Sat Apr 06 2024 13:18:06 GMT-0600 (hora estándar central)

01/01.txt

@@ -0,0 +1 @@
+\v 1 Acab hua'ö icuinö o'co'a Moabmä Israel ttö̧ja̧cu̧ örohuähua pä'ö amocuädinödo. \v 2 Ja̧hua̧nö̧ ja̧'a̧nä̧ Ocozíasmä Samaria'ra̧'a̧ kode ojusodettö ä̧'o̧ca huä̧mȩttö̧ päte'önä toäcuähuatenä mo̧'ä̧chi̧nö̧ idepänä rö̧ä̧nä̧ toe'önä. Ja̧hua̧nö̧ jä̧cu̧ huȩnȩ jiäcuähuä ttö̧ja̧rö̧ hue'ö kä̧nö̧, jahuätörö pä'inö: "'Chä̧nö̧ jä'epäjätucui Ecrón ötahuiyä ttö̧ja̧ ttö̧ä̧nä̧hua̧ dios Baal Zebubrö, pi̧yȩ na̧dä̧chö̧ttö̧ chö̧'i̧pä̧cua̧'a̧ ja̧ pä'ö."

01/03.txt

@@ -0,0 +1 @@
+\v 3 Ja̧jua̧nö̧ ja̧'a̧ Dios huȩ'ä̧hua̧ Angel'i̧sa̧ ucuocu pä'inö Elías tisbita ttö̧ja̧ i̧sa̧rö̧: Samaria ttö̧ja̧ ttu̧ru̧hua̧ huȩä̧jä̧u̧ru̧ cu̧'o̧cui̧'a̧ ä̧rä̧mi̧'ö̧ täi, jahuätörö jäcuepaja: '¿Israel ttö̧ja̧ tti̧rȩjä̧nä̧ Diosmä toa'a tä̧ji̧, Ecron ttö̧ja̧ ttö̧ä̧nä̧hua̧ dios Baal Zebub'rötä jä'epö cui̧'chä̧tu̧cu̧nä̧? \v 4 Ja̧hua̧nö̧ ja̧'a̧nä̧ pa̧'a̧nö̧ pä'äji chu̧ru̧hua̧ Diosmä: "Cu̧'ä̧ppä̧ttö̧mä̧ ucumä cuä̧rä̧mi̧yä̧cua̧jä̧, ja̧hua̧nö̧ jo̧ca̧'a̧ juhuorötä hua'ö cuicuome jobö." Ja̧hua̧nö̧ pä'ipötä Elíasmä i̧hui̧nö̧.

01/05.txt

@@ -0,0 +1 @@
+\v 5 Hue'ähuotö päjätö ru̧hua̧ ö̧ja̧'a̧cu̧ ppa̧ttä̧cho̧mȩnä̧, jä'epö ä̧ju̧cui̧nä̧u̧: ¿Tta̧'a̧nö̧ pä'ö ppa̧cu̧huä̧chä̧tu̧cuä̧ttö̧? \v 6 Jahuätö ädätö pättinä̧cu̧: "Ya̧tȩ Dios u̧mu̧huä̧ya̧ ujuturu po̧cui̧pö̧ pa̧'a̧nö̧ pä̧ä̧u̧jä̧: Tätucui jahuata'anö hue'äji ru̧hua̧rö̧tä ppa̧'ä̧chö̧ pa̧'a̧nö̧ ji'ähuätucuirö: "Diosmä pa̧'a̧nö̧ pä'äji pä'ö: ¿Israel rȩjȩnä̧mä̧ Dios toa'a tä̧ji̧, Ecrom ttö̧ja̧ ttö̧ä̧nä̧hua̧ dios Baal Zebub'rötä jättepiyacu pä'ö huecunä? Ja̧hua̧nö̧ ja̧'a̧nä̧ cu̧'ä̧ppä̧nä̧ cu̧'o̧mȩttö̧mä̧ cuä̧rä̧mi̧yä̧cua̧jä̧, iso päi'önä̧ ju̧huä̧ppä̧nä̧ cu̧'o̧mȩttö̧tä̧ hua'ö cui̧cuä̧cua̧jä̧."

01/07.txt

@@ -0,0 +1 @@
+\v 7 Ja̧hua̧nö̧ ja̧'a̧ ja̧u̧ ru̧hua̧ pä̧i̧nä̧u̧: "¿Tta̧'a̧nö̧ hua̧ ja̧'a̧cuä̧ttö̧ ja̧u̧ Dios u̧mu̧huä̧ya̧ tocu'äjätucuäcumä,  ucuturu pö̧cui̧pö̧ i̧mi̧cu̧nä̧ jö̧ huȩnȩ ji'ähuäjimä?" \v 8 Ja̧hua̧nö̧ pä̧u̧ jahuätö ttädätinä̧cu̧: "Ja̧u̧ Dios u̧mu̧huä̧ya̧mä̧ i̧sa̧ uhuo'chettö adicua'a 'ca̧tä̧huä̧ji̧, juhua'a jö̧ ta̧'a̧nö̧ äcänä kärocuächönä i̧sa̧ i̧jȩta̧ttö̧ adicua'a rö̧nä̧rä̧ji̧ jö̧nä̧." Ja̧hua̧nö̧ pättäcu ru̧hua̧ ädätinä̧u̧: "Ja̧u̧mä̧ Elías tisbita ttö̧ja̧'i̧sa̧ ja̧'a̧."

01/09.txt

@@ -0,0 +1 @@
+\v 9 Ja̧u̧nu̧ o'ca'a ru̧hua̧mä̧ hue'inö su̧ro̧da̧u̧ ttu̧ru̧hua̧rö̧'i̧nä̧, u̧mu̧huäyotö 50nö huotöcu Elías ö̧ja̧'a tti̧'cha̧ pä'ö. Ja̧u̧ su̧ro̧da̧u̧ ttu̧ru̧hua̧mä̧ huä̧mi̧pi̧nö̧ Elías ö̧jo̧mȩ möä'ca ju'tä. Ja̧hua̧nö̧ ja̧'a̧ su̧ro̧da̧u̧ ttu̧ru̧hua̧ pä'inö ja̧u̧ru̧: "Dios u̧mu̧huä̧ya̧, ru̧hua̧mä̧ hue'äji cui̧mȩyȩhua̧ pä'ö." \v 10 Ja̧hua̧nö̧ päcu  Elíasmä ädätö pä'inö su̧ro̧da̧u̧ ttu̧ru̧hua̧rö̧: "Iso päi'önä Dios u̧mu̧huä̧ya̧ chö̧ttömä, ocurä mo̧ro̧jä̧ra̧ttö̧ mȩyȩhui̧'i̧, jahuata'anö 50nö huotö su̧ro̧da̧u̧ru'i̧nä̧, ttu̧ru̧hua̧rö̧'i̧nä̧ cui'i'i." Ja̧hua̧nö̧ päö ji̧yȩnä̧tä̧ ocurä mo̧ro̧jä̧ra̧'a̧ttö̧ mȩyȩhui̧'ö̧ chutä su̧ro̧da̧u̧ ttu̧ru̧hua̧rö̧'i̧nä̧, 50nö huotö u̧mu̧huäyotörö'i̧nä̧ cui'i'ina̧'a̧.

01/11.txt

@@ -0,0 +1 @@
+\v 11 Ja̧hua̧nö̧ ja̧'a̧ ru̧hua̧ Ocozíasmä pä'äji ta̧'a̧nö̧ ppa̧'ä̧dö̧ ka̧ra̧ su̧ro̧da̧u̧ ttu̧ru̧hua̧rö̧ hue'inö u̧mu̧huäyotö 50nö huotöcu Elías ö̧ja̧'a̧ tti̧'cha̧ pä'ö: Ja̧hua̧nö̧ ja̧'a̧ su̧ro̧da̧u̧ ttu̧ru̧hua̧mä̧ ucuocu pä'inö Elíasrö: "Dios u̧mu̧huä̧ya̧, ru̧hua̧mä̧ pa̧'a̧nö̧ pä'äji: 'Jurunä̧nö̧ i̧mȩyȩhuä̧cha̧ ji'ähuätucuirö jö̧nä̧."' \v 12 Ja̧hua̧nö̧ ja̧'a̧ Elías ädätö pä'inö jahuätörö: Iso päi'önä Dios u̧mu̧huä̧ya̧ chöttömä,ocurä mo̧ro̧jä̧ra̧ttö̧ mȩyȩhui̧'i̧, jahuata'anö 50nö huotö su̧ro̧da̧u̧ru̧'i̧nä̧, ttu̧ru̧hua̧rö̧'i̧nä̧ cui'i'i." Ja̧hua̧nö̧ päö ji̧yȩnä̧tä̧ pä'äji ta'anö mo̧ro̧jä̧ra̧'a̧ttö̧ Diosttö ocurä mȩyȩhui̧'ö̧ cui'i'ina̧'a̧ chutä su̧ro̧da̧u̧ ttu̧ru̧hua̧rö̧'i̧nä̧, u̧mu̧huäyotö 50nö huotörö'i̧nä̧.

01/13.txt

@@ -0,0 +1 @@
+\v 13 Ju̧huȩnȩ yabonö ru̧hua̧mä̧ hue'inö huäbodäcuänä päi'önä 50nö huotö su̧ro̧da̧u̧ru̧. Pide su̧ro̧da̧u̧ ttu̧ru̧hua̧mä̧ Elías ö̧jo̧mȩ 'chä̧nö̧ ä'ca jo̧mȩ ihue'quiyunä.pä̧mä̧dö̧ jä'epö pä'inö: "Dios u̧mu̧huä̧ya̧, jädepäcujä, ja̧'a̧tä̧ topi ttö cha̧'cua̧rö̧'i̧nä̧, pitö cu̧mu̧huäyotö 50nö huotö tta̧'cua̧rö̧'i̧nä̧ rö̧ä̧nä̧ adihua pä'ö ucu cuä'ca jo̧mȩttö̧. \v 14 Iso päi'önä̧tä̧, ocurämä mo̧ro̧jä̧ra̧'a̧ttö̧ mȩyȩhui̧'ö̧ äcuo̧mȩnä̧ ta̧ju̧ru̧ su̧ro̧da̧u̧ tturuhuotörö ttu̧mö̧huäyotöcutä cui'i'ina̧'a̧. Ja̧hua̧nö̧ ja̧'a̧nä̧ jitämä ja̧'a̧tä̧ topi ttö chö̧jö̧ adihua pä'ö ucu cuä'ca jo̧mȩttö̧."

01/15.txt

@@ -0,0 +1 @@
+\v 15 Dios u̧mu̧huä̧ya̧ angel i̧sa̧ Elíasrö pä'inö: "Mȩyȩu̧ ja̧u̧cu̧tä̧ täi. Yecuecuä ja̧u̧ru̧mä̧." Ja̧hua̧nö̧ ja̧'a̧ Elíasmä̧ ä̧rä̧mi̧'ö̧ ja̧u̧cu̧ 'chi̧nö̧ ru̧hua̧ ö̧ja̧'a̧cu̧. \v 16 Ja̧hua̧nö̧ ja̧'a̧ Elíasmä Ocozíasrö pä'inö: "Pi̧yȩtä̧ ja̧'a̧ chu̧ru̧hua̧ Dios pääjimä: Baal Zebub Ecron ttö̧ja̧ ttö̧ä̧nä̧hua̧ diosrötä jättepäjiyacu pä'ö huȩnȩ jiäcuähuä ttö̧ja̧rö̧ hue'äjijä. Ja̧hua̧nö̧ ja̧'a̧nä̧, ¿Israel rȩjȩnä̧ Diosmä toa'a tä̧ji̧ ucu jäcuepö'anö hua̧mä̧? Ja̧hua̧nö̧ jȩcu̧'a̧ja̧'a̧ttö̧ cu̧'ä̧ppä̧ttö̧mä̧  cuä̧rä̧mi̧yä̧cua̧jä̧, ja̧hua̧nö̧ jo̧ca̧'a̧ iso päi'önä̧tä̧ ju̧huä̧ppä̧ttö̧tä̧ hua'ö cui̧cuä̧cua̧jä̧."

01/17.txt

@@ -0,0 +1 @@
+\v 17 Ja̧hua̧nö̧ ja̧'a̧ ru̧hua̧ Ocozíasmä Dios Elíasnä ucuocuinö̧ta̧'a̧nö̧tä̧ 'coruju'ächinö. Ocozíasmä i̧tti̧ to'inö. Ja̧hua̧nö̧ ja̧'a̧ttö̧ hueä'ijomemä Joramtä ruhuonä huea pä'ö kä̧mä̧di̧nö̧. Todäre a̧'ȩ päi'ina̧'a̧ Judá ttö̧ja̧ ttu̧ru̧hua̧ Josafat i̧tti̧ Joram huea'amä. \v 18 Ocozías koro jȩi̧nö̧mä̧, ¿huȩyu̧cua̧'a̧ ko̧ca̧'a̧ tä̧ji̧ Israel ttö̧ja̧ tturuhuotö jȩtti̧nö̧ huȩyu̧tu̧ ku̧nä̧huä̧ cuyäru'tänä̧mä̧?

01/title.txt

@@ -0,0 +1 @@
+Capítulo 1

02/01.txt

@@ -0,0 +1 @@
+\v 1 Pa̧'a̧nö̧ ji̧na̧'a̧ tu̧ru̧hua̧ Dios Elíasrö isoppa kärähuoppanä mo̧ro̧jä̧ra̧'a̧ cäepäcua'a ä'canä, Elíasmä 'chi̧nö̧ Eliseocu Gilgalttö rä'opö. \v 2 Elías pä'inö Eliseorö: "Pi̧nȩtä̧ ki̧'i̧pi̧, ttömä chu̧ru̧hua̧ hueäjäcusä Betelra̧'a̧ chi̧'cha̧ pä'ö." Ja̧hua̧nö̧ päcu Eliseo ädätinö: "Iso päi'önä chu̧ru̧hua̧mä̧ kö̧, ucu cu̧jö̧ ta̧'a̧nö̧, ja̧hua̧nö̧ ja̧'a̧nä̧ ucurumä icuipocösä." Ja̧hua̧nö̧ ja̧'a̧ttö̧ ta̧ju̧cuäyotö 'chi̧nätö̧ Betelra̧'a̧.

02/03.txt

@@ -0,0 +1 @@
+\v 3 Dios päji huȩnȩ jiäcuähuä ttö̧ja̧ tti̧tti̧mö̧ ju̧huȩnȩ Betelnä ka̧cuä̧tö̧mä̧ Eliseo ö̧jo̧mȩ 'chä̧nö̧ pa̧'a̧nö̧ pä'inä̧tö̧: "¿Ucumä huo̧jua̧jä̧ tä̧ji̧ jitä pi̧yȩ mo̧ro̧ tu̧ru̧hua̧ Dios ucu cu̧ru̧hua̧rö̧ ȩmi̧pä̧cua̧'a̧mä̧? Ja̧hua̧nö̧ pättäcu Eliseo ädätinö: "A̧'a̧, huo̧jua̧sä̧, ja̧hua̧nö̧ ja̧'a̧nä̧ cucuocuätucuä ja̧u̧ juäimä." \v 4 Elías pä'inö Eliseorö: "Eliseo, pi̧nȩtä̧ ki̧'i̧pi̧, ttömä chu̧ru̧hua̧ hueäjäcusä Jericó'ra̧'a̧ chi̧'cha̧ pä'ö." Ja̧hua̧nö̧ päcu Eliseo ädätinö: "Iso päi'önä chu̧ru̧hua̧mä̧ kö̧, ucu cujö̧ ta̧'a̧nö̧, ja̧hua̧nö̧ ja̧'a̧nä̧ ucurumä icuipocösä." Ja̧hua̧nö̧ ja̧'a̧ttö̧ jahuätö 'chi̧nä̧tö̧ Jericó'ra̧'a̧.

02/05.txt

@@ -0,0 +1 @@
+\v 5 Ja̧hua̧nö̧ ja̧'a̧ Dios päji huȩnȩ jiäcuähuä ttö̧ja̧ tti̧tti̧mö̧ ju̧huä̧nȩ Jericónä̧ ka̧cuä̧tö̧mä̧ Eliseo ö̧jo̧mȩ ichö pä'inätö: "¿Ucumä huo̧jua̧jä̧ tä̧ji̧ jitä pi̧yȩ mo̧ro̧ tu̧ru̧hua̧ Dios ucu cu̧ru̧hua̧rö̧ ȩmi̧pä̧cua̧'a̧mä̧?" Eliseo ädätinö: "A̧'a̧, huo̧jua̧sä̧, ja̧hua̧nö̧ ja̧'a̧nä̧ ja̧u̧ juäimä cucuocuätucuättö päinä̧u̧." \v 6 Ja̧hua̧nö̧ jä̧ji̧ o'ca'a Elías pä'inö̧ Eliseorö:  Pi̧nȩtä̧ ki̧'i̧pi̧, ttömä chu̧ru̧hua̧ hueäjäcusä Jordán'ra̧'a̧ chi̧'cha̧ pä'ö." Ja̧hua̧nö̧ päcu Eliseo adätinö: "Iso päi'önä chu̧ru̧hua̧mä̧ kö̧, ucu cu̧ju̧ta̧'a̧nö̧, ja̧hua̧nö̧ ja̧'a̧nä̧ ucurumä icuipocösä." Ja̧hua̧nö̧ ja̧'a̧ttö̧ ta̧ju̧cuäyotö 'chi̧nä̧tö̧.

02/07.txt

@@ -0,0 +1 @@
+\v 7 Ja̧hua̧nö̧ jä̧ji̧ o'ca'a cincuentanö̧ huotö Dios päji huȩnȩ jiäcuähuä ttö̧ja̧ tti̧tti̧mö̧'i̧nä̧ 'chä̧nö̧ jahuätö ttä'ca jo̧mȩ otonänö ka̧cuä̧mi̧pi̧nä̧tö̧; jahuätö ta̧ju̧ huotö Jordán aje jäyoto ttö̧ja̧cuä̧ma̧'a̧nä̧. \v 8 Elías ö̧'ca̧tä̧huä̧ta̧ huä̧mȩ i̧sä̧ta̧ ȩmo̧po̧'ö̧ to̧rä̧dä̧ji̧'ca̧ ajenä cuä'inö. Ja̧hua̧nö̧ cuäomenä ajemä kä'cotonä 'toi'ina̧'a̧ kara'anä'i̧nä̧, kara'anä'i̧nä̧ jö̧nä̧, ja̧hua̧nö̧ ja̧'a̧ jahuätö ta̧ju̧cuäyotö rȩjȩ aje jo̧ä̧jä̧nä̧ 'cuä'opinätö.

02/09.txt

@@ -0,0 +1 @@
+\v 9 Ja̧hua̧nö̧ 'cuättopäji o'ca'a, Elías pä'inö Eliseorö: "Jä'epittö däje jȩchä̧cua̧'a̧ ja̧ pä'ö ucuttu 'quä̧dȩcuä̧chä̧cua̧'a̧ ä'canä." Ja̧hua̧nö̧ päcu Eliseo ädätinö: "Ucuotönö jädepäcujä cua̧'cua̧ru̧hua̧ ucunä kä̧'i̧ji̧mä̧ ttönä ö̧jä̧mä̧dö̧nä̧ cuiyattö pä'ö." \v 10 Elías ädätinö: "Juiyo 'quiyome päte'ö jäcuepäcusä. Ja̧hua̧nö̧ ja̧'a̧nä̧ iso päi'önä ttömä ucucu chö̧jä̧'i̧jo̧mȩttö̧ 'cä̧di̧pä̧cho̧mȩnä̧, jäcuepäjimä 'cuäopäcua'a, ja̧hua̧nö̧ ja̧'a̧nä̧ jo̧ca̧'a̧ jö̧ttö̧mä̧ ji̧yä̧cua̧'a̧."

02/11.txt

@@ -0,0 +1 @@
+\v 11 Ja̧hua̧nö̧ ucuocuäyotö tti̧'cha̧'a̧nä̧ carucä ocurä cuoäcä cahuayu̧tu̧ dottäcä i̧jȩcuä̧chi̧na̧'a̧, ja̧hua̧nö̧ päi'omȩnä̧ ta̧ju̧cuäyotö ttö̧ja̧cuä̧'i̧jo̧mȩttö̧ 'cä̧'ȩcuä̧chi̧nä̧tö̧ ya̧cu̧ pö̧nä̧, ja̧hua̧nö̧ ja̧'a̧ Elíasmä isoppa kärähuoppanä mo̧ro̧jä̧ra̧'a̧ cä'ecuächinö. \v 12 Ja̧hua̧nö̧ ja̧'a̧ topö Eliseo pä̧icu̧nä̧ huopö pä'inö: "¡Cha̧mo̧nä̧ chä'o, cha̧mo̧nä̧ chä'o, Israel ttö̧ja̧ ttöcaruquiyä'i̧nä̧, ttö̧ja̧'i̧nä̧ ttä̧ji̧mö̧ ca̧hua̧yu̧tu̧'i̧nä̧!" jö̧nä̧. Ja̧u̧mä̧ juhua'a yabo topocö pinö Elíasrömä. Ja̧hua̧nö̧ ja̧'a̧ chutä ö̧'ca̧tä̧huä̧ta̧ ko̧'ä̧dä̧cuä̧u̧ icu seropö icuinö to̧ta̧rȩnä̧ päi'önä.

02/13.txt

@@ -0,0 +1 @@
+\v 13 Ja̧hua̧nö̧ jȩpä̧ji̧'ca̧ Elías ö̧'ca̧tä̧huä̧ta̧ huä̧mȩ i̧sä̧ta̧ mo̧ä̧cho̧mȩttö̧ ȩmi̧pö̧, o'ca'acu ppa̧'ä̧chö̧ Jordán aje jäyoto 'chä̧hui̧'ö̧ kä̧mä̧di̧nö̧. \v 14 Elías ö̧'ca̧tä̧huä̧ta̧ huä̧mȩ i̧sä̧ta̧ mo̧ä̧cho̧mȩttö̧ ȩmä̧ta̧ jä̧ta̧nä̧ ajenä cuä'ö kä̧nö̧ pä'inö: "¿To ö̧jä̧ chu̧ru̧hua̧, Elías ö̧ä̧nä̧hua̧ Dios'mä?. Ja̧hua̧nö̧ pä'ö kä̧nö̧ ajenä cuäomenä, ajemä kä'conä 'to'i'ö bahuecuächina̧'a̧, ja̧hua̧nö̧ ja̧'a̧ Eliseo 'cuä'opinö ya̧nä̧jijä̧ra̧'a̧.

02/15.txt

@@ -0,0 +1 @@
+\v 15 Dios päji huȩnȩ jiäcuähuä ttö̧ja̧ tti̧tti̧mö̧ Jericónä ka̧cuä̧tö̧mä̧ aje ya̧nä̧ji̧jä̧nä̧ kä̧nö̧ ja̧hua̧nö̧ jȩa̧'a̧ topö̧, pä'inä̧tö̧: "¡Iso päi'önä Elías a̧'cua̧ru̧hua̧ pä'ijimä Eliseonä kö̧ jitämä!" Ja̧hua̧nö̧ ja̧'a̧ tö'cönä̧nö̧ 'chä̧hui̧'ö̧ tti'ä rȩjȩ becuächönä jȩpö̧ ucuotö jȩpi̧nä̧tö̧ ja̧u̧ru̧. \v 16 Jahuätö pä'inä̧tö̧ ja̧u̧ru̧: "Topi, ucu cu̧mö̧huäyotö juruhuätö ka̧cuä̧tö̧ pi̧nȩmä̧ cincuentanö̧ huotö. Jätepäcujä, ja̧'a̧tä̧ tocu'atö pä'ö ucu cu̧ru̧hua̧ Elíasrö usu ti̧'cha̧'a̧nä̧, Dios a̧'cua̧ru̧hua̧mä̧ Elíasrö ȩmi̧pö̧ möä'cara̧'a̧ jö̧ttö̧'i̧nä̧ meje'cara̧'a̧ jö̧ttö̧'i̧nä̧ icuipäji a̧'cua̧ra̧'a̧. Ja̧hua̧nö̧ pättäcu Eliseo ädätinö: "Isocö, tti̧'cha̧ pä'ö huecuhuätucuätö."

02/17.txt

@@ -0,0 +1 @@
+\v 17 Ja̧hua̧nö̧ ja̧'a̧nä̧ jahuätömä juhua'a yabocutä jä̧ttȩpä̧rä̧cu̧, Eliseo pä̧i̧nä̧u̧: "Ja̧hua̧nö̧ jö̧ttö̧mä̧ hue'ätucuitö tti̧'cha̧." Ja̧hua̧nö̧ pä̧u̧ jahuätö hue'inä̧tö̧ cincuentanö huotö u̧mä̧tö̧rö̧ Elíasrö usu tti̧'cha̧ pä'ö, huäbodäcuä mo̧ro̧ ttusa'anä po̧cui̧po̧co̧tö̧ pinätö. \v 18 Jahuätö ppa̧'ä̧chi̧nä̧tö̧ Eliseo ö̧ja̧'a̧ Jericó ötahuiyära̧'a̧, ja̧hua̧nö̧ ja̧'a̧ jahuätörö pä'inö: ¿Uturumä ji'ähuocö päjisä tä̧ji̧: cui'chä̧tu̧cuä̧ pä'ömä?".

02/19.txt

@@ -0,0 +1 @@
+\v 19 Ötahuiyä ttö̧ja̧mä̧ Eliseorö ji'ähuinä̧tö̧: "Topi, jitämä pi̧yȩ jitähuäcujä iso päi'önä ötahuiyämä adiu aditö ku̧nä̧hua̧'a̧ ka̧'a̧ tocu'omȩnä̧mä̧, ja̧hua̧nö̧ ja̧'a̧nä̧ ajiyamä suraja'a, rȩjȩ'i̧nä̧ cuähuä ppuruhuoca'a. Ja̧hua̧nö̧ pättäcu \v 20 Eliseo ädätinö: Ja̧hua̧nö̧ jö̧ttö̧mä̧ 'cächätucui i̧so̧'ta̧ ja̧rȩo̧'ta̧, 'cäruhuäbö'i̧nä̧ ju̧huo̧'ta̧nä̧ ȩca̧'a̧nä̧," ja̧hua̧nö̧ ja̧'a̧ chutä päji ta̧'a̧nö̧ 'cächö ttiyinäcu̧.

02/21.txt

@@ -0,0 +1 @@
+\v 21 Eliseo ajiya adihuoya ȩmi̧pö̧ u̧mi̧ rä'opächö 'cäruhuäbö ȩni̧nö̧ juhuoyanä, ja̧hua̧nö̧ ja̧'a̧ pä'inö: "Chu̧ru̧hua̧mä̧ pa̧'a̧nö̧ pä'ö: 'Ttötä poya ajiya aditö icusä. Jitä poröttö kä̧mä̧dö̧ juhua'a̧ yabocumä hua'are'inä̧ juiyäcua'a̧, rȩjȩttö̧mä̧ pä'äji jä̧'i̧ji̧'a̧nö̧ cuähuä u̧huä̧ju̧ huä̧jö̧ juiyä'iji'anömä ji̧yä̧cua̧'a̧." \v 22 Ja̧u̧nu̧ pä̧nä̧ Eliseo ucuocuinomȩttö̧ kä̧mä̧dö̧ jitä pi̧yȩ mo̧ro̧ jobu ajiyamä aditö icuähuoyatä päi'inoya.

02/23.txt

@@ -0,0 +1 @@
+\v 23 Ja̧u̧nu̧ o'ca'a juhuoröttö rä'opächö Eliseomä 'chi̧nö̧ Betel'ra̧'a̧. Mä̧nä̧nä̧ i̧'chomȩnä̧ korotö ju̧huä̧nȩ ötahuiyä möäyotö rä'opö suronä pä'ö ya̧'ä̧huä̧'chi̧nä̧tö̧ ja̧u̧ru̧; jahuätö pä'inätö: "¡Topätucui, böo'i̧sa̧ uhuo'che jui̧'a̧rö̧,-topätucui böo'i̧sa̧ uhuo'che jui̧'a̧rö̧,! jö̧nä̧. \v 24 Ja̧hua̧nö̧ pättä'chäcu o'ca'acu kärächi'ö ni̧'ä̧chi̧pö̧ topinö: Ja̧hua̧nö̧ topö kä̧nö̧ suronä pähuä pä'inö u̧ru̧hua̧ Dios i̧mi̧nä̧. Ja̧hua̧nö̧ ja̧'a̧ osotö̧ nä̧tö̧ ta̧ju̧ de'attö rä'oi'ö jahuätö möäyotö 42 nö̧ huotörö yö̧yö̧pö̧ icuinätö. \v 25 Ja̧hua̧nö̧ jä̧ji̧ o'ca'a, juhuoröttö rä'opö Eliseo 'chi̧nö̧ Carmelo möä'cara̧'a̧, juhuoröttö täcö ppa̧'ä̧chi̧nö̧ Samaria rȩjȩra̧'a̧.

02/title.txt

@@ -0,0 +1 @@
+Capítulo 2

03/01.txt

@@ -0,0 +1 @@
+\c 3 \v 1 Jitä ttö̧ja̧ tu̧mu̧ to̧mu̧rȩnö̧ ja̧'a̧nä̧ tti̧ä̧pu̧ttö̧ ji̧mu̧tȩnö̧ 'cuä'o'önä, koromuttö̧ huäbochecuänö a̧'ȩ pä'iomenä Josafat, Juda ru̧hua̧ hueinö pänä, Joramä, Acab i̧tti̧ ji̧na̧'a̧, ja̧u̧nu̧ pä̧nä̧ cä̧mä̧di̧nö̧do ruhuo huea pä'ö Israeel ttö̧ja̧rö̧ Samarianä ca̧cuä̧tö̧rö̧; \v 2 ja̧u̧mä̧ ruhuonä hueinödo tu̧mu̧ tu̧mu̧ to̧mu̧rȩnö̧ ja̧'a̧nä̧ tti̧jä̧pu̧ttö̧ to'cherenö a̧'ȩ jo̧mȩnä̧. Ja̧u̧ ru̧hua̧mä̧ Tu̧ru̧hua̧ Tö̧ä̧nä̧hua̧ ä'ca jo̧mȩttö̧ suronä jȩpi̧nö̧do, ja̧hua̧'a̧nö̧ ja̧'a̧nä̧ Jä'o jua̧ jȩji̧nö̧'a̧nö̧mä̧cö̧; ja̧u̧mä̧ Jä'o jȩi̧nö̧ ro̧ö̧ Baalrö huä̧mȩ kuicu iyähuä ido'qui aditinö pporö icuinödo.  \v 3 Ja̧hua̧nö̧ jo̧mȩnä̧ ja̧u̧mä̧ Roboa, suranä jeinö a̧'cua̧ huȩnä̧ri̧nö̧do, Nabal i̧tti̧mä̧, tide ji̧na̧'a̧ttö̧ Israel ttö̧ja̧ Tu̧ru̧hua̧ Tö̧ä̧nä̧hua̧rö̧ suronä jȩttö̧nä̧ jȩpi̧nö̧mä̧ ja̧u̧ta̧'a̧; ja̧u̧mä̧ jahuättömä ti'ipächocöpinödo.

03/04.txt

@@ -0,0 +1 @@
+\v 4 Jitämä, mesanä Moab ra̧hua̧mä̧ oveja̧tö̧rö̧ puttädö yoecuä ru̧hua̧ ji̧na̧'a̧. Ja̧u̧tä̧ iyäcua'a ji̧na̧'a̧ Israel ru̧hua̧rö̧ 100.000 mil oveja̧tö̧rö̧ ja̧hua̧ta̧'a̧nö̧ tuhuo'che'inä, 100,00 milnö ovejatö̧ ppo̧'ä̧tö̧rö̧. \v 5 Ja̧hua̧nö̧ ja̧'a̧nö̧ ja̧u̧nö̧ o'comenä Acabmä huaö icuinödo, ja̧u̧ Moab ru̧hua̧mä̧ Israel ttö̧ja̧ Tu̧ru̧hua̧ a̧bo̧'cha̧ pä'inödo. \v 6 Ja̧hua̧nö̧ jo̧mȩnä̧ Joramä ru̧hua̧mä̧ Samaria jaropi'inödo ji̧yȩnö̧ pä̧nä̧ Israel ttö̧ja̧rö̧ curä rohuäu 'tti̧cha̧ pä'öupporädä pä'ömä.

03/07.txt

@@ -0,0 +1 @@
+\v 7 Ja̧u̧mä̧ ya̧tȩrö̧ hueinödo Josafatrö jiähuaja pä'ö, Juda ru̧hua̧rö̧, pä'inödo: "Ja̧u̧ Moab ru̧hua̧mä̧ ya̧bo̧'cha̧ päiäji. ¿Ucumä ttöcu cuichäcuä'ai̧, Moabrö curä rohuäu ticuarö pä'ö?" Josafat adätinödo: a̧'a̧ ttö chi̧'chä̧cua̧sä̧. Ttömä ucu jö̧ta̧'a̧nö̧tä̧ hua̧sä̧, ttö chu̧mu̧huä̧yotömä ucu cumuhuäyotöta'anö huotö, chä̧ji̧mu̧ cuhuayutumä ucu cuä̧ji̧mu̧ ta'anötä̧ huotö". \v 8 Ja̧hua̧nö̧ jo̧mȩnä̧ pä'inödo ja̧u̧mä̧: "ti̧mä̧ mä̧nä̧mä̧ ttötipacua jä̧ttö̧ ujutumä?" Josafat ädätinödo ja̧u̧mru̧: "Edom mänämä 'chä̧nö̧ rȩjȩ dauhuiyä jui̧yä̧jä̧ mä̧nä̧mä̧".

03/09.txt

@@ -0,0 +1 @@
+\v 9 Ja̧hua̧nö̧ ji̧yä̧u̧mä̧ Israel ruhuotömä, Juda'inä, Ja̧hua̧ta̧'a̧nö̧ Edomttö̧ 'chi̧nä̧tö̧do i'quicha̧jä̧mä̧nä̧ so̧bu̧cuä̧nö̧ jȩpu̧ tu̧mu̧ ji̧mu̧tȩnö̧ ja̧'a̧nä̧ ko̧ro̧mu̧tö̧ tocherenö mo̧ro̧ jomenä. Pocuipocotö pinätö̧do ajiya curä ruhuä ttahua pä'ö'inä, ca̧hua̧yu̧tu̧ ttahua pä'ö'inä, korotö dea ruhuä ttahua pä'ö'inä. \v 10 Ja̧hua̧nö̧ ji̧yä̧cu̧ Israel Tu̧ru̧hua̧mä̧ pä'inödo: "¿Däje jä̧'ä̧ttö̧ pi̧yȩmä̧? ¿Huopäjätö jä̧di̧ Tu̧ru̧hua̧ Tö̧ä̧nä̧hua̧rö̧ huä̧mȩtu̧cuä̧ ruhuotörö Moab u̧mu̧nä̧ ma̧tö̧nä̧ päiönä?

03/11.txt

@@ -0,0 +1 @@
+\v 11 Ja̧hua̧nö̧ ja̧'a̧nä̧ Josafamä pä'inödo: ¿Pȩnȩmä̧ toadi̧ Tu̧ru̧hua̧ i̧huȩnȩ jiacuähuä ttö̧ja̧sa̧mä̧, ja̧u̧ru̧ jä'epu tä̧ju̧cua̧nö̧ ja̧'a̧ tta̧'a̧nö̧ pä'a jä̧ pä'ö Tu̧ru̧hua̧ Tö̧ä̧nä̧hua̧mä̧ ja̧u̧nä̧ kä̧nö̧? Ya̧tȩ Israel ttö̧ja̧ Tu̧ru̧hua̧ u̧mu̧huä̧ya̧ pä'inödo: Josafat i̧tti̧tä̧ "Eliseotä pȩnȩtä̧ kö̧mä̧, ja̧u̧tä̧ ji̧na̧ Elias u̧mu̧nä̧ ajiya cä'epu toinömä". \v 12 Josaf pä'inödo: "Tu̧ru̧hua̧ Tö̧ä̧nä̧hua̧ i̧huȩnȩ ja̧u̧nä̧tä̧ ka̧'a̧". Ja̧hua̧nö̧ jo̧mȩnä̧ Israel ru̧hua̧'i̧nä̧, Josafat'inä ja̧hua̧ta̧'a̧nö̧ Edom ru̧hua̧ päji'inä mejähuinätö̧do ja̧u̧ ö̧jo̧mȩ.

03/13.txt

@@ -0,0 +1 @@
+\v 13 Eliseo pä'inödo Israel ru̧hua̧rö̧ "¿ Däje tochacu päcua'ajä̧ttö̧ ucumä? Täi cuä'o, cua̧ju̧ 'quiänä̧hua̧ jiacuähuä huȩnȩ ttö̧ja̧sa̧rö̧". "Ja̧hua̧nö̧ päcu Israel ttö̧ja̧ ttu̧ru̧hua̧ pä'inö ja̧u̧ru̧: "Isocö̧, dä̧bu̧ pä'ö Tu̧ru̧hua̧ Tö̧ä̧nä̧hua̧ huopäji pitö huämetucuä ruhuotörö jäbecuänö jö̧nä̧ Moab u̧mu̧nä̧". \v 14 Eliseo ädätinö: "Iso pä'ömä curä ruhuotö Tö̧pnä̧hua̧ Tö̧ä̧nä̧hua̧mä̧ ku̧, chi̧jä̧pu̧nä̧ chö̧jä̧cua̧ ä'canä, isopä'inä jȩä̧cuä̧huä̧ jö̧ttö̧mä̧ Josafat a'ca jo̧mȩ ucuotö kä̧mä̧dö̧ jä̧pä̧ji̧sä̧, Juda ru̧hua̧rö̧'i̧nä̧ ttömä täcö to̧chä̧ri̧yä̧cua̧sä̧ ji̧yȩtȩ'i̧nä̧ jicuä'opumä, topu'inä tochiya'anö hua̧sä̧.

03/15.txt

@@ -0,0 +1 @@
+\v 15 Ja̧hua̧nö̧ ja̧'a̧mä̧ i'cächiyittö ra̧huä̧huä̧ ttö̧ja̧sa̧rö̧. "Ja̧hua̧ta̧'a̧nö̧ 'cuäopina̧'a̧do arpa 'po̧rä̧rä̧cuä̧huä̧'i̧sa̧ u'poromenä, Tu̧ru̧hua̧ Tö̧ä̧nä̧hua̧ u̧mu̧nä̧ ichi'ina Eliseorö: \v 16 Ja̧u̧ päinödo: "Tu̧ru̧hua̧ Tö̧ä̧nä̧hua̧mä̧ pä'ö pi̧yȩ: "Rö̧ä̧nä̧ ähuiyä sa'ätucui pi̧yä̧ mȩji̧yä̧ ajiya juä̧ja̧nä̧ auhuiyä päiacua'anö". \v 17 Tu̧ru̧hua̧ Tö̧ä̧nä̧hua̧mä̧ pi̧yȩ pä'öto: "ucutumä to'cuiyäcuotöjä ajiya isoppa'inä, ja̧hua̧ta̧'a̧nö̧ yoriso tocuiyäcuotöjä ajiya icha'inä ja̧hua̧nö̧ ja̧'a̧nä̧ pȩnȩ muä'quiyu kada'ca mejinä aje tö̧ä̧nä̧ suädiäcua'a pä̧cä̧yö̧'i̧nä̧ ja̧hua̧ta̧'a̧nö̧ dearuhuä'inä o'catoinä ttacuacuotö.

03/18.txt

@@ -0,0 +1 @@
+\v 18 Pi̧yȩmä̧ Tu̧ru̧hua̧ Tö̧ä̧nä̧hua̧a'cattömä jeruhuococu. Ja̧u̧mä̧ Moabrö cujuruhuätucunä jȩä̧cua̧. \v 19 Ucutumä ötahuiyä curohuähuätucua pä'ö ttoepu cuicuäcuotöjä kiyäbi tto̧ȩcuä̧ro̧mȩ'i̧nä̧ ja̧hua̧ta̧'nö̧ ya̧'a̧tȩ ötahuiyä pu̧nä̧, o'ca juiyönä dauhuiyä adiumä cuiö cuicuäcuotöjä; ajehuiyä ou du̧mä̧rö̧ cuicuäcuotöjä ja̧hua̧ta̧'a̧nö̧ rȩjȩ cuähuä cu̧nä̧huä̧jä̧mä̧ ppo̧ö̧ i̧nä̧huiyä surojuo cuȩpä̧cuo̧tö̧jä̧ rȩjȩmä̧".

03/20.txt

@@ -0,0 +1 @@
+\v 20 Ja̧hua̧nö̧ jo̧mȩnä̧ yo̧i̧mo̧ro̧ pä'ö mo̧ro̧ päiamä, Tu̧ru̧hua̧rö̧ tta̧cua̧ huȩnä̧rö̧ ku icu iyähuä pä̧nä̧mä̧, ichina'ado ajiyamä Edomcuttö̧, ajiyamä suädi'ina'ado.

03/21.txt

@@ -0,0 +1 @@
+\v 21 Jitämä o'catoinä Moabita, ttö̧ja̧mä̧ a̧ju̧cui̧nä̧tö̧do o'catoinä ruhuotö rohuäu ichätö pä'ö jahuätörö; jahuätömä ca̧ca̧cui̧pi̧nä̧tö̧do ji̧nä̧yo̧mȩtȩ, o'catoinä curä röhupu 'ca̧tä̧cuä̧huä̧, ja̧hua̧ta̧'a̧nö̧ ko̧ro̧ jä̧cu̧ bo̧ȩcuä̧ro̧mȩ ttoepinätö̧do. \v 22 Jahuätömä yo̧ä̧sa̧ ja̧'a̧nä̧ pä'ö mo̧ro̧ päia'a porächinätö̧do ja̧hua̧ta̧'a̧nö̧ kä̧hua̧mä̧ kä̧dȩpi̧na̧'a̧do ajiyanä. ji̧yȩnö̧mä̧ moabitamä jitötä ttö̧jo̧mȩ pä̧tȩcuä̧nö̧ topinätö̧do ajiya, tottomenä rö̧ä̧nä̧ tuchuoja jä̧i̧nö̧'a̧nö̧ rö̧ä̧nä̧ cuocua'a. \v 23 Jahuatömä huopinätödo: "¡Poyamä ttucuojatä ja̧'a̧!" isopäi'önä ruhuotömä cuä'äu jȩpu̧ ti̧cuä̧jä̧u̧ ja̧'a̧, ja̧hua̧ta̧'a̧nö̧ jitötä ka̧ra̧ ka̧ra̧cu̧ cuäu icuähuä jä̧tö̧ ja̧'a̧! ¿Ja̧hua̧nö̧ ja̧'a̧ jitämä, Moab'ra'a, tö̧nä̧u̧cua̧ ti̧'chä̧tu̧cua̧!

03/24.txt

@@ -0,0 +1 @@
+\v 24 Ji̧yȩnö̧mä̧ jahuätömä ichinätö̧ Israel ttö̧ja̧cua̧jä̧ rȩjȩnä̧, Israelitamä ttieruhua'a̧ra̧'a̧ ja̧hua̧ta̧'a̧nö̧ ttoepu rohuäu icuinätö̧do Moab ttö̧ja̧rö̧, ja̧hua̧ta̧'a̧nö̧ ttä'cattömä ttö̧ji̧pa̧ pä'ö ti'ipächinätö̧do. Jahuätö curä ruhuä Israel ttö̧ja̧mä̧ ȩmi̧pi̧nä̧tö̧ Moab ttö̧ja̧rö̧mä̧ rȩjȩnä̧tä̧, cuä'äu icuinätö̧ jahuätörö. \v 25 Israel ttö̧ja̧mä̧ ötahuiyä siepö icuinätö̧, ja̧hua̧ta̧nö̧ rȩjȩ adiu ttorämemä, ya̧cu̧nä̧ u̧mä̧tö̧mä̧ i̧nä̧du icuähuinätö̧do cuähuä ppuruhua pä'ö cu̧nä̧huo̧mȩmä̧ surojuoä'chönä. Jahuätötä ajiya duboriyu'inä joepu icuinätö̧ ja̧hua̧'a̧ta̧nö̧ dauhuiyä cu̧'u̧ icuinätö̧. Yo̧mȩtȩtä̧ tuina'ado Kir Haresetä inädutä rötipinätödo juȩnȩmä̧. Ja̧hua̧nö̧ ja̧'a̧nä̧ curä rohuäcuähuä ttö̧ja̧tä̧ 'torupanä 'po'äuicu jȩpu̧ icuinätö̧.

03/26.txt

@@ -0,0 +1 @@
+\v 26 Ji̧yȩnö̧ ru̧hua̧ Mesamä Moabrö topinö täcö curämä ttihueyecuä ja'a päinö, ja̧u̧ ȩmi̧nö̧ 700nö huotörö curä icuiätörö mänä 'cuiätö päiönä Edom ru̧hua̧ ö̧jo̧mȩ jubu päiönä, ja̧hua̧nö̧ ja̧'a̧nä̧ jahuätömä hueyecuinätödo. \v 27 Ja̧hua̧nö̧ huecuäji'ca̧mä̧ i̧tti̧ ä'canä i̧sa̧rö̧ ȩmi̧nö̧, ja̧u̧tä̧ ji̧na̧'a̧ ja̧u̧ o'comenä huea'anö huinömä, ja̧hua̧ta̧'a̧nö̧ ku icu iyähuä iya'a päinödo curä rohuähuätörö to̧ȩpä̧rä̧bi huä̧mȩttö̧. Ja̧hua̧nö̧ jo̧mȩnä̧ Israel ttö̧ja̧rö̧ rö̧ä̧nä̧ ro̧huä̧ri̧nä̧tö̧do ji̧na̧'a̧do ja̧hua̧ta̧'a̧nö̧ Israel curä ttö̧ja̧mä̧ ru̧hua̧ Mesarö jaropinätö̧do. Jaropiäjo'cottö ppa̧'a̧chi̧nä̧tö̧do ta̧mu̧mä̧ tti̧rȩjä̧ra̧'a̧.

03/title.txt

@@ -0,0 +1 @@
+Capitulo 3

04/01.txt

@@ -0,0 +1 @@
+\v 1 Yajute recua hue'ähuotö tti̧tti̧mö̧ttö̧ ya̧tȩ irecua o'cajumä ajuäunu ichi'ö pä'inä̧ju̧ Eliseorö: "Ucu cu̧mu̧huä̧ya̧ ttö chirecuomä täcö hua'ö icuäji, ucumä täcö huo̧jua̧jä̧ ja̧u̧ cu̧mö̧huä̧ya̧mä̧ u̧ru̧hua̧rö̧  ye'ecunu kä̧'i̧ji̧ pä'ö. Ja̧hua̧nö̧ ja̧'a̧ jitämä ya̧tȩ ujutu timippotä'ijäcu ichäji, ja̧u̧mä̧ chi̧tti̧mö̧ ta̧ju̧ru̧ ȩmi̧pä̧ji̧ chutä hueö adicuä ttö̧ja̧ pätti'önä huea pä'ö." \v 2 Eliseomä jahuäjuru pa̧'a̧nö̧ pä'inö: ¿Ucurumä däje jȩchäcua̧'a̧ jä̧ttö̧?, ¿Ji'ähuittö cuojusodera̧'a̧mä̧ däjetä ka̧'a̧ jä̧ttö̧? päcua, jahuäju ädätinä̧ju̧: "Cu̧mu̧huäyaju kojusodenämä yorö'isotä juiya'a, ja̧hua̧nö̧ jo̧ca̧'a̧ cuäcuähuä a̧dȩ acuäbattömä jibatetä ka̧'a̧, päjinäcu.

04/03.txt

@@ -0,0 +1 @@
+\v 3 Ja̧hua̧nö̧ päjäcu Eliseo päinäcua: U̧mi̧cu̧ täi cu̧jo̧mȩ ippeyenä ka̧cuä̧tö̧ttö̧ jä'epö 'carähuä oba cuȩma̧. Ja̧u̧ obamä iso päi'önä cu̧'o̧cui̧'ö̧'a̧nö̧ ja̧'a̧. \v 4 Ja̧u̧nu̧ o'ca̧'a̧mä cui̧tti̧mö̧cu̧ cuojusode jacuä do'ächi'ömä äpate mö̧cuȩpa̧ja̧, ja̧hua̧nö̧ jȩpö̧ o'ca juiyö̧nä joö oba jä̧ji̧nä̧mä̧ a̧dȩja cu'caraja; ja̧hua̧nö̧ cu'caromȩnä̧ suhuädi'ö obamä i̧mi̧cu̧nä̧ cu̧ju̧na̧ja̧.

04/05.txt

@@ -0,0 +1 @@
+\v 5 Ja̧u̧nu̧tä̧ pä̧nä̧ jahuäjumä Eliseorö jaropi'ö rä'opächinä̧ju̧, ja̧hua̧nö̧ ja̧'a̧ ki̧tti̧mö̧cu̧ isode jacuä do'ächi'ö äpate mö̧'ȩpi̧nä̧ju̧. Ja̧hua̧nö̧ ja̧'a̧ ki̧tti̧mö̧ tti̧yo̧pä̧ra̧'a̧nä̧ 'carähuä joö obanä a̧dȩmä̧ 'carinä̧ju̧. \v 6 Ja̧hua̧nö̧ ja̧'a̧ täcö o'ca juiyönä suhuädi'iyäcua ki̧tti̧mö̧ttö̧ ya̧tȩrö̧ jä'epinä̧ju̧ koroba joäba iyaju pä'ö, ja̧u̧mä̧ ädätinö joäbamä täcö juiya'a̧ pä'ö." Ja̧hua̧nö̧ ädätö ji̧yȩnä̧tä̧ a̧dȩmä̧ täcö juböpächi'ö joächi'ina̧'a̧.

04/07.txt

@@ -0,0 +1 @@
+Ja̧hua̧nö̧ ja̧'a̧ jahuäjumä ichi'ö Dios u̧mu̧huä̧ya̧rö̧ ji'ähuinä̧ju̧. Ja̧hua̧nö̧ jijähuäcu päinä̧cua̧: "Täi, a̧dȩmä̧ micuänä iyä'chö icu cui̧mi̧ppotä'ijimä mitäu icui, ja̧hua̧nö̧ ja̧'a̧nä̧ ka̧cui̧pö̧mä̧ cui̧tti̧mö̧cu̧tä̧ cuä̧nö̧ cu̧jä̧cua̧ju̧jä̧.

04/08.txt

@@ -0,0 +1 @@
+\v 8 Eliseomä ya'ute mo̧ro̧ 'chi̧nö̧ Sunemra̧'a̧cu̧, ju̧huȩnȩmä̧ isaju yajute ucuo isaju ki̧nä̧ju̧; Jahuäju ojipinä̧cu̧ u̧cuä̧ ucua pä'ö. Ja̧hua̧nö̧ ja̧'a̧ttö̧  Eliseomä ju̧huä̧nȩnä̧ 'cuäopö jö̧ a̧'u̧cuä̧ ucuä̧mä̧ juhuoröttötä cuä̧nö̧ kä̧'chi̧nö̧. \v 9 Ja̧hua̧nö̧ ja̧'a̧ isajumä pä'inä̧ju̧ kirecuorö: "Jitämä topi, ttömä huo̧juä̧chi̧'ä̧ju̧sä̧ pide ubomä surojö jui̧'a̧ Diostä u̧mu̧huä̧ya̧ ja̧'a̧ pä'ö, ja̧u̧mä̧ pȩnȩnä̧tä̧ 'chö̧ 'cuäopönä̧tä̧.

04/10.txt

@@ -0,0 +1 @@
+\v 10 Ja̧hua̧nö̧ ja̧'a̧ttö̧ jitämä Eliseorö amocuädö ä̧'ä̧huo̧ca̧ a̧'u̧cu̧nä̧nö̧ jo̧ca̧ taditö'anö ja̧'a̧, ju̧huo̧ca̧nä̧mä̧ tu̧ju̧nu̧'a̧na̧ pä'ö ä̧'ä̧huä̧ppä̧'i̧nä̧, ttu̧cuä̧ rutu cuäcuähuodä'i̧nä̧, tejähuore'i̧nä̧. Ja̧hua̧nö̧ ja̧'a̧ ujuturu topö ichomȩnä̧ ja̧u̧mä̧ ju̧huȩnȩtä̧ i̧rȩbȩhuä̧cua̧'a̧nö̧. \v 11 Eliseomä pä'äji ta'anö i̧'cho̧mȩnä̧mä̧ täcö ju̧huȩnȩtä̧ rȩbȩu̧, ja̧u̧mä̧ ju̧huo̧ca̧ ä̧'ä̧huo̧ca̧nä̧tä̧ pä̧mä̧dö̧ ä'inö.

04/12.txt

@@ -0,0 +1 @@
+\v 12 Eliseomä u̧mu̧huä̧ya̧ Giezi'rö pä'inö: "Sunamita ttö̧ja̧'isaju päjäjuru huopi." Ja̧hua̧nö̧ päcu huoomȩnä̧, jahuäjumä chutä ä'ca jo̧mȩ ichi'ö kä̧mä̧di̧nä̧ju̧. \v 13 Eliseo u̧mu̧huä̧ya̧rö̧ pä'inö: "Ji'ähui jahuäjurumä;¡Ujuturu ppäcuhuäda pä'ömä ucumä rö̧ä̧nä̧tä̧ usurä ȩmä̧huä̧jä̧jujä̧dí pä'ö! ¿Däjetä jȩtö̧'a̧nö̧ jä̧ttö̧ ucurumä? ¿Ucu cutö'cömä ru̧hua̧rö̧ tucuocu'anöcö̧, ja̧hua̧nö̧ jo̧ca̧'a̧ jö̧ttö̧mä̧ curä ruhuä ttu̧ru̧hua̧rö̧ tucuocu'anöcö̧?" Ja̧hua̧nö̧ päcua jahuäju ädätinä̧ju̧: "Ttömä kä̧ju̧sä̧ ttötä chahuaruhuä ttö̧'quȩtȩtä̧."

04/14.txt

@@ -0,0 +1 @@
+\v 14 Ja̧hua̧nö̧ ja̧'a̧ Eliseomä pä'inö:¿Ja̧hua̧nö̧ jö̧ttö̧mä̧ däjetä jȩtö̧'a̧nö̧ jä̧ttö̧ jahuäjurumä? "Giezi ädätinö:" Jȩtö̧'a̧nö̧ jö̧mä̧, jahuäjumä ki̧tti̧mö̧ to'aju, kirecuomä juiyo bö̧o̧'i̧sa ja̧'a̧ täcö. \v 15 "Ja̧hua̧nö̧ ja̧'a̧ Eliseo hue'inö: "Huopiju." Ja̧u̧ huoäcua jahuäjumä äpate ä'ca jo̧mȩ ichi'ö kä̧mä̧di̧nä̧ju̧. \v 16 Eliseomä pä'inö: "Pi̧yȩtä̧ juäi'isome du'onä, ya'ute du'o päi'omȩnä̧ ucumä cui̧tti̧rö̧ 'chu̧cu̧huä̧rä̧cua̧ju̧jä̧. Ja̧hua̧nö̧ päcua jahuäjumä ädätinä̧ju̧: "Isocö ttö chu̧ru̧hua̧ Dios u̧mu̧huä̧ya̧, cu̧mu̧huäyaju huajurumä yaparemä jicuhuähuättö."

04/17.txt

@@ -0,0 +1 @@
+\v 17 Ja̧u̧nu̧ o'ca'a isajumä täcö möchaju pä'i'inä̧ju̧, ki̧tti̧ ji̧'qui̧cha̧hua̧rö̧ uhuäbecuinä̧ju̧ ja̧u̧nu̧tä̧ juäi'isome ja̧'a̧nä̧ koro du'onä, Eliseo jahuäjuru päinö̧ta̧'a̧nö̧ iso päi'önä jö̧nä̧ pätecuächina̧'a̧. \v 18 Ji̧yȩnö̧ pä̧nä̧ ji̧'qui̧cha̧hua̧ böo juhuomenä, ja̧u̧mä̧ ya'ute mo̧ro̧ u̧mi̧cu̧ rä'opinö jä'orö toa pä'ö isä'cua 'cui'ö aditätöcu ö̧ja̧'a̧. \v 19 Ja̧u̧mä̧ jä'orö pä'inö: "Ttö chu'isäyuhue, ttö chu'isäyuhue." Ja̧hua̧nö̧ päiyäcu Jä'omä u̧mu̧huä̧ya̧rö̧ pä'inö: "Ja̧ju̧ kö̧ja̧'a̧ ȩmi̧pi̧rö̧. \v 20 "Ja̧hua̧nö̧ päcu ja̧u̧ u̧mu̧huä̧ya̧mä̧ ji̧'qui̧cha̧hua̧rö̧ ȩmi̧pö̧ ja̧ju̧ru̧tä̧ iyinä̧cu̧, ji̧'qui̧cha̧hua̧mä̧ ja̧ju̧ köjahuiyä ju'tä pi̧nö̧ mo̧ro̧ kä'co tö'cöhuächi'ome jobö. Ja̧hua̧nö̧ ja̧'a̧ ji̧'qui̧cha̧hua̧mä̧ ja̧u̧tä̧ pä̧nä̧ täcö 'corupä'i'inö.

04/21.txt

@@ -0,0 +1 @@
+\v 21 Ja̧hua̧nö̧ ja̧'a̧ttö̧ isajumä ä̧rä̧mi̧'ö̧ ji̧'qui̧cha̧hua̧rö̧ rötinä̧ju̧ Dios u̧mu̧huä̧ya̧ ä̧'ä̧'i̧jä̧ppä̧nä̧, ja̧hua̧nö̧ rötipö rä'opächö kä̧nö̧mä̧ äpate mö̧'ȩpö̧ icuinä̧ju̧. \v 22 Jahuäjumä kirecuorö huopo'ö pä'inä̧ju̧: 'Quȩtȩnä̧ mä̧cuä̧ cu̧mu̧huäyotöttö ya̧tȩrö̧ hue'ittö, jua'a jö̧ ta̧'a̧nö̧ mörö isajuru'i̧nä̧ hue'ittö jurunänö 'chä̧hui̧'ö̧ Dios u̧mu̧huä̧ya̧rö̧ tochopo'aja pä'ö.

04/23.txt

@@ -0,0 +1 @@
+\v 23 Kirecuomä päinä̧cua̧: "¿Tta̧'a̧nö̧ pä'ö ucumä ja̧u̧ru̧ topö cui̧'cha̧ päcuhua'a jä̧ttö̧ jitä pi̧yȩ mo̧ro̧mä̧? Kä̧hua̧ ja̧rȩpa̧'i̧nä̧ jo̧ca̧'a̧nä̧, sábado mo̧ro̧'i̧nä̧ jo̧ca̧'a̧nä̧. Ja̧hua̧nö̧ päcua jahuäjumä ädätinä̧ju̧: "O'ca juiyönä adihuäcua'a, jö̧nä̧tä̧." \v 24 Ja̧hua̧nö̧ ja̧'a̧ jahuäjumä mörörö jo̧mȩnö̧ jȩpä̧jä̧ju̧ 'caju ku̧mu̧huä̧ya̧ ppä̧dä̧rä̧cuä̧huä̧ i̧sa̧rö̧ pä'inä̧ju̧: "Ti̧'cha̧ täi jurunänö; kä̧mä̧dä̧cuä̧huä̧'i̧nä̧ juiyönä ucuru ttötä jidähuome jobö.

04/25.txt

@@ -0,0 +1 @@
+\v 25 Jahuäjumä ja̧hua̧nö̧tä̧ jö̧nä̧ rä'opächö 'chä̧jä̧ju̧'caju rȩbȩhui̧nä̧ju̧ de'a jo̧mȩ Carmelo pä'ö micuome Dios u̧mu̧huä̧ya̧ Eliseo ö̧jo̧mȩ. Ja̧u̧mä̧ oto kicha'a topö pä'inö u̧mu̧huä̧ya̧ Giezi'rö: \v 26 "Topihuä, Sunamita ttö̧ja̧ isaju ju̧huȩnȩ kicha'a. Jopächö täi, te'äunu jäcuepaju: '¿Tta̧'a̧nö̧ ja̧ pä'ö jahuäjurumä, kirecuorö'i̧nä̧, ji̧'qui̧cha̧hua̧rö̧'i̧nä̧?" Ja̧hua̧nö̧ ja̧'a̧ jahuäjumä ädätinä̧ju̧: "O'ca juiyönä adihua'a, jö̧nä̧tä̧."

04/27.txt

@@ -0,0 +1 @@
+Ja̧hua̧nö̧ ja̧'a̧ de'a jo̧mȩ 'chä̧hui'ö̧mä̧ Dios u̧mu̧huä̧ya̧ Eliseo ö̧jä̧pi̧yä̧nä̧ hua'ädi'inä̧ju̧. Ja̧hua̧nö̧ jȩji̧yä̧cu̧ Giezi'mä 'chä̧hui̧'i̧nö̧ 'quȩ'ȩpö̧ icuaju pä'ö, ja̧hua̧nö̧ ja̧'a̧nä̧ Dios u̧mu̧huä̧ya̧ päinä̧cu̧: "Ja̧'a̧tä̧ topiju, juiyo rö̧ä̧nä̧ ka̧'cua̧ tta̧'ȩcuä̧ju̧, pi̧yȩ 'cuäopömä chu̧ru̧hua̧mä̧ jiähuococu päjisä.

04/28.txt

@@ -0,0 +1 @@
+\v 28 Ja̧hua̧nö̧ ja̧'a̧ jahuäjumä pä'inä̧ju̧: ¿Chu̧ru̧hua̧ ttömä jä'epinä̧ju̧sä̧ tä̧ji̧ chi̧tti̧rö̧? Ttömä pä'ocoju pinäju̧sä̧ tä̧ji̧; Yapare jicuhuähuättö pä'ömä?" \v 29 Ja̧hua̧nö̧ ja̧'a̧ Eliseomä u̧mu̧huä̧ya̧ Giezi'rö pä'inö:  'Ca̧tä̧huo̧po̧'i̧ cui̧'cha̧, chötta'ca'i̧nä̧ cu̧mu̧nä̧ ȩpi̧. Ja̧hua̧nö̧ ja̧'a̧nä̧ isodera̧'a̧ttö̧ ya̧tȩrö̧ tocu'äcuäuttumä tecuhuähuärö, juhua'a jö̧ ta̧'a̧nö̧ ya̧tȩ ucuru teäuttu'i̧nä̧ cuädätärö. Chötta'camä ji̧'qui̧cha̧hua̧ ö'ä huä̧mȩ cu̧huä̧na̧rö̧ja̧.

04/30.txt

@@ -0,0 +1 @@
+\v 30 Ja̧hua̧nö̧ ja̧'a̧nä̧ ji̧'qui̧cha̧hua̧ ja̧ju̧mä̧ pä'inä̧ju̧: "Pa̧'a̧nö̧tä̧ jö̧nä̧ chu̧ru̧hua̧ ö̧jö̧'a̧nö̧ jö̧nä̧, ucu'i̧nä̧ ji̧nä̧ cu̧ja̧'a̧nä̧mä̧ ttömä chi̧cui̧pi̧yä̧cua̧jä̧." Ja̧hua̧nö̧ ja̧'a̧ttö̧ Eliseomä ä̧rä̧mi̧'ö̧ jahuäjucutä 'chi̧nö̧. \v 31 Giezi'mä jahuätö ttä'canä 'chä̧nö̧ rȩbȩhuä̧ji̧'ca̧ ji̧'qui̧cha̧hua̧ ö'ä huä̧mȩ rötinö ötta'camä, ja̧hua̧nö̧ ja̧'a̧nä̧ ji̧'qui̧cha̧hua̧mä̧ ucuocu'i̧nä̧ ucuocuocö pinö, ä̧ju̧cu̧'i̧nä̧ ä̧ju̧cuo̧cö̧ pinö. Ja̧hua̧nö̧ ja̧'a̧ Giezi'mä o'ca'acu ppa̧'ä̧chö̧ Eliseorö pätecu ji'ähuinö: "Ji̧'qui̧cha̧hua̧mä̧ ji̧nä̧ tto'ächocö, pä'ö."

04/32.txt

@@ -0,0 +1 @@
+\v 32 Eliseomä isodera̧'a̧ i̧rȩbȩhuo̧mȩnä̧ po̧cui̧pi̧nö̧ ji̧'qui̧cha̧hua̧mä̧ 'coruju'ächäjirötä ä'ö pä̧cuä̧huä̧ppä̧nä̧ rö̧tä̧hua̧ ö̧'a̧'a̧. \v 33 Ja̧hua̧nö̧ ja̧'a̧ Eliseomä ä̧'ä̧huo̧ca̧nä̧ do'ächi'ö äpate mö̧'ȩpö̧ i̧cuä̧ji̧'ca̧ u̧ru̧hua̧cu̧ ucuocuinö. \v 34 Ja̧u̧nu̧ o'ca'a ä'ö pä̧cuä̧huä̧ppä̧nä̧ 'cha'ächi'ö ji̧'qui̧cha̧hua̧ u̧huä̧mȩ huä̧mä̧di̧nö̧; ämä ji̧'qui̧cha̧hua̧ äcu päi'önä, ö'äriyämä ö'äriyäcu päi'önä, u̧mu̧pi̧yä̧mä̧ u̧mu̧pi̧yä̧cu̧ jö̧nä̧. Ji̧'qui̧cha̧hua̧ idepä du̧'o̧sȩnö̧ päi'önä tejädi'ome jobö.

04/35.txt

@@ -0,0 +1 @@
+\v 35 Ja̧hua̧nö̧ ja̧'a̧ Eliseomä ä̧rä̧mi̧'ö̧ ä̧'ä̧huo̧ca̧ soböcuächönä cue'ächinö, ja̧u̧nu̧ o'comȩnä̧ pä'äji ta̧'a̧nö̧ ji̧'qui̧cha̧hua̧rö̧ 'cha'ächi'ö huä̧mä̧di̧nö̧. Ja̧hua̧nö̧ ja̧'a̧ ji̧'qui̧cha̧hua̧mä̧ 7nö̧ jo̧mȩnä̧ dö'quinö, ja̧u̧nu̧ o'ca'a ö'äriyä ye'ädö topinö. \v 36 Ja̧hua̧nö̧ ja̧'a̧ Eliseomä Giezi'rö huopo'ö pä'inö: "Huopi sunamita isajuru." Giezi'mä ja̧hua̧nö̧ päcu huopinö, ja̧hua̧nö̧ huoäcua jahuäju ä̧'ä̧huo̧ca̧nä̧ dojächi'omȩnä̧ Eliseo päinä̧cua̧: "Ȩmi̧ cui̧tti̧rö̧." \v 37 Ja̧hua̧nö̧ ja̧'a̧ jahuäjumä do'ächi'ö Eliseo ö̧jä̧pi̧yä̧nä̧ hua'ädi'ö rȩjȩcu̧ ja̧rȩyu̧nu̧ pä'i'ö mo̧'ä̧mi̧nä̧ju̧, ja̧hua̧nö̧ jȩpi̧'i̧pö̧ ki̧tti̧rö̧ ȩmi̧pö̧ rä'opächinä̧ju̧.

04/38.txt

@@ -0,0 +1 @@
+\v 38 Ja̧hua̧nö̧ ja̧'a̧ Eliseomä pä'äji ta'anö Gilgal'ra̧'a̧cu̧tä̧ ppa̧'ä̧chi̧nö̧. Ju̧huä̧jä̧ rȩjȩnä̧mä̧ ppäi rö̧ä̧nä̧ 'cuäopina̧'a̧, Diosttö hue'ähuotö tti̧tti̧mö̧mä̧ ja̧u̧tä̧ ä'ca jo̧mȩ pȩji̧nä̧tö̧. Jahuätörö u̧cuo̧cuä̧ji̧'ca̧ u̧mu̧huä̧ya̧rö̧ hue'inö: Uriba röäbattö ocuränä ku̧nä̧di̧, hue'ähuotö ttu̧cuä̧ nö̧'ȩpö̧ dacuhua. \v 39 Jahuätöttö ya̧tȩ de'ara̧'a̧cu̧ rä'opächinö dauhuiyä u̧huä̧ju̧ ȩma̧ pä'ö. Juhuoröttömä po̧cui̧pi̧nö̧ jite cuäcuähuä dau, u̧huä̧ju̧mä̧ rö̧ä̧nä̧ 'to'inö ö̧'ca̧tä̧huä̧ta̧ huä̧mȩ i̧sä̧ta̧'i̧nä̧ suhuädi'önä. Ja̧hua̧nö̧ ja̧'a̧ jahuätömä ppo̧u̧cu̧ pö̧nä̧ 'cui'ö ȩni̧nä̧tö̧ nö̧'ȩpö̧ dahuähuäba jacuä, ti̧yȩ juäijó pä'ömä ttieruhua'anä̧tä̧.

04/40.txt

@@ -0,0 +1 @@
+\v 40 huähuä jä̧ji̧ tti̧yi̧nä̧u̧ ja̧hua̧nö̧ ja̧'a̧nä̧ jahuätö ttucua pä'ö ttö̧jä̧mä̧dö̧ ji̧yȩnä̧tä̧ huopi'ö pättinä̧u̧: "¡Dios u̧mu̧huä̧ya̧ pi̧yȩmä̧ ni̧yȩcuä̧ ja̧'a̧ pä'ö.!" Ja̧hua̧nö̧ ja̧'a̧ttö̧ cuä̧nö̧mä̧ cuocotö pinätö̧. \v 41 Ja̧hua̧nö̧ ja̧'a̧ Eliseo pä'inö: "A̧'u̧cu̧nä̧ harina i̧sa̧ppä̧ iyätucuittö." Ja̧hua̧nö̧ ttiyäcu i̧sa̧ppä̧ ȩnä̧ji̧'ca̧ pä'inö: Ttö̧ja̧ ttucua iyätucuitö, täcö surojömä juiya'a uribanämä.

04/42.txt

@@ -0,0 +1 @@
+\v 42 Ya̧tȩ ubomä Baal Saalisattö rä'opö ichinö Dios u̧mu̧huä̧ya̧rö̧ ä̧cuo̧mȩnä̧ u̧ju̧nä̧huä̧ u̧huä̧ju̧ttu̧ iya pä'ö, 20nö̧ o̧si̧ cebadattö adicuä'inä, jua'a jö̧ ta̧'a̧nö̧ u̧huä̧ju̧ o̧cha̧'i̧nä̧ jareönä 'toähuättö 'cächö iyinä̧cu̧. Ja̧hua̧nö̧ iyäcu Eliseomä u̧mu̧huä̧ya̧rö̧ pä'inö: "Ttucua iyä'chi ttö̧ja̧rö̧." \v 43 U̧mu̧huä̧ya̧mä̧ pä'inö: ¿Tta̧'a̧nö̧ jö̧nä̧ chucuäje'äcua'a jä̧ttö̧ 100nö̧ huotö ja̧'a̧mä̧? Ja̧hua̧nö̧ ja̧'a̧ Eliseo päinä̧cu̧: Pi̧yȩmä̧ ttö̧ja̧rö̧ iyä'chi ttucua pä'ö, tu̧ru̧hua̧mä̧ ja̧hua̧nö̧tä̧ pä'ö. "Jahuätömä ttucuäcuotö, ja̧hua̧nö̧ ttucua'anä̧'i̧nä̧ ji̧nä̧ ka̧cui̧pä̧cua̧'a̧. \v 44 Ja̧hua̧nö̧ ja̧'a̧ u̧mu̧huä̧ya̧mä̧ jahuätörö iyä'chinö; i̧yä̧'chä̧u̧ ttucua'anä'i̧nä̧ ji̧nä̧ ka̧cui̧pi̧na̧'a̧, Tu̧ru̧hua̧ i̧huȩnȩ ucuocu päinö̧ta̧'a̧nö̧ jö̧nä̧.

04/title.txt

@@ -0,0 +1 @@
+Capítulo 4

05/01.txt

@@ -0,0 +1 @@
+\c 5 \v 1 Naamanmä ru̧hua̧ Aram umuhuäya̧ pi̧nö̧, ja̧u̧mö̧ so̧ro̧da̧u̧ Ttu̧ru̧hua̧ ji̧na̧'a̧, U̧ru̧hua̧ to̧ä̧ro̧mȩ ä'cattömä juiyo ucuo i̧sa̧ juȩi̧pa̧ ji̧na̧'a̧, ru̧hua̧ Aram adiunä ö̧ji̧pö̧nä̧, ja̧u̧ jacuänä Tu̧ru̧hua̧ ppädina'attö̧. Ja̧u̧mä̧ juiyo juruhua ucuo i̧sa̧ ji̧na̧'a̧, ja̧hua̧nö̧ ja̧'a̧nä̧ öttahuiyä lepra märichei ku̧nä̧ri̧nö̧. \v 2 Arameo ttö̧ja̧ rohuäu tti̧cha̧'a̧ttö̧ juä̧jä̧ Israel rȩjȩttö̧ yajute isajuru ȩmi̧nä̧tö̧. Jahuäju isajumä, Naaman iracuarö ppä'ädärö ki̧nä̧ju̧.

05/03.txt

@@ -0,0 +1 @@
+\v 3 Isajumä kuruhuajuru pä'inäju̧: ¡Ttö pähuäröja̧cu̧sä̧ chu̧ru̧hua̧mä̧ Samariattö Dios pä'ö huȩnȩ jiäcuähuä i̧sa̧cu̧ ö̧ja̧huȩ! Ja̧hua̧nö̧ jö̧ttö̧mä̧ ja̧u̧mä̧ chu̧ru̧hua̧rö̧ umäricheittö öipönä ppado'anöhua̧. \v 4 Ja̧hua̧nö̧ ja̧'a̧, Naaman, u̧ru̧hua̧ ä'ca jo̧mȩ 'chä̧hui̧ö̧ jiähuinö Israel ttö̧ja̧ päjäji huȩnȩ.

05/05.txt

@@ -0,0 +1 @@
+\v 5 Ja̧hua̧nö̧ ja̧'a̧ Aramttö ru̧hua̧mä̧ pä'inö: Jitätä täi ttötä cuyärö isojänä hu̧yu̧tu̧ chi̧huȩnȩ hueö icusä, ru̧hua̧ Israel ttö̧ja̧ ttu̧ru̧hua̧rö̧mä̧, Naamannä pärätä diez talenton jo̧mȩnä̧ ȩmo̧po̧'ö̧ 'chi̧nö̧ 6milnö oro o̧bi̧'i̧nä̧, dieznö o̧ta̧ pörocuähuä'inä. \v 6 Ja̧u̧mä̧ U̧ru̧hua̧ huȩyu̧tu̧ hueojä ȩmi̧pö̧ 'chinö Israel ttu̧ru̧hua̧ru̧ iya pä'ö; juhuojänämä pa̧'a̧nö̧ pä'inö:"Jitämä pojä cuäyätö isojä rȩbȩhui̧o̧mȩnä̧mä̧; chu̧mu̧huä̧ya̧ Naamarö huedaja'amä tocuäcua̧jä̧ ja̧u̧ru̧mä̧ öttahuiyä lepra märicheittö ö̧'i̧pö̧nä̧ ppä'ädiyittö"

05/07.txt

@@ -0,0 +1 @@
+\v 7 Israelttö ru̧hua̧ ucuocu cä'ädömä, ö̧'ca̧tä̧hua̧ta̧ sȩro̧cu̧'icu ra̧hua̧rö̧ pa̧'a̧nö̧ pä'inö: "¿ttösä tä̧ji̧ Diosmä, cuä'ö icu'inä, tta̧cua̧rö̧'i̧nä̧ chiya pä'ö aditö chicuiyarö pä'ö jäepäcusä tä̧ji̧? pidemä ttöcu urohuähua pä'ötä usu.

05/08.txt

@@ -0,0 +1 @@
+\v 8 Pa̧'a̧nö̧ jä̧ji̧, Eliseo, Dios u̧mu̧huä̧ya̧mä̧, ä̧ju̧cui̧nö̧ Israelttö ru̧hua̧ ö̧'ca̧tä̧cua̧tä̧ sȩro̧cu̧ icuäjimä, ja̧u̧mä̧ Israel ru̧hua̧rö̧ i̧huȩnȩ hue'inö pa̧'a̧nö̧ pä'ö: ¿Ta̧'a̧nö̧ pä'ö cu̧'ca̧tä̧hua̧ta̧ sȩro̧cu̧ cuicuättö? ja̧u̧ru̧mä̧ ttö chö̧ja̧'a̧cu̧ icha hueirö ja̧u̧nu̧tä̧ u̧huo̧juä̧chi̧ä̧cua̧ Israelnämä Dios pä'ö huȩnȩ jiäcuähuä i̧sa̧ kö̧ pä'ömä. \v 9 Ja̧hua̧nö̧ ja̧'a̧ Naamanmä ä̧ji̧mö̧ ca̧hua̧yu̧tö̧nä̧'i̧nä̧, öcäruquiyänä'inä rȩbȩhui̧pi̧nö̧, ja̧u̧mä̧ Eliseo ojusode apate ä'ca pä̧tȩcuä̧nö̧ kä̧mä̧di̧nö̧. \v 10 Eliseomä u̧mu̧huä̧ya̧rö̧ hue'inö pa̧'a̧nö̧ pä'ö: "Jordan ajera'attö ttö̧mö̧ ko̧ro̧mö̧ttö̧ todärenö jo̧mȩnä̧ pötächiö nä'cäu icuäji, cuidepämä adihuächiäcua'a; suroju'inä juiyönätä̧.

05/11.txt

@@ -0,0 +1 @@
+\v 11 Naamanmä a̧'cua̧tta̧'ȩcui̧pö̧ tö'ipächö känö pä̧'i̧nö̧: to̧pi̧huä̧ ttö̧mä̧ amucuädäjisä chö̧jo̧mȩcu̧, i̧chi̧ä̧cua̧ a̧'cua̧ra̧'a̧ pä'ö, chä'ca jo̧mȩ kä̧mä̧dö̧ u̧mu̧ cä'epö Ö̧nä̧hua̧rö̧ Diosrö jä'epö u̧mu̧nä̧ mȩ'ö̧, lepra siepö i̧cuä̧cua̧, jö̧nä̧. \v 12 ¿Abana'inä, Farfa'inä, Damascottö ajehuiyämä, o'cahuiyönä Israel rȩjȩ ajehuiyättö'inä abonänömä adihuocu tä̧ji̧? ¿Ja̧u̧ otottö chi'ö juiyö'anö ja̧'a̧ tä̧ji̧, chadihuächi'a pä'ö? ja̧hua̧nö̧ pä'ipö a̧cua̧ suraja'anä̧tä̧ ppä̧'a̧chä̧chi̧nö̧.

05/13.txt

@@ -0,0 +1 @@
+\v 13 Ja̧u̧nu̧ o'comenä Naaman u̧nu̧huä̧yotö tö'cönänä 'chä̧hui̧ö̧ ttucuocuinäcu; "Ta̧mo̧nä̧ tä'ö, Dios i̧huȩnȩ ji̧cuä̧huä̧ i̧sa̧, ji̧yȩtȩ jȩcui̧ya̧dö̧ jö̧ hue'ejittömä ¿jȩcui̧ya̧nö̧ hua̧ji̧a̧? ¿Ti̧yȩ yabo ja̧hua̧nö̧ jo̧'cu̧'a̧ ajiyanätä pötächi'i näcocu icui päcujä. \v 14 Ja̧hua̧nö̧ ja̧'a̧ ttö̧mö̧ to̧mo̧rȩttö̧ todäre jo̧mȩnä̧ Jordan ajettö pötächi'inö, Dios u̧mu̧huä̧ya̧ huejiya'anötä̧ esetö jȩpi̧nö̧. Idepämä pa'ajita'anö adihuächi'ina'a, ya̧tȩ ji̧'qui̧chä̧hua̧ idepä a̧'cua̧ru̧nä̧tä̧ ja̧hua̧nö̧tä̧ adihuächinö.

05/15.txt

@@ -0,0 +1 @@
+\v 15 Naamanmä Dios umuhuä̧ya̧ ö̧ja̧'a̧cu̧tä̧ ppa̧'a̧chi̧nö̧, chutä'inä ja̧u̧cu̧tä̧ ka̧cuä̧tö̧'i̧nä̧, rȩbȩhuä̧hui̧pö̧mä̧ ä'ca jo̧mȩ ka̧mä̧di̧nö̧. Ja̧u̧mä̧ pä'inö: "Jitämä täcö huo̧juä̧sä̧ ka̧ra̧ Dios anöhua̧mä̧ toa'a pi̧jä̧nä̧mä̧, Israel ttö̧ja̧nä̧tä̧ kö̧. Ja̧hua̧nö̧ ja̧'a̧ttö̧ jä'epösä ttö cu̧mu̧huä̧ya̧ chi̧yä̧mä̧ 'chucuäda pä'ö". \v 16 Ja̧hua̧nö̧ ja̧'a̧ Eliseo ädätinö: "Chu̧ru̧hua̧mä̧ kö̧ ja̧u̧tä̧ ja̧'a̧ chesetäcumä, ttömä ji̧yȩtȩ'i̧nä̧ ȩmo̧cö̧sä̧. Naamanmä Eliseorö huȩä̧ri̧nö̧ iäre iyähuä ȩmi̧ya̧rö̧ö̧ pä'ö ja̧hua̧nö̧ ja̧'a̧nä̧ ȩmo̧cö̧sä̧ pä'inö.

05/17.txt

@@ -0,0 +1 @@
+\v 17 Ja̧'huanö ja̧'a̧ pä'inö Naaman: Jahuanö j'a̧'atö, jäepusä ucuro Israel rȩma̧ttö chepäpe ta̧jö̧ Mulanä̧, porö yabocumä, ttö cä̧mu̧huä̧ya̧mä iyiyä̧cua̧ kuähuä ofrenda'i̧nä̧ ka̧ra̧ diorömä̧ , Israel ttöänähua̧ Diosrötä. \v 18 ttö cö̧mu̧huä̧ya̧ jiyȩtetä cunöchiä pä'ö jä'epusa churu̧hua̧ ttö chu̧ru̧hua̧ i̧'chomenä̧ Rimon ojusadena ucuo teä'öi̧cho̧mȩna̧ , ttö̧ chimöna choädö chutäcutä jarȩyu̧ pädiä̧cuasa̧, churu̧hua̧ cumua̧ya̧rö̧mä piyȩ jȩö̧ttötä cunöchi'a pä'ösa. \v 19 Eliseo pä'inö ya̧u̧ru̧: " Yecuecuocata ta'i" Jahua'anö ja̧'atö̧ Naaman ihui'inö

05/20.txt

@@ -0,0 +1 @@
+\v 20 Ja̧u̧ma̧ otome jo̧ca̧'a̧tä̧ 'cha̧hui̧'i̧nö pi̧no̧ Dios hue'ä̧huä̧ Eliseo u̧mu̧ä̧ya̧ Giezi, chutä a̧möna pä'äcuinö : Ttö churu̧hua̧ jaropiäji mipponä iyahuä arameo i̧sa̧ Naaman, churu̧hua̧ 'cuäppunä kö̧, o'canä jochä̧ cua̧sä iyättö pä'ö \v 21 Jahua'anö ja̧'atö Giezi Naaman O'canä chinö . Naaman o'cacu ijärachomȩna̧  topinö ya̧tȩ jopö icha'a, jahuano jiyäca ocarucätto meyehuächö 'chähui'inö teähurö pä'ö, jäepinäcu:  ¿Ji̧yȩte surojö 'cuäopaäa täji ? \v 22 Giezi pä'inö "Adiuna̧tä ja̧'a̧",  ttöro ichätö Efrain de'ätö ta̧ju̧ muäyotö profeta ttitimö̧, micuä juyöna, cuiyä pä'o ya̧'a̧te päräte plata ttö jahuanö ja̧'a̧ to̧ta̧rȩ puja̧ta̧.

05/23.txt

@@ -0,0 +1 @@
+\v 23 Naaman mä ädätinö riänä eseusä ta'are talentos jȩmȩnä̧ chiyacö pä'ömä . Naaman Gieziö huȩä̧ri̧nö̧ ja̧hua̧ta̧nö̧ ta'are talentos plata jähuä nö'quinö tojäre dötäyösojänä , Pö̧jä̧ta̧ to̧da̧rȩ'i̧nä päröcuacö iyinö ,ja̧hua̧ta̧nö̧ ömöhuäyottö ta̧ju̧ru̧ sȩtädö iyinö, juätumä dotäyö ojä epinätä̧tö Giezi ippeyämenä \v 24 Giezi täcu möä'ca sabnebä jo̧mȩ rä̧bȩhui̧nö̧ ja̧u̧mä̧ dotayö 'ojä ȩmi̧nö Ö̧mö̧nä̧ ,Ja̧hua̧ta̧no̧ daju icuinö isodenä; ja̧u̧mä̧ ttumuhu äyotörö Oto hue'icuinö̧ juätumä̧  i̧huinä̧tö̧ \v 25 Giezi täcu doächi'inö ja̧hua̧ta̧nö̧ Ö̧rö̧hua̧ ä'cajo̧mȩ kä̧mä̧di̧nö̧  Eliseo pä'inö ja̧u̧ru̧ : ¿ Giezi, tottu cuichaja̧'a̧ttö̧? ja̧u̧mä̧ ädätinö " cu̧mö̧huä̧ya̧mä̧ " c'ho̧cu peji ji̧nȩtȩ pä'o'inä?"

05/26.txt

@@ -0,0 +1 @@
+\v 26 Giezi rö pä'inö Eliseo mä̧ "¿c'ha̧cua̧rö̧hua̧mä̧ Ucucumä  c'cho̧ca̧ja̧ tä̧ji̧, ubo ppä̧'a̧chȩi̧nö̧mä öäre carucänä U̧'o̧cui'acö pä'ö?  ¿piye pä̧nämä̧ pärätä'inä ttiganä a̧ pätä pä'ö ja̧'a̧ti̧ , ja̧hua̧ta̧nö̧ Olivo'inä viña ä ku̧nä̧ huä̧'inä̧ Ohuejatö̧'inä  pa̧cäyö̧'inä̧  ja̧hua̧ta̧nö  ttömöhuäyoturu'inä? \v 27 ja̧hua̧nö̧ ja̧'a̧ttö̧ , Naaman ömärichei lepramä Ucura kä̧mä̧da ja̧hua̧ta̧nö̧ cuahuäröhaä 'cotörö'inä 'cuäopanätä̧ Ja̧hua̧nö̧ ja̧'a̧ Giezimä i̧hui̧'i̧nö a'camettömä̧, lepra ko̧nä̧rö̧tä̧ diyahua̧ppȩ teä̧ppȩ 'ka̧cua̧rö̧nä̧tä̧

05/title.txt

@@ -0,0 +1 @@
+Capítulo 5

06/01.txt

@@ -0,0 +1 @@
+\c 6 \v 1 Dios ihuȩnȩ jiäcuäcuä ttö̧ja̧ tti̧tti̧mö̧ Eliseorö jiähuähuinätö: "Ucutäcu ujutu tö̧ju̧cui̧no̧mȩmä̧ juiyo a̧u̧cui̧no̧mȩ ujututärö'inä o'catoinärö. \v 2 Adiunänötä icuipitö ti̧cha̧ pä'ö jordan rȩjȩnä, jahuanö ja'anä u̧mä̧tö̧ttö̧ ya̧cu̧nä̧rö̧ dau ku̧tta juorutä, jahuanö ja'a taditäcuotöjä juȩnȩtä̧ tö̧ju̧cua̧ pä'ö. \v 3 Jahuätuttö ya̧tȩ päinö:" Adiunänötä cui̧chö̧'anö ja'a cuiere adicuä ttö̧ja̧cu." Eliseo ädätinödo: "ttö chi̧cha̧cua̧sä̧"

06/04.txt

@@ -0,0 +1 @@
+\v 4 Ja̧hua̧nö̧ ja'a jahuätucu räopächinö ja̧hua̧ta̧nö̧ jahuätö rä̧bȩhu̧ipinätö Jordan rȩjȩnä̧ dauhuiyättö'inä kuäu̧ kämädinätö. \v 5 Ya̧tȩ pö̧nä̧ ku̧ä̧huo̧'inätö, däpä'que ö̧ paiönä jo̧mȩ aje acuoto mo̧o̧po̧ä̧cui̧na̧'a̧; Jaumä huopi'inö jahuatanö pä'ö: !ö̧ jahuanömäcö, ttö chu̧ru̧hua̧ oicuä i̧sa̧ juamä chioropo'aja'a!

06/06.txt

@@ -0,0 +1 @@
+\v 6 Diosttö ubo jo̧na̧ hua̧mä̧ pä'äji: ¿ Ti̧nȩ mö̧a̧cha̧ja'cuä̧ttö?  Eliseorö ijȩpinö ubomä mo̧ä̧cha̧jo̧mȩ. Jaunö o'ca'a dau cuiopo'inö aje jacuoto käinö, jaumä jȩpi̧nö̧ 'quiyu juäittö'inä ppoepina'a. \v 7 Eliseomä painö: "ȩmo̧po̧i̧." Jahuanö ja'a öbo'inä umönä 'chuädopä'ö 'tti̧ȩpi̧nö.

06/08.txt

@@ -0,0 +1 @@
+\v 8 Jitämä aram ru̧hua̧mä̧ kä'ädö kunö Israel ttöja̧ttö̧'inä rohuäcuähuä. Oäre adicuä ttö̧ja̧rö̧ jaepö äjo̧cui̧nö̧, painödö: "TTö chähuäränä'inä ö̧ja̧cua̧ jahuanö ja'a korome'inä". \v 9 Diosttö äbo jo̧nä hua̧mä̧ hueö icuinö Israel ttö̧ja̧ ttu̧ru̧hua̧nö̧ painödo: "TTö̧ȩcuä̧nä̧ kahui koromenä'inä cuäcuopo, arameo ttöja'inä chä̧no̧ juȩnȩnä̧tä̧ mȩjä̧huä̧tö̧."

06/10.txt

@@ -0,0 +1 @@
+\v 10 Koronö Israel ttö̧ja̧ ttu̧ru̧hua̧ hueinö u̧mätörö'inä Diosttö ubo jo̧nä hua̧'inä päinö'anö ja̧unö. Röänä'inä yaute'inä jo̧mȩnä̧, ja̧u̧ ru̧hua̧mä̧ juatä chi̧nö̧, tta̧hua̧rä̧cuä̧huä̧ i̧sa̧ jo̧nä̧'i̧nä̧ ki̧nö̧. \v 11 Aram ru̧hua̧mä̧ rö̧ä̧nä̧tä ye'ecuä̧rö̧nä̧nö̧tä̧ kinö. Jahuanö ja'a ja̧u̧mä̧ huopo'inö oäre adicuä ttö̧ja̧rö̧ ja̧hua̧nö̧ ja'a päinö jahuatörö: "¿ Jahuanömäcö pacujuiyäcuotöjä ucutumä dijättö ujututtö kömä adiunänö Israel ttö̧ja̧ ttu̧ru̧hua̧ttö̧mä?"

06/12.txt

@@ -0,0 +1 @@
+\v 12 Ja̧hua̧nö̧ ja'a ya̧cu̧nä̧ öäre adicuä ttö̧ja̧ päinätö: "¡ Ja̧hua̧no̧mä̧cö̧, ru̧hua̧, ttö chu̧ru̧hua̧, Dios ihuenä jiäcuähuä i̧sa̧ Eliseo Israel ttöja̧ ttu̧ru̧hua̧ pä'ö ru̧hua̧rö̧ Israelttö'inä, ucututä cucuocuätucu'inä jitutä pättäu'inä \v 13 Ja̧u̧ ru̧hua̧mä̧ ädätinö:"Cui̧'cho̧'a̧nö̧ ja'a ja̧hua̧nö̧ ja̧'a̧nä̧ topi Eliseomä to ö̧ja̧ pä'ö ttö'inä imätörö huedö'a̧no̧ ja̧'a̧ - jahuatanö po̧cui̧pätucuirö ja̧u̧rö̧.  Jaurömä jahuarötö pä'inö: "Topi, Dotan rȩjȩnä'inä ö̧ja̧ pä'ö. "

06/14.txt

@@ -0,0 +1 @@
+\v 14 Ru̧hua̧mä̧ hueinö Dotan rejera'a cabayuturö'inä caru'quiyä'inä ja̧hua̧nö̧ ja'a So̧ra̧da̧urö'inä. Jahuätumä ichinätö yodo jahuanö ja'a ötahuiya'inä sobucuächunä \v 15 Adicuä i̧sa̧ Diosttö ubo jo̧nä̧ hua̧ yo̧a̧sa̧na̧ ä̧rä̧minö ja̧hua̧nö ja'a räopächinö u̧mi̧cui̧, pi̧nȩtä̧ ja'a recuätö so̧ra̧da̧u̧ cabayutucu'inä jahuanö Caru'quiyä'inä ötahuiyä'inä sobucuächi'önä. Jahuanö ja'a adicuä i̧sa̧ päinödö:" ¡oh, chu̧ru̧hua̧ ttö repedäcu! ¿daje jȩtacuajättö ujutumä?" \v 16 Eliseo ädätinö: "Jahuänömäcö yecuäcuiä, ta'anö jo̧nä tto̧ju̧cua̧jättö ujutucumä jahuätumä recuätö jahuätucutä ka̧cuä̧tu̧'inä̧. "

06/17.txt

@@ -0,0 +1 @@
+\v 17 Eliseomä ucuocu päinö: "Chu̧ru̧hua̧, ttömä ucurö ucuotunö ucutä baepiyittö oäriyättö'inä jau'inä toönä päiönä". Ja̧u̧nö̧ o'ca'a u̧ru̧hua̧mä̧ öäre bahuepiniyä̧cu̧ öäre adicuä i̧sa̧rö̧ ja̧hua̧nö̧ ja̧'a̧ ja̧u̧mä̧ topinö. ¡Möä'ca'inä rö̧ä̧nä̧tä̧ sobocuächönä ka̧cui̧nä̧tö̧ cabayutö'i̧nä̧ ja̧hua̧ta̧'a̧nö̧ caru'quiyä'inä ocuriyä'inä Eliseo ö̧jo̧mȩcu̧. \v 18 Arameos ttö̧ja̧mä̧ ö̧jo̧mȩcu̧ ichicuipinätö̧, Eliseomä U̧ru̧hua̧rö̧tä̧ jä̧ȩpä̧ri̧nö̧ ja̧hua̧ta̧'a̧nö̧ pä'inö: pitö ttö̧ja̧rö̧mä̧ aräö'icuitö ruhuäcuähuänätä̧, ttömä jädepäcujä". U̧ru̧hua̧mä̧ jȩi̧ni̧yä̧cu̧, Eliseo jäepäji'a̧nö̧tä̧. \v 19 Ja̧u̧nö̧ o'ca'a Eliseo pä'inö Arameo ttö̧ja̧rö̧: "pi̧yȩmä̧ pa̧'a̧nö̧mä̧cö̧ ja̧'a̧ 'chä̧cuä̧huä̧mä̧, pi̧yȩ ötahuiyättö'inä Ja̧hua̧ta̧'a̧nö̧ ttötä chȩpä̧cua̧sä̧ ucutu cusätucua̧u̧rö̧'i̧nä̧". Ja̧u̧mä̧ ja̧'a̧ ja̧u̧tä̧ 'chi̧nö̧ Samria rȩjȩra̧'a̧.

06/20.txt

@@ -0,0 +1 @@
+\v 20 Samaria rȩjȩnp ttu̧ra̧bȩhuo̧mȩnä̧ Eliseomä pä'inö: "Chu̧ru̧hua̧ pitö u̧mä̧tö̧rö̧ ttöäriyä baepiyittö jahuätö'inä tottönä päiönä". U̧ru̧hua̧mä̧ bahuepiniyä̧cu̧ jahuatö ttöäriyä töttönä päiönä ja̧hua̧nö̧ jahuätumä ka̧cui̧nä̧tö̧ Samaria rȩjȩ ötahuiyä kä'co päteö. \v 21 Israel ttö̧ja̧ ttu̧ru̧hua̧ päinö ja̧u̧rö̧ topoö: "¿ttö chä'o, mippotösä ttömä cuäö chicuäpä'ömä? ¿mippotösä cuäö chicua pä'ömä?

06/22.txt

@@ -0,0 +1 @@
+\v 22 Eliseomä  adätinö: "Ja̧hua̧nö̧mä̧cö̧ jahuätörömä cuä'ö cuicö juiyu'anö ja̧'a̧. ¿Cuä'ö cui̧cua̧cua̧jä̧ jahuätörömä titöjättö ȩmi̧po̧ö̧ huecuäömä curädä'inä ja̧hua̧ta̧'a̧nö̧ 'pöonönä'inä? ku̧no̧po̧i̧ pan'inä ja̧hua̧ta̧'a̧nö̧ ajiya'inä jahuätö 'ttä'ca jo̧mȩ. Jahuätö tucua päö'inä tahua päö'inä, ttu̧ru̧hua̧ ö̧jo̧mȩ ti̧'cha̧ pä'ö. \v 23 Ru̧hua̧mä̧ rö̧pnä̧ jȩpo̧'o̧ j=ku̧ni̧nö̧ cuähuä'inä jahuäturö ja̧hua̧nö̧ ja̧'a̧nä̧ jahuätumä cuäjätö pinätö̧, ja̧hua̧ta̧'a̧nö̧ au'inä ahuajätö pinötö̧, ja̧u̧mä̧ hue'ö  icuinäu̧, jahuätumä ppa̧'a̧chö̧ i̧hui̧nä̧tö̧ jitutä ttu̧ru̧hua̧ö̧ja̧'a̧tä̧. So̧ro̧da̧u̧ pitumä Arameo ttö̧ja̧ ja̧hua̧nö̧mä̧ recuo päiönä ppa̧'a̧cho̧co̧tö̧ pinätö̧ Israel ttö̧ja̧ ti̧rȩjä̧ra̧'a̧.

06/24.txt

@@ -0,0 +1 @@
+\v 24 Ja̧u̧nä̧ o'ca'a pi̧yȩttö̧'i̧nä̧ Ben-Adad aram ru̧hua̧mä̧ o'ca toinärö ji̧nä̧ yo̧mȩtȩ ca̧ca̧to̧po̧ö̧ umöhuäyotö so̧ro̧da̧u̧rö̧ jahuäta'anö Samariattö'inä 'chuädö ku̧ni̧nö̧. \v 25 Ja̧hua̧nö̧ ja̧'a̧ rö̧ä̧nä̧tä̧ ppä̧i̧rö̧jä̧chi̧na̧'a̧ Samaria rȩjȩttö̧, recuä rö̧jä̧chi̧na̧'a̧ buru̧ba̧ öyu'inä pärätänä iyu'icuäcuina'a 80nö jo̧mȩnä̧, ja̧hua̧nö̧ ja̧'a̧ pa̧ja̧cuä̧nö̧ jo̧mȩnä̧ 1.23 litros  isoya 'carö ku̧nä̧huoya unucuttö'inä korojuotö'inä adicuä'a ji̧na̧'a̧, 5nö jo̧mȩnä̧ pärätä ji̧na̧'a̧. \v 26 Ru̧hua̧ Israel ttö̧ja̧ ttö̧ru̧hua̧ 'cuäopinö tto̧ȩpä̧rä̧bä̧nä̧'i̧nä̧ yajute isaju huopinäju ja̧u̧rö̧ päinä̧ju̧: "ppä'ädi, ru̧hua̧, ttö chu̧ru̧hua̧ ru̧hua̧".

06/27.txt

@@ -0,0 +1 @@
+\v 27 Ja̧u̧mä̧ päinö: "Ja̧u̧ Chu̧ru̧hua̧ ppädö'inä juiyu'anötä ja̧'a̧, ¿Ta̧'a̧nö̧tä̧ ppädädö'anötä̧ ja̧'a̧jä̧ttö̧ ttömä? ¿ku̧nä̧huä̧ o̧tȩ'i̧nä̧cö̧? \v 28 Ja̧u̧ ru̧hua̧mä̧ yabocu 'chä̧hui̧'i̧nö̧: Ja̧u̧mä̧  "¿däjettö mȩo̧pä̧ri̧nä̧cu̧jä̧ttö̧?" jahuäjumä ädäinäju: ttörö päjäji paju isajurumä: iyittö ucutä cui̧tti̧rö̧ ujutumä jitämä ka̧cuä̧tu̧jä̧ tucuia'a päötä, ja̧hua̧nö̧ ja̧'a̧ yo̧i̧ mo̧ro̧mä̧ ttö chi̧tti̧rö̧'i̧nä̧ tucuiäcuotujä, pä'inö. \v 29 Ttö chi̧tti̧rö̧'i̧nä̧ cuäräunä dau cuätujä, ja̧hua̧nö̧ ja̧'a̧ koro mo̧ro̧  päiomenä jahuäjurö pä'äjisä: iyittö cui̧tti̧rö̧ tucuarö pä'ö; ja̧hua̧nö̧ ja̧'a̧ jahuäjumä ki̧tti̧rö̧ daju icuinäju.

06/30.txt

@@ -0,0 +1 @@
+\v 30 Ja̧huänö̧ ja̧´a̧ rö̧hä̧ isaju ki̧huȩnȩ ä̧ju̧ cuo̧mȩnä̧mä̧ , o̧´Ca̧Tä̧HUä̧Ta̧ sȩRu̧Co̧ ICUINö̧ (JITäMä Ja̧u̧Mä̧ ttoecuäbänä ´kuä´opinö), ja̧hua̧ta̧nö̧ Otahuiyä ttö̧ja̧maä̧ tuttinäcö ja̧hua̧ta̧no̧ o̧´ca̧tä̧huä̧ta̧mä̧ dötäyötto adicua ö̧jö̧näia̧ topinätö i̧jȩta̧ tto̧ȩcä̧iö̧nä̧. \v 31 Ja̧u̧nu̧´camä ja̧u̧mä̧ pä´inö "pa̧á̧´nö̧ Dios ttörö jȩö̧ttö̧mä̧ , ja̧ha̧ta̧no̧."

06/32.txt

@@ -0,0 +1 @@
+\v 32 ja̧hua̧no̧ ja̧´a̧nä̧ Eliseomä Ojusode jacuä pi̧no ja̧hua̧ta̧nö̧ buosotö´inä ja̧u̧cutä pȩji̧nä̧tö̧. "rö̧hua̧mä̧ hue´inö ya̧tȩ öbrö ja̧u̧ ä´cajo̧mȩ , ja̧hua̧nö̧."Topätucui, ¿tocu pä´ö pide cuä´icuähuähuäsa̧ i̧ttimä̧ chöyöyö ttȩpa̧pä´ö hueaja̧ttö? topätucui, huȩnȩ ȩcuä̧sa̧ \p ichi´omenämä̧ , apate mö̧´ȩpö icuätu cuijo, ja̧hua̧tä̧nö̧ apatemä mö̧ȩcuä̧nö̧tä̧ ku̧ju̧nä̧rä̧tucua̧ja̧ ja̧u̧ru̧mä̧. ¿ö̧rö̧hua̧ ijä̧pä̧ i̧cha cuocuoca´atä̧ji̧ ja̧u̧ o´canämä?" \v 33 Ja̧hua̧na̧nö̧ ja̧´a̧nä̧ ja̧u̧ juätucu ji̧nä̧ Ucuocuanätä̧, täcu pi̧nȩtä̧ , hu̧ȩnȩ ȩcuä̧ i̧sa̧mä̧ mȩyȩhuipinö ja̧u̧ ö̧jo̧mȩ. rö̧hua̧mä̧ pä´inö ji̧nä: "jitämä , ja̧hua̧nö̧ja̧´a̧ , pi̧yȩ huȩnȩmä̧ tö̧ä̧nä̧hua̧ttötä ichö. ¿dä̧bö̧ pä´ö ttömä recua̧ , tta̧dä̧ra̧ pä´ö ja̧´a̧ttö̧ tö̧ä̧nä̧hua̧rö̧?".

06/title.txt

@@ -0,0 +1 @@
+capitulo 6

07/01.txt

@@ -0,0 +1 @@
+\c 7 \v 1 Ja̧hua̧nö̧ ja̧'a̧ Eliseomä pä'inö: A̧ju̧cuä̧tu̧cui̧ Dios i̧huȩnȩ, pi̧yȩtä̧ ja̧'a̧ Dios päömä: yo̧i̧ mo̧ro̧ kä̧hua̧ jitä ö̧jo̧mȩtä̧ päiomenä ya̧mö̧ i̧sa̧ppȩ chä̧i̧hua̧ppȩ Samaria  ötahuiyä apate ä'ca pärätä micuänä iyähuäcua'a yaute ciclo jo̧mȩmä̧ micuähuäcua'a ya̧mö̧ i̧sa̧ppȩ yaute amöcomenä, juhua'a jö̧ ta̧'a̧nö̧, cebada i̧sa̧ppȩ'i̧nä̧ ta'are jo̧mȩnä̧ ämäca'a yaute ciclo jo̧mȩnä̧ micuähuacua'a. \v 2 Ru̧hua̧rö̧ ppä̧dä̧rä̧cuä̧huä̧ i̧sa̧ ädätö pä'inö: Dios i̧huȩnȩ jiäcuähuä i̧sa̧rö̧: mo̧ro̧ji̧yä̧nä̧ Dios päteinä toäcuähuäte bahuepöttömä ¿Pi̧yȩmä̧ 'cuäopö'anö ja̧'a̧ tä̧ji̧? Eliseo ädätinöcu: Topihuä, ucutä cyamonä cuiärenä tocu'acua̧jä̧ 'cuäopa'amä ja̧hua̧nö̧ ja̧'a̧nä̧ ja̧u̧ttö̧mä̧ ucumä cucuiyä̧cua̧jä̧.

07/03.txt

@@ -0,0 +1 @@
+\v 3 Pa̧ja̧cuä̧nö̧ huotö umätö̧ ttöttahuiyä huahuachocö juäiu nȩnȩpä̧tö̧ ki̧nä̧tö̧ ötahuiyä apate ä'ca. Jahuätömä jitötä pä'ächäcuinätö̧ ¿Däje pä'ö pȩnȩtä̧ tö̧'o̧ca̧'a̧jä̧ttö̧ hua'öticuome jubö päiönä? \v 4 Ötahuiyära'a dotächöttömä ppeittö 'corupäti'äcuotöjä; pȩnȩtä̧ tö̧ji̧pö̧ttö̧'i̧nä̧, pa̧huä̧rö̧jö̧'a̧nö̧tä̧ hua'aö ticuäcuotöjä, ja̧hua̧nö̧ jö̧ttö̧mä̧ cuorä ru̧hua̧ Sirios ttö̧ja̧'a̧tä̧ ti̧'chä̧tu̧cua̧. Jahuätö tö̧ja̧'a̧nä̧ ja̧'a̧tä̧ tottöttömä tö̧jä̧cuo̧tö̧jä̧ jahuätö cuä'ö tticuttumä huä̧i̧nä̧ cuä'ö tticuäcuotöjä.

07/05.txt

@@ -0,0 +1 @@
+\v 5 Ja̧'hua̧nö ja̧'a̧,  nipä̧ro̧me  a̧ra̧mä̧cuähuinä̧tö arameo ttö̧ja̧ ttö̧'ahuariyä tti'cha  pä'ö; jua'a yabocumä  juättömä̧  rȩbȩhui̧nätö  yabocu oto  jo̧mȩ  ttö'äbariyära̧'a, Juȩnemä̧  ya̧tȩi̧'i̧nä̧ to'ina'a̧. \v 6 ja̧'hua̧'a̧nö  ja'a TÖ̧Ä̧NÄ̧HUÄ̧ - mä jȩpi̧nö  aramero ttö̧ja̧ ttä̧ju̧cua̧ pä'ö  carö'oquiyä rö̧'äönä    jä̧inö̧'a̧nö̧ rä̧mi̧pä̧'a̧ Ja̧'hua̧ta̧'a̧nö̧ ca̧huäyötuttö'inä - Ja̧'hua̧'anö ja̧'a̧nä  rö̧'ä̧u̧nä̧ rä̧mi̧pä̧'a̧  ttä̧ju̧cu̧nä suro̧dö̧'u̧ recuätö  tticha'a a̧cuä̧rö̧nä,  Ja̧'hua̧'a̧nö  ja̧'a̧ttö̧ juättömä̧ ya̧cupunä pä'ähuinätö: ''Israel röhuämä  ä̧tȩpä̧ji̧'cu̧  Hititas  ttöröhuä̧rö̧'i̧nä  Ja̧'hua̧ta̧'a̧nö  Egipcios- rö̧'i̧nä̧ Ujutucu  Rohuä'ö ticha Pä'ö''

07/07.txt

@@ -0,0 +1 @@
+\v 7 Ja̧'hua̧'a̧nö  ja̧'a̧ttö̧ su̧ro̧do̧'u̧mä a̧rä̧mi'ö̧  ttö̧'ipäichinätö̧ nipä̧ro̧mȩ  ja̧'a̧; juättömä̧ jaropinä̧tö̧  odehuiyä ttö'ahuariyä'inä, cahuäyöttörö'inä; ttäjimö̧ mu̧ro̧ba̧rö̧'i̧nä; Ja̧'hua̧ta̧'a̧nö  odehuiyättö' ahuäriyä'inä̧ ju̧ta̧'a̧nö̧ cu̧ni̧pi̧nä̧tö̧, ttöji̧pä̧ du̧acuächinä̧tö̧. \v 8 ja̧'hua̧'a̧nö  ja̧'a̧ u̧mä̧tö̧  huäre cu̧närä̧tö̧ chi̧nä̧tö̧  ttö'ähuäriyä oto  jo̧mecu; juättömä̧  'chi̧nä̧tö̧  yodeterä̧'ä̧  ja̧'hua̧'a̧nö  ja̧'a̧ttö̧ ttöcuä'inä̧  cuinätö auinä̧ a̧huinätö̧, Ja̧'hua̧ta̧'a̧nö̧ pärätä'inä , oro'inä̧  po̧jä̧ti̧yö̧'i̧nä̧, juȩnȩ O'cä'amä̧ juättömä̧  da̧ju'icuinätö̧ pä'ata'anö  juättömä ppa'achi̧nä̧tö̧  ja̧'hua̧'a̧nö̧  ja̧'a̧mä  dodepinätö̧  korodenä̧ juodettö'inä̧  ȩpi̧nä̧tö̧ korojuei, ja̧'hua̧ta̧'a̧nö̧ 'chä̧nö̧ dajinätö.

07/09.txt

@@ -0,0 +1 @@
+\v 9 Juȩnȩ O'ca'a̧ juättömä̧  pä'ahuinä̧tö̧  ya̧cu̧pönä̧: '' adiumä̧  jȩpo̧'co̧ttöja ujutumä,''  Pi̧yȩ  mo̧ro̧mä̧  adiu huȩnȩ mo̧ro̧, Ja̧'hua̧'a̧nö̧  ja̧'a̧nä̧ ujutumä̧ 'corö jö̧nä̧ttä̧ ,cacuetö̧jä̧ pi̧yȩnä̧mä.  mo̧ro̧ juo'anä 'tattäröttömä̧, ro̧ȩcuättä ichäcua'a ujuturömä̧. Jitämä̧ ti'chätucua̧  röhua̧ o̧jo̧so̧dȩrä̧'a̧ ji̧ä'ö.'' \v 10 Ja̧'hua̧'a̧nö̧ ja̧'a̧ttö̧  juättömä̧  'chi̧nä̧tö̧ Ja̧'hua̧'a̧nö̧  ja̧'a̧  huopinä̧tö̧ rö̧'ä̧u̧  odehuiyä ' ta'a̧rä̧ttö̧rö̧ juättömä̧  päi'nätö '' Ujutumä arameo ttö'ahuäriyära̧ 'chä̧jä̧ttö̧jä̧ , Ja̧'hua̧'a̧nö̧  ja̧'a̧nä̧ ya̧tȩi̧'nä̧ to̧'a̧ja̧'a̧  jua'amä̧ cahua̧yotumä̧  ti'ä̧dä̧cuähua'a  kä̧jä̧tö̧, murötö'inä̧  Ja̧'hua̧ta̧'a̧nö̧  ti'ädäcuähua'a, ttö'ariyä'inä̧ juȩnȩtä̧ käja̧'a̧  \v 11 ''Juȩnȩ O'ca'amä suro̧da̧u̧mä̧ huo̧pi̧nä̧tö̧ Ja̧'ö̧ huȩnȩ, ja̧'ö̧nö̧  O'ca'a jiähuinätö rö̧hua̧ Ojuisoderä̧'a̧.

07/12.txt

@@ -0,0 +1 @@
+\v 12 Ja̧'hua̧'a̧nö̧ ja̧'a̧ttö̧ röhuämä, ä̧rä̧mi'inö yodo ja̧'a̧ ja̧'hua̧'a̧nö̧ ja̧'a̧mä  päi'nö umu̧huäyotörö: ''ttö ji̧dä̧huä̧cuä̧sä̧ arameos ujuturö  jȩttä̧ji̧. juättömä̧ huo̧juä̧tö  Ujuturumä ppä'icuättö pä'ömä, Ja̧'hua̧'a̧mö̧nö̧ ja̧'a̧ttö̧ juättömä̧ ö̧mi 'chinätö̧ ttö'ähuäriyäräcö̧ ttödajuächa'a pä'ö pä'ttiyö jo̧mȩ.  Juättömä pä'ättö: juättö Ötahuiyättörä rä'topomenä, ujutumä 'chuttädäcoto̧ a̧'cuä̧rä̧tö̧rö̧ Ja̧'hua̧ta̧'a̧nö̧ Ötahuiyärä̧'a̧ tȩpäcuä'ö. \v 13 Ya̧tȩ röhuä u̧mu̧huäyä̧  ädättö  pä'inö̧'' ttö̧mä̧ jaepusäto, Ja̧'a̧ttä̧ topi  korottö U̧mätö̧   ji̧mu̧tȩnö̧  huo̧tö̧  ca̧huä̧yö̧tö̧  ca̧cui̧pä̧jä̧tö̧, pi̧yȩ Ötahuiyänä. juättömä ja̧'a̧ Israel ttö̧ja̧tö̧ ca̧cui̧pä̧tö̧ Jä̧i̧'nö̧'a̧nö̧ ja̧'a̧. (recuätö̧ 'co̧rö juo'ächäjätöttä'cö); Ja̧'a̧ttä̧ topittö hueta̧'a̧nä̧ 'ta̧'a̧nö̧ ja̧pä'ötota.

07/14.txt

@@ -0,0 +1 @@
+\v 14 Ja̧'hua̧'a̧nö̧  ja̧'a̧ttö̧  juättömä huinätö̧ to̧'cä̧re  carö'quiyä  cahuyötö̧cuö̧ ja̧'hua̧'a̧nö̧  ru̧huä̧mä̧  huei'nö arameos  suro̧do̧'u̧  ttö̧'ahuäriyärä'a  pä'ö känö: '''chänö topäjätucui.'' \v 15 Juättömä to'ca'anä̧  'chi̧nä̧tttö̧  Jordánbu , Ja̧'hua̧'a̧nö̧  ja̧'a̧ juä'amä̧ mä̧nä̧ O̧'cajuiyunä̧ pu̧jä̧ti̧u̧ö̧ttä̧ pä̧ji̧nä̧'a̧  Ja̧'hua̧'a̧nö̧ ja̧'a̧ttö̧  arameos -mä̧  ju̧ru̧nä̧, ttöipächä'chu  ttömu̧jähuä'inä̧  i̧cui̧pu̧  duehuinättö,  Ja̧'hua̧'a̧nö̧  ja̧'a̧ttö̧  huȩnȩ jiäcuähuottömä̧  ppä̧'ä̧chi̧nä̧tö̧ ppa̧'a̧cho̧mä  jiähuinä̧tö̧ ro̧cuä̧ro̧mä.

07/16.txt

@@ -0,0 +1 @@
+\v 16 Utahuiyä ttö̧jä̧mä̧ rä'opinätö̧ Ja̧'hua̧'a̧nö̧ ja̧'a̧mä̧ arameos ttö̧jä̧ tti̧äre ȩpi̧nä̧tö̧ ttö̧'a̧huariyättö̧mä̧, Ja̧'hua̧'a̧nö ja̧'a̧ harina i̧sä̧ppemä̧ iyinä̧tö̧ 'corömuttönö todärenä litronä ji̧bi̧tȩ pärätäbimä , Ja̧'hua̧ta̧'a̧nö̧ cebada i̧sä̧ppȩmä̧ qui̧cȩnö̧ litros jo̧mȩnä̧ ji̧bi̧tȩ pärätäbi̧nä̧mä̧, TÖ̧Ä̧NÄ̧HUA̧ I̧huȩnȩ päi'nö̧tä̧'a̧nö̧. \v 17 Ruhua̧mä  huei'nö̧  churutä 'pädäcuähuä isä̧rö̧ 'ta̧huärä̧  pä'ö  Ötahuiyä do'ächäcuähuomȩ ,  Ja̧'hua̧'a̧nö̧ Ja̧'a̧nä̧ ttö̧ja̧mä̧ kä̧du̧  tti̧cui̧näcu̧  äpate  jo̧mȩttö  'corö juä'achinö turuhua̧ Dios  i̧huȩnȩ  Ji̧äcuähuä  i̧sä̧  pä'inö'änö ruhua̧ topu̧ i̧chäjä̧cu̧.

07/18.txt

@@ -0,0 +1 @@
+\v 18 'Cuä'opina̧'a̧  Ja̧'hua̧'a̧nö̧  Dios  huȩ'äcua̧ päi'nötä'anö̧ ru̧hua̧rö̧, päi'nö: yo̧'a̧imä̧ pa̧'a̧ta̧'a̧nö̧  jo̧mȩnä̧ i̧yähuäcuä'a  harina i̧sa̧ppȩ 'corömu̧ttö̧nö̧ todäre jo̧mȩnä̧ litronä ji̧bi̧tȩ  pä̧rä̧tä̧bi̧nä̧, Ja̧'hua̧ta̧'a̧nö̧ cebada i̧sa̧ppȩ quincenö̧ litros  jo̧mȩnä̧  ji̧bi̧tȩ pä̧rä̧tä̧bi̧nä̧ samaria  apate ä'ca jo̧mȩttö̧.  \v 19 Ruhua̧rö ppädäcuähuä i̧sä̧mä̧ ädätinö̧ ja̧'a̧ Dios  huȩ'ä̧cuä̧rö̧  pä̧'ä̧nö̧ päi'nö:'' Topittö, Ja̧'hua̧'a̧nö̧. TÖ̧Ä̧NÄ̧HUA̧ Yä'ȩcu̧'ate Jä'i ttö'inä̧ mo̧ro̧jä̧nä̧, ¿ Ja̧'hua̧ta̧'a̧nö̧, cuä'opäja'a pi̧yȩmä̧?  Eliseomä̧ ädätinö:''ucumä to'cuäcua̧jä̧ cuamonä̧ cui'ärenä̧  'cuä'opä'ämä ja̧'hua̧'ä̧nö̧  ja̧'a̧nä̧ ucumä̧  co'cöjä a̧'u̧cu̧nä'inä Ja̧'u̧ttömä̧. \v 20 Pi̧yȩtä̧  ji̧na̧'a̧ jue'ö̧ 'cuä'opinömä  ja̧'u̧ru̧mä̧, ja̧'hua̧'a̧nö̧ ja̧'a̧ttö̧ Ötahuiyä  ttö̧jä̧mä̧  kädinätö̧ Ötahuiyä  do'ächäcuähuomettö̧;  Ja̧'hua̧'a̧nö Ja̧'a̧ttö juoruttä 'corö juo'ächinö̧.

07/title.txt

@@ -0,0 +1 @@
+Capítulo 7

08/01.txt

@@ -0,0 +1 @@
+\v 1 Ja̧u̧nu̧ pä̧nä̧ Eliseomä isaju ki̧tti̧ 'corujuhuächa'a ttoädiyinäcua̧rö̧ ucuocu pä'inö: "Ä̧rä̧mi̧'ö̧ tö'ipächi porö cuahuaruhuä cuojusodenä̧ ka̧cuä̧tö̧ o'ca toi'önä̧cu̧, korome cu̧ju̧'anö jo̧mȩ cu̧ja̧ pä'ö, chu̧ru̧hua̧ Diosmä pi̧jä̧ rȩjenä̧ ppäi huȩä̧cua̧ ttu̧mö̧ ko̧ro̧mö̧ttö̧ ta'cherenö̧ a̧'ȩ jo̧mȩnä̧. \v 2 Ja̧hua̧nö̧ ja̧'a̧ttö̧ jahuäjumä Dios päji huȩnȩ jiäcuähuä'i̧sa̧ i̧huȩnȩ esetö juhuoröttö rä'opächö i̧hui̧nä̧ju̧ Filisteos ttö̧ja̧ tti̧rȩjä̧ra̧'a̧ kö̧ja̧ pä'ö̧ ttu̧mö̧ ko̧ro̧muttö ta'cherenö a̧'ȩ jo̧mȩnä.

08/03.txt

@@ -0,0 +1 @@
+\v 3 Täcö ttu̧mö̧ ko̧ro̧mö̧ttö̧ ta'cherenö a̧'ȩ 'cuäoi'omȩnä̧ Filisteo ttö̧ja̧ tti̧rȩjä̧ra̧'a̧ kö̧jä̧'iyomettö̧ jahuäjumä ppa̧'ä̧chi̧näju, ja̧hua̧nö̧ ja̧'a̧ ru̧hua̧ ö̧jo̧mȩ 'chä̧nö̧ jä'epinä̧ju̧ kojusode jinode'i̧nä̧, ki̧rȩjä̧ ji̧nä̧jä̧'i̧nä̧ ppa̧huä̧da̧ju̧ pä'ö. \v 4 Ja̧hua̧nö̧ ja̧'a̧ ru̧hua̧mä̧ Dios päji huȩnȩ jiäcuähuä i̧sa̧ u̧mu̧huä̧ya̧ Giezicu ucuocu pä'inö̧: "O'ca juiyönä Eliseo jȩi̧nö ji'ähuittö."  '

08/05.txt

@@ -0,0 +1 @@
+\v 5 Ja̧hua̧nö̧ jäepäcu Giezimä ru̧hua̧rö̧ ji'ähuinö ji̧'qui̧cha̧hua̧ 'corupä'i'äjirö Eliseo ttoädinö ötö'cö, ja̧hua̧nö̧ jiähua'anä jahuäju isaju ki̧tti̧rö̧ 'coruju'ächa'a̧ ttoädiyinä̧cua̧mä̧ ru̧hua̧ ö̧jo̧mȩ ichi'ö jä'epinä̧ju̧ kojusode jinode'i̧nä̧, ki̧rȩjä̧ ji̧nä̧jä̧'i̧nä̧. Ja̧hua̧nö̧ ja̧'a̧ Giezi pä'inö: "Chu̧ru̧hua̧, paju ja̧'a̧ jahuäju isajumä, ki̧tti̧ 'coruju'ächäjirö Eliseo ttoädiyinä̧cua̧mä̧." \v 6 Ja̧hua̧nö̧ ja̧'a̧ ru̧hua̧mä̧ jahuäjuru jä'epinö ki̧tti̧rö̧ 'cuäopinö ötö'cö. Jahuäju o'ca juiyönä 'cuäopinö jijähuinä̧cu̧. Ja̧hua̧nö̧ ja̧'a̧ ru̧hua̧mä̧ u̧mu̧huä̧ya̧rö̧ hue'ö pa̧'a̧nö̧ pä'inö: "O'ca juiyönä kiäre ji̧nö̧mä̧ ppa̧'ä̧dä̧tu̧cui̧ju̧, juhua'a jö̧ ta̧'a̧nö̧ ä̧cuo̧mȩnä̧ räjopinomȩttö̧ kä̧mä̧dö̧ jitä pi̧yȩ mo̧ro̧ jobö ki̧rȩjä̧ttö̧ aditö cuȩmä̧tu̧cuä̧'i̧jö̧'i̧nä̧ ppa̧'ä̧dä̧tu̧cui̧ju̧."

08/07.txt

@@ -0,0 +1 @@
+\v 7 Eliseomä̧ Damasco ötahuiyära̧ 'chi̧nö̧, juhua'amä ki̧nö̧ Aram ru̧hua̧ Ben Jadad, ja̧u̧mä̧ na̧'ä̧chi̧nö̧. Ja̧hua̧nö̧ ja̧'a̧ jittähuinä̧cu̧ Dios u̧mu̧huä̧ya̧mä̧ pi̧nȩtä̧ ichäji pä'ö." \v 8 Ja̧hua̧nö̧ jittähuäcu ru̧hua̧mä̧ pä'inö Jazaelrö: "Mipponä iyähuä ȩmi̧pö̧ täi Dios u̧mu̧huä̧ya̧ ö̧ja̧'a̧, U̧ru̧hua̧ Diosrö jä'epi'ipö jiähuattö: ¿Pi̧yȩ märicheittö chö̧'i̧pä̧cua̧'a̧ ja̧ pä'ö?" \v 9 Ja̧hua̧nö̧ ja̧'a̧ Jazaelmä Eliseo ö̧ja̧'a̧ 'chi̧nö̧ mipponä iyähuä adihuä juäi Damasco ötahuiyänä ka̧cu̧ ȩmi̧pö̧ 40nö huotö cameyu̧tu̧ ttȩpa̧'a̧nä̧. Ja̧hua̧nö̧ ja̧'a̧ Jazaelmä Eliseo ö̧jo̧mȩ pä̧tȩcuä̧nö̧ 'chä̧hui̧'ö̧ kä̧mä̧dö̧ pä'inö: "Ucu Ben Hadad i̧tti̧, Aram ru̧hua̧mä̧ pa̧'a̧nö̧ hue'äji ucuru jädepiyarö pä'ö: '¿Pi̧yȩ märicheittö chö̧'i̧pä̧cua̧'a̧ tä̧ji̧, jö̧nä̧?

08/10.txt

@@ -0,0 +1 @@
+\v 10 Eliseo ädätinö ja̧u̧ru̧: " 'Chä̧nö̧ Ben Hadad'rö ji'ähuirö, cumäricheittömä cu̧'i̧pä̧cua̧'a̧tä̧ ja̧'a̧ pä'ö, ja̧hua̧nö̧ ja̧'a̧nä̧ Chu̧ru̧hua̧mä̧ i̧jȩpä̧jä̧cu̧sä̧ ja̧u̧mä̧ iso päi'önä̧tä̧ 'corujuhuä̧chä̧cua̧ pä'inö̧. \v 11 Ja̧u̧nu̧ o'ca'a Eliseomä Hazael'rö ni̧'ä̧chö̧ topö, ajuähuinö. \v 12 Ja̧hua̧nö̧ ja̧'a̧ öjö'quiyonä päi'äcu jä'epö ä̧ju̧cui̧nö̧ Hazael'mä: "¿Tta̧'a̧nö̧ jä̧cu̧ cuajuähuä chu̧ru̧hua̧? Ja̧hua̧nö̧ jäepäcu ädätinö: "Huo̧jua̧sä̧ ucumä Israel ttö̧ja̧rö̧ suronä jȩcu̧'ä̧cua̧jä̧. Ttoju odehuiyä'i̧nä̧ kuhuä'chö cui̧cuä̧cua̧jä̧, tti̧tti̧mö̧ möäyotorö cuä'ä'chö cui̧cuä̧cua̧jä̧ curä'chunä, modunä ka̧cuä̧tö̧rö̧ 'cä'ä'chö'icu ppo̧'ä̧tö̧rö̧ ppo̧u̧cu̧ pö̧nä̧ jȩpä̧'chö̧ cui̧cuä̧cua̧jä̧."