tpi_exo_text_reg_lvl2/17/01.txt

\v 1 Olgeta lain manmeri bilong Israel i wokabaut i go long ples drai bilong Sin, ol i bihainim wanem God i tokim ol. Ol i go na stap long wanpela ples ol i kolim Repidim, tasol long dispela hap i no gat wara i stap bai ol manmeri i ken drink. \v 2 Olsem na ol manmeri i komplen long Moses gen na ol i tok, "Givim mipela wara long drink." Moses i tok, "Bilong wanem yupela i komplen long mi? Na bilong wanem yupela i traim God?" \v 3 Tasol ol manmeri i nek drai tru long wara olsem na ol i komplen yet long Moses. Ol i tok, "Bilong wanem yu kisim mipela i kam aut long Isip? Em mas yu kisim mipela i kam aut long hia bai mipela wantaim ol pikinini bilong mipela na animol i ken dai long wara?"