tpi_ezk_text_reg_lvl1/48/01.txt

\v 1 Dispela em ol nem bilong ol lain manmeri husait bai kisim graun. Ol lain bilong Dan bai kisim hap graun long hap not bilong Israel i stap long rot bilong Hetlon na Lebo Hamat. Mak bilong em bai i go long Hasa Enan i go inap long Damaskus na i go antap long hap not na i go long Hamat. Graun bilong lain Dan bai stat long hap san kamap i go inap long bikpela solwara. \v 2 Asa bai kisim wanpela hap graun klostu long mak long graun bilong Dan long hap sankamap i go inap long hap san i go daun. \v 3 Naptali bai kisim wanpela hap graun klostu long mak long graun bilong Asa long hap sankamap i go inap long hap san i go daun.