tpi_mat_text_ulb_level2/23/37.txt

\v 37 Jerusalem, Jerusalem, yupela lain bilong kilim ol profet na stonim ol lain husait mi bin salim kam long yupela! Planti taim mi laik bungim ol pikinini bilong yupela olsem mama kakaruk i save bungim ol pikinini kakaruk aninit long wing bilong en, tasol yupela ino laikim! \v 38 Lukim, haus bilong yupela i stap nating tru. \v 39 Olsem na mi tokim yupela, bai yupela ino inap lukim mi long nau inap long taim bai yupela i mekim dispela tok, ' Hamamas igo long man husait i kam long nem bilong Bikpela."