tpi_mat_text_ulb_level2/15/21.txt

\v 21 Bihain Jisas i lusim dispela ples na i go longwe long ol hap graun bilong biktaun Taire na Sidon. \v 22 Wanpela meri bilong ol lain Kenan long dispela hap ples i kam aut na singaut strong long Jisas olsem, ":Yu sori long mi, Bikpela, Pikinini man bilong Devit! Spirit nogut i givim bikpela pen long pikinini meri bilong mi." \v 23 Tasol Jisas i no bekim wanpela tok bilong em. Ol disaipel i kam na toktok planti long Jisas na ol i tok olsem, "Salim dispela meri i go longwe, long wanem em i wok long toktok bikmaus na bihainim mipela."