Old Testament Level-2

01/01.txt

@@ -0,0 +1 @@
+\v 1 Bihain long dai bilong Moses, wokman bilong God Yawe. God Yawe i singautim Josua pikinini man bilong Nun, namba tu hetman i stap aninit long Moses, \v 2 "Moses, wokman bilong mi, em i dai pinis. Yu na ol manmeri, kirap, brukim wara Jodan na i go long dispela graun bai mi givim yupela ol manmeri bilong Isrel. \v 3 Mi givim yupela pinis, olgeta ples yupela i putim lek na wokabaut i go long en. Mi givim pinis long yupela olsem mi bin mekim tok promis long Moses.

01/04.txt

@@ -0,0 +1 @@
+\v 4 Long ples drai na Lebenen i go inap long we hap bilong bikpela wara, Yufretis na olgeta graun bilong ol lain Hitait na long bikpela sol wara na hap san i go daun bai i kamap graun bilong yupela. \v 5 Nogat wanpela man bai inap sanap long pes bilong yu, long olgeta dei long laip bilong yu. Bai mi stap wantaim yu olsem mi save stap wantaim Moses. Bai mi no inap givim baksait long yu o lusim yu.

01/06.txt

@@ -0,0 +1 @@
+\v 6 Sanap strong na noken poret. Bai yu kirapim ol dispela manmeri long kisim olgeta graun mi bin mekim tok promis long givim long ol lain tumbuna bilong ol. \v 7 Sanap strong na noken poret. Lukaut gut long bihainim olgeta lo wokman bilong mi Moses i givim long yupela. Noken tanim long han sut o han kais na olgeta hap yupela i go bai i kamap gutpela tasol.

01/08.txt

@@ -0,0 +1 @@
+\v 8 Oltaim yupela i mas toktok planti long dispela buk bilong lo. Yupela mas tingim gut ol dispela tok long san na long nait na bai yupela i bihainim olgeta samting i stap insait long en. Orait bai yupela i kisim planti samting na stap gut tru. \v 9 Ating mi no bin tok strong long yupela? Sanap strong na noken pilim nogut. Yupela i noken poret. Noken suruk. Long wanem God Yawe, God bilong yu bai i stap wantaim yu long olgeta hap yupela i go."

01/10.txt

@@ -0,0 +1 @@
+\v 10 Orait Josua i givim strongpela tok long ol lida bilong ol manmeri, \v 11 "Go long ol haus sel na tokim ol manmeri, redim olgeta samting bilong yupela yet. Long tripela dei bihain bai yumi brukim wara Jodan na go insait na kisim dispela graun God Yawe, God bilong yumi i givim yumi long kisim."

01/12.txt

@@ -0,0 +1 @@
+\v 12 Long ol lain bilong Ruben, ol Gad na ol hap lain bilong Manase, Joshua i tok, \v 13 "Tingim Moses wokman bilong God Yawe, i tokim yumi long taim em i givim yumi strongpela tok, God Yawe, God bilong yumi em i givim yumi malolo na em i givim yumi dispela graun."

01/14.txt

@@ -0,0 +1 @@
+\v 14 Na ol meri bilong yupela, ol liklik pikinini bilong yupela na ol animol bilong yupela bai i stap long graun Moses i givim yupela long en long hap i go longwe long Jodan.Tasol ol man bilong pait na ol brata bilong yupela bai i go helpim long pait, \v 15 inap God Yawe i givim malolo long ol brata bilong yupela olsem em i givim yupela malolo. Orait ol bai kisim strong bilong lukautim graun God Yawe i givim long ol. Bihain yupela bai go bek long graun bilong yupela yet na long graun Moses wokman bilong God Yawe i givim yupela long wara Jodan na i go moa yet hap bilong san i kam antap."

01/16.txt

@@ -0,0 +1 @@
+\v 16 Bihain ol i bekim tok bilong Josua olsem, "Olgeta tok yu tokim mipela bai mipela i mekim na wanem hap yu laik salim mipela long go bai mipela i go. \v 17 Mipela bai harim tok bilong yu olsem mipela i bin harim tok bilong Moses. Na God Yawe, God bilong yu bai i stap wantaim yu, olsem em i bin stap wantaim Moses. \v 18 Husait man i sakim tok bilong yu na i no laik harim tok bilong yu bai mipela i kilim em i dai. Wanpela samting tasol sanap strong na noken poret."

02/01.txt

@@ -0,0 +1 @@
+\v 1  Olsem na Josua pikinini man bilong Nun i hait tasol na i salim tupela man i go luk stil long taun Sitim. Em tok, "Go lukluk raun long graun bilong Jeriko. "Na tupela i go na kamap long haus bilong wanpela pamuk meri, nem bilong en Reap na tupela i stap liklik taim long hap. \v 2 Ol i bin tokim king bilong Jeriko, "Lukim, ol man bilong Israel i kam bilong luk stil long graun bilong yumi." \v 3 Na king bilong Jeriko i salim tok i go long Reap na i tok, "Kisim ol man husait i bin kam long yu na nau ol i stap long haus bilong yu, long wanem ol i kam bilong luk stil long olgeta graun bilong mipela."

02/04.txt

@@ -0,0 +1 @@
+\v 4 Tasol dispela meri i bin kisim tupela man na haitim tupela na em i tok, "Yes, tupela i bin kam long mi, tasol mi no save ol i bilong wanem hap. \v 5 Ol i go bek taim sun i go daun, taim bilong bikpela geit bilong taun i laik pas. Mi no save long we ol i go. Yupela hariap long bihainim ol i go bai yupela i holim ol."

02/06.txt

@@ -0,0 +1 @@
+\v 6 Tasol em i kisim tupela i go antap long het bilong haus na haitim tupela insait long nek pas gras antap long het bilong haus. \v 7 Tasol ol man bilong painim ol i bihainim ol i go na ol i kamap long rot bilong brukim wara Jodan. Taim ol dispela man i go autsait, orait ol i pasim geit.

02/08.txt

@@ -0,0 +1 @@
+\v 8 Ol dispela man i no slip yet long nait, taim dispela meri em i kam antap long het bilong haus ol i stap long en. \v 9 Em i tok, " Mi save, God Yawe i givim graun long yupela, olsem na mipela i pret long yupela. Olgeta manmeri i stap long dispela graun bai i pinis nating long ai bilong yu.

02/10.txt

@@ -0,0 +1 @@
+\v 10 Mipela i bin harim olsem God Yawe i bin mekim drai solwara Retsi taim yupela i kam autsait long Isip. Mipela i harim tu, wanem yupela i mekim long tupela king bilong ol Amo hapsait long Joden, Sion na ok em yupela i bin bagarapim ol tru. \v 11 Taim mipela i harim dispela tok, bel bilong mipela i nogat strong. God Yawe God bilong yupela. Em God i stap antap long heven na long graun.

02/12.txt

@@ -0,0 +1 @@
+\v 12 Olsem na yupela i mas mekim tok promis long mi long nem bilong God Yawe, wankain olsem mi bin mekim gut long yupela. Yupela bai i mekim gut long haus bilong papa bilong mi na yupela i ken putim wanpela mak long mi \v 13 yupela bai mekim gut long ol papa, mama, brata na susa bilong mi wantaim ol famili bilong ol, na bai yupela i helpim mipela long no ken i dai."

02/14.txt

@@ -0,0 +1 @@
+\v 14 Tupela man i tokim em olsem, "Laip bilong mitupela em i bilong yu, "maski mitupela i dai. Sapos yu no toktok long samting bilong mipela orait bihain taim God Yawe i givim mipela dispela graun, mipela bai marimari na givim long yu."

02/15.txt

@@ -0,0 +1 @@
+\v 15 Na em i lusim tupela man i holim rop na i go daun long windua. Haus em i stap long en ol i bin wokim arere long banis bilong taun. \v 16 Em i tokim tupela,"Go namel long ol maunten na hait long ol man bilong king, nogut ol bai i lukim yutupela. Hait inap 3 pela dei na taim ol man bilong king i kam bek orait yutupela i ken i go." \v 17 Tupela i tokim em olsem,"Mitupela no inap abrusim stretpela tok promis yu bin mekim wantaim mitupela. Sapos yu i no mekim dispela.

02/18.txt

@@ -0,0 +1 @@
+\v 18 Taim mipela i kam kisim graun pinis, yu mas pasim retpela rop i kam daun long windua long hap yu bin lusim mitupela i kam daun long en. Na yu mas bung long haus wantaim papamama, brata na olgeta lain wanblut bilong papa bilong yu long haus bilong em. \v 19 Sapos husait i lusim dua na i go autsait long taun, blut bilong ol bai i stap long het bilong ol yet na em asua bilong ol yet. Tasol ol i putim han antap long husait em i stap wantaim yu, blut bilong em bai i pas long het bilong mipela.

02/20.txt

@@ -0,0 +1 @@
+\v 20 Sapos yu tok long wok bilong mipela, mipela bai i stap fri long tok promis bilong yu wantaim mipela." \v 21 Reap i bekim tok olsem, "Wanem yu tok long en, em bai i kamap." Na em i salim ol i go. Bihain em i kisim wankain rop na pasim long windua olsem ol i tok.

02/22.txt

@@ -0,0 +1 @@
+\v 22 Ol i lusim em na i go antap long maunten na stap 3 pela dei long hap, inap ol man bilong king i kam bek. Ol man bilong king i painim ol i go long rot tasol ol i no lukim ol, olsem na ol i go bek.

02/23.txt

@@ -0,0 +1 @@
+\v 23 Tupela man i bin kam bek long wara Joden na i go bek long Josua pikininin man bilong Nun. Na tupela i stori long olgeta samting i bin kamap long tupela. \v 24 Na ol i tokim Josua, "Tru tumas God Yawe i givim yumi dispela graun. Olgeta man i stap long dispela graun ol i guria na pret pinis long mipela."

03/01.txt

@@ -0,0 +1 @@
+\v 1 Joshua i kirap long moning taim tru na em i go wantaim ol lain manmeri bilong Israel long taun Sitim. Em wantaim ol lain manmeri bilong Israel i kamap long wara Joden na ol i wokim sel haus na stap long hap na bihain bai ol i brukim wara na i go long hapsait bilong wara.

03/02.txt

@@ -0,0 +1 @@
+\v 2 Bihain long tripela dei, ol ofisa i go namel long kem, \v 3 na ol i givim oda long ol manmeri olsem,"Taim yupela i lukim ol pris bilong ol lain Livai i karim bokis kontrak bilong God Yawe, God bilong yupela, yupela i mas lusim dispela ples na bihainim ol. \v 4 I mas i gat spes namel long yu na long bokis kontrak samting olsem 2,000 mita. Na noken kam klostu long em olsem na yu bai lukim wanem rot long i go long wanem bipo yupela i no bin i go long en."

03/05.txt

@@ -0,0 +1 @@
+\v 5 Josua i tokim ol manmeri olsem, "Mekim pasin  blong klinim  yupela yet tumoro na God Yawe bai mekim ol mirakel namel long yupela." \v 6 Orait Josua i tokim ol pris, "Apim bokis kontrak na i go pas long ol manmeri," Olsem na ol pris i apim Bokis Kontrak na i go pas long ol manmeri.

03/07.txt

@@ -0,0 +1 @@
+\v 7 God Yawe i tokim Josua olsem, "Long dispela dei bai mi mekim yu i kamap bikman long ai bilong ol manmeri bilong Israel. Na ol bai save olsem mi bin stap wantaim Moses, wankain tasol bai mi stap wantaim yu." \v 8 Yu bai givim oda long ol pris long ol bai karim bokis kontrak. "Taim ol i kamap long arere bilong wara Joden, ol i mas sanap isi insait long wara Joden."

03/09.txt

@@ -0,0 +1 @@
+\v 9 Olsem na Josua i tokim ol lain manmeri bilong Israel olsem. "Kam long hia na harim, wanem tok God Yawe God bilong yupela bai toktok. \v 10 Na long dispela yupela bai i save olsem God i stap laip i stap namel long yupela em bai kisim yupela i go pas long ol Kenan,ol Hit, ol Hiv, ol Peris, ol Girgas, ol Amor na ol Jebus. \v 11 Lukim, bokis kontrak bilong God Bikpela bilong olgeta hap graun i go paslain long yupela na i stap namel long wara Jorden.

03/12.txt

@@ -0,0 +1 @@
+\v 12 Nau makim 12-pela man long 12-pela lain bilong Israel. Makim wanpela man long wanwan lain. \v 13 Taim lek bilong ol pris i karim bokis kontrak bilong God Yawe Bikpela bilong olgeta graun i tasim Wara Joden, wantu tasol wara Joden bai i pinis olgeta na wara i save kam daun long antap i no inap ron i go daun. Na wara bai bung long wanpela hap."

03/14.txt

@@ -0,0 +1 @@
+\v 14 Olsem na taim ol manmeri i redi long brukim wara Joden, ol pris i kisim bokis kontrak i mas i go paslain long ol. \v 15 Na taim ol dispela lain i karim bokis kontrak i kamap long wara Joden na lek bilong ol i go insait long arere bilong wara, taim bilong kisim kaikai olsem na wara Joden i tait tru. \v 16 na ol wara i kam daun long antap i go bung long wanpela hap. Na wara i stop long longwe hap na i no i kam moa long Adam dispela bik taun i stap klostu long Saretan na i go daun olgeta long sol wara Negev, sol wara i gat planti sol long en. Na ol manmeri i brukim wara klostu long Jeriko.

03/17.txt

@@ -0,0 +1 @@
+\v 17 Ol pris i karim bokis kontrak bilong God Yawe i sanap long drai graun namel long wara Joden inap olgeta manmeri bilong Israel i wokabaut i go hapsait long drai graun.

04/01.txt

@@ -0,0 +1 @@
+\v 1 Taim olgeta manmeri i brukim wara Joden pinis, God Yawe i tokim Josua. \v 2 "Makim 12-pela man namel long ol manmeri, wanwan man bilong wanwan haus lain. \v 3 Na tokim ol olsem, "Kisim 12-pela ston namel long wara Joden long hap drai graun ol pris i bin sanap long em na bai yu kisim i go na putim long ples yu bai slip long en long nait."

04/04.txt

@@ -0,0 +1 @@
+\v 4 Na Josua i singautim 12-pela man husait em i bin makim long ol hauslain bilong ol Israel, wanpela long wanwan hauslain. \v 5 Josua i tokim ol, "Go bihain long bokis kontrak bilong God, Yawe God bilong yupela taim yupela i brukim namel bilong wara Joden. Wanwan bilong yupela bai apim ston na karim long solda bilong yupela, inap long namba bilong ol manmeri long hauslain bilong Israel.

04/06.txt

@@ -0,0 +1 @@
+\v 6 Dispela bai i kamap olsem mak bilong ol pikinini bilong yupela long bihain, taim ol i askim na tok, wanem em as bilong dispela ston long yu? \v 7 Na bai yu tokim ol olsem, 'Wara Joden i bin bruk long namel, taim bokis kontrak bilong God Yawe i go pas na wara Joden i bruk long namel taim ol i abrusim wara Joden. Olsem na dispela ston bai i kamap mak bilong ol manmeri long Israel oltaim."'

04/08.txt

@@ -0,0 +1 @@
+\v 8 Ol manmeri bilong Israel i mekim olsem Josua i tokim ol. Ol i kisim 12- pela ston long namel bilong wara Jodan, olsem God Yawe i tokim Josua. Ol i putim ston long namba bilong ol manmeri long hauslain bilong ol Israel. Ol i kisim ol ston i go wantaim long hap ol i bin taitim sel na stap long em. \v 9 Na Josua i putim 12-pela ston namel long wara Jodan, long hap ol pris bin putim lek mak, taim ol i karim bokis kontrak na sanap long en. Mak long dispela hap i stap i kam inap nau.

04/10.txt

@@ -0,0 +1 @@
+\v 10 Ol pris i karim bokis kontrak na sanap namel long wara Joden i stap inap God Yawe i tokim Josua long tokim ol manmeri em i pinis, wantaim ol tingting Moses i tokim Josua. Ol manmeri i hariap na i brukim wara Joden. \v 11 Taim olgeta manmeri i brukim wara Joden pinis, pris i karim bokis kontrak bilong God Yawe na i go pas long ol.

04/12.txt

@@ -0,0 +1 @@
+\v 12 Ol hauslain bilong Ruben, ol hauslain bilong Gad na ol hap hauslain bilong Manase i abrusim ol manmeri bilong Israel na i mekim kamap bikpela ami, olsem Moses i bin tokim ol. \v 13 Olsem klostu 40,000 man i kisim ol samting bilong pait na ol i go pas long pait bilong God Yawe, ol i pait long ples daun bilong Jeriko. \v 14 Long dispela taim God Yawe i mekim Josua i kamap bikpela man tru long ai bilong ol Israel. Na ol i litimapim Josua wankain olsem ol i bin litimapim Moses long taim bilong em.

04/15.txt

@@ -0,0 +1 @@
+\v 15 Na God Yawe i tokim Josua olsem, \v 16 "Tokim ol pris, husait i karim gutpela toktok bilong bokis kontrak long ol i mas kam antap na go autsait long wara Joden."

04/17.txt

@@ -0,0 +1 @@
+\v 17 Olsem na Josua i tokim ol pris," Kam antap autsait long wara Joden." \v 18 Taim ol pris i kisim bokis kontrak i kam autsait long wara Joden, ol i apim lek bilong ol i kam autsait long drai graun na wara Joden i kambek na ron wankain olsem em i save ron bipo, bihain long 4-pela dei.

04/19.txt

@@ -0,0 +1 @@
+\v 19 Ol manmeri i kam aut long wara Joden long namba 10-dei bilong namba 1 mun.Na ol i stap long Gilgal, long hap san kamap bilong Jeriko. \v 20 Na 12-pela ston ol i kisim i kam aut long wara Joden, Josua i kisim na lainim antap long Gilgal. \v 21 Em i tokim ol lain manmeri long Israel olsem." Bihain ol tumbuna pikinini bilong yupela i askim ol papa bilong yupela na i tok olsem, wanem em as bilong dispela ston?"

04/22.txt

@@ -0,0 +1 @@
+\v 22 Tokim ol pikinini bilong yupela olsem, em i ples ol Israel i bin brukim wara Joden long drai graun. \v 23 God Yawe, em God bilong yu i draim wara Joden taim yu brukim, wankain tasol God Yawe i bin mekim long solwara Retsi, taim mipela i brukim na i kam. \v 24 Olsem na olgeta manmeri bilong graun i mas save long han bilong God Yawe i strongpela na yupela bai litimapim God Yawe, God bilong yupela oltaim."

05/01.txt

@@ -0,0 +1 @@
+\v 1 Taim ol king bilong Amon i stap long hap sankamap long Jodan na ol king bilong Kenan i stap long arere bilong biksolwara, ol i harim God Yawe i mekim wara Jodan i drai na ol Israel i wokabaut i go long hapsait na bel bilong ol i no stap isi na strong bilong ol i pinis tru long ol samting ol i harim long ol Israel.

05/02.txt

@@ -0,0 +1 @@
+\v 2 Long dispela taim God Yawe i tokim Josua, "Mekim naip long sap ston na katim skin bilong olgeta pikinini man bilong Israel." \v 3 Orait, Josua i mekim sap naip na katim skin bilong olgeta pikinini man bilong Israel long Gibiat Haralot.

05/04.txt

@@ -0,0 +1 @@
+\v 4 Long dispela as tasol Josua i katim skin bilong olgeta man husait i bin lusim Isip na i kamaut, wantaim ol man husait i bin pait, ol i bin dai long rot long ples nating na taim ol i lusim Isip na kamaut. \v 5 Maski ol pikinini man husait ol i bin kamaut long Isip i katim skin, ol pikinini man mama i karim long ples nating i no katim skin bilong ol taim ol i lusim Isip na kamaut.

05/06.txt

@@ -0,0 +1 @@
+\v 6 Olgeta manmeri i wokabaut long 40 yia long ples nating, inap olgeta manmeri olsem ol man bilong pait husait i kamaut long Isip, ol i dai bilong wanem ol i sakim tok bilong God Yawe. God Yawe i tok promis olsem bai ol i no inap lukim dispela graun i pulap long susu na hani, em i bin givim promis long ol tumbuna lain bilong ol olsem em bai givim yumi. \v 7 Josua i katim skin bilong ol pikinini man bilong Israel God Yawe i bin lukautim ol, ol dispela pikinini ol i no bin katim skin bilong ol long rot.

05/08.txt

@@ -0,0 +1 @@
+\v 8 Taim ol i katim skin pinis ol i stap long kem long dispela ples inap long sua i drai. \v 9 Bihain God Yawe i tokim Josua, "Nau long dispela dei mi rausim sem nogut bilong Isip long yupela. "Olsem na ol i kolim dispela ples Gilgal i kam long nau yet.

05/10.txt

@@ -0,0 +1 @@
+\v 10 Ol Israel i stap long Gilgal na tingim Pasova long dei namba 14 bilong dispela mun long apinun, long ples daun bilong Jeriko. \v 11 Long dispela dei bihain long Pasova ol i kisim ol kaikai bilong dispela graun long dei taim. Ol i kisim bret i nogat yis na gutpela sid kaikai ol i kukim long paia.

05/12.txt

@@ -0,0 +1 @@
+\v 12 Taim Israel i kisim kaikai long graun, mana i no bin pundaun gen. Nogat mana i bin pundaun gen taim ol manmeri bilong Israel i kisim ol kaikai i kamap long graun Kenan long dispela yia.

05/13.txt

@@ -0,0 +1 @@
+\v 13 Taim Josua i stap long Jeriko em i lukim wanpela man i rausim bainat bilong en na holim long han na sanap i stap. Josua i go klostu long em na askim em. "Yu bilong mipela o yu birua bilong mipela?"

05/14.txt

@@ -0,0 +1 @@
+\v 14 Em i tok," Nogat. Mi no lain bilong yu o lain bilong birua. Mi komanda bilong ami bilong God Yawe i kam nau. "Josua i putim pes i go daun long graun na lotu long em na askim, "Bai masta bilong mi i tok wanem long wokboi bilong en?". \v 15 Komanda bilong ami bilong God Yawe i tokim Josua olsem, "Rausim sendol long lek bilong yu long wanem graun nau yu sanap long en em i holi. "Olsem na Josua i rausim sendol long lek bilong em yet.

06/01.txt

@@ -0,0 +1 @@
+\v 1 Long nau olgeta dua bilong Jeriko em i pas long wanem ol ami bilong Israel.Nogat wanpela i go autsait na i nogat wanpela i kam insait. \v 2 God Yawe i tokim Josua olsem, "lukim, mi bai kisim king bilong Jeriko wantaim ol lain ami bilong en, na putim long han bilong yupela.

06/03.txt

@@ -0,0 +1 @@
+\v 3 Yupela i mas wokabaut na mas raunim dispela biktaun, Olgeta man bilong pait i mas raunim dispela biktaun wanpela taim.Yu mas mekim dispela long 6-pela dei. \v 4 Ol 7-pela pris i mas karim 7-pela biugel ol i bin mekim long kom bilong meme na i go paslain long bokis kontrak. Na long dei namba 7, yupela i mas wokabaut na mas raunim biktaun Jeriko 7-pela taim na ol pris i mas winim biugel strong long kirapim bikpela singaut.

06/05.txt

@@ -0,0 +1 @@
+\v 5 Orait bihain ol pris i mas winim biugel ol i bin mekim long kom bilong meme na taim yu harim nois bilong biugel olgeta manmeri i mas singaut wantaim bikpela singaut na banis bilong biktaun bai i pundaun stret. Na ol ami bai i go pas na pait.

06/06.txt

@@ -0,0 +1 @@
+\v 6 Taim pikkinini bilong Nun, Josua i harim dispela tok bilong God Yawe, Em i singautim olgeta pris na i tokim ol, "Yupela kisim bokis kontrak na larim ol 7-pela pris i mas holim 7-pela biugel ol i bin mekim long kom bilong meme i stap paslain long yupela husat i holim bokis kontrak bilong God Yawe." \v 7 Na Josua i tokim ol manmeri, "Yupela wokabaut i go na mas raunim biktaun na paitman bai i go paslain long bokis kontrak bilong God Yawe."

06/08.txt

@@ -0,0 +1 @@
+\v 8 Wankain olsem Josua i tokim ol manmeri, ol 7-pela pris i karim 7-pela biugel ol i mekim long kom bilong meme na i go pas long bokis kontrak bilong God Yawe. Taim ol i kamap, ol i givim bikpela singaut long ol biugel.Bokis kontrak bilong God Yawe i kam baksait long ol. \v 9 Na ol ami i wokabaut i go paslain long ol pris, ol pris i winim strong biugel bilong ol, tasol ol was ami i wokabut i go bihainim long bokis kontrak na ol pris i winim biugel bilong ol i go yet.

06/10.txt

@@ -0,0 +1 @@
+\v 10 Tasol Josua i tokim ol long tok ol man inap long bihainim, "Yupela i noken bikmaus. Noken wanpela singaut i lusim maus bilong yupela inap long dei mi tokim yupela long singaut.. Long dispela taim yupela i mas singaut." \v 11 Olsem na em i mekim bokis kontrak bilong God Yawe i go raunim biktaun wanpela taim long wanpela dei. Ol i go bek gen long kem bilong ol na ol i stap long nait insait long kem tasol.

06/12.txt

@@ -0,0 +1 @@
+\v 12 Long moning taim tru Josua i kirap na ol pris i kisim bokis kontrak bilong God Yawe. \v 13 Ol 7-pela pris husat i karim 7-pela biugel ol i bin mekim long kom bilong meme long pes bilong bokis kontrak bilong God Yawe,i wokabaut stret na winim biugel strong. Ol ami i wokabaut long pes bilong ol. Tasol ol was ami i go bihain tru long bokis kontrak bilong God Yawe, orait ol pris i winim ol biugel strong i go pas. \v 14 Olgeta i wokabaut na raunim biktaun Jeriko wanpela taim long namba tu dei. Ol i mekim wankain insait long 6-pela dei.

06/15.txt

@@ -0,0 +1 @@
+\v 15 Em long dei namba 7 ol i kirap long moning taim tru na ol i wokabaut na mas raunim banis bilong biktaun Jeriko 7-pela taim wankain olsem ol i mekim long 6-pela dei i go pinis. Long dei namba 7, ol i wokabaut na raunim biktaun Jeriko 7-pela taim. \v 16 Em long dispela dei namba 7, ol pris i winim biugel strong na Josua i tokim ol manmeri, "Singaut strong! Long wanem God Yawe i givim dispela biktaun i kam long han bilong yupela.

06/17.txt

@@ -0,0 +1 @@
+\v 17 Olgeta samting i stap long dispela biktaun Jeriko em stap long han bilong God Yawe long bagarapim. Tasol dispela pamuk meri, nem bilong en Rehap, em bai i no inap kisim bagarap wantaim olgeta lain husat i stap wantaim em long haus bilong em. Long wanem em i bin haitim ol man taim mipela i salim ol i go long lukstil long Jeriko. \v 18 Tasol yupela i mas lukaut gut long taim yupela i laik kisim ol samting ol i bin givim pinis long God Yawe. Long  wanem bai yupela i bringim ol hevi i kam na bagarapim kem bilong Israel taim yupela i kisim wanpela bilong ol dispela samting. \v 19 Olgeta silva, gol, wantaim ol samting ol i mekim long ol bras na ain, em ol samting ol i bin givim pinis i long God Yawe. Ol dispela samting, yupela i mas kisim na putim i go insait long haus ofa bilong God Yawe."

06/20.txt

@@ -0,0 +1 @@
+\v 20 Taim ol pris i winim ol biugel strong na ol Israel i mekim bikpela singaut, banis bilong biktaun Jeriko i bruk na pundaun, ol Israel i ron i go insait na kisim biktaun Jeriko. \v 21 Ol i bagarapim olgeta samting i stap insait long biktaun Jeriko na long bainat ol i kilim olgeta manmeri, pikinini, ol lapun manmeri na bulmakau, sipsip wantaim ol donki.

06/22.txt

@@ -0,0 +1 @@
+\v 22 Bihain Josua i tokim tupela man husat em i bin salim i go long Jeriko bilong lukstil biktaun Jeriko, "Yutupela i go insait long haus bilong dispela pamuk meri, mekim tok promis long em na kisim em wantaim ol lain husat i stap wantaim em na yutupela kam aut."

06/23.txt

@@ -0,0 +1 @@
+\v 23 Olsem na tupela yanpela man bilong lukstil i go insait na kisim dispela meri, Rehap wantaim papa mama bilong en, ol lain brata bilong en wantaim olgeta wantok bilong en i stap wantaim em i kam aut. Tupela i kisim ol i kam aut na lusim ol i stap long narapela hap long kem bilong ol lain Israel. \v 24 Ol i kukim dispela biktaun Jeriko wantaim olgeta samting i stap insait. Tasol ol i no bagarapim ol silva, gol, ol dis plet bilong bras na ain i bin i stap insait long haus ofa bilong God Yawe.

06/25.txt

@@ -0,0 +1 @@
+\v 25 Josua i mekim gut long dispela pamuk meri Rehap wantaim ol lain i stap long haus bilong papa bilong em na olgeta lain bilong em. Rehap i stap gut long Israel long dispela taim, long wanem em i bin mekim gutpela pasin long lukautim tupela man, husat Josua i bin salim i go bilong lukstil long Jeriko.

06/26.txt

@@ -0,0 +1 @@
+\v 26 Na bihain long dispela, Josua i mekim strongpela tok na i tokim ol olsem, "Belhat bilong God Yawe bai i pundaun antap long dispela man husat i kirapim gen dispela biktaun Jeriko. Em bai stat long wok long laip bilong namba wan pikinini man bilong en na  long laip bilong yangpela pikinini man bilong en, em bai mekim bikpela dua bilong dispela biktaun Jeriko." \v 27 Olsem na God Yawe i stap wantaim Josua na stori bilong en i go long olgeta hap graun.

07/01.txt

@@ -0,0 +1 @@
+\v 1 Tasol ol manmeri bilong Israel ol i no bilip tru long ol samting Bikpela, i makim pinis bilong bagarapim ol. Akan pikinini bilong Karmi pikinini bilong Jabdi pikinini bilong Jerah, bilong lain Juda i kisim sampela samting em i makim pinis bilong bagarapim, olsem na God Yawe i belhat tru long ol Israel.

07/02.txt

@@ -0,0 +1 @@
+\v 2  Josua i salim ol man bilong lukstil i go long Ai, long ples i stap klostu long Beth Aven, hap i go east bilong Betel. Em i tokim ol , "Go na lukstil long dispela hap graun." Olsem na ol man i go antap na lukstil long Ai. \v 3 Taim ol i kam bek long Josua, ol i tokim em olsem, "Noken salim olgeta man i go long Ai. Salim 2,000 o 3,000 man tasol i go na pait long Ai. Noken larim olgeta i go hatwok long pait, long wanem ol i gat liklik namba tasol."

07/04.txt

@@ -0,0 +1 @@
+\v 4 Na klostu olsem 3,000 man bilong pait tasol i go, tasol olgeta yet i ranawe long ol man bilong Ai. \v 5 Ol lain man bilong Ai i kilim olsem 36 pela man olgeta na ronim ol long bikpela geit bilong taun i go inap long ples bilong brukim ston na ol i kilim ol namel long rot i go daun olsem long ples maunten. Na bel bilong ol lain manmeri i bruk tru olsem wara.

07/06.txt

@@ -0,0 +1 @@
+\v 6 Orait Josua i brukim olgeta klos bilong en. Na olgeta lida bilong Israel i putim das long het na lukluk i go daun long graun na krai sori long dua bilong bokis kontrak bilong God Yawe, inap san i go daun. \v 7 Orait Josua i tok; "a, God Yawe Bikpela bilong wanem na yu bringim dispela ol manmeri ibrukim wara Jodan? Yu laik larim mipela long han bilong ol Amon long bagarapim mipela? Sapos mipela i gat narapela tingting inap mipela stap long hapsait bilong Jodan!

07/08.txt

@@ -0,0 +1 @@
+\v 8 Bikpela, bai mi tok wanem, bihain long taim ol Israel i tanim baksait long ol birua bilong ol? \v 9 Nau ol Kenan na ol as ples manmeri bai harim dispela tok long ol samting i kamap. Ol bai raunim mipela na dispela bai mekim ol manmeri bilong olgeta ples graun bai lusim tingting long nem bilong mipela. Na bai yu mekim wanem long biknem bilong yu?"

07/10.txt

@@ -0,0 +1 @@
+\v 10 God Yawe i tokim Josua olsem, kirap! Bilong wanem yu slip na putim pes i go daun long graun olsem? \v 11 Ol lain Israel i mekim sin pinis. Na ol i brukim kontrak mi mekim wantaim ol. Ol i stilim sampela samting mi bin tok nogat.Ol stilim na kisim i go haitim long haus sel bilong ol na mekim sin pinis wantaim ol samting bilong ol yet. \v 12 Long dispela pasin tasol, ol manmeri bilong Israel i no inap sanap strong long ai bilong ol birua. Na givim baksait long ol birua na stap longwe inap long kisim bagarap. Mi i no inap stap wantaim yupela inap yupela bagarapim pinis ol samting mi tok nogat long en, tasol nau i stap namel long yupela yet.

07/13.txt

@@ -0,0 +1 @@
+\v 13 Kirap! Redim ol manmeri i kam long mi na tokim ol olsem, "Redim yupela yet long tumora. Olsem God Yawe, dispela God bilong Israel i tok, "I gat planti samting mi makim pinis bilong bagarapim i stap yet namel long yupela, Israel. ol lain Israel. yupela i no inap winim ol birua inap yupela rausim ol samting namel long yupela mi makim pinis bilong bagarapim.

07/14.txt

@@ -0,0 +1 @@
+\v 14 Long moning taim,yupela kam long wanwan tumbuna lain. Ol tumbuna lain God Yawe i makim bilong kam klostu long wanwan lain wanblut. Ol lain wanblut God Yawe i makim pinis bilong kam klostu long em long wanwan haus. Ol lain long wanwan haus God Yawe yet i makim long kam klostu wan wan ol yet. \v 15 Dispela samting bai i kamap long man husat i gat ol dispela samting tasol Bikpela i makim bilong bagarapim, em bai kukim em wantaim olgeta samting bilong em, long wanem em i brukim kontrak bilong God Yawe na semim ol lain Israel long dispela pasin."

07/16.txt

@@ -0,0 +1 @@
+\v 16 Olsem na long moning taim tru Josua i bringim ol Israel i kam klostu, long wan wan tumbuna lain, na ol tumbuna lain bilong Juda i kamap. \v 17 Josua i kisim lain wanblut bilong Juda kam klostu, na ol lain wanblut bilong Jera i kamap. Na bihain em kisim lain wanblut bilong Jera i kam wan wan, na Jabdi i kamap. \v 18 Em i kisim lain long haus bilong Jabdi i kam klostu, wan wan, na Akan pikinini bilong Kami, na em i pikinini bilong Jabdi, na em i pikinini bilong Jera, lain tumbuna bilong Juda, i kamap.

07/19.txt

@@ -0,0 +1 @@
+\v 19 Na bihain Josua i tokim Akan, "Pikinini , yu tokim mi tru long nem bilong God Yawe, God bilong Israel, na tokaut long en. Plis inap yu tokim mi wanem samting yu mekim pinis. Noken haitim wanpela samting long mi." \v 20 Akan i bekim tok bilong Josua, "Tru tumas mi sin pinis long ai bilong God Yawe, God bilong Israel. Hia em wanem samting mi mekim: \v 21 Taim mi lukim namel long ol samting mi kisim, mi lukim wanpela naispela saket bilong ol Babilon, 4-pela kilogram silva mani, na wan kilogram gol, mi laikim tumas na mi kisim. Mi haitim olgeta long graun namel long haus sel bilong mi , na silva tu i stap aninit long en."

07/22.txt

@@ -0,0 +1 @@
+\v 22 Josua i salim sampela man, ol i ran i go long hausel na ol samting i stap. Ol i go lukluk na ol i painim olgeta dispela samting i stap hait long hausel bilong em, na silva i stap aninit long en. \v 23 Ol i kisim olgeta dispela samting i stap namel long hausel na bringim i go long Josua na olgeta manmeri bilong Israel. Ol kapsaitim olgeta long pes bilong God Yawe.

07/24.txt

@@ -0,0 +1 @@
+\v 24 Bihain Joshua, na olgeta Israel wantaim em, i kisim Akan pikinini bilong Jera, na silva, wantaim saket na gol, na pikinini man na pikinini meri, wantaim bulmakau na donki na sipsip, hausel na olgeta arapela samting em i gat, na ol i bringim i go antap long ples daun long Akor.

07/25.txt

@@ -0,0 +1 @@
+\v 25 Bihain Josua i tok, "Bilong wanem yu givim hevi long mipela olgeta? God Yawe bai i bekim asua bilong yu nau tasol." Olgeta lain Israel i tromoi ston antap long en. Na bihain ol i tromoi ston tu long olgeta lain bilong em na kukim ol wantaim paia. \v 26 Ol i bungim na hipim planti ston antap long bodi bilong Akan. Na ol ston i stap yet inap nau. God Yawe i lusim belhat bilong em. Olsem na nem bilong dispela ples ol i kolim ples daun bilong Akor i kam inap nau.

08/01.txt

@@ -0,0 +1 @@
+\v 1 God Yawe i tokim Josua, "Noken pret na tingting planti. Kisim ol man bilong pait wantaim yu na i go long taun Ai. Lukim, mi givim king bilong Ai pinis long han bilong yu, wantaim ol manmeri, biktaun bilong en na graun bilong em. \v 2 Yu bai wokim long Ai na king bilong en wankain olsem yu wokim pinis long Jeriko na king bilong en, Tasol yu mas wanbel, olsem yu ken kisim olgeta samting wantaim ol sipsip na bulmakau samting bilong yu yet. Tokim ol lain bilong pait i go was baksait long biktaun."

08/03.txt

@@ -0,0 +1 @@
+\v 3 Josua kirap na i kisim olgeta man bilong pait i go antap long taun Ai. Bihain Josua i makim 30,000 strongpela man i no save surik long pait na salim ol i go long nait. \v 4 Em i tok strong long ol, "Lukim, yumi bai i go slip na was long biktaun, baksait long en. Noken i go stap longwe long biktaun tasol yumi olgeta i mas redi tru long pait.

08/05.txt

@@ -0,0 +1 @@
+\v 5 Mi wantaim olgeta lain man i stap wantaim mi bai i go klostu long biktaun na taim ol i kam long statim pait wantaim yumi, bai yumi ranawe long ol wankain olsem yumi mekim bipo. \v 6 Ol bai i kam bihainim yumi inap yumi kisim ol i kam autsait longwe long biktaun. Ol bai i tok, "Ol i ranawe long mipela wankain olsem ol i mekim pastaim. "Olsem na bai yumi mas ranawe long ol. \v 7 Nau yupela bai lusim ples hait na kam ples klia na kisim biktaun, God Yawe bai i givim i go long han bilong yupela.

08/08.txt

@@ -0,0 +1 @@
+\v 8 Taim yumi kisim biktaun, yumi bai mekim paia. Yumi bai mekim olsem long bihainim strongpela tok bilong God Yawe. Lukim, mi bin tokim yupela pinis." \v 9 Josua salim ol i go na ol i go long dispela ples hait na ol i hait namel long Betel na Ai i go olsem long hap san i go daun long Ai. Tasol long dispela nait Joshua i slip namel ol manmeri.

08/10.txt

@@ -0,0 +1 @@
+\v 10 Josua i kirap long monin taim tru na tokim ol lain soldia i redi, Joshua na ol hetman bilong Israel. Ol i pait wantaim manmeri bilong Ai. \v 11 Olgeta man bilong pait husait i stap wantaim em i go antap na i go klostu long biktaun. Nau ol i kam klostu long biktaun na wokim kem long hap not i go long Ai. Na dispela hap i gat ples daun namel long ol na Ai. \v 12 Em i kisim olsem 5,000 ol man i go hait long hap san i go daun arere long biktaun namel long Betel na Ai.

08/13.txt

@@ -0,0 +1 @@
+\v 13 Ol i makim hap long sanapim olgeta soldia, Ol bikpela lain ami bilong pait sanap long hap not sait bilong biktaun na narapela ol soldia bai was long baksait long sait san i go daun. Josua i slip long ples daun long dispela nait. \v 14 Nau long taim king bilong Ai i lukim ol, em na ol ami bilong em i kirap long bikpela moning na i go long pait wantaim Israel long wanpela hap lukluk i go olsem long ples daun bilong Wara Jodan. Em i no save olsem ol man i hait na weit long kam pait wantaim em long baksait long biktaun.

08/15.txt

@@ -0,0 +1 @@
+\v 15 Josua na olgeta Israel i larim ol yet i lus long pait na ol i ranawe i go olsem long ples nating. \v 16 Olgeta manmeri i stap insait long dispela biktaun kam bung wantaim na bihainim ol i go na ol i bihainim Josua na ol birua i kam longwe long biktaun. \v 17 I no gat wanpela man i stap long Ai na Betel, husait i no go aut bilong bihainim Israel. Ol i lusim biktaun na larim bikpela dua i op i stap taim ol bihainim ol lain Israel.

08/18.txt

@@ -0,0 +1 @@
+\v 18 God Yawe i tokim Josua, "Makim spia i stap long han bilong yu i go olsem long Ai na bai mi givim Ai i go long han bilong yu." Josua i holim wanpela spia long han bilong em na makim i go olsem long biktaun. \v 19 Ol soldia i hait klostu na kwiktaim ol i ran i go autsait long hap ol i hait, taim em i apim han. Na ol i ran strong na i go insait long kisim biktaun. Wantu tasol ol i kukim biktaun.

08/20.txt

@@ -0,0 +1 @@
+\v 20 Ol man bilong Ai tanim na lukluk i go bek. Ol i lukim smok long biktaun i go antap long skai na ol i nogat rot bilong ranawe i kam olsem o i go bek. Ol dispela soldia bilong Israel husait ranawe i go long ples nating i tanim kambek na pait long ol husait i ronim ol. \v 21 Taim Josua na ol Israel lukim ol lain hait i go insait na kisim pinis biktaun na bikpela smok i go antap, ol tanim i kambek na kilim olgeta lain man bilong Ai.

08/22.txt

@@ -0,0 +1 @@
+\v 22 Na narapela lain soldia bilong Israel, husait i go insait long biktaun, i kambek na kilim ol. Olsem na ol lain man bilong Ai i stap namel long ol ami bilong Israel, sampela long dispela sait na sampela long hapsait. Israel i pait wantaim ol man bilong Ai na nogat wanpela i stap laip o ranawe. \v 23 Ol i kisim king bilong Ai, ol i  holim pasim em i stap laip na ol kisim em i kam long Josua.

08/24.txt

@@ -0,0 +1 @@
+\v 24 Ol i kam taim ol Israel i kilim olgeta manmeri bilong Ai long graun i stap klostu long ples nating, we ol i ronim ol i go long en na olgeta bilong ol i go inap long laspela man. Na taim olgeta i pundaun long maus bilong bainat, ol Israel go bek long Ai. Ol i pinisim olgeta wantaim maus bilong bainat. \v 25 Olgeta husait i pundaun long dispela dei, manmeri wantaim, inap olsem 12,000, em olgeta manmeri bilong Ai. \v 26 Josua i no holim han bilong em i kambek wantaim spia em i holim, inap em i pinisim tru olgeta lain manmeri bilong Ai.

08/27.txt

@@ -0,0 +1 @@
+\v 27 Ol Israel i kisim tasol ol sipsip na bulmakau na ol samting long biktaun bilong ol yet, wankain olsem God Yawe i bin tokim Josua. \v 28 Josua kukim Ai na tanim i go das na bagarapim olgeta. Em i no inap i go bek gen long dispela ples.

08/29.txt

@@ -0,0 +1 @@
+\v 29 Em i hangamapim king bilong Ai antap long wanpela diwai inap long apinun. Taim san i go daun, Josua i givim tok strong na ol i rausim bodi bilong king i kam daun long diwai na i go tromoi stap long ai bilong dua bilong biktaun. Long hap ol i bungim ston i go antap long en. Dispela ston i stap i kam inap nau.

08/30.txt

@@ -0,0 +1 @@
+\v 30 Na Josua wokim wanpela alta bilong God Yawe, dispela God bilong Israel, antap long Maunten Ebal. \v 31 Olsem tasol Moses, wokman bilong God Yawe i tok strong long ol manmeri bilong Israel, wankain olsem ol i raitim pinis long Buk bilong Lo bilong Moses,"Wanpela alta bilong ston ol i no katim yet, antap long wanem nogat wanpela mak bilong ain i stap long en." Em ofaim antap long alta ofa bilong paia i kukim olgeta i go long God Yawe na ol i mekim ofa bilong bel isi. \v 32 Long hap, long ai bilong lain manmeri bilong Israel, em i raitim  olgeta tok Lo bilong Moses antap long ston.

08/33.txt

@@ -0,0 +1 @@
+\v 33 Olgeta Israel, ol hetman, ol ofisa, na ol hetman sanap long tupela sait long bokis kontrak long ai bilong ol Pris na Livai husait i save karim kontrak bokis bilong God Yawe, ol man bilong longwe ples wantaim ol asples, hap bilong ol i go sanap fran long Maunten Gerisim na narapela hap i go sanap long fran long Maunten Ebal. Ol i blesim olgeta manmeri bilong Israel, wankain olsem Moses wokman bilong God Yawe i tok strong long ol pastaim.

08/34.txt

@@ -0,0 +1 @@
+\v 34 Bihain i go olsem, Josua i ritim olgeta tok bilong lo, tok bilong blesing na tok bilong bagarapim ol, wankain olsem ol i raitim pinis insait long lo buk. \v 35 I no gat wanpela hap tok i stap long olgeta samting Moses i tokim long en Josua i no bin ritim long fran long bung bilong Israel, wantaim olgeta meri, ol liklik pikinini wantaim ol lain manmeri bilong narapela hap i stap namel long ol.

09/01.txt

@@ -0,0 +1 @@
+\v 1 Orait olgeta king husait i stap long hapsait bilong wara Joden, long maunten kantri na daunbilo bilong Bikpela Solwara i go long Lebanon- em ol Hit, Amor, Kenan, Peres, Hivi na ol Jebus, \v 2 ol dispela em ol istap wantaim wanpela lida na mekim pait wantaim Josua na ol Israel.

09/03.txt

@@ -0,0 +1 @@
+\v 3 Taim Gibeon i stat long harim Josua i mekim long ol Jeriko na long Ai, \v 4 ol i kamap wantaim giaman tingting bilong ol. Ol i go olsem ol man i save karim tok. Ol i kisim aut ol skin wei ol i yusim pinis na putim ol antap long donki. Na ol kisim tu olpela wain skin wei em i bagarap long gen na i brukbruk na ol i samapim. \v 5 Ol i putim ol olpela brukbruk sendal long lek bilong ol na i karamapim ol insait long olpela na ol bagarap long gen klos. Olgeta bret insait long ples kaikai em i drai na bagarap.

09/06.txt

@@ -0,0 +1 @@
+\v 6 Ol i go kamap long Josua long haus sel bilong en long Gilgal na toktok long em na ol man bilong Israel, ''Mipela wokabaut i kam  long longwe hap kantri, olsem na nau mekim kontrak wantaim mipela." \v 7 Ol man bilong Israel i tok long ol Hivi, " Orait nogut yupela i stap klostu long mipela. Olsem wanem bai mipela mekim kontrak wantaim yupela?" \v 8 Ol i tokim Josua olsem," mipela ol wokman bilong yu." Josua i tokim ol, '' Yupela husait? Yupela i kam long wanem hap?"

09/09.txt

@@ -0,0 +1 @@
+\v 9 Ol i tokim Josua olsem," Ol wokman bilong yu ol i kam long longwe hap ples, bilong wanem long nem bilong God Yawe God bilong yu. Mipela i bin harim ol stori bilong Em long olgeta samting Em i bin mekim long Isip \v 10 na olgeta samting Em i bin mekim long tupela king bilong ol Amor long narapela sait bilong Jodan long Sihon king bilong Hesbon na long Ok king bilong Basan husait i bin i stap long Astarot.

09/11.txt

@@ -0,0 +1 @@
+\v 11 Ol bikman na ol manmeri bilong kantri bilong mipela i tok olsem long mipela, 'Kisim samting long han bilong yu taim yu wokabaut. Go na bungim ol na tok olsem, "Mipela i wokman bilong yupela. Pasim tok long wanbel wantaim mipela. \v 12 Dispela em i bret bilong mipela, em i hat yet taim mipela i kisim long haus bilong mipela na long dispela dei mipela i lusim haus na i kam long yu. Tasol nau lukim, em i drai na bagarap. \v 13 Ol dispela wain skin em i bin nupela taim mipela i bin pulapim ol wain insait long ol na lukim nau wain i wok long kapsait. Ol klos na sendal bilong mipela i brukbruk long dispela longpela wokabaut ."

09/14.txt

@@ -0,0 +1 @@
+\v 14 Olsem na ol man bilong Isrel ol i kisim sampela samting long han bilong ol yet, tasol ol i no askim God Yawe pastaim long tingting bilong en. \v 15 Josua i kamapim wanbel pasin wantaim ol na mekim kontrak wantaim ol, long larim ol i stap. Ol lida bilong manmeri bilong Israel tu i mekim promis long ol.

09/16.txt

@@ -0,0 +1 @@
+\v 16 Tripela dei bihain long ol Isrel i mekim promis wantaim ol, ol i luksave olsem ol i wantok bilong ol na i stap klostu long ol. \v 17 Orait ol manmeri bilong Isrel i kirap na kam long bik taun bilong ol long namba tri de. Biktaun bilong ol em Gibeon, Kefira, Berot, Kiriat na Jearim.

09/18.txt

@@ -0,0 +1 @@
+\v 18 Ol manmeri bilong Isrel ol ino go pait wantaim ol, long wanem ol lida bilong ol i tok promis long ai bilong God Yawe, God Yawe bilong ol Israel. Olgeta manmeri bilong Isrel ol i kros long ol lida bilong ol. \v 19 Tasol olgeta lida i tokim olgeta manmeri olsem, "Mipela i mekim tok promis pinis wantaim ol dispela manmeri long nem bilong God Yawe, God bilong ol Israel na nau mipela bai i no inap long bagarapim ol.

09/20.txt

@@ -0,0 +1 @@
+\v 20 Mipela bai mekim olsem long ol, long abrusim ol belhat bilong God bai kam long mipela bilong wanem long tok promis mipela i bin mekim wantaim ol, bai yumi larim ol i stap." \v 21 Ol lida i tokim ol manmeri olsem," Larim ol i stap." Olsem na ol man bilong Gibeon ol i kamap man bilong katim paiawut na man bilong karim wara bilong ol Israel, olsem ol lida i bin tokim ol long en.

09/22.txt

@@ -0,0 +1 @@
+\v 22 Josua i singautim ol i kam na tok olsem, "Bilong wanem yupela i giamanim mipela taim yupela tok olsem, "Mipela i stap longwe tru long yupela," tasol yupela i stap klostu long mipela? \v 23 Nau long dispela pasin, mi tokim sampela bilong yupela long kamap wok manmeri nating, sampela bai katim paiawut na karim wara bilong haus bilong God Yawe bilong mi.