tpi_num_text_reg_lvl1/07/01.txt

\v 1 Long dei Moses i pinisim haus sel bilong lotu, em i tambuim na putim sait bilong God Yawe, wantaim olgeta bilas bilong en. Em i mekim wankain long alta, na olgeta spon, plet, na kap. Em i tambuim ol na putim sait bilong God Yawe. \v 2 Long dispela dei, ol lida bilong Israel, na lida bilong tumbuna femili bilong ol i mekim ofa. Ol dispela man i lidim ol wanwan lain bilong Israel. Ol i bin bosim wok na kaunim nem bilong ol man. \v 3 Ol i bringim ofa bilong ol long God Yawe. Ol i bringim 6-pela karis i karamap na 12-pela bulmakau. Ol i kisim wanpela karis bilong ol tupela lida, na ol wanwan lida i bringim wanwan bulmakau. Ol i givim ol dispela samting long dua bilong haus sel bilong lotu.