\v 4 Pitasmawá askén ekayó pita õshkrí, to kamu'leryó ne onniyó. Ima tõ'kén tishki to Cristoma ta ishtakiraska to onniapishkerñá a tús gloria e'ró. Tõ'kén pitaswá tõ'wá tarteshkapirií i weika chaparñá. \v 5 Akẽsh pitasmawá atauwã'bri to ekayó onni a0ka tishkiyó, pitaswá tõ'kén tauwãhapiwa to waka tishkerpiché.
\v 12 I'ka akẽshma tis tus nautiwãwĩ to onnama pipeshkaoñaro onnateshkuaró akenkauwá ña weshkupiwaró to eñachaparrõ. \v 13 Pipesh kaorina nauwá kawishkuwarú to ñawarkiró, to katún ishkakén eña ishbaturó. Akãro pamawa hauwãwĩ to Patatishtañaró, inken to onlerma ké inkatãma ke chilerwá. Patatishtaró pipeshkaoma tõ'ñaró wishkuwãwi to akatún ishkakén eñaripiró. \v 14 Pamawã ho ñahuwãwĩ to ñawarkiro pañawã a ayá a a'tipiró. I'ka akẽshma to ley ma awa'ña a akutuwãwĩ inkatãma to kaparyoí.
\v 19 Arwã kén tas kapashkawá tapesh kaó mei mei takiwarikiá. I'ka tõ'kema pamawá pipesh kaoró karchiwishkiñawĩ esclavos kén to eñatãrí to warkuarí, inkatãma akenkií pipeshkaoro achiwishkiñawĩ, esclavoskén to eñariró eñatishkupiwáro. \v 20 I'ka akẽsh pamawá esclavosriñawĩ to ñawarkiriró, pamawã ké tayokriñawĩ to eñariró. \v 21 To kekerimá, ¿Inkén narisa pi to yas pénwaró inkatãma ishpikiwãwĩ? Akãro to warkuate'kuama i yasma onnaro te'kuá.
\c 7 \v 1 ¿ O pamawa aritutiwãwĩ, arkiwas (inkén tas kapashkaishkawá to pesh wriha to ley ari'leró), to ley ma pitawakuá pesh wriha atewata chileraska?
\v 6 Akãro inkatama ke tayo' aspe weparwá to leyná, untasmawá ké ombrí to pitakuã akuariro. Ima en ishkapirií to Akuansa Sewãná, i kakorskama sane'staripiri.
\v 7 ¿ Iró ñahapisá akashkuá untasmawá? ¿To ley ma ñawarkití? Ima tõ'kenatãripé. Akema tasma chẽ piri'tãrií to ñawarkiná, ima ima ley ñaripirií. Akãro atewatá ara tẽsh pikiuma to ley ti'piki'timá: "HÓ CHAENKAUTI". \v 8 Akãro to ñawarkima, toki sukuhí to ñaweshkatu'neiró akẽsh kri eña takacheí tasñá. I'ka to ley yo tãma, to ñawarkima ke onni.
\v 11 I'ka akẽsh to ñawarkima, tokí sukuhí to kakorskariñá ima tarkasehí. Kakorska tu'neriñaí onnarí. \v 12 Akãró to ley ma eñaí, to kakorska tu'nerima ima eñai, yasti eñá.
\v 15 Akẽsh tas iró ishkama, yar chaen kaama ari'tawã akẽsh tas iró ishpama, tasña ka'tawã, iró chaenka'tama, tõ'rish kaawá. \v 16 AKãró tổ'ró ishkama ichishchama taki'tuwã, tasma to ley yo yar aakawá, i ke to ley ma eñaí.
\v 19 Akẽsh to eñama to'rishkama tasma ka'tawã, akãró to warkuama tas chẽ taratãhĩ ishparó tõ'mataska'awá. \v 20 Inkatama, tas ishkamá to ka'tapama akashkuá tasma tanhí taña ishkuakena, i'ka akẽshma wê warkuama tasña chuwa. \v 21 Tas artapukawá, akashkuá, i ki'ma tasña tas ishparishkamá eñaí, akãró to warkuama atewatá tasñá a akuá.