tpi_jer_text_reg_lvl1/50/11.txt

\v 11 God Yawe i givim yupela ol samting bilong em olsem na yupela i pulap wantam amamas, yupela i olsem ol pikinini hos i save singaut na kalap taim ol i raun long gutpela gras. \v 12 Ol manmeri bilong Babilon bai i no gat amamas na ol bai i sem. Ples bilong ol bai i drai na bagarap na ol man long narapela ples i no inap laikim ples bilong ol. \v 13 Long belhat bilong God Yawe tasol, Babilon bai i no inap stap gut, bikpela bagarap bai i kamap, olgeta manmeri husait i abrusim Babilon bai i gat pret long lukim ol dispela bagarap i bin kamap.