tpi_exo_text_reg_lvl2/18/17.txt

\v 17 Tambu man bilong Moses i tokim em olsem, "Wanem yu wok long mekim i no gutpela tumas. \v 18 Tru tumas bai yu i bagarapim  yu yet, yu na olgeta manmeri i stap wantaim yu. Dispela hevi i bikpela tumas long yu long karim. Yu no inap long mekim dispela wok yu yet. \v 19 Yu mas harim tok bilong mi. Bai mi givim yu tingting na God  bai i stap wantaim yu, long wanem yu makim maus bilong ol manmeri long God  na yu kisim kros tok pait bilong ol manmeri i go long em. \v 20 Yu mas lanim ol long pasin na ol lo bilong God. Yu mas soim ol rot bilong wokabaut na ol wok ol bai i mekim.