\v 9 Nese idenami yai wawasica, Ana imichacawa idecanami uyaca ya uiraca uyacalewa Silo neni. Ya Elí icuerica Dios icape yaunericawa yalubai inata iwaluanacawa yai icapenumaca ya naiwacali icapeca. \v 10 Ya awisisiwata uwawa ya utanica yapicha yai iuwacalicawa nese ya uichanisiwacata.
\v 11 Ya umacaca aberi tacaisi ya umaca: "WAIWACALI iri, picacali utulecana uai piasu weneiwica ibaidechuca ya pemiaca nacai usana, camita pimaicha ua, ya piaca uli aberi sumai nese ya nuaca nuiwicali iri macai erita ya nucaucacawa, camita pinata iria ya iwitabainacawa".
\v 12 Ya ua idecunitacawa itanica WAIWACALI, yapicha, Elí icuaca icawa ya unumaca. \v 13 Ana itanica uwalicuta. Ya udule iwenuenicawa, ya usanaca camita asai isaná ya Elí imacaca ucamaca. \v 14 Ya Elí imaca: ¿Caina idecuni pina picamaca? ¡Yacata inumamira pimaca ya irracalesica!
\v 17 Ya nese Elí yebaca usana ya imaca uli: "Piaba casimaita ya caina Dios Israel yasu imani pinaca yai picuterica icha". \v 18 "Ya umaca: "Pimaca ua piasu weneiwica yanaca yai ucuterica pipichale". Nese ua inanai uacawa ayapu iricuba ya uyaca nacai uyacalewa ya camita awisi ya unanica.
\v 19 Ya namichacawa mapisaita ya nacutaca niawawa WAIWACALI icha, nese ya nepuacawa ale nacape iyerica Rama neni. Elcana imaca uapicha uai yacawetua Ana, ya WAIWACALI yemiaca ucuterica. \v 20 Nese eeri ichabacadenamiwa, ya Ana idericuca ya asaica aberi uiri asiali. Ya uaca ipidena Samuel umaca: "Nucuteri caina WAIWACALI ichani".
\v 21 Aberi yawiri mamaladecata, Elcana napicha macaita niai yenaneicawa, nairiecawa nacatena WAIWACALI cayaberi camui iwali ya napaidaca nasu wawasicawa. \v 22 Ya ua Ana camichuta yawa; ya umaca uacaweri iriwa: "Nua camichuta yawa iwereta ideca imaca irraca ya inisica; nese pina ya nutecani, cai pina ya yewaca iyaca WAIWACALI ipichale ya iyaca neni cairipinata". \v 23 Ya uacaweri Elcana imaca uli: "Pimani ya cayaberica picaca. Pimaca ide imaca ya inisica; aberita WAIWACALI imani ya itacaicawa nese ya inaneica uyamacawa ucuaca ya uiricawa idecataleta imacaca ya inisica.