tpi_act_text_ulb_level2/08/26.txt

\v 26 Ensel bilong Bikpela i tokim Filip na i tok, "Kirap na go long rot i go long saut long Jerusalem na go daun long Gasa. (Dispela rot em i stap long ples drai) \v 27 Em i kirap na i go. Em i lukim wanpela man Itiopia em wokboi bilong kwin bilong Itiopia, i bin go long Jerusalem long lotuim Bikpela. Dispela man i gat bikpela namba long wok bilong gavman bilong kwin bilong Itiopia, na em i gat wok bilong lukautim mani bilong kwin. \v 28 Em i sindaun long karis bilong en na i go bek long Itiopia na em i wok long ritim Tok long buk bilong profet Aisaia.