Sun Mar 31 2024 17:10:02 GMT-0600 (hora estándar central)

01/01.txt

@@ -0,0 +1 @@
+\c 1 \v 1 ¡Catimadalrica jliaji atsia corridalritsa inaitja cayoji nacaite capisho lrirso lrinaitjácarro njaji inaiki matsiperri, lriaji cantja nainai njaji camatsicanaperri, o lriofacawa nacodapi njaji icacaperri apjetsida nacó. \v 2 Icamitsa lricatimatacawa Dio iaco naco, deepi rico njite jalrewerrico tsakja!

01/03.txt

@@ -0,0 +1 @@
+\v 3 Njite kjaidacani cayoji jaico napananda ooni iarrocawa icodapi, cainaca cani jlinana lrico, njiyte corrin meetaca nja lripje niini corrin njewacawa; njite matsiaca lrirso pjiomi njaji lridejirri.

01/04.txt

@@ -0,0 +1 @@
+\v 4 Mitsa, corritsa cayoca njaji inaiki matsiperri, ima cayocanaji panapje merriperrimi sho caojli ipjiaji ipeco teeco. \v 5 Niini njaji matsiperrimi, caiperrinatsa camatsicanaperricana, njite njaji camatsicanaperri corri watsa nataita naofacawa nacodapi njaji matsiaperri.

01/06.txt

@@ -0,0 +1 @@
+\v 6 Jliaji IMINALRITI lriaji lrideeca matsiakjai lrico inipo njaji matsiaperritsa, mitsa njaji mátsiperri icamitsaotsa njenacawa inipo ioya manalrecarrona.

01/title.txt

@@ -0,0 +1 @@
+Njaji matsiaperri njite njaji mátsiperri

02/01.txt

@@ -0,0 +1 @@
+\c 2 \v 1 ¿Coada nema Nokjoete njaji jalredaoca lricoperri? ¿Coada nanaitja nawaopiakjewa mikjapandalritsa njaji jalredaoca lricoperri? \v 2 Njaji talricanatinai njite njaji lrirsoperri caconaperri iwapacape jlipaite  nawacacawa neemácarro IMINALRITI ikjoete njite lrikjoete jliaji talricanati lriniwananda. \v 3 Ima naaco cayoji: ''Warsa wawatacaacawa lrioya jliaji ipapirri fa, wadee jlia catoa ianjí wanaco.

02/04.txt

@@ -0,0 +1 @@
+\v 4 Mitsa jliaji iofacadawa eenolricojle lricaa naicao; Lricaaca naocao jliaji IMINALRITI. \v 5 Njite lrirroa lrico caacocani narso, njite lrirroa lrico Lriaco narso cayoji:

02/06.txt

@@ -0,0 +1 @@
+\v 6 Nokepitanataca norsowao jliaji talricanaati Sión lrico, jliaji jiipana njoenitanda Norsowao.'' \v 7 Njite jliaji talricanati noniwananda lricaiteca cayoji: Icadaa nocanantaca sha iajícarro coamishopaca njaji IMINALRITI iaco. Ima lriaco norso cayoji: ''Icatsa nirrica pjia. Icatsa panaya nocadaca pjinirri-carro Njoa.

02/08.txt

@@ -0,0 +1 @@
+\v 8 Icamkitsa pitatjaca noinaini, njite nocadaotsa pirso pjiomi njaji yacaalre jalredaoca lricoperri. Piyadacaotsa pjiomi jliaji jalredaoca. \v 9 Icatsaotsa pjia iñalricaotsani pipjeco tsipalraita sho njite bolromicaotsani cayoji bolrom capisho tsipada torrope shodalri nanaitjaca.

02/10.txt

@@ -0,0 +1 @@
+\v 10 Niini nocaiteca sha talricanantinai jalredaoca lricoperri, njite sha iwapacape iyacalre, icafiawa njite jimi njaji yácoti nocaiterri irso. \v 11 Ia matsiadalri ajádalri sho IMINALRITI irso njite icatimataacawa ifio capoa lriiwana.

02/12.txt

@@ -0,0 +1 @@
+\v 12 Sha lrienipe, icañjata lricapa corricaotsa imacani wadeotsa kerroacani ikjoete. Ima corri cadaotsa shepani, icamitsaotsa iñacawa. Ipadameta iwaopiakje kjeya niniwatsa corriotsa ikerroatá carroca ikjaolrewani. Catimaperrica pjiomi njaji iomacaperri nadanawa Dio iinaitsa.

02/title.txt

@@ -0,0 +1 @@
+Jliaji IMINALRITI njite njaji lriniwananipe

03/01.txt

@@ -0,0 +1 @@
+\c 3 \v 1 NOMINALRI, ! cadalrida njaji nocoema! Aima njaji iemacape nokjoete \v 2 Aima njaji icaiteapace nonaco: " corrinDio ikichindatacani"

03/03.txt

@@ -0,0 +1 @@
+\v 3 Mitsa pia NOMINALRI, icatsa idanatacada pia nowaid, nomatsiaca, lriaji jirretacada njowida. \v 4 Nonomasho noaca mashiadalri " WAMINALRI " irso; njite lrimi narso jiipana lrienitanda nacoita

03/05.txt

@@ -0,0 +1 @@
+\v 5 Njite norsoacawa, njite nomaaca; nocfiawa ; WAMINALRITSA  iwapaca noa \v 6 Corriwatsa nofiocawa iamadani inaiki iwana njaji inaitacacapeo nocomawa nocodapiperri

03/07.txt

@@ -0,0 +1 @@
+\v 7 jpinicowaa , pikichindata noa , WAMINALARI pia noDiote  !ima piñaacaotra piomi njaji nocoema nacacoda naca ; pibikjiwatsa neesha njaji masjiperri  \v 8 Lriaji yomecalri WAMINALRI nitedaalrican piyacalre naco aimawatsa matsiaperri

03/title.txt

@@ -0,0 +1 @@
+Capitulo 3

04/01.txt

@@ -0,0 +1 @@
+\c 4 \v 1 Pjiepaotsa njoa nowana cádanaco pjia, pjia no-Diote inaitjacada norso matsia; picadaotsa miamajicawa cadana cádanaco njoa. Kjená watsa picapaca njoa njite pjimiotsa norso notatja cádanacoatsa piinai.

04/02.txt

@@ -0,0 +1 @@
+\v 2 Sha inaiki aimadan, ¿coancaojliotsa imacadawalretacaotsa jliaji Nomatsiaca? ¿Coshoapaotsa jalredaoca ipeyocawaotsa njaji macoadaperritsa  iácarrotsa ishati shapodam? \v 3 Mitsa irsotsa yanjí, jliaji IMINALRITI jlienita lrirsowawa jliaji kjenadalritsa icapaca apjetsida irso. Jliaji IMINALRITI jimiotsa nowana cádanaconi.

04/04.txt

@@ -0,0 +1 @@
+\v 4 Itetjewa ifiocapoa, ¡Mitsa manaitjatsa imatsicanawa! Iwaopia lrinaco icaolre rikjoite, njite iorsoa cádanaco iorsoacarroita naco macotsa. \v 5 Icadaa icaolre Dio naco, njite jirrapiteta idada inaitja capoa matsia.

04/06.txt

@@ -0,0 +1 @@
+\v 6 Aima inaiki icaiteca cayoji: ''Cocantja itaita icañjata wacapa matsiadalri?'' Mitsa fa wacaiteca cayoji: ''Wa-Minalri, matsia picapaca warso.'' \v 7 Ima picadaca catimadalri pjaaca njoa naoya njaji apjetsida noniwa cádanaco nopania matsiaperri. \v 8 Imaodacakjeti lricoatsa norsoawa nomácarroena, ima Pjia no-Minalri picadaa nofawa matsia.

04/title.txt

@@ -0,0 +1 @@
+Jliaji IMINALRITI lricadaa imaodacakjeti

05/01.txt

@@ -0,0 +1 @@
+\c 5 \v 1 Pjima nowanaca priso WAMINALRI ;piwaoplia njaji moyalri inaco. \v 2 Pijimi nowanacadanaco NOMINALRI pia NODIOTE, ia pinaica hotatja . \v 3 WAMINALRI, piyompinaco pjimaca noaco piyompinaco nodcwatsa notataope pinai njite nowapacatsaotsana

05/04.txt

@@ -0,0 +1 @@
+\v 4 Ajadalri corricatsa paca lriaji dios iipeyocada namashicana ; njaji inaiki mashiperri corriwatsa naofacao pinai . \v 5 Lriaji padalredalri corriwatsa lriemacawa piepyalr maashi picapaca piomi njaji inaicape imashicanawa. \v 6 Piwayaketaotsas njaji cashaperri; lriaji WAMINALRI maashi lricapaca njaji inocape inaiki njite icshtcaptsasca

05/07.txt

@@ -0,0 +1 @@
+\v 7 Mitsa noa lricaote lriaji matria dalri pipeyoshopa noewaotsa pipanalrico; nocaanawatsawa pjienitanda templo iderse. \v 8 pjia WAMINARI picananta noa cayoji piomacapisho, namaotsa njaji nocoema; pimayacanta pinipote nopeyalre

05/09.txt

@@ -0,0 +1 @@
+\v 9 Corrin pacapa masadalri nanomalrico; mashidalrica narso nacaolrirerico; pametacapisho mayandlrin shoca lriwdalrico; cacocana micapandalritsa nenesho  \v 10 picastigani pia NoDiote, lrima lriaji nanaitadatsa , pipecoria jorrecapoena lrimashicana; nemacapoa picoete

05/11.txt

@@ -0,0 +1 @@
+\v 11 \v 12 Im pjia NOMINAIRI, pinaitaotsa mashia lriso lriaji inaitacada matsidalri, NOMANALRI pidanataotsani lrisho lriaji padanatca shoda

05/title.txt

@@ -0,0 +1 @@
+Capitulo 5

06/01.txt

@@ -0,0 +1 @@
+\c 6 \v 1 No-Minalri, meñatsa njoa irroati lrico, mjerrapitetatsa njoa pirroá lrico. \v 2 Kjena piocapaca norso, No-Minalri, caifiaca njoa. Pimatsieta njoa no-Minalri, mjaidakena njoa njite caiwica pjiomi nodada lrico.

06/03.txt

@@ -0,0 +1 @@
+\v 3 Matsina tsakja noaji nocaolre ricó. Mitsa pjia no-Minalri, ¿Coacaojlinaotsa pimatsieta njoa pinaiwa? \v 4 No-Minalri, nooma padenakja piwaopioakje nokjoete, piyomjetena njoa. Pi-manacota nocafica corri capoa pitecojletaca nooya pipeyocawa njoa, \v 5 ima njaji mayamperrimi corritsa nawada carroketsa pjia. ¿Cocaotsa iá pirso matsiadalri naofacawa lrico njaji mayamperrimi?

06/06.txt

@@ -0,0 +1 @@
+\v 6 Depjite nocajacawa njite noya tsakja niini potsiaca jliaji norsoacawa notjiafia sho. \v 7 Mapjina naiyaca njaji notji naikjaote njaji nonaitjalri njite naikjaote njaji nocoema.

06/08.txt

@@ -0,0 +1 @@
+\v 8 ¡Shena nooya, sha matsiperrimi! Ima no-Minalri jimica coajica noyaca. \v 9 Opina jlimi norso jliaji IMINALRITI njaji notatjalri lriinai caiwi ricotsa; Opina Lricoadata njaji Notatjanda lriinai. \v 10 Kjená shocaotsa najiacacawa njaji nocoema njite natetjecaotsa ifiokjeti sho. Icamitsaotsa njenacawa njite kjenaperri shocaotsa najiacacawa.

06/title.txt

@@ -0,0 +1 @@
+Jliaji Dio kjenadalritsa icapaca parso

07/01.txt

@@ -0,0 +1 @@
+\c 7 \v 1 Pjia IMINALRITI no-Diote, icatsa pinacojle nodawacawa. Pimanacota njoa naoya pjiomi njaji ipinetacape njoa. ¡Piyomjeta njoa! \v 2 Piyomjeta njoa naoya wade njepaca njoa cayoji yawi jipa capisho lriwini njite corrinatsantja coca iyomjte njoa naoya.

07/03.txt

@@ -0,0 +1 @@
+\v 3 Pjia IMINALRITI no-Diote, nocaite pjia iacoti ajádalri sho corrica nonaitja pada matsidalri, corrin norsoca matsicalri nanaco njaji mayamperrimi. \v 4 Jliaji nokitsindaji matsi lrinaitjaca norso njite corrin nomaca nocoadawa lriinai. Nomaodaca lrioya jliaji iajicada pia ipineta njoa.

07/05.txt

@@ -0,0 +1 @@
+\v 5 Mitsa noma pia cada nocoadawa naoya njaji nocoema panayantja napjoaca njoanjite cacocantjana maatsi nonaco panaya. Selah

07/06.txt

@@ -0,0 +1 @@
+\v 6 ¡Pjinicoa pirroa lrico, Pjia IMINALRITI! Picañjata pirroa, ima kerroaca pekirritsa njaji nocoema. Picada pimatsiaca nonacojle. \v 7 Niniotsa pada picadacawaotsa njerrapitaca njaji inaiki jalredaoca lricoperri; Nawacaaca caotsawa piwaida naco. Niini panaya pitalricanata tsenakja nanacojle padenirri.

07/08.txt

@@ -0,0 +1 @@
+\v 8 Pjia IMINALRITI, picaite naacona njaji jalredaoca lricoperri, ima corritsa coca nomatsicana, cotsa coca jliaji nonaitjalri maatsi, Pjia yenorsedalri pja pjiomi ioya. \v 9 ajena picadaa nanaitjaca maatsi njaji inaiki matsiperri, pikitsindata jliaji matsiadalri pirso. Ima matsiadalrica pjia njite lrioma lricapa matsia wawaopiakje lrico pjiomi cocaca njaji wawaopialri.

07/10.txt

@@ -0,0 +1 @@
+\v 10 Dio iwapaca njoa ima Lriwapaca njaji matsiaperri icaolre ricó. \v 11 Icaitecadaca ajádalri sho njaji imatsicanati, caidalritsa lricaiteca naacona njaji matsiperri.

07/12.txt

@@ -0,0 +1 @@
+\v 12 Corri cadaotsa lripadameta lriwaopiakje lrimatsicana ioya jliaji inaitjaca lrimatsicanawa, Dio imatsietacaotsa lrinoaca shopa lrikjoete. \v 13 Dio iwapaketsa lrinoaca shopa lrinícarro jliaji inaiki matsidalri; kerraperrica tiyé sho njaji lriyawitjioco.

07/14.txt

@@ -0,0 +1 @@
+\v 14 Picapa coajica lrinaitjaca jidati jliaji inaiki matsidalri lrinaitjácarro imatsicanati, lrinaitja lrimatsicanawa njite catjina lrirso lrishaa. \v 15 Njawacatsa idia jiwawa naowepi rico njaji njaji inaitjacapeni pada ipiawalre tja. \v 16 Pjiomi njaji matsirri nawaopialri nanaitjaca apjetsida ikjoete nadia watsa nanacojle tsenakja.

07/17.txt

@@ -0,0 +1 @@
+\v 17 Noa matsiadalri Dio irso ima matsiadalricani. Nocantacaotsa salmo nocaitécarro matsiadalri IMINALRITI ípitana naco, jliaji Yenonshedalri pja pjiomi ioya.

07/title.txt

@@ -0,0 +1 @@
+Jliaji IMINALRITI lrinaitjaca matsia

08/01.txt

@@ -0,0 +1 @@
+\c 8 \v 1 Pjia waminali, waDiote, macalipja piomi iuya lriaji pjipitana piomi jimatsiaca yenonlre eenolricolre. \v 2 Nanamalricoite, njaji iempletipe naatsaca njaji iempetiapapje pjia oopi pjinaita itjimatinaikjaote njaji pjicoma, jimakjpotaca nja njaji iomacaspe nacaodao njite lriaji pjicoema.

08/03.txt

@@ -0,0 +1 @@
+\v 3 jnocapadanaco naji pjicoema eeno yecoetje, njaji picapifisho pjinaitjaji, lriaji keeri jnite njaji jiwirida, njaji pjimatsietjaji njaaropocolrico \v 4 coadamtja kjacoada naoyawaca njaji inaiki pitaitja caaro pjidana canja njite neepjaka njjaji inaiki pjiwapacaro pjimji nasro?   \v 5 Mitsa, pjia inaitjanja oopi tsdalipecaronja naoya njaji iofacape eenolricolre jnite oope pjicada njacanacare njite naocaro namatsiaca

08/06.txt

@@ -0,0 +1 @@
+\v 6 pjia icada nawapaca nanao njaji pinaitanji picasho; pjia icada piomi njaji pjiyaro njapjite njaji pjiipja \v 7 piomi njaji oveja njite njaji bueye naatsaca njaji mawicalri nataoñanji  \v 8 njaji wipjiaro eenocapjitepe njite njaji copje oni macapawanlricope piomi njaji jiyapacape lritjaracawelrico njaji oni macapawan

08/09.txt

@@ -0,0 +1 @@
+\v 9 ! pjia waminali WADIOTE, macadalripjaca lriaji pjipitana piomi anji jipainaco !

08/title.txt

@@ -0,0 +1 @@
+Capitulo  8

09/01.txt

@@ -0,0 +1 @@
+\c 9 \v 1 Njoaca pjisro maatsiadali pjía waminali piomi nocaolrelricoite, njoa nocaitepewatsa nanaco piomi njaji maatsiaperi pjinaitjánji . \v 2 Catimacaotsa jnoa njite nojoiwitacaotsa pinacolre;  ¡nocantawatsa maatsiaperi canción pjipitanja naco, pjia yeenonjitjedali!

09/03.txt

@@ -0,0 +1 @@
+\v 3 Nafiocadana cowatsa njaji pjicoema, njaawatsa natoda naipa fidasho njite naawayacotsa pipjeyalre. \v 4 Ninipjia oopi pjidanatja njoaconja maashadali; ¡Pjia pjifao pjifacarodalrico pjicaite naaconja, icaitjecada naaconjá ajadalri

09/05.txt

@@ -0,0 +1 @@
+\v 5 Pjía icaitecada iacoti kjaidadali njasro njaji ináikipje; pjia iwayacadá njaji maatsiperi; pjia iatjacada naipitana  pjiketem jnite kjaidalriwatsa. \v 6 Lriaji pjicoema bikji biki dawatsani cainji lriwacapisho lriaji panti pipecocadanaco njaji lridanam lriaji yacalre. Piomi njaji nawopjáke opidalim lriwayacaotsa.

09/07.txt

@@ -0,0 +1 @@
+\v 7 Mitsa lriaji waminali lrifaka kjaidalritsa, lria lrinaitja lrifacaraoitja lricaitecaro naaconja ajadali. \v 8 Lria lricaitewatsa naaconjá njaji iñaiki iacoti ajadali, jnite lria lricaitewatsa naaconja ajadali piomi njaji inaikipe mayacandalisho.

09/09.txt

@@ -0,0 +1 @@
+\v 9 Lriaji waminali lriawatsa lridanam lrisro lrraji inaiki inoonjadali, pada lridanan lriyapacadanaco maatsi. \v 10 Njaji ianjicoipe pjipitana njacadá njacaolre pjinaco, nini pjia, waminali, corin pjimaka njaji iomacape pjia.

09/11.txt

@@ -0,0 +1 @@
+\v 11 Icanta matsiadali lriso iraji waminali, lriaji italri canatalri Siónlrico; icaite njasro njaji inaiki njaji lrinaitjaji. \v 12 Iriatsa lraji Dios iomacaita nacoadao njaji naapeconji irenja corin lrimaodaka nauya njaji inonapje.

09/13.txt

@@ -0,0 +1 @@
+\v 13 Kjénja pjcapaca nosro, pjia waminli, pjicapentsa coamka njorapittaca naamjá njaji icapjacape maatsi nosro, pjia iitaitja jinicoetjaca lripananoma lriaji maayancalri. \v 14 Oh, nini jnoa notaitja nocaitepeca piomi lriaji pjimatsiaka. ¡lripanonomalrico lriaji Sión lenipe jnojoiwitacawatsa lrikjaotje lriaji lriaji yomjecalri.

09/15.txt

@@ -0,0 +1 @@
+\v 15 Njaji inaikipe oopi njapoa lriricoda lriaji neecanda ooni lriaji nanaitjanda naawacatsa; njaji pjiipa oopi naapjapiacao lriricoda lriaji natodalre nadawanda iofao. \v 16 Liaji waminali lrianita caishonji lrianjicapisho; lria lrirapitetja ajadalisho; lriaji maatsittjé lriwacaotsa naamjá njaji lrinaitjaji

09/17.txt

@@ -0,0 +1 @@
+\v 17 Njaji maatsipetsa nadietjawutsanjá njite namenacawatsanjá infiernolricolre, icatsa naalrineelre piomi njaji inaiki imaodacapje Dios ioyo. \v 18 Nini njaji canakjaipe isro coriwatsa pjimaodaka naoya, naatsaca njaji kjenaperi icacapa naasro njaji iinonjaperi coriwatsa coamkadanaco pjiimjepatjana kjaidalritsa.

09/19.txt

@@ -0,0 +1 @@
+\v 19 Pjinicoa, pjia waminali, mjácadatsa lriaji aatsia lriapjaka pjipjeyalre; nini njaji eepadan inaiki pjiawatsa icaite naaconja pjicapawlrico. \v 20 Pjicada naaficao, waminali, nini njaji eepadam inaiki naanjicaro jnaatsa jnaa piómi inaikipe.

09/title.txt

@@ -0,0 +1 @@
+Capítulo 9

10/01.txt

@@ -0,0 +1 @@
+\c 10 \v 1 IMINALRITI, ¿Coada teeco pjia nooya? ¿Coada corrin pitsomitaca njoa njorrapita cádanaco? \v 2 Njaji inaiki matsiperritsa napineta njaji inaiki matsiaperri nanaikica matsidalri sho njite nacada njewacawa namatsicana lrico. \v 3 Matsia sho nanjiacacawa njaji inaiki matsiperri, njite njaji iomacape narsowao aima palrata nametana naoyao Dio.

10/04.txt

@@ -0,0 +1 @@
+\v 4 Nacaite njaji matsiperri corrica pacapa Dio. Matatjatsa lriinai cocatsa, ima pakjamicana najikjeshowacatsa jliaji icadalri padalrecana. Corrin coadaca lrirso Dio, niini corrica coadaca lrirson. \v 5 Lriwada matsiaca lriofacawa caidalritsa, mitsa njaji Piaco matsiaperri inacoapanaperri corrin lritaita lrinaitjacana; lrimenataca lrioyao pjiomi njaji lricoema.

10/06.txt

@@ -0,0 +1 @@
+\v 6 Lriaco lricaolre ricó: ''Corriotsa coancaojli watsa nomatada; corriotsa coancaojlica noketaotsa njaji yemacapeotsa nokjoete caidalritsa.'' \v 7 Pakjamica lrinoma yacoti matsiperri sho njite ishati sho tsakja, lricashata apjetsida jlitácarro lrioya lriyarro; njite lrimatsicaca njaji apjetsida lrienene shó.

10/08.txt

@@ -0,0 +1 @@
+\v 8 Lria lrioma lriwapana dawacalri ricotsa tsomi nayacalre ioya; njite lrinoca njaji mamatsicanaperri dawacalri ricotsa; lriaji lricapa lrinócarro njaji inaiki merroaperritsa. \v 9 Lriajica lrioma lrinaitjácarro matsi dawacalri ricotsa cayoji yawi yanjí capishoa awacada lrico; lridawacawa lriwapácarro jlipa lriwini jliaji mjaidadalrinatsa. Jlipa lriwiniwa mjaidadalrinatsa lritodalre shó. \v 10 Lrino matsia lriwini; ima lrinaitjaca matsia lritodalre napia.

10/11.txt

@@ -0,0 +1 @@
+\v 11 lriaco lricaolre ricó: ''Opina DIo imaodaca lrioya; lrita catsaotsa lriecoa; corrinatsaotsa coadaca lrirso lricapa cádanaconi.'' \v 12 ¡Pjinicoa IMINALRITI! ¡Pjirreta picaapi, no-Diote matsiadalri! Mamaodacatsa lrioya jliaji njerrapitanda.

10/13.txt

@@ -0,0 +1 @@
+\v 13 ¿Coada jliaji atsia matsidalritsa lripeco lrioyao Dio njite lriaco lricaolre ricó: ''Corriotsa Pitatjá carroca noinai nodejicalre icoada?'' \v 14 Picapjenina coajica, ima caidalritsa Picapaca lrirso  jliaji jirrapitetacada apjetsida atee lricada kjenacarroni lrimatsicana lrico. Njaji marso caperritsa idanacaopena nacada nacaolre Pinaco nawacatsa; Pimanacotaca njaji mjanirriperritsa.

10/15.txt

@@ -0,0 +1 @@
+\v 15 Piwayaketa jlida jliaji atsia matsidalritsa iwaopiacada matsiperri nacotsa. Picada lricaoñaca lrimatsicana icoada, njaji lriwadalri lridawaca pioya. \v 16 Talricanati catsa Pjia IMINALRITI caidalritsa njite corriotsa caoncaojlica yami Pjia lrioya; corriotsa pacapácarroaotsa njaji yacaalre macacoepe jalredaoca lrico.

10/17.txt

@@ -0,0 +1 @@
+\v 17 IMINALRITI, Pjimica coajica njerrapitaca njaji nerrapitetaji; Pjikjaidataca nacaolre, Pjimica jliaji natatjanda piinai; \v 18 Pidanata jliaji mjanirridalritsa  njite jliaji njerrapitetaji wade ape atsia jirrapitetacani tsenakja matsicalri ricó.

10/title.txt

@@ -0,0 +1 @@
+Nadejicalre njaji inaiki matsiperri

11/01.txt

@@ -0,0 +1 @@
+\c 11 \v 1 Nocadá nocaolreo waminalrinaco ¿Coami watsa naco norso: "lripitowa cayoji wipiarro ipitocapisho jipananaco"? \v 2 ¡Icapaca! njaji mashiperri namatsietaca, nayawwitiapo namashieta nayawitiocomlriñadanoco nayawitacarro cadaocawerricoite njaji matsiaperri iwaopiake.

11/03.txt

@@ -0,0 +1 @@
+\v 3 Lriwaya cacaotsao lriaji nacadalri nacaolreo inaco ¿Coamintja nanaitacja njaji matsiaperritsa? \v 4 Lriaji waminalri lriowacao lrienitonda lripanalrico; lriitji icapa nanaco njaji aachianai yeenipe.

11/05.txt

@@ -0,0 +1 @@
+\v 5 Lriaji waminalri lricapapaá nanaco njaji matsiaperri,  cayotsaca maatsiperrinaco, mitsa maashi lricapaca njaji ipeyocape inaitaca namashicana. \v 6 Nocadawatsa iyao jiwacao tjishemcnshoperri njite azufre shaca nanaco njaji camashicanaperri; caolri caidadalrisho watsa norrapitetana. \v 7 Ima lriaji waminalri matsiadalrica, njite lripeyo lriaji matsiadalri; lriaji matsiadalri lricapaotsa  Dio yecoa.

11/title.txt

@@ -0,0 +1 @@
+Capítulo 11

12/01.txt

@@ -0,0 +1 @@
+\c 12 \v 1 Pikitsindata, nominalri, ima nawayacacao njaji kjanaperi icapa pana irso, ima nawayacacao njaji matsiaperi nanacjoite njaji atsianai.

12/02.txt

@@ -0,0 +1 @@
+\v 2 Kacocana macadatsas nenesho naiktsiñape naco, njite yamada nawaopiakje \v 3 waminalri iwayeketa watsas pjiomi njaji cacoperi yeenene sho matsi pana inaco, nacoanatsacja njaji inaiki cacoperi aima matsi pana inaco \v 4 icatsa njaji icaitecape : nanomasho watsa wema lricjoete, njite wanoma icaiteotsa cacaotsa njaji ianjiri watsa wanaco

12/05.txt

@@ -0,0 +1,2 @@
+\v 5 Lricjaote jliaji natisca narso njaji kjenaperi naicjaote
+njaji coyolreperi njonico watsao lriaco jliaji WALMINARI njoa watsa icadaa naomalri

12/06.txt

@@ -0,0 +1 @@
+\v 6 Njaji WAMINARI iaco matsiadalricami caiji palrata sho namjaitanda tiyee rico mapiradalri ciete pjiape  \v 7 ! Icatsa npia WAMINALRI ! pjia jliaji iwapana pjia imatsieta njaji kjenaperi icapaca pana irso caidaslri weetsa naoya njaji matsiperi \v 8 jliaji matsidalri lriajiwa tsomitsa, cjaida cadanaco jiaji matsidalri napeco lrico njaji neenipe njaji atsianai

12/title.txt

@@ -0,0 +1 @@
+Capitulo 12

13/01.txt

@@ -0,0 +1 @@
+\c 13 \v 1 ¿Coan caojli pjenaotsa IMINALRITI, Pidiawatsa piwada njoa? ¿Coancaojli pjenaotsa Pimjeco piecoa  picapácarro njoa? \v 2 ¿ Cosho pjaotsa jalredaoca nofacawa njotacawa nocaolrewa njite norsocawa aima inonacalri nocaolre ricó jalredaoca icoam? ¿Coancaojli pjenaotsa yami njamaca njoa njaji nocoema?

13/03.txt

@@ -0,0 +1 @@
+\v 3 ¡Picapena njoa njite pjiepena njoa, Pjia IMINALRITI, no-Diote! Picada kjaidaca njoa, corri cadaa icaminaotsa mayamica njoa. \v 4 Macadatsa nacaiteca nonaco njaji nocoema cayoji: ''Opi njoamani,'' wadee tsakja nacaiteca nonaco: ''Njoatsa  kjaida nocoema ioya,'' ima cayo cadaa necaacaotsa noicao njaji nocoema napeco cádanacoatsa njowao.

13/05.txt

@@ -0,0 +1 @@
+\v 5 Mitsa njoa nocadaa nocaolre Piacoam naco corridalritsa Pimatada inaco; nocaolre icatimataacawa Pimanacota capoa njoa. \v 6 Nocantaotsa no-Minalri irso ima Matsia lricoadataca njoa.

13/title.txt

@@ -0,0 +1 @@
+Pikitsindata njoa no-Minalri

14/01.txt

@@ -0,0 +1 @@
+\c 14 \v 1 Lriaco jliaji majicadalrim lricaolre ricó: ''Corrin pacapa Dio.'' Keñaite-perricana njite aima nanaitjaca namatsicana mapeyocanaperri, corrin pacapa pada inaitjacada matsia.

14/02.txt

@@ -0,0 +1 @@
+\v 2 Jliaji IMINALRITI icapa eenolrikjoite naikjaolre njaji atsianai yenipenaipe lricapácarro ninica apada yajicada coajica, pada iomacada lrirsowawa Dio. \v 3 Oopi nadia pjiomiwa njapodamrsewa. ima cañaiteperrica pjiomina. Corrin pacapa apada inaitjacada matsia, corrin apada nanakjoite.

14/04.txt

@@ -0,0 +1 @@
+\v 4 Cotsa coca najirri, njaji inaitjacape imatsicanati, njaji iñacape njaji nonaikite aimadan cayoji paiñja capisho petje, njite corrin nawanaca DIo narsowawa.

14/05.txt

@@ -0,0 +1 @@
+\v 5 Natetjema njaji ianitjacape matsi, ima Dio catsa nainai njaji matsiaperri papocoperri iofacawa. \v 6 Ioma ikjenataca njaji inaiki kjenaperritsa iofacawa yají cadana nainaicatsa Dio, jliatsa jliaji iwapacadana.

14/07.txt

@@ -0,0 +1 @@
+\v 7 ¡Matsiantja lrinocada jliaji yomjecalri Sión lrikjoite Irael irso! ¡Niniotsa Dio idieta caojli watsa njaji lrinaikite aimadan njepaite lricojle tsenakja presocawa lrikjoitena, Niniotsa catimacaotsa Jacob  njite Irael tsakja!

14/title.txt

@@ -0,0 +1 @@
+Namatsicana njaji jalredaoca lricoperri

15/01.txt

@@ -0,0 +1 @@
+\c 15 \v 1 IMINALRITI, ¿Cocaotsa iofawa Pípana lrico? ¿Cocaotsa itaita iofacawa lrinaco jliaji jiipapana Pjienitanda Pirsowawa? \v 2 Jliaji maikjaolrenadalritsa, nja minitsa lrinaitja njaji matsiaperri njite macaitetsa ishati picaolre rikjoité-dalri.

15/03.txt

@@ -0,0 +1 @@
+\v 3 Corridalritsa icashata lrienene sho, corridalritsa inaitja maatsi apjetsida irso, corridalritsa icoita lricodapídalri iofawa.

15/04.txt

@@ -0,0 +1 @@
+\v 4 Njaji inaiki matsiaperri corrin matsia nacapaca narso njaji imenatacaperri naoyawa Dio, mitsa catima lricapaca narso njaji ipeyocape Dio. Jliaji inaitjacada cayoji lricaite capisho jlirrapita cadanatsa lrinaitjácarroni. \v 5 Corrin lritatja pjaca lripalratan lricoada lriá cádancotoa  apjetsida lrirso. Corrin lricaoñaca apjetsida lricaitécarro ishatitsa lrikitsinda naco jliaji mamatsicanadalritsa. Jliaji inaitjacada cayoji matsiawatsa lriofacawa.

15/title.txt

@@ -0,0 +1 @@
+Capitulo 15

17/01.txt

@@ -0,0 +1 @@
+\c 17 \v 1 ¡IMINALRITI, pjimi coajica notatjaca piinai pinaitjácarro norso matsia; Pjimica norso coajica nowanaca pjikjaolre pikitsindatácarro njoa! Pjimi narso njaji notatjalri piinai ima corrica nocashataca nonoma sho. \v 2 ¡Picaite matsia nonaco, picapa nanaco njaji matsiaperri!

17/03.txt

@@ -0,0 +1 @@
+\v 3 Piwi picapa nocaolre, Pino noikjaolre deepi ricó piwapácarro njoa, picapa matsia coandalrica njoa njite corrin pioketa nonaco pada iwaopiakjeti matsidaklri. Corriotsa cacócarroca njoa maatsi nonama sho.

17/04.txt

@@ -0,0 +1 @@
+\v 4 Njoa dekja shepa njaji piaco icaiterri; corrin cayoca njoa nacayosho njaji apjetsda; nowapaacawa matsia wade nocapaca noicao njaji inaitjacape macadatsa. \v 5 Corrin njoenaca piaco ioya; corritoa nomatadaca nanaco.

17/06.txt

@@ -0,0 +1 @@
+\v 6 Nowana pikjaolre, Njite Pjiepa mana njoa, Pjia no-Diotde matsiadalri; Picadaa pjinacolrico noikjaolre pjimícarro norso caaco cádanaco njoa. \v 7 ¡Picañjata corrica Pimaca jliaji Piacoami matsiadalri, Pjia imanacotacada nacoema ioya Pjiida sho kjaidadalri njaji idawaacacapewa pinaco.

17/08.txt

@@ -0,0 +1 @@
+\v 8 Piwapa njoa cayoji pitji capisho njoa; Pidawa njoa Pinapje yapjite \v 9 naoya njaji inaiki matsperri iomalri mana inoca njoa, pjiomi naoya njaji nocoema nowaida nacope. \v 10 Corrin kjena nacapaca apjetsida irso; padelrepe cacopecana.

17/11.txt

@@ -0,0 +1 @@
+\v 11 Napineta njoa a kjerrecawajle catsa noawaji, njite nadanataca njoa nainócarro njoa. \v 12 Cayoca njaji nocoema yaawi icayosho iomacada ínoca lriwini, Najicawa papocotsawa dawacalri ricó nainócarro nawini.

17/13.txt

@@ -0,0 +1 @@
+\v 13 ¡Pjinicoa IMINALRITI! ¡Piema nakjoete njaji nocoema, Picada yamícarrona nooya! Pimanacota njoa namatsetan ioya njaji nocoema. \v 14 IMINALRITI, Pjida sho Pimanacota njoa naoya njaji inaiki matsiperrimi, picada nacapácarro pjiida njite pipeco pjiomi njaji inaiki matsiperri. Picada naiñja lrinakjope jliaji irroati pimatsietalri napia. Picada njerrapitácarro njaji nenipe njite nenipe idakenai tsakja.

17/15.txt

@@ -0,0 +1 @@
+\v 15 Mitsa njoa, nonaitja njatsa njaji matsiaperritsa niniotsa corrin njotaca nocaolre mayami cádanaco njoa ima nocafia cádanacoatsa nocaotsa Piecoa.

17/title.txt

@@ -0,0 +1 @@
+No-Minalri, pjimi norso