Revelations

01/01.txt

@@ -0,0 +1 @@
+\v 1 Dispela emi i tokhait bilong Jisas Krais we i kamap ples klia, God i bin givim em long soim ol wokman bilong em long ol samting we bai i mas kamap klostu taim. Em i mekim dispela i kamap ples klia taim em i salim ensel bilong em igo long wok man bilong em Jon. \v 2 Jon i tokaut long olgeta samting we em i bin lukim, long tok bilong God na long trupela stori bilong Jisas Krais, olgeta samting em bin lukim. \v 3 Man husait i ritim aut bikpela tru, na husait i save harim dispela tok profet i kam long God, na husat i save bihainim ol dispela tok we ol i bin raitim insait long dispela tok profet, ol i ken amamas, bilong wanem taim I kam klostu nau.

01/04.txt

@@ -0,0 +1 @@
+\v 4 Dispela i kam long Jon na i go long ol 7-pela sios long Esia: Larim marimari na bel isi i ken stap wantaim yupela, i kam long man husait i stap nau, na husait i bin stap bipo, na husait bai kam bek, na i kam tu long ol 7-pela spirit husait i sanap arere long sia king bilong em, \v 5 na i kam long Jisas Krais, husait i trupela witnes na husait i nambawan pikinini we i bin kam bek long ples bilong ol dai man. Na man husait i go pas long olgeta king bilong dispela graun. Na Em man husait i laikim yumi tumas na i bin mekim yumi kamap ol fri man na meri long blut bilong Em. \v 6 Em i wokim pinis wanpela kingdom bilong yumi, long kamap pris bilong God na Papa bilong em- glori na pawa em i go long Em oltaim, oltaim. I tru.

01/07.txt

@@ -0,0 +1 @@
+\v 7 Lukim, em i kam wantaim ol klaut; Olgeta manmeri bai lukim em, wantaim ol lain husait i bin sutim sait bilong em taim em i bin hangamap antap long diwai kros. Olgeta lain man meri bilong dispela graun bai i krai long em. Yes, i tru. \v 8 "Mi yet mi stat na mi yet mi arere bilong olgeta samting," Bikpela i tok, mi husait i stap nau, na husait i bin stap bipo, na husait bai i kam long taim bihain, Mi strongpela," Bikpela God."

01/09.txt

@@ -0,0 +1 @@
+\v 9 Mi, Jon mi brata bilong yupela husait i save skelim wantaim yupela ol hevi bilong kingdom bilong God, na pasin bilong stap isi na karim hevi we i stap insait long Jisas, mi bin i stap long ailan Patmos, long tok bilong God na tu long trupela stori bilong Jisas. \v 10  Mi stap insait long spirit long de bilong Bikpela na mi harim wanpela bikpela nek i krai olsem bigul long beksait bilong mi. \v 11  Na em i tok, "Raitim olgeta samting yu lukim i go long wanpela buk na salim i go long ol dispela 7-pela sios- i go lo Efesas, i go long Smina, i go long Pegamum, i go long Taiatira, i go long Sadis, i go long Filadelfia na igo long Laodisia."

01/12.txt

@@ -0,0 +1 @@
+\v 12  Mi tanim i go beksait long lukim nek bilong husait stret i wok long toktok long mi, na taim mi tanim, mi lukim 7-pela stik lam we ol i mekim long ston gol. \v 13  Namel long dispela ol stik lam mi lukim wanpela husait i luk olsem pikinini bilong Man. Em i werim longpela klos i go daun long lek bilong em, na raunim bros bilong em, wantaim wanpela klos we i gat kala bilong ston gol.

01/14.txt

@@ -0,0 +1 @@
+\v 14  Het na gras bilong em i wait olsem skin gras bilong sipsip na i wait tru olsem ais i pundaun. Na ai bilong em i olsem paia i lait. \v 15  Lek bilong em i olsem bras ol i polisim- olsem bras we ol i mekim kamap gutpela tru long strongpela paia. Na nek bilong em i olsem krai bilong planti wara i ran hariap tru. \v 16  Dispela man i gat 7-pela sta lo han sut bilong em na wanpela bainat we i sap long tupela sait i wok long kam aut long maus bilong em. Na peis bilong em i sain olsem san i sain strong tru.

01/17.txt

@@ -0,0 +1 @@
+\v 17  Taim mi lukim em, mi pundaun long lek bilong em olsem wanpela dai man. Em i putim han sut bilong em long mi na em i tok, "Noken poret. Mi yet mi stat na mi yet mi las, \v 18  na mi yet mi man husait i stap laip, Mi bin dai, tasol nau mi stap laip Mi holim ol ki bilong dai na bilong ples bilong ol man i dai pinis.

01/19.txt

@@ -0,0 +1 @@
+\v 19  Olsem na raitim olgeta samting u bin lukim, samting i kamap nau na wanem samting bai i kamap bihain long ol dispela. \v 20  Na long hait tingting i stap bihain long ol 7-pela sta yu bin lukim i stap long han sut bilong mi na long ol 7-pela stiklam: Ol 7-pela sta i soim ol ensel bilong ol 7-pela sios na ol 7-pela stiklam i soim ol 7-pela sios."

02/01.txt

@@ -0,0 +1 @@
+\v 1 " Pas i go long ensel bilong sios long Efeses rait olsem; 'Dispela ol toktok i kam long man husait i holim 7pela sta long han sut bilong em na em dispela man husait i save wokabaut namel long ol 7pela stik lam ol i mekim long gol, \v 2 "Mi save long ol samting yupela i bin mekim na ol hatwok bilong yupela na pasin bilong yupela long stap isi na karim hevi. Mi save olsem yupela i no save stap bung wantaim ol manmeri husait i save mekim pasin nogut. Mi save yupela i bin traim pinis ol lain husait i tok olsem ol yet ol i aposel, tasol nogat em ino tru, na yupela i bin painim aut pinis olsem ol i giaman.

02/03.txt

@@ -0,0 +1 @@
+\v 3 Mi save olsem yupela i save stap isi na karim hevi, na long nem bilong mi yupela i bin karim planti hevi, na strong bilong yupela ino go daun. \v 4 Tasol mi gat tok long yupela, long wanem, yupela i bin lusim pinis dispela nambawan laikim bilong yupela long mi. \v 5 Olsem na tingim i go bek long wanem hap yupela i bin lusim bilip bilong yupela. Tanim bel na bihainim ol pasin yupela i bin mekim bipo. Sapos yupela ino tanim bel, orait mi bai kam na rausim stik bilong lam bilong yupela long hap ples wei em i save stap.

02/06.txt

@@ -0,0 +1 @@
+\v 6 Tasol wanpela samting yupela holim pas, em i olsem: Yupela ino save laikim ol pasin ol lain Nikolait i bin mekim, em ol dispela pasin wei mi tu ino save laikim. \v 7 Man igat iau i ken harim wanem tok Spirit bilong Bikpela i wok long tok long ol sios. Man husait i winim pait bai mi givim em tok orait long em bai kaikai long diwai bilong laip wei i stap long gaden bilong God."'

02/08.txt

@@ -0,0 +1 @@
+\v 8 "Pas i go long ensel bilong sios long Smina; Dispela em ol toktok bilong man husait em i stap long stat na pinis, em dispela man husait i bin dai na i bin kirap bek gen. \v 9 "Mi save long ol hevi bilong pen yupela i karim na mi save tu olsem yupela i stap rabis, tasol yupela i gat planti samting. Mi save long giaman bilong ol lain husait i tok, ol yet i lain manmeri bilong Juda, tasol nogat ol i no bilong Juda. Dispela ol lain i save kamap haus lotu bilong Satan.

02/10.txt

@@ -0,0 +1 @@
+\v 10  Noken pret long ol hevi bai yupela karim. Lukim! Man nogut i laik tromoi sampela bilong yupela i go insait long kalabus long bai ol traim bilip bilong yupela, na yupela bai karim hevi inap long 10-pela dei. Yupela i mas stap strong long bihainim tok bilong mi inap long taim dai i painim yupela na bai mi givim yupela hat king bilong i stap laip. \v 11  Man i gat iau i ken harim ol toktok Spirit bilong Bikpela i wok long tok long ol sios. Man husait i winim pait bai ino inap tru long kisim bagarap long namba 2 dai.''

02/12.txt

@@ -0,0 +1 @@
+\v 12  " Pas i go long ensel bilong sios long Pegamam; 'Dispela em ol toktok bilong man husait i gat bainat wei igat tupela sait bilong em i sap: \v 13  "Mi save long hap yupela i save stap long em, em dispela hap sia king bilong Satan i save stap. Tasol yupela i holim strong yet nem bilong mi. Mi save olsem yupela i no bin haitim bilip bilong yupela long mi, wankain olsem yupela i bin mekim long taim bilong Entipas. Em witnes bilong mi, na wokman bilong mi husait ol i bin kilim em namel long yupela, long dispela hap wei Satan i save stap.

02/14.txt

@@ -0,0 +1 @@
+\v 14  Tasol mi gat sampela liklik tok long yupela: I gat sampela lain bilong yupela long hap husait i holim strong skul tok bilong Balam. Ol dispela lain i bin skulim Balak long paulim ol pikinini manmeri bilong Israel long kaikai dispela kaikai wei ol i bin givim ofa long ol god giaman na bai ol i mekim ol pasin pamuk. \v 15  Wankain tasol, yupela i gat sampela lain bilong yupela i holim strong skul tok bilong ol lain Nikolait.

02/16.txt

@@ -0,0 +1 @@
+\v 16  Olsem na yupela tanim bel ! Sapos yupela i no tanim bel, bai mi kam kwiktaim long yupela na kirapim pait wantaim long ol. Bai mi mekim olsem wantaim bainat i stap insait long maus bilong mi. \v 17  Man igat iau i ken harim toktok Spirit bilong Bikpela i wok long tok long ol sios. Bai mi givim sampela hait mana bilong heven long man i winim pait, na mi bai givim em wanpela waitpela ston i gat nupela nem ol i bin raitim antap long em. Nogat man bai save long dispela nem tasol man husait i kisim dispela ston em tasol bai save.'''

02/18.txt

@@ -0,0 +1 @@
+\v 18 ' Pas i go long ensel bilong sios long Taiatira; Dispela em ol tok bilong Pikinini Man bilong God husait ai bilong em i olsem paia i lait na lek bilong em i olsem bras ol i bin polisim. \v 19  "Mi save pinis long ol samting yupela i bin mekim: em ol pasin bilong yupela long givim bel, na bilip bilong yupela, na wok bilong yupela, na pasin bilong stap isi na karim hevi. Mi save ol samting yupela i bin mekim nau tasol em i moa gutpela long ol samting yupela i bin mekim bipo.

02/20.txt

@@ -0,0 +1 @@
+\v 20  Tasol mi gat dispela tok long yupela; Yupela i save laik stap wantaim dispela meri Jesabel husait i kolim em yet profet meri. Na ol skul toktok bilong dispela meri i save paulim ol wokman bilong mi long mekim pasin pamuk na kaikai ol samting ol i bin givim olsem ofa long ol god giaman. \v 21  Mi givim taim long em bai em i tanim bel, tasol em i no laik tanim bel long ol pasin nogut bilong em.

02/22.txt

@@ -0,0 +1 @@
+\v 22  Lukim! Mi bai tromoi dispela meri igo antap long wanpela bet bilong ol sikman, na ol lain husait i mekim ol pasin pamuk wantaim em bai karim bikpela hevi tru, sapos ol i givim baksait long ol pasin bilong dispela meri. \v 23  Mi bai kilim idai ol pikinini bilong dispela meri, na olgeta sios bai save olsem mi man i save sekim gut tingting na bel bilong ol man. Na mi bai givim yupela wan wan man pei inap long wanem pasin yupela i bin mekim.

02/24.txt

@@ -0,0 +1 @@
+\v 24  Tasol long yupela olgeta manmeri i stap long Taiatira. Yupela olgeta lain husait ino holim pas dispela skul tok, na yupela ino save long ol kain pasin bilong Satan. Mi laik tok olsem long yupela, 'Mi no putim wanpela hevi antap long yupela.' \v 25  Yupela i mas stap strong yet inap long taim mi kam bek.

02/26.txt

@@ -0,0 +1 @@
+\v 26  Man husait i winim pait na i mekim ol samting olsem mi bin mekim na i strong ikam inap long arare, mi bai givim em namba bilong stap hetman bilong ol lain manmeri bilong graun. \v 27  'Em bai bosim ol lain manmeri wantaim ain stik, na em bai brukim ol olsem em brukim sospen graun i go liklik. \v 28  Wankain olsem mi bin kisim long Papa bilong mi. Mi bai givim dispela man dispela sta bilong moning \v 29  Man i gat iau i ken harim wanem Spirit bilong Bikpela i toktok long ol sios.'''

03/01.txt

@@ -0,0 +1 @@
+\v 1 Pas i go long ensel bilong sios long Sadis. Dispela em ol toktok bilong man husait i save holim ol 7-pela spirit bilong God na 7-pela ol sta." Mi save long wanem samting yupela i bin mekin. Yupela gat gutpela nem i mekim yupela i stap laip, tasol yupela i dai. \v 2 Kirap na stretim ol pasin bilong yupela, klostu ol dispela pasin i laik dai, long wanem mi lukim pasin bilong yupela i no stret tru long ai bilong God bilong mi.

03/03.txt

@@ -0,0 +1 @@
+\v 3 Olsem na tingim i go bek long ol wanem tok yupela i bin kisim na harim.Bihanim dispela ol tok na tanim bel. Tasol sapos yupela i silip yet, bai mi kam olsem stil man, na yupela bai no inap save long wanem taim mi bai kam long yupela. \v 4 Tasol yu gat sampela nem bilong ol Sadis husait i no bin mekim klos bilong ol i doti, ol bai wokabaut wantaim mi,bai mi givim ol waitpela klos, long wanem ol i bin stap stret.

03/05.txt

@@ -0,0 +1 @@
+\v 5 Man husait i winim pait em bai putim waitpela klos, Mi bai no inap rausim nem bilong em insait long Buk bilong Laip, na bai mi autim nem bilong em long ai bilong Papa bilong mi, na long ai bilong ol ensel bilong em. \v 6 Man i gat iau em i ken harim wanem samting Spirit i toktok long ol sios".

03/07.txt

@@ -0,0 +1 @@
+\v 7 Pas i go long ensel bilong sios long Filadelfia: Dispela ol tok em bilong man husat i stap holi na stret-em i holim ki bilong Devit, em i opim dua na nogat wanpela i pasim dua na taim em i pasim dua nogat man bai opim. \v 8 Mi save long wanem samting yupela i bin mekim. Lukim, long ai bilong yupela mi opim dua istap. Nogat man bai inap long pasim dispela dua. Mi save yupela i gat liklik strong, yet yupela i bihainim tok bilong mi na yupela ino bin haitim neim bilong mi.

03/09.txt

@@ -0,0 +1 @@
+\v 9 Lukim! Ol lain bilong haus lotu bilong seten ol i tok ol yet i lain man meri bilong Juda tasol nogat, ol i giaman lain- Bai mi mekim ol i kam na brukim skru long lek bilong yupela na bai ol i kam luksave olsem mi laikim yupela. \v 10  Long taim yupela i bin harim tok bilong mi na yupela i stap isi tru na bihainim tok bilong mi, orait mi tu bai lukautim yupela long taim bilong traim we bai i kam long olgeta man meri husait i stap long olgeta hap bilong graun. \v 11  Mi kam klostu tru.Holim strong wanem samting yupela i gat na no ken larim wanpela man i kam na rausim hat king bilong yupela.

03/12.txt

@@ -0,0 +1 @@
+\v 12  Bai mi mekim man husait i winim pait long kamap nambawan pos bilong haus bilong God bilong mi. Na em bai i no inap go bek gen autsait na bai Mi raitim nem bilong God bilong mi na nem bilong siti bilong God (Dispela siti em nupela Jerusalem ,em kam daun long heven long ples bilong God ) na tu wantaim nupela nem bilong mi. \v 13  Man i gat iau em i ken harim wanem samting Spirit bilong Bikpela i toktok long olgeta sios.

03/14.txt

@@ -0,0 +1 @@
+\v 14  Pas i go long ensel bilong sios long Laodisia. Dispela em Olgeta tok i kam long Aman, Dispela em i trupela samting na em i save gut tru long em, em i stap het long ol samting God i bin kamapim. \v 15  Mi save long ol samting yupela i bin mekim, na yupela ino bin stap kol na hot wantaim. Mi laik bai yupela i ken stap hot o istap kol tasol. \v 16  Long wanem, yupela stap olsem kol na hot wantaim- olsem na long dispela as tasol mi redi long trautim yupela kam autsait long maus bilong mi.

03/17.txt

@@ -0,0 +1 @@
+\v 17  Yupela i save tok, 'Mi gat planti kago na mi gat planti ol arapela samting tu,mi no sot long wanpela samting,Tasol yupela yet ino save olsem yupela i stap trangu, nogat amamas, stap rabis tru, stap ai pas na stap as nating. \v 18  Harim gutpela tok mi givim long yupela. Yupela baim gol ol i kukim long paia, na yupela bai i gat planti samting, na tu ol waitpela klos i sain bilong karamapim bodi bilong yupela na no ken sem long skin na wok boi nating, baim oil long putim long ai bilong yupela na lukluk gen.

03/19.txt

@@ -0,0 +1 @@
+\v 19  Mi save skulim olgeta man husait mi save laikim ol na mi save lainim ol long rot bilong stap lai long dispela graun. Olsem na yupela i mas tanim bel tru long bel bilong yupela. \v 20  Lukim, Mi sanap long dua na mi paitim dua istap. Sapos wanpela man i harim singaut bilong mi na i opim dua. Orait bai mi kam insait long haus bilong em na bai mi sidaun na kaikai wantaim em, na em bai kaikai wantaim mi.

03/21.txt

@@ -0,0 +1 @@
+\v 21  Bai mi givim tok orait long man husait i winim ol pait na sindaun wantaim mi long sia king bilong mi wankain olsem Mi bin winim pait na sidaun wantaim Papa bilong mi long sia king bilong em. \v 22  Man i gat iau em i ken harim wanem samting Spirit bilong Bikpela i toktok long ol sios

04/01.txt

@@ -0,0 +1 @@
+\v 1 1 Bihain long ol dispela samting mi lukim wanpela dua long heven i op .Dispela maus mi bin harim nambawan taim I toktok long mi i olsem krai bilong biugel,na tok,"Yu kam antap long hia na bai mi soim yu long wanem bai i kamap bihain long ol dispela samting. \v 2 Kwik taim spirit bilong God i opim ai bilong mi na mi lukim wanpela man i sindaun antap long wanpela sia king i stap long heven \v 3 . Na man husait i sindaun lukluk bilong em olsem stone jaspa na retpela ston kanelian na renbo i raunim dispela sia king na dispela renbo I olsem grinpela stone em dia tumas ol i kolim emiral.

04/04.txt

@@ -0,0 +1 @@
+\v 4 I gat 24-pela sia king i stap raunim dispela wanpela sia king na ol i put longpela waitpela klos na king hat long het bilong ol. \v 5 Bikpela nois bilong klaut i pairap na bikpela lait i sut i go i kam aut long dispela sia king. 7- pela lam i lait i stap long pes bilong sia king,ol dispela 7- pela lam i makim 7-pela spirit bilong God.

04/06.txt

@@ -0,0 +1 @@
+\v 6 Long pes bilong sia king i gat wanpela solwara stap olsem glas na i klia tru,na long namel bilong dispela sia king. I gat 4-pela animal i gat laip i stap na planti ai i karamapim olgeta hap bilong bodi, em long pes na long baksait tu.

04/07.txt

@@ -0,0 +1 @@
+\v 7 Nambawan animal i gat laip i luk olsem wanpela laion na namba 2 animal i gat laip i luk olsem bulmakau man na namba 3 animal i gat laip i luk olsem pes bilong man na namba 4 animal i gat laip i luk olsem taragau i flai \v 8 Ol 4-pela animal ol i gat six-pela wing long wan wan bilong ol ,ol i gat planti ai i stap antap long het na long ananit long leg ,Long nait na long de ol i no save malolo na tok, "Holi, holi,em i holi long Bikpela God i gat Olgeta Strong, husait i bin stap bipo, na stap nau na bihain bai kam"

04/09.txt

@@ -0,0 +1 @@
+\v 9  Taim ol dispela animal i gat laip i givim biknem na glori na tok tank yu i go long dispela man i sindaun long sia king husait i save stap oltaim, oltaim, \v 10  ol 24-pela hetman save kam daun na pes bilong ol i go daun long man i sindaun long sia king na ol i lotu long husait i stap oltaim oltaim. Ol i tromoi king hat bilong ol i go daun long pes bilong dispela man i stap long sia king,na tok. \v 11  "Biknem em i bilong yu,Bikpela bilong mipela na God bilong mipela,yu kisim olgeta glori,powa na biknem,Yu bin kamap olgeta samting na olgeta samting i kamap na i stap long laik na tingting bilong yu."

05/01.txt

@@ -0,0 +1 @@
+\v 1 Bihain mi lukim dispela man i sindaun long sia king na long han sut bilong em. Em i holim wanpela buk ol i raitim insait na baksait wantaim na i igat 7-pela mak i pasim dispela buk. \v 2 Mi lukim wanpela strongpela ensel i singaut strong na i tok, "Husait inap tru long opim dispela buk na brukim ol dispela mak?"

05/03.txt

@@ -0,0 +1 @@
+\v 3 I nogat wanpela man long heven o antap long graun o ananit long graun husait inap long opim dispela buk o long ritim. \v 4 Mi krai bikpela long wanem ino gat wanpela man inap long opim dispela buk o long ritim. \v 5 . Tasol wanpela bilong ol hetman i tokim mi, "Noken krai. Lukim! Dispela Laion bilong lain Judah, na tumbuna bilong Devit, em i win pinis. Em inap long brukim 7-pela mak na opim dispela buk."

05/06.txt

@@ -0,0 +1 @@
+\v 6 Na mi lukim wanpela Piknini Sipsip i sanap wantaim ol hetman namel long sia king na ol 4-pela samting igat laip. I luk olsem ol i bin kilim dispela Pikinini Sipsip. Em igat 7-pela kom na 7-pela ai. Dispela i makim 7-pela spirit bilong God we em i bin salim igo aut long olgeta hap graun. \v 7 .Em i go kisim dispela buk long han sut bilong dispela man husait i sindaun long sia king.

05/08.txt

@@ -0,0 +1 @@
+\v 8 Taim Pikinini Sipsip i kisim dispela buk, ol 4-pela samting igat laip na 24-pela hetman i daunim ol yet long pes bilong em. Wanwan bilong ol i gat gita na ol gol dis i pulap wantaim naispela smel smuk, i makim prea bilong ol bilip manmeri.

05/09.txt

@@ -0,0 +1 @@
+\v 9 Ol i singim nupela song olsem, " Yu inap tru long brukim ol mak na opim dispela buk. Long wanem, ol i bin kilim yu dai na long blut bilong yu tasol, yu baim bek olgeta lain manmeri, wantaim kainkain tokples, na long olgeta hap graun i kam long God. \v 10  Yu mekim ol i kamap lain manmeri bilong God na ol i kamap ol pris bilong mekim wok bilong God, na ol bai bosim dispela graun."

05/11.txt

@@ -0,0 +1 @@
+\v 11  Bihain mi lukim na harim nek bilong ol planti ensel i stap raunim sia king, na ol 4-pela samting igat laip, na ol hetman. Namba bilong ol i olsem 10 tausen bilong 10 tausen na tausen bilong tausen. \v 12  Ol i singaut wantaim wanpela nek olsem, " Dispela Pikinini Sipsip ol i bin kilim, em inap tru long kisim biknem, blesing, glori, sawe, strong na pawa."

05/13.txt

@@ -0,0 +1 @@
+\v 13  Mi harim olgeta samting God i bin mekim i stap long heven na antap long graun na ananit long graun na insait long solwara. Ol i tok aut olsem."Givim Biknem, glori na pawa igo long dispela man husait i sindaun long sia king, na igo long dispela Pikinini Sipsip, long bosim oltaim oltaim. \v 14  Orait, 4-pela samting igat laip i tok,"I tru!" Na ol hetman i daunim ol yet na lotu.

06/01.txt

@@ -0,0 +1 @@
+\v 1 Mi bin lukim taim pikinini sipsip i opim wanpela bilong ol 7-pela buk, na mi harim wanpela bilong ol 4-pela wel enimol i singaut olsem klaut i pairap na i tok olsem,"Kam!" \v 2 Mi lukluk long hap wanpela waitpela hos i stap. Man i sindaun antap long dispela hos i holim bunara na ol i givim em hat bilong king.Em i kam aut olsem win man bilong pait na redi long winim pait.

06/03.txt

@@ -0,0 +1 @@
+\v 3 Taim pikinini sipsip i opim namba tu buk,mi harim namba 2 wel abus i tok olsem, "Kam!" \v 4 Bihain long dispela, narapela hos we i ret olsem paia i lait, i kam aut.Man i sindaun antap long dispela hos i bin kisim tok orait long rausim bel isi long ples graun,bai ol manmeri i ken kilim ol yet i go i kam. Long dispela man i sindaun antap long dispela hos, ol i givim em 1-pela bikpela bainat.

06/05.txt

@@ -0,0 +1 @@
+\v 5 Taim pikinini sipsip i opim namba 3 buk, mi harim namba 3 wel enimol i tok olsem, "Kam!" Mi lukim bilakkpela hos na man i sindaun antap long em i holim skel long han bilong em. \v 6 Mi harim wanpela maus namel long ol 4 - pela wel abus tok olsem, " Pei bilong wok long wanpela de, em inap long 1-pela kilo bilong wit, na pei bilong wok long wanpela de, em inap long 3-pela kilo bilong bali. Tasol i noken bagarapim oil na wain.

06/07.txt

@@ -0,0 +1 @@
+\v 7 Taim pikinini sipsip i opim namba 4 buk, mi harim maus bilong namba 4 wel abus i tok olsem, "Kam!". \v 8 Bihain long dispela, mi lukim wanpela hos i no gat planti kala. Man i sindaun antap long dispela hos nem bilong em Dai, na ples bilong ol man i dai pinis i wok long bihainim em.Ol i givim namba long bosim wanpela bilong 4- pela hap long ples graun, bai ol i ken kilim i dai ol manmeri wantaim bainat, na wantaim bikpela hangre na kainkain sik nogut, na wantaim ol wel abus bilong graun.

06/09.txt

@@ -0,0 +1 @@
+\v 9 Taim pikinini sipsip i opim namba 5 buk, mi lukim aninit long alta, ol sol bilong ol man husait ol i bin killim i dai, bilong wanem ol i bin autim tok bilong God na ol i gat gutpela testamoni. \v 10  Ol i krai na singaut wantaim na tok, "Man husait i bosim olgeta samting, yu holi na tru olgeta, amas taim i stap yet long yu bai kam na skelim pasin bilong ol manmeri i stap long graun na givim pei long ol man i bin kilim mipela?" \v 11  Bihain ol i bin givim wanpela waitpela longpela klos long wan wan man, na ol i bin tokim ol bai ol i mas weit liklik taim inap ol man i kilim olgeta wanwok wantaim ol brata na sista bilong ol, olsem ol i bin kilim ol bipo.

06/12.txt

@@ -0,0 +1 @@
+\v 12  Taim pikinini sipsip i opim namba 6 buk, mi lukluk i stap na bikpela guria i kamap. San i kamap blek olsem blekpela klos na mun i kamap olsem blut. \v 13  Ol sta bilong heven i pundaun i kam daun long ples graun, wankain olsem pikinini bilong diwai fig we i no redi long em i pudaun taim stronpela win i kirap na mekim nois. \v 14  Skai i lus nating olsem ol i rolim wanpela mat. Na olgeta maunten na ailan ol i lusim ples we ol stap long em na go pinis.

06/15.txt

@@ -0,0 +1 @@
+\v 15  Bihain long dispela,ol king bilong graun na ol manmeri i gat namba, na ol ofisa bilong ol ami, na ol man i gat planti kago, na ol strongpela man, na olgeta arapela man meri, ol wokboi nating na fri man. Dispela ol lain i hait insait long hul bilong ol ston na namel long ol bikpela ston bilong ol maunten. \v 16  Na dispela ol lain i tok long ol maunten na ol ston, "Pundaun antap long mipela! Haitim mipela long feis bilong man husait i sindaun long sia king, na long belhat bilong pikinini sipsip. \v 17  Long wanem, bikpela de bilong belhat bilong ol i kam pinis. Husait bai inap long sanap strong?"

07/01.txt

@@ -0,0 +1 @@
+\v 1 Bihain mi lukim 4-pela ensel i sanap long 4-pela hap kona bilong dispela graun, na ol i pasim strong win long kamap long 4-pela hap kona bilong dispela graun na long solwara, na long ol diwai. \v 2 Mi lukim narapela ensel i kam antap long san kamap, dispela ensel i gat mak bilong God long em. Em i singaut strong long ol 4-pela ensel husait i bin kisim tok orait long bagarapim dispela graun na solwara. \v 3 Noken bagarapim graun, solwara na ol diwai inap mipela i putim mak long het bilong ol wokman bilong God pastaim.

07/04.txt

@@ -0,0 +1 @@
+\v 4 Mi harim namba bilong ol lain manmeri husait i kisim pinis mak bilong God, em i olsem 144,000  bilong ol lain bilong Israel. \v 5 Insait long ol dispela lain, 12,000 manmeri bilong lain Juda, 12,000 lain manmeri bilong Ruben, 12,000 lain manmeri bilong Gad. \v 6 12,000 lain manmeri bilong lain Asa, 12,000 lain manmeri bilong lain Naptali, 12,000 lain manmeri bilong lain Manase.

07/07.txt

@@ -0,0 +1 @@
+\v 7 12,000 lain manmeri bilong lain Simion, 12,000 lain manmeri bilong lain Livai 12,000 lain manmeri bilong lain Isaka, \v 8 12,000 lain manmeri bilong lain Jebulun, 12,000 lain manmeri bilong lain Josep, na 12,000 lain manmeri bilong lain Benjamin i bin kisim mak pinis .

07/09.txt

@@ -0,0 +1 @@
+\v 9 Bihain long ol dispela samting, mi lukim bikpela lain manmeri i planti tumas long man ino inap long kauntim ol i kam long olgeta ples na long olgeta lain manmeri bilong olgeta hap graun, na bilong olgeta kainkain tokples. Ol i sanap klostu long sia king long pes bilong Pikinini Sipsip. Ol i werim longpela waitpela klos na holim lip bilong pam diwai  long han bilong ol. \v 10  Na ol i bikmaus na singaut olsem, God bilong mipela i sindaun long sia king bilong em na Pikinini Sipsip i kisim bek mipela long pasin nogut.

07/11.txt

@@ -0,0 +1 @@
+\v 11  Olgeta ensel i sanap raunim sia king, na ol hetman na 4-pela wail abus olgeta i daunim ol yet igo daun tru na putim pes igo daun long graun long pes bilong God. Na ol i lotu long em., \v 12  Na ol i tok, "Tru tumas! Liptimapim nem bilong God igat olgeta strong. Givim biknem na glori long em. Na tok tenkyu long God igat gutpela tingting na save, em i save stap oltaim oltaim! I tru!"

07/13.txt

@@ -0,0 +1 @@
+\v 13  Bihain wanpela hetman namel long ol i askim mi na i tok, "Ol lain i werim waitpela klos, ol i bilong wanem lain na ol i kam long wanem hap? \v 14  Na mi tokim em, "Bikman, mi no save," na em i tokim mi olsem, "Dispela ol man husait i bin kam aut long dispela taim bilong bikpela hevi. Ol i bin wasim klos bilong ol na mekim kamap waitpela insait long blut bilong Pikinini Sipsip bilong God.

07/15.txt

@@ -0,0 +1 @@
+\v 15  Long dispela as, ol i stap klostu long sia king bilong God na ol i lotu long em long san na long nait insait long haus bilong em. Na man husait i sindaun long sia king bai i lukautim ol. \v 16  Olsem na ol bai i no inap long hangre gen long kaikai o nek bilong ol i no inap drai long wara gen. San bai i no inap kukim ol na paia tu ino inap kukim ol. \v 17  Dispela Pikinini Sipsip i stap namel long sia king bai i stap wasman bilong ol, na em bai lukautim ol na givim ol wara igat laip. Na God bai i rausim olgeta ai wara long ai bilong ol.

08/01.txt

@@ -0,0 +1 @@
+\v 1 Taim dispela Pikinini Sipsip I opim namba seven mak, Long heven ingat nois long liklik taim. \v 2 Bihain mi lukim ol 7-pela ansel husait i bin sanap long ai bilong God na ol i bin holim 7-pela bikul.

08/03.txt

@@ -0,0 +1 @@
+\v 3 Narapela ansel i kam na i holim wanpela gol plet bilong givim gutpela smel na i sanap lo alta. Em i kisim planti moa smel samting bilong givim olsem ofa wantaim prea bilong ol bilip manmeri long gol alta igo long sia king bilong Bikpela. \v 4 Smuk bilong dispela smel samting wantaim prea bilong ol bilip man i bin go antap long God long han bilong ansel. \v 5 Dispela ensel i kisim paia long alta na putim igo insait long plet wei i gat gutpela smel i stap long em. Bihain em i tromoi dispela plet i kam daun long graun na bikpela tanda i pairap wantaim laitnin na graun i guria.

08/06.txt

@@ -0,0 +1 @@
+\v 6 Ol 7-pela ensel husait i holim 7-pela bikul i redi nau long winim. \v 7 Namba wan ansel i winim bikul bilong em na narakain ren wantaim paia na blut. Em i tromoi i kam daun long graun na i bagarapim wanpela bilong tripela hap, na wanpela bilong tripela hap diwai i bagarap, na tu olgeta gras i bagarap.

08/08.txt

@@ -0,0 +1 @@
+\v 8 Namba 2 ansel i winim bikul na wanpela samting olsem bikpela maunten wei i gat paia long em i pudaun igo insait long solwara. Wanpela bilong tripela hap bilong solwara i tanim kamap blut, \v 9 wanpela bilong tripela hap bilong ol samting wei i gat laip na i save stap long solwara i dai, na wanpela bilong tripela hap bilong ol sip i bagarap.

08/10.txt

@@ -0,0 +1 @@
+\v 10  Namba 3 ansel i winim bikul bilong em na wanpela bikpela sta i pundaun long skai i kam daun olsem paia long wanpela bilong tripela hap bilong ol wara blong graun. \v 11  Nem bilong dispela sta em wara i pait nogut. Wanpela bilong tripela hap bilong ol wara i kamap wara i pait nogut na planti man meri i dai long dispela pait wara nogut.

08/12.txt

@@ -0,0 +1 @@
+\v 12  Namba 4 ansel i winim bikul bilong em na wanpela bilong tripela hap bilong sun i hait, na olsem tasol long mun na sta i kamap tudak; na wanpela bilong tripela hap bilong de na nait i nogat lait.

08/13.txt

@@ -0,0 +1 @@
+\v 13  Mi lukim na mi harim wanpela tarangau i palai antap tru long skai na i bikmaus olsem "lukaut lukaut" ol lain manmeri husait i stap long graun, bilong wanem ol narapela tripela bikul I redi i stap long tripela ansel bai i winim".

09/01.txt

@@ -0,0 +1 @@
+\v 1 Bihain namba 5 ensol i winim biugel bilong en. Mi lukim wanpela sta i stap long heven i pundaun kam daun long graun. Dispela sta i holim ki bilong hul i go daun na ino gat pinis bilong en. \v 2 Em i opim hul we ino gat pinis bilong em, na bikpela smok i kam aut long dispela hul i olsem smok bilong bikpela paia. Bikpela smok i kam aut long dispela hul i mekim san na skai igo tudak.

09/03.txt

@@ -0,0 +1 @@
+\v 3 Insait long dispela smok grasopa i kam aut long graun, na ol i gat strong olsem skopion bilong graun. \v 4 Ol i tokim ol long no ken bagarapim gras, o ol arapela grinpela bus samting na diwai, tasol ol i ken bagarapim ol man ino gat mak bilong God long pes bilong ol.

09/05.txt

@@ -0,0 +1 @@
+\v 5 Ol ino kisim tok orait long kilim i dai ol dispela manmeri. Tasol ol i kisim tok orait long givim bikpela pen long ol insait long 5-pela mun tasol. Na pen bilong dispela samting bai i olsem posin bilong skopion i bagarapim wanpela man. \v 6 Long ol dispela taim ol manmeri bai i painim dai, tasol ol bai ino inap dai. Ol bai i gat bikpela laik long dai, tasol dai bai ino inap kisim ol.

09/07.txt

@@ -0,0 +1 @@
+\v 7 Ol dispela grasopa i luk olsem ol hos ol i redim bilong igo pait. Samting olsem hat bilong king ol wokim long gol i stap long het bilong ol. Na pes bilong ol i oslem pes bilong ol man. \v 8 Het gras bilong ol i olsem het gras bilong ol meri, na tit bilong ol i olsem tit bilong laion. \v 9 Siot kapa bilong ol i olsem ol i wokim long aion. Na taim ol i pli, wing bilong ol i wokim nois olsem krai bilong planti karis na hos igo long pait.

09/10.txt

@@ -0,0 +1 @@
+\v 10  Teil bilong ol i gat posin olsem teil bilong skopion, na long teil bilong ol i gat strong bilong bagarapim ol manmeri long 5-pela mun. \v 11  Ensel bilong dispela hul i nogat pinis bilong em i lukautim ol olsem King. Nem bilong dispela ensel long tok ples Hibru em Abadon,na long tokples Grik em Apolion. \v 12  Nambawan taim nogut i kamap pinis. Lukim! Bihain long dispela samting tupela bikpela bagarap moa bai i kamap.

09/13.txt

@@ -0,0 +1 @@
+\v 13  Namba 6 ensel i winim biugel bilong em, na mi harim wanpela nek i kam long 4-pela kom bilong alta ol i wokim long gol i stap klostu long God. \v 14  Dispela nek i toktok long namba 6 ensel husait i gat biugel na i tok, "Rausim ol 4-pela ensel mi kalabusim ol long bikpela wara Yufretis na ol i ken go fri." \v 15  Ol i bin lusim ol dispela 4-pela ensel igo fri long kilim namba 3 hap bilong ol manmeri. Ol dispela ensel i bin stap redi na wetim dispela aua, de, mun, na yia long kamap.

09/16.txt

@@ -0,0 +1 @@
+\v 16  Namba bilong ol soldia husait i sinduan long hos i olsem 200-milion. Mi bin harim namba bilong ol. \v 17  Long driman bilong mi, mi lukim ol hos na ol man husait i sindaun long ol dispela hos olsem, siot kapa bilong ol i ret olsem paia, dakblu olsem smok na yelo olsem salfa ston. Ol het bilong ol hos i luk olsem het bilong ol laion, na paia, smok, na salfa i kam aut long maus bilong ol.

09/18.txt

@@ -0,0 +1 @@
+\v 18  Wanpela tri hap bilong ol manmeri i dai long smok, paia, na salfa i kam aut long maus bilong ol. \v 19  Na strong bilong ol dispela hos i stap long maus bilong ol, na teil bilong ol i olsem teil bilong ol snek, na ol i gat het we i givim bagarap long ol manmeri.

09/20.txt

@@ -0,0 +1 @@
+\v 20  Ol arapela manmeri husait ino dai long ol dispela samting nogut, ol i no tok sori long pasin nogut ol i bin mekim. O ol i no lusim pasin bilong lotu long spirit nogut, na god giaman bilong gol, silva, bras, ston, na diwai samting i no gat ai long lukim, yau long harim, o lek bilong wokabaut. \v 21  Na tu ol ino tok sori long God long ol man ol i bin kilim na long ol sanguma pasin bilong ol, o god giaman ol i bin lotuim, o ol pasin pamuk we ol i bin mekim, na long ol samting we ol i bin stilim long ol arapela.

10/01.txt

@@ -0,0 +1 @@
+\v 1 Mi lukim wanpel strongpela ensel i kam daun long heven. Em i karamapim em yet insait long klaut na reinbo i stap antap long het bilong em. Na pes bilong em i lait olsem san, lek bilong em i lait olsem pilar bilong paia \v 2 Em i holim wanpela liklik buk, long han bilong em, we em i op i stap na em i putim lek long han sut bilong em antap long solwara na arapela lek long han kais bilong em antap long graun.

10/03.txt

@@ -0,0 +1 @@
+\v 3 Bihain em i singaut strong olsem wanpela bikpela laion i bikmaus,Taim em i singaut, ol 7-pela klaut i pairap wantaim bikpela nois. \v 4 Taim ol 7-pela klaut i tokaut, mi tingting long raitim i go daun long buk tasol mi harim maus long heven i tok, yu holim dispela tok i stap hait na i no ken raitim i go daun long buk ol diapela 7-pela klaut i tok aut.

10/05.txt

@@ -0,0 +1 @@
+\v 5 Bihain dispela ensel mi lukim i sanap antap long solwara na long graun i apim han sut bilong em i go antap long heven. \v 6 Em i tokaut long dispela man husait i save i stap oltaim oltaim, Husait i bin i bin wokim heven na graun na solwara na olgeta samting i stap insait na antap long em, Dispela ensel i tok. bai i no gat taim i stap moa \v 7 Tasol long de na long taim namba 7 ensel i laik winim biugel, orait, long dispela taim bai tok hait bilong God bai i kam ples klia olsem em i bin tokaut long maus bilong ol profet bilong em.

10/08.txt

@@ -0,0 +1 @@
+\v 8 Dispela maus we mi bin harim long heven bipo i toktok long mi gen, yu go kisim dispela buk i op i stap long han bilong dispela ensel i sanap antap long solwara na long graun \v 9 Orait mi wokabaut i go long dispela ensel na tokim em long givim mi dispela liklik buk na em i tokim mi, yu kisim dispela buk na kaikai, em bai i swit olsem hani long maus bilong yu tasol em bai i mekim bel bilong yu i pen taim yu kaikai.

10/10.txt

@@ -0,0 +1 @@
+\v 10  Mi wokabaut i go kisim dispela liklik buk long han bilong ensel na kaikai, em i swit olsem hani long maus bilong mi tasol bihain mi kaikai pinis mi pilim bel bilong mi i pen moa. \v 11  Bihain wanpela man i tok long mi, yu mas tokaut gen long dispela samting namel long planti manmeri, planti kantri, planti tokples na long olgeta king.

11/01.txt

@@ -0,0 +1 @@
+\v 1 Ol i bin givim mi wanpela stik olsem, em i olsem wanpela stik bilong makim ol samting, na ol i tokim mi, "Kirap na makim tempel bilong God na alta, na ol lain husait i lotu insait long em. \v 2 Tasol noken makim autsait long banis i raunim tempel bilong God, dispela hap ples ol i bin givim long ol arapela lain manmeri. Ol bai krungutim dispela biktaun i holi inap long 42 mun.

11/03.txt

@@ -0,0 +1 @@
+\v 3 Bai mi givim namba long tupela witnes bilong mi long ol, na ol bai i werim klos bilong sori, na i kam mekim tok profet long God insait long 1,260 de." \v 4 Dispela tupela witnes em i tupela oliv diwai na tupela stik lam i bin sanap long pes bilong Bikpela bilong olgeta hap graun. \v 5 Sapos sampela lain i ting long bagarapim ol, paia i save kam aut long maus bilong ol na kukim ol birua bilong ol. Long dispela rot tupela i save bagarapim ol.

11/06.txt

@@ -0,0 +1 @@
+\v 6 Dispela tupela witnes i gat namba long pasim skai long ren bai ino ken pundaun inap long taim ol i mekim tok profet long em. Ol i gat strong long tanim wara i kamap olsem blut na long bagarapim olgeta hap graun wantaim ol kain kain sik nogut long wonem taim ol i laikim long en. \v 7 Ol bai i mekim tok bilong ol pinis, wanpela wel abus i kam antap long hul i no gat as bilong en bai i kirapim pait wantaim ol. Na em bai i kilim ol na winim ol.

11/08.txt

@@ -0,0 +1 @@
+\v 8 Bodi bilong ol bai i slip nambaut long rot bilong biktaun (ol i kolim dispela piksa olsem Sodom na Isip) long ples Bikpela bilong ol i bin dai long diwai kros. \v 9 Long 3-pela na hap de sampela bilong olgeta lain manmeri, na tok ples, na ol kantri bai i lukluk long bodi bilong ol. Tasol ol bai tambuim ol long putim bodi bilong ol long matmat.

11/10.txt

@@ -0,0 +1 @@
+\v 10  Husait ol lain i stap long olgeta hap graun bai i amamas tru na givim presen igo ikam, bilong wanem dispela tupela profet i bin givim pen long ol manmeri bilong graun. \v 11 Tasol bihain long 3-pela na hap de, wanpela win bilong laif i kam long God bai igo insait long ol na ol bai i sanap long lek bilong ol. Na bikpela pret bai i kisim ol lain husait i bin lukim ol. \v 12  Orait, bihain ol bai i harim wanpela bikpela singaut i kam long heven na i tokim ol olsem, "Kam antap long hia." Taim ol birua bilong ol i lukluk yet long ol i stap, ol bai i go antap long heven insait long wanpela klaut.

11/13.txt

@@ -0,0 +1 @@
+\v 13  Long dispela aua, wanpela bikpela graun guria bai kamap, na wanpela ten hap bilong biktaun bai i pundaun. Dispela guria bai kilim 7,000 manmeri, na ol lain i stap yet bai i gat bikpela pret na ol bai givim biknem i go long God bilong heven. \v 14  Namba 2 taim bilong bikpela sori i go pinis. Lukim! Namba 3 taim bilong bikpela sori i kam hariap tru.

11/15.txt

@@ -0,0 +1 @@
+\v 15  Bihain, namba 7 ensel i winim biugel bilong em, na planti singaut i kam long heven na i tok olsem, "Kingdom bilong graun i kamap pinis olsem kingdom bilong Kraist Bikpela bilong mipela. Em bai stap king oltaim oltaim."

11/16.txt

@@ -0,0 +1 @@
+\v 16  Na 24 hetman i bin sindaun long sia king bilong ol wantaim God i brukim skru i go daun long pes bilong ol, na ol i lotu long God. \v 17   Ol i tok, "Mipela givim tok tenkyu i go long yu, Bikpela God I Gat Olgeta Strong, husait i bin stap bifo na nau tu, bilong wanem yu kisim pinis bikpela strong bilong yu na yu stap king.

11/18.txt

@@ -0,0 +1 @@
+\v 18  Ol kantri i gat bikpela kros, tasol bikpela moa belhat bilong yu i kamap pinis. Taim bilong ol manmeri i dai pinis long sanap long kot i kam pinis, na taim bilong yu long givim presen long ol wokman bilong yu em ol profet, na ol manmeri i aninit long neim bilong yu na bilip long yu, na ol lain i nogat neim, na ol lain i gat nem wantaim. Taim bilong yu long bagarapim ol lain i bagarapim olgeta hap graun i kamap pinis."

11/19.txt

@@ -0,0 +1 @@
+\v 19  Na bihain, tempel bilong God i stap long heven i op na bokis kontrak bilong em ol i ken lukim insait long tempel bilong em. Na i gat ol lait sut i go i kam long skai, na nois bilong klaut pairap na graun guria na bikpela ren ais i bin kamap.

12/01.txt

@@ -0,0 +1 @@
+\v 1 Wanpela bikpela sain i kamap long heven: wanpela meri i bilas wantaim san, na mun i stap aninit long lek bilong em, na hat bilong king i gat 12-pela sta i stap antap long het bilong em. \v 2 Dispela meri i gat bel na em i krai strong long pen bilong karim pikinini na em i singaut wantaim bikpela pen.

12/03.txt

@@ -0,0 +1 @@
+\v 3 Orait narapela sain i kamap long heven; Lukim! Wanpela bikpela retpela snek, i gat 7-pela het na 10-pela kom na em i gat 7-pela hat bilong king i stap antap long ol het bilong em. \v 4 Na tel bilong em i brumim tri-hap bilong ol sta i stap long heven na tromoi ol i kam daun long graun. Dispela snek i sanap long pes bilong meri husait i laik karim pikinini na taim meri i karim pikinini bai snek i kaikai pikinini bilong dispela meri.

12/05.txt

@@ -0,0 +1 @@
+\v 5 Na em i karim pikinini man, em wanpela pikinini boi husait bai bosim olgeta manmeri bilong graun wantaim ain stik. Pikinini bilong meri kwiktaim i lusim i go long God na stap long sia king bilong God. \v 6 Na meri i ranawe i go long ples wei i no gat man i stap. God i bin redim wanpela ples bilong dispe la meri bai em yet i lukautim meri inap 1,260-pela de.

12/07.txt

@@ -0,0 +1 @@
+\v 7 Nau pait i kirap insait long heven. Maikel na ol ensel bilong em i pait wantaim snek. Na snek na ol ensel bilong em i pait bek wantaim ol. \v 8 Tasol snek i no gat strong long winim pait. Olsem na i no gat moa wanpela ples bilong em wantaim ol ensel bilong em i stap long heven. \v 9 Dispela bikpela snek- em snek i bin stap bipo tru ol kolim devol o Satan, husait i giamanim olgeta manmeri- em tromai na pundaun i kam daun long graun, na ol ensel bilong em tu i pundaun i kam daun wantaim em.

12/10.txt

@@ -0,0 +1 @@
+\v 10  Orait, mi harim wanpela maus i singaut long heven: "Nau taim i kam pinis bilong God i kisim bek man, na strong, na kingdom bilong God na namba bilong Krais. Long wanem, man bilong sutim tok long ol brata bilong yumi i bin tromai na pundaun, em dispela man husait i sutim tok long God dei na nait.

12/11.txt

@@ -0,0 +1 @@
+\v 11  Ol i winim em long blut bilong Pikinini Sipsip na long strong bilong autim tok, long wanem ol i no laikim tumas laip bilong ol maski dai i bungim ol. \v 12  Olsem na amamas moa, yu heven na yupela ol lain i stap insait long em. Tasol sori tru long graun na solwara, long wanem devol i kam daun long yupela. Em i pulap wantaim bikpela belhat, long wanem em i save olsem em i gat liklik taim tasol.

12/13.txt

@@ -0,0 +1 @@
+\v 13  Taim snek i luksave olsem em i bin kapsait na pundaun i kam daun long graun, em i bihainim meri husait i bin karim pikinini boi. \v 14  Tasol ol i givim dispela meri tupela bikpela wing bilong tarangau, bai em i flai i go long ples ol i redim bilong em long hap i no gat man i stap. Em long dispela ples God i lukautim em inap olsem 3 na hap yia- em i stap longwei tru long snek.

12/15.txt

@@ -0,0 +1 @@
+\v 15  Na snek i trautim wara i kam aut long maus bilong em olsem bikpela wara, olsem na em i laik mekim bikpela taitwara bai karim meri i go. \v 16  Tasol graun i helpim meri. Graun i opim maus na dringim wara wei snek i trautim i kam aut long maus bilong em. \v 17  Orait snek i belhat nogut tru long meri na i go long kirapim pait wantaim ol tumbuna lain bilong meri, em ol lain husait i save bihainim ol lo bilong God na hoilm tok tru bilong Jisas. \v 18  Orait snek i sanap long nambis bilong solwara.

13/01.txt

@@ -0,0 +1 @@
+\v 1 Bihain mi lukim wanpela wel abus i kam aut long solwara. Em i gat 10-pela kom na 7-pela het. Antap long 10-pela kom i gat 10-pela hat bilong king. Long wanwan het bilong dispela wel abus i gat ol tok bilas neim long en. \v 2 Dispela wel abus mi bin lukim, em i wankain olsem wanpela bikpela pusi, lek bilong em i olsem bea na maus bilong em i olsem maus bilong laion. Dispela bikpela snek i givim strong, na sia king na bikpela namba bilong en i go long dispela wel abus long bosim.

13/03.txt

@@ -0,0 +1 @@
+\v 3 Wanpela het bilong dispela wel abus i luk olsem ol i kilim em, tasol dispela bikpela sua bilong em i bin kamap orait gen. Ol manmeri bilong olgeta hap graun husait i bihainim em i lukim dispela na kirap nogut. \v 4 Na tu, ol manmeri i lotu long bikpela snek long wanem, em i givim namba bilong em i go long wel abus. Na ol i lotu tu long wel abus na ol i wok long tok olsem, "Husait i wankain olsem dispela wel abus na husait bai pait wantaim em?"

13/05.txt

@@ -0,0 +1 @@
+\v 5 Dispela wel abus i gat maus i ken mekim toktok bilong hapim em yet na mekim ol tok bilas. Em i kisim tok orait long mekim dispela pasin wantaim namba em igat inap long 42 mun. \v 6 Olsem na wel abus i opim maus bilong em na mekim tok bilas long God, na long nem bilong en, na ples we God istap long en, na ol lain husait i stap long Heven tu.

13/07.txt

@@ -0,0 +1 @@
+\v 7 Dispela wel abus i kisim tok orait long daunim ol, na kirapim pait wantaim ol bilip manmeri. Na tu, em i gat namba long bosim wanwan hauslain, na manmeri, na tokples na olgeta kantri bilong graun. \v 8 Long stat God i wokim heven na graun i kam inap long nau, husait manmeri nem bilong ol ino istap long Buk bilong Laif bilong Pikinini Sipsip husait ol i bin kilim, ol bai i lotu long dispela wel abus.