Mon Apr 29 2024 15:47:12 GMT-0600 (Central Standard Time)

04/title.txt

@@ -0,0 +1 @@
+Capítulo 4

05/01.txt

@@ -0,0 +1 @@
+\c 5 \v 1 I'kahkesma arwã as apima Ananiasrí, akawama Safirarií, kúkro krahpo' kií u'chehí. \v 2 Ekama tawarki a ohya to' u'chehí (To' akawawá arihí), pe'ki krahpo' tuki to' apóstoles atahya.

05/03.txt

@@ -0,0 +1 @@
+\v 3 Akes Pedroma ti'kí: "Ananías, ¿Inke amaisaraya umusti pi turusa ama arka sepiro to' akuansa eñaro y tawarkupiro ahrakí to' kúk ã ohyo? \v 4 Ama tis awakí u'chahtaharí, ¿Inke pape tahrí? Akesma u'chaharí, ¿Akes papetahri? ¿Inke ameshkurisa a pirusa to' yasrí? Pama arkasautirí arwaró, ama Patatishtaro". \v 5 Weshk añahro, Ananiasma ta ẽhí a uhro nei a onna apistirí. Aka ti' a'ka as kaka te'ki to' weshkriro. \v 6 Ye' erwama te'borí awakiñá, armukera, akarpishkera arahnaya pa oshkri.

05/07.txt

@@ -0,0 +1 @@
+\v 7 Tiki'ma ã amén akawawa tokí, arihtiri iro ishkri inkana. \v 8 Pedroma ti'ki ekaro. "Ta' takaú pahí to' ku' u'cherí to'kenki' u'cherí". Eka ñehí: "Ama, akenarí".

05/09.txt

@@ -0,0 +1 @@
+\v 9 Akes Pedroma ti'ki: "¿Inkaskí pawahí wartapehí tukuriwasa Patatishta akuansahí? Chausá to' Peshtahya oshkrí to' pi arwãrií kusapaña a akri, ekaya pi'kaspaskerpe pahí". \v 10 Eka waripe ehí atahña, a úh onni a pistirí, ye' erwãma tokrí chelerma onnirí, ekaya a kar pishkera aranaya pa oshkrí ekawa to' a arwã abriñá. \v 11 Akati' a'ka as te'kí to' krihro a Iglesiawá, ama krihro to' weskrí a yas.

05/12.txt

@@ -0,0 +1 @@
+\v 12 We'rí to' señaleswa eñape ki'lerurí to' Peshya a apóstoles asawaña. Ekama krihro askenpe a akrí to' pórtico de Salomón. \v 13 Akaskua as chani aka chitirí ahtapún ama asken tishkerpiro ekayo; Akesma, ekalerí pesh tah puñ ma ka ah tishkerurí to' kaaña.

05/14.txt

@@ -0,0 +1 @@
+\v 14 Eyleyas ta' untu' nelerurí a Patatishtaro, wrislerií arwãrí y kortarí. \v 15 Akesma chanáma tah a'kaya akapishkerurí a wãsa a'kah a ye'yarí, a Pedro tu' tesh piya to' ta armu'kuaí te' pita enpiro to' a ekaya. \v 16 Inkakes we' ta uwẽhleruri pesh wris to' ka ãh arwichin chelerurí to' Jerusalénra, chanawa pe'kerurí to' ameshleriwa to' mensara akuansawa, to' krihro en tishkerurí.

05/17.txt

@@ -0,0 +1 @@
+\v 17 To' arwã sumo sacerdote ta ishtakí, to' krihro a akri ekayo (Talera'sa to' Saduceos) Katiwaro umustrí. \v 18 Asawaro akastokrí to' Apóstoles, katukrí to' kao akatishkaya.

05/19.txt

@@ -0,0 +1 @@
+\v 19 A to' kakaña ángel del Señor asrí to' kao akatishka aprihí akosaparo arahnaya kawaskí, y ñehí: \v 20 Nauwa a akuwa to' tempoya kapashkuwa to' pesh yo añahá krihro chaparí". \v 21 Inkakes eka weshkriche tohí, ekama tokrií temploya kis ke arahki pe'kí anchawĩkrí. To' arwã suma sacerdotema a akrima ekayo te'krí, karihro ta uwehlerpiro to' chuwá krihro akaahí Israelya, ta tunrí kawe'kerpiro apóstolesri to' kao akatishkaí.

05/22.txt

@@ -0,0 +1 @@
+\v 22 Akes pata saáma herií kawaskerti kao akatishkaya, a ekama warki te'kera ka ishkriro: \v 23 "Untasma kawasbarí kaoma akatishenrí chanama kausapaña a akrí, akes untas aprihbarí asa ayama as chaní ka wasbart tiri".

05/24.txt

@@ -0,0 +1 @@
+\v 24 Akes inkitama pita sã' ta a temploña to' principales sacerdotema weshkrí añahro, ekama améshki tawarkrí te'piraní a ekayo, apaspira ñahí. \v 25 Inkakes pesh as te'kí ti'kakí: "To' arwã ka tukrí a kaoña a aka ishkrí temploña kahchawishkera a akri ka ahya".

05/26.txt

@@ -0,0 +1 @@
+\v 26 Akaro to' capitanma neí oficiales yo, wartapehí kawe'kí ama warkuayoma oh', ekama akati'lerurí peshro sa yo karka tehlerpiro. \v 27 Eka kawe'kriche, katukrí awakiña a sumo sacerdotema karka peí, \v 28 Ti'kakií: "Untasma yaro ta'pika pawãwĩ kahchawĩshkertipiro to' apinyo, pawahí piñahyo umuskiñawĩ to' Jerusalén yo akahcha wĩkiñawĩ, ama pe' ishkiñawĩ to' arwã unta ayá".

05/29.txt

@@ -0,0 +1 @@
+\v 29 A Pedro apóstolesma ñehrí: "Ama yat weshka eñaro Patatishtaro akaskua arwãmá oh. \v 30 Ekaí Patatishtama unta tús ishpaki Jesusro, ataro pawahí amaskri, pehña tukrí. \v 31 Patatishtaya a'ka kí asawa eñayo a principeí to' arwarpiro, akesma ameshkerpe to' Israel hí, nau kapaú a warkua ishkí. \v 32 Untasbaró arihbama yas, akes akuansa eñawá, a to' Patatishta kawishkí tuyalera añah weshkeri".

05/33.txt

@@ -0,0 +1 @@
+\v 33 Incherí a to' pesh ata uwehriche a weshkrí to'í ekama akaya ishkrí karmaske piri to' apóstoles lerí. \v 34 Ama Fariseoma a pimá Gamalielrí, kahchiwishta as a leyro, atarisa ama en chelerurí kaã krihro, ta ishtaki ti'kaki pakerpiro to' apóstoles arahnaya akinatis.

05/35.txt

@@ -0,0 +1 @@
+\v 35 Akes ti'kakí to' arwãma: "Israel chatalerí, ama weshkupiwa a pawahí naupiwá ishkupiwa to' peshyo waí. \v 36 Ama kaã ki'wá, to' deudasma ta'ishtakií asken tishpiro ishkí, arwã wrĩha lerí, ukua kahlerí, ata uwehrí. Ekama amaskri, taro añah weshkima ekama nacherí intawartirí. \v 37 Arwã as kristama, Judasrí to' Galileachatarí, censo as taishtaki su'krima kawakí peshtis eka asuke. Ekama amaskrí krihro añah weshkeruri tistis nerií.

05/38.txt

@@ -0,0 +1 @@
+\v 38 Intama ta' kaka awa, teshkera in arwãleri aspe kakasteshkuwa, akesma in ka túnma arwã pecheí, ima akachra' chelertipe. \v 39 Akes Patatishta e'ma pamawá pihta pun pikachiwãwĩ to' akachra'che upiwaí; akesma to' kawaskerpiche. Pamawá anu'ka ishkiñawĩ ama Patatishtayo". Akes ekama nerií.

05/40.txt

@@ -0,0 +1 @@
+\v 40 Inkakes ekama karwahrí to' apóstoleslerí karpishkera ti'kaki'rí kapashkertipiro to' apinma Jesúsro, katuhrí nelerpiro. \v 41 Ekama nerí to' tauwehriña arahrí akes yar kaishkerpiro oysilerí to' apinyo. \v 42 To' ariche ki'krií, atemploña kao kaoya ekama tis ki'lerurí kahchiwĩshkeruri añah wa ñehlerurí Cristo Jesúsyo.

05/title.txt

@@ -0,0 +1 @@
+Capítulo 5

06/01.txt

@@ -0,0 +1 @@
+\c 6 \v 1 A as tarima, inke tawehlerurí to' discípulosro, ñah has chiirí a Griego a Judioyo, inkesrima viudama kacha ishtan kaki'lerurí ã sira kawishkeruriche ã asri.

06/02.txt

@@ -0,0 +1 @@
+\v 2 Akashkua karwahrí a peshwe'lerí to' discípulosya ñehrií: "Ama to' kena tahrí untasma ka'kas teshkarpiro Patatishta añahro to' mesaya kawishkerpiro. \v 3 To'ken, pawahi to' te' akamanasku ta arkiwá, arwã tawah pawayohi, arwã eña, akuansa eña umus rií eyruwa, taro kartukapienkana to' ka tu ishpi ama kachemiro. \v 4 To' untassken, tis naapiwa arñahbara to' ministeriohí añahro".

06/05.txt

@@ -0,0 +1 @@
+\v 5 To' añahma kahrarí ã pesh wris lerí. Akes to' Estebanro akamanaskrí, to' arwãma umusrií a fe yo to' akuansa eña yo, to' Felipema, Prócoro, Timón, Parmenaswá, Nicolaswarí, Prosélito í Antioquía chatalerí. \v 6 A creyentema kawe'kri to' arwãro apóstoles awakiña, tuyalerí to' arñehlerí tukrí peshsawá ã aña ekayo.

06/07.txt

@@ -0,0 +1 @@
+\v 7 Akes Patatishta añahma tawehí; discípulosma we' tishkrí to' extremohí Jerusalénya; a'karí sacerdotewa we'lerí en weshkerurí to' fe hi.

06/08.txt

@@ -0,0 +1 @@
+\v 8 Inkitama ã akrí, umusrí akaparen ahta punyo, ki'warurí a'ka eña chelerurí pesh akeraya. \v 9 Akes ta ishtakrí pesh tis sinagoga chatarí ekapechelerí apima sinagogarí to' Libertos, akes Cireneosri i Alejandrinos rí, Cilicia tislerí Asia chatawa pesh tis aakrí ñah ñaha ishkrí to' Esteban yo.

06/10.txt

@@ -0,0 +1 @@
+\v 10 Ekama ah tapún kakachití ishtakertirí kakachitirí akuansa to' a'kri kapashka ishkriyo. \v 11 Akesma ekayo kakauñawĩsa auhirí arwã tis yo to'ke ta'ka upiro: "Untama weshbarí a Estebanro ñah warkí nehwaruri to' Moiséswa ti'kiwaruri Patatishtarí".

06/12.txt

@@ -0,0 +1 @@
+\v 12 Ekaya kaã uyaro ahtapunki'rí, to' chúwa a'karí ã escribasrí, ekaya ñah ti'kilerurí to' Estebanro, sukuhlera paakrí to' atauwehra achihriya. \v 13 Ekama ñah kasata yas kawe'krií, taya ñehrisa: "In arwãma ñah ñahpe' ishkiakua to' ña' sagrado ley ro. \v 14 Akes weshparwã to' Jesús de Nazaretma ñama akachrache'pe we'ka ka'chepero to Moisés unta ka tu'neiro". \v 15 To' krihro chrei achirií ekayo to' tauwẽhleya cherii pesh wayo ekaya awataparo cherií ángel awatapa'ñenarí.

06/title.txt

@@ -0,0 +1 @@
+Capítulo 6

07/01.txt

@@ -0,0 +1 @@
+\c 7 \v 1 To' arwã sumama ñehi: "¿I yas ma yahró?" \v 2 Estebanma yehí: "Ta arkiwá atusri, ta ñah weshkuwá: to' Patatishta Gloriaró Abraham atusña arapaski to' ekama Mesopotamiaña aaki, te'turi Haránña; \v 3 Ekama ñehi: PI KUKMA TUNNAU PI'WAYÓ AMA CHAUPÉ TO' KUK PICHAWISH PAI.

07/04.txt

@@ -0,0 +1 @@
+\v 4 Ekakes ekama to' kukró tunnei to' Caldeoslerii Haránña chirií: akãnskuá atusma to'ña onni, Patatishtaña pehki in kukña, inkatama pama cauwawi. \v 5 Tisnani wishtiri to' ekaró, to'maho wei pitah tukupii. Ankró ekama ñehwoakri, to' Abraham ayé akachitiiriké atewata, EKAMA WISHPIRI TO' KUKRÓ A ACHIPẼ TO' EKARÓ EKAMA TIKATANI WISHPIRI TO' EKARÓ.

07/06.txt

@@ -0,0 +1 @@
+\v 6 Patatishtama inké tihkiwaruri ekaró: "TO' AKACHIRIÍ CHILERPIRII KUI HAS TO' KUK ATESTAÑA, TO' PESH ACHIHRI TO'ÑA PAKERPIRII TO' KATUISHTARÓ KUI KA UKUA UKUA OYSI KAKI LERPIRI. \v 7 TASMA TAHKAHPA TO' NACIÓNRÓ AKARO TO' MA KATUISHTALERPÉ, PATATISHÑA ÑEHI, E'KAKES EKA APASKERÓ TE'KI TA' ARÑAÑEHLERPÉ I CHAPARYA. \v 8 Ekama Abrahamro wishki to' pacto ishkriró wishki Abrahamró te'ki Isaac atus tishpirõ a awã an kii; Isaacró te'ki Jacobo atus tishki, Jacoboma atus tishki ukua pok patriarcas.

07/09.txt

@@ -0,0 +1 @@
+\v 9 To' patriarcasma ti'kakilerwaakri to' aturusa kakachii a Joséma Egiptoro, aka u'chehri Patatishtama ekayó aakĩ, \v 10 Sukuhi ishpakii to' oysi aakriró, ama wishki asa mañaró to' Faraón, rey to' Egiptori. Akãnskuá Faraónma sa ahtoro kii to' Egiptoña akoo kri' akachiriró.

07/11.txt

@@ -0,0 +1 @@
+\v 11 Ekakes uwa a'kaas te'ki to' Egiptoya Canaányari oysi a'krii untatusró sirama paskertihi. \v 12 Ekakes Jacob weshkuma to' Egiptoña sira chií, ekama tuhii to' kuihki' tu'teshkrikei ama asrií. \v 13 Joséma krih pokrii achei a ekapé pesh arkiyó; to' José aĩma to' Faraónña arihiri.

07/14.txt

@@ -0,0 +1 @@
+\v 14 Joséma wartapehi katuhi pesh arkiró to' Jacob atusró ti'kipiró Egiptoña te'piró, pi a'wa askén krihró, tawa onkileri to' peshma che' aakrii. \v 15 Akãnskuá Jacobma chrei Egiptoña: Akãnski ekama onni, Ekaleri to' kui tukteshkri. \v 16 Ekama siquemña kawarkri ama ohskayá katunnerí to' Abrahamma kuhii a ohyó to' peshyerwãyó Hamor to' Sikemyó.

07/17.txt

@@ -0,0 +1 @@
+\v 17 Akanski to' añah kuih ñehichẽ erña te'kuarurií, to' Patatishtaña ti'kiwaakri Abrahamró, to' kaama tawehi a'katishkuarurií to' Egiptoña. \v 18 To' rey as ishtakuachẽ to' Egiptoña, rey os arihtururi to' José abriña. \v 19 To' rey anchiró a kaoró karkasei kahsukapashkri to' kuih tukteshkriró ama tapurarurií, ekama ñehlerpirurií to' infanteró akati'lera awakerurií to' ekai chilerpiró.

07/22.txt

@@ -0,0 +1 @@
+\v 22 Moisésma arwã eñari to' krih kachiwishkeruri Egipcioleri; ekama tapunnari to' ñehwaruri. \v 23 Akaró eka erña kuakri ka ukua akachiri, aturusaña te'ki pesh arkiña kachembiro, Israel ayerwaleri. \v 24 To' Israelitaró kachei ñahwarki ñehlerurií Moisésña en kakii to'yaró venga kii ekaró to' ñaroo amaskii Egipcioró. \v 25 Ekama amenshki pesh arkiró añah weshkrima Patatishta asawayó kasukuhi, akariké che' weshkertururií.

07/26.txt

@@ -0,0 +1 @@
+\v 26 Akãnshkuá arahkiwá eka te'kii Israelitatisyó to' ekama ñahwarki ti akaishkri, ekama ameshki katukii; ekayó en achilerpiró: Ekama ñehi: Señores, pawai arkilerwá; ¿Irish ataskersa as akualerwá? \v 27 Taró warkuakiima to' a'waró, arasnki ti'kií: ¿TAÑA PISÃHA'TAKIISA JUEZRI UNTAS ABRIÑÁ? \v 28 ¿TA' MASKUPITI PAI, INKANSHKI AMASKURISA EGIPCIO KECHÃ?

07/29.txt

@@ -0,0 +1 @@
+\v 29 Moisésma arõ weshki trakií; ekama kuk akua tishki Madián akukña, ekama te'ki atus añerwa pok ki'piró. \v 30 Ekakes ka ukua tuk teshkuaakri, ángel as arapaskii to' Sinai wahaña, ten wa sehwaké to' penña.

07/31.txt

@@ -0,0 +1 @@
+\v 31 Ekakes Moisésma to' tenwaro cheĩ ahraritihskí to' chewarurii, to' ekama erña tishkuarurii chembiró to' Señor añahro ñehi: \v 32 TASMA PATATISHTA ATUSRAWÁ, ABRAHAM PATATISHTARAWÁ, ISAACRI, JACOBWÁ. Moisésma taminihi to' ma chaishtan kiwarurií.

07/33.txt

@@ -0,0 +1 @@
+\v 33 To' Señorma ti'kii ekaró: PI SANDARIARP ARABARKÚ, AKARO TO' KUK AAKURIYAHMA SANTOI. \v 34 AKARO TASMA CHAARI TO' CHAAÑAMA OYSILERWÁ TO' EGITOÑA AAKI; TASMA WESHKARI ARÑEHII, TASMA TE'KA ENKAKAARI; INKATAMA TE'KÚ; TASMA PITUNPA TO' EGIPTOÑA.

07/35.txt

@@ -0,0 +1 @@
+\v 35 To' Moisésma, to' ahleri sukuhlertihi to' ti'kirichẽ: ¿TA{A PISÃAHTA PIKIISA JUEZWÁ? Ekama to' ahrii Patatishta tuhi pesã ahtaké eña kakipiró. Patatishtaña tuhi to' ángel asawayó pen sehwá arapaskiña. \v 36 Moisésña kawaki Egipto arahnaña ama toahleri, ache'riri chana en kakiwarichẽ to' Egiptoña to' asa pawañari, ichituña ama kui ka ukuari. \v 37 To' anchi Moisésró Israel ñehi: PATATISHTAMA PROFETA AS ISHPAHPÉ PAPE'ROWÁ, TO' PESH ARKI KÉ, TAS PROFETAKÉ.

07/38.txt

@@ -0,0 +1 @@
+\v 38 I arwari to' asambreaña aaki i chituña to' ángelyó to'ña kapashki ekaró to' waha Sinaiña. I arwãrii to' kui teshkiyó achi'rii; i arwãró to' sukuhi ña yarhí untawishpiró untassi. \v 39 I arwãrii to' kuih tukteshkrii añah che'weshkertihi; ekaña tispeshkrii eka pelerií, to' peshturusaña wartapehi Egiptoña te'krii. \v 40 Ki'riche'ririi Aarón ti'kiri: PATATISHTAKÉ UNTAKAU PITAWAKERPIRÓ, TO' A MOISÉSKÉ, TO'ÑA UNTAWAKI EGIPTO KUK ARAHNAÑA, EYBARTUWÃ IRO KIWÁ.

07/41.txt

@@ -0,0 +1 @@
+\v 41 To'kenai, ache'rii peshwakuá akarwaas ki'ri pe'kera amaskri to' sikiró, ekama arari tishkri to' pesawayó katuiskriró. \v 42 Patatishta tisteshki kawishki to' piriwaró arñehlerpiro; to' kakoska achihiké to' profeta awikaké: ¿AKEMA TI'TAKIRI PAWAO PESHWAKUÁ ANNILERI KAKIRICHE'MA KUI KA UKUARII TO' KUK I CHITUÑA, ISRAEL AKAOI?

07/43.txt

@@ -0,0 +1 @@
+\v 43 PAMA SUKUHLERI MOLOC AKAORI PATATISHTA PIRIWAI RENFAN TO' KARWA PA KI'RIÍ ARÑEHLERPIRÓ, TASMA KAWAPA BABILONIA ATESÑA.

07/44.txt

@@ -0,0 +1 @@
+\v 44 To' kui tukteshkrii to' kaoro kuaakri añah kuk ichituña, Patatishta tuhiké to' eka Moisés ti'kiiké, eka ki'piriké to' arwã ahka kawishkuaké eka kachewaakri. \v 45 Ima i tiendai to' kui tukteshkriké, asu vez, kukña pe'krii Josuéyó. Ima tukteshki eka suku'ri to' kua uya yé Patatishta katuhii to' kui awakiña tukteshkri. Ima inkenari to' Davidrichẽ, \v 46 tayo paskisa Patatishta awai, ekama kapei kao as to' Patatishta Jacob eró.

07/47.txt

@@ -0,0 +1 @@
+\v 47 To' Salomónma kao as kii Patatishtaeró. \v 48 Akãnshkuá, to' kaohma chituwa kao asawayó kaai; ima inkenai to' profeta ñehwaké: \v 49 TO' PIRIMA TA' ACHAHAI, TO' KUKMA TATAH TUKAI. ¿KAO PIKEÑARO UNTA KAU PAWAI? To' Señorña ñehwá: ¿PIÑAAKISA TAS NE AAKPAÑA? \v 50 ¿TASAWAÑA KI'TIHI TO' KRIH YASSI?

07/51.txt

@@ -0,0 +1 @@
+\v 51 Pama en tahterwá incircuncisos peshturusã asuntapakri, akema pama tapuniawi kuansa eñaró; pama to' kuih teshkriké ishkiñawí to' ké. \v 52 ¿To' profetama karachilertihii to' kui tukteshkrike? \v 53 Ama parerii sukuhrii to' ley ró ángeles ishkriró, akema pawai en kilertií".

07/54.txt

@@ -0,0 +1 @@
+\v 54 Akãnshkuá to' pesh atawehiachirii i yasra weshkrii, kaahña pesh ki'ro aranurui to' Esteban rish. \v 55 Akaro ekama, akuansa eñaro umustaruri, to' piriña chei gloria de Diosro chei; ekama Jesúsro chei aaka ishki Patatishta akra atesn eñaña. \v 56 Estebanma ñehi: "Chauwã, tasma piri apriharo chaawá, to' arwã ayerwama aaki Patatishta akra eña ña".

07/57.txt

@@ -0,0 +1 @@
+\v 57 Akaró to' pesh atawehiachi'riña to' yasró weshkrii pe suntapa'ri asken nerii to eka achihiña. \v 58 Ekama kãa uya arahnaña ache'rii sayó arkate'rii; to' arwã ey lerma peshkobaro anuhrii to' peshta'ña to' ye erwãma Saulori api.

07/59.txt

@@ -0,0 +1 @@
+\v 59 Ekakes sãyó arkate'rurii Esteban ró, ekama Patatishtaro kape'wãrurii ñehi: "Señor Jesús, ta kuansa sukuhú". \v 60 Ekama arrodillaki añah a'ka wahnii: "Señor i warkuama sukuhuti eka ta'yó". Akaro eka ñehi iró ama õki.

07/title.txt

@@ -0,0 +1 @@
+Capítulo 7

08/01.txt

@@ -0,0 +1 @@
+\c 8 \v 1 Sauloma ke eyrurii onpirii. Ekakes to'chẽ ki'rii a'ka ki'riró to' pesh Jerusalén achi'riña; to' creyentema krihró achi'riró to' región Judea Samaria, to' apóstolesyó. \v 2 To' arwai onshkri Estebanró akahnera a'ka ishkri ekarish. \v 3 To' Sauloma warkuá a'ka as ishki a iglesiaró; ekama kao kao tokuarurií to' arwaro arahnaña kapichi'waruri kortarí' to' kaoña ka katishki kasakuarurii.

08/04.txt

@@ -0,0 +1 @@
+\v 4 Akãnskuá to' creyente kaki'riwaakri, to' añahró ñehinelerurií. \v 5 Felipema to' kaauyá Samaria awakriña Cristo añahró ti'kakiwarurií.

08/06.txt

@@ -0,0 +1 @@
+\v 6 Ekakes to' pesh wrihalerii weshkera chelerurii to' Felipe ishkuaruriró, eka asken weshkerurii to' eka ñehwaruriró. \v 7 Akaro to' peshwrihaña kakueia ke rurii, kuansa warkuá apaskerurii arahnaña akãnshki wahlerurii ñah a'kari; pesh archanawá wriha tis achi'lertukeñawá en tishkerurii. \v 8 To' kaãuyayama we' arari chilerurii.

08/09.txt

@@ -0,0 +1 @@
+\v 9 To'kariki kaãuyayama arwã che' chilertururií Simón, rii api, to'yarii ki'ri brujeria ishkuaakri; ekama to' Samaria chataro warkuá kakiwarurii, akanshki kape'wãrurií pesh eña tishpirõ. \v 10 To' Samatiranos krihró, a ye' tisri a'karí a ekaro añahweshkerurí. Ekama ñehlerurií: "I arwãma Patatishta tapunwaí ar wahlera a'kaí". \v 11 Ekama weshkerurí akaro to'ma warkuá kakiwa akirí a ki'rí eka a brujeriayó.

08/12.txt

@@ -0,0 +1 @@
+\v 12 Ekakes eka wechenkilerma to' Felipe ñehwarurií a evangelioró to'ma Patatishta Reinoi Jesucristo apinró, ekama ta munhrií, to' arwã kortari. \v 13 To' Simónwá weshkii a taminhiché. Ekama newãrurií to' Felipeyó akuachẽ; eka chewarurii to' katun a'ka kiwaró, ekama cha'ti tawarkií.

08/14.txt

@@ -0,0 +1 @@
+\v 14 Inkatama to' apóstoles a Jerusalénña, Samariaña weshkri Patatishta añahró weshkriwaokri, ekama to' Pedro, Juanri katuhriwaakri. \v 15 Ekakes eka katuhrichẽ, arñehrií ekayowá, eka to' kuansa eñaró suku'lerpiró. \v 16 To' chẽriche'ma to' kuansa eñama atewata te'tuwaakri ekayo chani; ekapero tamuhriwaakri to' Señor Jesús apinyó. \v 17 Ekakes to' Pedro, Juanri pesawaró tukrii ekaña, Ekama Kuansa eñaro suku'ri.

08/18.txt

@@ -0,0 +1 @@
+\v 18 Akãnshkuá, Simón chei akuansa eñai wishkri to' apóstoles asawá ki'riró, ekama ti'kakiwaakri kawishpiri a ohró. \v 19 Ekama ñehi: "To' pitapunró tahú, ekakes tasawá tukama, tis sukuhlerpé to' Akuansa Eñaró".

08/20.txt

@@ -0,0 +1 @@
+\v 20 Akanshkua Pedroma ti'kií: "To' platao asken aahpé payó, pama amenshkuri kuaakupirí Patatishta a donró to aohyó. \v 21 Pama tisnani añah pikachitipé i aakiña, piturusama yesti tahi Patatishtayó. \v 22 Akẽsma, inkitama ishkuti pi warkuarish, Patatishtaro arñahu, ekama to' warkua ishkiro pirpeshpiro piturusã ishkiro. \v 23 Tasma pichaawá warkua toknaya akurí to' akamewama istikari to' warkuayó".

08/24.txt

@@ -0,0 +1 @@
+\v 24 Simón ma wartapehí ñehí: "Arñahuwá a Señor tas rish, i yassi tisnani to' pawai ñehriwaakri kautiiwá tas rish".

08/25.txt

@@ -0,0 +1 @@
+\v 25 To' Pedro, Pabloma ñehriwaakri to' Señor añahró, ekama wartapehí te'krii Jerusalénña. A tahnewãña ekama ñehleruri to' evangelioró a krihró a Samaritanosyó.

08/26.txt

@@ -0,0 +1 @@
+\v 26 Ekakes Patatishta ángel as Felipero ti'kií: "Ishtaku chaũ pi wa ateske kaú to' Gazama tah newama to' Jerusalénke newá". (I tah newama to' kuk ĩ chituya chuwá). \v 27 Ekama ishtaki nei. Iña, arwã as chií Etiopía chatari, eunuco as chreí atapunyó Candance, ama reina Etiopesrií. Ekama cheĩ akuarurí to' tesoros krihro. Ekama to' Jerusalényá te'kuá akri arnehpiró. \v 28 Ekama wartapehí achihi te'ki a carruajeyá to' va a weshki achihi to' profeta Isaíasró.

08/29.txt

@@ -0,0 +1 @@
+\v 29 To' kuansama ti'kii Feliperó: "Ataya chau carro abriña neakú". \v 30 Ekakes Felipema ohi nei eka aakiña, to' profeta Isaías aweshki weshki, ñehi: "¿Weshkiyá to' aweshkiaki?" \v 31 To' Etiopema ñehi: "¿Inkãnshka ishka, asia untachawishkipapé?" Ekama Feliperó ti'kii aaki tawehpiró carroña ekayó chreachihiachi'piró.

08/32.txt

@@ -0,0 +1 @@
+\v 32 Akanshkua to' kakoskaró achihi ã Etiopema aweshkiaakuama iñahyarii: "EKAMA TO' OVEJAKÉ PAKRII AMASKERPIRÓ; TO' CORDERO AWIKIÑA ASA US TASTAKÉ KATIHTISHKI, EKAMA ASAPA APRIHTIHI. \v 33 TO' AYE TISHKIÑA, A JUICIOMA TISPESHKI: ¿TAÑA ÑEHPISA TO' TAWEHINELERI? AKARO TO' APESHMA TISPESHKARI TO' KUKÑA".

08/34.txt

@@ -0,0 +1 @@
+\v 34 Ekakes enukuma Felipero arkapei ñehi: "Tasma ta'pikaawá, ¿Taro ti'kiwasa to' profetai? ¿Ekaperish, pesh akua as? \v 35 Felipema kii ñehi; Ekama ĩ kakoskayó kii Isaíasña ne ti' kakipiro Jesús añahró.

08/36.txt

@@ -0,0 +1 @@
+\v 36 Akanskua eka ata ta'ña nelerma, ekama aso chẽ chituña neborii; eunucoma ñehi: "Te' chauwã ñahma asa chui, ¿Tasma ta muhishtakiwá? \v 37 Felipema ñehi: "Pama añah weshkima piturusã krihró, pama yar tamuhupé". To' Etíopema wartapehi nehi: "Tasma yar arihawá to' Jesucristoma Patatishta ayerwai". \v 38 Ekakes to' Etíopema ti'kakii kueiaakerpiró to' carruaje. Ekama to' asoña tamuhrii Felipé, eunucori, to' Felipeña kamuhii.

08/39.txt

@@ -0,0 +1 @@
+\v 39 Ekakes ekai asaña chii apaskerma, to' Señor akuansa ma Felipero pakí, to' eunucoi kresh chei to' ta'ña nei arari nei. \v 40 Akãnshkuá Felipema Azoto apaski. Ekama to' regiónña tu'teshki Evangelio añahro ñehi kãauya krihró, to'ma Cesareaña neboni.

08/title.txt

@@ -0,0 +1 @@
+Capítulo 8

manifest.json

@@ -1,9 +1,9 @@
 {
-	"package_version": 6,
+	"package_version": 7,
 	"format": "usfm",
 	"generator": {
 		"name": "ts-desktop",
-		"build": "402"
+		"build": "543"
 	},
 	"target_language": {
 		"id": "pay",
@@ -66,6 +66,70 @@
 		"03-17",
 		"03-19",
 		"03-21",
-		"03-24"
+		"03-24",
+		"04-title",
+		"05-title",
+		"05-01",
+		"05-03",
+		"05-07",
+		"05-09",
+		"05-12",
+		"05-14",
+		"05-17",
+		"05-19",
+		"05-22",
+		"05-24",
+		"05-26",
+		"05-29",
+		"05-33",
+		"05-35",
+		"05-38",
+		"05-40",
+		"06-title",
+		"06-02",
+		"06-05",
+		"06-07",
+		"06-08",
+		"06-10",
+		"06-12",
+		"07-title",
+		"07-01",
+		"07-04",
+		"07-06",
+		"07-09",
+		"07-11",
+		"07-14",
+		"07-17",
+		"07-22",
+		"07-26",
+		"07-29",
+		"07-31",
+		"07-33",
+		"07-35",
+		"07-38",
+		"07-41",
+		"07-43",
+		"07-44",
+		"07-47",
+		"07-54",
+		"07-57",
+		"07-59",
+		"08-title",
+		"08-01",
+		"08-04",
+		"08-06",
+		"08-09",
+		"08-12",
+		"08-14",
+		"08-18",
+		"08-20",
+		"08-24",
+		"08-25",
+		"08-26",
+		"08-29",
+		"08-32",
+		"08-34",
+		"08-36",
+		"08-39"
 	]
 }