tpi_act_text_ulb_level2/16/16.txt

\v 16 Long narapela de mipela i go long ples bilong beten, na mipela i bungim wanpela yangpela meri husait i gat spirit nogut i stap long em. Em i save tokim ol manmeri long wanem samting bai i kamap bihain long ol na ol i save givim olgeta masta bilong em planti moni. \v 17 Dispela meri i bihainim Pol wantaim mipela na em i singaut na tok olsem, "Dispela em ol wokman bilong God husait i stap antap tru. Ol bai i autim tok long rot God bai i kisim bek ol man. \v 18 Em i mekim dispela long planti de.Tasol Pol i no wanbel stret, olsem na em i lukluk long dispela meri na em i tokim dispela spirit, "Mi tokim yu long nem bilong Jisas Krais yu lusim em". Na wantu tasol dispela spirit i lusim em na i go.