tpi_mrk_text_ulb_level2/04/18.txt

\v 18  Ol narapela em ol pikinini kaikai i bin pundaun namel long ol gras igat nil nil. Ol i harim tok bilong God, \v 19  tasol ol wari bilong dispela graun, na pasin giaman bilong laikim ol kago samting bilong graun na bel kirap long ol planti samting igo insait na daunim tok bilong God, na em ino karim kaikai. \v 20  Bihain, ol dispela pikinini kaikai i pundaun long gutpela graun, em ol dispela lain husait i harim tok bilong God na kisim dispela tok, olsem na ol i kamapim kaikai. Sampela karim kaikai olsem 30-pela na sampela em 60-pela taim na sampela em 100-pela taim moa winim wanem namba ol i bin planim.