tpi_ezk_text_reg_lvl1/33/01.txt

\v 1 Na tok bilong God Yawe i kam long mi na i tok olsem, \v 2 "Pikinini bilong man, tokaut klia long ol manmeri olsem, 'Taim mi bringim wanpela pait i go long wanem graun, ol manmeri bilong dispela graun i save kisim wanpela man namel long ol na mekim em i kamap wasman bilong ol. \v 3 Taim wasman i lukim ol birua i kisim pait i kam, em i save winim biugel long givim toksave long ol manmeri. \v 4 Sapos ol manmeri i harim nois bilong biugel na ol i no was na ol birua i kilim ol i dai, blut bilong ol i pas long han bilong ol.