auto save

02/10.txt

@@ -0,0 +1 @@
+10. Era mwafunire obwomi obwizuli omu ye, ye nigwo mutwe ogwobukulembeze no bukama bwonna bwonna. 11. Era mwa bambibwe mu niye, ni mweyambwire omubiri omu komolebwa kwa Kristo. 12. Ni mwazikibwe amwe naye omu kubatizibwa, era nywei mwa yimbokere amwe naye olwa kwikiriza okukyungura kwa Kanca, eyayimbokere omu bafu.  13. Nanywei nimwali nka mufiire alwakusisa kwa nywei no butakomwolebwa mibiri janywei, yabafire abommi amwe naye, ni yamare okutusonyiwa okusisa kwaswa kwonna kwonna; 14. Era natolawo edagano eya wandikibwe omu mateeka, eyatukanga okwikirya ebbiragiro byamwei, ni yasikomerere oku musalaba. 15. Niyatweireku abami obukama, nabatikirya omu lwatu nabawangura kimwei.  16. Nakityoo tebangawo muntu yenna yenna abasara omusango omu byakulya oba ebyakunywa, oba olwa mbaga oba olwa mwezi okubuneka oba olwa ssabiiti. 17. Kubbanga ebya kituru kyebyo ebikwaba okwizza, baitu ekya mugaaso mye Kristo.  18. Omuntu yenna yenna tabanyagaku mpeera yanywei omukwegondya kwanyendya yenkai nokuramyanga abantumwa, nka nkugumira omwe byo byeyabwene, nka akwekinkiniza bwerere omumagezi agomubiri gwamwei. 19. Ate nka takwekwatisya mutwe, omuzwa omubiri gwonna gwonna, ennyinyo nebigumwa nka biguletera era nka bigugaita amwe, nka gukula no kulisibwa kwa Kanca.  20. Oba nka mwaferere amwe no Kristo okuleka emyoyo jonna jonna ejensi, lwaki mukweyakalya nka abakyafugibwa ebyensi? 21. Nti tukwatangaku, ate tolozangaku, era tokomanga ku, 22. Ebyo byonna byonna biriwawo, era okwo tikuba kusengerya biragiro nokwegesya kwa bantu? 23. Ebyo bikuboneka nka ebyamagezi (okumanya) omu ngeri yokuramya OKanca abantu kwe batawo bonkai no mukonda kye bigasa nakadyoli omu kufuga okwegomba kwa mubiri.