tpi_act_text_ulb_level2/15/01.txt

\v 1 Sampela man long Judia i kam daun long Antiok na skulim ol brata olsem, "Sapos yupela i no katim skin bihainim lo bilong Moses, God bai ino inap long kisim bek yupela." \v 2 Dispela i mekim Pol na Banabas long kamapim tok kros na tok pait wantaim ol dispela man. Olsem na ol i makim Pol wantaim Banabas na sampela lain namel long ol bai ol i ken go long Jerusalem na bung wantaim ol aposel na ol hetman bilong ol long toktok long dispela askim.