tpi_jer_text_reg_lvl1/52/06.txt

\v 6 Long namba 9 dei bilong 4 mun bikpela hangre i kamap long biktaun na nogat kaikai bilong ol manmeri. \v 7 Olsem na ol birua i brukim biktaun na olgeta man bilong pait i ranawe lusim biktaun long bik nait long liklik dua ol i wokim namel long tupela banis, arere long gaden bilong king. Maski ol ami bilong Saldin i stap raunim biktaun tasol ol i no lukim na ol i ranawe i go olsem long Araba. \v 8 Tasol ol ami bilong Saldin i bihainim ol i go na holim king Sedekaia long ples daun bilong Wara Joden klostu long ples Jeriko. Olgeta ami bilong em i ranawe nambaut na lusim em.