Matthew

01/01.txt

@@ -0,0 +1 @@
+\v 1 Dispela buk, em i bilong ol lain tumbuna bilong Jisas Krais , pikinini bilong Devit na em i pikinini bilong Abraham. \v 2 Abraham em i papa bilong Aisak na Aisak em i papa bilong Jekop na Jekop em i papa bilong Juda na ol lain brata bilong em. \v 3 Juda em i papa bilong Peres na Sera. Mama bilong tupela em Tama. Peres em papa bilong Hesron na Hesron em i papa bilong Ram.

01/04.txt

@@ -0,0 +1 @@
+\v 4 Ram em i papa bilong Aminadap na Aminadap em papa bilong Nason na Nason em i papa bilong Salmon. \v 5 Salmon em i papa bilong Boas . Rahab em i mama bilong Boas , na Boas em i papa bilong Obet , na Rut em i meri bilong Obet , na Obet em i papa bilong Jesi. \v 6 Jesi em i papa bilong king Devit, na Devit em i papa bilong Solomon na mama bilong em ,em meri bilong Uraia bipo.

01/07.txt

@@ -0,0 +1 @@
+\v 7 Solomon em i papa bilong Reoboam na Reoboam em i papa bilong Abisa na Abisa em i papa bilong Asa. \v 8 Asa em i papa bilong Jehosafet na Jehosafet em i papa bilong Joram, na Joram em i papa bilong Usia.

01/09.txt

@@ -0,0 +1 @@
+\v 9 Usia em i papa bilong Jotam na Jotam em i papa bilong Ahas na Ahas em i papa bilong Hesekaia. \v 10 Hesikaia em i papa bilong Manase na Manase em i papa bilong Amon na Amon em i papa bilong Josaia. \v 11 Josaia em i tumbuna bilong Jekonia na ol brata bilong em,long dispela taim ol i go kalabus long Babilon.

01/12.txt

@@ -0,0 +1 @@
+\v 12 Bihain long ol i go kalabus long Babilon, Jekonia em i stap papa bilong Sieltel na Sieltel em i tumbuna bilong Serubabel. \v 13 Serubabel em i papa bilong Abiud na Abiud em i papa bilong Eliakim na Eliakim em i papa bilong Asor. \v 14 Asor em i papa bilong Sadok na Sadok em i papa bilong Akim na Akim em i papa Eliud.

01/15.txt

@@ -0,0 +1 @@
+\v 15 Eliud em i papa bilong Eleasa na Eleasa em i papa bilong Matan na Matan em i papa bilong Jekop. \v 16 Jekop em i papa bilong Josep , na Josep em i man bilong Maria,na Maria em i karim Jisas husait ol i kolim nem bilong em Krais. \v 17 Olgeta lain tumbuna bilong Abraham i go long Devit i olsem 14-pela lain tumbuna, na long Devit i go long Babilon em14-pela lain tumbuna na long Babilon i kam long Krais em 14-pela lain tumbuna.

01/18.txt

@@ -0,0 +1 @@
+\v 18 Stori bilong Jisas krais taim Maria i karim em , em i olsem . Mama bilong em Maria ol i makim bilong maritim Josep, tasol bipo long tupela i marit, Josep i lukim olsem, Holi Spirit i putim pikinini long bel bilong Maria. \v 19 Man bilong Maria em i Josep, na em i stretpela man, na em i no laik givim sem long Maria long ai bilong ol manmeri , olsem na em i tingting long hait na lusim Maria i go na ino laik maritim em.

01/20.txt

@@ -0,0 +1 @@
+\v 20 Taim em i tingting long ol dispela samting, ensel bilong Bikpela i kam kamap long em long driman na em i tok"Josep,pikinini bilong Devit,yu noken pret long kisim Maria olsem meri bilong yu long wanem dispela pikinini i stap insait long bel bilong en , em Holi Spirit yet i putim. \v 21 Em bai karim wanpela pikinini man, na bai yu kolim nem bilong em Jisas, long wanem em bai i kisim bek ol manmeri long sin bilong ol."

01/22.txt

@@ -0,0 +1 @@
+\v 22 Olgeta samting i bin kamap em long inapim tok bilong Bikpela bipo ol profet i bin tok long en bai kamap, ol i tok olsem , \v 23 "Harim , wanpela yanpela meri husait ino bin slip wantaim wanpela man yet , bai i gat bel na em bai karim wanpela pikinini man, na ol bai i kolim nem bilong em 'Emanuel.' As bilong dispela nem i olsem,"God i stap wantaim yumi."

01/24.txt

@@ -0,0 +1 @@
+\v 24 Josep i kirap long slip bilong em na em i mekim olsem ensel bilong Bikpela i bin tokim em long mekim , na em i kisim Maria olsem meri bilong em. \v 25 Tasol em i no slip wantaim dispela meri inap meri i karim dispela pikinini man.Na em i kolim nem bilong em Jisas.

02/01.txt

@@ -0,0 +1 @@
+\v 1  Maria i karim Jisas long Betlehem bilong Judia long taim Herot i stap king. Na sampela save man bilong hap bilong san kamap i kam long Jerusalem na i askim olsem; \v 2 "Dispela nupela pikinini i kamap, em king  bilong ol Juda i stap we? Mipela lukim sta  bilong em long hap bilong san kamap na  mipela i kam long lotu long em." \v 3 Taim King Herot i harim dispela tok, em i  tingting planti wantaim olgeta lain long Jerusalem.

02/04.txt

@@ -0,0 +1 @@
+\v 4 Herot i bungim olgeta hetpris na saveman bilong lo bilong ol juda na em i askim ol;     ''Long wanem ples bai Krais man bilong kisim bek ol manmeri i kamap? '' \v 5 Na ol i tokim em olsem, " em bai kamap long Betlehem bilong Judia, em ol profet i bin raitim olsem, \v 6 'Yu Betlehem, long graun bilong Juda, yu i no liklik taun tumas na i no gat nem namel long ol bikpela taun i gat biknem long Juda. Nogat. Long wanem, long yu wanpela hetman bai i kamap na em bai i stap wasman bilong lain bilong mi Israel."

02/07.txt

@@ -0,0 +1 @@
+\v 7 Herot i harim dispela tok na em i hait tasol na singautim ol saveman i kam na askim ol long wanem taim stret ol i bin lukim dispela sta i kamap. \v 8 Em i salim ol i go long Betlehem, na em i tokim ol, "Yupela go na painim aut gut long dispela liklik pikinini.Taim yupela painim em pinis, orait yupela salim tok long mi na mi tu bai kam lotu long em."

02/09.txt

@@ -0,0 +1 @@
+\v 9 Ol i harim pinis tok bilong king, orait ol i go, na dispela sta ol i lukim long san kamap i go paslain long ol na i go stap antap long haus pikinini i stap long en. \v 10  Taim ol i lukim dispela sta bel bilong ol i  amamas bikpela tru.

02/11.txt

@@ -0,0 +1 @@
+\v 11  Ol i go insait long haus na lukim pikinini  wantaim Maria mama bilong em.Ol i brukim  skru na putim pes i go daun na lotu long  em. Ol i opim ol bokis igat ol samting i dia  tumas na ol i givim em gol, gutpela sanda  na paura bilong kamapim smok i gat            gutpela smel. \v 12  God i tokim ol long driman olsem bai ol i  noken go bek long Herot. Olsem na ol i  bihainim narapela rot na go bek long ples  bilong ol.

02/13.txt

@@ -0,0 +1 @@
+\v 13  Ol saveman i go pinis na ensel bilong  Bikpela i tokim Josep long driman na i tok  olsem," Kirap, kisim pikinini na mama  bilong em na yupela ranawe i go long Isip.  Yu mas stap long Isip inap mi givim tok gen  long yu, long wanem, Herot i painim pikinini  bilong kilim i dai." \v 14  Long dispela nait Josep i kirap na kisim  pikinini na mama bilong em na ol i go long  Isip. \v 15  Ol i stap long hap inap king Herot i dai. Dispela samting i kamap em inapim wanpela tok Bikpela i givim long maus bilong  profet, " Mi singautim pikinini man bilong mi long Isip na em i kam."

02/16.txt

@@ -0,0 +1 @@
+\v 16  Herot i save olsem ol saveman bilong hap  bilong san kamap i giamanim em na em i  belhat. Em i salim ol soldia bilong kilim  olgeta pikinini man long Betlehem. Ol i  winim 2-pela yia na aninit long 2-pela yia.  Herot i bin askim ol save man gut long  wanem taim stret sta i kamap; long wanem,  em i tingting long kilim ol pikinini man i  kamap long dispela taim.

02/17.txt

@@ -0,0 +1 @@
+\v 17  Dispela tok profet Jeremaia i tok long en i  kamap tru. \v 18  Wanpela krai na singaut i kamap long  Rama. Resel i krai long pikinini bilong em,  na em i no laikim bai wanpela man o meri i  mekim gut bel bilong em; long wanem, ol  pikinini bilong em i dai pinis.

02/19.txt

@@ -0,0 +1 @@
+\v 19  Taim Herot i dai pinis,orait wanpela ensel  bilong Bikpela i kam long Josep long  driman long Isip na i tok; \v 20  "Kirap na kisim pikinini na mama bilong em   na go long Israil; ol man i laik kilim pikinini     ol i dai pinis." \v 21  Josep i kirap na kisim pikinini na mama  bilong em na ol i go long Israel.

02/22.txt

@@ -0,0 +1 @@
+\v 22  Taim Josep i harim olsem Akilaus i kisim  ples bilong papa bilong em na i kamap king  bilong Judia, em i pret long go long hap.  Bihain God i givim tok long Josep long  driman na em i go long distrik Galili \v 23  na ol i go na i stap lo taun Nasaret.Dispela  em inapim tok bilong ol profet olsem; '' Ol  bai kolim em man bilong Nasaret.''

03/01.txt

@@ -0,0 +1 @@
+\v 1 Long dispela taim Jon bilong baptais i kamap na i autim gutnius long ples nating bilong Judia na i tok; \v 2 "Tanim bel, kingdom bilong heven i kam klostu pinis." \v 3 Dispela man em profet Aisaia i bin tok long em, "Wanpela maus i singaut long ples nating; Redim rot bilong Bikpela na mekim rot bilong em i kamap stret."'

03/04.txt

@@ -0,0 +1 @@
+\v 4 Jon i putim klos ol i wokim long skin bilong kamel na pasim let ol i wokim long skin bilong abus.Kaikai bilong em ol grasopa na wel hani. \v 5 Olgeta manmeri bilong Jerusalem, Judia na olgeta hap bilong wara Jodan i go long em. \v 6 Ol i autim sin bilong ol na em i baptaisim ol long wara Jodan.

03/07.txt

@@ -0,0 +1 @@
+\v 7 Tasol taim em i lukim planti ol Farisi na Sadusi i kam long em long kisim baptais, em i tokim ol, "Yupela ol pikinini bilong poisin snek, husait i tokim yupela long ranawe long hevi bai i kamap? \v 8 Yupela i mas karim kaikai bilong pasin  bilong autim sin na tanim bel tru. \v 9 Yupela i no ken tingting long tok olsem;  ''Abraham em i tumbuna bilong mipela. Mi tok tru long yupela olsem, God em inap long mekim ol dispela ston i kamap pikinini bilong Abraham.

03/10.txt

@@ -0,0 +1 @@
+\v 10  Tamiok i stap pinis long as bilong diwai.  Olsem na diwai i no karim gutpela kaikai  bai ol i katim i go daun na tromoi i go long  paia. \v 11  Mi baptaisim yupela long wara long soim  olsem yupela i tanim bel tru na lusim pasin  bilong sin.Tasol man i kam bihain long mi  em i gat bikpela strong moa na i winim mi  na mi no gutpela man tumas long karim su  bilong em. Em bai baptaisim yupela long  Holi Spirit na paia. \v 12  Em i holim fok bilong klinim wit long han  bilong em long klinim gut pipia na bungim    long haus bilong wit.Tasol em bai kukim  pipia bilong wit long paia ino save dai.

03/13.txt

@@ -0,0 +1 @@
+\v 13  Jisas i lusim Galili na i go long wara Jodan  long Jon bai baptaisim em. \v 14  Tasol Jon i laik pasim em; na i tok, " Mi bai kisim baptais long yu; olsem wanem na yu kam long mi? '' \v 15  Jisas i bekim tok na i tokim em, "Larim em i  mas kamap olsem long inapim oigeta  samting God i laikim." Na Jon i mekim  olsem em i tok.

03/16.txt

@@ -0,0 +1 @@
+\v 16  Jisas i kisim baptais pinis na kwiktaim em i  kam antap long wara na heven i op na  Spirit bilong God i kam daun olsem  wanpela pisin na i kam sindaun antap long  em. \v 17  Wanpela singaut i kam long heven na i tok  olsem, "Dispela em i Pikinini Man bilong mi,  em mi laikim tumas. Bel bilong Mi i  hamamas tru long em."

04/01.txt

@@ -0,0 +1 @@
+\v 1 Long dispela taim Spirit bilong God i kisim Jisas i go long ples nating bai satan i traim em. \v 2 Taim em i tambu long kaikai 40- pela dei na 40-pela nait, em i hangere. \v 3 Man bilong traim em i kam kamap na i tokim em olsem, "Sapos yu pikinini bilong God, orait yu tokim dispela ol ston i kamap bret." \v 4 Tasol Jisas i bekim tok long em olsem, "Buk bilong God i tok olsem, 'Man i no inap long stap laip long bret tasol; nogat, tasol long olgeta tok i kam long maus bilong God.'"

04/05.txt

@@ -0,0 +1 @@
+\v 5 Bihain Satan i kisim Jisas i go long Jerusalem em taun bilong God na putim em antap tru long het bilong haus lotu, \v 6 na i tokim em olsem, Sapos yu pikinini  bilong God, yu kalap igo daun, olsem buk bilong God i tok; 'Em bai salim ol ensel bilong em i kam was long yu' na ol bai karim yu nogut ston i brukim lek bilong yu.''

04/07.txt

@@ -0,0 +1 @@
+\v 7 Jisas i tokim Satan,"Buk bilong God i tok tu olsem, ' Yu noken traim Bikpela God bilong yu."' \v 8 Satan i kisim Jisas gen i go long wanpela maunten i antap moa na em i soim em long olgeta kantri bilong dispela graun na olgeta gutpela samting bilong ol. \v 9 Satan i tokim Jisas olsem, "Mi bai givim yu dispela olgeta samting sapos yu brukim skru na lotu long mi."

04/10.txt

@@ -0,0 +1 @@
+\v 10  Na Jisas i tokim em,"Satan, yu klia, Buk  bilong God i tok, 'You mas lotu long God  Bikpela bilong yu na aninit long em  wanpela tasol."' \v 11  Na Satan i lusim Jisas, na ol ensel i kam na  helpim em.

04/12.txt

@@ -0,0 +1 @@
+\v 12  Taim Jisas i harim olsem ol i holimpas na  kalabusim Jon, em i go long Galili. \v 13  Jisas i lusim Nasaret na i go stap long  Kapeniam. Kapeniam i stap arere long raun  wara Galili long graun bilong Sebulan na  Naftali.

04/14.txt

@@ -0,0 +1 @@
+\v 14  Dispela i kamap na inapim tok bilong profet  Aisaia. \v 15  "Graun bilong Sebulan na long graun  bilong Naftali, rot i go long raunwara na i go  hapsait long Jodan. Galili em graun bilong  ol man bilong narapela lain. \v 16 Ol lain husait i stap insait long tudak i bin lukim bikpela lait, na ol mammeri i dai insait long spirit na i stap long we long God, antap long ol lait i bin kirap."

04/17.txt

@@ -0,0 +1 @@
+\v 17 Long dispela taim Jisas em i stat long autim tok bilong God na i tokim ol olsem, "Lusim ol pasin nogut bilong yupela, long wanem, Kingdom bilong God em i kam klostu."

04/18.txt

@@ -0,0 +1 @@
+\v 18 Taim Jisas i wakabaut i go olsem long raunwara bilong Galili, em i lukim tupela brata, Saimon husait ol i kolim em Pita, na brata bilong em Endru, i tromoi net go insait long wara, em ol man bilong kisim pis. \v 19 Jisas i kirap na tokim tupela olsem, "Kam bihainim mi, na mi bai mekim yupela i kamap man bilong kisim man." \v 20 Hariap tru, tupela i lusim ol net bilong tupela na i bihainim Jisas.

04/21.txt

@@ -0,0 +1 @@
+\v 21 Taim Jisas i lusim dispela ples na i go long hapsait, em i lukim narapela tupela brata, John em i pikinini bilong Jebedi na brata bilong en Jems. Ol i stap insait long bout wantaim papa bliong tupela Jebedi na wok long stretim net istap. taim Jisas i singautim tupela, \v 22 na hariap tru tupela i lusim bout na papa bilong tupela na bihainim Jisas.

04/23.txt

@@ -0,0 +1 @@
+\v 23 Jisas i go long olgeta hap bilong Galili na skulim ol manmeri insait long haus lotu bilong ol Juda, na autim gutnius bilong Kingdom bilong God na em i oraitim planti manmeri wantaim kainkain sik nogut namel ol. \v 24 Dispela tok win olsem Jisas i bin oraitim ol sik manmeri long Galili i go olgeta long Siria. Na ol lain long Siria i harim na kisim ol manmeri igat kainkain sik na pen na ol manmeri i gat spirit nogut, na sik guria, na ol lek o han nogut tu, Jisas i oraitim ol. \v 25 Bikpela lain manmeri i bihianim Jisas, em ol lain Galili, na ol lain Dekapolis, na ol lain Jerusalem, na ol lain Judia na ol lain i stap hap sait long Joden.

05/01.txt

@@ -0,0 +1 @@
+\v 1 Taim Jisas i lukim ol bikpela lain manmeri, em i go antap long maunten. Na taim em i sindaun pinis , ol disaipel bilong en i kam long em. \v 2 Em i stat long skulim ol disaipel na i tokim ol olsem, \v 3 "Ol manmeri i stap rabis long samting bilong God em ol i ken amamas, long wamen kindom bilong heven em bilong ol. \v 4 Ol manmeri i krai sori em ol i ken amamas, long wanem God bai i mekim gut long ol.

05/05.txt

@@ -0,0 +1 @@
+\v 5 Ol manmeri i save daunim ol yet, em ol i ken amamas long wanem bai ol i kisim nupela graun. \v 6 Ol manmeri i hangre na nek i drai long bihainim stretpela pasin bilong God em ol i ken amamas, bai God i pulapim ol. \v 7 Ol manmeri i save marimari long ol arapela ol i ken amamas, bai God i marimari long ol. \v 8 Ol manmeri bel bilong ol i klin ol i ken amamas, bai ol i lukim God.

05/09.txt

@@ -0,0 +1 @@
+\v 9 Ol manmeri i save daunim kros na pait em ol i ken amamas, bai ol i kolim ol pikinini bilong God. \v 10 Ol manmeri i mekim stretpela pasin bilong God na long dispela as ol i kisim hevi em ol i ken amamas, long wanem kindom bilong heven em bilong ol.

05/11.txt

@@ -0,0 +1 @@
+\v 11 Taim ol manmeri i kros nogut long yupela na mekim pasin nogut long yupela, na mekim kainkain tok nogut na giaman tok long yupela long wanem yupela i bihainim mi, yupela i ken amamas. \v 12 Yupela i mas amamas tru, long wanem bikpela pei God bai i givim yupela long heven. Long wankain pasin ol manmeri i stap bipo i bin mekim nogut long ol profet tu.

05/13.txt

@@ -0,0 +1 @@
+\v 13 Yupela i sol bilong graun. Tasol sapos dispela sol i lusim swit bilong en, olsem wanem em i ken kisim bek swit bilong em? Em i no gutpela moa olsem na bai ol i tromoi i go na grunkutim long leg. \v 14 Yupela lait bilong graun. Wanpela taun i stap antap long maunten bai i no inap hait.

05/15.txt

@@ -0,0 +1 @@
+\v 15 Nogat wanpela i save laitim lam na haitim aninit long basket, em i save putim antap long ples klia, na dispela lam i save givim lait long olgeta insait long haus. \v 16 Larim lait bilong yu i mas lait long olgeta manmeri, inap ol i ken lukim gutpela pasin bilong yu na givim biknem long Papa bilong yu i stap long heven.

05/17.txt

@@ -0,0 +1 @@
+\v 17 Yupela i no ken ting olsem mi kam bilong bagarapim lo o ol tok bilong ol profet. Mi no kam bilong bagarapim ol, tasol mi kam bilong inapim ol \v 18 Tru tumas mi tokim yupela heven na graun bai i pinis, na i no gat wanpela nem insait long lo bai i lus, inap em i inapim tru olgeta samting.

05/19.txt

@@ -0,0 +1 @@
+\v 19 Olsem na sapos wanpela i no bihainim gut dispela lo na em i skulim ol arapela long mekim wankain, bai em i nogat biknem insait long kindom bilong God. Sapos wanpela i bihainim gut lo na i skulim ol arapela long mekim wankain, em bai i gat biknem insait long kindom bilong God. \v 20 Tru tumas mi tokim yupela sapos stretpela pasin bilong yupela i no winim stretpela pasin bilong ol tisa bilong lo na Farisi, yupela ino inap tru i go insait long kindom bilong heven.

05/21.txt

@@ -0,0 +1 @@
+\v 21 Yupela i bin harim pinis ol i tok long taim bilong ol tumbuna olsem, 'Noken kilim i dai arapela manmeri', na, 'Sapos wanpela i kilim i dai arapela man o meri em bai i kamap long kot.' \v 22 Tasol mi tokim yupela sapos wanpela i gat bel kros wantaim brata bilong em, em bai i kamap long kot; na sapos wanpela i tok long brata bilong em 'Yu pipia rabis man!' em bai i go long kansol; Sapos wanpela i tok, 'Yu longlong!' em bai i go long hel paia.

05/23.txt

@@ -0,0 +1 @@
+\v 23 Olsem na sapos yupela i laik mekim ofa long alta na yupela i tingim olsem brata bilong yu i gat bel kros long yu, \v 24 orait lusim ofa bilong yu long alta. Na pastaim yu mas go na kamapim wanbel wantaim brata bilong yu, na bihain yu ken mekim ofa billong yu.

05/25.txt

@@ -0,0 +1 @@
+\v 25 Yupela i mas kamapim wanbel pasin hariap wantaim man o meri i laik kisim yu i go long kot, nogut em bai putim yu long han bilong jas na jas bai givim yu go long polis, na bai putim yu long kalabus. \v 26 Mi tok tru long yupela, yu no inap long kam autsait long kalabus inap yu bekim olgeta dinau moni.

05/27.txt

@@ -0,0 +1 @@
+\v 27 Yupela i bin harim pinis olsem, yupela marit noken mekim pasin pamuk.' \v 28 Tasol mi tokim yupela sapos yupela i lukim wanpela meri na i mangal long dispela meri, yupela i mekim pinis pasin pamuk wantaim dispela meri long bel bilong yupela.

05/29.txt

@@ -0,0 +1 @@
+\v 29 Sapos ai long han sut bilong yupela i mekim yupela long mekim sin, orait kamautim na tromoi go. Nogut olgeta bodi bilong yu i go long paia, em i gutpela moa long wanpela hap bodi tasol i lus \v 30 Sapos han sut bilong yupela i mekim yupela long mekim sin, orait katim na tromoi go. Nogut olgeta bodi bilong yu i go long paia, em i gutpela moa long wanpela hap bodi tasol i lus.

05/31.txt

@@ -0,0 +1 @@
+\v 31 Tok i stap olsem, 'Sapos wanpela man i rausim meri bilong en, em i mas givim pepa bilong brukim marit.' \v 32 Tasol mi tokim yupela olsem man i rausim meri bilong em, taim meri i no mekim pasin pamuk, em i mekim dispela meri i kamap olsem pamuk meri. Sapos wanpela man i maritim dispela meri bihain long man bilong em i brukim marit dispela man i mekim pasin pamuk.

05/33.txt

@@ -0,0 +1 @@
+\v 33 Yupela i bin harim pinis long taim bipo olsem, 'No ken giaman na tok tru antap long strongim toktok, tasol yupela i mas kisim i go long Bikpela'. \v 34 Tasol mi tokim yupela, noken kolim nem bilong heven tu long strongim tok bilong yupela, long wanem heven em i sia king bilong God. \v 35 Noken kolim nem bilong graun tu long strongim tok bilong yupela, long wanem graun em i ples we God i putim lek bilong en, na noken kolim tu Jerusalem long strongim tok bilong yupela, long wanem em i taun bilong Bikpela King.

05/36.txt

@@ -0,0 +1 @@
+\v 36 Na yupela i no ken putim han long het bilong yupela long strongim tok bilong yupela, long wanem yupela i no inap long mekim wanpela gras long het bilong yupela i kamap bilak o wait. \v 37 Sapos tok bilong yupela i Yes orait tok yes tasol o sapos tok bilong yupela i Nogat orait tok nogat tasol. Sapos yupela putim wanpela moa tok antap long dispela tok em i kam long Satan.

05/38.txt

@@ -0,0 +1 @@
+\v 38 Yupela bin harim pinis ol i tok, 'Sapos wanpela i bagarapim ai bilong yupela, orait yupela tu mas bagarapim ai bilong em, na sapos wanpela i brukim tit bilong yupela, orait yupela tu mas brukim tit bilong em.' \v 39 Tasol mi tokim yupela, noken bekim rong bilong man i mekim nogut long yupela. Sapos wanpela i solapim wisket bilong yupela orait givim narapela sait wisket tu na em i ken solapim.

05/40.txt

@@ -0,0 +1 @@
+\v 40 Sapos wanpela i laikim saket bilong yupela na em i kisim yupela go long kot, orait larim em i ken kisim siot bilong yupela tu. \v 41 Sapos wanpela i tok strong long yupela mas go wantaim em wanpela mail, goan yupela go wantaim em tupela mail. \v 42 Givim long husait i askim yupela, na yupela no ken tok nogat long wanpela i laik kisim dinnau long yu.

05/43.txt

@@ -0,0 +1 @@
+\v 43 Yupela i bin harim pinis olsem, 'Yupela mas laikim wantok bilong yupela tasol na mekim nogut long birua bilong yupela.' \v 44 Tasol mi tokim yupela, yupela i mas laikim tru birua bilong yupela na prea long man i mekim nogut long yupela, \v 45 Bai yupela i ken kamap pikinini bilong Papa bilong yupela i stap long heven. Long wanem em i save mekim san bilong em i lait antap long gutpela manmeri na manmeri bilong mekim sin na em i save salim ren i pundaun long stretpela na i no stretpela manmeri.

05/46.txt

@@ -0,0 +1 @@
+\v 46 Sapos yupela laikim tasol ol lain i laikim yu, bai yupela kisim wanem kain pei? Ol man bilong kisim takis tu i save mekim wankain pasin. \v 47 Sapos yupela mekim gut long wantok bilong yupela tasol, yupela ting yupela i winim ol arapela,a?' Ol haiden tu i save mekim wankain pasin. \v 48 Papa bilong yupela long heven em i stretpela, olsem na yupela tu i mas mekim stretpela pasin.

06/01.txt

@@ -0,0 +1 @@
+\v 1 Kisim was gut olsem yu i no mekim ol stretpela pasin long ai bilong ol manmeri we ol i ken i lukim yu na yu bai i no inap kisim presen long Papa bilong yu husait i stap long heven. \v 2 Taim yu givim moni na kago long ol turangu, noken winim biguel olsem giaman manmeri i save mekim long haus lotu bilong ol Juda na long olgeta ples klia. Ol i mekim bilong kisim biknem long ol manmeri. Tru tumas mi tokim yupela olsem ol i kisim presen bilong ol.

06/03.txt

@@ -0,0 +1 @@
+\v 3 Tasol taim yu givim moni na kago long ol turangu, noken larim han kais bilong yu i save long wanem samting han sut bilong yu i mekim. \v 4 Olsem na yupela mas givim ol presen bilong yupela long ples hait. Bihain Papa bilong yu husait i save lukluk long ples hait bai givim yu present.

06/05.txt

@@ -0,0 +1 @@
+\v 5 Na taim yu prea, noken kamap olsem ol man i gat tupela maus, ol i save laik sanap na prea long haus lotu bilong ol Juda na ples klia we ol man i ken lukim ol. Tru tumas, me tokim yupela olsem ,ol i kisim pei bilong ol. \v 6 Tasol taim yupela laik prei, go insait long rum bilong yupela, na pasim dua na prei long Papa bilong yupela husait i save stap long ples hait. Na bihain Papa bilong yupela husait i save lukluk long ples hait bai givim pei long yupela . \v 7 Taim yu prea, noken mekim planti ol toktok yu save mekim bipo,olsem ol man i no bilong Juda i save mekim, bilong wanem ol i ting olsem taim ol mekim planti toktok God i bai harim prea bilong ol.

06/08.txt

@@ -0,0 +1 @@
+\v 8 Olsem na noken kamap olsem ol, bilong wanem Papa bilong yu i save pinis long ol samting yu laik askim. \v 9 Olsem na yupela i ken prei olsem, Papa bilong mipela yu stap long heven, larim nem bilong yu i ken stap holi. \v 10 Larim kingdom bilong yu i kam. Na larim laik bilong yu i kamap long graun olsem em i kamap long heven.

06/11.txt

@@ -0,0 +1 @@
+\v 11 Givim mipela kaikai inap long tude. \v 12 Lusim ol rong bilong mipela olsem mipela i lusim rong bilong ol arapela. \v 13 Noken bringim mipela i go insait long traim, tasol yu ken kisim bek mipela long ol samting i nogut.

06/14.txt

@@ -0,0 +1 @@
+\v 14 Sapos yupela i lusim rong bilong ol arapela, orait Papa bilong yu long heven bai lusim rong bilong yupela. \v 15 Sapos yupela i no lusim rong bilong ol arapela, Papa bilong yupela bai no inap lusim rong bilong yupela.

06/16.txt

@@ -0,0 +1 @@
+\v 16 Me tok moa olsem, taim yu no kaikai na beten, yu noken mekim ol sori pes olsem ol giaman manmeri i save mekim. Ol i save senisim pes bilong ol na mekim ol man luk save long ol olsem ol i no kaikai na beten. Tru tumas me tokim yupela olsem ol i kisim presen bilong ol. \v 17 Tasol yupela, taim yupela no kaikai na beten, yupela mas putim wel long het bilong yupela na wasim pes bilong yupela, \v 18 olsem na narapela manmeri bai hat long luksave olsem yupela i no kaikai na beten. Tasol long Papa bilong yupela husait i save stap long ples hait, na Papa bilong yu husait i save lukluk long ples hait bai givim presen long yu.

06/19.txt

@@ -0,0 +1 @@
+\v 19 Noken bungim planti ol gutpela samting bilong yu long graun, we binatang bai kaikai na ros bai i bagarapim. Na tu ol stil man bai i kam stilim. \v 20 Olsem na bungim ol samting bilong yupela long heven, we nogat binatang na ros bai i bagarapim, na tu stilman bai no inap stilim. \v 21 Long wanem hap ol gutpela samting bilong yu i stap, dispela hap tasol bel bilong yu tu bai i stap.

06/22.txt

@@ -0,0 +1 @@
+\v 22 Ai em i lam bilong bodi, olsem na sapos ai bilong yu i gutpela, orait bodi bilong yu i stap long lait. \v 23 Tasol sapos ai bilong yu i nogut, oarit bodi bilong yu i pulap long tudak. Em olsem na sapos lait insait long yu em i tudak, dispela tudak i bikpela tumas \v 24 Nogat wanpela i ken mekim wok bilong tupela bosman. Bilong wanem, em bai les long wanpela na laikim narapela, na tu em bai mekim gut long wanpela na mekim nogut long narapela. Yu no inap mekim wok bilong God na ol samting bilong dispela graun.

06/25.txt

@@ -0,0 +1 @@
+\v 25 Olsem na me tokim yupela, yupela no ken wari long laip bilong yupela, wanem samting yupela bai kaikai o dring. Na noken wari long bodi bilong yupela long wanem kolos yupela bai putim long skin bilong yupela. Olsem laip bilong yupela i winim kaikai na bodi bilong yupela i winim kolos \v 26 Lukim ol pisin stap long skai, ol ino save planim na bungim kaikai o bungim kaikai long haus, Tasol Papa bilong yupela long heven i save givim ol kaikai. Yu winim ol pisin long skai.

06/27.txt

@@ -0,0 +1 @@
+\v 27 Yu husait bilong yupela i wari tumas i ken putim wanpela mak long laip bilong em yet long stap long graun. \v 28 Bilong wanem yupela i save wari tumas long ol kolos,tingim ol plaua long gras ples, we ol i gro. Ol ino save wok na ol i no save mekim kolos. \v 29 Na me tok moa long yupela, Soloman wantaim olgeta gutpela samting bilong em, em ino bin putim kolos olsem ol dispela plaua.

06/30.txt

@@ -0,0 +1 @@
+\v 30 Sapos God i save putim kolos bilong ol dispela plaua, we i save stap nau na tumoro ol i save tromoi go insait long paia. Yu laikim em long mekim wanem gen long putim kolos bilong yu, yu gat liklik bilip?. \v 31 Olsem na noken wari na tok, bai mipela kaikai wanem? o bai mipela dring wanem?, o bai me werim wanem kolos?.

06/32.txt

@@ -0,0 +1 @@
+\v 32 Ol man i no bilong Juda i save painim dispela ol samting. Papa bilong yupela long heven i save long ol samting yupela save laikim. \v 33 Tasol painim kingdom bilong Bikpela pastaim na bihainim ol stretpela pasin bilong em, na bihain em bai givim yupela dispela ol samting. \v 34 Olsem na noken wari tumas long tumoro, tumoro i gat wari bilong em yet. Wanwan dei i gat inap hevi bilong em yet.

07/01.txt

@@ -0,0 +1 @@
+\v 1 Noken skelim pasin bilong ol narapela man, na God bai ino inap skelim pasin bilong yu. \v 2 Long ol pasin bilong skelim ol narapela man long wankain skel tasol, God bai i mekim wankain pasin tasol long skelim yu,

07/03.txt

@@ -0,0 +1 @@
+\v 3 Bilong wanem na yu lukluk long liklik pipia i stap insait long ai bilong ol brata bilong yu, tasol yu yet i no luksave long bikpela hap plan i stap insait long ai bilong yu. \v 4 Bilong wanem bai yu tokim brata bilong yu olsem, 'Larim mi rausim liklik pipia insait long ai bilong yu, 'tasol yu yet i no rausim bikpela hap plan i pas long ai bilong yu? \v 5 Yu giaman man stret! Yu mas rausim hap plan i pas long ai billong yu yet pastaim, na taim yu i lukluk gut, nao yu inap long rausim liklik pipia i stap insait long ai bilong brata bilong yu.

07/06.txt

@@ -0,0 +1 @@
+\v 6 Noken givim samting i holi i go long ol dok na noken tromoi ol ston i dia tumas i go long pes bilong ol pik. Nogut ol bai i krukutim long lek bilong ol na brukim i go liklik.

07/07.txt

@@ -0,0 +1 @@
+\v 7 Yu askim na bai i givim long yu.Yu painim na yu bai kisim.Yu paitim dua na dua bai i op long yu. \v 8 Long olgeta man husait i save askim, em i save kisim, na man husait i save painim, em i save lukim, na husait man wok long paitim dua, dua bai i op long em. \v 9 Husait bilong yupela, sapos pikinini bilong yu askim long bret, bai yu givim em ston a? \v 10 O sapos em askim yu long fis, bai yu givim em snek a?

07/11.txt

@@ -0,0 +1 @@
+\v 11 Olsem na, yupela i save mekim pasin nogut, tasol, yupela save long givim gutpela samting long pikinini bilong yupela, wankain tasol papa bilong yupela i stap long heven em bai i givim yupela gutpela samting long husait i askim long em. \v 12 Olsem tasol, wanem samting yu ting ol manmeri i ken mekim long yu, yu mas mekim wankain pastaim tu long ol, dispela em lo bilong God na tok bilong ol profet.

07/13.txt

@@ -0,0 +1 @@
+\v 13 Yupela i mas bihainim rot i go long liklik dua. Rot i go long bikpela dua em bai kisim yu i go long ples bilong bagarap, na planti manmeri i save bihainim dispela bikpela rot \v 14 Tasol dua bilong laip em i liklik tru, na rot bilong bihanim em i hat tru, tasol liklik lain tasol i save painim.

07/15.txt

@@ -0,0 +1 @@
+\v 15 Lukaut long ol giaman profet, husait i save putim kolos olsem ol sipsip long autsait ,tasol trutru insait bilong ol em i olsem wel dok. \v 16 Yu bai luksave long pasin bilong ol. Tasol inap ol manmeri i kisim kaikai bilong diwai wain long rop i gat nil o fik long nilnil gras i gat moson? \v 17 Long wankain rot tasol ,olgeta gutpela diwai, i save karim gutpela kaikai, tasol long diwai nogut i save karim kaikai nogut.

07/18.txt

@@ -0,0 +1 @@
+\v 18 Ol gutpela diwai ino inap karim nogut kaikai, wankain tasol, ol diwai nogut ino inap karim gutpela kaikai. \v 19 Olgeta diwai i no save karim gutpela kaikai, Em ol i save katim na kukim long paia. \v 20 Olsem na bihain, bai yu i ken lukim long ol kaikai bilong em taim em i karim.

07/21.txt

@@ -0,0 +1 @@
+\v 21 Ino olgeta manmeri husait i save kolim nem bilong mi, Bikpela, Bikpela, bai ol i go insait long Kindom bilong heven, nogat. tasol husait ol manmeri save bihainim laik bilong Papa bilong mi bai i go long heven. \v 22 Planti ol manmeri bai i tokim mi long dispela de olsem, 'Bikpela,Bikpela, mipela i save mekim wok profet long nem bilong yu, long nem bilong yu tasol mipela i save rausim spirit nogut, na long nem bilong yu tasol mipela i save mekim planti samting. \v 23 Long dispela de bai mi tokaut klia long ol olsem,mi ino save long yupela! Klia long mi,yupela man bilong mekim pasin nogut!'

07/24.txt

@@ -0,0 +1 @@
+\v 24 Olsem na olgeta man husait i harim tok bilong mi na i save bihainim em i olsem saveman husait i wokim haus bilong en antap long ston. \v 25 Taim rein i kam daun na wara i tait i kam, na win i kam long dispela haus, tasol haus em i no pundaun, long wanem haus em i stap antap long ston.

07/26.txt

@@ -0,0 +1 @@
+\v 26 Tasol ol man i harim tok na i no bihainim, em i olsem man i nogat gutpela save husait i wokim haus bilong en antap long wesan. \v 27 Taim rein na win i kam daun na wara i tait i kam em i pundaunim dispela haus na i bagarapim nogut tru.

07/28.txt

@@ -0,0 +1 @@
+\v 28 Em i kam long dispela hap taim Jisas i bin pinisim ol dispela toktok, bikpela lain manmeri i kirap nogut long skul tok bilong en. \v 29 Em i toktok olsem wanpela man i gat namba na strong na i no olsem ol saveman bilong lo.

08/01.txt

@@ -0,0 +1 @@
+\v 1 Taim Jisas i kam daun long maunten, planti manmeri i bihainim em. \v 2 Orait, wanpela man i gat sik lepa i kam long em na brukim skru na tok," Bikpela, sapos yu laik, orait yu ken mekim mi i kamap klin." \v 3 Jisas i apim han bilong em na holim em na tok, "Mi laik mekim olsem, nau yu kamap orait." Wantu tasol sik lepa i lusim em i go na em i kamap orait.

08/04.txt

@@ -0,0 +1 @@
+\v 4 Jisas i tokim em olsem, "Yu noken mekim wanpela toktok long wanpela man. Yu go soim yu yet long pris na givim ofa olsem Moses i bin tok long en, olsem testimoni i go long ol."

08/05.txt

@@ -0,0 +1 @@
+\v 5 Taim Jisas i go insait long Kapanem, wanpela komanda bilong ami i kam long en na askim em, \v 6 na tok olsem, "Bikpela, wanpela wokman bilong mi i sik paralais na i pilim pen na em i silip i stap insait long haus." \v 7 Jisas i tokim em olsem, "Mi bai i kam na mekim em i orait long sik bilong en."

08/08.txt

@@ -0,0 +1 @@
+\v 8 Dispela komanda bilong ami i bekim tok olsem, "Bikpela, mi i no gutpela man na bai yu kam insait long haus bilong mi, yu toktok tasol na wokman bilong mi bai i orait. \v 9 Long wanem, mi yet mi man husait i gat namba, na mi gat ol soldia na mi save bosim ol. Mi save tokim dispela soldia long go na em i save go, na mi save tokim narapela long kam na em i save kam na long wokman bilong mi, mi save tok mekim olsem na em i save mekim." \v 10 Taim Jisas i harim dispela tok, em i amamas tru na i tok olsem long olgeta manmeri husait i bihainim em, "Tru tumas, mi tokim yupela, mi i no bin painim wanpela man husait i gat kain bilip olsem insait long Israil.

08/11.txt

@@ -0,0 +1 @@
+\v 11 Mi tokim yupela, planti lain manmeri bai kam olsem long hap san kamap na long hap san i go daun na sindaun malolo wantaim Abraham, Aisak na Jekob long kingdom bilong heven. \v 12 Tasol ol bai tromoi ol pikinini bilong kingdom i go long ples i tudak moa yet, na ol bai i krai na kaikai tit bilong ol yet." \v 13 Jisas i tokim dispela komanda bilong ami," Yu go! Wanem yu bilip long en, em bai i ken kamap long yu." Na dispela wokman i kisim orait long dispela taim stret.

08/14.txt

@@ -0,0 +1 @@
+\v 14 Taim Jisas i kam insait long haus bilong Pita, em i lukim tambu mama biloing Pita i kisim sick, skin hat na em i slip istap. \v 15 Jisas i holim han bilong en na dispela sik i lusim em. Na em i kirap na redim kaikai bilong Jisas.

08/16.txt

@@ -0,0 +1 @@
+\v 16 Taim apinun i kam, ol manmeri i kisim ol planti manmeri i gat spirit nogut i kam long Jisas. Em i rausim olgeta spirit nogut long toktok tasol na tu oraitim husait ol i gat sik. \v 17 Nau long displea rot tasol, em i inapim ol toktok bilong profet Aisaia na i tok, "Em yet i kisim sik bilong yumi na rausim olgeta hevi bilong yumi."

08/18.txt

@@ -0,0 +1 @@
+\v 18 Taim Jisas i lukim olsem planti lain manmeri i wok long stap raunim em, em i lusim dispela hap na go long narapela sait bilong Solwara Galili. \v 19 Orait wanpela save man bilong lo i kam na tok olsem, "Tisa, mi bai bihainim yu long wanem hap yu go long en." \v 20 Jisas i tokim em olsem, "Ol wel dok i gat hul bilong ol na ol pisin bilong skai igat haus bilong silip, tasol Pikinini bilong Man i nogat haus bilong em long slip."

08/21.txt

@@ -0,0 +1 @@
+\v 21 Wanpela bilong ol disaipel i kirap na i tok olsem, "Bikpela, larim mi i go na planim papa bilong mi pastaim na bihain mi bai kam." \v 22 Tasol Jisas i tokim em olsem, "Bihainim mi na larim ol dai man i planim dai man."

08/23.txt

@@ -0,0 +1 @@
+\v 23 Taim Jisas i go insait long bot, ol disaipel bilong en i bihainim em i go insait long bot. \v 24 Na wantu tasol, bikpela win wantaim ren i kirap antap long solwara, na solwara i karamapim bot. Tasol Jisas i slip i stap. \v 25 Ol disaipel i kam long en na kirapim em na i tok, "Bikpela, helpim mipela, mipela i laik i dai nau!"

08/26.txt

@@ -0,0 +1 @@
+\v 26 Jisas i tokim ol, "Bilong wanem yupela i pret, bilip bilong yupela i liklik tru a?" Orait em i tokim win na solwara long stap isi. Na olgeta samting i kamap orait gen. \v 27 Na ol dispela man i amamas na tok olsem, "Dispela em i wanem kain man na strongpela win na solwara i harim tok bilong em?"

08/28.txt

@@ -0,0 +1 @@
+\v 28 Taim Jisas i kam kamap long narapela hap long taun bilong ol Gadarins, tupela man husait i gat spirit nogut i bungim em. Tupela i kam aut long ol matmat na bikhet na tok nogut i stap, bai nogat wanpela man bai kam i go long dispela rot. \v 29 Orait, tupela i singaut wantaim na tok olsem, "Mitupela i mekim wanem long yu, Pikinini bilong God? Yu kam hia long bagarapim mitupela,taim bilong mitupela ino yet?"

08/30.txt

@@ -0,0 +1 @@
+\v 30 Long dispela hap, i no longwe tumas long ol, planti pik i kaikai i stap. \v 31 Ol spirit nogut wok long tokim Jisas na tok olsem, "Sapos yu rausim mipela, rausim mipela i go insait long ol dispela pik." \v 32 Jisas i tok, "Kam i go!" Ol spirit nogut kam autsait long tupela na ol i go insait long ol pik; na olgeta pik i ron i go daun long maunten na i go insait long solwara na olgeta i dai insait long wara.

08/33.txt

@@ -0,0 +1 @@
+\v 33 Ol man i save lukautim ol dispela pik i ranawe i go insait long taun na tokaut long olgeta samting i kamap, long wanem em kamap long tupela man i pulap long ol spirit nogut. \v 34 Orait olgeta manmeri i lusim dispela taun na kam bungim Jisas. Na taim ol i lukim em, ol i askim em long lusim ples bilong ol na go.

09/01.txt

@@ -0,0 +1 @@
+\v 1 Jisas i go insait long wanpela bot na i go kamap long biktaun bilong em. \v 2 Lukim, ol sampela man i karim wanpela sikman long mat i kam long Jisas. Dispela man i gat sik long bun bilong em. Jisas i lukim bilip bilong ol na i tokim dispela sikman olsem, "Pikinini yu mas amamas long wanem, mi lusim sin bilong yu."

09/03.txt

@@ -0,0 +1 @@
+\v 3 Lukim, Ol sampela man bilong mekim lo i tok long ol yet olsem, "Dispela man em i wok long tok bilas long God." \v 4 Jisas i save pinis long tingting bilong ol na em i tok, "Olsem wanem na yupela i gat tingting nogut long bel bilong yupela? \v 5 Wanem em i moa isi long tok, 'Mi lusim ol sin bilong yupela o kirap na wokabaut'. \v 6 Tasol yupela i ken save olsem Pikinini bilong Man tasol i gat pawa long graun long lusim sin bilong ol man. Wantaim dispela Jisas i tokim dispela sikman olsem, "Kirap na kisim mat bilong yu na i go long haus bilong yu."

09/07.txt

@@ -0,0 +1 @@
+\v 7 Dispela man i kirap na go long haus bilong em. \v 8 Taim ol lain manmeri i lukim dispela, ol i kirap nogut na i litimapim nem bilong God, long wanem em i givim dispela kain pawa long ol man. \v 9 Taim Jisas i lusim dispela hap na i go, em i lukim wanpela man nem bilog em Matyu. Dispela man i sindaun long haus bilong ol tekis man. Jisas i tokim em olsem, "Kam bihainim mi." Na em i kirap na bihanim em.

09/10.txt

@@ -0,0 +1 @@
+\v 10 Taim Jisas i sindaun long haus na laik kaikai, planti man bilong kisim tekis na ol sin manmeri tu i kam na kaikai wantaim em na ol disaipel bilong em. \v 11 Taim ol Farasi i lukim dispela, ol i kirap na tokim ol disaipel bilong Jisas olsem, "Bilong wanem na masta bilong yupela i kaikai wantaim ol sin manmeri na ol man bilong kisim tekis?"

09/12.txt

@@ -0,0 +1 @@
+\v 12 Taim Jisas i harim dispela tok bilong ol na em i bekim olsem, "Ol man i no sik, ol i no save lukim dokta, tasol ol man i sik ol i save lukim dokta". \v 13 Yupela mas i go na lainim wanem dispela tok mi makim. Mi save laikim tru marimari, na i no ofa. ' Long wanem, mi no i kam long ol man husait i ting ol i stretpela, tasol mi kam long ol sin man bai ol i ken tok sori long sin bilong ol".