Old Testament Level-1

01/01.txt

@@ -0,0 +1 @@
+\v 1 Long namba 30 yia, long namba 4 mun long dei namba 5 taim mi stap wantaim ol kalabus manmeri long Kebar Kanal. Heven i op na mi lukim God long driman. \v 2 Long dei namba 5 long dispela mun- em namba 5 yia bilong King Jehoiakin i stap long kalabus- \v 3 tok bilong God Yawe i kam long Esekiel pikinini man bilong pris Busi, long graun bilong ol lain Kaldia long Kebar Kanal na long dispela hap God Yawe i putim han antap long em.

01/04.txt

@@ -0,0 +1 @@
+\v 4 Bihain mi lukim na i gat bikpela win na klaut i kam long hap not em bikpela klaut wantaim paia i sut nambaut insait long dispela hap na lait bilong en i raunim em na insait blong en, na paia wankain olsem yelo kala insait long klaut. \v 5 Long namel i gat 4-pela samting. dispela piksa bilong em i wankain olsem man, \v 6 tasol wanwan bilong ol i gat 4- pela pes na wanwan samting olsem man i gat 4-pela wing.

01/07.txt

@@ -0,0 +1 @@
+\v 7 Lek bilong ol i stretpela tasol pinga bilong lek bilong ol i wankain olsem pinga bilong lek bilong Bulmakau na em i lait olsem bras ol i bin polisim. \v 8 Tasol ol i gat han bilong ol man aninit long wing bilong ol long 4-pela kona. Long 4-pela hap pas na wing em i stap olsem: \v 9 wing bilong ol i pas long wing bilong narapela samting olsem man na ol i no tanim taim ol i go, ol i save i go stret tasol.

01/10.txt

@@ -0,0 +1 @@
+\v 10 Piksa bilong pes bilong ol i wankain olsem pes bilong ol man.Long han sut , 4-pela bilong ol i gat pes olsem ol laion na long han kais, 4-pela bilong ol i gat pes olsem ol bulmakau na tu ol 4-pela i gat pes bilong trangau. \v 11 Pes bilong ol i stap olsem tasol na ol i opim wing bilong ol i go antap long mekim olsem arere bilong wing bilong narapela i pas wantaim narapela na tu 2-pela wing i ken karamapim bodi bilong ol. \v 12 Wanwan bilong ol i go long wanpela rot tasol olsem na wanem hap spirit i laikim ol long go long en, ol i save go na i no save tanim bek.

01/13.txt

@@ -0,0 +1 @@
+\v 13 Wankain pasin bilong ol samting olsem man, ol i wankain olsem paia i lait olsem bumbum wankain olsem bikpela lait i muv namel long dispela samting olsem man na i gat bikpela lait i wok long sut i go nambaut. \v 14 Dispela samting olsem man i save go i kam hariap na ol i luk wankain olsem lait bilong klaut.

01/15.txt

@@ -0,0 +1 @@
+\v 15 Bihain mi lukim dispela samting olsem man na mi lukim wanpela wil long graun arere long dispela samting olsem man wantaim 4-pela pes bilong em. \v 16 Dispela em i piksa na rot bilong wil: Wanwan wil i wankain olsem yelopela ston i dia tumas na 4-pela bilong ol i gat wankain tasol, piksa na rot i wankain olsem wil i krosim narapela wil.

01/17.txt

@@ -0,0 +1 @@
+\v 17 Taim ol i go, ol i save go long 4 pela hap kona na ol i no save tanim bek taim ol i go. \v 18 Ol ain bilong wil i traipela nogut tru na mi pret, long ain bilong wil i gat planti ai i raunim na lukluk i stap.

01/19.txt

@@ -0,0 +1 @@
+\v 19 Wanem taim dispela samting olsem man i muv, ol wil i save muv wantaim ol. Taim samting olsem man i kirap long graun, wil tu i kirap. \v 20 Long wanem hap dispela spirit i laik go, ol i save go, na wil i kirap long sait bilong ol, long wanem spirit bilong samting olsem man i stap insait long wil. \v 21 Wanem taim dispela samting olsem man i muv,ol wil tu i save muv na taim dispela samting olsem man i sanap stap, wil tu i sanap stap, taim dispela samting olsem man i kirap long graun, ol dispela wil tu i kirap long sait bilong ol long wanem dispela spirit bilong ol samting olsem man i stap insait long wil.

01/22.txt

@@ -0,0 +1 @@
+\v 22 Antap long het bilong dispela samting olsem man i gat wanpela samting wankain olsem traipela dis em i dia tumas em i luk olsem gutpela glas em i stap antap long het bilong ol na mi pret. \v 23 Aninit long dispela raunpela samting, ol wanwan samting olsem man i opim wing i go traipela na pas wantaim wing bilong narapela samting olsem man. Wanwan bilong ol samting olsem man ol tu i gat samting bilong karamapim bodi bilong em yet.

01/24.txt

@@ -0,0 +1 @@
+\v 24 Bihain mi harim pairap bilong win bilong ol, wankain olsem nois bilong planti wara. Em i olsem pairap bilong ol strongpela lain taim ol i kam. Olsem pairap bilong biksi bruk i kamap wankain olsem nois bilong ol ami \v 25 Wanpela nois i kam antap long dispela raunpela samting i stap antap long het taim ol sanap i stap na daunim win bilong ol.

01/26.txt

@@ -0,0 +1 @@
+\v 26 Antap long dispela raunpela samting i stap long het bilong ol i olsem sia king em wankain olsem safaia ston na i kamap olsem man i sidaun antap long sia king.

01/27.txt

@@ -0,0 +1 @@
+\v 27 Mi lukim wanpela man i wankain olsem ol i kukim ain wantaim paia i stap long hap bodi bilong em long hip i kam antap. Mi lukim long hip bilong em i kam daun em i olsem paia i gat bikpela lait long olgeta hap. \v 28 Em i wankain olsem lait i gat planti kala long klaut long taim bilong ren em olsem bikpela lait i raunim. Em i wankain olsem strongpela lait bilong God Yawe. Taim mi lukim dispela mi daunim pes na mi harim wanpela man i toktok.

02/01.txt

@@ -0,0 +1 @@
+\v 1 Em i tokim mi, "Pikinini bilong man, sanap long lek bilong yu na mi bai toktok wantaim yu." \v 2 Olsem na taim em toktok long mi, Spirit bilong Papa God i kam insait long mi na sanapim mi long lek na mi harim God i toktok long mi. \v 3 God i tokim mi olsem, "Pikinini bilong man, mi salim yu i go long ol manmeri bilong Israel, long kantri i save givim baksait olsem ol i givim baksait long mi wankain olsem ol na tumbuna bilong ol wantaim i givim baksait na wokim sin long mi inap long nao!

02/04.txt

@@ -0,0 +1 @@
+\v 4 Pes na bel bilong pikinini bilong ol i stap wankain na strong olsem na mi salim yu i go long ol na bai yu tokim ol olsem, ' Dispela em wonem Bikpela God Yawe i tok.' \v 5 Maski ol i harim o ol i no harim. Ol i olsem haus bilong givim baksait tasol ol bai i save olsem wokman bilong Bikpela God i stap namel long ol.

02/06.txt

@@ -0,0 +1 @@
+\v 6 Yu pikinini bilong man, noken pret long ol o pret long ol tok bilong ol. Noken pret, maski yu i stap long ples nogut na ples i gat planti bus we spaida i gat poisin i stap. Noken pret long tok bilong ol o pes bilong ol, ol i olsem haus bilong givim baksait.

02/07.txt

@@ -0,0 +1 @@
+\v 7 Tasol yu bai i tokim tok bilong mi long ol, maski ol i harim o ol i no harim, long wonem ol i givim baksait long mi moa yet. \v 8 Tasol yu, pikinini bilong man, harim wanem tok mi bai tokim yu. Noken givim baksait olsem dispela haus i givim baksait. Opim maus bilong yu na kaikai wanem mi laik long givim long yu!"

02/09.txt

@@ -0,0 +1 @@
+\v 9 Na mi lukluk i stap na wanpela han i kam long mi, insait long han bilong em i gat wanpela skrol buk ol i rait pinis long em. \v 10 Em i opim dispela skrol buk long pes bilong mi, ol i raitim tok bilong hevi, krai na wari i stap long tupela hap long pes na long baksait.

03/01.txt

@@ -0,0 +1 @@
+\v 1 Em i tokim mi, "Pikinini bilong man, wanem yu bin painim, kaikai. Kaikai dispela buk na yu go tokim ol manmeri long Israel." \v 2 Olsem na mi opim maus na em i givim dispela buk na mi kaikai. \v 3 Em i tokim mi, "Pikinini bilong man, pulapim bel bilong yu wantaim dispela buk mi bin givim long yu!" Orait mi kaikai na em i swit olsem hani long maus bilong mi.

03/04.txt

@@ -0,0 +1 @@
+\v 4 Orait em i tokim mi, "Pikinini bilong man, go long ol manmeri bilong Israel na tokim ol long tok bilong mi. \v 5 Mi no salim yu go long ol manmeri bilong narapela narapela tokples, tasol long ol manmeri bilong Israel, \v 6 i no long olgeta manmeri bilong narapela ples i toktok o long ol narapela tokples, yu no inap long harim. Tru tumas sapos mi salim yu i go long ol, ol i ken harim yu. \v 7 Tasol ol manmeri bilong Israel i no inap amamas long harim tok bilong yu, long wanem ol i no laik long harim mi tu. Olsem na olgeta manmeri long Israel bel bilong ol i pas tru na i strong.

03/08.txt

@@ -0,0 +1 @@
+\v 8 Lukaut! Mi bin mekim pes bilong yu i strong wankain olsem pes bilong ol na ai gras bilong yu wankain olsem ai gras bilong ol. \v 9 Mi bin mekim ai gras bilong yu i kamap olsem daimon na strong wankain olsem ston! Yu no ken pret long ol o pilim nogut long pes bilong ol, em ol manmeri bilong sakim tok."

03/10.txt

@@ -0,0 +1 @@
+\v 10 Orait em i tokim mi, "Pikinini bilong man, olgeta tok mi bin toksave long yu pinis, harim gut na putim long bel bilong yu! \v 11 Orait go long ol manmeri bilong yu i stap kalabus na tokim ol olsem, Dispela em wanem Bikpela God Yawe i tok, bai ol i harim o nogat."

03/12.txt

@@ -0,0 +1 @@
+\v 12 Orait Spirit i apim mi go antap, baksait long mi, mi harim bikpela nois bilong graun i guria, "Biknem na glori bilong God Yawe long ples bilong em!" \v 13 Em i nois bilong ol wing bilong wel samting i stap laip i pairapim wing bilong narapela narapela na nois bilong wil bilong ol i stap insait long ol na nois bilong bikpela graun i guria.

03/14.txt

@@ -0,0 +1 @@
+\v 14 Na Spirit i apim mi na karim mi i go long narapela hap, spirit bilong mi hevi tru na mi go, tasol han bilong God Yawe i stap strong tru antap long mi! \v 15 Orait mi go long ol lain kalabus i stap long Tel Aviv husait i bin stap long Kebal long Kana, mi stap long hap inap 7pela dei na pulap wantaim amamas.

03/16.txt

@@ -0,0 +1 @@
+\v 16 Bihain long 7pela dei, tok bilong God Yawe i kam long mi na i tok, \v 17 "Pikinini bilong man, Mi bin makim yu long kamap man bilong was long ol manmeri bilong Israel, olsem tasol harim tok bilong mi na givim tok lukaut bilong mi long ol. \v 18 Taim mi toktok long ol man nogut, 'tru tumas bai yupela i dai,' yu noken givim tok lukaut long man nogut long ol pasin nogut bilong em na bai em i mekim pasin nogut na dai long sin bilong em, orait bai mi larim blut bilong em bai pas long han bilong yu. \v 19 Taim yu toktok long man nogut na em i no givim baksait long pasin nogut bilong em, orait em bai i dai long sin bilong em, tasol yu bai abrusim hevi long laip bilong yu.

03/20.txt

@@ -0,0 +1 @@
+\v 20 Sapos stretpela man i givim baksait long ol stretpela pasin bilong em na mekim pasin i no stret, Mi pasim olgeta rot bilong em, em bai i dai, bilong wanem yu no bin givim tok lukaut long em, em bai dai long sin bilong em na mi no inap long tingim ol gutpela pasin em bin mekim, orait bai mi mekim blut bilong em i pas long han bilong yu. \v 21 Sapos yu givim tok lukaut long stretpela man i save wokim sin i noken mekim sin moa, tru tumas em bai i stap olsem long wanem em i bin kisim tok lukaut, yu bai abrusim bagarap long laip bilong yu."

03/22.txt

@@ -0,0 +1 @@
+\v 22 Tasol han bilong God Yawe i stap antap long mi long hap, na i tokim mi, "Kirap! Go long hapsait graun na bai mi toktok wantaim yu long hap!" \v 23 Mi kirap na go hapsait graun na glori bilong God Yawe i stap, wankain olsem glori bilong em mi bin lukim arere long Keba long Kanal, olsem na mi pundaun i go daun long pes bilong mi.

03/24.txt

@@ -0,0 +1 @@
+\v 24 Na Spirit i kam long mi na i sanapim mi long lek bilong mi, em i toktok wantaim mi na i tok, "Go pasim dua long haus bilong yu na stap insait, \v 25 long nau, pikinini bilong man, ol bai putim rop long yu na pasim yu olsem na yu no inap i go long hap bilong ol.

03/26.txt

@@ -0,0 +1 @@
+\v 26 Mi bai mekim tang bilong yu i pas long het bilong maus bilong yu na yu bai maus pas, yu no inap laik long toktok long ol, em ol manmeri bilong sakim tok. \v 27 Tasol taim mi toktok wantaim yu, mi bai opim maus bilong yu na bai yu tokim ol, 'Dispela em wanem God Yawe i tok.' Man husait bai harim bai i harim, man husait i no harim bai i no inap harim, long wanem em ol manmeri bilong sakim tok!"

04/01.txt

@@ -0,0 +1 @@
+\v 1 ''Tasol yu, pikinini man bilong man, kisim simen na putim klostu long yu, orait katim na mekim biktaun bilong Jerusalem long en. \v 2 Orait putim go daun ol man bilong pait long en na mekim hap bilong ol man bilong pait bai i stap long en. Mekim mak long namel, mekim ol selhaus klostu na mekim mak bilong pait. \v 3 Orait yu mas kisim ain kontena na mekim olsem ain banis namel long yu na biktaun, putim pes bilong yu i go long dispela hap bilong wonem bikpela bagarap bai i kamap long ol. Dispela bai i soim sain long  ol lain manmeri bilong Israel.

04/04.txt

@@ -0,0 +1 @@
+\v 4 Orait slip long han kais bilong yu na putim sin bilong ol lain manmeri bilong Israel long en. Yu bai karim sin bilong ol long sampela dei taim yu slip go daun pas wantaim ol lain manmeri bilong Israel. \v 5 Mi yet mi makim yu long mekim dispela wok, wanpela de long makim wanwan yia long mekim save long ol. 390 dei, long dispela rot, yu bai karim sin bilong ol lain manmeri bilong Israel.

04/06.txt

@@ -0,0 +1 @@
+\v 6 Taim yu pinisim ol dispela dei, orait slip go daun namba tu taim long han sut bilong yu, bilong wonem yu bai karim sin bilong ol lain manmeri bilong Juda long 40 yia. mi makim yu long mekim dispela wok, wanpela dei long wanwan yia. \v 7 Putim pes bilong yu i go long Jerusalem we bikpela bagarap i kamap na yu noken karamapim han bilong yu tasol tokaut long wonem bai i kamap. \v 8 Stap redi, mi bai putim banis raunim yu na yu no inap tanim i go long saitsait inap yu pinisim olgeta dei bilong bikpela bagarap i kamap long yu.

04/09.txt

@@ -0,0 +1 @@
+\v 9 Yu mas kisim wit plawa, bali, bin, lentil, millet na spelt. Putim ol insait long wanpela kontena na mekim bret bilong inap long mak bilong ol dei yu bai slip long sait. Yu bai kaikai inap long 390 dei. \v 10 Kaikai yu bai kaikai long en bai skel bilong en i olsem 200 grem long wanwan dei na yu bai kaikai long taim mi makim long en long wanwan dei. \v 11 Orait yu bai dring 23 lita wara long taim mi makim long en.

04/12.txt

@@ -0,0 +1 @@
+\v 12 Yu bai kaikai olsem wit bret, tasol yu bai kukim long stronpela pekpek bilong ol man long namel long ol taim ol i lukluk i stap. \v 13 God Yawe i tok, ''as tingting bilong dispela i olsem ol manmeri bilong Isrel bai kaikai bret i doti, namel long ol arapela kantri mi bai rausim ol.''

04/14.txt

@@ -0,0 +1 @@
+\v 14 Tasol mi tok, ''no, God Yawe. Mi no bin mekim wanpela samting i doti, mi no bin kaikai wanpela samting i bin dai pinis o ol samting ol animol i kilim long en, long taim mi yangpela man i kam inap nau na ol sampela abus nogut i no go insait long maus bilong mi.'' \v 15 Orait em i tokim mi olsem, lukim mi givim yu pekpek bilong bulmakau na i no pekpek bilong man long yu i ken kukim bret bilong yu.

04/16.txt

@@ -0,0 +1 @@
+\v 16 Na tu em i tokim mi olsem, ''pikinini man bilong man, harim mi bai i no inap givim bret i go long Jerusalem na ol bai i gat liklik hap bret wantaim wara na dring liklik wara wantaim pret. \v 17 Bilong wonem ol bai nogat inap bret na wara, olgeta man bai i stap long bikpela pret long brata bilong em yet na bai i dai long pasin nogut bilong ol.''

05/01.txt

@@ -0,0 +1 @@
+\v 1 "Orait ol pikinini man, yupela i mas kisim sap bainat olsem resa bilong yupela yet na katim olgeta het gras bilong yupela na maus gras bilong yupela, bihain yupela i mas skelim ol dispela gras bilong yupela. \v 2 Kukim namba tri hap bilong em long paia namel long biktaun taim ol dispela dei bilong ol birua i raunim olgeta hap, kisim tripela hap bilong ol gras na katim wantaim bainat na raunim biktaun. Go long tripela hap bilong win i save kam na bai mi salim wanpela bainat i kam bilong bagarapim ol dispela manmeri.

05/03.txt

@@ -0,0 +1 @@
+\v 3 Kisim liklik namba bilong ol gras bilong ol na pasim wantaim klos bilong yupela. \v 4 Orait kisim planti gras na tromoi namel bai paia i kukim, long dispela hap paia bai i go autsait long olgeta haus bilong ol Israel."

05/05.txt

@@ -0,0 +1 @@
+\v 5 Na Bikpela God Yawe i tok olsem, "Dispela em Jerusalem i stap namel long olgeta kantri, mi bin putim em na mi bin putim ol arapela kantri i raunim em. \v 6 Tasol em i mekim pasin nogut i winim ol narapela kantri na i no laik bihainim ol lo bilong mi . Ol manmeri i givim baksait long kisim skul tok bilong God na i no laik long bihainim lo bilong em."

05/07.txt

@@ -0,0 +1 @@
+\v 7 Long dispela na Bikpela God Yawe i tok,  "Bilong wanem yupela i kamapim planti hevi i winim ol narapela kantri na yupela i no bihainim ol lo bilong mi o bihainim ol lo bilong ol kantri i raunim yupela," \v 8 Long dispela na  Bikpela God Yawe i tok, "Harim! Mi yet bai mekim nogut long yupela. Mi bai bagarapim yupela long namel na ol narapela kantri bai i lukim.

05/09.txt

@@ -0,0 +1 @@
+\v 9 Mi bai bagarapim yupela olsem mi no bin mekim bipo na mi bai i no inap mekim gen, long wanem mi no laikim ol pasin nogut bilong yupela. \v 10 Long dispela na ol papa bai i kaikai pikinini bilong ol na ol pikinini bai i kaikai papa bilong ol namel long ol yet, taim mi kotim yupela na mekim save long yupela bai yupela i go long olgeta hap.

05/11.txt

@@ -0,0 +1 @@
+\v 11 Mi stap laip oltaim, Bikpela God Yawe i tok, yupela i bagarapim haus lotu bilong mi wantaim pasin bilong birua long ol man na pasin bilong lotu long ol god giaman, olsem na bai mi mekim namba bilong man i go liklik na ai bilong mi i no inap marimari long yupela. \v 12 Tripela hap bilong yupela bai i dai long sik nogut, na bikpela hangre bai kamap namel long yupela. Ol birua bai kilim narapela tripela lain bilong yupela long bainat. Na bai mi mekim narapela tripela hap bai ranawe i go long olgeta hap na ol birua bai panim ol na kilim ol i dai wantaim bainat.

05/13.txt

@@ -0,0 +1 @@
+\v 13 Bai ol i save olsem mi God Yawe i bin toktok long ol taim mi i no belhat moa long ol. Orait belhat bilong mi bai pinis na bai mi i no inap belhat long yupela na malolo. \v 14 Mi bai bagarapim kantri na ol manmeri long narapela kantri i stap arere long yupela bai i lukim na tok bilas long yupela.

05/15.txt

@@ -0,0 +1 @@
+\v 15 Bihain Jerusalem bai i kamap olsem ples ol manmeri bai i tok pilai na tok baksait long yupela, ol bai i pret tru na lukim olsem wanpela sain long ol. Bai ol i bagarap long belhat bilong mi wantaim strongpela tok bilong stretim yupela, Mi, God Yawe mi tok! \v 16 Bai mi salim bikpela hangre i kam long yupela olsem spia bilong bagarapim yupela. Na hangre bai i kamap bikpela moa na pinisim olgeta bret yupela i save kisim strong long en. \v 17 Mi bai salim bikpela hangre na bagarap i kam long yupela olsem pikinini i nogat papamama. Sik nogut bai i kamap long yupela na ol birua bilong yupela bai i kilim yupela long bainat, Mi, God Yawe i tok aut olsem."

06/01.txt

@@ -0,0 +1 @@
+\v 1 Tok bilong God Yawe i kam long mi na i tok olsem, \v 2 "Pikinini bilong man, putim pes i go long ol maunten bilong Israel na mekim tok profet i go long ol. \v 3 Tok olsem, 'Ol maunten bilong Israel yupela harim tok bilong God Yawe! Bikpela i mekim dispela tok i go long ol maunten na ol liklik maunten, long ol rot bilong liklik han wara na long ol ples daun. Harim! Mi kisim bainat i kam bilong bagarapim yupela na bai mi bagarapim ol ples bilong lotu long ol god giaman.

06/04.txt

@@ -0,0 +1 @@
+\v 4 Na bihain bai mi brukim ol alta na ol bikpela pos i save sanap namel long haus bai bagarap na bai mi tromoi ol lain bilong yupela i dai pinis i go daun long pes bilong ol god giaman bilong ol. \v 5 Bai mi slipim bodi bilong ol manmeri bilong Israel klostu long pes bilong ol god giaman bilong ol na tromoi ol bun bilong yupela na raunim ol alta bilong yupela.

06/06.txt

@@ -0,0 +1 @@
+\v 6 Olgeta hap yupela i stap long en, ol biktaun bai slip nating na ol ples bilong lotu long god giaman bai i bagarap, olsem na ol alta bilong yupela bai i slip nating na bai mi bagarapim ol. Na ol bai bruk na pinis olgeta na ol bikpela pos bilong haus bai pundaun na ol hatwok bilong yupela bai pinis. \v 7 Ol dai man bai pundaun namel long yupela na yupela bai save olsem mi God Yawe.

06/08.txt

@@ -0,0 +1 @@
+\v 8 Tasol bai mi larim ol liklik lain namel long yupela bai i stap yet na bai sampela i abrusim bainat namel long ol kantri taim yupela i go nambaut long ol arapela kantri. \v 9 Bihain ol dispela lain husait bin ranawe bai i tingim mi namel long ol kantri we ol i stap olsem kalabus, mi bin sori long ol i pasim bel bilong ol na givim baksait long mi na long ai bilong ol bai ol i lukim pasin pamuk bilong  ol god giaman. Na ol bai soim gutpela toktok long pes bilong ol long ol pasin nogut ol i bin mekim wantaim olgeta gutpela pasin bilong ol. \v 10 Ol bai save olsem mi God Yawe. I bin gat as na mi tok bai mi kisim bagarap i kam long ol

06/11.txt

@@ -0,0 +1 @@
+\v 11 God Yawe i tok olsem, paitim han na krungutim strong lek bilong yu. Na tok , sori tru, long ol pasin nogut bilong haus bilong Israel. Ol bai dai long bainat, hangre na pasin nogut. \v 12 Man i stap longwe long mi bai i dai long pasin nogut na husait i stap klostu bai i dai long bainat. Ol man husait i stap laip yet na i no dai yet bai ol i dai long hangre. Long dispela pasin mi bai inapim belhat bilong mi long bagarapim ol.

06/13.txt

@@ -0,0 +1 @@
+\v 13 Nau yu bai save olsem mi God Yawe, taim ol dai man bilong ol i slip namel long ol god giaman  na raunim ol alta bilong ol antap long olgeta liklik maunten na antap long het bilong ol maunten na aninit long olgeta diwai i gat planti lip na oak diwai, ples we ol i save kukim ol paura i gat gutpela smel i go long ol god giaman bilong ol. \v 14 Wantaim han bilong mi bai mi mekim graun i bagarap na rabis, long ples nating i go long Diblah, olgeta ples we ol man i save stap long en. Na bai ol i save olsem mi God Yawe.

07/01.txt

@@ -0,0 +1 @@
+\v 1 Tok bilong God Yawe i kam long mi na i tok olsem, \v 2 ''Yupela, pikinini bilong man, God Yawe i tokim ol manmeri bilong graun Israel. Em i kam long arere. Arere bilong graun i kam pinis long fopela kona bilong dispela graun.

07/03.txt

@@ -0,0 +1 @@
+\v 3 Nau arere bilong graun i kamap pinis long yupela na bai mi putim belhat bilong mi antap long yupela. Bai mi kotim yupela long pasin yupela i bin mekim na mi no inap moa laikim yupela. \v 4 Ai bilong mi lukim yupela, mi no inap sori long yupela na mi no inap larim yupela i stap longpela taim long dispela graun. Mi no inap stretim rot bilong yupela tu, namel long yupela bai yupela i les long mi. Yupela i save olsem mi God Yawe i tok.

07/05.txt

@@ -0,0 +1 @@
+\v 5 Bikpela God Yawe i tok olsem, Hevi bai i kamap, narakain hevi bai i kamap. Harim gut em i kam nau. \v 6 Arere bilong en i kam klostu. Dispela arere bai i kirapim yupela, harim gut em i kam nau. \v 7 Pasin nogut bilong yupela bai i pulap na i kisim bagarap i kam antap long yupela husait i stap long dispela graun. Dei i kam na kisim dispela bikpela hevi i kam klostu na nau ol maunten i no moa amamas.

07/08.txt

@@ -0,0 +1 @@
+\v 8 Nau bai mi larim hevi i kam long yupela na putim belhat bilong mi antap long yupela. Taim mi kotim yupela long pasin yupela i mekim, bai mi birua long yupela. \v 9 Ai bilong mi i no inap lukim yupela wantaim marimari na bai mi no inap larim yupela i stap longpela taim long dispela graun. Yu wokim dispela pasin nogut long mi pinis na bai mi mekim wankain long yupela tu, bai mi mekim birua namel yupela. Mi God Yawe mi save putim belhat antap long yupela.

07/10.txt

@@ -0,0 +1 @@
+\v 10 Harim gut dispela dei i kam, harim em i kam pinis. Em i rausim dispela hevi i go pinis, stik bilong putim long huk em i olsem flawa. Na pasin nogut bilong ol manmeri em i rausim i go pinis. \v 11 Pasin nogut i pulap na hevi i kamap, nogat planti lain manmeri na ol gutpela samting bilong ol na gutpela pasin bilong ol bai i stap yet.

07/12.txt

@@ -0,0 +1 @@
+\v 12 Dispela dei i kam klostu pinis. Noken larim ol man i save baim samting i amamas na ol man i save salim ol i stap sori. Belhat bilong mi bai i go long planti lain manmeri. \v 13 Man bilong salim i no inap i go salim gen long gaden, em bai i salim long planti lain man i stap long en. Dispela tok i olsem, planti lain manmeri i mekim sin tasol lo yet i no inap stretim ol yet, bilong wanem olgeta lain save mekim sin.

07/14.txt

@@ -0,0 +1 @@
+\v 14 Ol i winim biugel na i redim olgeta samting bilong ol tasol i nogat man bilong i go long ples bilong pait. Bilong wanem, belhat bilong mi i stap yet long planti lain manmeri. \v 15 Bainat i stap autsait na strongpela belhat bilong God wantaim bikpela hangre i stap insait long bikpela haus pinis. Ol man meri husait i stap long dispela ples bai ol i kilim ol long bainat na ol bai i dai. Bikpela hangre na belhat bilong em bai i kilim ol manmeri i stap insait long biktaun. \v 16 Tasol sampela lain manmeri husait i stap laip bai i ronowe i no inap go long dispela hevi na ol bai i go antap long bikpela maunten.Olsem, pisin bilong ples daun i flai i go antap long maunten na ol i singaut sore. Olgeta lain man i mekim pasin nogut pinis.

07/17.txt

@@ -0,0 +1 @@
+\v 17 Olgeta han bilong ol bai i lus na olgeta lek bilong ol bai i lusim strong bilong em olsem wara i lusim strong bilong en, \v 18 na ol i werim nogut kolos na pret bai i kisim ol, sem pasin i karamapim pes bilong ol na het bilong ol i longlong. \v 19 Ol i tromoi silva moni na gol bilong ol i go long rot. Bilong wanem dispela silva moni na gol bilong ol i no inap helpim ol long dispela dei God Yawe bai i putim belhat bilong em long ol manmeri. Em bai i sevim laip bilong ol, tasol angre bai i no inap pinis. Bilong wanem pasin nogut bilong ol i pasim dispela.

07/20.txt

@@ -0,0 +1 @@
+\v 20 Ol i amamas na i kisim ol gutpela ston na i bilasim god giaman bilong ol na mi no laikim dispela samting. Olsem na mi lukim dispela na i tok, em nogut samting. \v 21 Bai mi kisim dispela samting na givim long ol man we yupela i no save long ol, bai ol i go na stilim olgeta gutpela samting bilong yupela na bai ol i mekim nogut long yupela. \v 22 Na bai mi givim baksait long ol, taim ol i bagarapim dispela gutpela ples bilong mi. Ol stil man bai i go insait na bagarapim ol dispela samting.

07/23.txt

@@ -0,0 +1 @@
+\v 23 Wokim banis, bilong wanem dispela graun i pulap wantaim blut we God Yawe i putim belhat bilong em antap long en na biktaun i pulap wantaim hevi. \v 24 Bai mi kisim ol manmeri i sakim tok na mekim pasin nogut i kam na givim haus long ol dispela lain manmeri na bai ol i amamas long strong bilong ol i go long arere, dispela gutpela ples bilong ol bai i bagarap. \v 25 Pret bai i kam na bai ol i painim bel isi, tasol bel isi bai i no inap stap.

07/26.txt

@@ -0,0 +1 @@
+\v 26 Bikpela hevi bilong hevi bai i kam na ol lain bilong tok giaman bai kam na i giamanim ol man. Bai ol i kisim driman bilong ol profet na bai ol i go lus, ol i no inap bihainim lo bilong pris na harim gutpela tok ol hetman i givim long ol. \v 27 Ol king bai i stap long bikpela krai sori na pikinini man bilong ol king tu bai i werim nogut klos, bilong wanem olgeta lain manmeri bilong dispela graun bai i sekim han bilong ol na i pret nogut tru. Long laikim bilong ol bai mi mekim olsem long ol, bai mi kotim ol long pasin ol i bin mekim na ol bai save long mi, mi God yawe mi tok.

08/01.txt

@@ -0,0 +1 @@
+\v 1 Na em i kamap long namba 6 yia long namba 6 mun long dei namba 5 bilong dispela mun, mi sindaun long haus bilong mi wantaim ol bikman bilong Juda na strong bilong God Yawe i kam long mi. \v 2 Na mi lukim wanpela samting i wankain olsem man. Mak long bel bilong em na i go daun paia i lait. Na mak long bel bilong em i go antap bodi bilong em i lait olsem ain i hat tumas.

08/03.txt

@@ -0,0 +1 @@
+\v 3 Na em i kam klostu na han bilong em i kam antap long het bilong mi na Spirit bilong Bikpela i apim mi i go antap namel long graun na heven na long samting olsem driman i kam long God, em i kisim mi go long Jerusalem insait tru long dua bilong san i go daun, long ples ol god giaman i save kirapim belhat na mangal i sanap stap long en. \v 4 Na mi lukim bikpela lait bilong God bilong ol Israel i kamap, em i wankain olsem driman mi bin lukim.

08/05.txt

@@ -0,0 +1 @@
+\v 5 Na em i tokim mi olsem, "Pikinini bilong man, yu apim het bilong yu na lukluk i go hap long not." Na mi apim het bilong mi na lukluk i go long hap not bilong bikpela dua i go long alta, long dua i gat wanpela piksa bilong god giaman bilong mangal i stap. \v 6 Na em i tokim mi, "Pikinini bilong man, yu lukim wanem samting ol i mekim a? Dispela em ol bikpela kain pasin nogut ol man meri bilong Israel i mekim long rausim mi i go longwe long haus bilong mi yet. Tasol bai yu tanim na lukim ol bikpela  pasin nogut moa."

08/07.txt

@@ -0,0 +1 @@
+\v 7 Na bihain em i kisim mi i go long dua bilong banis long haus bilong God na i gat wanpela  hul i stap long  banis. \v 8 Na em i tokim mi olsem. Pikinini bilong man, go insait long dispela hul na mi go insait long dispela hul bilong banis na mi lukim wanpela dua i stap. \v 9 Na bihain em i tokim mi olsem, "Yu go insait na lukim ol i mekim ol bikhet pasin ol i mekim i stap."

08/10.txt

@@ -0,0 +1 @@
+\v 10 Orait mi go insait na mi lukim ol piksa bilong ol kaikain binatang na ol traipela wel abus. Olgeta piksa bilong giaman God bilong ol manmeri bilong Israel ol i wokim na raunim haus. \v 11 70 hetman bilong Israel i stap long hap na Jasanaia pikinini man bilong Safan i sanap namel long ol. Ol i sanap klostu long ol dispela piksa na ol i holim ol pauda bilong kamapim smuk i gat gutpela smel i go antap.

08/12.txt

@@ -0,0 +1 @@
+\v 12 Na em i tokim mi olsem, "Pikinini bilong man, inap yu lukim wanem samting ol hetman bilong ol Israel i mekim insait long ples i tudak? Wanwan man i save mekim dispela pasin hait long ol giaman god bilong ol. Na ol i save tok God Yawe i no save lukim mipela . God Yawe i givim baksait long dispela graun. \v 13 Na bihain em i tokim mi, "Tanim gen na lukim ol arapela bikpela samting i no gutpela ol i wok long mekim."

08/14.txt

@@ -0,0 +1 @@
+\v 14 Bihain em i kisim mi i go long dua bilong haus bilong God Yawe i stap long hap not, olaman! ol meri i sindaun na i sori long Tamus. \v 15 Na em i tokim mi olsem, " Yu lukim dispela samting, pikinini bilong man? Tanim gen na lukim ol bikpela pasin nogut yu no save lukim bipo."

08/16.txt

@@ -0,0 +1 @@
+\v 16 Em i kisim mi i go insait tru long haus bilong God Yawe, olaman! long dua bilong haus bilong God, namel  long pos na alta i gat ol 25 man i tanim baksait long haus bilong God Yawe na tanim pes i go long hap san kamap na ol i lotu long san.

08/17.txt

@@ -0,0 +1 @@
+\v 17 Na em i tokim mi olsem. Pikinini bilong man, yu lukim dispela samting a? Yu ting em i liklik samting long ol manmeri bilong ol Juda i mekim dispela kain pasin nogut long hia a?  Olsem na dispela hap ples i pulap long pasin nogut na ol i mekim mi i belhat tru, na ol i mekim ol arapela pasin nogut tu. \v 18 Olsem na bai mi soim belhat bilong mi long ol. Long ai bilong mi bai mi no inap sori long ol.  Sapos ol i singaut na krai long ia bilong mi , bai mi no inap harim krai bilong ol.

09/01.txt

@@ -0,0 +1 @@
+\v 1 Bihain mi harim yet na em i singaut strong na i tok, "Larim ol soldia i kam antap long biktaun, olgeta wanwan mas i kam wantaim spia bilong bagarapim long han bilong em." \v 2 Harim! 6-pela man i kam long rot bilong geit i stap antap we i lukluk i go long hap not, olgeta wanwan i holim spia bilong kilim man long han bilong em. Wanpela man, klos bilong em ol i wokim long rop i sanap namel long ol wantaim ol samting bilong rait long sait bilong em. Olsem na ol i go insait na sanap arere long bras alta.

09/03.txt

@@ -0,0 +1 @@
+\v 3 Na glori bilong God bilong Israel i kirap antap long ensel we em i bin i stap na i go antap long hap palang i save stap long dua bilong haus. Em i singautim man wantaim klos ol i wokim long rop husait i holim ol samting bilong rait long sait bilong em. \v 4 God Yawe i tokim em, "Go insait namel long biktaun namel long Jerusalem na putim mak long het bilong ol lain husait i wok long singaut na pilim pen i stap na pulim strongpela win i stap long olgeta samting nogut ol i bin wokim namel long biktaun."

09/05.txt

@@ -0,0 +1 @@
+\v 5 Taim mi harim yet na em i tokim ol narapela lain, "Bihainim em i go insait long biktaun na kilim em. Noken larim ai bilong yu i sori long ol na lusim ol, \v 6 maski ol lapun man, ol yangpela man, ol meri i no slip wantaim man yet, ol pikinini o ol meri. Kilim olgeta! Tasol noken kam klostu long ol lain husait i gat mak long het bilong ol. Stat long ples holi bilong mi!" Olsem na ol stat wantaim ol lida husait i bin sanap long fran bilong tempel.

09/07.txt

@@ -0,0 +1 @@
+\v 7 Em i tokim ol, "Bagarapim haus na pulapim ples bung wantaim ol bodi bilong dai man. Go het!" Olsem na ol i go aut na kilim ol manmeri long biktaun. \v 8 Taim ol i wok long kilim yet, mi painim aut olsem mi wanpela i stap na mi pundaun long pes bilong mi na singaut strong na i tok, "Aiyo, Bikpela God Yawe, bai yu pinisim ol liklik hap lain i stap long Israel taim belhat bilong yu i wok long kapsait antap long Jerusalem?"

09/09.txt

@@ -0,0 +1 @@
+\v 9 Em i tokim mi olsem, "Ol pasin nogut bilong Israel na Juda i kamap bikpela tru. Graun i pulap long blut na biktaun i pulap long pasin pamuk, taim ol i tok, 'God Yawe i lusim tingting long graun bilong mipela na 'God Yawe i no lukim!' \v 10 Olsem na ai bilong mi i no inap lukluk wantaim sori na mi i no inap lusim ol. Mi bai kisim i kam na putim antap long het bilong ol." \v 11 Harim! Man i putim klos long rop husait i gat ol samting bilong rait long sait bilong em i kam bek. Em i tokaut na i tok, "Mi bin wokim pinis olgeta samting olsem yu bin tok."

10/01.txt

@@ -0,0 +1 @@
+\v 1 Taim mi lukluk i go olsem long het bilong haus ol i mekim gut tru long en antap long het bilong ol ensel, sampela samting i kamap antap long ol i olsem ston sapira wantaim piksa i wankain olsem sia king. \v 2 God Yawe i toktok long man husait i wearim longpela wite pela klos na i tok olsem, "Go namel long ol wilwil aninit long ol ensel na pulapim tupela han bilong yu wantaim paia i lait namel long ol ensel na kisim go putim long olgeta hap long biktaun." Olsem tasol mi lukluk i stap na man i go insait.

10/03.txt

@@ -0,0 +1 @@
+\v 3 Ensel i sanap i stap long hansut bilong haus taim man i go insait na klaut i pulapim tru insait long haus. \v 4 Strong bilong God Yawe i kirap namel long ol ensel na i sanap tamblo long dua bilong haus. Em pulapim haus wantaim klaut na bikpela ples insait long haus i pulap tru long lait na stron bilong God Yawe. \v 5 Nois ol ensel i mekim long wing bilong ol i bikpela tru na ol man i harim longwe long ples, em i wankain olsem God bikpela i gat olgeta strong i toktok.

10/06.txt

@@ -0,0 +1 @@
+\v 6 Em kamap olsem taim God i tokim man long wearim wite na longpela klos em tok olsem, "Kisim paia namel long ol will i stap namel long ol ensel," na man i go insait na sanap klostu long wanpela wil. \v 7 Wanpela ensel i putim han bilong em i go long fire i stap namel long ensel i pulap long em na em hapim i go antap na putim i kam long han bilong man husait i wearim witpela klos. Man em i kisim na i go bek. \v 8 Mi lukim long ol ensel sampela samting i olsem han bilong ol man stap aninit long wing bilong ol.

10/09.txt

@@ -0,0 +1 @@
+\v 9 Mi lukluk na 4-pela wil i stap klostu long ol ensel wanpela wil i stap klostu long wanwan ensel na pes bilong wil i olsem beril ston. \v 10 Pes bilong olgeta 4-pela i wankain tasol, wankain olsem wil i stretim narapela wil. \v 11 Taim ol i wakabaut ol i go long olgeta 4-pela kona na ol i no tanim bek, wanem kona pes bilong ol i lukim ol i bihainim tasol. Ol i save bihanim olsem tasol na ol i no save lukluk bek taim ol i go.

10/12.txt

@@ -0,0 +1 @@
+\v 12 Olgeta bodi bilong ol, baksait, han na wing bilong ol ai i pulap tru na tu ai karamapim 4-pela wil i raunim tu. \v 13 Taim mi harim wil i singaut olsem, "tanim tanim." \v 14 Na wanwan i gat 4-pela pes, namba wan i gat pes bilong ensel, namba tu i gat pes bilong man, namba 3 i gat pes bilong laion na namba 4 i gat pes bilong pisin tarangau.

10/15.txt

@@ -0,0 +1 @@
+\v 15 Bihain ol ensel, dispela ol samting i stap laip mi lukim long hul wara bilong Keba Kanal em kirap. \v 16 Wanen taim ol ensel wokabaut, wil tu bai go wantaim ol na wanem taim ol ensel apim wing bilong ol i go antap long lusim graun, ol wil i no tanim bek, nogat ol sanap stron klostu long ol. \v 17 Taim ol ensel i no mekim nois na sanap stret, wil tu stap isi na taim ol kirap na sanap, wilwil tu kirap na sanap bilong wanem tevel bilong ol samting i stap laip i stap insait long wil.

10/18.txt

@@ -0,0 +1 @@
+\v 18 Behain strong bilong God Yawe i kam aut long dua bilong haus na i go long olgeta hap long haus na em i stap wantaim ol ensel. \v 19 Ol ensel i go aut ol i apim wing bilong ol i go antap na ol i lusim graun long ai bilong mi na wil tu mekim wankain samting na bihainim ol. Ol i sanap long gate i go olsem long sun i kamap long haus bilong God Yawe na strong bilong God bilong ol Israel i kam antap long ol.

10/20.txt

@@ -0,0 +1 @@
+\v 20 Dispela em ol samting i stap laip long em, mi bin lukim stap daunblo long God bilong ol Israel long hul wara bilong Ceba Kanal na mi save olsem em ol ensel. \v 21 Ol wanwan i gat 4-pela pes na 4-pela wing na wankain olsem han bilong ol man i stap aninit long wing bilong ol, \v 22 na pes bilong ol i wankain olsem pes mi bin lukim long driman long hul wara bilong Ceba Kanal na olgeta i go pas long stret pela lain.

11/01.txt

@@ -0,0 +1 @@
+\v 1 Spirit bilong God i apim mi i go antap na kisim mi i go long geit i stap long hap sankamap long haus bilong God Yawe, haus i stap olsem long hap sankamap na long dua bilong kam insait long geit, i gat 25 man i stap. Mi lukim Jasania, pikinini man bilong Asur na Pelatia, em pikinini man bilong Benaia, em ol lida bilong ol manmeri i stap namel long ol.

11/02.txt

@@ -0,0 +1 @@
+\v 2 God i tokim mi olsem, "Pikinini bilong man, em ol dispela man tasol i bin kamapim tok hait long mekim ol pasin i no stret na ol i makim rot long mekim pasin nogut insait long dispela biktaun. \v 3 Ol i tok olsem, 'Em i no taim bilong wokim ol haus yet, dispela biktaun i stap olsem sospen na mipela i olsem mit.' \v 4 Olsem na mekim tok profet long ol. Pikinini bilong man, yu mas mekim tok profet."

11/05.txt

@@ -0,0 +1 @@
+\v 5 Orait Spirit bilong God Yawe i kam antap long mi na em i tokim mi long tokaut olsem, God Yawe i tokaut olsem, "Ol manmeri bilong Israel, em wanem dispela tok yu mekim, long wanem mi save long tingting bilong yu. \v 6 Namba bilong ol manmeri yu bin kilim i go antap moa na pulapim olgeta hap long biktaun. \v 7 Olsem na Bikpela God Yawe i tokaut olsem, ol manmeri yu bin kilim na putim bodi bilong ol i stap namel long Jerusalem i olsem mit na dispela biktaun i olsem sospen. Tasol ol bai kisim yu i kam autsait long dispela biktaun.

11/08.txt

@@ -0,0 +1 @@
+\v 8 Yu bin pret lo bainat, olsem na mi bai kisim bainat i kam putim antap long yu. Dispela em i tok bilong God Yawe. \v 9 Bai mi rausim yu i go autsait long biktaun na givim yu i go long han bilong ol man long narapela ples na mi bai i gat kot wantaim yu. \v 10 Yu bai pundaun long bainat bilong mi na bai mi kotim yu insait long graun bilong Israel na yu bai save olsem mi God Yawe.

11/11.txt

@@ -0,0 +1 @@
+\v 11 Dispela biktaun bai i no inap stap olsem sospen bilong yu long kuk wantaim na bai yu i no inap stap olsem mit namel long hap. Bai mi kotim yu insait long graun bilong Israel. \v 12 Na bai yu save olsem mi God Yawe, Bikpela bilong olgeta tok tru na lo we yu no save bihainim. Tasol yu save bihainim ol lo bilong ol kantri i stap klostu long yu."

11/13.txt

@@ -0,0 +1 @@
+\v 13 Long taim mi bin mekim tok profet, Pelatia, pikinini man bilong Benaia i bin dai. Olsem na mi pundaun i go daun long pes na mi bikmaus na krai na tok olsem, "Nogat tru, Bikpela God Yawe, ating bai yu bagarapim na pinisim ol liklik hap lain i stap yet long Israel?"

11/14.txt

@@ -0,0 +1 @@
+\v 14 Tok bilong God Yawe i kam long mi na i tok olsem, \v 15 "Pikinini bilong man, ol brata bilong yu! Ol brata bilong yu! Ol man long lain bilong yu na olgeta manmeri bilong Israel! Ol manmeri husait i save stap long Jerusalem i tok long ol dispela lain bilong Israel, 'Ol i stap longwe tru long God Yawe! Dispela graun God i bin givim mipela long stap na bosim.'

11/16.txt

@@ -0,0 +1 @@
+\v 16 Olsem na tok, 'God Yawe i tok olsem, maski mi rausim ol i go longwe tru long ol narapela kantri na maski mi rausim ol i go nambaut long olgeta hap bilong graun, tasol mi bin stap olsem ples hait bilong ol long graun ol i bin go na stap long em.' \v 17 Olsem na tok, 'God Yawe i tok olsem, bai mi kisim yu namel long ol manmeri i kam bek na putim yu long graun yu bin lusim na go nambaut long en na bai mi givim yu graun bilong Israel.' \v 18 Bihain ol bai i go long hap na rausim ol samting i no gutpela long tingting na olgeta nogut samting i stap long bagarapim dispela ples.

11/19.txt

@@ -0,0 +1 @@
+\v 19 Bai mi mekim ol wanbel na givim nupela Spirit long ol. Mi bai rausim strongpela bel i stap olsem ston long bodi bilong ol na givim ol nupela bel, \v 20 olsem na ol bai bihainim gut ol lo bilong mi. Bai ol i kamap olsem ol manmeri bilong mi na bai mi stap God bilong ol. \v 21 Tasol ol man husait i wokabaut wantaim gutpela pasin i go namel long ol samting nogut i stap long en, bai mi givim gutpela tingting long stiam ol gut. Dispela em i tok bilong God."

11/22.txt

@@ -0,0 +1 @@
+\v 22 Ol ensel i apim ol wing bilong ol na ol wil i stap klostu long ol na glori bilong God bilong Israel i sain antap long ol. \v 23 Orait glori bilong God Yawe i sain namel long biktaun na sain i go antap long maunten i stap long hap sankamap long biktaun.

11/24.txt

@@ -0,0 +1 @@
+\v 24 Spirit bilong God i apim mi na kisim mi i go long Kaldia na i go long ol man bilong narapela ples. Long driman, Spirit bilong God i soim mi long ol samting i kamap long mi bai autim. \v 25 Orait mi tokaut long ol man bilong narapela ples long olgeta samting God Yawe i bin soim mi.

12/01.txt

@@ -0,0 +1 @@
+\v 1 Tok bilong God Yawe i kam long mi na i tok olsem, \v 2 "Pikinini bilong man, yu i stap namel long ol manmeri i save sakim tok, we ol i gat ai bilong lukim tasol ol i no save lukim na we ol i gat yau bilong harim tasol ol i no save harim, long wanem ol i olsem ol manmeri bilong sakim tok.

12/03.txt

@@ -0,0 +1 @@
+\v 3 Olsem na long yu, pikinini bilong man, redim ol kago bilong yu long ranawe, na stat ranawe long taim ol lukim yu i stap long dei taim, long ples bilong yu bai mi kisim yu i go long narapela ples long taim ol i lukim yu i stap. Maski ol bai i stat long lukim na maski ol i olsem  ol manmeri bilong sakim tok.

12/04.txt

@@ -0,0 +1 @@
+\v 4 Yu bai kisim olgeta samting bilong yu i kam autsait long ranawe long dei taim ol i lukim yu i stap, wakabaut i go long apinun taim ol i lukim yu i stap long rot sampela man i save ranawe. \v 5 Wokim hul i go long banis long taim ol i lukim yu i stap na go autsait long dispela hul. \v 6 Long ai bilong ol, apim kago bilong yu antap long solda na kisim i kam autsait long ples tudak. Karamapim pes bilong yu na ba yu i noken lukim graun, bipo mi makim yu pinis olsem piksa bilong haus bilong ol Israel."

12/07.txt

@@ -0,0 +1 @@
+\v 7 Orait mi mekim dispela, olsem mi bin tok long em. Long san mi kisim kago bilong mi i kam autsait long ranawe na long apinun mi wokim hul i go long banis long han bilong mi. Long ples tudak mi kisim kago bilong mi i kam autsait na apim kago antap long solda bilong mi taim ol i lukim i stap.

12/08.txt

@@ -0,0 +1 @@
+\v 8 Long moning tok bilong God Yawe i kam long mi, i tok olsem, \v 9 "Pikinini bilong man, em ol lain bilong Israel, dispela lain i save sakim tok, ol i no askim, 'yu wokim wanem samting i stap?' \v 10 Tokim ol, 'God Yawe i tok olsem, dispela pasin bilong ol prophet i makim ol hetman insait long Jerusalem na long olgeta haus i stap namel long Israel.'

12/11.txt

@@ -0,0 +1 @@
+\v 11 Tok,' Mi olsem wanpela piksa long yu. 'Olsem mi mekim, em bai i kamap long ol, ol bai i ranawe na i go insait long kalabus. \v 12 Hetman husait i stap namel long ol bai i apim kago bilong em antap long solda insait long ples tudak na go autsait long banis. Ol bai i wokim hul long banis na karim kago bilong ol i go autsait. Em bai i karamapim pes bilong em na i noken lukim graun long ai bilong em. \v 13 Mi bai tromoi i go aut net bilong mi antap long em na em bai i pas long trap na bai mi brigim em i go long Babilon, long graun bilong ol Kaldia, tasol em bai i no lukim. Em bai i dai long dispela hap.

12/14.txt

@@ -0,0 +1 @@
+\v 14 Mi bai i mekim ol i go nambaut long olgeta hap we olgeta man i laik helpim em na ol wasman bilong em na mi bai i salim bainat bihainim ol. \v 15 Ol bai i luksave olsem mi God Yawe, taim mi putim ol namel long kantri na mekim ol inapim dispela graun. \v 16 Tasol mi bai rausim sampela ol man namel long maus bilong bainat, bikpela hangre na long sik, olsem bai ol i tingim bek olgeta bagarap long ples we mi bin kisim ol, na ol bai i luksave olsem mi God Yawe."