tpi_jer_text_reg_lvl1/40/07.txt

\v 7 Nau sampela kepten bilong ol soldia bilong Juda husat ol i stap yet autsat long taun, wantaim ol man i harim olsem king bilong Babilon i makim Gedalaia pikinini man bilong Aikam, long kamap nambawan gavaman bilong bosim ol graun. Na tu ol i harim olsem em i makim em long lukautim ol manmeri wantaim ol pikinini, husat i nogat samting na i stap rabis, em ol i no go kalabus long Babilon. \v 8 Olsem na ol i go long Gedalaia long Mispa. Dispela ol man i olsem, Ismail pikinini man bilong Netanaia, Joanan na Jonatan tupela pikinini man bilong Karea, Seraia pikinini man bilong Tanumet, na ol pikinini man bilong Efai man bilong ples Netofa wantaim Jasanaia pikinini man bilong ples Maka na olgeta lain soldia i stap wantaim ol.