tpi_ezk_text_reg_lvl1/37/15.txt

\v 15 Orait tok bilong God Yawe i kam long mi na i tok olsem, \v 16 "Olsem na yu, Pikinini bilong man, kisim wanpela stik bilong yu yet na rait antap long en, 'Dispela em i makim ol Juda na ol manmeri bilong Israel i kamap pren.' Orait kisim narapela stik na rait antap long en, 'Dispela em i makim Josep na ol hap lain bilong Efram na ol manmeri bilong Israel, ol i kamap pren.' \v 17 Kisim tupela stik i kam putim wantaim na tupela bai kamap wanpela tasol long han bilong yu.