bhb-x-billori_jhn_text_reg/08/42.txt

\v 42 येशुय तियाहान आख्यो, “देव जाहा तुमा बाहाको रेअतो ताहा तुमाहाय माअवे प्रीती केअता, काहाका आय देवाहायेने निग्या आने आलो, आय सोवताहा की आलो नाहा, पेन तियाय माल मोकल्यो.” \v 43 तुमामाअ गोगुलो काहाल होमजी लेअता नाहा ? तिया कारण इज हाय का, तुमाहाम माआ वचन उनाय नाहा लेता. \v 44 तुमा बाहाको सैतान यापेनी वेअला हाय आने तुमा बाहाका खाराब गोठीने केअरा होदता. तो पेअलानीज माहान माअय टाक्नारो आथो आने तो खेरोपणामे टिक्यो नाहा, काहाका त्यामेज खेरोपणा नाहा हाय तो जहा खोरो गोगे ताहा तो सोता गोगे, काहाका तो लोबाड आने लोबाडा बाहाको हाय.