tpi_jer_text_reg_lvl1/43/11.txt

\v 11 Em bai kam pait na bagarapim graun bilong Isip. Man mi makim long i dai, em ol bai kilim em i dai. Man mi makim long i go kalabus bai ol i kalabusim em. Man mi makim long bainat em ol bai ol kilim em long bainat. \v 12 Orait bai mi kukim haus lotu bilong ol giaman god Iong Isip. Nebukatnesa bai kukim sampela na em bai karim sampela i go long ples bilong em. Em bai klinim graun bilong Isip olsem ol wasman bilong sipsip i save rausim ol laus long klos bilong ol. Em bai bagarapim ol tru na i go. \v 13 Em bai brukim ol bikpela pos ston bilong haus i stap long Heliopolis long graun bilong Isip na kukim ol haus lotu bilong ol giaman god long Isip.