\v 13 Nunguari ouee kuene, Ovatjange Novafarisei, vanatjavivi! Orondu ene mu pata omuvero uouhona uejuru pomurungu uo vandu: ene tjinga mu ha hiti mu uo nu tjimu ha jandjere imba mbu mave hiti oku hita. \v \v 14 Ouee kuene, Ovatjange Novafarisei, vanatjavivi! Orondu mu sasaura na mu ninaura ozondjiuo zovahepundu nu amu ungura otjiuova tjozongumbiro ozonde: Nu opu ma muje ku muna omberero ondeu tjinene. \v 15 Ouee kuene, Ovatjange nOvafarisei, vanatjavivi! Orondu mu tapakana omuronga nehi oku muna omuhongeua umue; nu tjimue mu munu amu mu tjiti kutja arire omuatje uo tjovasengua potuvari oku kapita ene.
\v 20 Auhe ngu ma jana ne zuko ro mbunguhiro ma jana naro na imbi avihe mbiri muro. \v 21 Nu auhe nguma jana nondemberi, ma jana najo na ingui ngua tura mujo. \v 22 Nu auhe nguma jana nejuru ma jana notjihavero tjouhona tja Mukuru, na ingui ngua haama kombanda jatjo.
\v 27 Ouee kuene, Ovatjange novafarisei, vanatjavivi! Orondu mua sana ko maue uozombongo nga huua ouvapa, nu tjiri ngenombunikiro ombua kombanda, nunguari moukoto jeura omatupa uovandu mba koka nouhakohoke auhe. \v 28 Mo muano otjingeuo, ene kombanda mu munika otjovasemba kovandu, nunguari moukoto mue ura notjavivi nourunde.
\v 37 Jerusalem, Jerusalem, ove ngu u zepa ovaprofete nomaue imba mba hindua kove! Opotuingi ame vannga oku uongera ovanatje voje kumue, tjimuna ohunguriva tjii uongera ouzerona uajo kehi jovivava viajo, nu ove oha jandjere. \v 38 Tara ondjiuo joje je ku seuerua tjo. \v 39 Orondu metja nai kove, konoo uhuara a mo ndji munu, ngandu tjiuatja, omunandjozikiro ingui ngu meja mena ra Muhona.
\c 24 \v 1 Jesu ua pita na zapo pondemberi; novahongeua ve veja kuje na ve mu urikire ondungiro jondemberi. \v 2 Nu Jesu uatja nai kuvo, Ovina mbi avihe kamuna ku vimuna are? Tjiri metja kuene, kapena kuje ku seua eje rimue imba kombandekuao, ndi hina ku imbiraheua pehi.
\v 3 Nu tja haamene kondundu jo mininga, ovahongeua veja kuje mourike, na vetja, tu raera, ovina mbi ma vije ku tjitua rune? Notjisanekero tjo meero uoje no maandero uouje ma rire tjike? \v 4 Jesu ua zira natja nai kuvo, tjevereje kutja ape ha ningi omundu ngu me mu pukisa. \v 5 Orondu ovengi maveje kuja mena randje, ama vetja ouami Kriste; nave pukisa ovengi.
\v 6 Ma mu je ku zuva komunda uo vita notutona tuo vita; ritjevereje kutja amu ha zungana mouripura: orondu imbi avihe mavi kara ko, omaandero ngunda aje hije ja. \v 7 Orondu otjiuana matji sekamene otjiuana, nouhonapare au sekamene ouhonapare: nu mape kara ozondjara, nomitjise omihimise nomanjinganjingiro uehi, mo mahi pekepeke. \v 8 Nu Imbi avihe omautiro uo mihihamo ominene.
\v 9 Kuzambo mave mu jandja kutja muka tatumisiue, nave mu zepa. Nu oviuana avihe mavije ku mu njengerua indi ena randje. \v 10 Kuzambo ovengi maveje ku putarisiua, nave hororasana nave njenguasana. \v 11 Nu makuje ku surumuka ovaprofete vo tjiuova ovengi, nave pukisa ovengi.
\v 12 Mokutja ourunde mau je ku takavara, otjima ruje ku tarara. \v 13 Nu ingui nguma tuurunga ourunde mbui na takama nga ko maandero, eje onguma jamua. \v 14 Nombuze jouhona ndji, mai zuvarisiua mouje auhe, kutja i rire ouhatoi koviuana avihe; nu kuzambo ondjandero otji ma ija.
\v 19 Nu ouee kumba ovingundi no va njamisise mo majuva ngo! \v 20 Kumbeje kutja omatauriro uenu aje ha rire ouo ku pepera poo ue juva ro Sabata: \v 21 Orondu ma kuje ku kara ombamisiro onene, ndji hina ja karere ko okuza kombutiro jo uje nga ku nai, kako, nu ndji hina maa ije ku kara ko rukuao. \v 22 Andaku omajuva ingo kaje susuparisirue, katja pe kara onjama ndji mai jamua: nu mena ro vatoororua omajuva ingo majee ku susuparisiua.
\v 29 Nu tjimanga, kombunda jombamisiro jomajuva ngo, ejuva mari zorerisiua, nu omueze au ha jandja ondjerera jao, nozonjose kejuru azeu, nu omasa uomajuru aje njinganjingisiua.
\v 30 Okutja indino mapeje ku munika otjisanekero tjomuna uomundu mejuru.nu omihoko avihe kombanda jehi mavije ku ura, novio mavije ku muna Omuna uomundu ameja movikamba viejuru no masa noujere ounene. \v 31 Eje ma hinda ovaengeri ve no mbosiro onene johiva, nu maveje ku uongera kumue ovatoororua ve okuza kozombepo mbepo ine, okuza komaandero jemue uejuru okujenda komakuao.