Acts

01/01.txt

@@ -0,0 +1 @@
+\v 1 Tiopilus, long buk mi bin raitim bifo,mi bin toktok long olgeta samting Jisas i bin stat long wok na skulim, \v 2 inap long dei God i kisim em i go antap. Dispela i kamap bihain taim em i givim strongpela tok insait long pawa bilong Holi Spirit i go long ol aposel em bin makim pinis. \v 3 Bihain taim em i kirap bek gen long dai, em i bin kamap ples klia na soim em yet long ol dispela lain. Long 40 pela dei, em i wok long kamap ples klia long ol, na toktok long ol samting bilong Kingdom bilong God.

01/04.txt

@@ -0,0 +1 @@
+\v 4 Taim em i bung wantaim ol em i tokim ol long noken lusim Jerusalem, tasol ol i mas weitim promis bilong Papa, long dispela, em i bin tok, "Yupela bin harim long mi, \v 5 olsem Jon i givim baptais long wara, tasol yupela bai kisim baptais long Holi Spirit long sampela dei bihain."

01/06.txt

@@ -0,0 +1 @@
+\v 6 Taim olgeta i bum wantaim ol i askim em, "Bikpela, em taim nau bai yu kamapim gen Kingdom bilong Israel?" \v 7 Na em i tokim ol olsem, "Em i no samting bilong yupela save long taim na dei Papa i makim. Em yet i gat pawa. \v 8 Tasol yupela bai kisim pawa, taim Holi Spirit i kam daun long yupela, na bai yupela kamap witnes bilong mi long Jerusalem, long olgeta hap long Judia, na Samaria na i go long pinis bilong graun.

01/09.txt

@@ -0,0 +1 @@
+\v 9 Taim Jisas i mekim dispela toktok em i go antap, olgeta i lukluk na wanpela klaut i haitim em na ol i no lukim em moa. \v 10 Ol i lukluk yet long hap em i bin go, na wantu tupela man i kam sanap wantaim waitpela kolos klostu long ol. \v 11 Tupela i tok, "Yupela man bilong Galili, bilong wanem yupela i sanap na lukluk i go long skai ? Dispela Jisas, God i kisim em bek long yupela na em i go long Heven. Em bai kam bek gen long wankain pasin olsem yupela i lukim em igo long Heven.

01/12.txt

@@ -0,0 +1 @@
+\v 12 Orait ol i kam bek long Jerusalem na lusim Maunt Oliv we i stap klostu long Jerusalem, long de sabat ol i bin wokabaut. \v 13 Taim ol i kam kamap, ol i go antap long rum we ol i save stap long en. Nem bilong ol em, Pita, Jon, Jems, Andru, Filip, Tomas, Batolomyu na Matyu, Jems pikinini bilong Alfus, na Saimon man bilong lain Salot na Judas pikinini bilong Jems. \v 14 Olgeta i bum wantaim na ol i prea strong gen, ol meri na Maria mama bilong Jisas wantaim ol brata bilong em tu.

01/15.txt

@@ -0,0 +1 @@
+\v 15 Long dispela taim Pita i sanap namel long ol bilip man, namba bilong ol i olsem 120 na em i tok olsem, \v 16 "ol brata, em i gutpela olsem, tok i stap long buk bilong God i kamap ples klia, bipo Holi Spirit i toktok long maus bilong Devit na i autim wanpela tok long Judas, em i bin tok, dispela man bai i soim ol man long holim pasim Jisas.

01/17.txt

@@ -0,0 +1 @@
+\v 17 Em i wan lain bilong mipela na mekim wankain wok olsem mipela. \v 18 ( Nau dispela man i baim graun wantaim pasin nogut bilong em, bihain em i pudaun antap long dispela graun, na bel bilong em i bruk na kam aut. \v 19 Olgeta manmeri long Jerusalem i save long dispela, na long tokples bilong ol, ol i kolim dispela graun Alkeldama i minim olsem graun i gat blut.)

01/20.txt

@@ -0,0 +1 @@
+\v 20 Olsem tok bilong Gog i stap long buk Sam, larim olgeta samting bilong em i mas pinis, wanpela i no mas stap. Na bai narapela man olgeta bai i kisim namba na wok bilong em.

01/21.txt

@@ -0,0 +1 @@
+\v 21 Em i gutpela olsem, yumi mas makim man husait i bin wok wantaim yumi long olgeta taim, na Bikpela Jisas i bin i go i kam wantaim yumi, \v 22 long taim Jon i stat long baptais i kam inap long dei God i kisim bek em long yumi, em i mas autim tok namel long yumi long kirap bek bilong em. \v 23 Ol i makim tupela man, Josep ol i kolim Barsabas na narapela nem Jastus na Matias.

01/24.txt

@@ -0,0 +1 @@
+\v 24 Na ol i beten na i tok olsem, Bikpela, "Yu, save long bel bilong olgeta manmeri, yu putim ples klia wanpela long dispela tupela man yu makim. \v 25 Bai ol i ken i gat wok long mekim wok aposel na kisim ples bilong Judas. Em i lusim na igo long ples em i laik stap long en." \v 26 Orait ol i tromoi ston long tupela long makim husait bai mekim dispela wok, na ol i makim Matias, na em i joinim 11-pela aposel.

02/01.txt

@@ -0,0 +1 @@
+\v 1 Taim dei bilong Pentikos i kam, olgeta i bum long ples ol i save bum long en, \v 2 Ol i kirap nogut long wanpela nois i kam olsem krai bilong bikpela win, na em i kam long Heven na pulapim olgeta hap long haus ol i sindaun i stap. \v 3 Ol i lukim ol liklik samting i kamap olsem paiya na igo long olgeta wanwan manmeri na i stap. \v 4 Olgeta i pulap long Holi Spirit na ol i stat long toktok long narapela narapela tokples. Holi Spirit i givim dispela tok ples.

02/05.txt

@@ -0,0 +1 @@
+\v 5 Nau olgeta Juda i stap long Jerusalem, ol lotu lain, na olgeta man i stap long olgeta hap long graun. \v 6 Taim ol i harim dispela nois, planti manmeri i kam bum na tinting planti long wonem, wanwan man i toktok long wanwan tokples bilong ol stret. \v 7 Ol i harim na kirap nogut, na ol i tok: "Tru tumas, ol dispela lain ol i no toktok long tokples Galili tasol?

02/08.txt

@@ -0,0 +1 @@
+\v 8 Olsem wonem na yumi i ken harim ol long tokples bilong yumi stret we yumi bin kamap wantaim? \v 9 Ol Patia, Midia, Elam, na ol man long Mesopotamia, Judia, Kapadosia, Pontus na Esia. \v 10 Na ol Frigia, Pamfilia, Isip, Libia klostu long Sairini na ol visita long Rom. \v 11 Ol Judia wantaim ol arapela i bihainim ol long lotu bilong ol. Ol Krit na Arabia, yumi harim ol i autim tok long strong pela wok bilong God long tokples bilong yumi stret."

02/12.txt

@@ -0,0 +1 @@
+\v 12 Ol i kirap nogut na tingting planti; ol i toktok ol yet, "Dispela em wonem kain samting tru?" \v 13 Tasol sampela i tok pilai long ol na i tok, "Ol i bin drin planti nupla wain."

02/14.txt

@@ -0,0 +1 @@
+\v 14 Tasol Pita i sanap wantaim ol 11-pela aposel, na em i singaut bikpela na i tokim ol, "Yupela ol man long Judia na olgeta manmeri i stap long Jerusalem, yupela harim; bai mi tokim yupela long wonem samting i kamap! \v 15 Ol dispela lain ol i no drin wain olsem yupela i tok, em i 9 kilok monin tasol.

02/16.txt

@@ -0,0 +1 @@
+\v 16 Dispela em i tok we profet Joel i bin autim pinis long en. \v 17 Long last dei God i tok olsem, bai mi kapsaitim Spirit bilong mi long ol manmeri. Pikinini man na pikinini meri bilong yupela bai i autim tok profet, na ol yanpela man bai lukim ol samting olsem driman na ol lapun bai lukim ol driman.

02/18.txt

@@ -0,0 +1 @@
+\v 18 Long ol wokman na wokmeri bilong mi, dispela taim bai mi kapsaitim Spirit bilong mi long ol na ol bai autim tok profet. \v 19 Mi bai soim narakain samtin i kamap antap long Heven na bai mi wokim ol mirakel long graun, blut, faiya, na bikpela klaut.

02/20.txt

@@ -0,0 +1 @@
+\v 20 San bai tanim igo kamap tudak, na mun bai tanim i kamap blut, pastaim long dispela dei bilong Bikpela bai kam. \v 21 Em i olsem olgeta man husait i singaut long nem bilong Bikpela bai kisim laip.

02/22.txt

@@ -0,0 +1 @@
+\v 22 Yupela ol manmeri bilong Israel, yupela harim dispela tok: Taim Jisas bilong Nasaret i stap wantaim yupela, God i putim ples klia olsem em i bin salim em i kam, na long han bilong em, God i wokim stronpela wok na mirakel namel long yupela, yupela yet i save - \v 23 God i bin putim dispela man long han bilong yupela, em i bin tingting pinis na pasim tok long mekim olsem. Ol man nogut i kilim em i dai na ol i nilim em long diwai kros. \v 24 Tasol, God i kirapim bek em long dai, em i no larim em i stap long pen nogut bilong dai, long wonem dai ino inap pasim em.

02/25.txt

@@ -0,0 +1 @@
+\v 25 Devit i bin toktok long em, 'Mi bin lukim Bikpela i stap klostu tru long mi, long wonem em i stap long han sut bilong mi na mi no inap poret. \v 26 Olsem na bel bilong mi i orait na maus bilong mi i tokaut long gutpela bilong God. Na tu, bodi bilong mi i stap strong.

02/27.txt

@@ -0,0 +1 @@
+\v 27 Yu bai ino inap larim mi i stap long ples bilong ol man i dai pinis, o bai yu ino inap lusim Holi Pikinini bilong yu bai bagarap long matmat. \v 28 Yu soim mi rot igo long laip; Bai yu mekim mi pulap long amamas long pes bilong yu.

02/29.txt

@@ -0,0 +1 @@
+\v 29 Ol brata, mi laik tokim yupela long tumbuna bilong yumi Devit: Em i bin dai na ol i bin planim em, na matmat bilong em i stap wantaim yumi inap dispela dei. \v 30 Tasol em i profet na em i save olsem God i bin Promis long makim wanpela pikinini bilong em bai senisim em long kamap King. \v 31 Em i lukim dispela na i toktok long kirap bek bilong Kraist: em ino stap moa long matmat na bodi bilong em i no inap long lukim bagarap.

02/32.txt

@@ -0,0 +1 @@
+\v 32 Dispela Jisas- God i kirapim em bek, na yumi olgeta i lukim na save. \v 33 Olsem na em i kirap na sindaun long han sut bilong God na i kisim promis long Holi Spirit long Papa, na em i bin kapsaitim wonem yu bin lukim na i harim .

02/34.txt

@@ -0,0 +1 @@
+\v 34 Devit i no bin i go long Heven, tasol em i bin tok olsem, ''Bikpela i tokim Bikpela bilong mi, sindaun long han sut bilong mi. \v 35 Inap mi mekim ol birua bilong yu bai i stap aninit long lek bilong yu," \v 36 Olsem na, larim olgeta Israel i ken save olsem God i mekim Jisas i kamap Bikpela na Kraist, dispela Jisas yupela nilim em long diwai kros."

02/37.txt

@@ -0,0 +1 @@
+\v 37 Taim ol manmeri i bin harim dispela, ol i kisim kot na ol i toktok long Pita na ol arapela aposel, "Ol brata, bai mipela i mekim wonem? \v 38 Na Pita i tokim ol, " Tanim bel na kisim baptais, yupela wanwan, long nem bilong Jisas Kraist, lusim sin bilong yupela, na bai yupela i kisim presen bilong Holi Spirit. \v 39 Em i promis long givim yupela na ol pikinini bilong yupela, na ol lain i stap longwe, na ol arapela lain husait bai i singaut long em."

02/40.txt

@@ -0,0 +1 @@
+\v 40 Wantaim planti toktok, em i givim tok lukaut; na em i tok olsem, ''helpim yupela yet long ol dispela lain ino tanim bel." \v 41 Orait ol i harim tok bilong em, na ol i kisim baptais, na long dispela dei namba bilong ol i kamap olsem 3,000 manmeri. \v 42 Ol i bin stap yet na ol aposel i bin skulim ol na lotu, na ol i bin brukim bret na beten wantaim.

02/43.txt

@@ -0,0 +1 @@
+\v 43 Poret i pulap long olgeta manmeri, na planti mirakel na bikpela wok i kamap long han bilong ol aposel. \v 44 Olgeta manmeri husait i bilip pinis ol i bum wantaim na ol i skelim olgeta samting wantaim, \v 45 na ol i salim ol samting bilong ol na graun wantaim, na givim igo long ol lain i sot.

02/46.txt

@@ -0,0 +1 @@
+\v 46 Long wanwan dei ol i wok long bum wantaim wanpela as tingting long haus lotu, na ol i brukim bred long haus bilong ol, na ol i skelim kaikai wantaim amamas na daunim pasim bilong ol wantaim gutpela bel; \v 47 Ol i litimapim God na belgut long ol arapela manmeri. Na Bikpela i wok long surukim namba bilong ol manmeri we wanwan dei ol wok long tanim bel.

03/01.txt

@@ -0,0 +1 @@
+\v 1 Nau Pita na Jon i go long tempol long taim bilong prea, dispela em i apinun long 3' kilok. \v 2 Wanpela lek nogut man ol i karim em i kam na putim em klostu long dua bilong tempol we ol i kolim olsem Naispela, ol i putim em long em i ken askim moni samting long ol lain i kam insait na go autsait long tempol. \v 3 Taim em i lukim Pita na Jon i laik go insait long tempol, em askim tupela long moni.

03/04.txt

@@ -0,0 +1 @@
+\v 4 Pita i lukluk stret long em wantaim Jon na i tok, "Lukluk long mitupela." \v 5 Dispela lek nogut man i lukluk i go long Pita na Jon, em i ting tupela bai givim em sampela samting. \v 6 Tasol Pita i tok, "Silva na gol mi nogat tasol wanem mi gat bai mi givim yu. Long nem bilong Jisas Krais bilong Nasaret yu kirap na wokabaut."

03/07.txt

@@ -0,0 +1 @@
+\v 7 Pita i holim em long han sut bilong em na sanapim em. Na kwik taim tru olgeta lek bun bilong em i kamap strong. \v 8 Dispela lek nogut man i kirap hariap na sanap na i wokabaut; na em i go wantaim Pita na Jon insait long tempol, na em i wokabaut na kalap kalap na litimapim nem bilong God.

03/09.txt

@@ -0,0 +1 @@
+\v 9 Olgeta manmeri i lukim dispela man i wokabaut na litimapim nem bilong God. \v 10 Ol i luksave olsem dispela man i save sindaun arere long dua bilong tempol we ol i save kolim Naispela na askim long moni samting; Na ol i pret na kirap nogut tru long wanem samting i kamap long dispela man.

03/11.txt

@@ -0,0 +1 @@
+\v 11 Taim em i holim Pita na Jon i stap, olgeta manmeri i kirap nogut tru na ron i go long ol long verenda ol i save kolim olsem bikpela amamas bilong Solomon. \v 12 Taim Pita i lukim dispela, em i tokim ol manmeri olsem, "Yupela ol Israel manmeri, bilong wanem yupela i kirap nogut? Long wanem yupela i lukluk strong long mitupela olsem mitupela i mekim em i wokabaut long strong bilong mitupela na long pasin bilong bihainim lotu?

03/13.txt

@@ -0,0 +1 @@
+\v 13 God bilong Abraham, Aisak, na Jekop, na God bilong ol papa bilong mipela, em i givim biknem long wokman bilong en, em Jisas. Em tasol yupela i tanim baksait long em na bringim em i go kamap long pes bilong Pailet, taim em i tingting long lusim em i go, \v 14 Yupela yet i givim beksait long dispela Holi na Stretpela Man i nogat asua, na yupela i askim long rausim man i save kilim man i dai i mas i go fri.

03/15.txt

@@ -0,0 +1 @@
+\v 15 Yupela i bin kilim i dai man husait i save givim laip, God i kirapim em gen long dai, na mipela i kamap witnes long dispela. \v 16 Olsem na long bilip long nem bilong em i mekim dispela man i strong na nau yupela i lukim na save long em. Em i tru, long bilip bilong em long Jisas i oraitim bodi bilong dispela man long ai bilong yupela olgeta.

03/17.txt

@@ -0,0 +1 @@
+\v 17 Olsem na ol brata, mi save yupela i no save na yupela i bin mekim dispela pasin. Ol hetman bilong yupela tu i mekim olsem. \v 18 Tasol olgeta samting God i tokaut long maus bilong ol profet long bipo, olsem Krais bai i karim pein, dispela em i kamap nau.

03/19.txt

@@ -0,0 +1 @@
+\v 19 Olsem na yupela mas tanim bel na givim beksait long sin, na God bai rausim sin bilong yupela. Olsem bai Bikpela i kam long yupela na givim strong long yupela. \v 20 Na bai em i ken salim Krais, em i makim bilong yupela, em Jisas tasol.

03/21.txt

@@ -0,0 +1 @@
+\v 21 Em wanpela husait heven antap i ken kisim bek na holim i stap inap long taim God bai kirapim olgeta samting i kamap nupela. Long dispela, God i tok pinis long taim i go pinis long maus bilong ol holi pela profet bilong bipo. \v 22 Moses i tok pinis olsem, 'God Bikpela bai kamapim wanpela profet olsem mi yet namel long ol brata bilong yupela. Yupela bai harim gut olgeta samting em bai tokim yupela.' \v 23 Em bai i kamap olsem namel man bilong yupela. Husait i no harim tok bilong dispela profet na bihainim bai em i kisim bagarap.

03/24.txt

@@ -0,0 +1 @@
+\v 24 Tru tumas, olgeta profet long taim bilong Samuel i kam inap nau, na ol husait i kamap bihain long em, ol i mekim wankain tok olsem, na olgeta i toktok long wanem samting bai i kamap nau. \v 25 Yupela tasol pikinini bilong ol profet na God i pasim tok wantaim yupela long kontrak bilong em, long ol tumbuna bilong yupela, em i mekim wantaim Abraham. 'Insait long pikinini bilong yu tasol olgeta manmeri bilong graun bai kisim blesin.' \v 26 Bihain God i kirapim Wokman bilong en, em i salim em i kam long yupela pastaim na em i ken blesim yupela na yupela i ken tanim bel na lusim olgeta pasin nogut bilong yupela."

04/01.txt

@@ -0,0 +1 @@
+\v 1 Taim Pita na Jon i toktok yet long ol manmeri i stap, ol pris wantaim kapten bilong tempol na ol Sadusi i kam long ol. \v 2 Ol i kisim bikpela hevi tru long wanem, Pita na Jon i wok long skulim ol manmeri na tokaut long kirap bek bilong Jisas husait i bin dai. \v 3 Ol i holim pasim tupela na i putim ol long haus kalabus inap long narapela de, long wanem em klostu em i laik tudak nau. \v 4 Tasol planti manmeri husait i bin harim dispela tok, ol i bilip; na namba bilong ol manmeri i bilip i kamap olsem 5,000 .

04/05.txt

@@ -0,0 +1 @@
+\v 5 Long narapela de; olgeta lida wantaim hetman na ol save man bilong raitim lo i bung wantaim long Jerusalem. \v 6 Het pris Anas tu i stap, na Kaipas wantaim Jon, na Aleksenda, na olgeta lain famili bilong hetpris tu i stap wantaim. \v 7 Taim ol i putim Pita na Jon namel long ol, ol i askim tupela, "Long wanem pawa na, long nem bilong husait yutupela i mekim dispela samting?"

04/08.txt

@@ -0,0 +1 @@
+\v 8 Na Pita i pulap long Holi Spirit, em i tokim ol olsem, "Yupela ol lida na hetman bilong ol manmeri, \v 9 Sapos long dispela de, ol i askim yumi long wanem gutpela wok i bin kamap long dispela sik man, na long wanem as dispela man i kamap orait? \v 10 Yupela olgeta wantaim ol manmeri bilong Israel i ken save olsem long dispela nem bilong Jisas Kraist bilong Nasaret, husait yupela i bin hangamapim long diwai kros, tasol God i bin kirapim em long matmat. Em Long dispela nem tasol, dispela man husait i sanap long ai bilong yupela i kamap orait.

04/11.txt

@@ -0,0 +1 @@
+\v 11 Jisas Kraist em dispela ston yupela ol man bilong wokim haus i bin givim beksait long en, tasol em i kamap namba wan kona ston. \v 12 I nogat narapela nem inap long God i ken kisim bek ol manmeri: Long wanem, i nogat narapela nem aninit long heven God i bin givim namel long ol man bai em i ken kisim bek yumi."

04/13.txt

@@ -0,0 +1 @@
+\v 13 Orait taim ol i lukim strong Pita na Jon i gat, ol i luksave olsem tupela i man nating tasol, na tupela i no bin skul na ol i kirap nogut tru, na ol i luksave olsem Pita na Jon i bin stap wantaim Jisas bipo. \v 14 Na ol i no mekim wanpela toktok long dispela samting, long wanem, ol i lukim dispela man husait i bin orait pinis i sanap wantaim ol i stap.

04/15.txt

@@ -0,0 +1 @@
+\v 15 Tasol bihain long ol i bin tokim tupla aposel long lusim miting bilong ol kaunsel na i go, ol i toktok namel long ol yet. \v 16 Ol i tok, "Mipela bai i mekim wanem long dispela tupela man? Tupela i mekim mirakol na olgeta manmeri i stap long Jerusalem i save pinis; na yumi no inap long haitim dispela samting. \v 17 Tasol long mekim olsem disela tok i noken i go moa long ol manmeri, mipela i mas givim ol strongpela tok lukaut long ol i noken autim tok moa long dispela nem." \v 18 Ol i singautim Pita na Jon i go insait, na ol tok strong long tupela i no ken toktok moa long ol manmeri na i noken skulim ol manmeri long nem bilong Jisas.

04/19.txt

@@ -0,0 +1 @@
+\v 19 Tasol Pita na Jon i bekim tok olsem, "Yupela yet i skelim. Em i orait long ai bilong God long mipela i ken bihainim tok bilong yupela o long bihainim tok God. \v 20 Mipela i no inap long stop long toktok long wanem samting mipela i bin lukim, na mipale i bin harim pinis.

04/21.txt

@@ -0,0 +1 @@
+\v 21 Bihain long sampela moa tok lukaut long Pita na Jon, ol i lusim tupela i go. Ol i no bin inap long painim wanpela asua long mekim save long tupela, long wanem olgeta manmeri i litimapim nem billong God long wanem samting i bin kamap. \v 22 Dispela man husait i bin kisim orait, krismas bilong en i winim 40.

04/23.txt

@@ -0,0 +1 @@
+\v 23 Bihain long ol i lusim Pita na Jon i go. Tupela i go bek long ol manmeri bilong tupela yet na tokim ol long olgeta samting ol bikpris na ol hetman i bin tokim tupela long en . \v 24 Taim ol i harim dispela tok, ol i bungnim maus wantaim i na i singaut long God, "Bikpela, yu tasol i mekim heven na graun na solwara, na olgeta samting i stap insait long ol. \v 25 Long pawa bilong Holi Spirit, yu bin toktok long maus bilong wokman bilong yu Devit em papa bilong mipela, 'Bilong wanem ol haiden i belhat, na ol manmeri i wok long tingting long ol samting nogut?'

04/26.txt

@@ -0,0 +1 @@
+\v 26

04/27.txt

@@ -0,0 +1 @@
+\v 27 Tru tumas, Herot na Pontius Pailet wantaim ol haiden na ol manmeri bilong Israel, ol i bung wantaim long dispela biktaun na ol i birua long Jisas, stretpela wokman bilong yu, husait yu bin makim. \v 28 Ol i kam bung waintaim long mekim olgeta samting yu bin makim pinis bipo long bai i kamap, long strong na long laik bilong yu yet.

04/29.txt

@@ -0,0 +1 @@
+\v 29 Orait, Bikpela, yu lukim olgeta tok lukaut bilong ol, na givim tok orait long ol wokman bilong yu long ol i ken autim tok bilong yu wantaim olgeta strong. \v 30 Putim han bilong yu i go aut na oraitim ol sik man na soim ol sain na ol narakain wok long nem bilong stretpela wokman bilong yu Jisas. \v 31 Taim ol i pinis long beten, dispela ples we ol i bung na beten long en i guria na olgeta lain i pulap wantaim Holi Spirit, na ol i autim tok bilong God wantaim strong.

04/32.txt

@@ -0,0 +1 @@
+\v 32 Planti namba bilong ol manmeri husait i bilip i kamap wanbel long tingting na long bel bilong ol. Nogat wanpela bilong ol i tok long wanem samting em i gat long en i bilong em yet, tasol olgeta samting ol i skelim na kisim wantaim. \v 33 Wantaim bikpela pawa, ol aposel i tokaut long samting ol i bin lukim long kirap bek bilong Bikpela Jisas, na bikpela marimari bilong em i stap antap long olgeta.

04/34.txt

@@ -0,0 +1 @@
+\v 34 I nogat wanpela man o meri namel long ol i sot long wanpela samting, long wanem, olgeta man husait i gat ol liklik samting na ol graun o haus ol i salim na i kisim ol dispela mani i kam. \v 35 na i putim long lek bilong ol aposel, na ol i skelim dispela mani i go long wan wan bilip manmeri inap long mak ol i sot long en.

04/36.txt

@@ -0,0 +1 @@
+\v 36 Josep em i wanpela man long ples Saiprus long lain bilong Livai, husait ol aposel i save kolim nem bilong em Banabas. (As bilong dispela nem i olsem, Pikinini bilong strong nim bel bilong ol man.), \v 37 Em i salim wanpela hap graun na em i kisim mani i go na putim long lek bilong ol aposel.

05/01.txt

@@ -0,0 +1 @@
+\v 1 Wanpela man nem bilong em Ananias, wantaim meri bilong em Sapira, ol i salim hap graun, \v 2 Na em holim bek hap mani ol i salim (meri bilong em i save pinis) na kisim narapela hap bilong mani i go putim long lek bilong ol aposol.

05/03.txt

@@ -0,0 +1 @@
+\v 3 Tasol Pita i tok, "Ananias, bilong wanem na Seten i pulap long bel bilong yu long giamanim Holi Spirit, long holim bek hap mani bilong graun? \v 4 Taim yu no salim yet, em i no stap olsem samting bilong yu? Bihain yu salim, em i no bin stap long lukaut bilong yu, Bilong wanem yu tingim dispela samting na haitim long bel bilong yu? Yu no giamanim man, tasol yu giamanim God. \v 5 Em harim dispela toktok yet na Ananias i pundaun na pulim laspela win bilong em na dai. Bikpela poret i kisim ol manmeri husait i harim dispela toktok. \v 6 Ol yangpela man i kam long em na pasim em wantaim laplap, na karim em i go aut na planim em.

05/07.txt

@@ -0,0 +1 @@
+\v 7 Bihain long tripela haua, meri bilong em i kam insait, em i no save wanem samting i bin kamap. \v 8 Pita i tokim em, "Tokim mi olsem, yupela salim graun long kain moni olsem o nogat." Na em i tok, "Yes, long kain moni olsem."

05/09.txt

@@ -0,0 +1 @@
+\v 9 Na Pita i tokim em, "Bilong wanem yutupela pasim tingting na traim Spirit bilong Bikpela? Lukim, lek bilong ol man husait i planim man bilong yu,i sanap pinis iong dua ,na ol bai karim yu i go autsait. \v 10 Hariap tru em i pundaun long lek bilong em, na pulim laspela win bilong en, na ol yangpela man i kam insait na lukim em i dai; ol i karim em i go na planim em klostu long man bilong em. \v 11 Bikpela poret i kam long olgeta sios, na long olgeta husait i harim dispela ol samting.

05/12.txt

@@ -0,0 +1 @@
+\v 12 Planti ol mirakol na ol narakain samting i bin kamap namel long ol manmeri long han bilong ol aposel. Olgeta i bung wantaim long tempol long banis rum bilong Solomon. \v 13 Tasol i no gat wanpela i gat strongpela tingting long bihainim ol; tasol ol manmeri i save soim gutpela pasin long ol.

05/14.txt

@@ -0,0 +1 @@
+\v 14 Na planti moa bilip manmeri wok long kam yet long Bikpela, planti man na meri tru, \v 15 Olsem na ol i karim ol sik lain i go long taun rot na slipim ol antap long bet na planti mats bai Pita i kam, bai sedo bilong em pundaun antap long ol sampela bilong ol. \v 16 Sampela bikpela namba bilong ol manmeri klostu long ol taun bilong Jerusalem i kam bung, na ol i kisim sik manmeri i kam wantaim ol man spirit nogut i bagarapim ol tu, olgeta i kamap orait.

05/17.txt

@@ -0,0 +1 @@
+\v 17 Tasol hetpris i kirap, na ol lain husait i stap wantaim em ol lain bilong Sadusi ol pulap wantaim tingting nogut, \v 18 Na holim pasim ol aposel, na putim ol i go long kalabus bilong olgeta man.

05/19.txt

@@ -0,0 +1 @@
+\v 19 Tasol long nait wanpela ensel bilong Bikpela i opim ol dua bilong haus kalabus na kisim ol i go autsait, na i tok, \v 20 "Go sanap insait long tempel na autim tok long olgeta manmeri long olgeta tok bilong dispela laip." \v 21 Taim ol harim dispela, ol i go insait long tempel klostu tulait na skulim ol. Tasol hetpris i kam na ol lain husait i bin stap wantaim em, i singautim olgeta bikman i kam bung wantaim, na olgeta hetman bilong ol manmeri long Israel, ol i salim ol long kisim ol aposol long haus kalabus.

05/22.txt

@@ -0,0 +1 @@
+\v 22 Tasol ol wokman i bin i go, ol i no painim ol long kalabus, na ol i kam bek na toksave long ol olsem, \v 23 "Mipela painim aut olsem haus kalabus dua i bin pas gut na ol soldia i sanap long dua, tasol taim mipela opim, mipela i no painim wanpela i stap insait."

05/24.txt

@@ -0,0 +1 @@
+\v 24 Taim kepten bilong tempel na ol bikpris i harim dispela tok, ol i tingting planti bai wanem samting i kamap long ol. \v 25 Na wanpela man i kam na tokim ol olsem, "Ol man yu bin putim ol long haus kalabus ol i sanap insait long tempel na skulim ol manmeri i stap."

05/26.txt

@@ -0,0 +1 @@
+\v 26 Olsem na kepten i go wantaim ol wokman, na kisim ol i kam bek, tasol ol i no bagarapim ol, long wanem, ol i pret long ol manmeri bai stonim ol. \v 27 Taim ol i kisim ol i kam, ol i sanap long ai bilong ol kaunsel. Na hetpris i askim ol, \v 28 na tok, "Mipela i tambuim yupela long noken tokaut long dispela nem, tasol, yupela i inapim Jerusalem wantaim skul toktok bilong yupela na i laik kisim blut bilong dispela man i kam antap long mipela."

05/29.txt

@@ -0,0 +1 @@
+\v 29 Tasol Pita wantaim ol aposol i bekim tok,olsem, "Mipela i mas bihainim God na i no ol man''. \v 30 God bilong ol tumbuna papa bilong mipela i kirapim Jisas, husait yupela i kilim em, long taim yupela hagamapim em long diwai kros. \v 31 God i kisim em na putim em long han sut bilong em long kamap King na Man Bilong Helpim, long givim Israel rot bilong tanim bel, na rot bilong lusim sin. \v 32 Mipela i witnes bilong ol dispela samting, na tu Holi Spirit, husait God i givim long ol lain i bihainim em."

05/33.txt

@@ -0,0 +1 @@
+\v 33 Taim ol kaunsel il bung na harim dispela toktok, ol i belhat na laik kilim ol aposol. \v 34 Tasol wanpela Parasi nem bilong em Gamaliel, em i tisa bilong lo, na olgeta manmeri i save rispektim, em i sanap na givim strongpela toktok long ol aposol i mas i go autsait long liklik taim tasol.

05/35.txt

@@ -0,0 +1 @@
+\v 35 Na em i tokim ol, "Ol man bilong Israel, harim gut wanem samting yupela i pasim tingting long mekim long ol dispela manmeri. \v 36 Sampela taim i go pinis, Teudas i kirap na tok em wanpela kain man, na namba bilong ol man i bihainim em, klostu long 400 i joinim em. Ol i kilim em, na ol lain husait i bihainim em, ol i ranawe nambaut na i nogat wanpela samting i kamap. \v 37 Bihain long dispela man, Judas bilong Galili i kirap long taim bilong kauntim man na em i kisim sampela lain long bihainim em. Em tu i dai, na olgeta lain husait i bihainim em ol i ranawe nabaut tu.

05/38.txt

@@ -0,0 +1 @@
+\v 38 Nau mi tok long yupela, stap longwe long dispela ol man na larim ol. Tru tumas, sapos dispela plen o wok em i kam long ol man, em bai pundaun na bai bagarap.. \v 39 Tasol, sapos em i kam long God, yupela i no inap long pundaunim ol; yupela bai painim olsem yupela i pait wantaim God." Olsem na olgeta i wanbel.

05/40.txt

@@ -0,0 +1 @@
+\v 40 Olsem na ol i singautim ol aposol i kam insait na paitim ol, na tokim ol long noken autim tok long nem bilong Jisas, na larim ol i go. \v 41 Ol i lusim dispela bung wantaim hamamas olsem ol i gat namba long kisim pein long dispela nem. \v 42 Bihain long dispela, olgeta de, insait long tempel na haus i go long haus, ol i wok yet long skulim ol na tokaut long ol olsem, Jisas em i Krais.

06/01.txt

@@ -0,0 +1 @@
+\v 1 Nau insait long ol dispela dei, namba bilong ol disaipol igo planti na komplein i kamap long ol lain Juda i kam long Gris i go long ol lain Hibru, long wanem taim ol i tilim kaikai, ol lain Hibru i no giving kaikai long ol meri we ol man bilong ol i dai pinis.

06/02.txt

@@ -0,0 +1 @@
+\v 2 Ol aposel i singautim bikpela namba bilong ol disaipol i kam na tok olsem, " Em i no gutpela long yumi lusim pasin bilong autim tok bilong God long ol manmeri na yumi skelim kaikai i go long ol. \v 3 Ol brata inap yupela i makim ol man inap long 7pela man namel long yupela yet, man igat gutpela nem, pulap long Spirit na gutpela save, husait em bai yumi makim em long dispela ol wok. \v 4 Na mipela, mipela olgeta bai stap long beten na pasin bilong autim tok bilong God."

06/05.txt

@@ -0,0 +1 @@
+\v 5 Olgeta lain i hamamas long tok ol i mekim. Olsem na ol makim Stiven, man i gat strongpela bilip na pulap long Holi Spirit, na Filip, Prokorus, Nikano, Timon, Pamenas na Nikolas, wanpela man i tanim bel long Entiok. \v 6 Ol bilip man i kisim ol dispela man i kam long ai bilong ol aposel, long ol i ken putim han bilong ol antap long ol na beten na makim ol long mekim dispela wok.

06/07.txt

@@ -0,0 +1 @@
+\v 7 Olsem na tok bilong God i go bikpela; na namba bilong ol disaipol i kamap planti na i bikpela tru insait long Jerusalem na bikpela namba tru bilong ol pris i kam na bihainim rot bilong bilip.

06/08.txt

@@ -0,0 +1 @@
+\v 8 Olsem na Stiven i pulap long marimari na pawa na em i mekim narapela kain ol wok na mirakel namel long ol manmeri. \v 9 Tasol ol sampela manmeri husait ol bilong bikpela haus lotu bilong ol Juda, ol i kolim ol yet friman bilong bikpela haus lotu bilong Juda, biktaun Sairin na Aleksandria, na sampela bilong Silisia na Esia ol i kirap. Dispela ol man i tok pait wantaim Stiven.

06/10.txt

@@ -0,0 +1 @@
+\v 10 Tasol ol i no inap long sanap na tok pait long gutpela tingting we Spirit i givim Stiven long toktok. \v 11 Olsem na ol i hait na tokim ol man long go na tok olsem, "Mipela i harim Stiven i tok bilas long Moses na long God."

06/12.txt

@@ -0,0 +1 @@
+\v 12 Na ol i mekim ol manmeri i belhat, na ol bikman na ol save man bilong lo, ol i holim pasim Stiven na kisim em igo long han bilong ol kaunsil. \v 13 Na ol i kisim giaman man igo na em i tok, "Dispela man i no bin pasim maus long tok kros long dispela holi ples na long lo. \v 14 Tru tumas mipela i harim em i tok olsem, Jisas bilong Nazaret bai bagarapim dispela ples na senisim pasin bilong tumbuna bilong yumi Moses i bin givim yumi long em." \v 15 Olgeta lain husait i sindaun long dispela haus bilong ol kaunsel i putim ai igo long pes bilong em, na lukim pes bilong em i olsem pes bilong ensel.

07/01.txt

@@ -0,0 +1 @@
+\v 1 Het pris i askim olsem, "Ol dispela samting em i tru?" \v 2 Stiven i tokim ol olsem, "Ol brata na ol papa, putim yau long tok bilong mi; Glory bilong God i kamap ples klia long papa bilong yumi Abraham taim em i stap long Mesopotamia bipo long em i go i stap long Haran, \v 3 God i tokim em olsem, "Lusim graun bilong yu na ol lain bilong yu na go long wanpela ples bai mi i soim yu.'

07/04.txt

@@ -0,0 +1 @@
+\v 4 Na em i lusim ples bilong ol Kaldia na i go stap long Haran; long dispela hap bihain long papa bilong en i dai, en i kam long dispela graun we yupela i stap nau. \v 5 God i no givim em hap graun, nogat, na tu i nogat hap inap long em bai putim lek antap long en. Tasol, em i bin mekim promis long em, maski Abraham i nogat pikinini, olsem God bai givim dispela graun olsem samting bilong Abraham na ol tumbuna bilong em.

07/06.txt

@@ -0,0 +1 @@
+\v 6 God i toktok long em olsem, ol tumbuna bilong en bai i stap long narapela hap ples long sampela taim na ol manmeri bilong dispela hap bai mekim ol i wok kalabus na bai ol i bagarapim ol nogut tru inap long 400 yia. \v 7 'Tasol, mi bai kotim dispela kantri we ol Israel i mekim wok bilong ol i stap,' God i tok olsem, 'na bihain bai ol i kam aut na lotu long Mi long dispela ples.' \v 8 Bihain, God i givim kontrak bilong katim skin long Abraham, olsem na Abraham i kamap papa bilong Aisak na katim skin bilong Aisak long namba 8 dei. Na Aisak i kamap papa bilong Jekob na Jekob i kamap papa bilong ol 12-pela hetman.

07/09.txt

@@ -0,0 +1 @@
+\v 9 Tasol, ol dispela hetman i belhat long Josep na ol i salim em i go long Isip tasol God i bin i stap wantaim em \v 10 na i helpim em long olgeta hevi bilong em. Em laikim Josep na givim gutpela tingting bilong Em long Josep long pes bilong Fero, em king bilong Isip na em i mekim Josep gavana bilong Isip na bilong olgeta lain bilong Fero.

07/11.txt

@@ -0,0 +1 @@
+\v 11 Nau wanpela bikpela angre i kamap long olgeta hap bilong Isip na Kenan, na bikpela bagarap tru i kamap, olsem na ol papa bilong mipela i nogat rot long painim kaikai. \v 12 Tasol, taim Jekob i harim olsem i gat kaikai long Isip, em i salim ol papa bilong mipela i go long namba wan wokabaut bilong ol long painim kaikai. \v 13 Long namba tu wakabout bilong ol papa bilong mipela i go painim kaikai, Josep i mekim em yet i kamap ples klia long ol brata bilong em na Fero tu i luksave long ol lain bilong Josep.

07/14.txt

@@ -0,0 +1 @@
+\v 14 Josep i salim ol brata bilong em i go bek long tokim papa bilong em Jekob long kam long Isip wantaim olgeta lain bilong em, na namba bilong olgeta lain em 75 olgeta. \v 15 Olsem na Jekob i go daun long Isip, em wantaim ol papa bilong mipela tu i dai. \v 16 Ol i karim bodi bilong Jekob wantaim ol pikinini bilong em i go long Sekem na putim long matmat we Abraham i bin baim wantaim silva long ol pikinini man bilong Hamor bilong Sesem.

07/17.txt

@@ -0,0 +1 @@
+\v 17 Olsem na taim i kam klostu bilong dispela promis i kamap ples klia, em dispela promis we God i bin mekim long Abraham, ol lain manmeri bilong Israel i kamap planti tru long Isip, \v 18 i go inap wanpela king i kamap na bosim Isip na dispela king i no bin save long Josep. \v 19 Dispela king i giamanim ol manmeri bilong mipela na strong long ol papa long putim ol liklik pikinini i kamap ples klia long ol i noken i stap laip.

07/20.txt

@@ -0,0 +1 @@
+\v 20 Long dispela taim Moses i kamap, na em i naispela moa yet long ai bilong God na ol i lukautim em inap long 3-pela mun insait long haus bilong papa bilong en. \v 21 Taim ol i putim em i go autsait, pikinini meri bilong Fero i kisim em na lukautim em na em i kamap bikpela na i kamap olsem pikinini man bilong em yet.

07/22.txt

@@ -0,0 +1 @@
+\v 22 Moses i bin kisim skul long olgeta save bilong Isip na em i kamap bikpela tumas long toktok na wok bilong em tu. \v 23 Tasol taim em i kamap 40 krismas, bel bilong en i kirap long em i go lukim ol brata bilong en, em ol lain Israel. \v 24 Em i lukim wanpela man Israel i kisim bagarap long han bilong wanpela man Isip na em i helpim dispela man Israel na kilim i dai dispela man Isip; \v 25 Moses i ting olsem ol brata bilong en bai i save olsem God i kisim ol bek long han bilong Em yet, tasol ol i no luksave.

07/26.txt

@@ -0,0 +1 @@
+\v 26 Long dei bihain, em i kamap long ol lain Israel na em i lukim ol i kros namel long ol yet i stap na em i laik kamapim bel isi namel long ol na em i tokim ol olsem; 'Ol man, yupela ol brata yet, bilong wanem na yupela i wok long bagarapim yupela yet?' \v 27 Tasol dispela man husait i givim hevi long wantok bilong em yet, i pusim Moses i go longwe na i tok, 'Husait i mekim yu olsem bos na jas bilong mipela? \v 28 Yu laik kilim mi wankain olsem yu bin kilim dispela man Isip aste?'

07/29.txt

@@ -0,0 +1 @@
+\v 29 Moses i ranawe taim em i harim dispela tok na em i kamap man bilong narapela hap long graun bilong ol Midia, we em i kamap papa bilong tupela pikinini man. \v 30 Taim 40 yia i pinis, wanpela ensel i kamap long en long ples nating bilong Maunten Sainai insait long paia long wanpela bus.

07/31.txt

@@ -0,0 +1 @@
+\v 31 Taim Moses i lukim paia, em i kirap nogut tru long dispela samting em i lukim, olsem na taim em i go klostu moa long lukim, wanpela tok i kamap maus bilong Bikpela na i tok olsem, \v 32 'Mi God bilong ol papa bilong yu na God bilong Abraham na Aisak na bilong Jekob. Taim Moses i harim dispela tok, em i pret nogut tru na em i no laik lukluk moa.

07/33.txt

@@ -0,0 +1 @@
+\v 33 Bikpela i tokim Moses olsem, 'Rausim sendol long lek bilong yu, long wanem, ples yu sanap long en, graun em i holi. \v 34 Mi lukim tru hevi bilong ol manmeri bilong Mi husait i stap long Isip, na mi harim krai bilong ol na Mi kam daun long kisim ol bek, nau yu kam, bai mi salim yu go long Isip.'

07/35.txt

@@ -0,0 +1 @@
+\v 35 Dispela Moses ol i bin givim baksait long en, taim ol i bin tok, 'Husait i mekim yu bos na jas?' Dispela Moses tasol, em God i salim olsem bos na man bilong kisim bek ol long kalabus bilong Isip. God i salim em long han bilong ensel husait i bin kamap long Moses long dispela bus. \v 36 Moses i kisim ol i kam aut long Isip, bihain long em i mekim planti mirakel na ol sain insait long Isip na long Solwara bilong Rid, na long ples nating inap long 40 yia. \v 37 Em displea Moses tasol husait i bin tokim ol lain Israel olsem, 'God bai i kirapim wanpela profet namel long yupela ol brata na em bai wanpela profet olsem mi.'

07/38.txt

@@ -0,0 +1 @@
+\v 38 Dispela em i man husait i bin bung wantaim ensel long ples nating we ensel i bin toktok long en long Maunten Sainai. Dispela man husait i bin i stap wantaim ol papa bilong mipela na em dispela man i bin kisim tok i gat laip long givim mipela. \v 39 Dispela man em husait ol papa bilong mipela i no laik harim tok bilong en na ol i rausim em i go longwe namel long ol na insait long bel bilong ol, ol i laik tanim i go bek long Isip. \v 40 Long dispela taim ol i tokim Aron olsem, "Mekim wanpela god husait bai i go pas long mipela. Long wanem, dispela Moses husait i bin kisim mipela i kam aut long graun bilong Isip, mipela i no save wanem samting i bin kamap long en.'

07/41.txt

@@ -0,0 +1 @@
+\v 41 Olsem na ol i wokim piksa bilong wanpela liklik bulmakau na kisim ol ofa i kam long dispela piksa na ol i amamas, long wanem, em samting han bilong ol i bin wokim. \v 42 Tasol, God i tanim na i givim ol i go long ol i ken lotu long ol sta bilong skai olsem tok i bin i stap long buk bilong ol profet olsem. 'Ating yupela i givim Mi ofa bilong ol wel abus yupela i kilim long ples nating insait long 40 yia, yupela haus bilong Israel?

07/43.txt

@@ -0,0 +1 @@
+\v 43 Yupela i wanbel na kisim haus lotu sel bilong Molek na sta bilong god Refan na ol piksa yupela i wokim na lotu long ol, olsem na bai Mi karim yupela i go longwe tru i abrusim Babilon.'

07/44.txt

@@ -0,0 +1 @@
+\v 44 Ol papa bilong mipela i gat testimoni bilong haus lotu sel long ples nating, wankain olsem God i bin toktok strong long Moses, olsem em i mas wokim wankain olsem mak na piksa em i bin lukim. \v 45 Dispela em haus sel we ol papa bilong yumi i bin kisim olsem bilong ol yet i kam, na ol i kisim wantaim ol i go insait long Kenan wantaim Josua. Long ai bilong ol papa bilong mipela, olgeta samting bilong dispela ol lain we God i rausim ol long ples graun bilong ol, Em i givim long ol papa bilong mipela olsem samting bilong ol. Dispela haus sel i stap wantaim ol papa bilong mipela inap long taim bilong Devit, \v 46 na em i painim bel bilong God long ai bilong en na em i askim God bai em i ken painim wanpela ples we God bilong Jekob i ken stap.

07/47.txt

@@ -0,0 +1 @@
+\v 47 Tasol, Solomon em i man husait i bin wokim haus bilong God. \v 48 Tasol, Bikpela em i God antap tru na Em i no save stap long ol haus ol man i save wokim long han, olsem ol profet i bin tok, \v 49 Bikpela i tok, 'Heven em sia king bilong Mi na graun em ples Mi save putim lek bilong mi long en. Wanem kain haus bai yupela i wokim bilong mi? Na wanem hap ples bai Mi kisim malolo?' \v 50 Han bilong Mi yet i no bin wokim olgeta dispela samting?'

07/51.txt

@@ -0,0 +1 @@
+\v 51 Yupela ol lain bilong sakim tok na i no bin katim skin long bel na yau bilong yupela, yupela i no save larim Holi Spirit i mekim wok bilong en, na dispela pasin yupela i mekim, em i wankain olsem ol pasin ol papa bilong yupela i bin mekim bipo. \v 52 Wanem ol profet ol papa bilong yupela i no bin bagarapim ol? Ol papa bilong yupela i bin kilim ol profet husait i wok long kam paslain long dispela Strepela Man; olsem na nau yupela tu i kamap ol lain bilong putim ol man long han bilong birua na yupela i kamap ol man bilong kilim em tu, \v 53 yupela i kisim lo ol ensel i bin kamapim tasol yupela i no holim pas dispela lo."

07/54.txt

@@ -0,0 +1 @@
+\v 54 Na taim ol kaunsel i harim dispela ol toktok, ol dispela toktok i sutim tru bel bilong ol na ol i belhat stret long Stiven. \v 55 Tasol Stiven i bin pulap long Holi Spirit i lukluk i go antap long heven na em i lukim glori bilong God; na em i lukim Jisas i sanap i stap long han sut bilong God. \v 56 Stiven i tok, "Lukim, mi lukim heven i op na mi lukim Pikinini Man i sanap i stap long han sut bilong God."

07/57.txt

@@ -0,0 +1 @@
+\v 57 Long dispela ol kaunsel memba i pasim yau bilong ol na singaut strong moa yet na olgeta i ran i go long Stiven. \v 58 Ol i pulim Stiven i go autsait long biktaun na ol i wok long tromoi ston long em na ol manmeri i lukluk long en, ol i putim jaket bilong ol long lek bilong wanpela yangpela man nem bilong en, em Sol.

07/59.txt

@@ -0,0 +1 @@
+\v 59 Taim ol i tromoim ston long Stiven, em i singaut i go long Bikpela na i tok olsem, "Bikpela Jisas, kisim spirit bilong mi." \v 60 Em i brukim skru na singaut strong olsem, "Bikpela, noken holim rong bilong ol" Taim em i tok olsem pinis, em i dai.