tpi_ezk_text_reg_lvl1/48/21.txt

\v 21 Olgeta graun i stap long tupela sait bilong holi graun na graun i stap raunim biktaun bai go long han bilong ol pikinini man bilong king. Mak long graun bilong ol pikinini man bilong king long hap sankamap bai mak olsem 12,000 mita makim hap holi graun i go inap long hap sankamap na wankain mak olsem 12,000 mita i go olsem long hap san i go daun. Long namel long dispela hap, ol bai mekim holi ofa na em bai stap olsem holi ples bilong tempel. \v 22 Graun mak bilong ol Livai i go inap long graun i stap raunim biktaun i stap namel olgeta bai i go long han bilong pikinini man bilong king. Pikinini man bilong king bai kisim dispela graun i stap namel long graun bilong ol lain Juda na graun bilong ol lain Bensamin.