paia la paga ale maroka,Umala pipigi la vuliti taume soio tela bolobolo,Egite souka ge soha kurua, Me egite ge sile momo emei

07/07.txt

@@ -0,0 +1 @@
+\v 7 Emege  tahi,me eiage abiamu,Emege pamulia emege pogea.Emege tutu la mata  me eiage kopeamu la mata.\v 8Egite tomi ale ge tahi, egitege abia.Egite tomi alege pamulia,  egitege  pogea, La tahalo alege tutu,eiage kopeala la mata ,\v 9Ere isa tamuto, mae e latula ge tahi eia la bret, agio ge abiala la uati?\v 10 Ouka mae e latula ge tahia e laia, me eiage abiala la pase?

07/11.txt

@@ -0,0 +1 @@
+\v 11Ala, mae eme ale kama rovi e Deo eme rovi la viabila ale tartigi soio te latatumu, E tamamu ale oilo la mautu la sagela eia muga e tato tomi la viabila soio tegite ale ge kaka eia?\v 12Ala, la papaga tomi ale eme masaga via egite la valua ge igoamu, Emege igo tomi egite, Ale la viturila me egite e propet.

07/13.txt

@@ -0,0 +1 @@
+\v 13 Tiroro soilo la mata ale bisi.La mata ale uru me la gauru ale kope age goio la ba ale kama kora, La valua me hataville usu sele hari mulimulia.\v 14 Alamoli la gauru ale bisi a tivura age goio la matu la  mahulila, Egite kama usu  mata papogea

07/15.txt

@@ -0,0 +1 @@
+\v 15Amutoge matarara tegite e propet la vasigolo gologolo la, Egite ge gomai taume vikapopo mela kairobo tela sipsip, Alamoli la selela egite mae la vulp.\v 16Alamoli eme ge rovi egite tela vavua giteu. mave egite la valua  pigi ololu la greip oilo te dae, ouka  la fig oio te la gileu?\v 17 Me oilo tela gauru alele, la  obu tomi ale tartigi ge vua la vavuala ale tartigi, me la obu ale kamakora age vua la vavuala kamage tartigi.

07/18.txt

@@ -0,0 +1 @@
+\v 18  La obu ale tartigi kama koramuli ge viguvi la vavua la obu ale kamakora,Oio tai la obu ale kama kora kama kora muli ge viguvi la vavua la ale tartigi.\v 19  Egite la obobu tomi ale kama vua la vavuala ale tartigi ge tolo taroa ge pigia sotalo la havi.\v 20  Oio vola, emege rovi la obu tala vavuala moli ele.

07/21.txt

@@ -0,0 +1 @@
+\v 21Kama egite tomi ale veveiagu, La uru, La uru,'via egita ge tiroro soilo la mautu la sagegela ouka, egite moli ale tilimuli la masagala te tete ale oilo  la ilo lalage.\v 22La valua me hatavile usu ge veiagu oilo tela logo al ele, Uru mave amite kama veipala la merera la veilahala oilo la isamu, Oilo la isamu amite kumuli taro la kalulu kama kora,me oilo la vagari la isamu a viguvi usu la papa ale urusele?\v 23Eauge veipala selea gite mae, Eau kama rovi emei! hele lomai taku,eme la tahalo la iligo la irirru.

07/24.txt

@@ -0,0 +1 @@
+\v 24 "Tio,Egite tomi ale lolo la merera tegaku me egite tilimulia egite ge mae la tahalo la mari ale tigi la luma tetala oata la uati.\v 25La hura pu, La silali sali somai, La kalivuru vai tubu oata la luma le, Alamoli akama tavuvu, la vuhula a magiri oata la uati.

07/26.txt

@@ -0,0 +1 @@
+\v 26Alamoli la tahalo ale lolo la merera taku a kama tilimulia age mae la tahalo ale molo a tigi la luma tetala oio tela magasa la mago,\v 27La hura pu,La silali sali,La kalivuru vai tubu la luma le, me atagoro,la tikumula vikaluvu tomia.

07/28.txt

@@ -0,0 +1 @@
+\v 28 Tio e Isus goio vagogala la merera alele kaluvu, La valua me hatavile karutu sele la vimarila tetala,\v 29A vimari egite mae la tahalo ale eia la mulugaluga.Eia kama mae egite skraeb tegiteu.

07/title.txt

@@ -0,0 +1 @@
+LA GALELA  7

08/01.txt

@@ -0,0 +1 @@
+\v 1 La imala e Isus purusu loata la gove gotalo,La valua me hatavile usu sele tilimulia.\v 2Mata soio la tahalo isa e vovori tubu tetala gomai tototulu tela la lagula,A vei mago, "Uru, mae eme masaga selea,Emege vai maramara eau."\v 3E Isus goio vituri la limala sogala goio pilau eia, Agoio veila mago, Eau masagea, La vomu ge matagaga, Oio moli vola e vovori kaluvu la vovola malmali lou.

08/04.txt

@@ -0,0 +1 @@
+\v 4 E Isus veiala mago,"La rova eme hilo tia eme umala veila tahalo isasa.Eme tuga matata moli goio vahililo le gite paraseo emei,viabila la viabila ale la viturila te moses veitia,age veipalaea soio tegite.

08/05.txt

@@ -0,0 +1 @@
+\v 5 La imala eia tatuga ge goilo e Kapernaum,La mulugaluga tegite ami le Rom gomai tetala, tahi suku tia\v 6 A veiala mago,"Uru, La tahalo la igolula taku a gulugulu mela iligiligi ale urusele a oio la luma mavuta,"\v 7Goio e Isus veiala mago, Eau gomaige vimahuli eia,"

08/08.txt

@@ -0,0 +1 @@
+\v 8 La mulugaluga tegite ami veiala mago, Uru,Eau kama la tahalo ale tartigi via emege gotalo la uluvagu.Emege vei moli la merera la tahalo la igolu taku ge mahuli.\v 9Me eau tai la tahalo ale pou lotalo la uluva gi te la mulugaluga,Eau tahoka tai egite Ami ale pou lotalo taku oio,Eauge veiala ale isa ge goio age tuga,Mae eau ge veiala ale isage gomai,a ge gomai,oio tai la tahalo la igolu taku, igo ale eiage igoa."\v 10La miala e Isus loloa maele, a karutu sele a goio veiagite ale hari mulimuli eia mae,"La selela eau veia mutou, Eau kama mata poga isa la tautaulailo ale mae oilo e Israel.

08/11.txt

@@ -0,0 +1 @@
+\v 11Eau veiamu la selela,Usu ge hiliti loio la porosile la matala haro me la pasoru la matala haro,Egite ge pou tela pulou la ilali vikapopo me Abraham, Aisak,me Jakob oilo la mautu la sagegela.\v 12Me egite e latatau la mautu sele ge pigi egite sogala la maligoma, La ba la tilali mela togo gite ge koro magege.\v 13  E Isus veia la mulugaluga tegite Ami,Tuga! tela tautaulailo taume le,Age sibitala sele soio tau me,La tahalo la igolu mahuli sele tela imala alele.

08/14.txt

@@ -0,0 +1 @@
+\v 14La imala e Isus goilo la luma te Pita,eia hilo e loale Pita oio mavuta eia lea.\v 15E Isus pilau la limala,la ilea hele taro eia.A goio hiliti oata sokola baumuli le Isus.

08/16.txt

@@ -0,0 +1 @@
+\v 16 Goio la pga maulavi, Egite la valua puliale Isus usu egite ale la hitu mou oilo tegite.Eia basimuli taro egite la kalulu kamakora tela merera A goio vimahuli egite ale lalea.\v 17Alele sibitala vipuru muli la merera ale e propet Aisaia veitia,A vei mago,Eia bole la ilalea me la tikumula tegatou tomi."

08/18.txt

@@ -0,0 +1 @@
+\v 18 Tio la imala e Isus hilo egite la vala pou galiti eia, A goio veia gite la merera via egite ge hele taro la ba alele ge goio la galela mago le Galili loio.\v 19Goio e Skraeb isa gomai tetala a veiala mago,Tahalo la vimari,Eau ge tilimuli eme tela baba tomi ale eme ge govola."\v 20E Isus veiala mago,E burekireki tahoka la hova gite oio,me egite la malulmalu la mori tahoka la loa gite oio,Alamoli e latu la tahalo kama tahoka la ba ale eiage tau la gamala ovola."

08/21.txt

@@ -0,0 +1 @@
+\v 21E Disaipel tetala isa vei taila mago,Uru, Eau goio ge ulai muga e tete,"\v 22Alamoli e Isus veiala mago, " tilimuli eau kora egite ale pepeho ge ulai rivu lou egite ale peho."

08/23.txt

@@ -0,0 +1 @@
+\v 23 La imala e Isus sae soilo la uaga,Egite la Disaipel tetala tilimulia goio sae tai.\v 24Mata soio la mago hiliti, Hagavi la mago ge pigirobo la uaga Alamoli e Isus oio mavuta.\v 25Egite la Disaipel gomai tetala goio paloa,egite vei mago, "utululu amite, amite ga pepeho tie!"

08/26.txt

@@ -0,0 +1 @@
+\v 26 E Isus goio veia giteu mago,"amuto tataga larova,La tautaulailo tamuto bisi sele ia?" Eia goio hiliti oata bahataro la lovi mela mago.Goio la mago malilo tio.\v 27La tahalo isa mamali tia a goio vei mago,Ale erese la tahalo sele maleie,La lolovi mela mago loloto eia?"

08/28.txt

@@ -0,0 +1 @@
+\v 28La imala e Isus gomai la gale la mautu e Gadarenes,La tahalo ilua la hitu mou oilo tegira egira goio poga eia.Egira galiti loio la liba me egira tau sele la lagu gira.egite ale polopolo la gauru alele isa kama koramuli ge polo.\v 29Mata soio egira talitio me egira vei mago,"Amite igo larova taume, Latu le Deo? Eme gomai tige igo bara amite, La imala souka gomai?"