pid_ezk_text_reg/44/10.txt

\v 10 Ja̧'hua̧nö̧ ja̧'a̧nä̧'i̧nä̧ Levittö̧ja̧mä̧ ttöttömä kä̧'i̧pä̧chi̧nä̧tö̧, oto juo'ächinätö̧, a̧mo̧nä̧ tto̧ä̧nä̧hua̧'canä ucuotö tti̧'cha̧'a̧ttö̧, ja̧'hua̧nö̧ ja̧'a̧ttö̧ suronä jȩttö̧tä̧ ttimitähuäcuotö. \v 11 Jahuätömä ttö chö̧jode adicuä isotö jö̧'a̧nbä̧ huotö, isode do'ächäcuähuome tta̧ttä̧rä̧cuo̧tö̧ ja̧'hua̧ta̧'a̧nö̧ isode jähuä'inä aditätö ja'huatötä jä̧cua̧'a̧ i̧sa̧rö̧ cuä'ö ku icuähuome ttö̧ja̧rö̧ ppättädäcuotömä, jahuätötä jä̧cua̧'a̧ ttö̧ja̧ ttä'cä jo̧mȩ kä̧nö̧ ppättädäcuotömä. \v 12 Ja̧'hua̧nö̧ ja̧'a̧nä̧ jitötä a̧mo̧nä̧ tö̧ä̧nä̧huä̧'canä i̧sa̧rö̧ ku'icu ttiyö'china'a̧ttö̧, jahuätömä inähuä tto'epö ma̧tta̧ pä'ö jä̧'i̧nö̧'a̧nö̧tä̧ huotö Israel ttö̧ja̧ ttä'cattömä. Ja̧'hua̧nä̧ ja̧'a̧ttö̧ TTÖ chu̧mu̧ cä̧dȩpä̧cua̧sä̧ ji̧yȩtȩ pä'ö chu̧ju̧na pä'ö jahuätö ttä'ca jo̧mȩttö̧, ja̧'hui̧a̧nö̧tä̧ pä'ö TÖ̧Ä̧NÄ̧HUA̧ Diosmä̧, jahuätömä ro̧ȩcuä̧ ttȩmä̧cuo̧tö̧.