tpi_exo_text_reg_lvl2/26/22.txt

\v 22 Long baksait bilong haus lotu long hap san i go daun yu mas mekim 6-pela bun bilong haus lotu. \v 23 Long baksait long kona bilong haus lotu, yu mas mekim 2-pela bun bilong em. \v 24 Ol dispela bun bilong haus lotu i noken pas wantaim long as bilong ol, tasol ol i mas bung wantaim long wanpela ring tasol long antap. Yu mas mekim olsem long 2-pela kona long baksait. \v 25 Long dispela hap, 8-pela bun i mas stap wantaim ol ston bilong holim pos em ol i mekim long silva. Long bungim olgeta wantaim, em 16-pela ston bilong holim pos ol mekim long silva na bungim 2-pela ston bilong holim pos wantaim aninit long namba wan pos na 2-pela gen aninit long narapela pos na mekim olsem long ol narapela tu.