auto save

17/01.txt

@@ -0,0 +1 @@
+1 Era nga nindi Akisofeeri aloma Abbusolomu ati, "hanangale abasinde omutalo mulala n`enkumi ebiri nonde Dawudi mu wiire wuno. 2 Era namwoleho nadembire emihono jije josijosi ni jinghoyemo amaani nga mutiisa nabaatu bosibosi abali ni naye banadulume nga kubba habaha yenghene. 3 Nabaatu bosibosi nabagaluse eyi oli cakana bosibosi banagobole . Ehyo hija huletera abaatu bosibosi ohuba nemirembe. 4 Ehibono ehyo Abbusolomu gahisiima bugali nghalala nabatangirisi ba Yisirayiri bosibosi. 

17/05.txt

@@ -0,0 +1 @@
+5 Anga Abbusolomu aloma ati, ale munangireho ni Husaayi omwaluki pulire yeesi ehyaloma. 6 Kusaayi ni gatiina eri Abbusolomu nga Abbusolomu amuloma ati, Huholere hu ebi Akisofeeri alomire oba hutabihoreraho? 7 Nga Kusayi aloma Abbusolomu ati ohuteesa ohu Akisofeeri atehiise olwa leero luno si hulanghi. 8 Era nga Kusaayi aloma ati omanyire lataawo nabasinde abaali ninabo ti bamaani era bejuuye obusungu hu myoyo jaawe era eyi bali engereha wenyanja sibali hunghenyuha, era ehiire hyolwa leero luno niye nenghe lilye sibananghenyuhe. 9Angha hulomera nghano, behwehire mu galongho oba mu bifo ebindi byosibyosi, hinaabe ti ni nghanaabengho abasaaja babo aba baniite, nawuli ananghulire analome ati, nghabaayengho ohwitiwa mu baatu bangi abatiinire ni Abbusolomu, 10 Angho omusila ali nomwoyo oguli hyogwa epologoma, ndiyongobera bugali olwohuba Yisirayiri yosiyosi yinanyire lataawo ti musinde wamaani era ni naabo abali ninaye basinde basira. 11 N`ese amagesi aga kungha, gahusoloosa Yisirayiri yesiyesi ohunghwera hu Daaani ohwola hu Berusaba hyomujehe oguli hu gobo wenyanja obungi wesi abegaateho mu lutalo. 12 Angho huli mwagaana mu hifo anghaboneherera, hwesi huli mugwaho, hyolu lume lugwa hwiloba era nabasinde bosibosi abali ni naye sihulisigasaho wayire mulala. 13 Nindi naliba najiiye mu hibuga, Yisirayiri alileeta emigoye eri ehibuga ehyo nga huhinghiguhulira mu mwala ohwosa olunghatalisigalangho ahabaale wayide halala. 14 Angho Abbusolomu nabasinde b Yisirayiri bosibosi nga baloma baati ohuteesa hwa Kusaayi omwaluki husingire ohwa Akisofeeri, olwohuba Musengwa gaali ataayengho ohwita ohuteesa ohulanghi ohwa Akisofeeri konyo Musengwa aleete obubi hu Abbusolomu. 15 Angho Kusaayi nga aloma Zadooki ni Abiyasaali omusengi ati, atyo nafya Akisofeeri pwanghaaye Abbusolomu nabatangirisi ba Yisilayiri era keesi munghaaye amagesi nityo nityo. 16 Ale ni mutume muwangu mulomere Dawudi atanghenyuha mu myalo owiire wolwaleero anghwe mudungu, ne otaleha husomoha habaha alehe ohuhenewangho nabaatu abali ni naye. 17 Era Yonasaani ni Akimaazi nga baba hu nerogeri Omuzaana ngatiinanga nabalomera nga batiina babalomera habaha Dawudi kubanga sibahasobooye huboneha ni bengira ehibuga. 18 Ne omujonghu ng`ababona nga batiina bombi muwangu bengira mu nyumba yomusinde oyu balanganga baati, Ebbakulimu agaali nesaabire mu lunya lulwe nga beeha omwo. 19 Omuhasi nga abugula ehifunihiro nga afunihira hu munwa gwesobere era nga ajuhaho enghano epuule ahaye hubangho amanya ati sobere. 20 Nga agho abangheresa b`Abbusolomu baaja eri omuhasi omwene nyumba ga bamubuusa baati, Akimaasi ni Yonasaani bali ngheena, nga abaloma ati, basomohire ahaala ahamaaji, era ni babaheja babahaya nga bagamayo e Yerusaalemi. 21 Angho olworire ni bahenire ohutiina nga baniina batula nga batiina balomera habaha Dawudi, mwinyohe musomohe amaaji mu wangu olwohuba gano njamagesi aga Akisofeeri abasaliiye 22 Nga angho Dawudi genyoha nabaatu bosibosi aba gaali ni nabo nga basomoha olwabi Yoludaani, angha masaaba yasalira, nghaali nghanghuma agotireho wayide mulala abo ahiri husomoha Yoludaani. 23 Angho Akisofeeri ni gabona ati ehi abalomire ohuhola sicehi baholire, ng`ategeha nasugirya gagameyo engo mu hibuga hihye era nga alongoosa enyumba yiye, nga ahena getuga afa nga bamusiiha mu higombe ehi basiihamo semwana. 24 Nga angho Dawudi gaaja e Manakayimu. Abbusolomu omwene nabasinde abagaali ni nabo aba Yisirayiri nga basomoha ni naye. 25 Abbusolomu nga afuula Amasa ohuba muhulu wenghe mu hifo hya Yowaabbu. Era Amasa gaali mwana womusinde alangiwa esiina Yisira Omuyisirayiri agengira eri Abbigayiri omuhaana wa Nakasi mulebe wa Zeruyiiya maama wa Yowaabbu. 26 Angho Yisirayiri ni Abbusolomu basidiha amakanda e Giriyaadi. 27 Angho olworire Dawudi ni goola e Manakayimu, Sobbi omusaani wa Nakasiow`e Labba mu hyalo hya baana ba Amoni, ni Makiri, musaani wa Amiyeeri, owe Lodebali, ni Baluzirayi Omugiriyaadi, 28nga baleeta ebitanda nebilyo, netamu nenghaano, ni Sayiri nobusima, nenghaano esiike, nebijanjaalo, nepiindi, nepokya esike, 29 nomubisi gwenjuhi, nomuzigo netaama,. namabeere genghombe, nga babiretera Dawudi nabaatu abaali ni naye ohulya olwohuba baloma baati enjala erumire abaatu nindi nendungho ebalumire mu dungu badembi.